Poezjo SMS-owo

[broneknotgeld]

Poezjo SMS-owo
broneknotgeld 28.11.2003 08:52 + odpowiedz

W "Gazecie Wyborczy" ło tym napisali
Że to teroz modne. Pieronym na fali
Możno z czasym bydzie nasze forum w modzie
Choćby nawet yno we ślonskim narodzie.

[broneknotgeld]

Re: Poezjo SMS-owo
broneknotgeld 28.01.2004 18:37 + odpowiedz

Ło powinszowania tukej mie prosiyli
Mie niywiela czeba coby sie przichylić.

ślubne

[broneknotgeld]

Niych wom czimie na dichtongu
By niy doszło do szajdongu.

[broneknotgeld]

Procynt w doma niych niy braknie
- Zowdy tela co sie "łaknie".

[broneknotgeld]

Bajtle niychej sie fest sujom
A ciyrpiynio Bozia ujon.

[broneknotgeld]

We dostatku zowdy żyjcie
Geld i bajtli wiela miyjcie.

[broneknotgeld]

Jak nojwiyncy gorkich nocy
Pszoniu to dodowo mocy.

[broneknotgeld]

Piykny kusiol przi ołtorzu
Łoczy jakby wom łotworzoł
Pszonie kere w nich widzicie
Miyjcie już przez cołke życie.

[broneknotgeld]

Coby nudelkula w byfyju leżała
Na ciasto nudlowe yno sie wkulała.

[broneknotgeld]

Jo wesela wom winszuja
Choć żech w laciach - rymy suja
Niych sie bajtle pryndko rodzom
Zowdy noce dni pogodzom.

[broneknotgeld]

Niychej kusioli we życiu styknie
Bo z niymi przeca zowdy jest piyknie.

[broneknotgeld]

Niychej i przi szwigermuter
Tyż smakuje życio futer!

[broneknotgeld]

Synka spłodzisz, domb zasadzisz
Chałpa dzwignońć tyż poradzisz!

Na Złote Gody

[broneknotgeld]

Na Złote Gody

Kej Złote Gody do ludzi idom
Zowdy bogactwym, nigdy niy biydom
Choć tref złym darzy, dobrym tyż tako
Ptok zaświyrgoli abo zakrako

Ponboczek dowo jako i biere
Roki som dobre i złe nikere
Ćmok nocy miyni sie w jasne słonko
Promyk we ślonski duszy dyć tonko

Pszonie kupluje i dowo życie
Co jo Wom prawia - Wy downo wiycie
Kej Złote Gody niych w sercach radość
Za Waszo zocność na zowdy zadość.

walyntynka

[broneknotgeld]

Moj kwiotuszku złoty miły
Durś ci pszaja po cichutku
To już niy na moje siyły
Bliknij na mie boch we smutku.

[broneknotgeld]

Czy Walynty nom pomoże
pszoć sie w doma i na dworze?

[ciupazka]

broneknotgeld napisał:

Czy Walynty nom pomoże
pszoć sie w doma i na dworze?


Komu pomoze, to pomoze
A nieftorym, dej ze Boze!

[broneknotgeld]

Luna tyż "walyntynkowo"
forum.gazeta.pl/forum/72,2.html?f=28940&w=23540974&a=36654733
Pszoniym żyje - sie wydowo.

[broneknotgeld]

Prawiom co richtig wielke niycnoty
Niy ciyrpiom wcale na hercklekoty.

[broneknotgeld]

Trza nom we nocy serca ciepłego
Coby se zowdy łogrzoć łod niego.

[broneknotgeld]

Na lipsta blikosz
Serce se dźwigo
Ty do niyj rzykosz
A łone "migo".

[broneknotgeld]

We pszoniu siyła - niy jakeś "piynty"
forum.gazeta.pl/forum/72,2.html?f=28940&w=24395563&a=36659519
Pamiynto ło tym patron Walynty.

[broneknotgeld]

Toż trza nom sie ciyngym pszoć
Skarbu duszy niy śmieć boć.

