Rudzke gyburstagi

[broneknotgeld]

Fajrowoł żech już na tych forach je pora razy i bestoż trza to wspomnieć i
pociongnońć dali.
Przeca łobiycoł żech szkryflać wiela rymow aże do 50-lecio Rudy Ślonski.

44

[broneknotgeld]

"A imie jego 44"
Wiycie co znaczy to do cholery
Chnet piyńć sztyrdziści przeca tyż pódzie
Mie i co ważne - tyj Ślonski Rudzie.

[broneknotgeld]

Bestoż terozki niy śpia po nocach
I przi komputrze czynsto sie poca
Bo na gyburstag gyszynk - te forum
Chca by tu wiela było humoru
Coby szło pedzieć w nastympny rok
Do szczyńścio bliży my som zaś krok.

[broneknotgeld]

Możno te rymy zebrać nom pódzie
I na gyburstag wydać we Rudzie.

[broneknotgeld]

Pomysłow tukej naciepać szło by
Co w tyj intyncji we Rudzie robić.

[broneknotgeld]

Niy mo pomysłow richtig ta Ruda?
Piyknie tu bydzie jak jo sie póda?!

[broneknotgeld]

Dropia sie teroz we swoja pała
Dyć rola błozna mi sie dostała!

[broneknotgeld]

A tu ciyngym yno cisza
Jo sie z tego nic niy ciysza.

[broneknotgeld]

Na gyburstag

Przeca Ruda naszo Ślonska
Piyrsze zrobić tu "Dni Ślonska".

[broneknotgeld]

Ideja

Dni Ślonska teroz siedzom mi w gowie
Chyba na czasie je to ideja
Pomog by we tym mi dobry czowiek
Bestoż w Internet pomysł tyn sieja.

[broneknotgeld]

Nadzieja

Mom ta nadzieja mocno chca wierzyć
Że miasto chyci ta sprawa
Bydymy mogli te dni sam przeżyć
I udo sie nom zabawa

[broneknotgeld]

Termin

Termin mi taki prziszoł do gowy
Bydzie dość dobry - nic we nim złego
Wybroł żech drugi weekend majowy
No a nojlepi tak łod siodmego.

[broneknotgeld]

Hasło

Hasłym zaś bydzie "Ślonsk i Europa"
Terozki chycić to musi
Może sie skończy naszo utropa
Yno trza euro tu kusić.

[broneknotgeld]

I tak dali

We Rudzie piyrszy roz by to było
Potym leciałoby dali
Za rok kajś indzi by sie krynciyło
My by sie tam radowali.

[broneknotgeld]

W końcu

W końcu z kożdego regionu konska
Z Grinberga po Katowice
Miasta by chciały robić Dni Ślonska
Marzonc ło takim zaszczycie.

[broneknotgeld]

Pomysł

Jo bych notgeldy przi tym wystowioł
Na kerych Ślonsk je nasz cały
Jednych bych uczoł a inszych bowioł
Taki moj pomysł je mały.

[broneknotgeld]

Propozycjo

Dyć z tego forum tyż wybrać szło by
Zwrotki nojlepsze zofcite
I tomik fraszek z tego by zrobić
By go promować we dni te.

[broneknotgeld]

Rajzy i ferie

A może by tak torg turystyki
Naszy tutejszy tyż ślonski
Po co wyjyżdżać nad Adratyki?
Znosz piykne ziymi tyj konski.

[broneknotgeld]

Film

Trza przeglond filmow tyż zrobić przi tym
Tymatym ślonskim sie chwolić
Niy boć sie jakiś niymondrych krytyk
Kryńcić a mamlasow smolić.

[broneknotgeld]

Apel

Ze tego forum wszyskich chca prosić
Wciepcie tu swoje pomysły
Pomożcie mi ta ideja głosić
By te Dni Ślonska nom wyszły.

[broneknotgeld]

Brifmarki

Myśl je to chyba tyż łoczywisto
Wciepnońć tyn tymat filatelistom
Ślonsk na brifmarkach by pokozali
Piyknie ideja poleci dali.

[broneknotgeld]

Artysty

Jakby łodkurzyć ślonskich malyrzy
Kierzy we sztuce naszy miyszali
Za ich kunszt teroz trza by nom przirzyc
Że już bydymy ich pamiyntali

[broneknotgeld]

Cajtongi

Cajtongow ślonskich momy tu tela
Że ich zrachować sie niy łośmiela
Jakby je wszyske zebrać cuzamyn
Mioły by dni te wiela reklamy.

[broneknotgeld]

Kiermasz ksionżki

Kiermasz sie marzy piykny niymały
Z ksionżkom ło naszym regionie
To już łobchodow punkt byłby stały
Trza nom to zrobić - jeronie!

[broneknotgeld]

Ze fary

Taki mom pomysł tyż niybanalny
Konkurs gazetek - tych parafialnych
Na naszych farach łone sie siedzom
A za szyroko ło nich niy wiedzom.

[broneknotgeld]

Wice

Jakby zaś wciongnońć w to Masztalskego
Tego wielkego łod wicow szpeca
Raj by to chyba był tyż dlo niego
Bo śmiychu wiela nom potrza przeca.

[broneknotgeld]

Biyr

Biyra ślonske świynto
We maju być może
Piwosz niych pamiynto
A browar pomoże.

[broneknotgeld]

Szkolorske cajtongi

No a te szkolne piykne cajtongi
Kaj zmiana wachty sie chowo
Dyć to som cołkym dobre ibongi
Nagrodzić - niych rosnom zdrowo.

