Slonzoki warzom!

[artjomka]

Sezon na szpargle sie zaczon!
A co my Slonzoki szporobliwy narod, bestosz, jak jymy szpargle polone maslanom zouzom - myslymy tysz, co idzie ze szparglowych oszkrabin dobrego uwarzic?!
No jasne - bardzo dobro zupa - krym!
Jak sie szpargle strugo - niy wyciepywac oszkrabin i tych koncow kere obzinocie!
Jak warzymy szpargle, to wciepujymy do wody ze dwa kartofle.
Uwazone szpargle i kartofle, wyciongo sie ze wody, wciepuje oszkrabiny, obrzinki - i dali warzymy - z 20 minut.
Oszkrabiny odciskomy na rubym sitku (do wody po warzyniu). Wciepujymy te kartofle (jak fto chce moze je drobno porznonc, jak mo szpargle, kere sie zrobiouy za mjynke - tysz rajn!).
Tak jeszcze z 10 minut warzic, dociepujonc kostka topionego smietankowego syra (ale niy jakigos ze szinkom abo ziouami - bo przyndzie smak).
Trocha pomagikowac, ciepnonc pu mauy lyzeczki sambal oelek.
Fto umiy robic "zasmaszka" z monki i masla - niych zrobi w malym tygliczku.
Teroski wzionc mikser sztabowy i pomiksowac wszyjsko w gorku. Wloc tysz zasmaszka -nawet jak sie zrobi pora cfokow - niy szkodzi - mikser je rozmiyszo.
Pot koniec miksowania dodac Creme double, abo fraiche - i - wiela fto woli, biouego pu wytrawnego wina (wytrawne moze tysz bac - ale ku tymu cza dosuc do zupy trocha cukru).
Na wiyrchu zupy - kero bydzie po miksowaniu trocha tyngo - zrobi sie fajno szomina.
No tosz teroski zupa gichnonc na talysz, abo do zupowkow-terrinow. Posuc posztkowanom pietruszkom zielonom - i jejsc.
Fto woli moze sie ku tymu zrobic grzonek - abo wzionsc jake kupne.
Smacznego i Pyrsk!

[szwager_z_laband]

my to roz miksujymy i potym pszez cedzitko przecedzomy bo zawsze jakes szparglowe "wosy" sie ostowajom

znaczy cza by skuli piany drugi roz potym miksowac;)

[bratjakuba]

A my robiymy bez kartofli i zasmożki ale za to z awokado zmiksowanym ze śmietinkom i sokym z cetrony.
Ale po dodaniu awokado dp zupy nie śmi sie już warzic bo bydzie gorzke.

[artjomka]

Mniamm, mniamm - Jakubowy Braciku!
To ze tym Avocado musza sie merknonc - i kejsik wyprobowac!
Pyrsk!

[artjomka]

zwager_z_laband napisał:

> my to roz miksujymy i potym pszez cedzitko przecedzomy bo zawsze jakes szparglo
> we "wosy" sie ostowajom
>
> znaczy cza by skuli piany drugi roz potym miksowac;)

Witom Szwager!

Momy pora dni urlopu - to pojechali my do bauera i kupjyli szpargli. I bestosz ech ta zupa uwarzou.
Mosz pra, co te wonsy ze szpargli sie niy rozmiksujom - bestosz abo cza uwazac, jak sie wciepnie pora szpargli, abo wciepnonc je do cedzitka przed wycisniynciym oszkrabin.
Jo mom do tego take cedzitko jak trichter - i poszuo na niym bes problymu.
A co do miksowanio. Njy - ino ros. Jo to robia tak, co gornek niy symmuja ze blachy (robia ino na "2" abo nawet na "1" - wklodom sztab - i jada z miksowanie - dodowom przi tym te wszyjstke cutaty. Szomina zaczyno sie sama robic - i nawet sie na wjyrchu zupy czimie.
Spobuj - napewno Ci wyndzie.
Pyrsk!
PS: Wazne je, coby ta zupa boua gorko - bo jak dolywosz wina, to tymperatura idzie na dou.

propozycja

[szwager_z_laband]

proponuja zeby jak ktos w tym wontku do nowo recepta to niych te wszkryfniyncie zatytuuje mianym tego dania z danyj recepty!

swojsko hauzkyjza

[szwager_z_laband]

jo to robia tak jak moj oupa to robiou:

biera twarog poutusty krusza i dodowom kminek i sol. Wszyssko fajnie miyszom w miseczce i na koniec zakrywom gazom i gumkom(coby bouo szczelne) na miyjwiyncyj tydziyn

tera odstawiom w ciepue miejsce na pora dni. Fertik.

Moja ulubiono konsystyncja je jak w srodku jeszcze ta kyjza je biouo a na zewnontrz juz grubo warstwa zoutyj puynnyj kyjzy.


ps

jak dugo to mo stoc to zalezy od tymperatury - nojpryndzyj miouech to fertik po 3 dniach a najpozniyj po 10

krupnik po mojymu

[szwager_z_laband]

krupnioka pieka na patelni z furom pokronyj we flastry cebuli - jak dugo piyc to kozdy musi som se wybrac

[szwager_z_laband]

miouo byc "krupniok" a niy krupnik :))

[gryfny]

jo preferuja grzony

[szwager_z_laband]

jak grzony? - we wodzie?

a z czym go jysz?

