Kaj sie jest gorolym?

[broneknotgeld]

Czy gorolym czowiek może być yno na Ślonsku?
Czy Ślonzok kery sie na stałe wykludzioł ze Ślonska to tyż dlo
tamtejszych "gorol"?

[sloneczko1]

ja,jak sie wykludzioł ze ślonska to do tamtejszych to tysz je gorolym:)

[hanys_hans]

sloneczko1 napisała:

> ja,jak sie wykludzioł ze ślonska to do tamtejszych to tysz je gorolym:)

Moze i jest ale sie inakszy mianuje. Górale godajoom u siebie na takigo "CEPER"

[broneknotgeld]

Ano, bestoż szkryfnołch to w cudzysłowiu.
Miano mianym, dyć idzie ło to, że jest dlo autochtonow "niytutejszy".
Wyłazi na to, że Ślonzok tyż może być "gorolym".
A możno bydzie sie skiż tego fest sztresowoł i "zgorolowacieje" jeszcze bardzi?

[bonbon1]

A podug mie gorol to barzi taki charakter, niywazne skond sie je i kaj sie
miyszko.

[sloneczko1]

bonbon1 napisał:

> A podug mie gorol to barzi taki charakter, niywazne skond sie je i kaj sie
> miyszko.
jak tak godosz to jakie cechy mo gorol?oczywiście tyn co u nos miyszko;)

[szwager_z_laband]

bonbon1 napisał:

> A podug mie gorol to barzi taki charakter, niywazne skond sie je i kaj sie
> miyszko.


zgodzom sie ze Bonbonym - Trololole majom typowe walory:))

[broneknotgeld]

Jo znom Ślonzokow-trolololi.

[sloneczko1]

jo tysz;)

[broneknotgeld]

Hmm, a wiela znosz Ślonzokow kierzy majom "gorolski" charakter?
Po prowdzie to idzie sie tyż łopytać co może znaczyć tyn "gorolski" charakter?
Czy niy-Ślonzok mo "ślonski" charakter?

[bonbon1]

Gorol to jest taki wrazipyrtlaty klugszajser.

[szwager_z_laband]

wszysko idzie uogolnic i wszysko do kozdego dopasowac Bronek, ale my sam godomy
o typowych Trolololach. Jo tysz miyszkom we landzie ze kerego niy pochodza, ale
w zyciu bych niy prziszou na to coby wyciepywac z niego ludzi kere sam od
pokolyn miyszkajom

[sloneczko1]

gorolym u nos nazywali obcych,ale jedne gorole były dobre bo gospodarne i
życzliwe,a drugie niydobre bo wszystko u nich szło na "przelew",i takim
określeniem gorol teroz nazywajom mynty co żerujom na innych i yno umiom rynka
wyciongać po pomoc a nic niy robiom żeby jako robota znyjść i wśród nich tysz
som ślonzoki,w każdym razie jo dużo takich znom;)

[sloneczko1]

i myśla,że Wy tysz takich znocie

[bonbon1]

Sloneczko, ty niy myl gorola z elwrym :-)

[szwager_z_laband]

wiysz skond te miano elwwer sie wzionuo?

przed wojnom we Slonsku bezrobotne dostowali zapomoga jedynstego kozdego
miesionca:)

[bonbon1]

zas rzech sie czegos nauczol.

[sloneczko1]

szwager_z_laband napisał:

> wiysz skond te miano elwwer sie wzionuo?
>
> przed wojnom we Slonsku bezrobotne dostowali zapomoga jedynstego kozdego
> miesionca:)

no ja,robotniki,ale z tego widać,że w otoczyniu mojyj rodziny niy znali
tego albo zapomog niy brali yno starali sie sami zarobić na chlyb,abo niy godali
po ślonsku:)

[bonbon1]

to bol teroz outing?

