Piernik Toruński

[broneknotgeld]

Niy yno piernik w tym wontku rycy
Co ło Toruniu i okolicy?!

[broneknotgeld]

800 lot

Ponoć piernik toruński łoziymset lot piekom
No toż niy dziwota że na niego czekom.

[broneknotgeld]

Bez jajec

Bez jajec dyć z miodym
Czy smakuje modym?

[broneknotgeld]

Marzynie

Monka miod korzynie
Piernik jak marzynie.

[broneknotgeld]

Ponoć

Ponoć piekorz stary - nockom umynczony
Miodym monka poloł - wypiyk ciasto łonym
Tako se pomyloł dyć szpecyjał wyszoł
A Toruń do sławy skiż niego chnet prziszoł.

[broneknotgeld]

Katarzynki

Katarzynkom wiela pszoł
Nawet Kaśka w doma mioł.

[broneknotgeld]

Richtig

Dyć już go piykli w wieku czinostym
Kunszt możno wtedy był nawet prosty
Chełmińsko ziymia monka dowała
Barć podtoruńsko miodym zlywała
A że przez grod tyn szoł szlak handlowy
Wschodnich korzyni smak piernikowy.

[broneknotgeld]

Ale żech z tym wyłonaczoł
serwisy.gazeta.pl/kraj/1,34309,2766317.html
Jarmark Kaśki dyć se zaczoł.

[broneknotgeld]

Czamu piernik mi sie śnioł?
forum.gazeta.pl/forum/72,2.html?f=71&w=25210736&v=2&s=0
Bo łon przeca Kaśki boł.

[broneknotgeld]

Kaśka i mysz

Cołkym naszo Kaśka siyrotom łostała
Z Benedyktynkami w klosztorze miyszkała
Aże głod w Toruniu był wtedy niymały
Mniszki swoja strowa biydnym rozdowały

Roz frela widziała jak kot chycioł mysz
Co z niom chcioł wynokwiać dyć pewnikym wiysz
Jednak Kaśka kota za wczasu przegnała
Mysz przi tymu życie swoje zachowała

Dyć krol to był myszy - tako ci przigoda
Co sie potym dzioło - wiela by tu godać
Dość że jyj pokozoł w podziymiach klosztoru
Krzinie pełne ciasta monki wiela worow

Zakonnice zaczły piernik z tego piyc
Katarzynkom zwany - ło tym teroz wiydz
Szejść medalijonow złonczonych kształt dało
A miasto se chnetko w tym rozsmakowało.

[broneknotgeld]

Inkszo legynda ło Kasi prawi
Co ze niyj cera dobro se jawi
Pomoc chorymu chciała fatrowi
Toż przeca wiycie - piernikorzowi

Jako umiała ciasto zrobiyła
Trefym szczyńśliwym to wykrojyła
I torunianom posprzedowała
Na kuracyjo piniondze miała

Ludzie w Toruniu piernik tyn brali
Fest jego smakym se dziwowali
Toż receptura ich zochwyciyła
W nia pszonie łojca Kaśka wsadziyła.

[broneknotgeld]

"Serce Kopernika"

Piernik z astronomym se tako tu zloł
Kup bo i uciecha bydziesz wtedy mioł.

[broneknotgeld]

"Scherco"

Take pierniki w Toruniu piekom
Toż na muzyka przi nich jo czekom
Zdziwiono mina? Co z tego przidzie?
Przeca ło kunszt Chopina w tym idzie.

[broneknotgeld]

Co mo Chopin do piernika?

Ano był w Toruniu - zochwycoł se niym
I piernik mioł w zocy - to na pewno wiym.

[broneknotgeld]

Gustaw Weese

Serce astronoma piyk łon tukej piyrszy
Wiedzioł co w Toruniu Kopernik nojwyrszy.

[broneknotgeld]

Wiela?

Wiela mustrow piernik mo?
Niy zrachuja mi sie zdo.

[broneknotgeld]

Czego to z piernika niy wypiekom tukej?
-Lepi w swoji gowie terozki niy szukej.

[broneknotgeld]

Toruń

Miasto Kopernika?
Czy yno piernika?

[broneknotgeld]

Kopernik

Choć Frombork bardzi był mu pisany
Toż torunianin to przeca znany.

