Wyścig do Parlamyntu Unii Europejski

[broneknotgeld]

Myśla że tyn tymat może być tu mocny
Kandydatow ździybko trza by nom łobgodać
Kery do niczego - a kery jest zocny?
Komu trza coś "zabrać" - a komu coś "dodać"?

[broneknotgeld]

Zaroz zaroz - jednego pewnego już momy
Za Jaskiernie wszyscy krase serca domy.

[jojo_1]

Chopie kaj ty mierzysz?
Patrz na naszo Ruda a niy w kieleckie!
Jo tam uważom,że nasz prezydent nasz człowiek i na niego głosować byda.Zresztom
mie sie jego hasło wyborcze podobało i tak byda czimoł:
"Andrzej Stania głodny wybrania"

[hepik1]

A jo głymboko w doopie mom.I niych mi nikt niy wmawio,że każdy kłos (głos0 na
wage złota,że tak jes t w demokracji,że niy należy sie pozbawiać swojego
wpływu.Bo to g...o prowda.Politycy sie tak wymyślili coby sie potym przez jakis
czas mogli chwolić poparciem społeczeństwa a przy zarzutach bronić sie ,że tako
wola narodu była.Ale jak tyj woli już niy ma to łoni te głosy już tyż głymboko w
doopie mają i potem godają A wiy Pan redaktorze(rko)to ino sondaż a sondaże to
rózne ...Mie tam ani niy przibydzie ani niy ubydzie czy bydzie stania czy inny
jaskiernia.Im przybydzie ,mie niy.Czyli róbmy swoje..

[jojo_1]

No to jak niy na Stanie to może na Chowańca zagłosuja? Bele by ino na
rudzianina i ślonzoka bo na żodnego gorola głosować niy byda.A te łoba karlusy
umieli sie ze sobom dogodać chocia inni sie dziwowali,że to łogyń ze wodom?
A polityka to tako kurewka przi kery to ino szmaciorze,łoszusty i złodzieje
sie dobrze czujom a ty se do polityki niy bier - tak mi zawsze moj starzyk
godoł zanim umarł.Ale jo niy chca być cołkim bierny to i głosować musza.

[broneknotgeld]

Kery z nich to już łogłosioł
Że ło mandat bydzie prosioł?

[jojo_1]

Przeca wroble na dachu ło tym ćwiyrkajom,że tyn piyrwszy to chce a tyn drugi by
chcioł.

[broneknotgeld]

No i cimple zagłosujom
Jak już ło tym fest rajcujom.

[broneknotgeld]

Jaskiernia do Unii ciuchciom już niy bydzie
SLD na boku to i łon we "biydzie".

[broneknotgeld]

Z jeji frizom do Europy
Tam jom wyściskajom chopy
Chce? - Jo bych niy zagłosowoł
Bo stracymy na tym "zdrowo"
- Grosz na inksze zaś wybory
A tu budżet ciyngym chory.

[broneknotgeld]

Giertychowice

Ponoć fater łod Romana u nos mo sztartować
Głos do UE my bydymy mogli tu nań dować
Cug LPR piyknie ruszy w swoja wielko rajza
Niy dziwota - we Sosnowcu ołpa stoł przi glajzach.

[broneknotgeld]

Jerzy Buzek

Platforma chce mieć na przodku Buzka
Tako nikerym ciuchcia se marzy
Wongel folujom ponoć do wozka
Tynder napełniom to co sie zdarzy?

[broneknotgeld]

Kandydat Wilibald Winkler

Wilibald już na kameli jedzie
Sztartnie do Unii z Inicjatywy
Ano niych mu sie jakoś powiedzie
Choć z tom kamelom niyślonske dziwy.

[broneknotgeld]

Bezrobocie durś nos mynczy
Niy wybiera "emeryta"
Modych ciś tam czeba wiyncy
- Jakby mie sie chcioł ktoś pytać.

[ciupazka]

Ciekawy artykuł fto z kim juz do Parlamentu Europejskiego sie wybiyro, hale
Samoobrona i PSL kłopoty mo...


kiosk.onet.pl/art.html?DB=162&ITEM=1152432
Hej!

[jojo_1]

Bronek!
Modzi to niych noprzod sie narobiom tak ja my w życiu!
A potym jak juz bydom w naszym wieku to jo ich moga popiyrać (jak jeszcze byda
żoł)
A poza tym niy ma w modym wieku zdolnych politykow.Som ino
cwaniaki,złotomówcy ,niyrobole i karierowicze.Dobry polityk jest jak stare wino
czli......?