[gryfny]

szwager_z_laband napisał:

> jak grzony? - we wodzie?....jo , jak na koncu zaczyno wychodzic na talyrz z nim
>
> a z czym go jysz?
palcami i nozyczki nojlepi.....no i cieple zymly

[berncik]

szwager_z_laband napisał:

> jak grzony? - we wodzie?
>
> a z czym go jysz?

Ze kartofloma i ze kwasnom kapustom ale warzono i ze kupom wyndzonego boczku drin.

[szwager_z_laband]

oba zescie mie zaskoczyli, ani tak ani tak niy joduech jeszcze

[anton_28]

a moje nojlepsze co jou poradza to nudle ze käse-spinat sauce

1/3 mrorzonygo spinatu, dazu scheibka zouty kyjzy, trocha masua, knorr boulion i kondensmilch (niykedy tysz trocha czosku) i uwarzic to wszysko do kupy

nudle nojlepi ruki

20 minutow i fertig

[szwager_z_laband]

my zamiast nudli bierymy gnocchi
a zamiast zoutyj kyjzy gorgonzola:)

[anton_28]

a spinat do tygo tysz dowosz?

bo jou znom gnocchi gorgonzola s Czechow jak tam na zakupy jadymy - wdycko biera pouny talysz + wielko tomata drauf ;)

[szwager_z_laband]

idzie to tysz ze szpinatym zrobic:)

[anton_28]

a powiydz mie eli te gnocchi idzie samymu einfach zrobic, abo lepi weznonc te kupne?

a jak zrobic ta zouza s gorgonzola? einfach kyjza uospujscic na uogniu?

[szwager_z_laband]

jo ich nigdy som niy robiou, ale wiym ze idzie

a jak chcesz zrobic to ze szpinatym to dodej trocha mleka abo smietany - chyba ze ci szpinat duzo wody pusci ..., to wtedy nic niy dodowej

[berncik]

To tysz je interesant:
Piwo możesz zrobić w domu! Zobacz jak...
www.nto.pl/apps/pbcs.dll/article?AID=/20120422/REPORTAZ/120429992

[szwager_z_laband]

prawie mi jedyn znajomy opowiadou niydowno, ze jak w 39 wlezli do Polski i kajs stacjonowali w cyntralnyj Polsce to same se jako wojoki warzyli tysz piwo:)

my w doma ino podpiwek robiyli.

polywka

[szwager_z_laband]

mom do wos zaytanie

jak wy warzycie polywka?

[gryfny]

jo nie warza,czasym robia na spirytusie.
Ida tera na Markt bummel,na grochowka mom smak, mosz jakies tips na ta zupa?

[szwager_z_laband]

czosnek, majeranek i magikraut dodac:)

no i listek bobkowy, ziele angelske, sol i pieprz:)

no i fajny przerostany boczek pokrony w kostka

[gryfny]

w kostka kartofle,osobno uwarzone,dowom jeszcze, no i wurst od Slozoka...dzisioj krakowsko- luksusowo,nowo sorta mi wcisnou

[szwager_z_laband]

jo tysz tak kartofle dowom

a jaki groch bieresz, ze pelom abo bez?

[gryfny]

te co nie muszom bez noc w wodzie lezec,przewaznie

[szwager_z_laband]

czyli bez peli:)

moja tysz je woli ale jo wola tec co cza moczyc:)

[gryfny]

roz zech kupiou u turka groch ,bo fajnie wyglondou
brrrr,to ci je mist

[szwager_z_laband]

jo ostatnio bou u Turkow pojesc - wiysz ze dobry kuchorz bou

[gryfny]

u Turka zech jeszcze nie bou
u Persa roz i styknie
zupa wyglondo trocha jak zur,cienki

[bratjakuba]

szwager_z_laband napisał:

> mom do wos zaytanie
>
> jak wy warzycie polywka?
============================================================
Jo doświadczoł roztomantych polywek.
Moja mama warzyła tako zupa ze chleba z winym abo piwym a jak nie było to ze kompotym ze sliwek. Mianowała jom "germuszka" i dycki sie wadziyła ze somsiadkom,kiero padała,ze noleży jom mianować "farmuszka" a nie germuszka.
A moja Oma jak widziała ta zupa padała dycki,zaś ta chlebowo polywka warzicie.
U moich szwigrow za to polywka to je to,co u nos sie nazywało "żur z maślonki".

[szwager_z_laband]

gynau jo polywka znom z doma tysz joko "zur z maslonki" szuo by padac:)

bardzo to lubia, ale ciekawi mie jak inksze ta polywka z maslonki robiom

bezto zech sie zapytou

ps

[szwager_z_laband]

tak sie pytom bo jak kukom we necu to przewaznie widza ze dodawajom tam koperek, a jo to znom ze majeronkym

Bitki po mojymu

[szwager_z_laband]

Znocie te danie? Jak niy to jo je wymyslou:))

Powia wom jak sie to robi.

Kupcie u masorza fajny filet od wieprzka abo z cielika, ciynko go we flastry pokroc.

Opukac i wysuszyc na papiorze kuchynnym. Tera tuczkym fajnie pobic bez folia (to niy bydzie pyrskac), a na koniec posolic i popieprzyc ze obydwoch stronow.

Cebula pokroc w niy za rube flasterki.

Na patelni rozgrzoc do blank gorka masuo klarowane.

Dac na fet te miynso i krotko z dwoch stron przipiyc pryndko razym z ceulom miyndzy nim.

fertik

ps

do tego sauata polno(z olivom i sokym z cytryny) abo zielone szpargle ze modymi kartoflami przed podaniym odlone i poszolontane w gorku z konskym masua i pieprzym.

prawie to robia:)