Wyścig do Parlamyntu Unii Europejski

[broneknotgeld]

Jo wiym już czamu łon "narodowy"?
Bo narod ślonski wloz mu do gowy.

[broneknotgeld]

Jarosław Kania

We "Wiadomościach" mo cołko strona
Wiela w Brukseli może dokonać
Dyć czy sie sprawdzioł w ty naszy Rudzie?
Żałoba bydzie jak łon stond pódzie?

[broneknotgeld]

"Sześć"

Sześć wleciało mi we łoko
Chocioż kobel ciyngym skoko.

[broneknotgeld]

Możno na "szostka" tyż byda blikać
Jo bych se wybroł tam Gorzelika.

[broneknotgeld]

Jerzy Gorzelik

Ze niym żech już piwo pioł
Łon by dobry poeł boł.

[broneknotgeld]

Ze ty listy wypod nojlepi Gorzelik
Malutko pociecha dlo ty ślonski szteli.

[broneknotgeld]

"Piyńć"

Ta piontka richtig bydzie Realno
Coś mi sie widzi że wirtualno.

[broneknotgeld]

Dyć we tym "realni" - kobiyty niy szukej
Do kuchni se za niom jak chcesz to poklupej
Możno zresztom rzyko terozki w kościele
Abo bajtlom łożka hurtowo durś ściele.

[broneknotgeld]

OKO

"Oko" to przeca "dwadziścia jedyn"
Jak dycha dońdzie wygrajom wtedy.

[broneknotgeld]

"Jedynoście"

Jedynoście - dwie jedynki
Polske dziołchy no i synki
Co tam "jedyn" ty PO
Z tym wygrajom - im sie zdo.

[broneknotgeld]

"Partie muszą odejść"

Ano muszom muszom
Dyć sie tym niy wzruszom.

[broneknotgeld]

Hasłym - "Korwita". Odzewym - "OKO"
Co paczy łostro no i szyroko.

[broneknotgeld]

Michał Figlus

Posła na przodku tyż widać łonych
Downiyj we cuglach Samoobrony.

[broneknotgeld]

Jutro "przedwyborczo cisza"
Dźwigna teroz - tym niy zgrzysza.

Platforma Obywatelsko

[broneknotgeld]

Wybory wygrała richtig ta PO
Toż czi piontki przeca tam aż posłow do.

[broneknotgeld]

Janusz Lewandowski

Toż gdański liberał co czynsto sie kludzi
Skiż prywatyzacji we nocy sie budzi
Pewno we Strasburgu dychnie se łod tego
Bo tu czasym było "siyła na jednego".

[broneknotgeld]

Lewandowski Komisji Budżetu szefuje
Pewno mu to richtig terozki sztimuje.

[broneknotgeld]

Tadeusz Zwiefka

Gymba mo z telewizora
"Wiadomości" pamiyntomy
Prziszła już na niego pora
Niychej idzie - dyć go znomy.

[broneknotgeld]

Barbara Kudrycka

Z PZPRu we "Solidarność"
Terozki PO! Tamto już marność?
Se wyższom szkołom tyż rechtoruje
Jakoś to wszysko jeji sztimuje.

[broneknotgeld]

Paweł Piskorski

Wiela smrodu we Warszawie łon ponoc łostawioł
Przeca sie prezydynturom stolicy fest bawioł
Niy dziwota - modziok jeszcze - może se balować
W razie czego przeca idzie we Unii tyż schować.

[broneknotgeld]

Jacek Saryusz-Wolski

"Za Nicea" ponoć richtig żyły pruć sie chcioł
Ze Rokitom ta "śmiertelno" durś czimali sztama
Se dowiymy czy u niego yno to był fioł
A dyć jakby co inkszego to momy zaś dramat.

[broneknotgeld]

Filip Kaczmarek

Tyn tyż we partiach lubioł przebiyrać
Niym na ta Unio zaczoł spoziyrać
We dziynnikarskim fachu se bawioł
Terozki mandat na piyńć lot sprawioł.

[broneknotgeld]

Zbigniew Zalewski

Radnym Sejmiku już niy chcioł być
Jak yno Uniom zaczli my żyć
KULnoł kaj ińdzi se nasz pan dziekan
Psycholog przeca - prawie "sobiepan".

[broneknotgeld]

Bogdan Klich (Małopolska i Świyntokrzyske)

Historio sztuki i medycyna
Ksztołcioł se w takich kedyś dziedzinach
Wiceministrym był łod obrony
Pewno talyntym w tym łobdorzony

Europy uczy tyż na UJ-cie
Ze tego możno karlusa znocie
Teroz praktyka se potrynuje
Bo wielko chyntka do tego czuje.

