Sowizdrzoła konkurs fraszki ślonski

[broneknotgeld]

Sława Sowizdrzoła na Ślonsku niy mijo
Konkursowi fraszki istny patronuje
Nabrojić poradzi - dyć niy tragedyjo
Ze szpasu sie czowiek tyż przeca raduje.

Regulamin konkursu
----------------

[broneknotgeld]

Rudzki dynkmal Sowizdrzoła???

Kwaśne wiśnie wcinoł
-Tako mina mioł
We "Wiśniowym Sadzie"
Rzić chnet bydzie grzoł?

Zicnie tam na ławce
-Rudzian uraduje?
Dyć łon ślonski humor
Jako swoj traktuje!

[broneknotgeld]

Za fraszki Sowizdrzoł niy płaci
Wystyknie że to sie niy straci
A reszta jest w regulaminie
Rym rośnie we ślonski dziedzinie

[broneknotgeld]

Jeszcze prawie tydziyń brify wysłać idzie
Możno ze konkursym uciecha fest bydzie.

[broneknotgeld]

Tam idzie wołać
nasza-klasa.pl/forum/17/977/49
Na Sowizdrzoła.

[broneknotgeld]

Rok Sowizdrzoła
trza by łobwołać!

[broneknotgeld]

Sowizdrzoła Konkurs Fraszki
=====================

Sowizdrzoła Konkurs Fraszki
Jak sztrachecel wele draski
"Paulek" prawie w niym wygrywo
Toż dziedzina tyż szczyńśliwo
Coby wszyskim gratulować
Prawie tam trza posty dować
nasza-klasa.pl/forum/17/977/39?find=last#post83

[broneknotgeld]

Piyrszy konkurs fraszki ślonski
Piyńciu dało gryfne konski
Zapamiynto historyjo
Że choć we tym komedyjo
Dyć tyż krok dlo ślonski godki
Jako bombon bez pozłotki.

Wyny i radości
jo wszyskim winszuja
Tako szczyńśliwości
-Dyć i jo rymuja.

[broneknotgeld]

Sowizdrzoła Konkurs Fraszki Ślonski

Piyrszy konkurs fraszki ślonski
Piyńciu dało gryfne konski
Zapamiynto historyjo
Że choć we tym komedyjo
Dyć tyż krok dlo ślonski godki
Jako bombon bez pozłotki.

Wyny i radości
jo wszyskim winszuja
Tako szczyńśliwości
-Dyć i jo rymuja.
nasza-klasa.pl/forum/17/977/39?find=last#post100

[broneknotgeld]

Łod fraszki do fraszki
Toż zocne igraszki.

"Paulek"

[broneknotgeld]

Zowiść!

Zefek sztyjc gyszefty robi
Kożdy mu sie dziwo
Niy posiedzi z żodnym w szynku
Niy wypije piwo

Już łod downa mu godajom
Coby doł sie pozor
Bo go babska pokazujom
I bierom na łozor

Inksi mu zowiszczom
Auta i chałupy
Dyć, se ciongym popijajom
W szynku grzejom dupy.

[broneknotgeld]

Sowizdrzoli "Paulek" wiela
Wiy niyjedna ło tym frela.

"Bonzo"

[broneknotgeld]

Na Sowizdrzoła

Teroz frele na ryncach niesom
ino Sowizdrzoła z kiesom.
Mo być mondry i zabawny,
i do inkszych rzeczy sprawny.
Umieć zarobić i baba łozdobić
wyhasać sie z frelom do woli...
Bestoż łon singlym być woli.

"Dita"

[broneknotgeld]

Na miano

Momy tukej Sowizdrzoła
Z łorgankami gno przez pola
Bo na naszyj ślonskij ziymi
Miana żodyn mu niy zmiyni.

[broneknotgeld]

Trzecie miejsce łod rudzianki
Dita blysła jakby wiankym.

"Jorgiel"

[broneknotgeld]

Zaduma

Siadła se baba na starym kamiyniu
Westchnyła: Jak tyn świat sie zmiynio
Godajom, że już niydugo koniec świata
Dobrze, że jo już mom swoje lata.

Mie dzisioj serce strasznie gniecie
Nastoł nom kryzys na całym świecie
Za mojich czasow było dość spokojnie
A teroz konflikty, katastrofy, wojny...

Zimno już teroz jest i na dworze
Pusto w bojtliku, pusto w oborze
Na całym świecie na kryzys wajajom
Bo taki biydy, jak jo mom, ni majom.