[broneknotgeld]

"Dziyń Zakochanych"

Dlo tych co pszajom - Chełmno stolicom
forum.gazeta.pl/forum/72,2.html?f=28940&w=24316700&a=36673140&s=4
Tam na relikwio świyntego liczom
Gowy kawałek Istnego majom
Chełmińske frelki nojbardzi pszajom.

[broneknotgeld]

Zowdy profit a niy szkoda
Jak ku dobru leci moda.

[broneknotgeld]

Taki link tyż tukej dom
forum.gazeta.pl/forum/72,2.html?f=28940&w=56936646
Niych Walynty niy jest som.

[broneknotgeld]

Chocioż waja
Przeca pszaja.

[broneknotgeld]

Choć Walynty chnet se straci
Przeca pszonie durś bogaci.

[broneknotgeld]

Witom w tyn dziyń Walyntego
Skuli pszonio tyż świyntego.

[broneknotgeld]

Co? Bōg kozoł weg lyźć z Raju?
Wierzyć tymu? Baju, baju?
Kej na ôbroz Swōj nos stworzōł
Niy dziwejcie – ôpowożōł
Człowiek raj we duszy nosić
Kej chce – sie niy musi prosić
Kej chce – z pszonio raj podźwigo
Kej chce i kej w tym niy migo.

www.facebook.com/groups/332939560673928/posts/1594175147883690

wielkanocnie

[broneknotgeld]

[broneknotgeld]

Kroszonka łod kury jest wyrszo
Podobnoś zowdy nojpiyrszo.

[broneknotgeld]

Jajca w życiu wiela wożom
Toż niych se wom wszyskim mnożom.

[broneknotgeld]

Ze zajonczkym szczyńście idzie
W familiji niychej bydzie.

[broneknotgeld]

Jajco w piontek malowane
Ze niym szczyńście w życiu dane.

[broneknotgeld]

Hazok gyszynk niych prziniesie
Toż świyntować przeca chce sie.

[broneknotgeld]

Z maszketami hazok przidzie
Słodko w gymbie richtig bydzie.

[broneknotgeld]

Gryfny kroszonki tako winszuja
Z niom szczyńście w doma - to forszteluja

[broneknotgeld]

Chnet uciecha bydzie
Zmartwychwstanie przidzie!

[broneknotgeld]

Dyngus gryfność frelce darzy
Toż być mokro kożdo marzy.

[broneknotgeld]

Przi śmigusie

Niy załujcie istny wody
A nojbardzi frelce mody
By wypszono w życiu była
Karlusowi niy skompiyła.

[broneknotgeld]

Jajco kacze
Niychej kwacze.

[broneknotgeld]

Jajca twardego
Wielkanocnego!

[broneknotgeld]

Po pełni miesionczka co prziłaci wiosnom
Podobnoś jajeczka zajonczkowi rosnom.

[broneknotgeld]

Byda ze tym jo do zgody
Powinszuja - zimny wody!
Toż nojlepszo w druge świynto
Niy łod dzisioj przeca wiym to!

[broneknotgeld]

Niy wyciongna jakiś bajek
Toż winszuja krasych jajek.

[broneknotgeld]

Medytujom ło parfinie
Dyć niych woda je niy minie.

[broneknotgeld]

Dyć winszuja wody
Niy yno ty mody.

[broneknotgeld]

ALLELUJA

Już momy niydziela - grob cołkym łotwarty
A ciała Jezusa w środku wcale niy ma
Możno je wykradli - dyć to niy som żarty
Z martwych powstoł? Może radować sie ziymia?

Maria Magdalyna przi grobie łostała
Anioły spytały jom czamu fest ślimto
Z niymi ALLELUJA piyrszo zawołała
Postać jego przeca ujrzała tyż świynto.

[broneknotgeld]

Niych Wielkanoc fest raduje
I świyncone wom smakuje.

[broneknotgeld]

Niych wom jojka niy brakuje
Kery mo je tyn raduje.