[broneknotgeld]

Gyszynk

Piernik na gyszynk
Mustrym ciekawy
Dyć zymby ze niym
Majom zabawy.

[broneknotgeld]

Toruński piernik na kuracyjo
Jak żeś ze sercym miywoł mecyjo
Toż i pigulorz mioł go na składzie
Chocioż tyż bywoł łon ku paradzie.

[broneknotgeld]

Toruński piernik cieszoł i krola
Przeca wos teroz niy byda fulać
Tako reklama miastu fest dowoł
Ze norymberskim w zawody stowoł.

[broneknotgeld]

Jak mo korzyń piernik stary
To niy kuszom jeszcze mary.

[broneknotgeld]

Przez żołondek

Przez żołondek do serca wandrusa
Piernik bez to sie zdo jak pokusa.

[luna-a]

Piernik to też pokusa
na wirtualnego psikusa...

;b!

forum.gazeta.pl/forum/71,1.html?f=26289

[broneknotgeld]

Dyć niy darmo Kaśka
Kusiyła niym Jaśka.

[luna-a]

Piernik może być podtekstem,
zawsze słodkim jest pretekstem.

;b!

[broneknotgeld]

Piernik pierniczy
Na cosik liczy.

[broneknotgeld]

Co wywrożyła
forum.gazeta.pl/forum/72,2.html?f=28940&w=48061866&a=72476645
To spierniczyła.

[broneknotgeld]

Jechoł w Toruniu
Piernik na koniu.

[broneknotgeld]

Kaśka i mysz
-
Cołkym naszo Kaśka siyrotōm ôstała
Z Benedyktynkami w klosztorze miyszkała
A że głōd w Toruniu bōł wtedy niymały
Mniszki swoja strowa biydnym rozdowały

Roz frela widziała jak kot chycioł mysz
Co z niōm chcioł wynokwiać dyć pewnikym wiysz
Jednak Kaśka kota za wczasu przegnała
Mysz przi tymu życie swoje zachowała

Dyć krōl to był myszōw - tako ci przigoda
Co sie potym dzioło - wiela by sam godać
Dość co jyj pokozoł w podziymiach klosztoru
Krzinie z korzyniami, mōnki wiela worōw

Zakōnnice zaczły piernik z tego piyc
Z Katarzynki mianym - ô tym teroz wiydz
Szejść medalijōnōw pokuplować zdało
A miasto sie chnetko w tym rozsmakowało.

www.slazag.pl/katarzynki-w-zabytkowym-tramwaju-beda-bezplatne-przejazdy-przez-bytom-swietochlowice-chorzow-i-katowice

[luna-a]

Pierniczuś

Z natury każdy mężczyzna lubi być wielbionym,
a zwłaszcza mężowie lubią, gdy ich chwalą żony...
Dobrym słowem u panów, jak tynfem, można wiele kupić,
lecz zwrotem do mena ‘pierniczusiu’ można się wygłupić.
Bo choć pieją peany piernikom, że miodowe, że to ciasto naj… naj…
Czy można wypominać piernikowi, że choć korzenny, to jednak bez jaj?

;b!

forum.gazeta.pl/forum/71,1.html?f=26289

[broneknotgeld]

Tako Luna tu pierniczy
Pewno roki moje liczy.

[broneknotgeld]

Jo piernik stary żech ciyngym słodki
-Tela tu szkryfna na jeji godki
Dyć se łostawia w swojim sumiyniu
To co som myśla ło tym korzyniu.

[broneknotgeld]

Wiysz czamu "kaśka" mo taki kształt?
Szejść razy wziynto i niy na gwałt.

[broneknotgeld]

Lunie

Możno u źrodła wontek pociongniesz
forum.gazeta.pl/forum/72,2.html?f=71&w=25163380&v=2&s=0
We zocny tymat tako se wprzongniesz.

[naata]

Nie potrafię pisać o piernikach
Za tom dobra w ich wypiekach
Jeden se wypiekłam słodki lukrem malowany
Dziś on twardy, stary piernik, ale jeszcze kofany!
;-)))

[broneknotgeld]

Toruń se asi
forum.gazeta.pl/forum/72,2.html?f=71&w=25210736&v=2&s=0
Że grodym Kasi.

