Ło tym co niy tak downo i teroz w Polsce

[broneknotgeld]

Koń Millera

Dugo se jeździoł na koniu Buzka
A teroz kwaśno jest jego buźka
"W koło Macieju" cosik rajtowoł
Pewnie prochami bydle futrowoł

Już zresztom trombiom kajsik coś ło tym
Że czynsom na nim sie tyż galoty
Bo kaj sie wejrzy widzi matactwo
A przeca wszysko to jego "bractwo"

W konia zrobiyli go czy we łosła?
"Gruszka na wierzbie" chyba wyrosła
Pewnie jom teroz wciepnom do żłobu
I na dodatek dadzom tyż bobu.

i takie własnie jest nasze partyjne motto

[Gość: Wanuta Daniek]

Bo kaj sie wejrzy widzi matactwo
A przeca wszysko to jego "bractwo"

[rolotomasi]

Bronek
*
Jo Cie bynde
Gorściami broł
Nie żeś - gelde
Ale rechtig godoł

[broneknotgeld]

A dyć do Rudy zaproszom ciyngym
Niy yno yjzla jakimś zaprzyngym
Możesz se siednońć i na habeta
Na rudzkim forum znojdzie podnieta.
forum.gazeta.pl/forum/71,1.html?f=261

[rolotomasi]

Na wirch !
*
Kaj sie podziwosz
Rudzki pieronie
na zadzie chowosz
i trzeciej stronie.

[broneknotgeld]

Dyć jo mom Ruda nojbardzi w zocy
Potym na "kraj" se łotwiyrom łoczy.

[broneknotgeld]

"Czerwone Barony"

"Czerwonych Baronow" we tyj Polsce momy
Jednak niy na wojnie zablyszczeli łony
Władzom sie nom cieszom ciepiom czasym w łoczy
Widać że festelnie majom jom we zocy
Po prowdzie to chcieli by zagarnońć wiyncy
A że coś niy idzie - trocha ich już mynczy
Zawiydli sie jakby na "gruszkach Millera"
Możno tyż po cichu biere ich cholera
Że już teroz jedyn klynczy na kolanach
A ktosik tyż ćwiyrko - Łoszczic trza barana.

[broneknotgeld]

Nasi wybrańcy

Nikierzy głosy dostali
I zaroz prawo łosrali
Dyć swojim służom przikładym
I niy ma na to już rady
Wybrali my tych co czeba?
Naprowdy niy trza nom nieba?
Ze świyczkom szukać ta siyła
Kero by czysto nom była
Bo biołe kajś siedzi se cicho
Nad naszym losym powzdycho
- Że "polske piekło" durś rośnie
I myśli yno ło wiośnie
W kery nabrało by mocy
Bo Polok miołby je w zocy.

[broneknotgeld]

Ziobro

Ziobro jest lepszy łod ziobra Adama
Myśli Anita - SLD dama.

[broneknotgeld]

Na Pola

Pol - minister łod parady
Chce budować autostrady
To u niego richtig chciejstwo
Jak go słysza - wodolejstwo

Niych na pola woda leje
Bo tam tyż sie źle coś dzieje
Zaś na jego fandzolynie
Jedna rada jest - zwolniynie.

[broneknotgeld]

J.M. Rokita

Baba z diobłym w jedny skorze
Dobrze że chop jest na gorze.

[broneknotgeld]

I zaś Komisjo Rywina

Słyszołch że za ziobro trza by wiyszać posła
Ze kerego gymby tajymnica "poszła"
Prosto do cajtonga - by my wyczytali
Że prokuratory pytania dostali
Na kartce - jak mieli przepytać Millera
Ponoć to normale. O jasno cholera!
Po co czas swoj tracioł prymier w ich urzyńdzie?
Łodpisołby kartkom - niy byliby w błyńdzie
Piniondz podatnika przi tym by łoszczyńdzioł
Chyba że mioł wolne - na swoj koszt tam pyńdzioł.

[broneknotgeld]

Poligarchia

To co teroz w Polsce momy
Czerwonawo - to już znomy
Dyć choćby i bioło była
W niyj durś bydzie ta zło siyła

Piyrszym prawym - prawo kliki
Władza po to by wyniki
Mieć dlo siebie i dlo grupy
- Obywatel?! Z nim do dupy!

Państwo dobre to poletko
Robić na niym idzie letko
Rzondzom w Polsce durś układy
No i na to niy ma rady.

[broneknotgeld]

Wyniki

Sejm rzond gminy - wszyńdzie kliki
"Poligarchia" mo wyniki.