[sloneczko1]

niy rozumia

[bonbon1]

... ze niby po szlonsku niy godali ;-)

[sloneczko1]

bonbon1 napisał:

> ... ze niby po szlonsku niy godali ;-)
niy,niy godali ale znać to trocha musieli,tak myśla;)

[szwager_z_laband]

suoneczko jo wiym zes i we fuzbal niy graua, ale pomimo tego na rzut karny
godauo sie tysz elwer:))

[sloneczko1]

szwager_z_laband napisał:

> suoneczko jo wiym zes i we fuzbal niy graua, ale pomimo tego na rzut karny
> godauo sie tysz elwer:))
ja,to znom

[ballest]

To mosz recht, bo u mie tysz nie bouo bezrobotnych bo Beamtry zawsze robota
mialy, ale juz u moji zony to inaczy wyglondauo!

[sloneczko1]

ballest napisał:

> To mosz recht, bo u mie tysz nie bouo bezrobotnych bo Beamtry zawsze robota
> mialy, ale juz u moji zony to inaczy wyglondauo!
no Ballest,przeca nasze rodziny z tych prawie samych stron som:)

[sloneczko1]

sloneczko1 napisała:

> ballest napisał:
>
> > To mosz recht, bo u mie tysz nie bouo bezrobotnych bo Beamtry zawsze robo
> ta
> > mialy, ale juz u moji zony to inaczy wyglondauo!
>
> no Ballest,przeca nasze rodziny z tych prawie samych stron som:)
ale jedna z moich ciotek ożyniyła sie w strona Kluczborka i tam chopy na
cały tydziyn do roboty sam przichodziyli ,i yno na sobota i niydziela wrocali do dom

[bonbon1]

Ja, ja, tak to jest jak sie wezniesz kogos z majontku ;-)
(Kozdy gorol teroz by myslol, ze to komplymynt)

[szwager_z_laband]

:)))

[sloneczko1]

bonbon1 napisał:

> Ja, ja, tak to jest jak sie wezniesz kogos z majontku ;-)
> (Kozdy gorol teroz by myslol, ze to komplymynt)
ale do tego majontku to czeba było jakość dojść,niy sondzisz? kisz tego
gospodarkie żyniyli sie z gospodarkiymi abo gospodzkiymi:)

[szwager_z_laband]

suoneczko tera zech pod jak sznita ...

[ballest]

Suoneczkom w Plawniowicach, Bojszowie, Rudnie malym i wielkim tysz chopy
piechty do Glywic, Zobrzou Bytomia chodziyli i dopiero w sobota na wieczor
wroucali !

[sloneczko1]

ballest napisał:

> Suoneczkom w Plawniowicach, Bojszowie, Rudnie malym i wielkim tysz chopy
> piechty do Glywic, Zobrzou Bytomia chodziyli i dopiero w sobota na wieczor
> wroucali !
całkiym mi to z głowy wyleciało,mosz recht,nawet moj jedyn ujek mioł tam
kaś zowitka ,chyba w Zabrzu:)

[szwager_z_laband]

jak zowitka - miou tam cera co boua zowitkom, abo jak?

[sloneczko1]

szwager_z_laband napisał:

> jak zowitka - miou tam cera co boua zowitkom, abo jak?
mioł tam kochanka co miała z niym dziecko i musioł na nie płacić ,a bou
ożyniony jusz z mojom ciotkom i tysz z niom mioł dzieci:)

[bonbon1]

taki konda jednym slowym.

[sloneczko1]

szwager_z_laband napisał:

> suoneczko tera zech pod jak sznita ...
no trudno,moj ojciec polskiego uczoł sie w anglii--najpiyrw angielskiego a
potym to tłumaczoł na polski bo chcioł nazot wrocić:)i z tego wyniko ,że
wcześniyj po angielski spikoł a potym mówił po polsku

[szwager_z_laband]

suoneczko jo miou na mysli tyn "majontek"

ps

suoneczko jo tysz mom onkla we angli - on je ze Laband i tysz po polsku niy
poradzi, ale po slonsku SUPER!!

