Gość: Slimok
IP: *.dip.t-dialin.net
29.08.02, 15:26
No tosz jadymy dalyj z tym "koksym" !
Gwary toszecko-gliwickie (tekst z Suszca)
O topielcu
Niedaleko naszyj wsi jez doź dużo stawów. W jednym z nich mioł pirwyj
miyszkać utoplec. Wyglóndoł łón, jag jaki chyrstek [wyrostek], ale galoty
[spodnie] mioł czyrwóne. Mioł to być jakiź dobry duch, bo łón, żodnymu
[nikomu] nidz nie zrobiył, jyno koroł i topił tych, ktorzi łobrażali Boga.
Kogo łón chcioł skorać, abo łutopić, to pedzioł tojuż ludzióm najprzód. Śnim
to se móg kożdy pogodać. Ludzie wiedzieli zawsze, co łón robi. Roz prziszeł
do jednyj chałpy ji pedzioł gospodorzowi, że łutopi jednego synka [chłopaka]
za to, że w kojściele zawsze klynczy na jednym kolanie, a łutopi go wtedy,
jak prziżnie [przygoni] kónia do stawu umyć. Gospodorz pedzioł to tymu
synkowi. Ale synek sie wyśmioł s niego i prawie [prawdziwie] na złość pognoł
kónia tam do tego stawu łumyć. Ludzie sie dziwali [patrzyli się], jak tyn
łutopledz go bydzie topił. Zaś tyn synek nie wziół se nidz wiyncy, jyno mocny
posek. Jog wloz z kóniym do wody, już sie kole niego znod łutoplec. Chycił go
za noge i cióngnył do wody, ale synek był mocny, łuczrzimoł sie, a nawet
zaczón go łokłodać pasym. Łutoplec zaryk i zaczón łuciekać, ale ludzie sie
śniego śmioli. Łón jak to widzioł, że sie śniego śmiejóm, przilecioł ku tymu
synkowi, złapił go bez poły [w pół ciała] i chcioł nim rzucidź do wody. Ale
synek, jag go ścis, to tymu aż łoczy wylazły na wiyrch i bardzo fest zaczón
wrzeszczeć. Ale syneg nie doł za wygrano, jeszcze bardzi go zaczón ściskać,
atymu aż oczy czrzyszczały. Syneg zabroł kónia i łuciyk. Łupoplec chnet sie
łocucił i pognoł za nim i przewrócił mu kónia tak, że sie tyn zmazoł. Synek -
wól nie wól [chcąc nie chcąc] - musioł iść jeszcze roz kónia łumyć. Ale ledwo
jyno wloz do wody, łutoplec skoczył mu na gnyk [kark] i łutopił go.
Zapisał w 1933 r. B. Kwoka