[broneknotgeld]

Jak stare wino padosz. Czerwone?
A jo bych woloł z niymi mieć koniec.

[broneknotgeld]

Profesor Wojciech Roszkowski

Łod "Jacka i Placka" Na Ślonsk mo wyskoczyć
Spadochron fest mocny? -Jeszcze sie łoboczy
PiS tu mo pociongnońć we kurs na Bruksela
Ciekawe czy w ciuchci pary bydzie wiela.

[broneknotgeld]

Izabela Kloc

Ta frela tyż PiS-nie
"Radno to za mało"
Liczy że zablyśnie
Jak niyroz bywało

Katechetki w gora!
Hasło trza dać piykne
Do Unii z niom! Hurra!
Tyn stołek jyj styknie?

[broneknotgeld]

Jan Rzymełka

Nasz poseł se berga wymiyni na kraglu
POdmucho mu wiater PO starym dość żaglu
Pewnikym POfurgo. Kaj? -Tego jo niy wiym
Bo przi tych wyborach trza liczyć sie z dziwym.

[broneknotgeld]

Szpyrka z PiSu nabroł szwongu
Już z "kampaniom" wysztartowoł
Wiy że szczimie na dichtongu
Abo mu sie yno zdowo.

[broneknotgeld]

Przegrany

Tyn karlus w wybory wsadzioł kupa szmalu
Ale go niy bydzie na "strasburskim balu".

[broneknotgeld]

Nelly Rokita

Dioboł niy może to baba pośle
Czy jom Rokita na Ślonzek dośle?

[broneknotgeld]

Kto POciongnie?

Buzek Olbrycht Rokitowo
Jakby "trojka" - mi sie zdowo.

[broneknotgeld]

Jednak Buzek wzioł Rolwaga
Czy dać punkt mu za odwaga?

[broneknotgeld]

Pełno lista kandydatow PO naszego wojewodztwa

1. Jerzy Buzek
2. Jan Rzymełka
3. Małgorzata Handzlik
4. Piotr Kurpios
5. Jan Olbrycht
6. Janusz Moszyński
7. Piotr Zenc
8. Piotr Kurdas
9. Zygmunt Łukaszczyk
10. Kajetan Goering

[broneknotgeld]

No też z PO teroz znomy
Jako ze inkszymi momy?

[broneknotgeld]

5 miejsce

Olbrychta mi tukej szkoda
Postawia na jego broda.

[broneknotgeld]

Ranking "Dziynnika" se wygroł Buzek
Czy mo już pewny unijny wózek?
Fest liberalny sie stoł terozki
A to we Polsce powod do troski.

[broneknotgeld]

Gierka SLD dało na szpica
Toż sie nazwiskym momy zochwycać?

[broneknotgeld]

Za drogo karyta

Synatorsko karyta w SLD na przodku
Ciongnie wojewodzko jakby karawana
Lepi już głos łoddać tym na samym spodku
Bo synator kajsik mo koszty - łoj dana

Wybrać do Synatu zaś trza by łod nowa
Drogo to wychodzi a Polska we "biydzie"
Niy może spokopić tego moja gowa
Synator - jak taki to niych go niy bydzie.

[broneknotgeld]

No ja - już sie podzielyli
Dyć niydowno razym byli.

[broneknotgeld]

Marek Siwiec do Europy!
Wielkopolske baby chopy!
Bo co zrobi tu tyn borok
Jak sie czas posunie ło rok?

[broneknotgeld]

Wielke ambicje Platforma mo
Aż czi mandaty - tela sie zdo
Toż łoboczymy na co jyj przidzie
Wiela z aszynio tego tu bydzie.

[broneknotgeld]

Poseł Jan Rzymełka

Berga przi karku to jego znak
Coś karlusowi jednak durś brak
Możno skiż tego ciśnie sie wszyńdzie
Jakby chcioł zowdy być w piyrszym rzyńdzie.

[broneknotgeld]

Kajetan Gornik

Niy dość że "bergmon" - ze Gliwic jeszcze
No i "dziesiontka" - trza dodać wreszcie
Se prziglondnymy Kajetanowi
Możno łon cosik ło sia nom powiy.