[szwager_z_laband]

Suoneczko jo by nigdy uczciwymu czuowiekowi niy padou gorol - ganba by mi bouo,
a fatry by mi jeszcze dzisej po gymbie za to naszczylauy

[sloneczko1]

ale faktym jest ,że każdego obcego tak sie kiedyś nazywało

[sloneczko1]

u nos sie niy godało elwer

[szwager_z_laband]

my som Elwry z Wilhelminy
ciynzko robic niy bydymy :))

boua tako piesniczka:)

[broneknotgeld]

Hehe - jakby niy paczeć to "łostrość" znaczynio tego wyrazu terozki sie
zamazuje.
"Niyuczciwy" Ślonzok jakosik nom "gorolowacieje"
A a porzondny niy-Ślonzok - "ślonzoczeje".

[broneknotgeld]

Hmm, jo znom poru Ślonzokow kerym wyraźnie zaszkodzioł wyjazd na stałe do
Niymiec. Tukej pamiyntom ich jako cołkym porzondnych karlusow, dyć w Niymcach
jakosik "zgorolowacieli". No ja, możno to yno widać jak przijyżdżajom tukej na
byzuch, bo tam niy ma im leko.

[szwager_z_laband]

a mozno to Ci sie ino tak zdo, mozno to niymo nic ze zagranicom spolnego, mozno
to mo wiyncyj spolnego ze zawiyraniym sie na zagranica?

[broneknotgeld]

Toż godom - niy ma im leko.
Jo niy jest w stanie sprawdzić tego jako sie czujom we tych Niymcach.
Możno, jak sugerujesz, tyż se tam już czujom yno "gorolami".
Tam ich to mynczy bo som "myńszościom".
Hehe - jak przijyżdżajom na byzuch to możno chcom być tom "wiynkszościom".
Zdo sie co na swoj sposob im se to udowo.

[szwager_z_laband]

jo godom o tych we Polsce co niy wiedzom co znaczy sie roztwozyc na swiat

[broneknotgeld]

A jo godom ło tych kerych szłoby mianować tako - "ślonski gorol na byzuchu".
Swojom drogom internet to jakby zwielokrotnio. Pewno znodli by se internauci na
ślonskich forach, do kerych by to pasowało.

[szwager_z_laband]

take cos niyma Bronek

ps

[szwager_z_laband]

przipomino mi sie sam fotka ze jednyj ksionzki od Szoutyska - on tysz tam tych
slonzokow co wyjechali do Niymiec zrobiou za zdrajcow - sam ale sie szajsnou,
bo wiynkszego zdrajcy jak on to niyznom ...

[broneknotgeld]

Szwager, to niy jest wontek ło Szołtysku, ani ło zdrajcach.
Niy miyszej, niy zaciymniej sprawy.
Przeca taki "ślonski gorol na byzuchu" to yno boroczek.
Jo rozumia to, że jest sfrustrowany, że musi se jakosik "podźwigać",
zaszpanować, to jest tako autoterapio. Tako yno to widza.

[szwager_z_laband]

i ty w to wierzysz?

a czym on by miou byc sfrustrowany??

Bronek tak fulajom te we "sobocie we Bytkowie" - wierz mi to som bojki i
bery ...

[broneknotgeld]

To niy jest sprawa wiary.
poru takich ludzi znom osobiście - to wszysko.

[szwager_z_laband]

Bronek jo kedys am kajs szkryfnou ze lata rozuonki robiom kozdego inkszym, ale
pomys eli to dziauo ino we jedna zajta - dyc ktos kto pojechou furt tysz
poznowo inksze horyzonty, a tyn co sie ostowo ostowo sie ze samym sobom w
pewnym synsie. Abo?

[broneknotgeld]

Szwager - co ty nawijosz.
Jo zowdy byda twierdzioł, że Ślonsk ze goroli robioł, robi i może robić
Ślonzokow.
Niy nawijej mi tu ło "jedny zajcie".

[szwager_z_laband]

Bronek, a wiysz kto to som "Hawaje"?

Niyjedyn taki Hawaj je dzisiej juz Slonzokym - to je normalne ...

[broneknotgeld]

Z familokow takego terminu jak "Hawaje" niy znom, we znaczyniu kere ty tukej
sugerujesz. W swojym otoczyniu tyż se z niym niy spotykom. Zdo mi sie
niyślonski. No, za wyjontkym samych wysp i szlageru.

