Na Gody

[broneknotgeld]

Rok pryndko minoł - blisko zaś Gody
Kolyndom łonczom cołke narody.

[broneknotgeld]

Po cołkym świecie Dzieciontko chodzi
Z Niym przeca dobro ciyngym se rodzi.

[broneknotgeld]

Przi Wiliji

Niych moj opłatek w sieci nom leci
To co nojlepsze we duszach nieci
Przełom se z bliźnim - podej mu rynka
Życie to przeca niy zowdy mynka

Dzieciontko z nami - pomyślcie tako
Niychej we Gody wszyndy jednako
Blikej na inkszych - uwidź w nich siebie
Trza dyć niywiela by czuć sie w niebie

Boga w czowieku widzieć wystyknie
Mało iskerka - już bydzie piyknie
Toż we Wilijo Jezus jest z nami
My z Niym - nojciynży jak my som sami.

[broneknotgeld]

Ze łokna teroz na gwiozdki blikom
I do Dzieciontka ło gyszynk rzykom.

[broneknotgeld]

Toż czas Godow drapko idzie
Zaroz lżyj na duszy bydzie
Dziecionteczku pośpiywomy
Radość w sercach ze tym momy.

[rita100]

'Hej, gody, gody, gody
Wen tu bańdzie zino z wody'

[karolinka44]

gody padocie ?
na ja i racjo mocie ...
bo wylecialo to miano z obiegu
i czasym wyjrzy na swiat spod strety sniegu
sniegu biolego - sniegu zapomniynio
teraz to swiynta Bozego Narodzynio

[karolinka44]

dziecionteczko dziecionteczko jakze ci ludzie pszajom
ze co roku w szopie i zlobie swe miejsce ci zas dajom
a Ty przeca na Krolewskich juz krainach
niy ma Ciebie w pieluszkach i na niwach
wejrzyj na tych co Ci pszajom i swiyntujom na gody
dej im duzo szcznyncio uciechy i na codziyn pogody
a przez rok caly loston z nimi wszystkimi
i dej sie cieszyc darami Ponboczkowymi

[broneknotgeld]

Opłatkym

Tu se ze Wami tako podziela
Niych łaski boski spłynie nom wiela.

[broneknotgeld]

Take śla powinszowania
Czas opłatka to łomania.

[karolinka44]

podzielmy sie wszystkimi dobrymi darami
podzielmy oplatkym i spod chojinki gyszynkami
podzielmy tym co ciynzke do uniesiynio
bdzie w naszym zyciu wiyncy dobra do uwidzynio

[broneknotgeld]

Do stoła siednońć se we Wilijo
Toż se raduje fest familijo
Dzielić opłatkym przi ty wieczerzy
Szczyńście we doma - możecie wierzyć

Trza nom pod goik śpiywać kolyndy
Niychej na Ślonsku juzaś to wszyndy
Dopiyro potym gyszynki cieszom
Dziecka przi tymu wcale niy grzeszom

Jako Dzieciontko łobdarowane
Som na pamiontka tych Godow dane
Dlo familiji łod Jezusiczka
I niy dziwota - wesołe liczka.

[broneknotgeld]

Winszuja tako - Ponboczka łaski
Niych w życie wiedom jak gwiozdek blaski
To nom pisane zowdy z Godami
Przi Dziecionteczku my niy som sami.

[broneknotgeld]

Idzie se opłatkym i na forum łomać
Bo choć wirtualny dyć weseli w doma.

[broneknotgeld]

Nic że Godow czekać trza
Wontek niychej leci - pra?

[broneknotgeld]

Gody idom?!
Dyć niy biydom.

[broneknotgeld]

Trza sie cieszyć
I mniyj grzeszyć.

[broneknotgeld]

Powinszować tako idzie
-Żodyn niychej niy we biydzie.

[broneknotgeld]

Łonacyli fest na Gody
Coby wrocioł karp do wody.

[broneknotgeld]

Sie podziwać pódzie
www.dziennikzachodni.pl/fakty24/346363,gorale-z-beskidow-pokaza-swiatu-boze-narodzenie,id,t.html
Gody niy w łostudzie.

