zywe skole Glywic

[szwager_z_laband]

pamiyntocie jak'escie byli bajtle jake zwierzynta itp zouy dziko we waszyj okolicy?

we Laband we lesie bouy np traszki, po ogrodkach na rozanyj szuo chytac jaszczurki a jak zech bou mauy to starsze chopcy mieli szpas nosic we kabzach zywe oscynki(niywia jak to sie richtik mianuje?), a pod dachami gniazda robiouy se jerzyki

jak my jechali we lesie kedys to przed rowerym na tzw "paulinie" pszeskoczou nom przez cesta srogi jelyn', no i jak zech uaziou na grziby to i wiywiorki, zajonce, dziki i sornioki sie widziauo, a niykedy i lisa

kole pauliny wiedzieli my kaj ojle siedzom, a we rzeczce we lesie szuo chytac kijanki i bouy blank maluske rybki i zaby

we lesie bouy tysz zaskronce i padalce, a niykedy we ogrodku szuo i ropucha znonsc abo jeza

na rynku na tyj reszcie po starym kanarze zbiyrali my waserflyje do staryj ponczochy:)

kole kanaru furgauy rybitwy i mewy a na kanarze roztomaite kaczki i kurki wodne sie smykauy no i bouy labondki

niykedy sie we lesie trefiouo uaska abo take mynsze cos co do niyj bouo podobne(niypamiyntom jak to sie mianowauo)

[anton_28]

Szwager, fajny tymat zejs chyciou !!! Jou sam mogam bestimmt duzo pedziec!!!!

W Laband, jako ze miouch lasa w pieroony, prawie dziynnie se tam bouo, no i natürlich uostomajto gadzina se tam czimaua!
Jako ze jo pou w Muldenau i pou w Laband dziecinstwo spyndziou to zaczna uod Muldenau:

Nojgorzi bouo bes zima, ledwie poura tych czornych, co tam bele jako padlina wydziubioom, potyn kobuchy furgajoom abo siedzom na rzyrdce.

Jak PGR kiszoonka wyciepou, to wdycko pod wieczoor slatywauy se dzike gynsi s jeziora, coby co wyrzrac i nazot na woda. Niyros my s kolegoom se tam zaczajyli i pora razy jak se te gynsi jusz do zarcio dauy, nougle niywiadomo skont se fuchs znoud i na te gynsi sztartnoou !!

Dzike swinie miauy piyrsze mode! Ansonsten w lesie cicho!

Potyn wiosna, jusz bouo lepi ! W pszikopie ropuchy se goniouy i niydugo potyn pouno rzabich jajec wy wodzie! Piyrsze garcopiyrze w nocy zaczuy furgac, a bejzdziyn boczoonie slatywauy wele sklepu na maszt do gniouzda. No i skowroonki na polu cfiyrkauy!

Coros ciepli se robiouo, kozuy w lesie miauy zajs roja, yno co poura minut se daruy, choby pies szczekou! No i szlangi uostomajte w trouwie szuo natrefic!

Lato to jusz raj do gowiedzi!!! A my, cauo noc na amboona pszi vollmondzie, posuchac jak dzikou swinia ryje abo nocne ptoki - ojle i inksze spiywajoonce

Bejzdziyn w pszikopie za goroom cza bouo dowac pozoor coby nous niy urzar "tyn co do zadku uajzi" czyli krebs, bo take tam tysz bouy !!!

Potyn jesiyn, na Widowskych goorach larmo niypszeciyntne!!! Byk se wydziyro !!! Wszystek inkszo gadzina mu s droogi suajzi ! A tyn louce i ryczy, tak dugo asz kerojs mu do !


W Laband na kanarze pamiyntoom myjwy, kormorany, uyski, ynty i nawet rous takki wielki hoby szczur do wody skoknoou wele Dziyszna !

Jelyni w Labanckym lejsie niy widzuioech, ale sorniki i dzike swinie pora razy, w nocy jak se na Czechowice jedzie.

Ojla w Laband widziouch narajzie jedna :)))))))))))

[szwager_z_laband]

pszipomnious mi te niytoperze jeszcze - u nos na ulicy zowdy na wieczor szuo je uidziec:)

a na bagrach faktycznie widziouech tysz te "szczury wodne"!

kole "Egiptu" tera som oruy!

[szwager_z_laband]

jeszcze bazanty i przepiorki mi sie spominajom z kole PGRu:)

tam tysz bouo kedys wpierony hazokow

bociana niykedy szuo obejzec a wiyncyj w kerunku na Strzelce widziouech roz w lesie(bo tam miou na drzewach gniazdo) bociana czarnego!

[anton_28]

Czorny boczon? To je fest rzodki ptouk w Europie. Tojs miou wirklich Glück ! Gratulujam

Fazany jescze do dzisio se czimiom miyndzy betonoowoom i Oplym na tych uoonkach, ale za kanauym my tysz poura widzieli!

Hazoki to na polach wele bagroow miauy uciecha tympo trynowac

a garcopiyrze, to my einfach kizloki do luftu podciepywali, a w prawy rynce rzyrdka, jak podfurgnoou pod kamiyn to chlast go rzyrdzioom bes szkrabikel ! Yno pech w tym ze garcopiysz meistyns bou warciyjszy i zdoonzou sfurgnoonc na bok i za pierona dziada niy szuo trefic!