[szwager_z_laband]

niy gniywej sie ale tukej sie musisz doszkolic:))

Hawaje

[szwager_z_laband]

www.elwry.de.tf/
sam ich znondziesz:))

[broneknotgeld]

"Musza" czy moga?

[szwager_z_laband]

mogesz:))

[szwager_z_laband]

wiysz ze Masztalski to je Hawaj ale(?)

:))

[broneknotgeld]

Jak mom wiedzieć, czy Masztalski jest "Hawajym"?
Jo niy wiym co znaczy "Hawaj" w tym co szkryflosz - moga se co nojwyży domyślać.
Możno podsuniesz mi jakisik słownik ślonski godki ze tym zwrotym.

[szwager_z_laband]

Hawaj to je taki oswojony blank ale to blank Gorol - no a co do suownikow to
wydowo mi sie ize cinyszko bydzie to znonsc tak samo zresztom jak np hajota -

[broneknotgeld]

Hmm, we Rudzie żech sie ze takim zwrotym niy spotkoł.
Swojom drogom u nos za czasow gerkowskich godało sie tyż czynsto "imporciok".

[szwager_z_laband]

klar t je, ale prziznom sie ze tego jo niy suyszou:)

Bronek. Hawaj to je taki symbol/synonim egzotycznosi, a ze momy ta
piosynka "Hawaj je piykny" no to jak juz ktos je oswojony to sie go i darzy
sympatiom:))

[broneknotgeld]

Dyć mogbyś mi wyklarować cosik inkszego.
Tego "Hawaja" znosz ze Glywic czy ze Niymiec?

[szwager_z_laband]

ze Chorzowa, nowego Bytomia i Hajduk Wielkich:))

acha !, jeszcze ze Wirka!!! = moj kumpel Siwy tysz tak godou - a bou krojcokym:)

[broneknotgeld]

Joch nigdy tako niy godoł i nigdy tyż tukej tego niy słyszołch we takim
znaczyniu. No a we tych słownikach ślonski godki już żeś na to trefioł?
Przeca jak wszyndy tako godajom, to downo już we kerymś powinno to być.

[szwager_z_laband]

a natrefious we keryms we tych suownikow na suowo "hajota"?

hajota - uozko

[broneknotgeld]

Niy szukołch, toch niy trefioł.

[broneknotgeld]

To jest yno Twoje subiektywne zdanie.
Mie sie zdo prawie na łodwyrtka.

[szwager_z_laband]

no to momy blank inksze zdania o tym ...

[broneknotgeld]

Niy ma w tym nic złego, kozdy przeca mo swoje doświadczynia.

[szwager_z_laband]

i wyglondo na to ze som one blank roztomaite:)

[broneknotgeld]

Mie to niy dziwi.

[szwager_z_laband]

tak jak i mie:)

[broneknotgeld]

No to w tym som my zgodni - tyż piyknie.

[sloneczko1]

gorolym może sie być i we swoji chałupie:) jak sie o nia niy dbo;), abo sie
chodzi na niydziela i beztydziyń w tych samych łachach;)jest nawet tako
piosynka:czorne boty do roboty ,czerwone do tańca..........

[broneknotgeld]

Pewno Słoneczko myślisz terozki ło jakimś ciarachu.
No dyć ciarachym może być i Ślonzok i gorol - toż zdo sie, że to niy to.

[sloneczko1]

no,
na takiego to godajom tysz"ty gorolu niymyty"

[sloneczko1]

czyli ,jakby sie tak zastanowić, to te słowo gorol mo dużo znaczyń;)

[szwager_z_laband]

ale ino jedne na kere wszyske sie zgodzajom

[broneknotgeld]

Hmm, kaj tak godajom?
Jo na ciaracha godom ciarach i tela.

[jaborygyn]

We Bytooniu!

Stolicy ziymje bytoomski we Goornym Szloonzku!