[broneknotgeld]

Powinszowania piykne przi Godach
Niychej świat cołki kupluje zgoda.

www.dziennikzachodni.pl/artykul/zdjecia/1070022,zyczenia-swiateczne-po-slasku-jak-najbardziej-zycza-plura-i-szoltysek,2685914,id,t,zid.html

[luna-a]

Skrzy się śnieżek słonkiem rannym, w nocy go nawiało.
W chacie zapach pierników - Świąt by się już chciało!

;b!

forum.gazeta.pl/forum/71,1.html?f=26289

[karolinka44]

swiynta juz tusz tusz ...
ino jeszcze pora kalyndarzowych dzwiczek lotwosz
w swiontecznych przigotowaniach dni gipko przelecom
a do ozdoby jeszcze sniegowe gwiazdki z nieba slecom

[broneknotgeld]

Wilijo łonczy przeca i fora
forum.gazeta.pl/forum/72,2.html?f=26289&w=33343073&v=2&s=0
Radosno tako prziłazi pora.

Przy Wiliji - obrazek

[luna-a]

Atmosfera podniosła, radosna, rodzinna...
Przygotowana smakowita strawa tradycyjna.
Biel stołu strojna w świece i źdźbła sianka.
W kącie izby snopek. Na jodełce światełka.
Dodatkowe nakrycie. Modlitwą ojciec hołd przodkom oddaje.
Życzenia, najszczersze wzruszenia z opłatka łamaniem...

;b!

forum.gazeta.pl/forum/71,1.html?f=26289

Wigilia

[poezja.agnieszki]

Wieczerza wigilijna,
biały obrus lniany,
choinka i sianko z opłatkiem.

Nawet miejsce puste dla samotnego.

Wigilia w wielkich domach
i w ubogich chatkach.
Wedle tradycji dziadów
i zadośćuczynienia.

Czekanie na pierwszą gwiazdkę
i Boga Malutkiego,
który do każdego przychodzi.

Zapalona świeczka i iskry,
co twarz rozświetlają boską
i twarze, których nie ma.

Bielutki opłatku,
co jednoczysz byciem.
Nie milcz, lecz daj znak.
I odpowiedz głodnym.
Dlaczego?

forum.gazeta.pl/forum/72,2.html?f=26289&w=22405157&a=30502511
forum.gazeta.pl/forum/71,1.html?f=26289

[broneknotgeld]

Szczyńściym Agnieszka tu "zamiyszkała"
I wigilijny gyszynk nom dała.

[broneknotgeld]

Czego winszować Wom ze Godami?
Pewnikym wiycie dobrze to sami
Dyć szkryfna tako - Serca zocnego
By bliźni zowdy trefioł do niego.

[rita100]

Cioteczko, toć i my śpiewáwa – wyrywa się Baśka. – Kiedy już nie w szkole, to w
domu. Kiedy zieczór łojczulek i bracia z pola abo z łobory przydą, tu siądą
koło kominka gdzie matulka warzy – tędy łojczulek zanuci z ksiąjżki a bracia na
trzy głosy pod niebiosy. Matulka warzy i smaży i pomága nucić i já téż pomágám.
A kiedy dopsiero przydą gody:
'Hej, gody, gody, gody
Wen tu bańdzie zino z wody'.
Tedy by już skończyć nie chcieli tego: ,W żłobie leży’, ‘Bóg się rodzi, moc
truchleje’, ‘A wczora z wieczora z niebieskiego dwora.’ A po ziecierzy to znowu
ksiąjżki do rangki i daléj ‘śpiewajmy, śpiewajmy, chwałę Bogu dajmy’, jak te
pastuszki wesołe, co to rozłochocają małego Pana Jezusa i spsiewam i graniam, i
'Na kozłowym rogu
Kryczą chwałę Bogu'.

[broneknotgeld]

Tako na Warmiji było
Czy se potym pomiyniyło?

[broneknotgeld]

JOSEPH VON EICHENDORFF

Boże Narodzenie

Pusty rynek. Nad dachami
Gwiazda. Świeci każdy dom.
W zamyśleniu, uliczkami,
Idę, tuląc świętość świąt.

Wielobarwne w oknach błyski
I zabawek kusi czar.
Radość dzieci, śpiew kołyski,
Trwa kruchego szczęścia dar.

Więc opuszczam mury miasta,
Idę polom białym rad.
Zachwyt w drżeniu świętym wzrasta:
Jak jest wielki cichy świat!