[broneknotgeld]

Rydzko PO

Ponoć u nos richtig PO mocno stoji
Kandydata z Rudy wystawić se boji?
Niy ma rudzianina - toż naprowdy szkoda
Yno tela łod sia chciołbych tukej dodać.

[broneknotgeld]

"Europa jest prosta"

Jan Olbrycht ciepnoł nom takim hasłym
Chlyb poszmarowoł jak gdyby masłym
Pewnikym prosto jako PO
Co piyrsze krzipce we Rudzie mo.

[broneknotgeld]

"Jedynka"

PO "jedynka" wylosowała
Szczyńściym se takim nom popisała
Bele sie teroz z tym niy zblamuje
I obywatel głos nania wsuje.

[broneknotgeld]

"Wiadomości" napisały że jutro w sali sesyjny Urzyndu Mieskiego bydzie
spotkanie wyborcze lokomotywy PO, czyli profesora Jerzego Buzka. Czas
spotkanio; łod 15.30 do 17.00.
Po prowdzie to niy wiym, czy wszyskich zaproszajom, ale myśla że ja.
Swojom drogom ciekawi mie wiela kosztuje wynajyńcie ty sali na godzina.
Możno ktoś wiy?

[broneknotgeld]

Tyż jutro Zwionzek Gornoślonski - Koło Kochłowice zaproszo wszyskich na
spotkanie wyborcze z Janem Olbrychtem. Dobrze że tu napisali "wszyskich".
Bydzie to w siedzibie Koła (ul. Oddziału Młodzieży Powtańczej - Kochłowice),
łod godziny 18.00.

[broneknotgeld]

Ło pośle Rzymełce

Ciekawe czy kamiyń pociongnie go w doł
Bo przeca "na fali" dość dugo łon boł.

[broneknotgeld]

Małgorzata Hanzlik

Kaj wiela chopow - szukej Małgoli
Pogoń ich batym! Niy trza sie smolić!
Łonych dziewiontka - tyś jedna wielko
Czi "trojki" szczimiesz! WIO - wołej frelko!

[broneknotgeld]

Kajetan Gornig
"Człowiek dobrej woli"

Ze dobrom wolom jako z chyńciami
Toż przekonomy sie ło tym sami
Możno mu "dycha" do tego styknie
Łostatni piyrszym - by było piyknie.

[broneknotgeld]

"Twój głos się liczy"

Buzek sie liczy dlo ty PO
Pewne poparcie terozki mo
Zablysnoł przeca na tle Millera
Skończoł jak czeba rola premiera.

[broneknotgeld]

Jan Olbrycht

"Europa jest prosta"
Na cieszyńskich mostach.

[broneknotgeld]

Posłowi

Łoj Rzymełko Janie
Co sie z tobom stanie?
Loty cosik niske
Londowanie bliske?

[broneknotgeld]

Handzlik se Rzymełki tukej przeskoczyła
Cosik mi sie widzi że frela mo "siyła".

[broneknotgeld]

Wojciech Roszkowski - Warszawa

PiS tu ciongnie chop z Warszawy
Desant! - Dobra - niy ma sprawy
Jo niywiela ło niym wiym
Jak coś znojda szkryfna rym.

[broneknotgeld]

Izabela Kloc

Izabela Kloc we PiSie
Zaroz mi liceum śni sie
A dyć "Wojtka Korfantego"
Dyrechtorkom była tego?

[broneknotgeld]

Grzegorz Szpyrka

Łon w wybory sztartnoł piyrszy
Ale niy jest tu nojwyrszy.

[broneknotgeld]

Eugeniusz Wróbel

Downiyj wicewojewoda
Ciupnoł karlus sie przi PiSie
Ano dzisioj tako moda
Mandat posła czynsto śni sie.

[broneknotgeld]

"Dziewiyńć"

"Dziewiyńć" to numer ludzi we PiSie
Co im Bruksela i Strasburg śni sie.

[broneknotgeld]

Przegroł tu Szpyrka -wygroł Roszkowski
Co ze karlusym bydzie terozki?

[broneknotgeld]

Tomasz Sudoł (tyn łod fligrow)

Samoobrona luft łobstawiyła
Możno sie zymia ździybko znudziyła
Furgo wysoko - jak orzeł bielik
Pod kerym Polska cołko sie ścieli.

[broneknotgeld]

Chce brać Bruksela wysokim lotym
Dyć łoboczymy co bydzie potym
A jak ze hukym na ziymia spadnie
I sie poczasko te "czyńści zadnie"?