Ale yno wtynczos, kej siy nosi mjano: Krzysztof Przybylski.

miasta.gazeta.pl/katowice/1,35019,3216864.html

[szwager_z_laband]

Liga Polskich Rodzin będzie zbierać informacje o tym, kto i w jaki sposób
osłabia tożsamość narodową Polaków. Złapani na gorącym uczynku trafią do bazy
danych przykładów "dekompozycji państwowości polskiej".


Na pomysł utworzenia Ośrodka Studiów Analiz i Dokumentacji wpadł Krzysztof
Przybylski, działacz partii Romana Giertycha. Przybylski z wykształcenia jest
prawnikiem, kiedyś pracował w Urzędzie Marszałkowskim w Katowicach, a dziś
szefuje LPR w Bytomiu. Zbieraniem informacji o ludziach i działaniach, które
osłabiają tożsamość narodową Polaków, zajmą się wybrani działacze partii, a
ośrodki powstaną przy lokalnych strukturach LPR, m.in. na Górnym i Dolnym
Śląsku. Mają zacząć działać jeszcze w tym roku. Powstaną bazy danych
przykładów "dekompozycji państwowości polskiej".

- Do bazy trafią wypowiedzi osób, które szkalują dobre imię Polaków - tłumaczy
Przybylski. I wyjaśnia, co to znaczy: - Jeśli na przykład ktoś powie albo
napisze, że istniały "polskie obozy koncentracyjne".

Dodaje jednak, że LPR nie będzie protestować przeciwko określeniom "polskie
obozy pracy" o obozach np. w Łambinowicach czy Świętochłowicach Zgodzie, do
których po II wojnie światowej trafiali Ślązacy i Niemcy.

Na listę mają też trafić ci wszyscy, którzy kiedyś wyjechali z Polski do
Niemiec, zrzekli się majątków, a teraz będą próbować je odzyskać. Dotyczy to
bardzo wielu Ślązaków, których PRL-owskie władze zmusiły do wyjazdu i oddania
polskiego majątku.

Liga chce również przyglądać się wszystkim lokalnym mediom i sprawdzać, czy nie
ma w nich tekstów, które jej działacze uznają za antypolskie. - Chodzi o
wszystko, co się rozmija z prawdą historyczną. Nie do pomyślenia jest np.
podważanie polskiego charakteru powstań śląskich - mówi. Jego zdaniem, były to
zrywy narodowe, a nie - jak twierdzili często Niemcy - jedynie śląska wojna
domowa.

Przybylski: - Nagłośnimy tych, którzy działają antypolsko na wykładach, kursach
i seminariach. Będzie to ostrzeżenie. Sprawdzimy też, czy to przypadkowa
działalność, czy też zaplanowana akcja, by zdeprecjonować znaczenie państwa
polskiego - zapowiada Przybylski.


jak sie nazywo tako mania? przesladowczo, abo je to inkszy rodzaj tego
schorzynia??

:))

ps

[szwager_z_laband]

no to jo proponuja w rewanzu roztworzyc sam lista Trolololi!

:)

Tyn K.P. idzie na piyrszy ogyn!!!

[broneknotgeld]

Szwager, mie sie podobo ideja "Polski samorzondnych regionow".
Toż jo jest za państwowościom takom bardzi federacyjnom.
Jak myślisz - mom szanse sie na ty liście znojść?

[szwager_z_laband]

to je do mie ino srodek na cescie do cylu - tak naprowdy to
we "wspaniauomyslnosc" Trolololi juz downo niy wierza ...

[szwager_z_laband]

jak przindzie juzas czas kedy Trololole pokozom swoje pazury, to na zicher
bydziesz tam kole mie:))

[broneknotgeld]

Hehe - dyć se myśla, co ta LPR-owsko lista by mie jakosik nobilitowała.

[szwager_z_laband]

na zicher, mozno nawet by ci dali jakos ulga:))

[broneknotgeld]

Hmm, yno jako to wyrychtować?
Możno rozkulać taki wontek na forum bytomskim.
Ktosik z LPRu tam bliknie i prawie chyci - kto wiy?