Czopla siwou pora razy my wele kanaru widzieli jak stoua pszi brzygu

Yno kobucha w Laband ciynszko bouo uwidziec, nawet nad lasym zech bes fernglas niy dou rady go wybadac

Jedne co se zajs pokozauo to wiywioorki w Laband

No ji dzike swinie na stadionie uot LTS :)

[szwager_z_laband]

u nos na domu we Laband pora lot pod zond gosciu czorny dziynciou - tysz zodki pieron:)

[szwager_z_laband]

musza sie sam poprowic:)

niykedy sie we lesie trefiouo uaska abo take mynsze cos co do niyj bouo podobne(niypamiyntom jak to sie mianowauo)

ta wiynkszo to kuna a ta miynszo to uaska:)

[bratjakuba]

szwager_z_laband napisał:

> musza sie sam poprowic:)
>
> niykedy sie we lesie trefiouo uaska abo take mynsze cos co do niyj bouo podobne
> (niypamiyntom jak to sie mianowauo)
>
> ta wiynkszo to kuna a ta miynszo to uaska:)
--------------------------------------------------------------------------------------
Zapomnioł eś jeszcze o tchorzu. Też nolezy do łasicowatych i nejczyńści go idzie napotkac
kole chałup,bo je wielkim amatorym kurzich jajec.
A te wodne szczury co o nich spominoćie to mogom byc roztomante.
Nejczynstsze som piżmoki(Bisamrate) som myńsze od szczura domowego ale tak ostrożne,
że ciynzko idzie je ujrzeć.
Mogły to też byc wydry (Otter) bo rade baraszkujom na brzegu.
Tak jeszcze przed 20 do 30 latami,jak było w modzie hodowanie nutrii to czynsto sie
je napotkało nad wiynkszom wodom.Były to zdziczałe egzemplarze,kiere uciykły z hodowli.
Niekiere dorostały do wielkości sporego psa.

[herbjelita]

bratjakuba napisał:

Tak jeszcze przed 20 do 30 latami,jak było w modzie hodowanie nutrii to czynsto sie je napotkało nad wiynkszom wodom. Były to zdziczałe egzemplarze,kiere uciykły z hodowli.
Niekiere dorostały do wielkości sporego psa.

bracie, z tym psym toś trocha przesadziou. A może to bou jeno dackel?
Tydzień temu toch joud takego "wodnego szczura" - delikatessa. Jeno to nie je wodny szczur jeno Bisamratte, uone podradzom i sztyry kilo wożyć. Muj brat hodowou nutrie i tysz smakowauy, a wurst z dodatkem świnskego - juzas delikatessa.
Bardzo dawno tymu bouech ministrantym u sw. Jerzyka w Laband. Wyłazieli my prawie z kościoua a na tych polach po prawyj stronie (dzisiejsze ogródki działkowe) widzieli my take dziwne zwieże. Uon bou biouy ze czornymi końcówkami. Bouo wczesnom wiosnom, bestusz miou biouy fell. Bou to hermeling, uon bez zima je biouy a bez lato fuksiaty i trocha wienkszy uod łaski, ale bardzo chudy. Robi uon we ziemi duge hodniki Pora chopóe za nim kopauo, a tyn pieron 20 metrów dali ze ziemie wyskoczoł i spierdolou. Hermelinowe felle to jeno królowie nosili. Nie wia jak uon se po polsku nazywo. Sobol, abo Gronostaj?.

[berncik]

Hermelin bez zima

[berncik]

Gronostaj
www.jerzygrzesiak.pl/lista282.html

[szwager_z_laband]

nutrie my z fatrym czimali - jak roz zech je futrowou i zapomniou pozamykac klotki to potym zech pou dnia je szukou i chytou:)

[anton_28]

Szwager, a pamiyntosz, na poczoontku 80tych lout po Szczelcow lotou taki hudy ciymnobronoutny kulawy pies

Belmond go zwali ! Jak gojs pogooniou to wdycko go na bok znojsiouo :)

To boua nojlepszo egzotyczno gowiydz w Laband

a potyn pszifurgua Ojla :)

[ballest]

u nos bouo zawsze duzo dzikow i Jeleniim, te ostatnie to nawet bez poty przeskakiwaly;)
#ale tu we Niymcach prawie dziennie mom wywiorki kolo mnie a lisy tysz nos odwiedzajom nawet bez dziyn.

[anton_28]

Ballest, szkryfni mie sam genauer uo tych jelyniach: bouy to maue sorniki abo wielke byki???

Bo pszi tych uostatnich to pot by se rosleciou, taki majoom gwout !

[ballest]

Wpierw to bou wielki Jelen a uon tyn pot przeskoczou, bo uon leciou ze Plawniowickiego lasu do laczanskego a to te wywiorki co seu mnie taczurlajom:

[anton_28]

To u nos w Muldenau niykej ze zopocio szuo sorniki widziec jak wele Sznurabergu se pasuy

Z dzikymi swinioma bouo gorzi, bo te w nocy lotauy. Jelynie tysz se mie ros trefiouo widziec, kej ze 5 leciauo z niykormskygo lasa bes Sznuraberg ku bycinskymu lasowi

[szwager_z_laband]

cos mi swito, ale ze sie tak mianowou to juz niypamiyntom

gouymbie i cukrowy jeszcze bouy:)

[herbjelita]

bercik, dzienkuja za te uobrozki. Tyn zwierz tak miyjwiency wyglondou, ale miol czorne łapki, choćby szczewiki i jego uogon miou na koncu tysz konsek czornego. Jak se uobejżysz uobroski downych królów to nojsieli uoni taki biouo kapa na ramionach ze czornymi punktami. To bouy te skórki z tych uasiczków.