Naszo Barborka

[broneknotgeld]

Ano, idzie drapko świynto bergmonow, toż chyba niy bydziecie sie dziwać tymu,
co chca zainteresowanych zaprosić do udziału we konkursie poetyckim
poświynconym Świynty Barbarze.
Bliższych informacji szukejcie we tym wontku
forum.gazeta.pl/forum/72,2.html?f=34281&w=31701581
Szczyńść Boże

[broneknotgeld]

"Barbarsko" historyjo

Dzioło sie to wszysko w czasach Dioklecjana
Kery gnymbioł srogo w Syrii krześcijana
Mynczynnikow wtedy była aż za wiela
Łobrodziyła niymi cołko rzymsko sztela

Dyć dlo rzymianina modo krześcijanka
Przeca kożdo była jako ta "barbarka"
Jak fater był Dioskur - tako dioskurcyjo
To musioł wyznować ichnio religijo

Terozki z tym problym majom teologi
Kaj wsadzić Barborka niy wiedzom niybogi
Tych dziywic mynczonych było aż za wiela
W kożdyj jest ta świynto - jo powiym tu tela

Inksi łomiom gowy a mie to zochwyco
Że we Niyj ukryte jest niyjedno lico
W dodatku wygrała w końcu ta ideja
A jo krześcijanin z radości sie śmieja.

[broneknotgeld]

"Barbarsko" historyjo

Dzioło sie to wszysko w czasach Dioklecjana
Kery gnymbioł srogo w Syrii krześcijana
Mynczynnikow wtedy była aż za wiela
Łobrodziyła niymi cołko rzymsko sztela

Dyć dlo rzymianina modo krześcijanka
Przeca kożdo była jako ta "barbarka"
Jak fater był Dioskur - tako dioskurcyjo
To musioł wyznować ichnio religijo

Terozki z tym problym majom teologi
Kaj wsadzić Barborka niy wiedzom niybogi
Tych dziywic mynczonych było aż za wiela
W kożdyj jest ta świynto - jo powiym tu tela

Inksi łomiom gowy a mie to zochwyco
Że we Niyj ukryte jest niyjedno lico
W dodatku wygrała w końcu ta ideja
A jo krześcijanin z radości sie śmieja.

[broneknotgeld]

Kult w średniowieczu

Łod śmierci z Bogym patronkom była
Choć pryndki ale ze wiarom
We wiekach średnich Jeji w tym siyła
Bo inkszom żyło sie miarom

Człowiek sie krotko tym swiatym cieszoł
Pryndko go ziymia chowała
A przeca jednak tyż mocno grzeszoł
Jak z Bogym pomarł to chwała

Barborka czciyli w Europie całyj
Ci co wiedzieli że kosa
Tnie rowno - wielki żeś jest czy mały
I niy zoglondo do trzosa

Bergmon co śmierci durś kukoł w łoczy
Rzduchoł kilofym jom czynsto
Mioł ta patronka mocno we zocy
I rzykoł do Niyj durś gynsto

Prziszła na Ślonzek tyż ze gwarkami
Ze Niymiec Czech i stron inkszych
Z średnoiwiecznymi kolonistami
Jyj kult tu nabroł siył wiynkszych.

[broneknotgeld]

Do szoli

Niych ci sie zowdy zgodzo rachunek
I wiela zjedzie tako wyjedzie
Życie zocniejsze niż tyn fedrynek
Tyż familijo - łona na przedzie.

[Gość: Jo]

Wszystkiego dobrego dla wszystkich Barbar w Polsce:)



------------------------------------------
Kliknij i pomoz mi zarobic:)
www.podroznicy.co.uk
texascasino.co.uk
lowiczanka.co.uk
lowiczanka.com
ready2win.co.uk
komputery.co.uk
buy4one.co.uk
fryzjer.co.uk
fryzjerka.co.uk