[broneknotgeld]

Biurokracjo

Zeżyro nom Polska richtig coroz pryndzy
Bo rośnie we siyła i chce dyrś piniyndzy
Beamtrow co roku przeca nom przibywo
Dobrze zarobiajom - majom swoje żniwo
Bestoż na nic u nos som jakeś reformy
Urzond zowdy gorom - a inkszym brak formy.

[broneknotgeld]

Minister Jakubowsko

Jakubowsko możno w grupie
Co chce czimać władza w kupie
Dioboł wysłoł ta kobiyta?
Tela wiym że niy Rokita.

[broneknotgeld]

Tygodnik "Wprost"

Ło naszyj łostatni "wojnie"
"Wprost" napisoł dość spokojnie
Łobrażono jest Warszawa
Wielko tam skiż tego wrzawa

Jo rozruchow niy pochwola
Ale ślonske gruby wola
Jak fedrujom życie dajom
Tego w cyntrum niy poznajom

Wonglym niy chcom w Polsce polić
Cudzy gaz te państwo woli
Mie to w pale sie niy mieści
Choć niy dziwiom już złe wieści.

[broneknotgeld]

Liga Polskich Rodzin
Niywiela mo godzin
Już sie rozlatuje
A Kościoł jyj wsuje.

[broneknotgeld]

No bo to jest Liga polsko
Wszyskich czuć tam jakoś swojsko.

[broneknotgeld]

I w pysk

Ktosik dostoł choby w pysk
Jak sie spytoł ło tyn dysk.

[broneknotgeld]

Jakubowsko zaś mu na to
Wszysko było tam prywatom
Co państwowe to je moje
Kaj wścibiosz te bryle swoje?!

[broneknotgeld]

Sond

Sobotka to anioł wszyscy durś godajom
Coś prokuratory zaś na niego majom
Ze tego sie niesie jakiś dziwny swond
Upadłych aniołow jo czuja już sond.

[broneknotgeld]

Narodowy Fundusz Zdrowia

Jednak wiyncyj łod nos dlo siebie chcom capnońć
Mazowsze już znojdło kaj tyn geld se drapnońć
I choć ktoś powiedzioł - bydzie z tego "rokosz"
Haltuj sie z tom godkom bo za wiela skokosz
Cisza! - I pamiyntej już ło tym - cholera
Że chytosz za cyngel jakegoś sztucera.

[broneknotgeld]

Ordynaci

Ordynat Czarzasty zaś na przodku stoji
Razym ze Szamałkym nic sie już niy boji
Łoni teroz w cuglach cisnom do Europy
"Warszawki" to przeca som nojlepsze chopy

A mie już coś śmierdzi - kajsik gront sie poli
Choć wiym że nikogo jeszcze to niy boli
Ciekawo sie wiosna we Polsce zanosi
Jak ci ordynaci bydom narod prosić.

[rolotomasi]

Ło tym co jo
*
Ty, Rudzki pierunie
Jo tak nie umie
Gowom krynca okrutnie
Teksty pisza ryzolutne
Jeno o polityce
A ni o poetyce

[broneknotgeld]

Rym do rymu ciongnie zowdy
Tela szkryfna richtig-prowdy.

[broneknotgeld]

Jakubowsko

Możno tyż jest ordynatka
Bo to przeca Polski Matka.

[broneknotgeld]

Jakubowsko zmiynnom jest
Yno czymu aż tak fest
Pewnie Miller take lubi
Czowiek zaś sie we tym "gubi".

[broneknotgeld]

Jyj uśmiych

Jyj uśmiych zno Polska cało
Wszyskim tego nom za mało
Nawet dioboł - tyn Rokita
Myśli - "To jest fest kobiyta
Aż żałuja że niy musza
Targować sie ło ta dusza".

[broneknotgeld]

Nobel

Papiyż jom pobłogosławioł
Za nia sie u Boga wstawioł.

[broneknotgeld]

Godajom - afera
Papiyż "Nobla" niy mo
- Ło jasno cholera
Bog to przeca czimoł!

[broneknotgeld]

Ło tym godom tukej fest
Łon som dlo nos "Noblym" jest.

[broneknotgeld]

Konfrontacjo

Jedna baba drugi babie
Niy - jeronie niy te grabie
Pora kartek pisma dała
Tak afera sie kulała.

