"Skarga"

[madohora]

Wlazłach tukej z ciekawości
Wto tyż na tym forum gości
A to wszystko Bronka wina...
Bo mi podnios adrenalina
Boch do wczoraj nie wiedziała
Żech po ślonsku kejś godała
Zaproszom tyż na forum Nikisza
Teroz tam po ślonsku tam pisza
A to wszystko Bronka wina...

Forum:Nikiszowiec

[broneknotgeld]

Blysło forum jakby wczora
forum.gazeta.pl/forum/71,1.html?f=49353&t=1193843626655
Zrychtowała Madohora
Nikiszowiec blyśnie tako
Z tym niy bydzie już jednako.

Nikiszowske rymy

[broneknotgeld]

Ano, ano - przeca wiymy
Majom tam we zocy rymy
Madohora niymi rzyko
Jak se rano zaś łoblyko.

[broneknotgeld]

Nikisz blyszczy naszom godkom
Ty jom spotkosz i jo spotkom.

[madohora]

Niy byda ci robić konkurencyji
bo jo niy chca takich "mecyji"
Jo ino tak jak umia bronia Nikisza
Bo po wielkim szumie
Bydzie wielko cisza.....

[broneknotgeld]

Trza Nikisz wspiyrać
W forum zaziyrać.

[madohora]

Musza się jeszcze poprawić
Abyś mi mog komplementy prawić.
Jo dopiero pisza łod piontku
musza się trocha podszlifować w tym wontku.

[broneknotgeld]

Richtig z piontka? Łod kerego?
Przeca grajfka mosz do tego.

[madohora]

broneknotgeld napisał:

> Richtig z piontka? Łod kerego?
> Przeca grajfka mosz do tego.
***************************************
Mom ci jo tak trocha romantyczno dusza
i niy przypuszczałach, że ze fraszkom rusza.
Nawet kiedyś w prozie konkurs żech wygrała
Łod "babski gazety" nagroda dostała.
Niy chca pioć peanów tu na Twoja chwała
Ale że mom "talynt" to żech niy wiedziała.
*****************************************************************
A poważnie, to faktycznie od dnia kiedy pierwszy raz (w zeszłym)
tygodniu weszłam na to forum. Gdyby nie Ty nie powstał by "Balkan" w
takiej formie. Była by to po prostu, poważna historia pisana prozą.
Ukłony i szczególne podziękowania.
********************************************************************
Kożdy z nos sie nad tym biedzi
Bo niy wiy, co w nos siedzi...

[broneknotgeld]

Putołch ło to bakynborta
Ano tako mi łodpedzioł
-W ciebie siedzi konsek czorta!
Dyć joch przeca ło tym wiedzioł.

[madohora]

broneknotgeld napisał:

> Putołch ło to bakynborta
> Ano tako mi łodpedzioł
> -W ciebie siedzi konsek czorta!
> Dyć joch przeca ło tym wiedzioł.
************************************
W doma łoscuda zy mnom mieli
Bo co myśla niy wiedzieli
jo już czortym od małego była
Niyroz na lanie żech zarobiła
Ino że w doma mie niy bili
Kozania jakieś mi głosili
Za jedna rzecz ino sie zabiyrać niy byda
Nigdy niy korzcie mi czegoś zaśpiywać!!!
Bo jak bych to zrobiła
To jak w tym kawale bych zarobiła
Kożdy by mi za to płacił
By mie wiyncy niy zoboczył(usłyszoł)

[broneknotgeld]

Pawno w głosie jeji cudo
Czy usłyszeć se to udo?

[madohora]

Oj Bronek nigdy nie ze śpiewaniem
Kiedyś było cudo z recytowaniem
Jak "Odę do Młodości" deklamowałam
To nawet przysłowiowa mucha nie brzęczała
Jednak to było kiedyś lata w szkole
Spróbować jeszcze taką mam wolę.

www.galoch.com/index.php?id=imprezy_i_konkursy&position=2
Jeszcze pytanie czy mnie zaproszą?

[broneknotgeld]

Sie wybiyrosz do Pruszkowa?
Ło tym myśli twoja gowa?
Toż iych chyńci w tym wystyknie
Zadeklamuj tam coś piyknie.

[madohora]

Jak już przyszły ciynżkie czasy
i z robotom były szpasy
Dupa w pociąg żech wsadziła
do stolicy tyż wybyła
W Komorowie żech miyszkała
Z Pruszkowym somsiadowała
To tak bardzo blisko było
że sie piechty tam chodziło

Może jako przy okazji
Na Komorów wlyź sie zdarzy

Deklamować Gałczyńskiego
gowa chyba mom do tego.
Już mom jedyn wiyrsz wybrany
drugi terfia tak nad ranym
"Dyszcz jesiynny durch pamiyntom"
Inny to żart - może być ciynko
Mie to kusi skuli tego
chca sprobować czy jeszcze
mom grajfka do tego?!
Przeca lata już minyły
z czasym talynt diobli wziyli?
a może tak mi sie ino zdaje
i coś tam jeszcze nom zostaje?

[broneknotgeld]

Niy sprobujesz - se niy dowiysz
Potym ło tym nom łopowiysz.

[madohora]

Natomiast widziałeś co się dzieje gdy słucham
Zwłaszcza gdy jest to coś miłego dla ucha
Mówię tutaj o poezji czy też muzyce
Zwłaszcza gdy jeszcze wokoł palą się świece
Gdy w wierszu trwoga to we mnie jest trwoga
Tak ja ja słucham to jest dar od Boga

[broneknotgeld]

W "Wiśniowym Sadzie" szło tyż posłuchać
Choć niy brzynczała tam żodno mucha.

[madohora]

Może okazjo jeszcze bydzie
jak wtoś na impreza przydzie

[broneknotgeld]

Ano bydzie - dyć niy roz
Na to stowiom i swoj włos!

[madohora]

Jo mom kudłow jeszcze wiela
Chyba ich niy straca w nojbliższo niydziela

[broneknotgeld]

Som "łostatki" we niydziela
Potym "ślydź" i co z wesela?

[madohora]

Tak w Popielec gowa w kanor
Cało byda umurckano*
Przeca se niy skocza z mostu
Przez okres Wielkiego Postu
Świynta gibko nom przeminom
Żaś zabawa, jak żech Madohorom

*umurckany - znaczy brudny, jak podaje "Meto" sprzed kilku dni

[madohora]

Popioł na czoło i na lica
A na pukiel włosiynica

[broneknotgeld]

Czy umurckać sie wystyknie?
Czy na forum zaś ktoś kliknie?

[madohora]

Godosz żech jo gwiozdka co na niebie świyci
I mi się ta fraszka jakoś lekko klyci.
Jak mi wyna przejdzie zaleja się w trupa
Spadna z tego nieba i sie szczaskom dupa.

[broneknotgeld]

Niy chciyj szczaskać
Co trza głaskać.

[madohora]

W naszy klasie przesiaduje
Moje FORUM zaniydbuje
Mom go szukać z karbidowkom
Robić dniowka mu za dniowkom

[broneknotgeld]

Ano - same życie
Przeca ło tym wiycie.

[madohora]

Czy zaś trzeba flaszki
By napisać fraszki?

[broneknotgeld]

Chciałoby se wszyndy być
Chocioż Muza prawi - "klyć"
Czasu brak abo ty formy
Niy pobija swoji normy.

[broneknotgeld]

Flachow wiela
No i frela.

[broneknotgeld]

Skarżyć niy byda
Jeszcze tu przida.