Europa po ślonsku

[broneknotgeld]

No i zaś jo musza ciongnońć
By Europa w Ślonzek wprzongnońć.

[broneknotgeld]

Tu idzie szkryflać ło tyj Europie
My w niyj łod zowdy babo i chopie.

[broneknotgeld]

Leko ło Europie sie szkryflo po ślonsku
Bydzie tukej cołko - tak konsek po konsku.

[broneknotgeld]

Tyn słownik se chyba tu nikerym przido
forum.gazeta.pl/forum/72,2.html?f=261&w=8707774&v=2&s=0
Jeszcze wiela rymow Bronek łod sia wydo.

[broneknotgeld]

Zwiydzić Klub Strasburski
yno w jedyn rok
forum.gazeta.pl/forum/72,2.html?f=28940&w=46991052
Toż richtig ciekawy
dlo wandrusa krok.

[broneknotgeld]

Belgio

Belgio z belgijokym mi sie durś kojarzy
Krolik we chlywiku tyż sie zaroz marzy.

[broneknotgeld]

Belgio szokoladom słynie
I my ło tym cosik wiymy
Tako było w tyj dziedzinie
- Skiż kolonii maszkecymy

W szokoladzie krew i pot
Nyjgra z Konga Belgijskego
Haratoł łon wiela lot
Kakało niyszczyńściym jego.


Belgijske frytki

Belgio już sto lot frytkami stoji
Braku kartofli sie tyż niy boji
Wiydz ło tym jak som frytki zaś wcinosz
Toż Belgijoka w tym przpominosz.

[broneknotgeld]

Ło Flamandzie

Wspomnij Flamandowi tyn jynzyk flamandzki
Zarozki ci powiy że to niderlandzki.

[broneknotgeld]

Stolicom komiksu belgijsko Bruksela
Smurfy nagodały by ci ło tym wiela
Na takim kryklaniu łod lotek sie znajom
Bestoż tyż Muzeum Komiksu tu majom.

[broneknotgeld]

Biołe piwo ponoć ta Antwerpio zno
Jo zaś "tyske" wola co swoj kolor mo.


Dom Rubynsa

Dom Rubynsa w Antwerpii połoglondać idzie
Zowdy pamiyńć ło niymu już tukej żyć bydzie.



Rubynsowsko linio teroz niy jest w modzie
Dzisioj anorekcjo rzońdzi sie w urodzie.




Przi katedrze na rynku Rubyns dzisioj stoji
Ło te swoje płotna nic sie już niy boji
W świontyni tyż przeca som jego tryptyki
Ciepnij na nie chocioż ze dwa twoje bliki.



Muzeum Morske w zamku prastarym
To tyż atrakcjo jest wielki miary.



Antwerpsko legynda

Druon Antigon port tu założoł
Kupcow tym do sia fest nyńcioł
Dyć sie nad nimi pierońsko srożoł
I krod im towor ze chyńciom

Czynsto kupczyki bronić sie chcieli
A z niego siłocz był przeca
Ucinoł rynce i do topieli
Rzece je ciepoł we necach

Jednak na niego tyż kryska prziszła
Bo Brabo Sylwiusz był hardy
Z kikuta zboja mocno krew trysła
Rynka zaś zabroł nurt Skaldy

Niy dziw sie teroz fontannie ichni
Co na antwerpskim jest rynku
Za zdrowie Braba piwo se gichni
Niy mortw Druona se mynkom.


Belgijok w biołym winie

Co w Antwerpii jedzom? Ano belgijoka
W biołym winie duszom dyć tego boroka
I śliwkom suszonom nafilujom jeszcze
Niebo w gymbie potym - naprowdy mi wierzcie.

[broneknotgeld]

Holandjo

Tulipany i wiatraki
Kraju tego piykne znaki
Narkotyki możno jeszcze
Dyć mie zaroz bierom dreszcze!

[broneknotgeld]

Keukenhof

We łogrodzie tukej tulpy ciynżko zliczyć
Kajś siedym miljonow! -Holynder mi ryczy.

[broneknotgeld]

Holandio w Europie

Ponoć takego państwa tu niy ma
Tako by tyż szło zaczońć tyn tymat
Toż przeca wiymy - som Niderlandy
W kerych doszukosz se dwoch Holandii.

[broneknotgeld]

Rok 2005

We Niderlandach doszli do zgody
Latoś tu majom przeca "Rok Wody"
Toż jo se tymu nic niy dziwuja
Morze na londzie daleko czuja.

