Naszo godka

[broneknotgeld]

Niy jest gyńsio, kaczo tyż
www.rudaslaska.pl/~media/strona/ruda.php?cnt=0&func=show&id=1381
Yno ślonsko - przeca wiysz.

[rita100]

Traci godka tylko.
Mogli to zrobić z uroczytą żałobną oprawą.

[broneknotgeld]

Co sie stało niy łodstanie
Czas weselszy tyż nastanie.

[rita100]

Co się odwlecze to nie uciecze
ale to już nie bedzie to samo
aura i tak zostanie

[broneknotgeld]

Konkurs to dopiyro drugi
Czas przed nami zdo sie dugi.

[sloneczko1]

najważniejsze,że wiersze som:)

[broneknotgeld]

Jak som wiersze - żyje godka
Choćby kajś jom chcieli potkać.

[olandi1]

Bronek, a czamu ino wyróżniynie drugirgo sropnia?
Pieronym mie to zdziwiło

[broneknotgeld]

Dyć przeca som lepsi.
Rachuje sie udział.

[broneknotgeld]

"Pamiyntej synku"

W chodniku kaś, jakby mocnij zagrzmiało
Strach napion nerwy i zniywoloł ciało
Głośno Wtoś zawył "Ratuj Matko Świynto"!
Cicho i cima, wiyncyj niy pamiyntom

Potym z oddali dochodzi wołanie
Chyba idom ku mie, dej im siyły Panie!
Dej mi Boże wytrwać, modla sie żarliwie
Kamraty już blisko, żartujom o piwie

Ślimtom tak jak bajtel; sztajger do mie woła,
Nojpiyrw do szpitala, potym do kościoła!
Starzikowe myśli po głowie sie tłukom,
Kiedy nos pokrzepioł życiowom naukom...

Synku, na grubie głymbij wierzyć trzeba
Z dołu górnikom dalij jest do nieba.
Synku, w kopalni śmierć jest niydaleko,
Pamiyntej wdycki, niy wiysz, co cie czeko.

autor; Krzysztof Kokot - laureat konkursu

[szwager_z_laband]

richtik piykne - super!

[broneknotgeld]

Kolybej mie

Kolybej mie leko,
Jako fala łodki,
Kochej mie pomału
Niy być taki pryndki.

Przaj mi tak, jak słonko,
Gynsipympki kocho,
Delikatnie halej,
Bo jo dzioucha płocho.

Zabier mie na łonka,
Wywlycz mie do lasu
Tam, kaj niy ma ludzi,
Poświyńć ździybko czasu.

Patrz mi w łoczy ciyngym,
Modrymi ślypiami
Kuknij na me bułki,
Dziwej sie nogami.

Podyńść mie sie starej,
Całuj bez litości,
Kiecka mi potargej,
W tyj dzikij miłości.

Kolybej mie leko,
Jako wiater kwiotki,
Kochej mie bez gańby,
I darymnyj godki.

Krzysztof Kokot - laureat konkursu

[szwager_z_laband]

tysz fajne, ale to bych dou zmiynic:)

"Kuknij na me bułki,"

[broneknotgeld]

Toż Ci chyba ciyngym te "bułki" we gowie.

[olandi1]

Nasz Szwager ze Laband mo kudłate myśli,
chciołby w czyn łobrócić, co sie w nocy przyśni

[szwager_z_laband]

:)

niych wom bydzie:)

[broneknotgeld]

Szkryfna tukej tela ino
forum.gazeta.pl/forum/72,2.html?f=28940&w=25272568&a=53037626
Behemota przipomino.

[hanys_hans]

broneknotgeld napisał:

> Toż Ci chyba ciyngym te "bułki" we gowie.

Tysz mocie problym, szkryklosz bułki czytosz rzymuy....

[broneknotgeld]

Joch to cytowoł za autorym.

[broneknotgeld]

Godej do mie (modlitwa)

Godej do mie Ojcze, zimnym płatkym śniegu,
W lato barwom tynczy, stadym koni w biegu,
Lotym szmaterloka, grzywom morskiej piany,
Biołymi szczytami, co widza w oddali.

Dej mi poznać Panie, czy właściwo droga,
Ciyrpiyń dej mi wiyncyj, niźli uniyść moga,
Postow na gościńcu, mondrych ludzi poru
By pomogli czasym, dokonać wyboru.

Pozwol abym ciyngym, chwoloł Twoje imie,
Widzioł Cie we kwiotkach i we mroźnej zimie,
Abych czuł na ziymi, tchniynie Boże czasym,
Możesz mi pogrozić, huknońć gromkim basym.

Kiedy jednak przidzie ostatnio godzina,
Przijmij mie do domu, jako swego syna,
Przigarnij ku Sobie, już na tamtym świecie,
Niy bydź zbyt surowy, przecam Twoje dziecie.

[broneknotgeld]

Ano - to tyż Krzysztofa Kokota - zapomnioł to szkryfnońć.

Tak przi okazji chciołbych se Wos zapytać co mie we tym wierszu nojbardzi
zaskoczyło?

[hanys_hans]

broneknotgeld napisał:

> Ano - to tyż Krzysztofa Kokota - zapomnioł to szkryfnońć.
>
> Tak przi okazji chciołbych se Wos zapytać co mie we tym wierszu nojbardzi
> zaskoczyło?