Gwiazdy niby łyżwy krzeszą
Śnieżne iskry, cudów blask.
Kolęd dźwięki niech cię wskrzeszą —
Czasie pełen Bożych łask!

Tłumaczył ks. Jerzy Szymik

Pod Jemiołą...

[luna-a]

Śnieżnymi czapami Choinka otulona...
W świecidełka Choinka wystrojona...

Tak piękne Obie, jak moje spod Jemioły życzenia:
NIECHAJ SIĘ SPEŁNIĄ NASZE NAJSKRYTSZE MARZENIA!

;B!

[broneknotgeld]

Ze Godami chca winszować
Wiyncy Ślonska w naszy duszy
Z niym co rano w dzionek stować
Do roboty tako ruszyć

Ze Godami chca winszować
Zdrowio szczyńścio pomyślności
Mo Ponboczek łaski dować
Radość w familijoch gościć.

[rita100]

Wigilia Wigilii z opłatkiem przylatuję
i fraszek popularnośc winszuję
niech one ubarwiają
i się dobrze mają :)

[broneknotgeld]

Z powinszowaniym tako se łonczom
www.bractwo.pless.pl/
Istni co przeca wcale niy "bronczom".

[madohora]

A ja tak w nocy - nie nad ranem
Wpadam do Ciebie z życzeniami

[broneknotgeld]

Trza łuski karpia we portmaneju
-Niych se do tego piniondze klejom.

[broneknotgeld]

Ano - pod talyrz drobniole wroźcie
Tako na cołki roczek je mnożcie.

[broneknotgeld]

Jako Wilijo

Jako Wilijo taki i rok
Toż niych niy mynczy w tyn dziyń cie ćmok.

[broneknotgeld]

Niych

Niych we Wilijo w doma radości
Z tym cołki roczek bydom tu gościć.

[broneknotgeld]

Jako zleci

Czas przed wieczerzom robotny przidzie
Toż już na dugo z tym tako bydzie.

[broneknotgeld]

We Wilijo

Coś naborgowoł wszysko łostało
Łoddać se wcale niy udowało
Przez rok nostympny ciyngym to bydzie
Aże zatracisz se w swoji biydzie.

[broneknotgeld]

Dzieciontkowy gyszynk

Ponoć to momy dziynki Lutrowi
"Zabroł" gyszynki Mikołojowi
By je Dzieciontko Jezus dowało
Tako na Ślonsku se nom łostało.

[broneknotgeld]

Rachować do pary

Możno w tym były i jakeś czary
Sienońć przi stole trza sie do pary
Czasym inaczy dyć ze tym było
Niyszczyńście tako w doma wrożyło.

[broneknotgeld]

We izbie słoma

Czy jeszcze dzisioj kajsik we doma
sie na delinie rozkłodo słoma?
By jak w stajynce powieczerzować
Tako znak wiyńzi z Dzieciontkym dować.

[broneknotgeld]

Ze snopkym zboża

We kontach izby trza snopkow zboża
Znać w tym dobrego dyć gospodorza.

[broneknotgeld]

Jodło na stole

Toż przi Wiliji na stole wszysko
Niy chciyjcie łodyńść łod niego
Z tym szczyńścio w doma wiynce sie zysko
Ktoś poszoł - strocisz istnego.

[broneknotgeld]

Po wieczerzy

Po wieczerzy do gowiedzi
Trza je czymsik pofutrować
Jak gospodorz w izbie siedzi
Wszysko bydzie źle sie chować.

[broneknotgeld]

Gońsior kokot tako pies
Ponoć zowdy łostry jest
Jak z Wilijom go futrujesz
Zombkym czosku - forsztelujesz.

[broneknotgeld]

Kury

Kury grochym napaś trza
By znosiyły jajka - pra?

[broneknotgeld]

Bobym sypnońć

Toż bydełku koniom tako
Bobym sypnońć trza jednako
Coby zdrowo sie chowało
No i gryfnie wyglondało.

[broneknotgeld]

Niy pożyczej

Niy pożyczej we Wilijo
Bydzie ze tym rok mecyjo.

[broneknotgeld]

Niy jest w modzie

Mozno niy jest to już w modzie
-Mycie rano w zimny wodzie
W dziyń Wiliji dyć se werci
Zdrowie ze tym aż do śmierci.