[broneknotgeld]

Korzyń piernika trza w zocy mieć
Jak dugo yno "chce nom sie chcieć".

[waga.w]

Kuszących "pierników"
wszędy jest bez liku ...

[broneknotgeld]

Starych?
Czy jarych?

[luna-a]

Pracowałam ja za fallę...
Pewien korzyń ciyngym chwallę...

;b!

forum.gazeta.pl/forum/71,1.html?f=26289

[broneknotgeld]

Pewno korzyń mandragory
Dyć jo niy jest taki chory
I niy kuszom "czary mary"
Boch tyż jeszcze niy za stary.

[ciupazka]

Hehe... zafciało Ci sie fraski o piernikak?
Jo ci radze, trza od luny, cy do luny
smykać...? Przecie Ty jesce chłop na schwoł
i ie jednego "piernicka" byś jyj doł...

[broneknotgeld]

Ciupazko - przi piontym krziżyku
Zy mie już szpec łod uniku.

[broneknotgeld]

Jeszcze jak krziżyk był szworty
To czowiek cosik był worty.

[broneknotgeld]

No bo wiysz, jeszcze prze sztydziechom, jak żech se blikoł na jakoś połsagato
modo frelka, to łona mogła pedzieć;
"CO SE NAPOLOSZ?"
A terozki to już yno;
"CO SE GAPISZ?"

[broneknotgeld]

Tako już ze tym "piernikym" bywo
Se niy napolo a yno dziwo.

[luna-a]

Pierniczka z dziureczką w środeczku pragnę sprezentować...
Piernika z dziureczką słodko lukrowaną proszę pokosztować...
Można mlaskać, ciamkać, chrupać smakiem rozkoszować...
Trzeba się napalać, dziwować i śmiechem skwitować...

;b!

forum.gazeta.pl/forum/71,1.html?f=26289

[broneknotgeld]

Ano - napolić to richtig trza
Bez tego niy ma pirnika - pra?

[broneknotgeld]

Piernikowo Aleja
forum.gazeta.pl/forum/72,2.html?f=71&w=25353539&v=2&s=0
Szuko dobrodzieja.

[broneknotgeld]

Aleksander Wolszczan

Kopernika idzie śladym
Niy ma na to już tu rady.

[broneknotgeld]

Sie ruszo

Ziymia sie ruszo a słonko stoji
Ale uciecha - powiym to moji
Mioł ci Kopernik tyn pomyślunek
Dlo inkszych z tego jednak frasunek.

[broneknotgeld]

Toruń 1473

Tu Mikołaj se urodzioł
Bajtlym po Toruniu chodzioł
Niymiec z niego był czy Polok?
-Toż terozki już niy bolok.

[broneknotgeld]

Konsek Torunia na Marsie leży
I na Ksiynżycu - możecie wierzyć
Dyć czasym myśla se - do cholery
Czamu to yno som te kratery?

[broneknotgeld]

Przetrwała

Toż wojna łostatnio Starowka przetrwała
Szczyńście take wielke we tym richtig miała.

[broneknotgeld]

Toruńske riksze

Rikszom po Starowce piyknie se tu karniesz
Potym do Torunia już na zowdy garniesz.

[broneknotgeld]

Miasto sztudyntow

Toż tyn Toruń uniwerek
Jakby dlo sia cołkym biere.

[broneknotgeld]

"Toruń - gotyk na dotyk"

Hasło zdo sie świyże
Dyć z tego plynkiyrze
Na rynkach mieć idzie
Jak macać se bydzie.

[broneknotgeld]

Krziwo wieża

Ta wieża w Toruniu piyrwyj basztom była
Sztyrech ścian niy miała - bestoż se krziwiyła
Ku miastu bo przeca łotwarto z ty strony
Dyć do dzisioj stoji choć niy skiż łobrony.

[broneknotgeld]

Starowka

Starowka toruńsko ło wiekach durś prawi
Przituli kożdego nauczy ubawi.

[broneknotgeld]

Kamiynica pod Gwiazdom

Zdo sie niy dziwać ta kamiynica
Tam kaj Kopernik pokozoł lica.

[broneknotgeld]

Toruńske mury

Toruńske mury i dzisioj zocne
Toż fundamynty majom durś mocne
W basztach i bramach ludzie miyszkajom
Czy downym dziejom tukej tyż pszajom?