[broneknotgeld]

Brunssum

W Limburgii miasto takowe znocie?
We Polskim Domie tam wiela pociech
Choc gruby downo pozamykali
Dyć tyn nasz bergmon siedzi tam dali
Toż Niderlandy - tukej mu lepi
Ze satelity Polskom se krzepi.

[broneknotgeld]

Ponoć Wenecjo jest Amsterdamym
Łod dziejow gyszynk taki im dany
Yno gondole som richtig włoske
No bo kanały tu i tam boske.

[broneknotgeld]

Polski "ratusz"

Na polskich palach tyn "pałac" stoji
Bez nich utopioł by se w marasie
Choć wieki lecom nikt sie niy boji
Ponoć mocniejsze łone po czasie.

[broneknotgeld]

Blikom na Amsterdam

Coś z Wenecji i Paryża ze ździybkym Londynu
Na Amsterdam tako blikom durś z wesołom minom.


I amsterdam Card

Na czi dni karta se wykup bracie
Forsy niy żałuj jak stare lacie
Dyć ze ty karty profitu wiela
Jak richtig poznać chcesz gryfno sztela.


11 miljonow

Co rok zoglondo wandrusow tela
Na tyn Amsterdam zdo sie to wiela
Dyć niychej kożdy bliknie se tukej
Takego cudu kaj ińdzi szukej?

[broneknotgeld]

"Het Rembrandthuis"

Tu natchniynio szukoł i wiela malowoł
Z kunsztym w ty pracowni zdo sie boski stowoł.


"Sexmuzeum"

Nojstarsze i piyrsze we cołki Europie
Dej pozor na frelki i na sia tyż chopie.


"Troppenmuzeum"

Jedni chcom ciyngym siedzieć w tropikach
Inksi nojpryndzy zaś stamtond zmykać
Toż dlo tych drugich muzeum styknie
Tukej łoglondnom se wszysko piyknie.

[broneknotgeld]

Oceanarium

Oceanarium tukej we zoo
Niyjedyn ze tym uciecha mo.

[broneknotgeld]

"Panie pingwinie"

Choć zoo dyć tukej "panie pingwinie"
Żeś we polarny jakby dziedzinie.

[broneknotgeld]

Sail Amsterdam 17-21.VIII.2005

Zyjman zlot taki zowdy mo w zocy
Tukej szifami napasie łoczy
Epne żaglowce se porachujom
Łostatnie take co wiater czujom.

[broneknotgeld]

Gouda

Jakbyś łoboczoł ze kyjzy hołda
Pewnikym bydzie to jejich gouda
Z miasta Holandji nazwa sie wziyła
W cołko Europa pryndko ruszyła.

[broneknotgeld]

Utrecht

"Domtoren" nad miastym jak gdyby kroluje
Ty wieży kościelny kożdy se dziwuje
W cołkich Niderlandach lona wiedzie prym
Był żech we Utrechcie toż przeca to wiym.

[broneknotgeld]

Zwolle

Pod Hanzom se żyło
Warowniom tyż było.

[broneknotgeld]

Middelburg

Niy trza wcale być Flamandym
By tam trefić we Zelandii
Toż prowincji jest stolicom
Bestoż tyż se nim zochwycom.

[broneknotgeld]

Maastricht

Tukej ta UE se narodziyła
Choć ze EWG jest jeji siyła
Traktat był przeca tu podpisany
Łod historyji znak jakby dany.

Haga

[broneknotgeld]

"Madurodam"

"Madurodam" w Hadze to miasteczko mini
Co Niderlandami cołkymi se miyni
Niy yno dlo dzieci uciecha jest tako
Ołpy łojca bajtla raduje jednako.

Apeldoorn

[broneknotgeld]

"Apenheul"

Czista afow ci niy wadzi?
We tym parku se paradzi
Na wolności jakby tako
Czy to dlo nich już jednako?

Biddinghuizen

[broneknotgeld]

"Six Flags - Walibi Word"

Richtig park uciechy wielki
Ciongnom tu karlusy frelki
Matki łojce ze bajtlami
Toż wybiercie se tyż sami.

[broneknotgeld]

"Goliat"

Rollercoaster wielki zdo sie
Seta szwongu na niym mo sie
Żołond kaj przi tymu złazi
Dyć nikogo to niy razi.