[szwager_z_laband]

uczynnych je aze za tela, robota sama sie za sia juz na zicher zrobioua - to
mosz jak w banku, bezto niy pynkej:)

[broneknotgeld]

Pacz, a jo na forum bytomske łod jakegoś czasy niy zoglondoł - trza to nadrobić.
Szwager, to przeca niy ło mie idzie.

[szwager_z_laband]

oni sie ale i o ciebie upomnom:))

[broneknotgeld]

Niy yno łoni.
Jo po swojim krotkim i jedynym partyjnym "stażu" w PO jest żech teroz wyraźnie
antypartyjny.
No dyć Szwager, miyszkom we Polsce - ani to Niymcy, ani tym bardzi Białoruś.
Hehe - niy miyj mi za złe, żech w jedne zdanie wsadzioł i Niymcy i Białoruś.
To yno skiż tego, że prawie miyszkosz w Niymcach.

[szwager_z_laband]

pierona, kajs Ty to juz niy bou:))

Bronek, wiysz jak godajom na polityka przeca - co ci byda dalyj godou ...

[broneknotgeld]

Hehe - przi wyborach samorzondowych na forach bydzie gorko a i jo swoje "czi
grosze" dociepna.
No dyć terozki musza kończyć.
Dziynki.

ło gorolu Szołtyska

[hanys_hans]

broneknotgeld napisał:

> Szwager, to niy jest wontek ło Szołtysku, ani ło zdrajcach.
> Niy miyszej, niy zaciymniej sprawy.
> Przeca taki "ślonski gorol na byzuchu" to yno boroczek.
> Jo rozumia to, że jest sfrustrowany, że musi se jakosik "podźwigać",
> zaszpanować, to jest tako autoterapio. Tako yno to widza.

Ale idzie zobic´ stego woontek "ło gorolu Szołtyska"
I bydzie blank na tymat!

mitglied.lycos.de/beno163/gorol.jpg

[broneknotgeld]

Hmm, jak wykładnio Szołtyska uwożosz za nojlepszo, to może tako być.
Jednak Twoj autorytet wcale niy musi być niym dlo mnie.

[hanys_hans]

broneknotgeld napisał:

> Hmm, jak wykładnio Szołtyska uwożosz za nojlepszo, to może tako być.
> Jednak Twoj autorytet wcale niy musi być niym dlo mnie.

Kto ci padou ze to je mooj autorytet?

[broneknotgeld]

A kto go tu wyciongoł, choć żech szkryfnoł, że wontek niy ło niym?
Mie łon zresztom niy wadzi, tela że som tyż inksze słowniki naszy godki.

[szwager_z_laband]

raduja sie ze tego mamlasa tysz niy powazocie:)

[broneknotgeld]

Hmm, joch tu Szołtyska niy wyciongnoł na wiyrch.
Toż niy wciongo mie ło niym godka.
Choć trocha mie dziwi, że ktosik sie niym zasłonio.

[szwager_z_laband]

myslisz ze takim ciarachyn sie idzie zasuniac?

Bronek, kozdy z nos je konsek inkstzy, ale jakes granice przizwoitosci kozdy
chyba mo

[broneknotgeld]

Hehe - po prowdzie toch zoglondoł yno do jego słownika, jak żech rychtowoł swoj.
Ktosik mi tyż skserowoł jego tekst "ślonski betlyjki".
Wiyncy nic łod niego żech niy czytoł. Widuja jego ksionżki w ksiyngarniach,
nawet do nich blikom ale żodny żech niy kupioł, a nawet niy przeczytołch.
Moga yno pedzieć, że jego "Biblio Ślonzoka" rozchodziyła sie łostatnio lepi.
Nawet znajomi mie sie rozpytywali ło ta pozycjo. Nic żech im niy mioł do
powiedzynio.

[szwager_z_laband]

jo mom wiynkszosc odniego ksionzkow, nawet nykere mi som kedys posuou, on
poradzi i fajnie szkryfnonc - za to ale ze dzieli Slonzokow, za to mo u mie
przerombano:)

[broneknotgeld]

Szwager, a tu sie Ślonzokow niy dzieli?
Czy kożdy kto dzieli Ślonzokow mo u Ciebie przerombane?

