broneknotgeld 28.01.06, 21:39 ++++ Toż se niyszczyńście we końcu stało Jest wina ciyngym w ludzki gupocie Ło łodśniyżaniu durś sie godało A co zrobiyli? -Już teroz znocie. Odpowiedz Link Obserwuj wątek Podgląd Opublikuj
broneknotgeld Re: Chorzów 28.01.06, 21:41 Jako gołymbiom Jako gołymbiom zimno z tym bydzie Tako i istni teroz we biydzie Śmierć kosi rowno ptoki i ludzi Ponboczku - litość potrza Two budzić? Odpowiedz Link
broneknotgeld Re: Chorzów 28.01.06, 21:44 Sztyry gołymbie Cołkym bioluśke sztyry gołymbie Ze rumowiska furgły wysoko Godka przi tymu łostowo w gymbie Niyjedyn czowiek aże zapłoko. Odpowiedz Link
broneknotgeld Re: Chorzów 28.01.06, 22:30 ++++++++++++ Gołombkow wiyncy furgło do Nieba Tuzin rachować już teroz czeba. Odpowiedz Link
broneknotgeld Re: Chorzów 29.01.06, 10:15 Toż pytanie mom we gymbie -Kto rachuje tam gołymbie? Cołko kopa trza dołożyć Tych co nic niy bydom wożyć. Odpowiedz Link
broneknotgeld Re: Chorzów 29.01.06, 10:19 W Rudzie wiela gołymbiorzy Pewno tyż we hali byli Doł Ponboczek jeszcze pożyć? Czy z tym dniym se nom straciyli? Odpowiedz Link
broneknotgeld Re: Chorzów 29.01.06, 11:48 Źle tyn styczyń se nom kończy -We utropie kero łonczy. Odpowiedz Link
broneknotgeld Re: Chorzów 29.01.06, 16:25 Żol gołymbi - żol straconych Trza mi wspomnieć tako łonych To tyż przeca może wzruszać Jest "gołymbiom" naszo dusza. Odpowiedz Link
broneknotgeld Re: Chorzów 29.01.06, 16:28 Gołomb Gołomb znakym jest pokoju Tako łonym i Duch Świynty Mom se tropić fraszkom mojom W kery słabość "ludzki piynty"? Lepi być ze gołymbiami Gowa czimać durś wysoko Łone życio aniołami Niych furgajom se wysoko Dyć je widać nad Chorzowym Trza ze duszy swoji paczeć Tela dzisioj yno powiym Wrona coś zowistnie kracze Skond straszydło se tu wziyło? Dziub mo jak łod śmiertki kosa Ano jest jako i było Choć gołymbia w sercu nosza. Odpowiedz Link
murcek Re: Chorzów 30.01.06, 09:39 czesiula napisała: > Siemiatycze są z wami Bóg zaplac za dobre slowo Odpowiedz Link
rita100 Re: Chorzów 29.01.06, 23:09 co tu mowić ,głos odbiera i boli jak cholera tyle ofiar pochłoneła i śmiercia zawładnęła Wystawa Gołebi Pocztowych śnieżny cięzki dach i gruch i krzyk i milczenie długie milczenie Odpowiedz Link
broneknotgeld Re: Chorzów 02.02.06, 16:35 Feler we "Gołymbia" wloz Trza poprawić jeszcze roz Odpowiedz Link
broneknotgeld Re: Chorzów 02.02.06, 16:36 Gołomb Gołomb znakym jest pokoju Tako łonym i Duch Świynty Mom se tropić fraszkom mojom W kery słabość "ludzki piynty"? Lepi być ze gołymbiami Gowa w gora durś mi skoko Łone życio aniołami Niych furgajom se wysoko Dyć je widać nad Chorzowym Trza ze duszy swoji paczeć Tela dzisioj yno powiym Wrona coś zowistnie kracze Skond straszydło se tu wziyło? Dziub mo jak łod śmiertki kosa Ano jest jako i było Choć gołymbia w sercu nosza. Odpowiedz Link
broneknotgeld Re: Chorzów 30.01.06, 16:33 No dyć niy wszyskim sie podobo, niy wszyskim. Odpowiedz Link