[broneknotgeld]

Bez łostudy

We Wilijo ze łostudom?
Łostudniki niych kajś pódom!

[broneknotgeld]

Podmuchoł

Na stołek podmuchoł przi Wiliji ołpa
Niym se w końcu zicnoł i czekoł na zupa
Toż zowdy spokojnie wieczerzoł juz potym
Duch tyż był spokojny - niy som to gupoty.

[broneknotgeld]

Fisza na Wilijo

Przi Wiliji na stole
Nojzocniejszo fisza
Bez niyj niy wieczerzo
Wszyndy tako słysza.

[broneknotgeld]

Krześcijańsko

Krześcijaństwa fisza znakym
Zowdy tyż niy belejakim.

[broneknotgeld]

Piyrwyj

Piyrwyj na wieczerzo dań było dwanoście
I wszyske ze ryby - se to wyłobroźcie
Dyć tyż je za jedne wtedy rachowało
Ano - we bogatych domach to bywało.

[broneknotgeld]

"Vigilia"

Tuplikuj z łaciny to jako "czuwanie"
Niych sie Dziecionteczku nic złego niy stanie
Czuwajom anioły pastyrze ze niymi
Przeca rozpoznali Krola niy z ty ziymi.

[broneknotgeld]

Gwiozda Betlejymsko

Yno Dzieciontko nom zakwilyło
Blysła na niebie fest aże miło
Myndrce ze wschodu jom uwidzieli
W pont do Betlyjym zaroz iść chcieli.

[broneknotgeld]

"Coca-colowy" Mikołoj

Haddon Sundblom dyć go "stworzoł"
By z Wilijom cosik wożoł
I szło wiyncy "coca-coli"
Trza go dzisioj za to chwolić?

Możno trza bo przeca wiycie
Swoje mo "Mikołoj" życie
Aże siedymdziesiont lot
Hamerykon z tego rod.

[broneknotgeld]

Niy ślintejcie

Niy ślintejcie przi Wiliji
Niy trza taki "komedyji"
Toż to czynsto potym bydzie
Jak rok dugi płakać przidzie.

[broneknotgeld]

Kto choruje

Przi Wiliji kto choruje
Cołki roczek źle se czuje.

[broneknotgeld]

Cobyś se niy zranioł
-trza ci to pamiyntać
Bo z tym na rok cołki
bydzie twoja piynta.

[broneknotgeld]

Gość z Wilijom

Jak w prog wlejzie chop
Łobrodzi ci snop
A jak wlejzie baba
Zdechnie nawet żaba.

[broneknotgeld]

Piyrszy chop

Piyrszy chop we doma gości
Wiela przidzie ci radości.

[broneknotgeld]

Piyrszo baba

Piyrszo baba - z tym utropa
Bestoż wolom gościć chopa.

[broneknotgeld]

Dlo gościa

Dlo gościa zowdy nokrycie puste
Bez tego życie bydzie niytuste.

[broneknotgeld]

Trza sie najeść

Trza sie najeść przi wieczerzy
By niy brakło strowy nom
Kożdy przeca we to wierzy
Co bez tego głodny dom

I rok cołki ciynżko zleci
Jak z Wilijom durś brzuch pusty
Licho bydom rosły dzieci
Trza sie najeść - roczek tusty!

[broneknotgeld]

Trza skosztować

Ano wszysko co na stole
Zdo sie tako we jedności
W familiji zocnym kole
Trza jeść czym gospodorz gości.

[broneknotgeld]

We tych daniach

Siyła zdrowie i bogactwo
We tych daniach przi wieczerzy
Trza do gymby wszysko brać to
Profit bydzie - chciyj w to wierzyć.

[broneknotgeld]

Za wiela niy godej

Za wiela niy godej przi Wiliji tako
Bo przez cołki roczek bydzie z tym jednako.

[broneknotgeld]

Niy łodkłodej

Za wczas niy łodkłodej przi stole jedzynio
Cobyś niy utracioł w zyciu powodzynio
Bo ze tym głod do dom przeca tyż pszijść może
Toż zjydz i porzykej - "Dej nom Panie Boże".

[broneknotgeld]

Jako zicnońć?