[szwager_z_laband]

myniyj abo wiyncyj ale mo:)

[broneknotgeld]

Jest żeś richtig pewny, że Ty som Ślonzokow niy dzielisz?
No bo ciynżko jest jak sie samymu u siebie mo przerombane.

[szwager_z_laband]

ja, jo je zicher - ale jak mosz cos konkretnie na mysli to wal smiauo:)

[broneknotgeld]

A na co mi konkrety?
Niy śledza już tukej tych polsko-niymiecko-ślonskich nacjonalizmow.
Szkoda czasu.

[jaborygyn]

Tak wjela dali niy poradzi se z tym dac' rada. :-(

[broneknotgeld]

A możno ktosik niy umi sie piznońć tyż we swoja klota?

[szwager_z_laband]

moja wina, moja wina moja b.wielko wina :))

[broneknotgeld]

No to polyj tego wina jak ta flacha tako wielko.

[hanys_hans]

broneknotgeld napisał:

> Hmm, joch tu Szołtyska niy wyciongnoł na wiyrch.
> Toż niy wciongo mie ło niym godka.
> Choć trocha mie dziwi, że ktosik sie niym zasłonio.
>

Ale wycioongues´na wiyrch taki tymat "Kaj sie jest gorolym?"
Skwuli tego cza pszeanalizowac´ wszyske publikacje na tyn tymat, nawet i te
koontrowersyjne a niy ino te kere noom pasujoom!

Szołtysek zrobiyu to dziebko "bes ogroodek" Dou tam dwa bildy jedyn uod murzina
z Afryki a drugi uod jakegos´ baciara ze Albanii. Wiadoomo ze Afryka i Albania
soom gospodarczo suabo rozwiniynte, jak to sie godo "100 lot za murzinami"
Moog napisac´ prosto z mostu ze to je taki werbus co pszijechou na s´loonsk i
dmuchou na byrna coby s´wiatuo zgasic´ i dac´ ku tymu taki bild, a niy owijac´
w baweuna i korzdy by spokopiyu znaczynie suowa "GOROL"

mitglied.lycos.de/hanyshans/gorol.jpg

[broneknotgeld]

Wolołbych jakbyś som łodpedzioł na pytanie tego wontku.
Teroz mi sie zdo, coś wyciongnoł Szołtyska jako "zły przikłod" łodpowiedzi na
te pytanie.
Zresztom, som już tak na zicher niy wiym ło co Ci idzie z tym "szołtyskowaniym".

[jaborygyn]

We Kattowitz!

Ale yno wtynczos, kej siy Istny mjanuje:

Rajmund Pollak

katowice.naszemiasto.pl/wydarzenia/580748.html

[szwager_z_laband]

no Tyn to to je numer richtik zodki :)

[broneknotgeld]

Utropa zdo sie ze tym znaczyniym słowa "kocyntracyjny".
No dyć tukej prawie momy podobno utropa ze znaczyniym słowa "gorol".

[pasikoonik13]

Tam, kandy pressa, je kooncyntracjo!
Katrupjoom inszo, niy "Prawo" Nacjo.

[broneknotgeld]

Przeca to wiym
Dziynki za rym.

[hanys_hans]

broneknotgeld napisał:

> Hmm, joch tu Szołtyska niy wyciongnoł na wiyrch.
> Toż niy wciongo mie ło niym godka.
> Choć trocha mie dziwi, że ktosik sie niym zasłonio.
>

Ale wycioongues´na wiyrch taki tymat "Kaj sie jest gorolym?"
Skwuli tego cza pszeanalizowac´ wszyske publikacje na tyn tymat, nawet i te
koontrowersyjne a niy ino te kere noom pasujoom!