ciupazka Re: Chorzów 31.01.06, 14:32 Została modlitwa i współczucie rodzinom ofiar i żal do tych nieodpowiedzialnych ludzi, niestety, bo to smutna prawda. Dostałam ten utwór i piękne jego wykonanie z okazji tragedii w Katowicach aż z Australii na FZ, dzielę się nim z Wami: www.carv-tech.ch/ave_maria.htm Telo.Pozdr.Dziękuję Bronkowi za "Gołębia" Odpowiedz Link
broneknotgeld Re: Chorzów 31.01.06, 18:08 Dziynki Ciupazko za link. Co do "Gołymbia" to furgnoł se po swojymu. Odpowiedz Link
broneknotgeld Re: Chorzów 01.02.06, 16:34 "Duś, duś, duś - gołombeczku" Toż kto ci teroz futru nasypie? Kto cie łogrzeje jak mroz zaszczypie? Ze wiosnom puści tako na flugi? Czekosz istnego zdo sie czas dugi. Odpowiedz Link
broneknotgeld Re: Chorzów 02.02.06, 09:35 "63" Siedym siodymek łostrych jak kosy Zdo sie czychało jakby w Chorzowie Nic że terozki torgomy włosy Prziszły we śniegu i wielkim mrozie Krew ciepło trysła z serca gorkego Biel tako lakła swojim kolorym Sztympel gyszeftu cołkym zimnego Krotko łogrzoła i w czas niyskory Z familijami trza razym ślintać Grzoć co za zimne ciyngym płaczkami Tych co łodeszli zowdy pamiyntać I opiekować se gołymbiami. Odpowiedz Link
myszka785 Re: Chorzów 02.02.06, 16:12 ciupazko! piekne to AVE MARIA!!! dziękuja! a te gołąbki - aż serce płacze... Odpowiedz Link
broneknotgeld Re: Chorzów 05.02.06, 16:16 Tydziyń już przeszoł - durś rumowisko Zasmuco wszyskich pospołu Dyć niychej słonko jaśni rozblysko Jak wylatuje stond gołomb. Odpowiedz Link
broneknotgeld Re: Chorzów 05.02.06, 23:06 Upamiyntniom flugi? Flugi gołymbie trza przirychtować Kere wystyknom za wielke słowa Tako tabula kaj zaświycymy Ze końcym stycznia - na znak co wiymy. Odpowiedz Link
broneknotgeld Re: Chorzów 20.02.06, 20:59 Trza i taki link dać tukej forum.gazeta.pl/forum/72,2.html?f=59&w=37129676&v=2&s=0 Spisu ofiar tam poszukej. Odpowiedz Link
broneknotgeld Re: Chorzów 23.07.11, 13:48 Kliku, kliku www.dziennikzachodni.pl/stronaglowna/430553,slaski-piknik-architektoniczny-w-wpkiw-zobacz-jak-park,id,t.html Skiż "pikniku". Odpowiedz Link
broneknotgeld Re: Chorzów 28.01.21, 09:30 Czas leczy rany? Bzdura. Nie ma dnia, żebym nie myślał o tym, co się stało - mówi Mieczysław Ropelewski, który w zawalonej hali Międzynarodowych Targów Katowickich stracił prawie całą rodzinę. katowice.wyborcza.pl/katowice/7,35063,26726401,pan-mieczyslaw-w-zawalonej-hali-mtk-stracil-prawie-cala-rodzine.html Odpowiedz Link
broneknotgeld +Piotr Słomiński+ 02.02.06, 09:26 Piotr Słomiński Pasieki wele Brodnicy Pasieske gołymbie coś smutno gruchajom Przeca familiji Słomińskiego pszajom Co łod sia im dowoł tako łoddowały Mog se niymi asić - to forsztelowały Toż terozki stadko bydzie rozproszone Fater cosik dlo sia pewnikym łostawi Dlo ślubny i cery z tym bolesny koniec Utropa na życie już cołke se jawi. Odpowiedz Link
broneknotgeld Re: +Piotr Słomiński+ 02.02.06, 16:25 Brodniczan w żałobie wspiyrejcie forum.gazeta.pl/forum/72,2.html?f=328&w=36054657 Tym swoji pamiyńci znak dejcie. Odpowiedz Link