W Wilijo przi stole trza zicnońć ze gowom
Nojpiyrw ci nojstarsi - muster tako dowom
Wpiyrw ołpa i ołma potym rodziciele
Na końcu my bajtle z familijny sztele

Inaczy niy radza - w tym porzondek świata
No - chyba że ktosik niy chce doczkać lata
Dyć ze tym we doma fest utropa bydzie
Jak śmiertka modego drapko skosić przidzie.

[broneknotgeld]

Z rana

Zrana we Wilijo cosik robić trza
Dyć se niy przemynczej. Utropa z tym - ja!
Haratać rok cały - toż zdrowiu to szkodzi
A przeca z Godami mo radość sie rodzić.

[broneknotgeld]

Post we Wilijo

Czowiek z gowiedziom w jedny rodzinie
Toż we Wilijo miynso cie minie
Dyć se fiszami najysz do woli
Cobyś Dzieciontko mog tako chwolić.

[broneknotgeld]

Zjydz jabko

Zjydz jabko zowdy we ta Wilijo
Porachuj pestki - niy komedyjo
Jak ci to wyńdzie co som do pary
Babie popszajesz choćbyś był stary
A jak ich bydzie łod szejściu wiyncy
To cie utropa już niy umynczy.

[broneknotgeld]

Po kolyńdzie

Ponoć w średniowieczu juz tako łaziyli
Z pieśniczkom gowiedziom kero w droga wziyli
Bo przeca pastuszki Dzieciontko witali
Krześcijany zowdy to forsztelowali.

[broneknotgeld]

Z gwiozdkom betlyjymskom

Z gwiozdkom betlejymskom po kolyńdzie łażom
Dyć cie niy łominom - tako niy łobrażom.

[broneknotgeld]

Z szopkom

Ano - tyż ze szopkom kajniykaj łaziyli
Cysoroki tako zowdy se asiyli.

[broneknotgeld]

Z gowiedziom po kolyńdzie

Gowiydź rożnisto - koń bocion koza
Dyć na turonia trza durś uwożać.

[broneknotgeld]

Podłaźniczka

Niym choinka se wkludziyła
Podłaźniczka ponoć była.

[broneknotgeld]

Kaj podłaźniczka...

Na drzwiach wiyszano
W izbie strojono
Kaj podłaźniczka
Tam zło pokonosz

Z niom we Wilijo
Szczyńście ci przidzie
Raźniyj tyż tako
Jak żeś we biydzie.

[broneknotgeld]

Podłaźniczka "światym"

Ponoł opłatkym zdobiono tako
"Światym" sie zdała toż z niom jednako
Jak przi choince sie radowali
Co ze Wilijom Boga witali.

[broneknotgeld]

Chroniyła

Podłaźniczka przed chorobom familjo chroniyła
Ze niom pszonie no i zgoda zowdy w chałpie była
Tako yno se jo szkryfna jeszcze na łostatek
-Niy miołś w doma podłaźniczki cis sie niydostatek.

[broneknotgeld]

Licho stajynka

Choć licho stajynka
Dyć wiela tu idzie
Ponboczek mo Synka
Dusze niy we biydzie.

[luna-a]

Kolędujmy wraz
w ten świąteczny czas...

;b!

Śpiewam razem z Wami.
Z najlepszymi życzeniami!

www.icq.com/friendship/pages/view_page_18991.php
;b!

[szwager_z_laband]

No tosz piyknyj i szczynsliwyj Wiliji do wszyski ze Rudy posyuo

Szwager ze Laband

:)

[olandi1]

A sam mocie jeszcze kolynda śpiywano na melodia "Gdy śliczna Panna"

"Piykno Paniynka"

Piykno paniynka synka kolybała
jak fest Mu pszoła, tak piyknie śpiywała:
Li li li laj mój mały syneczku,
uśnij drapko już, na tym zogłóweczku.

Zawrzij już łoczka, śpij i mie usłuchnij,
bo jo mom tela do zrobiynio w kuchni,
Li li li laj .......

[broneknotgeld]

Na pastyrka

Ze pastyrzami chnetko pódymy
Dzieciontko radośnie witać
Już narodzone - to dobrze wiymy
Niy trza nikogo sie pytać

Toż na pastyrce nom kolyndować
Nowina rozgłosić w świecie
Pszonie we sercach rozblysko z nowa
Nadzieja dowo nom Dziecie.