[broneknotgeld]

Niy ma we tym wcale figla
Że ze Wrocka momy "fligra"
Ślonska staro to stolica
Co i dzisioj cieszy lica.

[broneknotgeld]

"Docha"

Samoobronie przipadła "docha"
Niy poszczyńściyło sie jyj z tym trocha
Toż jakby dostać ta nota "mierno"
Za to że swoji lińji jest wierno.

[broneknotgeld]

Wyborczo ulotka

Ulotka piykno Samoobrony
Nic yno binder bioło-czerwony.

[broneknotgeld]

"Ten kraj jest wasz i nasz
Nie damy bić sie w twarz"

Dyć loć bydymy my
Na to zagłosuj ty.

[broneknotgeld]

Godajom że gwiozdka Leppera już gaśnie
Czy Samoobrona teroz pieron trzaśnie?

[broneknotgeld]

Maciej Giertych - rodzinny lider

Tyn na Ślonzek zleciol aże ze Kórnika
Trza mu z Wielkopolski richtig było zmykać?

[broneknotgeld]

Rajmund Pollak

Liga Polskich Rodzin wystowio Pollaka
Ponoć sjmikowo z niym niyjedna draka
Możno trza go wysłać richtig do Brukseli
Spokojni by było we ty naszy szteli.

[ciupazka]

Chochoły zacnom tońcyć,
coby nos fest zmęcyć,
hale mi sie zdaje,
ze nom... nic to nie daje.

[broneknotgeld]

Cosik ło nich sie dowiymy
I tyż ździybko zabawiymy.

[broneknotgeld]

"Dycha"

Rodziny Polske cylły w "dziesiontka"
Ponoć tam niy ma u nich pilontka
Bo to co polske niy gyńsi przeca
Choć lecom kluczym do Unii neca.

[broneknotgeld]

W LPR yno som same chopy
Łoj bydom mieli wiela utropy.

[broneknotgeld]

"Aby Polska polską była"
We tym ponoć wielko siyła
Jak łod Sasa aż do Lasa
Gro LPR nom - hopsasa.

[broneknotgeld]

Niby jest ferajno nowo
Dyć w ancugach ździybko starych
Co pokożom? - Mi sie zdowo
Yno jedyn dobry miary.

[broneknotgeld]

Wilibald Winkler
Tukej se Winkler lyjce mo w rynkach
Kamela pod niym może mieć mynka
Dyć karawana jest już na sztarcie
Bruksela! Strasburg! tam "wielke żarcie"!
Wilibald! Naprzod! Toż jak krucjata!
Wygrej by prziszły nom lepsze lata!

[broneknotgeld]

"Siedym"

"Kosa" toż teroz Inicjatywia
Możno znak we tym jest jakiś
Jo sie im byda naprowdy dziwać
Niy przezimujom kaj raki?

[broneknotgeld]

Edward Skorek

Spadochroniorz ze Warszawy
Wiela zno te ślonske sprawy
W siatkowce łon ekszpert przeca
Unio ze inkszego neca.

[broneknotgeld]

Wilibald Winkler

Winkler to nazwisko zocne
Coś spolszczone - przeca mocne
Pija zdrowie jo karlusa
Lepszejsze niż wrożyć w fusach.

[broneknotgeld]

PPP

Te "P" tu majom aże czi razy
Mie sie to dziwnie jakoś kojarzy.

[broneknotgeld]

Przemysław Skupin

Sztartuje z ramiynio Polski Partii Pracy
A miyszko we Rudzie i to cosik znaczy.

[broneknotgeld]

"Siyrpiyń -80" tyż widoczny wdycki
Tu Bogusław Ziętek i Daniel Podrzycki.

[broneknotgeld]

"Dwojka"

"Dwojka" chyciyła Polsko Partia Pracy
Porka - toż idzie sie tyż łonaczyć.

[broneknotgeld]

W Polski Partii Pracy tyż frelki niy majom
Widać łoni ciyngym yno haratajom.

[broneknotgeld]

Ciekawe czy cos teroz pokożom
Możno już losy partii sie wożom
Bo jak na zero wyńdzie rachunek
To cołkym na nic jejich "fedrunek".

[broneknotgeld]

Te "u" na "U" mi poprawić trza
Eli by pech to był yno - pra?

