Ło tym naszym gminnym płacie

[broneknotgeld]

Stania mie zwyzywo? HOMOSOVIETICUS
Dyć tyn wontek tukej to niy jakiś psikus
Miała godać ło tym jeszcze Rada Miejsko
"Piyrszo" sesjo była - dyć podobnoś sielsko

Płat już "przedowniony"? To dlo nich niy tymat?
A możno ich wszyskich biere przi tym tryma?
Szczyńściym jednak tukej rudzke forum momy
I ło tym co mynczy tyż se poszkryflomy.

[broneknotgeld]

Piyknie by było
Jakby chyciyło.

[broneknotgeld]

Na wspominki se zebrało
forum.gazeta.pl/forum/72,2.html?f=261&w=13924778&a=14180518
No i link tyn przikulało.

[broneknotgeld]

Hehehe - musza sie wom prziznać, że dzisioj żech sie fest uradowoł.
Ano, bo przi bloku na Grodzki, tym wele kościoła, stowiajom rusztowania.
Jeszcze latoś w siyrpniu MZBM dało na piśmie, że lokatory nawet niy majom ło
czymś takim śnić, bo przeca na to niy ma grosza.
No, jednak niy te słowa "stały sie ciałym".
Joch już przeca na tym forum "z pewnom takom niyśmiałościom" wspominoł ło tym,że
możno bydymy mieli nowo halymbianka.
No bo jak yno zafundowali nom podwyżka płatu, to zabrali sie tyż na Grodzki za
generalny remont miyszkania (pewno wskaźnik remontowy MPGM wzrośnie). Prawie
przez piyńć miesiyncy szykowali w bloku piykny apartamynt.Powiycie, że jak tak
dugo to pewnikym niygospodarnie, dyć myńsza ło to.
Cołko Halymba łod wiosny klachała yno ło tym, że to dlo Otylii Jędrzejczak.
Hehehe - niy na darmo nasz "piyrszy po Bogu" chlapnoł, że naszymu Motylkowi może
postawić dwie wanny w miyszkaniu, bele yno chciała sie zameldować w Rudzie.
No i terozki apartamynt jest gotowy. Otylio możno go jeszcze niy widziała, ale
jyj familijo już tam była.
Forsztelujcie se jednak terozki tako.
Przijadom reportery połoglondać jak jak ta naszo mistrzyni miyszko w ty Rudzie.
W środku som bajer, dyć w nojgorszym halymbskim bloku. Przeca już żech tyż
pisoł, co nasi radni łod porunostu lot wyłażom z kościoła i ciyngym paczom pod
nogi, bo niy chcom widzieć ty "reprezyntacyjny" czyńśći naszy dzielnicy.
No toż "paparacci" wszelki maści mieliby ubaw. Co tam miyszkanie, przeca
woleliby pokozać taki blok.
Szczyńściym bydzie inaczy. Niy zawdziynczomy to jednak ani Stani, ani MPGM, yno
medalom Otylii Jędrzejczak. Jyj samyj po prowdzie tyż niy, bo przeca to jest
wontek ło "naszym płacie".
No toż terozki dali byda sie cieszoł z tego, że jednak cosik robiom z tom
elewacjo bloku. W ty intyncyji wypija se piwo. Jedne, boch przed mitagszychtom.
Pozdrowiom wszyskich.
broneknotgeld

[paul11]

Ciekawe wiela na bezrok dzwigną zkuli tych elewacji opłaty i wiela ludzi
przestanie płacić.

[broneknotgeld]

Hehe, niy idzie tu ło ta elewacjo. Łona miała być zrobiono za piyrszy kadyncji
Wesołego. A że wtedy zaczli robić te bloki łod zadku, to na przodku niy
skończyli. We ty naszy Rudzie wiela jest na łodwyrtka, to i idzie godać "z
przodku muzeum - z zadku liceum". Tynki łodpadały cołkimi płatami i już downo
mogło dońść do niyszczyńścio. No ale terozki już cosik zrobiom. Niy skuli
niyszczyńścio, a skuli szczyńśćio. Naleja sie terozki koniaka za sukcesy
olimpijske naszy Oti.
Na zdrowie.

[broneknotgeld]

Ocieplać bydom ta elewacjo
Trza zrobić Oti za to owacjo
A kolor bloku? -Możno w błynkicie
Jak woda w "Oti" basynie - wiycie.

[broneknotgeld]

Już blok łoblykli we rusztowania
Cieszy se z tego niy yno Stania
Podobnoś nawet cołko Halymba
Karlus mi pedzioł w knajpie na gymba.

[broneknotgeld]

Ło tym naszym płacie w "Trybunie" szkryfnyli
Dyć do Internetu zajty niy wsadziyli.

[broneknotgeld]

Logować se tam niy byda
Dyć link na to taki dom
www.trybuna-slaska.com.pl/index.php?lnk=egazeta
Możno zy mie jest łobrzida
Ale tekst tyn jo już znom.

[broneknotgeld]

Na stronie siodmy szkryfnyli ło tym
Możno wlejziecie tam se tyż potym.

[broneknotgeld]

No ja, prawie czytom "Wiadomości Rudzke", a w nich tekst "Czynsze bez zmian".
Z tego co tam szkryfnyli wyniko, co niy szło ło lipcowo podwyżka - ta już jest
przeca faktym, choć jeszcze latym Stania tego "niy był pewny".
Łaskawie radni klepli (pod dyktando) to, że w 2005 i 2006 podwyżek płatu niy
bydzie. No, chyba że potym uchwalom inaczy. Tela z tego wiymy.
Swojom drogom te nasze "Wiadomości" richtig ciekawie piszom - zacytuja coś inkszego:

"Radni zobowiązali też prezydenta do wniesienia wkładu własnego, umożliwiającego
realizację projektu Rudzki Żak".

Hehe, jak to piyknie brzmi - "wkład własny". Pomyślołby kto, że mu zoglondnyli
do potmaneja, a przeca yno nom wszyskim tako zoglondajom.

[broneknotgeld]

Kurde, terozki widza, że jednak "piyrszymu" zoglondnyli do potmaneja.
Ło ty sesji znoloz żech trocha tyż w "Głosie Zabrza i Rudy Śl". Tam szkryfnyli
miyndzy innymi tako: "...dostosowano wynagrodzenie prezydenta do wysokości
określonej w rozporządzeniu Rady Ministrów z dnia 2 marca..."
No i piyknie. "WR" ło tym niy napisały ale wspomniały za to ło akcji
"Przejrzysta Polska". Możno to w ramach ty "rudzki przejrzystości".

Hehe, pewnikym w nastympnym numerze szkryfnom cosik wiyncy ło gaży naszego
prezydynta, bo przeca to tyż naszo gazeta.