[broneknotgeld]

Durś we stajynce chory anielske
Choć życie zdo sie wcale niy sielske
Jednak tyż radość bo tu jest Dziecie
Myndrce już idom - forsztelujecie.

[broneknotgeld]

Przi świyntym Michale usłyszysz śpiyw ptoszka
Do Wiliji bydzie zimy yno troszka.

[broneknotgeld]

Z Łucji do Wilijo zoglondej na dni
Ło tym co na bezrok coś godajom ci.

[broneknotgeld]

Barborka po lodzie
Wilijo po wodzie.

[broneknotgeld]

We Wilijo kapie z dachu
Bydzie z zimom wiela strachu.

[broneknotgeld]

We Wilijo słonko blyszczy
Sztyry tydnie tako zyszczy.

[broneknotgeld]

Wilijo po wodzie
Wielkanoc po lodzie.

[broneknotgeld]

Na Adama i Ewy richtig gryfno zima
Toz pociecha we tym - dugo niy śmi czimać.

[broneknotgeld]

Na Adama i na Ewy
Niych se tracom z gowy gniewy.

[broneknotgeld]

Jako we Wilijo bydzie
Na rok cołki tako przidzie.

[broneknotgeld]

We Wilijo jest zielono
Toż Wielkanoc pobielono.

[broneknotgeld]

Jak w Wilijo słonko świyci
Cołki tydziyń taki klyci.

[broneknotgeld]

Trza radować se na Gody
Ze tym wszyndy wiyncy zgody.

Opłatek

[broneknotgeld]

Czy se niym yno we Polsce dzielom?
Czy tam kaj w świecie jest Polonijo?
Choć som niy u sia dyć tyż łośmielom
Łomać opłatkym zowdy w Wilijo.

[broneknotgeld]

Opłatek na Litwie

Majom na Litwie opłatek w zocy
Myńszości polski dokłodo mocy.

[broneknotgeld]

Opłatek na Słowacji

Toż Słowak tako zdo sie nom bratkym
Bo tyż se przeca dzieli opłatkym.

[broneknotgeld]

Krześcijański opłatek

Piyrszych krześcijan tako "oblatum"
Mogło uchronić przed jakimś "fatum".

[broneknotgeld]

W średniowieczu

W śrdniowieczu mnichy piykli te opłatki
Z bliźnimi se dzielisz - toż dlo cia jak bratki.

[broneknotgeld]

Przi kościele

Zowdy przi kościele sie je wypiykało
Bestoż w nich świyntości naprowdy niymało.

[broneknotgeld]

Opłatek maszkytym

Opłatek maszkytym - miodym szmarowany
Tako i do wina bywoł podowany
Dyć fanaberyjom to już jakby było
Możnym se we gowach ździybko pokryńciyło.

[broneknotgeld]

W XVIII wieku

W łoziymnostym wieku to już polski zwyczaj
We bogatych domach - prowda tako klyca.

[broneknotgeld]

Z czasym

Z czasym opłatek na wieś przichodzi
Nawet gowiedzi dać se go godzi
By we zogrodzie dobrze tyż dzioło
Gonioł utropa - bardzi wesoło.

[broneknotgeld]

Wszyske stworzynie

Toż we stajynce przi tym Dzieciontku
I gowiydź była w łosobnym kontku
Trza nom se dzielić opłatkym tako
By szczyńście prziszło i nikt niy płakoł.

[broneknotgeld]

Duszy utropiony

Dlo niyj opłatka trza i talyrza
Choć niy spokopisz jak przyńdzie dźwiyrza
Dyć przi Wiliji pamiyntej ło tym
I miyj opłatek - to niy gupoty.

Dzieciontko - gyszynki

[broneknotgeld]

Piyrwyj gyszynki

Ano krole i wielmoże
Piyrwyj jakeś dary dali
Jak żeś służoł im na dworze
I miołś szczyńście co ci pszali.

[broneknotgeld]

Pańske gyszynki

Szlachcic za służba we dworze
Czeladż nagrodzić tyż może
Pełne stodoły, komora
Pewno do cosik do gora.

[broneknotgeld]

We miastach

Do miasta Dzieciontko prziszło
We dziewiytnostym już wieku
Gyszynk pod drzewko już wcisło
Wpiyrw tu jest dobry czowieku.