[broneknotgeld]

W piyrsze świynto przi śniodaniu
Niych świynconki niy brakuje
Tako we tym Zmartwychwstaniu
Z niom se Ducha Jego czuje.

[broneknotgeld]

Z powinszowaniym przi Wielkanocy

Toż niychej latoś, przi Wielkanocy
Czowiek łotworzy szyroko łoczy
Niy po to ziymi jego stworzynie
Niy po to dusza mo i sumiynie
Coby zatracić, coby przekryślić
Co niy ze jego je przeca myśli
Co Stworcy prawie, ze Jego woli
Trza by my tymu naprowdy pszoli
Tymu służyli z cołki swyj duszy
Przi Wielkanocy SŁOWO niych ruszy.

www.facebook.com/groups/332939560673928/permalink/561398261161389/

[broneknotgeld]

Anō - tako na "zajōnczka"
Dusza jako w kwiyciu łōnczka
Miyjcie przi ty Wielkanocy
Pōn Bōg niych dokłodo mocy.

[broneknotgeld]

Kej przōdzi było te SŁOWO
Kej to proroki jowiyli
Kej Zmartwychwstały Łōn stowo
Trza by my gynau wierzyli

Kej z jojka życie sie kluje
I kej ôdrodzać poradzi
Niych siyłōw Wōm niy brakuje
Plōn darzy tymu co sadzi.

www.facebook.com/photo/?fbid=482128698503068&set=a.482128675169737

[marijankaonline]

Oda do jajca wielkanocnego

Łoj Ty moje jajco
Tak wysztrajchowane
Take kolorowe
I take ciaciane
Kej szkorupa Twoja czaskom
To jo przy tym zaros mlaskom
A kej widza Twoje biołtko
We pojstrzodku piykne żołtko
To mi ślina zowdy leci
Przecaś lepsze niż kotlecik
Majonyjzym Cie szmaruja
Łostrym chrzonym tyż czynstuja
I ze solom dobre tyż
Tak ci przaja
Eli wiysz?

autor

Barbara Politaj

[broneknotgeld]

Po ślonsku niy majom
Czy godce niy pszajom?


www.dziennikzachodni.pl/artykul/3402511,zyczenia-wielkanocne-nowe-badz-oryginalny-i-zloz-zyczenia-na-wielkanoc-2015-sms-na-wesolo,id,t.html

Na gyburstag

[broneknotgeld]

Na gyburstag sto kusioli
Łod ty freli kero wolisz.

[broneknotgeld]

Sto lot!

Sto lot w robocie
I wiela pociech!

[broneknotgeld]

Na Abrahama

Na Abrahama rokow połowa
Na druge tela trza mocno gowa.

[rita100]

przepraszam
że przeszkadzam
ale to jest świetne
i doskonale w piękne :)

świetny pomysł

[broneknotgeld]

Rita - niy wadzisz
Pociongnij w przodek
jako poradzisz.

[rita100]

Niestety to Ty talent masz
I nie jeden SMS- dasz :)

[broneknotgeld]

Kaj talynta
Tam mom "piynta".

[rita100]

Świeto nam się szykuje
Bronek baluje ;)

[broneknotgeld]

Ślydź za ucho wisioł
Bestoż mało słyszoł.

[broneknotgeld]

Ech - gyburstag! Sto lot w zdrowiu!
Niych gryfnościom zowdy blyszczy!
Jako nimfa we sitowiu!
W chopie aże chuć zapiszczy!

[broneknotgeld]

Toż wypija tyż - na zdrowie!
Ze Adeli zocny człowiek
Życie niychej gryfnie leci
No i szczyńścio wiela skleci.

[broneknotgeld]

Łoj - coś szkryfna dyć i jo
Dwiesta rokow szwong niych mo
Do tych frelek co som cudym
Choć narobiom tyż łostudy.