[broneknotgeld]

"La Vija Volta"

Tym se karniesz we dwie strony
Chocioż wcale to niy toni.

[broneknotgeld]

Dlo bajtli

Dlo bajtli zdo sie to bajka
Dlo kogosik "złote jajka".

Kaatshuevel

[broneknotgeld]

"Efteling"

Światym baśni tyn park zdo sie
W niym uciecha zowdy mo sie
Cwergi elfy czarodzieje
Bajtel se do tego śmieje
Matki łojce spokoj majom
Tyż z uciechom se dziwajom.

[broneknotgeld]

Hotel przi parku rozrywki

Kożdy pokoj bajkom tukej
Kogo lubisz tego szukej
Muster jakiś ci sztimuje
Bier jak dobrze se w niym czujesz.

Wassenaar

[broneknotgeld]

Park wodny "Duinrell"

Stond żol ci wyjechać bydzie
Toż czas taki w końcu przidzie
We pamiyńci dyć łostanie
To żeś mioł tu używanie.

[broneknotgeld]

Aquapark "Tiki Bad"

Cudo - se tako yno tu szkryfna
Recht - toż zarozki skiż tego kichna.

[broneknotgeld]

Lunapark

Toż niy yno te basyny
Som łobrozym ty dziedziny
Karuzele klajnecugi
Skiż niych czas tu niy jest dugi.

[broneknotgeld]

650 lot tymu

Grof tutejszy princym zostoł
Ze tym szwongu wiyncy dostoł.

[broneknotgeld]

Wilhelm II (1840-1849)

Niy yno z miana był wielkim princym
Łon konstytucjo doł piyrszo
Łod niego piniondz tu znaczy wiyncy
Sztela choć mało - dyć wyrszo.

[broneknotgeld]

Wielke Ksiynstwo Luksymburga

Skiż Waterloo gorom łone
Kongres w Wiedniu tyż je dzwignoł
Choć to jeszcze niy był koniec
Dyć szczyńśliwy los niy mignoł

Yno łostoł sie na dugo
Dzisioj ksiynstwu tyż durś mrugo.

[broneknotgeld]

W Szengen

W Szengen nad Mozelom granice zmazali
We Unii ich przeca jakby prawie niy ma
Terozki to poszło ło dziesiyńć państw dali
I bestoż tyż tukej europejski tymat.

Niemcy

[broneknotgeld]

Niymcy teroz kaj ińdzi już lecom
forum.gazeta.pl/forum/72,2.html?f=59&w=19671960&v=2&s=0
Kliknij - fraszki tam piyknie sie klecom

[broneknotgeld]

Downo tymu

Dwiesta lot ze hokum - Co Danio nom dała?
-"Czeci rozbior Polski" łoprotestowała
Dyć w Europie była ze tym "aż" jedyno
Tako historyjo dzisioj sie wspomino.

[broneknotgeld]

Gorm Stary

Łon państewka duńske chycioł twardom rynkom
Bo przeca by niy szło zrobić tego miynkom
Jutlandiom Wikingi ciongnyli falami
Jednak już tu teroz rzońdziyli se sami.

[broneknotgeld]

Christiansenowie z Billund

Jutlandzki stolorz stracioł na meblach
Dyć niy łodłożoł łon cołkym hebla
Drewniane graczki strugać niym zaczoł
Nawet sie trocha na tym wzbogacioł

Dali zaś poszoł jednak syn jego
Dyć se wymyśloł te klocki lego
Co w świat zarozki drapko ruszyły
Cołki rodzinie dodały siyły

Dzisioj to wszysko wnuk mocno czimie
Łon na piniondzu możno durś drzymie
Bo klocek lego - groczka dlo dzieci
Z Danii w świat cołki tonami "leci".

[broneknotgeld]

Danowie

Ze Szwecji Danowie swoj rod wywodziyli
Połtora tysionca lot tymu to było
Jak te ziymie mieczym do sia zagarnyli
Ich miano sie z państwym na zowdy stopiyło.

[broneknotgeld]

Kanut II Wielki (krol Anglji)

Syn Swena to Kanut. Wielkim zwali jego
Angliki se richtig suchali ichniego
Przeca wzioł do łożka ślubno Ethelreda
Wdowa - dyć z niom cołko ta wyspiarsko "scheda".

