Barborkowy konkurs

[broneknotgeld]

Toż zaproszom do udziału we barborkowym konkursie poetyckim
Bliższe informacje mocie we tym wontku
forum.gazeta.pl/forum/72,2.html?f=34281&w=31701581
Szczyńść Boże

[broneknotgeld]

"Barbarsko" historyjo

Dzioło sie to wszysko w czasach Dioklecjana
Kery gnymbioł srogo w Syrii krześcijana
Mynczynnikow wtedy była aż za wiela
Łobrodziyła niymi cołko rzymsko sztela

Dyć dlo rzymianina modo krześcijanka
Przeca kożdo była jako ta "barbarka"
Jak fater był Dioskur - tako dioskurcyjo
To musioł wyznować ichnio religijo

Terozki z tym problym majom teologi
Kaj wsadzić Barborka niy wiedzom niybogi
Tych dziywic mynczonych było aż za wiela
W kożdyj jest ta świynto - jo powiym tu tela

Inksi łomiom gowy a mie to zochwyco
Że we Niyj ukryte jest niyjedno lico
W dodatku wygrała w końcu ta ideja
A jo krześcijanin z radości sie śmieja.

[Gość: Goroll]

teee keinegeld skończ zasrawać wszystkie fora.
Białystok-Bronek, Kielce - Bronek, Olsztyn-Bronek.
W d...mamy ten hanyski bełkot czy możesz to pojąc???
Ludzie interesują się różnymi rzeczami a nie tylko wieszczem ślunckim który tak
zasral forum w Rudzie śląskiej, że musieli utworzyć drugie- "Ruda Śląska bez
Bronka Gelda"
Bronek polecam, pomoże:


HALOPERIDOL.
Podstawowy preparat w leczeniu psychoz schizofrenicznych, ostrych i
przewlekłych, z bogatymi objawami wytwórczymi, niepokojem, agresywnością. Jest
skuteczny w leczeniu stanów maniakalnych, psychoz egzogennych i stanów
majaczenia alkoholowego

[broneknotgeld]

Gorole tako na grubie robiom
Ponoć i spongu czasym łozdobon
Szkryfnij po polsku wiersz ło Barborce
Tako dziynkuja - wontek na gorce.

[Gość: Goroll]

Te geld lecz się tym haloperydolem chłopie i nie zasrawaj tych forów bo bełkot
goebelsoidalny nikogo niy interesuwo.

[broneknotgeld]

Dziynki

Skiż konkursu ło to idzie
Co tyn wontek w gorze bydzie
Dyć Barborce niy zaszkodzi
Jako bliźni jom tu wodzi.

[kasicaaa]

goroll, nie irytuj się tak :)))

[broneknotgeld]

Wspomożyciele

Sztyrnoście świyntych grupa liczyła
Łona na Ślonsku durś w gymbach była
Czynsto wołało sie ich pomocy
Jak te niyszczyńście zojrzało w łoczy

Błażej - tyn chroni strony głosowe
Ze bolym gordła we nim sie chowej
Pomogo czynsto naszym zymbiskom
I jak krew z rany pierońsko trysko

Jerzy - wiadomo - chroni wojoka
Łon go we bitwie niy spuszczo z łoka
Kedyś przed łostrym bronioł żelazym
Potym łod kuli - dyć wiela razy!

Akacjusz czimie ze zbiegym sztama
Pilnuje jego aże łod rana
Coby niy dropła go wredno władza
Rzykej do niego - jo ci poradza

Erazm nos wspiyro w wielki chorobie
Ło kery czasym nic niy wiy czowiek
Żołondek nyrki wontroba serce
Wszyskim sie tropi tyn świynty wielce

Wit paczy ciyngym na guchych niymych
Wiy łon co dzieje sie ze ichniymi
Padaczka miywosz czy słabe nerwy
Z Witym we życiu mosz wiyncyj werwy

Do kogo rzykać szły prziszłe matki?
Wiymy bo przeca do Małgorzatki
Łona przi cionży i przi porodzie
Bestoż jyj imie do dzisioj w modzie

