Do ekspertow

[bokertov1947]

Wczora oglondou ech stare konty bez Earth'a.
Jak sie jedzie w kerunku Szalszy - to widac take dwa kolka polonczone ze sobom. Co to jest?
Jakijs tor wyscigowy - ale w lesie?
Fto mi pomoze zagadka rozwionzac?
Pyrsk!

[bratjakuba]

bokertov1947 napisał:

> Wczora oglondou ech stare konty bez Earth'a.
> Jak sie jedzie w kerunku Szalszy - to widac take dwa kolka polonczone ze sobom.
> Co to jest?
> Jakijs tor wyscigowy - ale w lesie?
> Fto mi pomoze zagadka rozwionzac?
> Pyrsk!
---------------------------------------------------------------------------------
Kreuzung. Nowaka-Jeziorańskiego z Tarnogorskom.

[bokertov1947]

Co mie robisz za lebra!
Dyc jak tom 78 dojedziesz do Kreuzungu ze Rogozinskigo - to musi to byc njy daleko.
Pyrsk!

[szwager_z_laband]

idzie Ci o poligon czougowy we kole Psziszowki?

[ballest]

Laband, miedzy Przyszowkom a Szauszom je przeca las, a w tym lesie bou ten poligon do czougo i to se te dwa kreisy puonczone drogom kaj czougi testowali, tam tysz je staw, wlyz na googla to to zaroz widzisz.
My tam na grzyby ze soccerem chodziyli.

[socer-schlesier]

bokertov1947 napisal:
Wczora oglondou ech stare konty bez Earth'a.
Jak sie jedzie w kerunku Szalszy - to widac take dwa kolka polonczone ze sobom. Co to jest?
Jakijs tor wyscigowy - ale w lesie?
---------------------------------------------

Szwager mo racja bo tu o tym poligonie chyba jest mowa. Ulicom Rogozinskygo (od Tarnogorski do gory) podjedziesz pod som las a tam za potym jest poligon wojskowy o kerym mowa.

[ballest]

Tukej uech to przelinkowou

tiny.pl/hwpbr
to jest ten poligon !

[bokertov1947]

Bardzo Wom dziynkuja!
Piernika, pora lot ech mjyszkou w Gleiwitz, i njy wiedziou, co tam bou taki poligon. No ale wtedy, to jeszcze Googla njy bouo (ani kampurtkow), to sie cojsik takigo njy szuo obejrzec "z nieba".
Pyrsk!
PS: A to tam testowali te wozki dzieciynce z Laband?

[socer-schlesier]

Jak zech tam bol piyrszy roz "za potym" jake 40 lot tymu na tym poligonie to trasy kaj te czolgi testowali stoly betonowe supy wysoke na 5-6 metrow do kerych przimocowane byly blachy zeby larmo sie niy roznosiylo.Dzisiej juz stojom yno gole supy, blachow juz niy ma.

[herbjelita]

Za moich szkolnych czasow to te pancry ze Zakladow Mechanicznych na tyn poligon lesny jechali przez rynek, ul.Glowna, ul,Goi-Wiczynskiej, ul.Pyskowicka i Paulinkom do lasa.
Umiecie se wyobrazic jak te ulice i skrzyzowania wyglondaly. Na kozdym skrzizowaniu wbite bouy takie metrowe pale do ziemi, ale i to nie pomoglo. Za niedlugi czas te pale jeno tak furgauy. Dopiero po latach wybudowali ta droga czougowo wele przistanku kolejowego.
(Gliwice-Kuznica). Przez miasto wtedy przejezdzali kolumny 6 albo 10 czougow naroz. Chaupy se trzonsuy.