[broneknotgeld]

Arcybiskup Absalon

Twierdza we wiosce rybokow stowioł
Havn piyrwyj jom nazywali
Kamiyń pod nowo stolica dowoł
Tako poleci z tym dali.

[broneknotgeld]

Krolowa Małgorzata

W czech krajach już łona richtig krolowała
Danii i Norwegii a potym Szwecyji
Skiż Unii Kalmarski ta władza dostała
Dyć tyż ze tym mieli za wiela mecyji

Bo Duńczyki rośli we tych krajach wszyndy
Skandynawio cołko jejich grzondkom była
Na nich durś zoszczytne czekały urzyndy
Szwecji i Norwegii myńszo we tym siyła.

[broneknotgeld]

"Wojny Hrabiow"

Toż skiż Reformacji te wojny tyż były
Brat bratu korona torgoł z cołki siyły
We końcu wygrały te wojska Krystiana
Piyrszego na tronie w Danii luterana.

[broneknotgeld]

Fryderyk V

Po fatrze łon jakby za wiela folgowoł
Taki muster Danii swojim zyciym dowoł
Czas już był nojwiynkszy - piyknie sie to stało
Do życio kultura łobudzioł tu cało.

[broneknotgeld]

Tyn Krystian wyży mioł numer siedym
Toż łodyjmijcie mu teroz jedyn.

[broneknotgeld]

Przi Kristianie VII

Przi Kristianie VII dochtor Daniom rzońdzioł
Nikierzy godali co pierońsko błońdzioł
Toż w końcu se stało - stykło dworski zmowy
By Struensa cołkym pozbawić ty gowy.


Zmiana kliki

Ano - dyć zmiyniyła se cołkym ta klika
Co sie panoszyła u boku krolika
Teroz to co duńske jednak bardzi w zocy
A Dania nabiyro poleku durś mocy.


W Lidze Państw Neutralnych (1780)

W Hameryce Anglio kolonie już straci
Dania sie ze Ligom na tym ubogaci.

[broneknotgeld]

W Drugi Lidze Państw Neutralnych

Angljo ze Francyjom już se fest hatrusi
Danio neutralno być przi tymu musi
Postrachano jednak szifami Nelsona
Chyciyła se w końcu tyż Napoleona.


Przi Napoleonie

Ciyngym fest utropa dlo Danii z tym była
W końcu wiela na tym przeca tyż straciyła
Traktat we Kilonii - zdo sie dlo niyj dno
Dyć kraj durś istnieje choć zocy mniyj mo.


Fryderyk IV

Choć ksiyńciym ciyngym był na Holsztynie
Utropa ze tym Danii niy minie
Toż "absolutyzm" zdo sie chnet kończy
A "liberalizm" ze gminym łonczy.

[broneknotgeld]

Narodowy Ruch Romantyczny

Thorvaldsen z Kirkegaardym pospołu to ciongnom
Grundtvig - choć teolog tako se w to wprzongnoł
Rzeźbiorz filozof pastor - ciekawo to trojca
Co flance wsadziyła do tego "ogrojca".


Szlezwik i Holsztyn

Wloz Holsztyn do zwionzku tych krajow niymieckich
Za ksiyńcia mioł jednak durś duńskego krola
I Szlezwik mniyj chce sie czimać "duński kecki"
Chnetko z tym utropa - niy byda wos fulać.


1837

Już rajcow miejskich szło tu welować
Chnetko ło wiyncy trza bydzie stować.

[broneknotgeld]

1841

Toż w duńskich hrabstwach i parafijach
Władze z welunku teroz - niy z "kija".


Krystian VIII

Łon konstytucjo Norwegom doł
Przeca tam gowom był państwa
Niy Duńczykowi - chocioż tyż chcioł
Kurde - niy było w tym draństwa?


Fryderyk VII

No - liberały se teroz cieszom
Absolutyzmym już tu niy grzeszom
Toż podpisano konstytucyjo
Rigsdag to przeca niy jest mecyjo.

[broneknotgeld]

Riksdag

Z dwoch Izb se Rigsdag tyn duński skłodo
Konstytucyjo coś ło tym godo
Folketig izbom co niży leży
A landsting wyży - możecie wierzyć.