[broneknotgeld]

Dowajom gyszynki

Na Gornym Ślonsku Dzieciontko zowdy
W Galicji Aniołek tako
Gwiazdor u Pyrow -ano naprowdy
I na Pomorzu jednako.

[broneknotgeld]

Na gyszynki Dzieciontkowe
www.dziennikzachodni.pl/artykul/483512,gyszynki-do-kozdego-slonzoka-to-kup-hanysowi,1,2,id,t,sm,sg.html#galeria-material
Kuknie tam pewnikym czowiek.

[broneknotgeld]

"Brif do Dzieciontka"

Tela ło tym wiymy
Iże sztartujymy.

www.facebook.com/events/848591868645490/

Jymioła

[broneknotgeld]

Pod jymiołom

Pod jymiołom wieczerzocie
Ze tym pokoj w doma mocie.

[broneknotgeld]

Przed piyrszom gwiozdkom

Przed piyrszom gwiozdkom wiyszej jymioła
Pszonio z tym bydzie wiyncy u stoła.

[broneknotgeld]

Jymioła godzi

Toż łostudnikow jymioła godzi
Ze niom i pszonie sie w duszach rodzi.

[broneknotgeld]

Przi Wiliji

Przi ty Wiliji w jymiole siyła
Co wielkich wrogow by połonczyła.

[broneknotgeld]

Niy darmo

Niy darmo lipsta ciongnie do szaca
Możno jymiołom przikryja glaca.

[broneknotgeld]

Trza czimać

Toż jymioła ze Wiliji cołki rok trza czimać
Z tym cie szczyńście niy łopuśći a zło bydzie drzymać.

[broneknotgeld]

Niychej nigdy se niy traci
forum.gazeta.pl/forum/72,2.html?f=65&w=54287035&v=2&s=0
To co godka fest bogaci.

Cudowno noc

[broneknotgeld]

W noc cudow

W noc cudow i gowiydź godo jako ludzie
Kto zły do stworzynio w zogrodzie niy pódzie.

[broneknotgeld]

Niy doczkomy?

Woda we strumiyniu w wino sie zamiynio
Dyć tym co niy majom czornego sumoiynio
Niywinnych szczyńśliwcow jednak mało momy
Sami tego cudu możno niy doczkomy

[broneknotgeld]

Ło połnocy

We Wilijo ło połnocy
Woda jest prowdziwy mocy
Toż do źrodeł se wybiercie
Jak możecie tyż kompejcie
Przeca ło tym wszyscy wiycie
Zdrowie do na cołke życie.

[broneknotgeld]

Betlyjka w Greccio - 1223

Toż świynty Franciszek nojpiyrszy wystawioł
Betlyjka we grocie - Jezuska nom jawioł
Co we żłobku z sianym wiernych zocnie witoł
Prziszli na pastyrka - jakby sie kto pytoł.

Kolorowe Gody

[broneknotgeld]

Bioły serwet

Bioły serwet na stole - to radość nom jawi
Że już se narodzioł tyn co świat wybawi.

[broneknotgeld]

Biołośc serweta

Blask ze ty jasności
I chwała wieczysto
We duszy czystości
Ano - toż jest wszysko.

[broneknotgeld]

Bioły anioł

Jak serwet na stole anioł zowdy bioły
Z Wilijom do tego łon richtig wesoły.

[broneknotgeld]

Czerwono glaskugla

Glaskugla czerwono wisi na choince
Zdo sie co łogrzeje ci zmarzniynte rynce
Łogyń w niyj i siyła co ze pszonio idzie
Przi tymu two dusza niy znojdzie sie w biydzie.

[broneknotgeld]

Zachodzi i wschodzi

Słonko ranym wschodzi - we wieczor zachodzi
Łoko za glaskuglom z choinki durś wodzi
Kero jest czerwono jako wtedy klara
Szczyńście tako blyśnie - dyć niy myśl ło czarach.

[broneknotgeld]

Co czerwone

Co czerwone ponoć przed zraniyniym chroni
Tyn kolor demony podobnoś łodgoni
Toż take glaskugle wiyszom na choince
Zdo sie co niy yno łogrzejom mi rynce.

[broneknotgeld]

Zdo sie

Glaskugla jabkym ze raju zdo sie
Toż jake drzewko we doma mo sie?

[broneknotgeld]

Zielony gojik

Zielony gojik niesie nadzieja
Jo do choinki ciyngym se śmieja.