[broneknotgeld]

Szczyńścio, zdrowio winszujymy!
Mosz gybustag - przeca wiymy
Toż byś zody był tym zuchym
Jak niy ciałym to choć duchym
Frele niych ci wszyske pszajom
Tako bydzie - jo niy bajom.

[broneknotgeld]

Słonko z rana co dziyń budzi
W pszoniu życie se niy studzi
Radość kożdy dzionek niesie
No i zowdy niychej chce sie.

[broneknotgeld]

W życiu zdrowio potrza wiela
Toż winszuja dzisioj tela.

[broneknotgeld]

Niychej Wom życie leci na piontka!
- Tako winszuja ze fraszki kontka.

[broneknotgeld]

Dyć siodymka szczyńście nosi
Tako dzisioj kożdy głosi
Niychej tego niy brakuje
Ślonski karlus wom winszuje.

[broneknotgeld]

Niych na gymbie zowdy śmiychy
Życie jako serio w "dychy"!

[broneknotgeld]

Mo gyburstag gryfno frela?
-Sie na myjna ciepna wela!

[broneknotgeld]

Sto lot w zdrowiu i radości!
Wyna niychej w doma gości
Gowy trzimie i klawiyry
A tańcujom ciyngym gyry.

[broneknotgeld]

Przi gyburstagu jako winszować?
Trza by mi postow wiyncy tu dować
Abo poymat jakowyś sklecić
Szrajbna - niych życie szczyńśliwie leci!

[broneknotgeld]

Niy co dziyń sie rodzi
Choć co rok fajruje
Chlapnońć niy zaszkodzi
Kej dusza rymuje.

[broneknotgeld]

Niy chlapnoł żech z rana
Prawie za Mariana
Terozki to robia
Bo już niy nazgobia

Zdrowio z tym winszuja
Szczyńściym tyż raduja
Kere ciyngym przed nim
-Tako w przepowiedni!

[broneknotgeld]

Toż i jo sto lot winszuja
Ze kelichym przilatuja
By za zdrowie tako chlanońć
Tortynsztika tyż se łapnońć

Niych tref zowdy Ci szczyńśliwy
Zowdy pszonie tyż niy dziwym
Niychej radość lica krasi
I nadzieji nikt niy gasi.

[broneknotgeld]

Niy ma czamu sie dziwować
Potrza piyknie jyj winszować

[broneknotgeld]

Za Abrahamka
Pomacom klamka
Cosik tyż chlapna
Czy wyny łapna?

[broneknotgeld]

Ano - niychej sie jyj darzy
Tref do wszysko co zamarzy!

[broneknotgeld]

Rudzie Ślonski na gyburstag!

Powinszuja
Powodzynio
Niom raduja
Niych se zmiynio
Niychej ciśnie w strona zocno
Niychej bydzie bardzi mocno.

[broneknotgeld]

Szpaskowo na gyburstag

Sto rokow i trocha
Niych karlus szczyńśliwy
Co złe - to wynocha
Tref durś dobrotliwy
Niychej mu tyż zowdy wyna dopisuje
W zdrowiu, w kożdy dzionek se życiym raduje.

[broneknotgeld]

U mie w doma niy drobnostka
Cerze klupła łoziymnostka
Po połedniu zafajruja
Szczyńścio, zdrowio jyj winszuja.

[broneknotgeld]

Zdrōwka winszuja i dobry formy
By do biblijny dokulać normy
Matuzalymy kejś Go wnerwiyli
Kej setki rokōw ciyngym grzeszyli
Pedzioł: Wystyknie wōm sto dwadziścia!
I szlus - nawozym potym dlo liścia!

Na Gody

[broneknotgeld]

Niychej Wom Dzieciontko darzy
Zyszczy tako co sie marzy.

[broneknotgeld]

Przi żłobku radość nojwiynkszo przeca
Tako niych bydzie z twojego neca.

[broneknotgeld]

Co dlo dobra sie zamarzy
Niychej wom Dzieciontko darzy.

[broneknotgeld]

Witom w Boże Narodzynie
Szczyńście niychej wos niy minie.