[broneknotgeld]

Wojciech Kostka

Karlus ze Rudy tu mie niy złości
Łon jest w ferajnie Unii Wolności.

[broneknotgeld]

Grażyna Staniszewska

Synator Staniszewska ciongnie wozyk Unii
Za tym Podbeskidziym jeszcze łona goni
Wiym że Katowice jyj niy spasowały
Prawie pympek widzi yno w Bielsku-Biały.

[broneknotgeld]

"Dwanoście"

Dwanoście abo unijny "tuzin"
Tych gwiozdek na modry fanie
Mozno Europa do teroz buzi
Jak niy to co im sie stanie?

[broneknotgeld]

Pogratulować Unii Wolności
Możno na Wiejski chnetko zagości.

[broneknotgeld]

Sojusz z UP znojd "dziewiontka"
Jedyn se kajś skrył do kontka
Toż to richtig jakby klapa
Możno dostoł już "po łapach".

[broneknotgeld]

Adam Gierek

Gierek tukej jest na przodku
Łon powozi tom czelodkom
Mo już mandat synatora
Dyć mu dali teroz pora
Wschod czy Zachod? -Wszysko jedno!
Stołek - we tym jakby "sedno".

[broneknotgeld]

Jerzy Markowski

Toż nastympny tu synator
Ponoć wonglo "autokrator".

[broneknotgeld]

"Sztyry"

To cyfra teroz SLD-UP
Co ciyngym w Polsce ło władza klupie
Dyć przi nich momy durś "polske kobry"
Jo bych niy pedzioł że wynik - "dobry".

[broneknotgeld]

Jerzy Markowski

Dlo Ślonska Zagłymbio wyrombać chce chodnik
Coby my ty Unii zowdy byli "godni".

[broneknotgeld]

Synator Gierek

Lecioł se łostro na sławie łojca
Chocioż już niy mo formy "mołojca".

[broneknotgeld]

Głosy Jerzego Markowskiego

Myśla - niy bydzie we tym urazy
Mniyj wzioł łod Buzka aż dziesiyńć razy.

[broneknotgeld]

Władysław Serafin

Łon PSLu traktor prowadzi
Inkszym to przeca wcale niy wadzi
Zicli wygodnie se we prziczepie
Żodyn z nich chyba biydy niy klepie.

[broneknotgeld]

Apoloniusz Tajner

Tajner z PSL-ym wysoko sie pcho
Godajom że nawet łon Małysza zno.

[broneknotgeld]

"Czinostka"

Jako to wroży PSLowi
Za sztyry tydnie kożdy sie dowiy
Dyć z chopym w Polsce niy bydzie koniec
Łon nojmocniejszy w samoobronie.

[broneknotgeld]

PSL

Na "czinostki" postawiyło
Ziymi rodu niy "rzuciyło"
Teroz ciepli tuzy swoje
"Waterloo" to jakby boje.

[broneknotgeld]

Z niego "ślonski" jest echt-Polok
Inkszy jynzyk? Toż niy bolok!
"Gyńsiom" niy chce być w Europie
- Mosz recht we tym richtig chopie!

[broneknotgeld]

Genowefa Grabowska

Już fora ślonske nom "atakuje"
Takim sposobym se reklamuje
Czy richtig wiela głosow uskłodo?
Toż łoboczymy - cosik mi godo.

[broneknotgeld]

Pani synator

Być za Gierkym sie gańbiyła
No i tukej przikludziyła.

[broneknotgeld]

"Łoziym"

Socjaldemokracjo Polsko
-Numer "łoziym" przipod
To ferana cołkym swojsko
Wiymy skond kto wypod.

[broneknotgeld]

Ich kokot

Sztartli piyknie ze kokotym
Teroz pieje a niy potym
Możno zbudzi kurnik cołki
Śnioł unijne przeca stołki.

[broneknotgeld]

"Koniec milczenia owiec"

Wełna we Unii przido sie w zima
Terozki jednak mrozu już niy ma.

[broneknotgeld]

Adam Słomka

Ze niego jakby tyn Wańka-Wstańka
To KPNu stracono bańka.

[broneknotgeld]

Tadeusz Pruszyński

Bezrobotny geodeta
-Eksmitować chcieli jego
Rozgłosiyli po gazetach
I niy wyszło nic ze tego

Toż darmowo to reklama
Chwyt medjalny jednak taki
Wykorzystać szło w tym dramat
Wiela przi tym było draki.