broneknotgeld +Wojciech Sękowski+ 02.02.06, 09:28 Wojciech Sękowski Gołkowo wele Brodnicy Ubył karlus jedyn - w Gołkowie żałoba Przeca niy zabrała go jakoś choroba Skiż ajzy ze dachu krew zamorzo w śniegu Życie haltowane we pogodnym biegu Cera siedmioletnio z matkom płaczki leje Wiela czasu minie niym se zaś łośmieje? Toż ślintej ze niymi teroz cołko Polsko Z tym utropa bydzie jakby bardzi swojsko. Odpowiedz Link
broneknotgeld Re: +Wojciech Sękowski+ 02.02.06, 16:23 Toż we Brodnicy zaświyćcie świyczka forum.gazeta.pl/forum/72,2.html?f=328&w=36054946&a=36054946 Niychej to widzi jego duszyczka. Odpowiedz Link
broneknotgeld +Bartek i Adam Gruchelowie+ 02.02.06, 16:30 Bartek i Adam Gruchelowie Chorzów Jest żałoba we Chorzowie Łojciec z synkym Gruchelowie Łopuściyli tako miasto Familiji ciynżki czas to Jako te "memynto" szczimać? Gniyw we duszy niy chce drzymać! Czy zalejom go płaczkami? Niychej niy łostanom sami! Odpowiedz Link
broneknotgeld +Bartek Gruchel+ 02.02.06, 16:41 Bartek Gruchel Matka ciyngym bydzie płakać Już zabrakło jyj pływaka Lubioł pływać motylkowym Toż marzynie mody gowy Mogłoby sie ziścić tako Niychej Chorzow cołki płako Za duszyczkom co furgnyła Choć niydowno z nami była. Odpowiedz Link
broneknotgeld +Adam Gruchel+ 02.02.06, 16:45 Adam Gruchel Lot sztydziści sztyry - karlus richtig mody A przeca przepłynoł jakby Styksu wody Za szofera robioł we hurtowni paszy Bestoż tyż ofiarom tragedyji naszy Ślubno we niym miała chopa wypszonego I jego brakuje i synka do tego! Odpowiedz Link
broneknotgeld Re: +Bartek i Adam Gruchelowie+ 02.02.06, 16:48 Toż zaświyćcie tam choć krzynka forum.gazeta.pl/forum/72,2.html?f=324&w=36083638&a=36083638 Ku pamiyńci łojca, synka. Odpowiedz Link
broneknotgeld +Daria Gadzińska+ 02.02.06, 16:54 Daria Gadzińska Bytom Czamu zły tref tak czasami kleci? Toż skarb zabiyro - wypszone dzieci Dziewiyńć lot frelka dyć tako wiycie Mogła szczyńśliwe mieć cołke życie Ledwo feryje sie nom zaczyły A jom gołymbie pod krzidła wziyły I wyfurgnyły richtig wysoko Płaczka mi ciyngym do łoka skoko. Odpowiedz Link
broneknotgeld Re: +Daria Gadzińska+ 02.02.06, 16:57 Dziewiyńć lot i wieczność prziszła forum.gazeta.pl/forum/72,2.html?f=141&w=36084837 Co byś doł by z tego wyszła?! Odpowiedz Link
broneknotgeld +Mariusz Palka+ 02.02.06, 17:14 Mariusz Palka Lubań Pomarł w lazarycie pyńdziałkowym ranym Ze fatrym gołymbie w Lubaniu hodowoł Toż skarb mu nojwiynkszy tako łodebrany Do lipsty ze synkym dyć telefonowoł Jeszcze z rumowiska jak był zasypany Poraniony tako przitomność chnet stracioł Rodzic łopłakuje go wyratowany I frelka co sobom przeca ubogacioł. Odpowiedz Link
broneknotgeld Re: +Mariusz Palka+ 02.02.06, 17:16 Świyczka łoświyćcie i dlo Mariusza forum.gazeta.pl/forum/72,2.html?f=35607&w=36085937&a=36085937 Toż link terozki wom dać tu musza. Odpowiedz Link
broneknotgeld Tomasz Micuła 02.02.06, 17:27 Tomasz Micuła Miechów W fyrmie "Zynek" za szofera Już niy robi karlus teraz Toż ze szefym był we hali Zynki se uratowali Tomek już na zowdy łostoł Jedyn z tych co ajzom dostoł Dusza furgła z gołymbiami A we doma przeca sami Z cerom ślubno tyż brzymiynno Tragedyjo dyć niyzmiynno. Odpowiedz Link
