Z Wielkanocom

[broneknotgeld]

Potrza Ducha nom Świyntego
Potrza siył co z Boga idom
Toż winszuja wszyskim tego
Niychej zowdy z Wami bydom.

[broneknotgeld]

Przi Wielkanocy

Życie ze śmierciom tako wygrywo
Dobro z wysoka na zło se dziwo
Prowda cygaństwu przed łoczy stowo
Duch materyji nauczka dowo

Toż se niy dziwcie - radujcie tako
Niychej se śmieje kto piyrwyj płakoł
To co przed nami już lepsze bydzie
Jak ze Ponboczkym we przodek idzie

[broneknotgeld]

Wiosna do życio natura budzi
Wielkanoc - ducha we sercach ludzi

Duch ze naturom tako tańcujom
Radości mnożom - z dobrym kuplujom.

[broneknotgeld]

Wielkanocny Baranek

Świynto ofiara Żydow chroniyła
Krew na ich dźwiyrzach w Egipcie była
Po to baranka ofiarowali
Tym se z niyszczyńścio wyratowali

Krystus-Baranek krew swoja leje
Jego ofiara łodmiynio dzieje

Na stole momy przi Wielkanocy
Niychej duchowi dokłodo mocy!

[broneknotgeld]

"Schmackostern"

Pokosztować Wielkanicy
By mieć w życiu wiyncy mocy.