[broneknotgeld]

Rajske drzewko

Se łoglondnij moja Ewko
Toż to nasze rajske drzewko
Choć glaskugli niy skosztuja
Pszonio dlo cia wiyncy czuja.

[broneknotgeld]

Żołte sianko

Żołte sianko pod serwetym
Ze tym se doczkomy fety.

[broneknotgeld]

Żołte szlajfki

Na choince take szlajfki
Z tym mo czowiek wiyncy grajfki
Kolor światła chwały mocy
Łon rozświytli ci ćmok nocy.

[broneknotgeld]

Złoto gwiozdka

Złoto gwiozdka - samo szpica
Choineczki ty zielony
Toż i ło niyj tako klyca
Ze niom żech rozanielony.

[broneknotgeld]

Kolorowe pakety

Te pakety kolorowe
Aże se dziwuje czowiek
Gyszynk tako Dziecionteczka
Cieszy nos i cieszy dziecka.

[madohora]

Wieczorem, gdy pierwsza gwiazdka zajaśnieje na niebie, zasiadają domownicy do wspólnej wieczerzy,
która się dawniej u ludu składała z 7 potraw,
u szlachty z 9-ciu,
u panów zaś z 11-tu potraw postnych.

[madohora]

Stawiano także dawniej w rogach izby stołowej snopy zboża i słomy.

[madohora]

Gwiazdka. W dawnej Polsce był zwyczaj zawieszania u belek w izbie „gwiazdek", robionych z kolorowych opłatków na pam iątkę gwiazdy, symbolizującej narodziny Zbawiciela. Gwiazdki te trwały przez rok cały aż do nowych. Podarunki, daw ane w dniu tym dzieciom i domownikom, zowią się: „na gwiazdkę

[madohora]

Nazwa „Gody" jest bardzo starożytna w języku polskim. God po słowiańsku oznacza rok. Chwilę zatem, w której się stykają ze sobą dwa lata t. j. stary i nowy, słusznie nazwano w liczbie mnogiej Godami. Ponieważ w dawnych wiekach Nowy Rok
obchodzono w dniu Bożego Narodzenia, zatem Polacy powyższą uroczystość chrześcijańską nazwali również Godami, którą to nazwę lud polski dotychczas zachowuje.

[madohora]

Jest daw ny zw yczaj, że w okresie Bożego N a rodzenia ch o d ził ksiądz ze służbą ko ścielną ,,po k o - le n d z ie ". K sią d z w chodząc do dom u b ło g o s ła w i ro dzinie, k ro p i m ieszkanie w odą święconą, a m in is tra n c i słuchuje
dzieci pacierza i katechizmu, rozdaje im obrazki, zaznajamia się ze stosunkami rodziny i wgląda w porządek domowy. —
W yraz „kolenda" pochodzi od łacińskiego ,,calendae“ (stąd i nasz: kalendarz). Rzymianie nazywali bowiem pierwszy dzień każdego m ies:ąca ,,calendae", Ponieważ zaś w dawnych w iekach Nowy Rok zaczynał się od 24 grudnia, dlatego wyraz
,,calendae“ (kolenda) zrósł się z obchodem świąt Bożego Narodzenia.

Opłatek

[poezja.agnieszki]

Opłatku biały, mały okruszku chleba
naznaczony krzyżem i miłością.
Takiś niepozorny,
a przychodzisz do każdego,
kto prosi i woła.

Takiś malutki, a tyle w tobie ciepła,
że ogrzałbyś wszystkich skulonych
pod mostami świata.
I zziebniętych obojętnością.
Żeby cię tylko dostrzeżono.

Tyle w tobie mocy,
że potrafisz rozkuwać
najcięższe kajdany,
co zawsze zniewalają.

I tyle miłosierdzia,
że starczy dla wszystkich serc.
Nawet dla tych,
co dawno zapomniały kochać,
albo nie były kochane.

Mała drobinko,
skąd w tobie tyle wielkości,
że przyziemność szarą
w porę budzisz z ciemności
i zawracasz w stronę swiatła?

Gdy się z tobą dzielę,
pękają struny z głębin dawno zarośniętych.
I wyzwalają zasnuty mgłą obraz matki,
jak czyni znak krzyża na twoim chlebie,
by odkrajać kromkę dla marnotrawnego.