[broneknotgeld]

Bogusław Sonik

Antykomunista ponoć z niego był
"Podziymiu" w Krakowie dokłodoł swych siył
Potym we Paryżu na stołku se zicnoł
W Instytucie Polskim przeca nom zakwitnoł
Terozki w Strasburgu zesel nowy czimie
Toż se podziwomy co w niym jeszcze drzymie.

[broneknotgeld]

Jerzy Buzek

Afery za niym niy pogoniyły
Yno tyn głosik Millera miły
Toż i nos chyba to niy ździwiyło
Że mu poparcie take rypnyło

Jak Leszek pyńdzioł pryndko we doł
Z drugego konca tyn Jorgel boł
Dyć już we Polsce huśtowka tako
Zowdy z tym przeca bydzie jednako.

[broneknotgeld]

Gyburstag dzisioj Jorgel fajruje
Pewnikym wiela mu fest winszuje
Jo se dwa głymbsze wypija yno
Niych go historio dobrze wspomino!

[ciupazka]

Bo te nase "polskie synki"
niezłe sk..... ki. Ech...

[broneknotgeld]

Małgorzata Handzlik

No toż momy w UE ze Bielska Małgola
Dyć jo zowdy frelka łod karlusa wola
Na stacjach radiowych łona mocno siedzi
Tyż i edukacjom se prywatnie "biedzi"

Hehe - Handzlik przeca wygryzła Rzymełki
Choć drugi na liście - przi niyj już niywielki.

[broneknotgeld]

Jan Olbrycht

Tyn przinojmni mo praktyka
W Unii przeca już go znajom
Regionalno polityka
Tyż we zocy trocha majom

Pewno Cieszyn se raduje
Ze downego burgemajstra
Strasburg richtig mu sztimuje
Niy musi używać klajstra.

[broneknotgeld]

Olbrycht we Komisji Regionalny kryńci
Choć jest yno vice - dyć to go niy mynczy.

[broneknotgeld]

Liga do Unii swojich fest cisła
By Polska stamtond se pryndko wyszła.

[broneknotgeld]

Bogusław Rogalski

Możno ta jego wszechpolsko karta
Przegoni z Mazur "pruskego czarta"
Kurde - w dodatku historyk z niego
Wielko kariera czeko istnego!

[broneknotgeld]

Wszechpolok mody
Wielki urody
Toż na Mazowszu toczom se wody
Co narodowy chcom ciyngym zgody.

[broneknotgeld]

Dariusz Grabowski

No - to przinojmni stary już wyga
Co z niyjednego pieca chlyb jodoł
Ze PSLu szło se wymigać
Możno i z Ligi - cosik mi godo.

[broneknotgeld]

Urszula Krupa

Ponoć to dobre co yno z Łodzi
Toz ta posłanka stamtond pochodzi
Radiomaryjne korzynie mo
Pszoć wszyskim bydzie - tako se zdo.

Mirosław Piotrowski (Lubelskie)

[broneknotgeld]

Na europosła z LPR dany
Mioł "belwederskie" podobnoś plany
Radiomaryjnie we gora pchany
Ze Giertychowa dyć niy puszczany.

[broneknotgeld]

Tako my sie fest "ścigali"
Dyć co bydzie ze tym dali?
www.schuman.org.pl/modules.php?op=modload&name=Sections&op=viewarticle&artid=270

Tyn czeci rok w UE

[broneknotgeld]

Co nom prziniesie tyn czeci rok?
Oby do przodka dlo nos był krok.

[broneknotgeld]

Z Giertychami ta Europa
Bydzie miała dyrś utropa.

[broneknotgeld]

Dyć żol wontka do archiwum
Czy jo tako czas łokiwom?

[broneknotgeld]

Czas by se niy migać
Bo trza juzaś ścigać.

[broneknotgeld]

Łońskego roku est sie ścigali
Co poradziyli tako zabrali.

[broneknotgeld]

Spokopiom czy niy spokopiom
katowice.gazeta.pl/katowice/1,35055,8917621,Polska_nie_rozumie_Slaska.html
Dyć Ślonzokow niy utopiom.

[broneknotgeld]

Juzaś wyścig przidzie
To pewne co bydzie.

[broneknotgeld]

Czas wartko leci
"Wyscig" zaś skleci.

[broneknotgeld]

Toż ciekawie
wiadomosci.gazeta.pl/wiadomosci/1,114871,13168984,Konkurs_Migalskiego__ale_nagroda_z_funduszu_PE___Takich.html?lokale=katowice
Link dom prawie.