broneknotgeld Re: Tomasz Micuła 02.02.06, 17:28 Durś na to licza forum.gazeta.pl/forum/72,2.html?f=61&w=36086591&a=36086591 Niy skompcie znicza. Odpowiedz Link
broneknotgeld +Tomasz Mazurkiewicz+ 02.02.06, 17:39 Tomasz Mazurkiewicz Wadowice Piyrwyj prezesowoł "Himie" w Spytkowicach Ze kery pociecha miała okolica Łostatnio tyn gyszeft przekozoł ziyńciowi Dyć łon go som stworzoł - zowdy kożdy powiy Życie łodebrało zimne rumowisko Na tym sie dlo niego zakończyło wszysko Familjo łostała tako przijociele Z wadowicki no i spytkowicki sztele. Odpowiedz Link
broneknotgeld Re: +Tomasz Mazurkiewicz+ 02.02.06, 17:40 Wadowice zapłakały forum.gazeta.pl/forum/72,2.html?f=467&w=36087197&a=36087197 Jak se ło tym dowiedziały. Odpowiedz Link
broneknotgeld +Zbigniew i Andrzej Malcherowie+ 02.02.06, 17:59 Zbigniew i Andrzej Malcherowie Góra wele Pszczyny Dwa bratki z Góry - dyć gołymbiorze Już niy pokozom se tu na dworze Zaślinto Góra za karlusami Żol niy łostanie przeca za nami. Odpowiedz Link
broneknotgeld +Zbigniew Malcher+ 02.02.06, 18:31 Zbigniew Malcher Czym tu bez niego zabawa była? Toż wesołości mioł richtig siyła A teroz smutek żałoba tako W Górze niy bydzie ze tym jednako. Odpowiedz Link
broneknotgeld + Andrzej Malcher + 02.02.06, 18:34 Andrzej Malcher Z bratkym se wybroł na ta wystawa Gołomb dlo niego tyz zocno sprawa Był czas że karlus robioł na grubie Naszo Barborka grobu niy dubie Dyć yno czuwo by zyńść ze Bogym A świynty Pyjter witoł za progym. Odpowiedz Link
broneknotgeld Re: +Zbigniew i Andrzej Malcherowie+ 02.02.06, 18:37 Znojdziecie istnych tako we Pszczynie forum.gazeta.pl/forum/72,2.html?f=338&w=36088517 Niychej nom pamiyńć ło nich niy minie. Odpowiedz Link
broneknotgeld +Janusz Sierpawski+ 02.02.06, 21:18 Janusz Sierpawski Bachowice wele Wadowic W spytkowicki "Himie" arbajtoł przi futrze Skiż gołymbi myśloł dyć ło lepszym jutrza Dlo ślubny i tako piyńcioletni cery Toż czy ło niyszczyńściu pomyślołby kery? Tako śmierć napotkoł karlus we robocie Niym czidziecha skończoł - tragedyjo znocie Bachowice płaczcie! -Gołymbie gruchejcie Ciepła familiji łod sia wiyncy dejcie. Odpowiedz Link
broneknotgeld Re: +Janusz Sierpawski+ 02.02.06, 21:22 Toż link wom dowom tyż na Janusza forum.gazeta.pl/forum/72,2.html?f=467&w=36101042&a=36101042 Świyczka łoświyćcie za jego dusza. Odpowiedz Link
broneknotgeld +Manfred Kołodziej+ 02.02.06, 21:28 Manfred Kołodziej Szymiszów wele Opola Wzioł urlop z roboty by widziec wystawa Synka zabroł tako bo to wielko sprawa Szczyńściym co latorośl drapci do dom wroco Manfred chcioł to zrobić we sobota nocom Darymnie czekała slubno ze dzieciami Pryndzy niy myślała że łostanom sami Zły tref dyć przidarzoł tragedyjo tako A ze familijom Szymiszów zapłakoł. Odpowiedz Link
broneknotgeld Re: +Manfred Kołodziej+ 02.02.06, 21:32 Spod Opola Manfred był forum.gazeta.pl/forum/72,2.html?f=65&w=36101722 Toż niydugo przeca żył. Odpowiedz Link