[broneknotgeld]

Niychej Dzieciontko szczyńściym Wos darzy
Zdrowie do tymu co tako marzy
A familijom pszonie na zowdy
Siył fest dołoży jako tyż prowdy.

[broneknotgeld]

Coby miyndzy nami wiyncyj pszonio było
www.facebook.com/photo.php?fbid=10151152330487414&set=a.210567992413.140291.193094132413&type=1&theater
Coby przi Wiliji tako nom trefiyło
Opłatkym se łomać skuli szczyńścio, zdrowia
I zocności duszy - skiż tego niy chować
Co dobre - dyć potrza ze bliźnim tym dzielić
I żyć tom nadziejom coby wszyjscy chcieli.

[broneknotgeld]

Przi opłatku powinszować
Link na muster idzie dować.
www.dziennikzachodni.pl/artykul/1068006,swiateczne-zyczenia-zobacz-najfajniejsze-pomysly-na-swiateczne-zyczenia-zyczenia-bozonarodzeniowe,id,t.html

[broneknotgeld]

Kej Wiliji przidzie noc
Kej łopłatkym przełomiymy
Powinszowań zocnych moc
Jezus zrodzioł - przeca wiymy

Z Niym nadzieja w naszych duszach
Na tref lepszy, łodkupiynie
Z Niym we dobro trza nom ruszać
Grzych niych traci i ciyrpiynie

Jezus w żłobku, w duszy radość
Czowiek lepszym niych sie stowo
Złu starymu niychej za dość
Przed sia z dobrym trza ciś zdrowo!

www.dziennikzachodni.pl/artykul/1057192,zyczenia-swiateczne-zyczenia-bozonarodzeniowe-zyczenia-na-swieta-bozego-narodzenia-zyczenia-sms,id,t.html

[broneknotgeld]

Powinszowania piykne przi Godach
Niychej świat cołki kupluje zgoda.

www.dziennikzachodni.pl/artykul/zdjecia/1070022,zyczenia-swiateczne-po-slasku-jak-najbardziej-zycza-plura-i-szoltysek,2685914,id,t,zid.html

[broneknotgeld]

Niychej Dzieciontko szczyńściym Wos darzy
We familiji, w doma, w robocie
Nowy rok niesie co zocne marzy
Życie niych dowo durś wiela pociech.

www.facebook.com/AsocjacjaMBP18/photos/a.436375393078399.91193.427827820599823/441672372548701/?type=3&theater

[broneknotgeld]

Werci dać tu kej raduja
Tako dyć sie forszteluja
Idōm Gody
Trza nōm zgody
Tego wszyskim tyż winszuja.

www.facebook.com/groups/332939560673928/posts/1155379578429918/

[broneknotgeld]

Toż zaś Świynta
Rym niy piynta.

noworocznie

[broneknotgeld]

Niych Rok Świni
W lepsze miyni!

[broneknotgeld]

Z Nowym Rokym
Drapszym krokym.

[broneknotgeld]

Idź we zycie raźniym krokym
Niy yno ze Nowym Rokym.

[broneknotgeld]

Z niym szczyńścio wiela
Chop niych durś tego
I pszaje frela
Tako na Nowy Roczek winszuja
I szpaskom ślonskom tyż uraduja.

[broneknotgeld]

Bele gorzi nom niy było
Ździybko lepi przitrefiyło.

[broneknotgeld]

Szpaska noworoczno

Niychej sie wiedzie
Fest familijom
Nowy Rok jedzie
Utropy kryjom
Szczyńście zaklupie wom trzinostego
Winszuja zdrowio, wiela dobrego.

[broneknotgeld]

Z noworocznym powinszowaniym

Coby zdrowie dopisało
Szczyńście, pszonie radowało
Coby ślonskość niy traciyła
Wyna zowdy z nami była
Coby gorzi nom niy stało
Ślonske słowo kuplowało.

www.facebook.com/195759197165658/photos/a.960312770710293.1073742098.195759197165658/960312790710291/?type=3

[broneknotgeld]

Na tyn Nowy Rok
Niych tyn Nowy lepszy bydzie
Szczyńścio wiyncy ze niym przidzie
Trza nom zdrowio i radości
Szkryfna tako Wom nojprości.