[broneknotgeld]

Tako dycho

Starowka historiom dycho
Co z fundamyntow aż gicho
I cegłom richtig fest krasi
Toruń gotykym se asi.

[broneknotgeld]

Katedra

Katedra toruńsko wieżom siyngo nieba
We słonko i gwiozdy zoglondać tu czeba
W niyj Kopernik krzczony bestoż niy dziwota
Że mu sztimowała takowo robota.

[broneknotgeld]

Krziżacki Toruń

Miasto Krziżakom zowdziynczo wiela
Niczym wpiyrw była tutejszo sztela
Choć torunianie zamek zbulyli
Dyć piyrwyj dobrze z Zakonym żyli.

[broneknotgeld]

Pod Grunwaldym torunianie przi Zakonie stoli
Przeca se ło swoje miasto tyż pierońsko boli
Albrecht Rothe burgemajster dwiesta ludzi wiod
Dyć tam klynska zdo sie jakby poczontkym ich szkod

Przi Jagielle już zwyciynstwo - Zakon traci sie
Toż by z wrogym w końcu wygrać ciyngym geldu chce
Toruń ciyrpi Toruń płaci - w kasie widać dno
Miast z roboty se bogacić we tym droga zło

Bezto chnet przi krolu stanom - niych wos niy dziwuje
Że te miasto ku Koronie łoczy już keruje
Tukej zdo sie dobrze wiedzom kaj zwyciynstwo przidzie
A mieszczanie richtig wolom niy siedzieć we biydzie.

[broneknotgeld]

Toruń 6.II.1454

Na zamek wdarli se już miyszczanie
Ano toż wiymy co z niym sie stanie
Drapko go cołkym prawie zbulyli
Dyć yno hajziel tu łostawiyli.

[broneknotgeld]

Reformacyjo w katedrze

Podzielyli katedra w tych czasach na poł
Z prawy katolicki zdo sie kościoł boł
Ze lewy stowali yno luterany
Tako "razym" żyli w wierze toruniany.

[broneknotgeld]

Pryngiyrz (XVII w)

Stoł we toruniu yjzel takowy
Rzić żeś umynczoł - wstyd loz do gowy
Jak nikerymu bardzi tu "pszali"
Do nog ciynżary jeszcze wionzali.

[broneknotgeld]

Wilkierz 1523

Wilkierz piernikorzy doł surowe prawa
Piyc piernik to przeca niy była zabawa
Harowoł u majstra - za nauka płacioł
Na jego robocie łon se dyć bogacioł

Toż jako czeladnik na wander iśc czeba
Majstrow inkszych szukać - niy jakegoś nieba
Kierzy swojym fachym by se z niym dzielyli
Tako doświadczyniym "uczniowi" służyli

Potym "mutjar" jeszcze u mistrza zocnego
Egzamin i w końcu mog mustrym istnego
Piyc piernik "na swojym" wiela yno chcioł
Bele na poczontek geld tyż jakiś mioł.

Pierniczki rodzinne...

[luna-a]

Domowe aromatyczne pierniczki najbardziej smakują;
i atmosferę rodzinną wyczarują, no i Święta zwiastują.

[broneknotgeld]

Aże we kuchni wonio z bratruły
Roz żech zjod wszyske - kurowołch buły.

Staromiejski ratusz

[broneknotgeld]

Staromiejski Ratusz

Staromiejski ratusz rozrosnoł ze czasym
Dzisioj je zobytkym richtig piyrszy klasy.

Toruński ratusz

[broneknotgeld]

Rynek XIII/XIV wiek

We trzinostym wieku już tam ratusz stoł
Toruń sukiynnice przeca nawet mioł
I ławy chlebowe, i sztandow dość wiela
I wogom, i sondym asiyła ta sztela.

[broneknotgeld]

A wszysko na rynku, dyć tako godziyło
Choć wele, we kupie nojpiyrwyj niy było.

[broneknotgeld]

Ratusz - 1393

Ano, nowy ratusz rajce budowali
Co wpiyrw tu łosobno to pokuplowali
Stanoł epny ratusz, stanoł dwusztokowy
Mistrz Andrzej podźwignoł mustrym gotykowym
Dwiesta rokow prawie stoł we szacie taki
Tyn kery je dzisioj niy cołkym jednaki.