broneknotgeld +Krzysztof Rogulski+ 02.02.06, 21:47 Krzysztof Krogulski Piotrków Trybunalski Witamony i odżywki dlo Gołymbi "Dolfos" robi Krogulski wspołwłaścicielym -zdrowie ptoka przeca zdobi Za namowom gołymbiorzy łotwar w hali se stoisko Śmierci uciyk by spod kosy bo łod wyjścio było blisko Dyć pod koniec chcioł z inkszymi jeszcze ździybko połosprowiać Toż sie stało - teroz wiyńce na grob trza istnymu dować. Odpowiedz Link
broneknotgeld Re: +Krzysztof Rogulski+ 02.02.06, 21:50 Czy ze slubnom Piotrków płacze? Widzi jak ślintajom cery? Przeca miało być inaczy Ktosik powiy - do cholery! Co ze tego? -Ból łostowo! Familijo tako w żolu Życie łod istnego stowo Przed łoczami - byś je chwoloł! Odpowiedz Link
broneknotgeld Re: +Krzysztof Rogulski+ 02.02.06, 22:08 Trza zoglondnońć do Piotrkowa forum.gazeta.pl/forum/72,2.html?f=164&w=36102930 Choć se smutkym mynczy gowa. Odpowiedz Link
broneknotgeld +Witold Kucharski+ 03.02.06, 20:29 Witold Kucharski Będzinko wele Koszalina Koszalińskim gołymbiorzom karlus prezesowoł Tako przikłod wiela młodszym łod siebie tyż dowoł Dyć młodziki z jego rynki piyrsze w lotach były Bestoż teroz i te ptoki trynera straciyły Żol Będzinka dyć przi tymu nawet Koszalina Zubożała ze tom śmierciom przeca ta dziedzina Żol rodziny - szworka dzieci bez łojca została Ślubny kero w niym łoparcie na życie tyż miała. Odpowiedz Link
broneknotgeld Re: +Witold Kucharski+ 03.02.06, 20:32 We Koszalinie forum.gazeta.pl/forum/72,2.html?f=83&w=36166203&a=36166203 Żałość niy minie. Odpowiedz Link
broneknotgeld +Radosław Śnioch+ 03.02.06, 20:39 Radosław Śnioch Koszalin Trojka dzieci w Koszlinie za łojcym durś ślinto Synek ledwo mo dwa lata - tako czy spamiynto? Siostry yno łopowiadać mu ło tacie bydom I co roku ze tym czasym do płaczu zaś przidom Ano mioł gołymbi gyszeft - handlowoł lykami Weteryniorz dyć był z niego - blisko ze ptokami Tako furgła dusza jego do świyntego Piotra Możno kedyś bych jom spotkoł - yno czy tam dotra? Odpowiedz Link
broneknotgeld Re: +Radosław Śnioch+ 03.02.06, 20:42 Drugo duszyczka ze Koszalina forum.gazeta.pl/forum/72,2.html?f=83&w=36166795 Przeca jom tako tu niy łomina. Odpowiedz Link
broneknotgeld +Zbigniew Wójcik+ 03.02.06, 20:49 Zbigniew Wójcik Żarów Co roku przijyżdżoł tukej z kamratami Wszyscy sie asiyli przeca gołymbiami W samym srodku hali siedzieli we szworka -Dyć niy łodzywała sie jego komorka Toż znodli go rano - jak gołomb zagruchoł Już godki ło ptokach niy bydzie łon słuchoł Tako ślubno z synym Zbyszka łopłakujom W Żarowie somsiady bol tyż wielki czujom. Odpowiedz Link
broneknotgeld Re: +Zbigniew Wójcik+ 03.02.06, 20:52 Żarów karlusa dyć łopłakuje forum.gazeta.pl/forum/72,2.html?f=239&w=36167521&a=36167521 Razym we smutku tako se czuje. Odpowiedz Link
broneknotgeld +Krzysztof Kotrych+ 03.02.06, 20:58 Krzysztof Kotrych Środa Śląska We Niymcach miyszkoł gołymbiorz fater Dyć na wystawy gnoł go tu wiater Syna zabiyroł z tym do pomocy Toż niy doczekoł tyn karlus nocy Fater to przeżoł - syn stracioł życie Łojciec w rozpaczy - przeca to wiycie Toż mu te ptoki yno łostały Co z duszom jego jakby furgały. Odpowiedz Link