[broneknotgeld]

Czego z Nowym Rokym chca Wom jo winszować?
Toż wszyskim jednako: zdrowia, zdrowia, zdrowia!
Myni hercklekotow z polski polityki
A wiyncyj ślonskości kaj som ciepia bliki
Coby Ślonzok widzioł bliźniego w Poloku
A Polok go niy mioł jako sztompel w łoku
Coby na łostuda niy tracić durś czasu
Coby w Necu było ciyngym mniyj marasu
Niych literatura, ta echt ślonsko, wiycie
Jynzykowi szwongu dowała przez życie
I moje, i Wasze, i tako już zowdy
Wom, no i Ślonskowi winszuja - naprowdy!

[broneknotgeld]

Szpaska noworoczno
Niychej sie wiedzie
Fest familijom
Nowy Rok jedzie
Utropy kryjom
Szczyńście zaklupie i trzinostego
Winszuja zdrowio, wiela dobrego.

[broneknotgeld]

Z noworocznym powinszowaniym.
Coby sie Ślonskowi richtig lepi dzioło
Coby nom, Ślonzokom, tyż było wesoło
Godka rozkwitała
Ślonskość nos dźwigała
No a "polske piekło" już w kotłach niy grzoło.

[broneknotgeld]

Nowy rok ciekawy śni sie
Kożdy Polok je we PiSie
Katolicki, narodowy
Zdo jak muster, ciyngym zdrowy
Nowy roku - co nom niesiesz?
Ślonskość ciyngym bydzie w lesie?
Trza z niom bydzie kamuflować?
- Przi Silwestrze tropi gowa.

[broneknotgeld]

Z Nowym Rokym
Trza nom u sia "robić swoje"
Wiyrchym Ślonzek w duszy mieć
Kajsik zaś "warszawki boje"
U sia niych nom "chce sie chcieć"
Tego Ślonskowi winszuja
Z nowym rokym nowy jar
"Szmaragd" był, jest - toż raduja
Z etnoklektu grzeje żar
Grzeje kunsztym - som rozkwito
Rośnie, blyszczy, Polska dziwo
Ze Europom tako wito
Co? "Warszawka" na "niy" kiwo?
Psinco - piyrwyj gorzyj dzioło
Teroz ofyn z duszy naszy
Ofyn głośno ciyngym woło
Siył tym wiyncyj kej ktoś straszy
Kej ktoś straszy - ślonskość wspiyro
Głos myńszości dali niesie
Puklym swojim hań zabiyro
Kej nom chce - niych jymu chce sie
Myńszość sama cichszo zowdy
Niychej wiynkszość echym darzy
Tako wspiyro to - naprowdy
Co Ślonzokom z downa marzy.

[broneknotgeld]

Idzie, idzie Nowy Roczek
Niychej szczyńście wszystkim niesie
W zocno strona ze niym kroczek
Człowiek tako w gora pnie sie
Familije niych podźwigo
Pszoniym bliźnich fest buduje
We tym zowdy tyż niy migo
Co nom dusze durś raduje!

[broneknotgeld]

Z Nowym Rokym!
Co bych powinszować z Nowym Rokym chcioł?
Przeca dobrze wiycie jaki jest moj fioł
Ślonske rymy szkryflom - niy łodstompia tego
Niychej godka trefi do serca kożdego!
Niychej jeszcze bardzi Ślonzek ubogoco!
Niychej nikt sie gupio niy zapyto - po co?!
Niychej rajce jeji richtig tukej pszajom!
Niychej jak rok przyńdzie jo som niy zawajom!