"Kuba"

[broneknotgeld]

Na zolyty

Sowizdrzoł na kole byndalami kryńci,
Gónióm go gorole, tóż wiy, co sie świyńci.
Dostoł prziśpieszynio, choćby w odrzutowcu.
Na co mu to było - zolyty w Sosnowcu.

[madohora]

Zjod fistaszka
Zrodziła sie fraszka...

[broneknotgeld]

Na pociecha
Zjod łorzecha.

[broneknotgeld]

Sowizdrzoła Konkurs Fraszki Ślonski

Chnet se konkurs fraszek kończy
Chciyjcie na nie tam dziwować
nasza-klasa.pl/forum/17/977/77
W głosowanie kto se włonczy?
Trza do piontku punkty dować
nasza-klasa.pl/forum/17/977/79

[broneknotgeld]

Tam wesoło wele stoła
Kaj ugoszczom Sowizdrzoła.

[broneknotgeld]

No, jest szansa na to, że po kolejny edycji konkursu ukoże sie tomik
fraszek ze tymi konkursowymi, jak tyż pewnym wyborym utworow
fraszkopisarzy zwionzanych ze tym konkursym.

[broneknotgeld]

Konkurs fraszki ślonski
We jeji stolicy
Ponoć ze uciechy
Sowizdrzoł aż kwiczy.

[broneknotgeld]

Tyro Sowizdrzoł po Ślonsku całym
Wlepio we zdrzadło tyż swoje gały
W nocy mu sowa coś pohukuje
Czy w godce fraszki ktoś mu żałuje?

Dyć przeca konkurs ze jego mianym
We ślonski szteli drugi roz dany
Fraszkopisorze rymy zaś prziślom
Szpas zocnym kunsztym nowy wymyślom.

[broneknotgeld]

Sie Sowizdrzoł już raduje
Ślonsko godka dyć promuje
Kery potrza zowdy fraszki
Jako sztracheclowi draski.

[broneknotgeld]

Brifow ciyngym sie spodziywom
I na skrytka tako dziwom.

[broneknotgeld]

Sowizdrzoła Konkurs Fraszki Ślonski - II edycjo
===

Sława Sowizdrzoła na Ślonsku niy mijo
Konkursowi fraszki istny patronuje
Nabrojić poradzi - dyć niy tragedyjo
Ze szpasu sie czowiek tyż przeca raduje.

Regulamin konkursu
-

[broneknotgeld]

Sie juzaś nom kulo

nasza-klasa.pl/forum/17/977
Przeca rym niy fulo.

[broneknotgeld]

Na Sowizdrzoła konkurs kukajom
Ci kierzy ślonski fraszce fest pszajom.

[broneknotgeld]

Fraszka dowo nom zabawa.
To już sukces - zocno sprawa.

[broneknotgeld]

Kto fraszki szkryflo zno Sowizdrzoła
Świata niy zleci już dołokoła.

[broneknotgeld]

Sowizdrzoł i frela

Roz na Ślonsku jedna frela
Niy strzimała - szkryfna tela
Uległa mu
Wiycie czamu?
Mioł Sowizdrzoł kajś dość wiela.

[broneknotgeld]

Dyć co jeji - to w proficie
Pszonie czynsto niesie życie
Już niy sama
Gryfno mama
Choć zowitkom teroz - wiycie.

[broneknotgeld]

Sowizdrzoła Konkurs Fraszki Ślonski - III edycjo 2010

Toż moga już podać końcowo punktacjo konkursu

Dorotka - 135
Niyherski - 126
Wichtora - 114
Stazyjka - 111
Biedronka - 110
Godula - 104
Efyj - 92
Ynst - 78

Gratuluja autorom fraszek i dziynkuja za udział.
Dziynkuja tyż wszyskim klasowiczom kierzy byli jurorami we tym konkursie.

[broneknotgeld]

Szworto edycyjo tyż już jest za nami
Tako Ruda blyszczy ślonskimi rymami.

[broneknotgeld]

Poł setki jurorow
Dyć brakuje ciebie
nk.pl/#forum/17/977/564?find=last#post108
Ślonski kunszt humoru
Godka jakby w niebie
Toż niy dej sie prosić i kładź punkty swoje
Kej na forum blyszczom tako tworcow "boje".
nk.pl/#forum/17/977/565