herbjelita
05.01.13, 18:55
Ja ja wczora boua moja ostatnio szychta. 52 lata, kożdy dzien rano o 6,00 abo o 7,00 se zaczynauo a wele 14,00, 16,00 i 19,00 se kończouo. 52 Lata, to som 624 miesionce i 19032 dni. Najpierw za modelarza we zakładach mechanicznych we Łabendach potym za konstruktora w Przemysłówce i Energochemie we Gliwicach, aby w Łabendach zaś powrócić do stolarstwa ale już na własny rachunek. Po przeprowadce do Reichu, ze dwa lata byle co a potym we 1983 zrobiou ech se juzaś prywatnym. Jak łatwo z tego wyniko 22 lata udzielałem się dla budowy socjalizmu w Polsce a 30 lot podnosiou ech niemiecki dochód narodowy.
W tych to 30 latach wyuczou ech za czeladników 36 modych Niemców i wielu im douech dobro robota. Jo zaś z tego wszystkego wielkego majontku niy zbiou. Firma je bez dugu, Haupa je bez dugu, a jo se przez tyn cały czas normalnie, po ślonsku żoł.
Wczora tyn wielki knall. Przed Firma zajeżdżo Traktor ze takom dziwacznom przyczepom ze stołem i ławkami. Zleciało se ze 20 ludzi i kozajom mi wsiadać w akompaniamencie akordeonowej muzyki. Wieźli nos po całej miejscowości jak wariatów. Naturalnie piwo i Jägermeister zebrali mit. Jechali my tak naszymi ulicami z muzykom i głośnym śpiewaniem Stimmungslieder. Po godzinnej jeździe wysiedli my przed moim blockhausem (dacza) na uonce, kaj prziszło jedzynie i dali my pili i śpiwali. Wice my tysz opowiadali i stimung bou 1a.
Uo 22,00 se skończoła ta moja uostatnio szychta ze śpiwkom "So ein Tag, so wunder schoen wie heute".
A tera do Antona:
Anton tobie już nie złostało wiela do takego dnia jak mój. Aże se opłaco toch se som dowiedziou. Ta reisa ze tym anhängrem to boua inicjatywa moich pracowników. Mie se zdo, że to samo za siebie godo. Powiam ci, że jo mioł dużo szczenścia w życiu i to żech miou zawsze dobrych ludzi. Tego szczeńścia i tobie życzam.
Johannes