broneknotgeld Re: +Krzysztof Kotrych+ 03.02.06, 21:02 A dyć niyczynne jest forum Środy forum.gazeta.pl/forum/72,2.html?f=72&w=36168099&a=36168099 Tako na Wrocku bydzie do zgody. Odpowiedz Link
broneknotgeld +Tomas Breza+ 03.02.06, 21:07 Tomas Breza Brno Toż rozedma płuc łon mioł A gołymbiom ciyngym pszoł Do hodowli durś był skory Choć straszyli go dochtory Mioł tych ptokow setek pora I gołymbnik jak poł dwora Kto terozki do opieka? -Bydom na Tomasa czekać! Dusza jego tam pofrunie? Czy zagrucho co już koniec? We żałobie ktoś ze Brna Chorzów durs pamiyntać trza. Odpowiedz Link
broneknotgeld Re: +Tomas Breza+ 03.02.06, 21:16 Za Pepika forum.gazeta.pl/forum/72,2.html?f=12607&w=36168949&a=36168949 Trza nom rzykać. Odpowiedz Link
broneknotgeld + Josef Pawlicek + 03.02.06, 21:20 Josef Pawlicek Brno Drugo w niym ofiara mo Tako zocne przeca Brno Tyż gołymbie we żałobie Zginoł w hali dobry czowiek Ptokow chcioł aż czista hować Kto je teroz mo futrować? Żol łostawić je ty duszy Dyć terozki przeca musi. Odpowiedz Link
dede99 do wszystkich 03.02.06, 21:26 (*)(*)(*)(*)(*)(*)(*)(*)(*) ++++++++++++++++++++++++++ Odpowiedz Link
broneknotgeld Re: + Josef Pawlicek + 03.02.06, 21:27 Drugi gołymbiorz z czeskego Brna forum.gazeta.pl/forum/72,2.html?f=12607&w=36169523 Za niego tako porzykać trza. Odpowiedz Link
broneknotgeld +Zdenek Dvorak+ 03.02.06, 21:32 Zdenek Dvorak Orlovice Siedym krziżykow - to niy mecyjo Gołymbnikowo mioł familijo Toż ptoki były tyż życiym jego We zocy miały tako istnego Dwiesta gołymbi - wielgachne stadko Możno niy wszysko już szło z tym gładko Dyć do Orlovic furgnoł z Chorzowa Dusza gołymbio tam chce sie schować Odpowiedz Link
broneknotgeld Re: +Zdenek Dvorak+ 03.02.06, 21:36 Ano za duszom Zynka Dvoraka forum.gazeta.pl/forum/72,2.html?f=12607&w=36170386 Tako nom przidzie tukej zapłakać. Odpowiedz Link
broneknotgeld +Tadeusz Bartosik+ 04.02.06, 11:37 Tadeusz Bartosik Bytom Ano - policjant inkszych pilnowoł By był porzondek pozor durś dowoł Toż czy mog karlus przewidzieć krach? Że sie zawali na wszyskich dach? Dyć chcioł ratować przeca kobiyta Czy zdonżoł? -Nawet niy trza sie pytać Dach lecioł na doł - dusze we gora Z wielkego ćmoka w świytlisto "dziura" Tako ofiara łon doł ze życia Sie niy dziwejcie co ło tym klyca Mo przeca karlus jako my pożyć Na wieczność łostoł wśrod gołymbiorzy. Odpowiedz Link
broneknotgeld Re: +Tadeusz Bartosik+ 04.02.06, 11:54 Som niy uciykoł - przeca ratowoł forum.gazeta.pl/forum/72,2.html?f=141&w=36191788 Z życio swojego ofiara dowoł. Odpowiedz Link
broneknotgeld +Jan Herich+ 05.02.06, 16:51 Jan Herich Michalova - Słowacjo W Michalovej vice-wojtym - gołymbiom kamratym Toż skiż ptokow był tyn karlus naprowdy bogaty Płacze ślubno - z gołymbnika słychac tyż gruchanie Dyć już istny w swoji szteli na nogach niy stanie Furgła dusza se wysoko i światu dziwuje Bol kajś łostoł - nawet mrozu terozki niy czuje Zdo sie yno wtedy biere jom wielko tynsknica Jak u bliskich widzi troski i spłakane lica. Odpowiedz Link
broneknotgeld Re: +Jan Herich+ 05.02.06, 16:57 Na polski stronie forum.gazeta.pl/forum/72,2.html?f=20347&w=36251307&a=36251307 Tref pisoł koniec. Odpowiedz Link