[broneknotgeld]

Ratusz 1602-1604

Za przebudowa juzaś chyciyli
Trzeci sztk tako mu dołożyli
Z bokow wieżyczki, fasadow szczyty
Takim go dzisioj widzom kobiyty
Takim go dzisioj widzom i chopy
Perłom Torunia, miasta Europy.

[broneknotgeld]

Sala Krolewsko - 1501

W Sali Krolewski tego ratusza
Jan Olbracht łoddoł Bogowi dusza
Czy go we Polsce fest żałowali?
Dyć czas niy stanoł, polecioł dali.

[broneknotgeld]

Toruń - 1703

Szwedom trza było Toruń zdobywać
Przeca niy idzie sie tymu dziwać
Miasto bogate, kusi łupami
Toruń uciyrpioł fest ze Szwedami.

[broneknotgeld]

Ratusz 1722-1737

Po szwedzki utropie juzaś Toruń dźwigo
Remontujom ratusz, rada w tym niy migo
Do downy świytności tako prziwrocajom
Grosza niy poskompiom, szwong tu juzaś majom.

[broneknotgeld]

Ratusz - XVIII w.

Co Szwedy zniszczyli zaś łodbudowali
Barokowe szczyty budowli dodali
Tyż dźwiyrza we środku, te intarsjowane
Prawie ratuszowi były wtedy dane

Dzisioj nos zodziwio, Toruń sie niym asi
Wieżą zdo mu rokym co porami krasi
A tych prawie sztyry - wieżyczki na rogach
Sal epnych dwanoście porachować moga
Przi tymu zdo łokyn jako dni we roku
Niy wierzysz? Som zrachuj terozki boroku.

[broneknotgeld]

Muzeum Okryngowe

Ano, we ratuszu siedziba mo zocno
Historyjom blyszczy i kunsztym fest mocno
Na dole je sakrum, piyrszy sztok pokorze
Jako richtig dzioło na tym "miejskim dworze"
A wyzyj kunszt prawie, zodziwiom łobrozy
Pokukać tam zdo sie niy roz - wiela razy.

[broneknotgeld]

Ratuszowo wieża

Niym tyn ratusz dźwigli już sam wieża stoła
Niy tako wysoko, dyć z niyj szło zawołać
Na tyn Toruń Stary - głos siyngoł na Nowy?
Głos zwonu dolecioł - na gowa żech zdrowy.

[broneknotgeld]

Z ratuszowy wieży

Trza Toruniowi ze wieży dziwać
Wiśle tyż idzie ze niyj pokiwać
Schodow zdo wiela, dyć niy ma strachu
Na sztokach wieży ździybko poklachom
I podziwuja tyż historyji
Co zocnom była, bez komedyji.

[broneknotgeld]

W sali krolewski

W sali krolewski, ty portretowy
Krolom podziwosz, starym, niy nowym
Nikierzy prawiom - krola zaś trza by
Dyć ponoć piyrwyj sie wrocom żaby.

[broneknotgeld]

W Toruniu kaczo epidymijo?
Richtig niyszczyńście - niy komedyjo.

[broneknotgeld]

Kosztowołch u tanty Lyjny
Taki kyks "radiomaryjny".

[broneknotgeld]

Toż Toruń Rydzykym słynie
Taki piernik w ty dziedzinie!

[broneknotgeld]

Trza z Torunia było zmykać
Dyć mom cosik skiż piernika
forum.gazeta.pl/forum/72,2.html?f=28940&w=25163202&v=2&s=0

[broneknotgeld]

A toruński piernik znocie?
Cosik ło niym tukej mocie!

[broneknotgeld]

Toruń - Europejsko Stolica Kultury 2016?

Czy to przidzie Toruniowi?
Kto coś ło tym dzisioj powiy?

[broneknotgeld]

To niy wic
Z tego nic.

[broneknotgeld]

Muzeum Piernika
wyborcza.pl/56,126565,12010572,Kujawsko_Pomorskie___Zywe_Muzeum_Piernika_i_Exploseum_,,2.html
Bydziecie tam klikać?