[broneknotgeld]

Wic

Dyć te Dni Ślonska to durś je wic
A jo je plymnik i wiyncy nic
Ale z nadziejom budza sie co dnia
Że ślonskich vipow może zapłodnia.

[broneknotgeld]

Gwara

Ta naszo piykno ślonsko gwara
Mo we te dni tyż blyszczeć jasno
Już teroz ło to trza sie starać
My niy mogymy dać i zgasnońć.

[broneknotgeld]

Kabaret

Ślonski kabaret sie rozwijo
Chocioż poleku mu to leci
Niych łon Dni Ślonska niy łomijo
Bawić mo starszych a i dzieci.

[broneknotgeld]

Tyjater

A we tych świyntach wspomnieć tyż trza tu
Postać Bieniasza i jego sztuki
Kto by niy klackoł naszymu bratu
Tyn by łoberwoł we czoło cmuki.

[broneknotgeld]

Rano

Niych we te ślonske nasze świynto
Budzi nos rano łorkestra dynto
Choby w Barborka paradynmarszym
Bo tyn nasz zwyczaj je dużo starszy.

[broneknotgeld]

Parada

Parada Ślonska i Europy
Przyńdzie sie Rudy ulicami
Bajtle kobiyty no i chopy
Bydom sie bawić razym z nami.

[broneknotgeld]

Szport

Niby tu pisza durś zażorcie
A prawie nic niy ma ło szporcie
Dyć na to tyż je prosto rada
Zrobiymy ślonsko szpartakiada.

[broneknotgeld]

Nagroda

Jo na tym forum tyż już łopisoł
Orderu Ślonska odzanaka
Dyć taki pomysł teroz mi prziszoł
I wcale niy je to draka

Ślonsko nagroda szłoby fondować
Dlo tych co tukej coś wniyśli
I we te dni by trza jom nadować
Take we gowie mom myśli

A "order" byłby znakym nagrody
Trza by go nosić z honorym
I kożdy Ślonzok stary i mody
Wiedziołby kto je tu wzorym.

[broneknotgeld]

Drachy

Drachy do bajtli to je zabawa
Raczy na jesiyń niy w maju
Jednak przemyśleć szłoby ta sprawa
Drachy tyż radość nom dajom.

[broneknotgeld]

Zlot

Yno żeś wciepoł tukej swoj rym
Zarozki ida za tym jak w dym
Trza by we Rudzie zrobiyli zlot
Miyszkańcow kerych niy ma łod lot.

[broneknotgeld]

Kłodnica

By insze miasta miały coś przi tym
Zarozki widza jo Dni Kłodnicy
Te dni tyż szłoby co roku robić
Tam kaj ta rzeka koryto żłobi.

[broneknotgeld]

Termin

Co do terminu to inszo sprawa
Dyć nojważniejszo je w tym zabawa
Skiż mie sie niy trza ty daty czimać
To idzie zmiynić - liczy sie tymat.

[broneknotgeld]

Jo już som niy wiym jak to rozruszać
Przeca dość czynsto te rymy brusza.

[broneknotgeld]

Piyńć sztyrdziści lot - dyć coś!
Czy tu szkryfnie słowo ktoś?

[broneknotgeld]

Zbliżo sie już piyńć sztyrdziści
Co sie z tego w Rudzie ziści?

45

[broneknotgeld]

No - miasto sie doczekało
Trza by tyż pofajrowało.

[broneknotgeld]

Na gyburstag w naszy Rudzie
Myśla jo ło jakimś cudzie
Możno konkurs chyci tukej
Ło niym tymat tyż poszukej.

[broneknotgeld]

Coś se rudzke władze rocznicom niy chwolom
Pewnie jakeś inksze - wynojdzone wolom.

[broneknotgeld]

Dyć "Dni Rudy..." chnetko przidom
Możno to świyntować bydom.

[broneknotgeld]

Ze "siedymdziesiontki" Chorzow se raduje
Ruda gyburstagu swojego niy czuje?

[broneknotgeld]

45-lecie Rudy Ślonski

Już do ty rocznicy władze sie prziznały
Szkryfna yno tela - postymp to niymały.

[broneknotgeld]

We "Wiadomościach" juzaś szkryflajom
Cosik niyśmiało. Czy stracha majom?

46 i 47

[broneknotgeld]

Sztyrdziści szejść i sztyrdziści siedym
Czas drapko leci jak w dzionek jedyn.

47

[broneknotgeld]

We sztyrdziestym siodmym roku "rudzki ery"
forum.gazeta.pl/forum/72,2.html?f=261&w=9906973
Już ustanowione. Czy wnerwio sie kery?

48

[broneknotgeld]

Dwa miesionce przyńdom chnet
Ło to może być tu wet.

[broneknotgeld]

Możno choć na forum fajer przirychtować
I rymow ło Rudzie ze tym wiyncy dować.

[broneknotgeld]

Jakby niy patrzeć cosik se kończy
Czy na tym forum ktosik "nabronczy"?

49

[broneknotgeld]

Sztyrdziesty dziewionty se nom jakby stracioł
Dyć przeca we rymy juz Ruda wzbogacioł.

50

[broneknotgeld]

"Abrahama" ciyngym jest
Czy fajrujom richtig fest?

[broneknotgeld]

Fajrowali
Dyć już dali.

51

[broneknotgeld]

Prawiom - marno to rocznica
Tak czy siak - raduje lica.

[broneknotgeld]

Co roku łod nowa
Trza roki rachować.