[broneknotgeld]

Ach te "Rolandy"

Dyć ło tym tela jo powiym zowdy
Świat poczebuje tyż gorzki prowdy
Jak strona polsko tu zawiniyła
Niych powiy prowda - we tym tyż siyła
A jak francuski to jednak grzych
Trza głośno pedzieć - niy tajoł bych.

[broneknotgeld]

Szycha z "Bogdanki"

Ze PKP "Cargo"
Forsa ponoć targoł
Teroz siedzi w kozie
Już niy jest na wozie.

[broneknotgeld]

Afera "Starachowice"

W "starachowickim" kotle were
Kogoś ora z tego biere
Durś afera łeb podnosi
By ukryńcić go sie prosi.

[broneknotgeld]

Konkurs na prezesa TVP

Jo stawiom na Rywina
Bo łon mo tyngo mina.

[broneknotgeld]

Bin Laden nom grozi - tako polityka
Mo problym bo niy zno ministra Janika.

[broneknotgeld]

Nabor na ławnikow teroz sondy majom
Ponoć tyla chyntnych że fest przebiyrajom
Możno dieta kusi bo coby inkszego
Dzisioj to już piniondz wert czasu swojego.

[broneknotgeld]

Słyszołch co w konkursie na TV prezesa
Szans mo tyn Kwiatkowski podobno już myni
Dyć jo chopa tukej na pewno pociesza
Niych sie przed komisjom piyknie zaczerwiyni
Nojlepi tak cołkym - aż po same uszka
Tyn kolor to przeca jego atut wielki
Znojdzie sie we jury jedna dobro wrożka
I niyważne bydom jakeś duperelki.

[broneknotgeld]

Karty w grze
TVP

Pełno talio kandydatow sztartyła do stołka
Kero karta sie łostanie? wysoko czy gołka?
Tuzy krole ołbry dupki no i wiela blotek
Te łostatnie szans niy majom - za wysoki płotek

Możno jednak tuzy krole połomiom se zymby
Porzduchajom se nawzajym - widać to ze gymby
Tyż drobnica zmynczy "jury" - pierońsko skołyje
Stołek chyci jakiś dupek - wiatr w żaglu poczuje.

[broneknotgeld]

Kroji sie nom sztrajk na banie
Czinostego to sie stanie
Inksi tyż sie włonczyć chcom
Tak to jest jak w Polsce krom.

[broneknotgeld]

Czerwone fuzekle

Jakbych teroz posłym był
To bych szwajom mocno wył
We fuzeklach tych "czerwonych"
Łobtyroł bych sejmu "piony".

[broneknotgeld]

Mie tyn Hausner imponuje
Dobry we tym - swoje suje
Rzond terozki - ło cholera
Czimie sie nom skiż Hausnera

Miller Janik - jedna blaga
Im noleży sie już laga.

[broneknotgeld]

Janika tyn sejm niy ściepnoł
Choć łon cosik sie nom hepnoł
Jakoś już sie chop niy radzi
Ale stołek mu niy wadzi.

[broneknotgeld]

Oberpolicmajstry teroz se welujom
Zaś kołocz z zokalcym możno wyrychtujom.

[broneknotgeld]

Janik teroz ponoć "inny"
Piyrwyj jaki był? Dziecinny?

[broneknotgeld]

Narodowy Fundusz Zdrowia jednak wcale niy jest "zdrowy"
Trza nom zmiynić jego nazwa - niych to Fundusz jest "Choroby".

[broneknotgeld]

Komisjo Rywina ksionżki szkryflać bydzie
Potym im reżyser pomoże w tyj biydzie
Znajomy producynt na ekran to ciepnie
I Oscar we kapsi a komuś sie hepnie

Ze Polski nagrody po drodze tyż wlecom
Ale bydzie piyknie - już sie tym podniecom
Kroji sie nom polske arcydzieło świata
Chwała z tego przidzie na dość duge lata.

[broneknotgeld]

Z Kościoła

Tam tyż stołkami majom welować
Wiek robi swoje - niy trza udować
Czeba biskupom tyj młodszy krwi
To taki borok jak jo tyż wiy.

[broneknotgeld]

VAT w budownictwie

To nom pierońsko może zaszkodzić
Ledwo sie cosik zaczyło rodzić
A już to tympiom - podatki sujom
Ślepe niy widzom że państwo psujom.

[broneknotgeld]

Z Komisji Rywina

Coś sie teroz przipomino
"Grupa czworga" - ale kino
Skośne z tego już mom łoczy
Co im jeszcze tam wyskoczy?

[broneknotgeld]

Ponoć "kurwikami" już sie tam niy mynczom
Ci z "Samoobrony" pewnie teroz jynczom.