[broneknotgeld]

Latoś żech w Toruniu był
Toż niy byda tego krył.

Z historii - Toruń

[broneknotgeld]

Toruń - 1233

Łod tego roku już Toruń w prawie
Dyć jako szkryfnońć mi ło ty sprawie
Iże tyn piyrszy zicnoł kaj ińdzi?
A kej czas wartko pyńdzioł i pyńdzi
Nic po tym piyrszym nom niy łostało
Nic coby łoko ludzke widziało

Pewne co dugo tako niy było
Wartko ta sztela sie przekludziyło
Na miejsce w kerym do dzisioj stoji
W kerym ta Wisła pieronym stroji
Kaj ratusz blyszczy i kaj kościoły
Yno tyn zamek je niywesoły.

[broneknotgeld]

Piyrwyj

Piyrwyj dwa miasta Toruń kuplowoł
Stare i Nowe - wcale niy zdowo
Pomiyndzy niymi zamek stoł klinym
Tako do dzisioj we murach driny?

[broneknotgeld]

W państwie krziżackim

W państwie krziżackim Toruń rozkwitoł
Kery tam kuknie niy bydzie pytoł
Bo choć som zamek jejich w ruinie
Zobytkow wiela we ty dziedzinie.

[broneknotgeld]

Kejś Stare Miasto

Kejś Stare Miasto ze Wisły żyło
Stond do Bałtyku sie dopłynyło
Toż stoło handlym, stoło torgami
Zdowało perłom miyndzy murami.

[broneknotgeld]

Toruń portym

Tymu niy dziwejcie, chcioł rownać Gdańskowi
Łod morza daleko dyć kożdy niych to wiy
Iże ze Bałtyku szify tu płynyły
I kupcow tutejszych richtig bogaciyły.

[broneknotgeld]

Nowe Miasto 1264

Kej w Starym Mieście ciasno już było
Te Nowe Miasto wartko stanyło
Choć niy portowe, łod rzeki dali
Dyć rosło wartko, jakby "na fali".

[broneknotgeld]

Toruń - 1997

Toruń na liście UNESCO blysnoł
Sie niy dziwejcie iże tam wcisnoł
Choć czasu wiela szteli zleciało
Coś po tym przeca tukej łostało.

[broneknotgeld]

Toruń zodziwio

Toruń gotykym ciyngym zodziwio
Sztela ta dzisioj zdo być szczyńśliwo
Asi rynkami i kościołami
Murym przi Wiśle co ze bramami.

[broneknotgeld]

28.XII.1233

Tyn Herman von Salza - wielgi mistrz Zakonu
Ze Hermanym Balkym tu, niy po kryjomu
Toruń lokowali i Chełmno tyż prawie
Miasta chnet rozkwitnom jako śnik na jawie
I choć Toruń jeszcze przekludzić tyż przidzie
Dyć na prawyn brzegu Wisły prawie bydzie

[broneknotgeld]

Toruński zamek

Piyrwyj ze drzewa warownia była
Dyć drapko murym z cegły stanyła.

[broneknotgeld]

Toruński zamek - 1255

Pewne co stoł tam już murowany
Mono niy cołkym wybudowany
Mono trza na to rokow mu wiyncy
Dyć krziżak wtedy tukej niy klynczy.

[broneknotgeld]

Toruń - 1280

Toruń Stary w Hanzie prawie
Leci richtig mu ciekawie
Sie bogaci, nikt niy traci
Handel przeca tu łopłaci

Toż kupiectwo richtig kwitnie
I rzemiosła nikt niy wytnie
W zocy wiela port wiślany
Toruń słynie swojim mianym.

[broneknotgeld]

Toruń - 1410

Kej już po bitwie grunwaldzki było
Miasto Jagielle prawie trefiyło
Tako łoddało hołd tyż krolowi
Łon prziwileje nowe im jowi
Dyć czy na dugo? Co niesie życie?
Pokoj Toruński - pewnikiym wiycie.

[broneknotgeld]

Toruń - 1411

Pokoj Toruński majom we gowach
Toż przi Krziżakach łoni łod nowa
Polska za rzekom juzaś terozki
Dyć niy godajom co "dopust boski".