[broneknotgeld]

Dosiego Roku!
***
Byście do sia dobro brali
Ôd sia zło wyciepowali
Dosia niychej w roku darzy
Wszyskim dobrym co zamarzy.

tuudi.net/zyczenia-po-slasku/

[broneknotgeld]

„Wszyskego ślōnskego”
Powinszować styknie
Rym kłada to tego
Rok niych pylo piyknie
Niychej zdrowie, radość kożdymu prziniesie
Nō a nōm po śōnsku godać, szkryflać chce sie.

mamom

[broneknotgeld]

Toż dzieciokow gratuluja
Mocka szczyńścio tyż winszuja.

[broneknotgeld]

Trza czelodce lyźć ku mamie
A niy słepać bimber w bramie.

[broneknotgeld]

Wszyskim mamciom, mamom, matkom
Szczyńścio życza - tako dziatkom
Niych jedne ze drugim idzie
Dyć nojlepi wtedy bydzie

powinszowania

[broneknotgeld]

Kożdy mo jakosik cesta
Twoja niychej jako fiesta.

[broneknotgeld]

Życie szczyńscie niychej plecie
Powinszuja we I-necie.

[broneknotgeld]

Winszuja wiela ty wiosny słonka
Promyk we duszy bydzie nom tonkać.

[broneknotgeld]

Winszuja!

Sety na forum!
Miecha humoru!

[broneknotgeld]

Dzisioj winszuja coby skiż krepli
Wszyskim we duszy boło aż ciepli.

pozdrowiynia

[broneknotgeld]

Śla pozdrowiynia tako do krzoka
Co łod ślonskego som prawie pnioka.

na trzinostego

[broneknotgeld]

Trzinostego świyci słonko
W duszy niych wom promyk tonko.

na Dziyń Teściowy

[broneknotgeld]

Niychej teściowe ziyńciow niy tropiom
Gorzołka lejom, wiela spokopiom.

[broneknotgeld]

Jo z teściowom w zgodzie żyja
Za jyj zdrowie prawie pija

[broneknotgeld]

Niych żyje zdrowo
Zowdy teściowo.

[broneknotgeld]

Niychej teściowe ziyńciow niy tropiom
Gorzołka lejom, wiela spokopiom
Toż jo wypija teściowy zdrowie

[broneknotgeld]

Zdo wom jako ciyń
tyn Teściowy Dziyń?

[broneknotgeld]

Dziwujecie?
Tyż chlapniecie!
Niy zaszkodzi!
Dyć sie godzi!
Mono choć polajkujecie?
www.facebook.com/groups/332939560673928/posts/1386850498616157

Na Dziyń Kobiyt

[broneknotgeld]

Niych sie frelom
Gwiozdki ścielom.

[broneknotgeld]

Powinszować chcecie?
Tako tyż możecie.

rudaslaska.com.pl/i,przyslij-zyczenia-na-dzien-kobiet---wygraj-nagrody,200274,1174869.html

[broneknotgeld]

Niych sie frelom
Gwiozdki ścielom
Ciyngym gryfne, ciyngym zdrowe
Choć zowiści czasym czowiek
Durś kobiyta świata cudym
Polski, Ślonska, no i Rudy.

rudaslaska.com.pl/plebiscyt-odpowiedz,wybierz-najlepsze-zyczenia-na-dzien-kobiet---watroba-bronislaw,1177645,10930.html

[broneknotgeld]

Na Dziyń Kobiyt
Szpaski rymy
Szkryfnońć szłoby
Tyż bez trymy
Dyć jo szczyńścio im winszuja
Styknie iże som - radyja.

[broneknotgeld]

Bez kobiyty chopu źle
Niy inaczyj, tako je
Przi kobiycie
To je życie!
Spokopicie przeca mie

Dziyń Kobiytow niych trwo roki!
Historyjo jejich kroki
Niych pamiynto
A w te świynto
Niych niy tropiom jakeś ćmoki.

Na Dziyń Babci

[broneknotgeld]

We Dziyń Omy kukna trocha
Tu winszuja - niy na grochach
Wszyskim omom z tego forum
W życiu - durś wiela humoru.