Szlezwicko-holsztyńsko utropa

Szlezwik ze Holsztynym chce sie już połonczyć
I tako we zwionzek niymieckich państw włonczyć
Na to krol i Rigsdag zgody dać niy może
Toż se zamotlali pierońsko - łoj Boże

Szlezwicko-holsztyński już rzond tymczasowy
Rychtujom w Kolonii - krol Prus co im powiy?
Dyć dobrze my wiymy co mu sztimowało
I wojna cziletnio w te ziymie przignało

Prusy pomoc cofły - z tym danio wygrywo
Choć możno nikogo to teroz niy dziwo
Czy koniec już na tym ty utropy jest?
Łoj - jeszcze rozkulo se tu wojna fest.


Nowo konstytucyjo

Toż Krystian IX - krol Danii już nowy
Handszrift swoj położoł - dyć drapko sie dowiy
Że Szlezwik w tym kraju niy chce cołkym być
Pryndko zaś skiż tego zaczli se tu bić.

[broneknotgeld]

Zaś wojna

Zaś wojna ło Szlezwik - terozki przegrano
Ta ziymia już Niymcom cołkym jest łoddano.


Zjednoczono Lewica (1872)

Po przegrany wojnie zowdy tako bywo
Że to co jest "lewe" bardzi gowa dźwigo
Folketing se zdowo terozki "ludowy"
Dyć jakoś "prawica" na to tyż łodpowiy.


Zjednoczono Prawica

Co "prawe" to przeca na "lewe" niy przyńdzie
Toż se historyjo tako dzieje wszyńdzie
Dwie siyły ło władza durś durś sie potym wadzom
Utropie przi tymu jednak niy zaradzom.

[broneknotgeld]

"Lewo" władza

Nic jo na to niy poradza
Kryńci Daniom "lewo" władza
By uczimać cugle w rynkach
Dlo "konserwy" dyć w tym mynka

A czas zdo sie niyspokojny
Już u proga piyrszy wojny.


Neutralno Dania

Toż niy myślała Dania ło wojnie
Szczyńśliwo - u niyj teroz spokojnie
A że jom Niymcy w końcu przegrały
Profit w tym miała choć możno mały.


Plebiscyt w Szlezwiku

Granica przetła Szlezwik na poł
Skiż Plebiscytu co tukej boł.

[broneknotgeld]

Kryzys Wielkanocny 1920

Nowy muster welunku mieli już wprowadzić
Dyć skiż tego se zaczli tu pierońsko wadzić
Krol "lewica" "prawica" zwionzki zawodowe
Komuś pomiyszało sie przi tymu w gowie
Strajki demonstracje na ulicach wojsko
Toż niy było teroz tukej cołkym swojsko
W końcu jednak wszysko prziszło dyć do normy
I Dania poleku nabiyro zaś formy.


W dwudziestoleciu miyndzywojynnym

Fionia z Jutlandiom chcieli zepinać
Przez Mały Bełt most trza im zaczynać.


"Stormstromsbro"

Folstar z Zelandiom razym być mogom
Z wyspy na wyspa tyż suchom nogom.

[broneknotgeld]

9.IV.1940

Przez telefon Dania se Niymcy zajyli
Wystykło że łostro tako postraszyli
Kapitulacyjo pryndko richtig była
Ja no - kraj malutki a somsiod mioł siyła


Okupacyjo

Ciynżko jom niy przeszli - dyć zowdy mecyjo
Niywiela tu cieszy ta okupacyjo
Ruch oporu nawet rozwinoł sie z czasym
Chocioż go niy kryły przeca rzodke lasy.


Po wojnie

Przeczimała ta wojna se Danio bez strat
Chocioż ze wygranych nikt niy był jyj brat
Dyć tyz erbła cosik przi Planie Marshala
I tako szif duński pruł zaś łostro fala.

[broneknotgeld]

Dania 1947

Niy chciała Dania być fest sagato
Toż jom już majom terozki w NATO
Tela że bez tych bomb atomowych
-Wolom je mieć tu cołkym ze gowy.


Dania 1973

Do EWG tyż Duńczyki chcieli
Toż se znoleźli i we ty szteli.


Dzisioj

Dzisioj Dania mocno siedzi we Uniji
Nawet skuli euro niy było mecyji.

[broneknotgeld]

Przez Wielki Bełt

Fionia ze Zelandiom zepli se tu mostym
Na sucho przez woda - sposob teroz prosty.

[broneknotgeld]

Zamek Hammershus

Na Bornholm zoglondnońć a ruin niy widzieć
Toż utropa możno jakoś z tego przidzie
Trza se bydzie wrocić - połazić w tych murach
Historiom podychać i niy myśleć - "dziura".