[broneknotgeld]

6.II.1454

Zwionzek Pruski Zakonowi z tym dniym sie przeciwi
Wiela potym drap pomiyni, richtig to niy dziwi
Krola Polski chnet uproszom coby być w Koronie
Istny na to chyntnie godzi, dyć na tym niy koniec.

[broneknotgeld]

8.II.1454 - Toruń

Mieszczany toruński zamek zdobywajom
Do dzisioj w ruinie, wom przeca niy bajom
Grod ku Polsce ciongnie, przeciw Zakonowi
Dyć tako zaś wojna we tych stronach jowi.

[broneknotgeld]

Toruń - 6.III.1454

Krol Kazimierz Jagiellończyk ze Polskom kupluje
Toruń, Gdańsk i Elblong tako - Prusy uraduje?
Dyć sie Zakon niy pogodzi, wojna juzaś were
Przez trzinoście rokow aże, krwi wiela nabiere.

[broneknotgeld]

II Traktat Toruński - 1466

Toruński rynek mono niy dziwoł
Na Dwor Artusa przi tymu kiwoł
Kaj Zakon tracioł, sie na to godzioł
Prusy Krolewske z Warmjom krol wodzioł
Ku Polsce prawie, ku ty Koronie
Państwa Zakonu tako już koniec
Prusy Ksionżynce teroz na wschodzie
Kej lynnym Polski, majom żyć w zgodzie.

Mury Torunia

[broneknotgeld]

Mury Torunia

Nojpiyrwyj wały tu yno były
Z drzewa, ze ziymi - licho chroniyły
Dyć niy na dugo, sztela drap rosła
Do murowanych murow tyż doszła
Zakon podźwigoł zamek ceglany
A miasto mury we kerych bramy.

[broneknotgeld]

Pod Krziwom Wieżom

Pod Krziwom Wieżom z murow łostało
Co piyrwyj miasto te łotoczało
Dyć trza pamiyntać jeszcze ło fosie
Choć łod połednia ta Wisła mo sie.

[broneknotgeld]

Downe mury

Dyć downe mury z blankami były
Kere łobrońcow przed wrogym kryły
W co drugi blance tyż wonsko dziura
Z kery mog kukać tyn co na murach
I sie niy tropić strzałami wroga
Przi Krziwy Wieży durś kuknońć moga
Tyż po chodniku wiyrchym połazić
Z łuka niy byda nikogo razić.

[broneknotgeld]

Te stare mury

Te stare mury choć z cegły były
We środku kamyń i gruz ukryły
Zalone maltom co ze wopiynia
Kwardsze łod wałow we kerych ziymia.

[broneknotgeld]

Toruńske baszty

Nojpiyrwyj baszty trzi ściany miały
Stykły drabiny, w tym koncept cały
Kej napastniki baszta zdobyli
Łobrońcy z dalsza ich tyż trefiyli

Kej mury niske miastu dodali
Cołkym te baszty łobudowali
Ze szwortom ścianom, dachym przikryte
Baszty zdowajom wom niyzdobyte?

Toruń flisokow

[broneknotgeld]

Toruń flisokow

Toruń flisokow tyż zocnom sztelom
Kuknij na rynek, uwierzysz brelom
Gro flisok Iwo na krzipkach prawie
Żabom rzympoli ło jakiś sprawie
Cera burmistrza chnet ślubnom jego?
Łon krolym żabow zdo skuli tego?

[broneknotgeld]

Dynkmal flisoka - 1914

Na staromiejskim rynku dźwignyli
Iwo rzympoli tam łod ty chwili
Rzympoloł w wojny, we czas pokoju
Krzipce niy grajom przeca do boju
Ludzie je słyszom, czy yno żaby?
Mie ło tym rymym coś szkryfnońć trza by.

[broneknotgeld]

Ło toruńskich żabach

Kejsik toruniany żebroczka przegnali
Dyć ze jeji strony klontwy doczekali
Coby miasto jejich słynyło żabami
I tako drap stało - przeca wiycie sami

Żaby w kamiynicach, w ratuszu, w kościele
Niy usłyszołś nikaj ani ptoka trele
Yno durś tych żabow łoszydne kumkanie
Strach co bydzie dali, jako ze tym stanie?