Szołtysek zrobiyu to dziebko "bes ogroodek" Dou tam dwa bildy jedyn uod murzina
z Afryki a drugi uod jakegos´ baciara ze Albanii. Wiadoomo ze Afryka i Albania
soom gospodarczo suabo rozwiniynte, jak to sie godo "100 lot za murzinami"
Moog napisac´ prosto z mostu ze to je taki werbus co pszijechou na s´loonsk i
dmuchou na byrna coby s´wiatuo zgasic´ i dac´ ku tymu taki bild, a niy owijac´
w baweuna i korzdy by spokopiyu znaczynie suowa "GOROL"

mitglied.lycos.de/hanyshans/gorol.jpg

[szwager_z_laband]

:))

[broneknotgeld]

Coś tu sie miyszjom dwie rożne sprawy.
Czy idzie ło to, że jakisik biydok kery przijedzie na Ślonsk yno ze swojymi
rynkami do roboty, to jest właśnie tyn "gorol"?
No a jak przijedzie ktosik forsiaty, po to by tukej zrobić jeszcze wiynszo
forsa, to to niy jest "gorol"?

[szwager_z_laband]

Bronek, niy tyn niy, ino tyn co chce nom pokozac jak sie ze slonska Polska robi

[broneknotgeld]

Hmm, możno Ci idzie ło polskego nacjonalisty?
No dyć przeca niymiecke nacjonalisty tyż sie na Ślonsku pokazywali, choć
terozki ło to ciynży.
To tyż byli abo i som gorole?

[szwager_z_laband]

no to juz wiysz czamu tera cza sie zajonc polskimi naziolami

[broneknotgeld]

Szwager jo słowa "gorol" niy zawynżom do polskego nacjonalisty.
Czy Ty yno tako je łodbiyrosz?
Czy yno to łone znaczy?

[szwager_z_laband]

narazie momy problym we slonsku ze polskimi naziolami no to musi juz tak byc
jak je

[broneknotgeld]

Hmm, kto mo "problym"?

[olandi1]

Pytanie: Kaj sie jest gorolym?
Ospowiydź: Wszyndzie!!!!!!!!!!

[broneknotgeld]

Hmm, jo bych pedzioł, że możno wszyńdzie tam kaj niy jest sie u siebie.

[cirano]

Niy Bronek, to niy sztimuje. Jo moga być niy u siebie, ale jo jes uod tubylcow
akceptowany, szanowany, besto niy czuja sie gorolym.
Gorolym sie bydzie tam, kaj cie niy chcom. Niy jes to jakoś stuprocyntowo
definicja, ale rozwijo sprawa uo jeszcze jedyn punkt, ftory zresztom jo tak
uodbiyrom.

[broneknotgeld]

Ano, dyć jo sie z Tobom jak nojbardzi moga zgodzić. Wyciongnołś na wiyrch tyż
to ło czym jo myśla. Trza niy być u siebie i trza mieć tyż ta świadomość, że
jednak te nowe środowisko jakosik "gorola" niy akceptuje.

[jaborygyn]

A morzno yno My siy za mauo ku Istnym uotwarli?

Poradzyma byc' jak tyn Hlyb?

"Powinno się być dobrym - jak chleb,
który dla wszystkich leży na stole,
z którego każdy może kęs dla siebie ukroić
i nakarmić się, jeżeli jest głodny."

Cy poradzoom se Istne Nous, Szloonzoukoow i Nasz Szloonzek, bez uopamjyntanio
kroc'?!

Noom to boouo dane przeca bez szpery.

[broneknotgeld]

Kroć to poradzom, dyć czy nojpiyrw przeżegnajom?
Hehe, Jaborygyn, tykosz sie ździbko inkszy sprawy, choć jakby drugego końca
kija. Na Ślonsku wyglondo to inaczy, bo przeca Ślonzok tukej jest myńszościom.
Hmm, możno skiż tego Ślonzok tukej jakosik "gorolowacieje", bo czuje
sie "wyobcowany" we swojym środowisku.

Mała ciekawostka:)

[rico-chorzow]

img460.imageshack.us/img460/7452/0203060041ti.jpg

[szwager_z_laband]

mosz dalyj?

:))

[broneknotgeld]

No richtig - co łoni godajom?

[rico-chorzow]

Niy mom,idźciy na zajty Ruch-Chorzow,eli pytejcie Redyna 6,:)