[broneknotgeld]

Telewizyjne "czi po czi"

Rada problym wielki mo
Kwiatkowskiego dobrze zno
Z niym na gora czy we doł?
Poł w ta strona w inkszo poł
Kto w konkursie przyńdzie dali?
A kogo sie już wywali?

[broneknotgeld]

W automatach tyż afera???

Jeszcze skorka niydźwiydź nosi
Ło dobicie sie niy prosi
Zymby łostre i pazury
Jak tu dobrać sie do skory?

[broneknotgeld]

Ring wolny teroz: Wagner - Rokita
Jo za "arbitra" dołbych Anita.

[broneknotgeld]

Łoj Anita! Anita!
Dziwno żeś kobiyta
Chocioż chodzisz w pionie
Widza że coś toniesz.

[broneknotgeld]

Lepszo skora policjanta?

Janik hasło take ciepnoł
- "Skora w prawie niy jest rowno"
Jedyn gwizdnoł inkszy hepnoł
A bandyta pedzioł - Gówno!

Łon i tak mo wszysko w dupie
Jak już chyto za ta gwera
A pomysły wszyske gupie
Yno wnerwiom. - Ło cholera!

[broneknotgeld]

Cyrk z Ordynacki

Widać że grajom w mocnym zespole
Kaj "rynka rynke durś myje"
Państwowych mediow to tyż magole
Choć wiela na to już wyje

Dyć ordynaci durś robiom swoje
Jejich na wiyrchu jest zowdy
Niby ło prowda som wielke boje
A czy my chcymy tyj prowdy?

[broneknotgeld]

Konkursy na szefow lokalnych telewizji TVP

Już na sztarcie "ustawione"
Ponoć dlo tych swojich
Choćby był prezesa koniec
Ło to sie niy boji

Styknie yno w rynkach czimać
Stolec ło tym czasie
I zaś bydzie - "Piekła niy ma"
Dlo tych co w "A"-klasie.

[broneknotgeld]

"Nojbardzi znany i lubiany"

Lepper "znany i lubiany"
To ci lyk na polske rany.

[broneknotgeld]

Jaskiernia - Lepper to ci jest "duet"
Razym na lodzie zrobiom piruet.

[broneknotgeld]

Saddama już copli - powiy łon Bushowi:
"Ta wojna niy była przeciw Irakowi"
To teroz trza zwinońć wojynne zabawki
A i nom by stykło iracki ruchawki.

[broneknotgeld]

"Partyzancko wojna" - teroz słysza w mediach
We tym okupancko tyż przeca "tragedia".

[broneknotgeld]

Sejm budżet uchwaloł jeszcze przed Wilijom
Pokozoł nom wszyskim z czego partie żyjom
Choć PO zgłosiyła łobciyńcie dotacji
Inksi powiedzieli - "Niy ma we tym racji".

[broneknotgeld]

Janina Sokołowska

Ponoć Sokołowsko stworzyła "etyka"
Na miara tyj Polski "wzoru" urzyndnika
Pewnikym tyn muster wziyła se ze siebie
Bo łona jest gwiazdom na beamtrow "niebie".

[broneknotgeld]

Waniek?

Waniek? - Coś sie przipomino
Olka sztabym fest kryńciyła
Godoł ze wesołom minom:
"Mom magistra - we tym siyła"

Ło jeronie - dzieje stare
Zaś prziklejołch sie do Olka
Mom komórki już niy jare
A prowadzi dzisioj Jolka

Kedyś tyż go prowadziyła
Do indeksu zoglondała
Pod drzwi kożde z niym chodziyła
Profesorow pilnowała

Jolka Danka i Janina
W ślypkach jejich widza blyski
Niy - "kurwikow" to tam niy ma
Dyć je tkom do jedny miski.

[broneknotgeld]

Jo bych tyn rok łoński zwoł tyż łod Anity
Blysnyła nom gwiazda posłanki-kobiyty
Nic to że sie czynsto rumiyni aż straszno
Przeca łona z partii co jeszcze jest krasno.

[broneknotgeld]

Z. Sobotka

Ze walcowni skok do KC-e
Dyć niy może być we pace?
Bez sobotki co z niydzielom?
No i ze tom polskom sztelom
W keryj łon był ponoć asym
A niy jakimś tam mamlasym

Przeca to z żelaza czowiek
Wykształcynie zawodowe
Stykło coby szoł we gora
I łobrostoł mocno w piora

Bioły oreł - tło czerwone
To poczontek a niy koniec
Czuja jo do niego miynta
Sobotka na prezydynta!!!