Burgemajster tropioł, rajce fest tropiyli
W końcu dać nagroda wielgo uradziyli
Tymu kery by ich wybowioł łod plagi
Rynka cery burmistrz tyż łoddo - bez blagi

Wisłom prawie flisok Iwo drzewo spłowioł
Niy piyrszy roz istny w ty szteli zabowioł
Mioł cudowne krzipce z drzewa lipowego
Toż wieść ło nagrodzie doszła drap do niego

Ano, dyć zaradzioł, krzipki mu zagrały
Żaby za muzykom weg wywandrowały
Tam kaj wioska Mokre za murami była
Plaga ze Torunia tako sie straciyła

Iwo sie wzbogacioł, erbnoł wiela grosza
I rynka łod cery burgemajstra - głosza
Dyć nojwiynkszym skarbym durś mu krzipce były
Groł na nich do końca, zabroł do mogiły

Nikierzy prawiyli co wele połnocy
Słychać krzipce było, niy widziały łoczy
Ani Iwa tukej, ani insztrumyntu
Bestoż dynkmal dźwigli? Niych je, łon niy piyntom.

www.facebook.com/195759197165658/photos/a.2082218711853021.1073742181.195759197165658/2082218828519676/?type=3&theater

[broneknotgeld]

A mono trza by
Spomnieć te żaby.

www.facebook.com/groups/332939560673928/posts/845213582779854/

Dwor Artusa

[broneknotgeld]

Dwor Artusa

Piyrwyj gotykym dziedzina krasioł
Chocioż był myńszy, Toruń niym asioł
Bo przeca zowdy w niym dzioło wiela
Yno gotyku już niy ma - tela.

[broneknotgeld]

Dwor Artusa - 1385

Ano, we Toruniu tako być musiało
Dwor Artusa dźwigli, niy bez cufal stało
We tym czasie przeca miasto w Hanzie było
Kupcow sie tam wiela richtig bogaciyło
We Dworze Artusa ta "miejsko śmietonka"
Niy jako szuminy co ze biyra dzbonka.

[broneknotgeld]

We Dworze Artusa - 1466

Stoł tu łod wiekow, pewnikym wiycie
Co we niym Zakon zdo - łoddoł życie
Pokoj Toruński mistrz podpisywoł
Polsce doł wiela, niyjedyn dziwoł
Dyć kej mu miasta pobuntowały
Kej wsparcie Polski we tym dostały
Kej pozbył Gdańska, Chełmna, Malborka
Kej Toruń, Elblong - tyż "polske ziorka"
Co mu łostało? Dość wiela przeca
Prawie te Prusy co z "princa neca".

[broneknotgeld]

Dwor Artusa - 1802

Tyn piyrszy, gotycki, prawie tu zbulyli
Niywiela zetrwało - drugi podźwignyli.

[broneknotgeld]

Dwor Artusa - 1829

Toruń, choć był twierdzom, grod garnizonowy
Szynknoł Dwor Artusa juzaś przeca nowy
Dyć wiek dziewiytnosty, pewno zodziwicie
I drugi łobaloł - wiynkszy łoboczycie.

[broneknotgeld]

Przekupka toruńsko

Przed świyntym Marcinym istno tako stoła
Przed świyntym Marcinym - pila cosik boła.

www.facebook.com/groups/332939560673928/posts/931789004122311

[broneknotgeld]

Kaśka i mysz

Cołkym naszo Kaśka siyrotōm ôstała
Z Benedyktynkami w klosztorze miyszkała
Richtig głōd w Toruniu był wtedy niymały
Mniszki swoja strowa biydnym rozdowały

Roz frela widziała jak kot chyciōł mysz
Co z niōm chcioł wynokwiać dyć pewnikym wiysz
Jednak Kaśka kota zawczasu przegnała
Mysz przi tymu życio już niy postrodała

Dyć krōl to był myszy - tako ci przigoda
Co sie potym dzioło - wiela by tu godać
Kocur jyj pokozoł w podziymiach klosztoru
Krzinie pełne ciosta, mōnki wiela worōw

Zakōnnice zaczły kyksa z tego piyc
Z „katarzynki” mianym - ô tym teroz wiydz
Szejść medalijōnōw skuplować im chciało
Miasto tako maszkyt nojwiynkszy swōj miało.
www.facebook.com/groups/332939560673928/posts/1028965064404704/