Niyporadzisz soom siebie spytac´?

[broneknotgeld]

Poradza łodpedzieć

We tym wierszu zdziwioł mie nojbardzi tyn "szmaterlok".

[szwager_z_laband]

czymu prawie szmaterlok?

[broneknotgeld]

Ano - skiż taki, a niy inkszy szlichty ślonskości.

[szwager_z_laband]

jo niywia co to moge byc

[hanys_hans]

Broonek mysli ze szmaterlok to je 'szmaciarz'

U nos na 'szmaciarza' godali haderlok

[szwager_z_laband]

o pierony!, na to bych niy prziszou ...

[broneknotgeld]

forum.gazeta.pl/forum/72,2.html?f=28940&w=8707774&a=9629090

[hanys_hans]

broneknotgeld 12.12.03, 08:23 + odpowiedz

Szmaterlok

Asi sie jak szmaterlok
A mo ufifrany krok.


????????????????????????????????

[broneknotgeld]

Modraszek

Jego gońsiynica amajzy scygani
Tako jeji służom jak dugo je mami
W końcu szmaterlokym wyfurgnie z mrowiska
Za opieka ponoć nawet niy do pyska.

[broneknotgeld]

Szmaterloki

To kwiotki furgajonce
W lesie abo na łonce
A jest ich czasym bez liku
W gablotkach - na szpyndliku.

[broneknotgeld]

"Szmaterloki w brzuchu"

"Szmaterloki w brzuchu" tego jeszcze niy mom
Dyć bebech mi rośnie - schowia je przed zimom.

[broneknotgeld]

"Durś we gowie szmaterloki"
Tako "mondry" czowiek prawi
Dyć bez tego my - boroki
Trza sie w życiu tyż pobawić.

[ballest]

Nosze frelki cos zaguchuy
moze po fajerze spuchuy!

[broneknotgeld]

Se karlusow wywrożyły
Możno bez to potraciyły.

[rita100]

A jak to się Bronek dzieje
że weszłeś na Forum i piejesz ;)))?
Toż przecież zamkneli portal
a ty robisz salto mortal ;)))

[broneknotgeld]

W rymie siyła
se ukryła.

[broneknotgeld]

Jako by sam boło

We trowie
kaj małe rozsiote kamelki
we żytku
kaj chabry śmiejom sie do chmury
na płocie
kaj gołomb jako bioły anioł
na dachu
kaj pukel stowio kotek bury
jako by tam boło
bez naszego przocio
ku miedzom i chałpkom
i hań... ku kiyrchowie
jako by tam boło
jakby my niy przoli
naszej ślonskij ziymi
naszej ślonskij mowie
kiery marnotrawny syn
odejdzie herny
chce mieć gość tyj ziymi
bo serce go wiedzie
dycko ku tym stronom
ku ojcowskim progom
choćby i na chwila
rod nazod przijedzie

Ewelina Kuśka Laureatka konkursu

[szwager_z_laband]

elegancke:)

dowej jeszcze, bo sie werci:)

[broneknotgeld]

Jeronie, dyć mie niy goń - langsam.

[broneknotgeld]

Kaj jest Ślonsk?

Kaj jest Ślonsk tyn richtyg ślonski?
Kaj uwidzisz go moj synku?
Czy go zejrzisz z hołdy szczytu?
Czy z kumina ujrzisz wiyrchu?
Czy go zmierzisz ludzkim wzrokiym
miyndzy wonglo pokładami?
Czy na grubie go uwidzisz?
Czy we trowie umazanyj?
Czy łon szuści kajś we stromie?
Czy łon klupie w dachu szparze?
Kaj jest Ślonsk mój mały synku?
Kaj kraina mojich marzyń?
Czy w powstańca trule leży?
We wojoka czapce starej?
Czy w bagnecie pociepnionym
zapomnianym na powale?
Naroz widza go moj synku
w twoich czornych łoczkach małych!
Widza prziszłość i nadzieja
Widza cołki Ślonsk Wspaniały.

Ewelina Kuśka - laureatka konkursu

[broneknotgeld]

Gryfnie frelka to szkryfnyła
Mo w Jastrzymbiu godka siyła?

[szwager_z_laband]

mauo znom Jastrzymbie, ale tera widza ze byda musiou poznac:)

[broneknotgeld]

No, nigdy niy ma za niyskoro - chyba że we trule.

[broneknotgeld]

Zielonołoko

Siedzicie dumno, choć schorowano,
a gymba piykno, choć posmyrszczano,
a włosy biołe i blyskow pełne,
Łoczy zapadłe, ale promiynne,
Pszoci we sercu, lyki we taszce
biel na byfyju, czerwiyń we blasze
Starko grubiorzow, matko wojokow,
babo powstańca zielonołoko,
Zielonołoko historie matko,
co krykom wspiyrosz sie przed upadkiym,
co szłapy spuchłe smyczysz po zoli,
co ślonske serce czynsto cie boli,
co ślonsko dusza gno hań do nieba.
Ukryjcie starko mi sznitka chleba.

Ewelina Kuśka - lauryatka konkursu.