broneknotgeld +Marek Kwieciński+ 05.02.06, 17:56 Marek Kwieciński Dombrowa Gorniczo Pora lot gołymbi łon już niy hodowoł Tref zły tako sprawioł co sie rozchorowoł Jednak przeca marzoł ciyngym za ptokami Tako na wystawy ciongnoł z kamratami Do dom już niy wrocioł - łostatnio łoglondnoł Ponboczek zawołoł - w swoje stadko wprzongnoł We Dombrowie ślubno no i tako cera Same niy ślintajom za karlusym teraz. Odpowiedz Link
broneknotgeld Re: +Marek Kwieciński+ 05.02.06, 17:59 Trza poświycić we Dombrowie forum.gazeta.pl/forum/72,2.html?f=334&w=36254276&a=36254276 Stracioł se tam dobry czowiek. Odpowiedz Link
broneknotgeld +Kamil Ważyński+ 05.02.06, 22:39 Kamil Ważyński Z łojcym no i siostrom futer tu sprzedowoł Ano - mody karlus tyn gyszeft poznowoł Latoś go czekała we szkole matura Dyć już jego dusza terozki we chmurach Fater przeszukowoł tyż te rumowisko Przeca łon za syna dołby richtig wszysko Yno zimno ajza mu tela godała Co łod familiji go cołkym zabrała. Odpowiedz Link
broneknotgeld Re: +Kamil Ważyński+ 05.02.06, 22:40 Kaj miyszkoł istny? -Mozno szkryfniecie By se przidało to tukej przecie. Odpowiedz Link
broneknotgeld +Aleksander Lewandowski+ 05.02.06, 22:45 Aleksander Lewandowski Łęgów wele Pruszcza Gdańskiego Fyrma "Agrol" futrym stoji tako na Pomorzu Znano była już łod downa tukej gołymbiorzom Toż se wcale niy dziwejcie - zjechoł do Chorzowa Gyszeft zdo sie bardzi kryńcić - we tym jego gowa Dyć terozki go niy szukej już miyndzy żywymi Furgnoł w Niebo richtig drapko - tela ło tym wiymy. Odpowiedz Link
broneknotgeld Re: +Aleksander Lewandowski+ 05.02.06, 22:49 Pruszcz Gdański ślinto? forum.gazeta.pl/forum/72,2.html?f=35510&w=36270393&a=36270393 Niych tyż pamiynto. Odpowiedz Link
broneknotgeld +Mieczysław Biesek+ 05.02.06, 23:00 Mieczysław Biesek Czersk Kto go w Czersku niy znoł pewno niy z ty szteli Z gołymbiami zowdy uciecha tu mieli Przi nich niy mynczyło nawet bezrobocie Jak ptoki hodujesz to mosz wiyncy pociech Jeszcze łojciec przeca gołymbnik wystawioł Toż syn jedyn drugi tako tyż se jawioł -Przed gołymbie stowioł yno familijo Terozki żol wielki - prziszła tragedyjo! Odpowiedz Link
broneknotgeld Re: +Mieczysław Biesek+ 05.02.06, 23:03 Ktoś na forum powiatowym forum.gazeta.pl/forum/72,2.html?f=142&w=36271141&a=36271141 Ło karlusie cosik powiy? Odpowiedz Link
broneknotgeld +Mirosław Szeliga+ 06.02.06, 21:37 Mirosław Szeliga Bielsko-Biała Teściowi w sklepie Mirek pomogoł Kaj dlo gołymbi szło kupić wszysko Łod sia dyć inkszym zowdy coś dowoł Za ti ich wdziyncznośc przeca tyż zyskoł Toż Bielsko zbiyro na familijo Kero besz łojca teroz łostała Sie niy łodwroci już tragedyjo Ślybno dyć troje dzieci z niym miała Drobiozg to jeszcze - siył potrza bydzie Coby wyrosły na dobrych ludzi Niych nasze pszonie w ta strona idzie Niyszczyńście dobro w duszy łobudzi. Odpowiedz Link
broneknotgeld Re: +Mirosław Szeliga+ 06.02.06, 21:41 Bielsko familijo wspiyro forum.gazeta.pl/forum/72,2.html?f=53&w=36328271&a=36328271 Tako w dobro dyć zaziyro. Odpowiedz Link