[broneknotgeld]

"Zamiynioł stryjek siekiyrka na kijek"

A dyż zrobioł to bezprawnie
Richtig tukej jest zabawnie
Mie sie ciyngym już to zdo
Że kajś prawo władza mo.

[broneknotgeld]

Polska to bogaty kraj!!!
Dlo złodzieji istny raj
Szacher-macher z politykom
Niy zaradzi na to krykom

Polska ślepo i kulawo
Bajkom tukej czynsto prawo
Lis ryszawy we kurniku
A pies z kotym - "fiku-miku".

[broneknotgeld]

Z konkursu na prezesa TVP

Kwiatkowski wycofoł swo kandydatura
Przed trojkom terozki łostatnio już tura
Prezesym niy bydzie dyć możno sie staro
Ło tyn piykny tytuł - "eminyncjo szaro".

[broneknotgeld]

Tako było jest i bydzie

Dnia niy ma coby jakos afera
SLD piyknie niy promowała
"Bydgoski kocioł" na łoczach teraz
To już jest polsko norma bezmała.

[broneknotgeld]

SLD

SLD se zaś weluje
Stare karty i znaczone
Aferami tako suje
Że tym przeca "umynczone".

Bronek, Bronek !!

[Gość: Marek]

[broneknotgeld]

Taktyka

Tako Millera teroz taktyka
Niychej Oleksy jest za Janika
Ze rzondym pódzie łon przeca w doł
Dlo Leszka lepi jakby tam boł.

[broneknotgeld]

"Zgniyły kompromis"?

"Zgniyły kompromis" z ministrym skarbu
To tyż jest cosik z SLD "garbu".

[broneknotgeld]

SLD sie ciyngym łuszczy
Tako przeca i przi Huszczy
Jako i przi tylu inkszych
Bajzel w Polsce durś jest wiynkszy.

[broneknotgeld]

PO-PiS

PO-PiS sypie sie łostatnio
PO żyje nom dostatnio
A PiS już na stracie jedzie
Dyć kaj wszyskich to zawiedzie?

[broneknotgeld]

Matury 2004

Samoobrony gwiozdeczkom jasnym
Zakwitły teroz kasztany
Poczebny rozum dzisioj niyciasny
I niychej bydzie im dany.

[Gość: Marek]

Ty to jestes Bronek optymista !

[broneknotgeld]

Jak niy Belka

Jak niy Belka
to pyntelka?
Polecymy na zielono
czy możno bioło-czerwono?

[broneknotgeld]

Optymista

Polska to bogaty kraj
We tym łon jest richtig naj
Ciyngym wiela do sia kroji
A durś przeca jakoś stoji.

[broneknotgeld]

Nojnowszy model polski miotły

Kijok jak binder bioło-czerwony
Witki niybieske - z gwiozdkami łony.

[broneknotgeld]

Woda na młyn

Na młyn leje sie durś woda
Wiela ło tym by tu godać
Belka w Sejmie jakby w ślypiu
Dyć i za to jo żech wypioł.

[broneknotgeld]

Lepper - Rokita

Zowdy Lepper był w Europie
To wiy - bestoż mocniyj kopie
Kto piyrszy szczeloł z armaty?
Tyn Rokita niyrogaty
"Teroz wojna" ciepnoł hasło
Mulat we to wloz jak w masło.

[broneknotgeld]

Kogo na premiera?

Echt-Poloka na premiera
Zesel richtig dlo Leppera
Binder przeca nosi w paski
Za kolory mo łoklaski.

[broneknotgeld]

"Jedynka"

PO "jedynka" wylosowała
Szczyńściym se takim nom popisała
Bele sie teroz z tym niy zblamuje
I obywatel głos nania wsuje.

[broneknotgeld]

"Dwojka"

"Dwojka" chyciyła Polsko Partia Pracy
Porka - toż idzie sie tyż łonaczyć.

[rolotomasi]

Jo !
~
Tero Jo !!
ale : CO ??

[broneknotgeld]

W dniu wyborow tych i inkszych

Bindry chcom ściongać Samoobronie
Czy we tym Polski może byż koniec?
Możno na szlipsie łona już wisi?
We siyrniu cosik sie nom ukisi?

Nic to że żniwa w tym czasie bydom
Wieś jednak w doma. Co zrobić z biydom?
Możno już wiedzom? Trza łoddać głos
Samoobronie to jest w som roz.