Zaś świynty Krzisztof chroni wyndrowca
By nikt niy wodzioł go po manowcach
Pogoda zsyło ci jak nojlepszo
I przed powodziom z nim bydziesz spieprzoł

A Pantaleon - teroz mi powiydz
Kto dbo ło cało w zogrodzie gowiydź?
Co dziynki niymu dobrze sie chowie
I mniyj utropy mosz z tym na gowie

Cyriak w pokusie cie przipilnuje
Choć czasym trocha to niy sztimuje
Niy potrza bydzie tyż egzorcysty
Jak mu zawierzysz durś bydziesz czysty

Idzi w łopiece mo wszyske matki
Kere umynczom jejich gagatki
Namowi czasym cie do spowiedzi
Jak wiy że ciynżki grzych w duszy siedzi

Eustachy fesztrom wielkim patronym
Posłuch mo w borze łon tam jest ponym
Nawet jak zbiyrosz grziby jagody
Świynty uchroni łod złyj przigody

Dionizy czimie sie twojyj gowy
Dobry na bole kożdy ci powiy
Dropia sie teroz we własno glaca
Wiym kto pomoże mi zaś na kaca

Ja - niy trza wiela mi przipominać
Dyć jo pamiyntom że Katarzyna
Mo w swyj łopiece te wszyske frelki
A łobowionzek przeca to wielki

Na koniec powiym - naszo Barbara
Stoji przi ciebie jak żeś na marach
Byś w wierze pomar pilnuje przeca
Łona łostatnio jest z tego neca.

[broneknotgeld]

Tarnowskie Góry

W tutejszym kościele łod lot bractwo było
W kaplicy Barbary czynsto sie modlyło
Łona ze ołtorza na nich zoglondała
Spokojno śmierć z Bogym potym zesyłała.

[broneknotgeld]

Bractwa św Barbary

W łoziymnostym wieku przi rożnych kościołach
Mnożyły sie Bractwa co miały durś wołać
Ło śmierć w bożyj łasce do świyntyj Barbary
Ło siyła by w mynce niy wyprzeć sie wiary

Ludzie dziynki tymu w kupie sie czimali
Czynsto do tyj frelki przepiyknie rzykali
W łopieca zaś mieli kaplice ołtarze
Poświyncane czynsto tyj naszyj Barbarze

Tako konfrateria poznoły Głubczyce
Rudy Strzelce Bardo inksze okolice
We Tarnowskich Gorach to samo sie dzioło
Dziynki Niyj dyć przeca bergmonom wesoło

Bo wiedzom że jednak ktoś czuwo nad niymi
Jak co dziyń fedrujom głymboko we ziymi
Krziż i Jeji imie ochroniajom szola
Czy nazod wyjadom? To już Boga wola.

[broneknotgeld]

Kult w średniowieczu

Łod śmierci z Bogym patronkom była
Choć pryndki ale ze wiarom
We wiekach średnich Jeji w tym siyła
Bo inkszom żyło sie miarom

Człowiek sie krotko tym swiatym cieszoł
Pryndko go ziymia chowała
A przeca jednak tyż mocno grzeszoł
Jak z Bogym pomarł to chwała

Barborka czciyli w Europie całyj
Ci co wiedzieli że kosa
Tnie rowno - wielki żeś jest czy mały
I niy zoglondo do trzosa

Bergmon co śmierci durś kukoł w łoczy
Rzduchoł kilofym jom czynsto
Mioł ta patronka mocno we zocy
I rzykoł do Niyj durś gynsto

Prziszła na Ślonzek tyż ze gwarkami
Ze Niymiec Czech i stron inkszych
Z średnoiwiecznymi kolonistami
Jyj kult tu nabroł siył wiynkszych.

[broneknotgeld]

Do szoli

Niych ci sie zowdy zgodzo rachunek
I wiela zjedzie tako wyjedzie
Życie zocniejsze niż tyn fedrynek
Tyż familijo - łona na przedzie.

[broneknotgeld]

Czas drapko leci
Zaś coś se kleci?

[broneknotgeld]

Toż zaś trza se starać tako
By leciało z tym jednako
Jako roku już łońskego
Juzaś cosik wyńdzie z tego?