[broneknotgeld]

Kaj Danio siyngo nojdali wschodu?
ło tym toch wiedzioł jo już za młodu
Bornholm na morzu mi sie zamarzoł
Dyć jak przepłynońć - siech niy łodważoł.


Amstkomune Bornoholm

Cobyście ło tym zowdy wiedzieli
Na piyńć gmin okryng se cołki dzieli.


Bornholmske lasy

Niych to wcale wos niy straszy
Danii tu nojwiynksze lasy
W jedny pionty wyspy som
Bestoż rym tyż taki dom.

[broneknotgeld]

Bornholmske słowiki

Tela tu nakwilom tela naśpiywajom
Że "obywateli wyspy" tytuł majom.


Drzewka figowe

Toż drzewka figowe na Bornholmie rosnom
Czy to mi sie yno coś myli ze wiosnom?
Bałtyk przeca niy jest te Środziymnomorze
Dyć figi z ty wyspy dej mi Panie Boże.


Almindingen

Nojwiynkszy las duński na Bornholmie znojdziesz
Siedmiopiynne drzewo - do niego tu dojdziesz.


Wodospady

Mo Danio tukej tyż wodospady
W żlebie Dandalen - niy łod parady.

[broneknotgeld]

Koncerty

Co na Bornholmie polecić babie?
-Możno sie wsucho w koncerty żabie
Rzekotki piyknie tukej rechocom
Niyjedna frela tym rozochocom.

"Zielono mi..."

Tako tu zowdy ekolog nuci
Zdo sie w raj chnetko wyspa łobroci.


Erika

We wrześniu ta wyspa se robi lilowo
Ciyngym ta erika przed łoczy ci stowo
Skały Hojlygenu czy cypel Hammeryn
Zdo sie nojgryfniejszy terozki to teryn.

[broneknotgeld]

Hammerso

Nojwiynksze jezioro - na cyplu połnocnym
Gryfne nawet wtedy jak czas tukej nocny
Stojom po somsiedzku aże dwie latarnie
By rybok na morzu niy stracioł se marnie.


Plaża

Łod Łod Renne do Dueodde podziwej se plaży
Kero i bez zima bydzie ci sie marzyć
Na świecie niywiela wiynkszych i gryfniejszych
Tela yno szkryfna we tyn czas dzisiejszy.


"Ekkodalen"

Toż "Dolinom Echa" Duńczyki jom zowiom
Ano sie z tym echym czasami tu bowiom
Jo jednak zoglondna do zamkow prastarych
Lilleborg Gemleborg - w niych som jakeś czary.

[broneknotgeld]

Chlyb bornholmski

Piykorz go tu robi zowdy po starymu
Bestoż trza wom wierzyć richtig tyż i tymu
Że łon potym świyży przez cołke czi tydnie
Smak tego pecynka nigdy wom niy zbrzidnie.


W dziyń św. Jana

W dziyń świyntego Jana heksy tukej polom
Jak stos sie hajcuje ździybko poswawolom
Biyr w gowie zaszumi - chocioż niy za wiela
To noc w kero dzieje sie niy yno tela.


W Almindingen

Torym wyścigowym tyn bor w Danii słynie
Rajtujom tu konie z wiosny do podzima
Jedyn grosik zysko inkszego to minie
Szczyńście czasym bywo a kej ińdzi niy ma.

[broneknotgeld]

Z romantyczkom

Jest żeś z frelkom romantyczkom
Toż do lasu jedź se z bryczkom
Almindingen wos zasłoni
Yno wy i porka koni.


Miyndzynarodowy Konkurs Skokow

Zowdy w lipcu tu zawody
Szwecjo z Daniom fest rajtuje
Dyć ze sportu niy ma szkody
Choć se w tym historio czuje.

[broneknotgeld]

Wiatraki

Kajniykaj tu stojom jakby w Holandyji
Tukej z mloniym zboża niy było mecyji
Młynorzym mog zostać kożdy kery chcioł
Bele grosz na wiatrak czy młyn wodny mioł.


16.VI. - Dziyń Młynorza

Skuli downych czasow te świynto powstało
No i niy dziwota - młynow durś niymało.


Nowe wiatraki

Mloć niy muszom - robiom sztrom
Toż skiż tego tukej som.

[broneknotgeld]

Golf

Tu pola golfowe ludzi prziciongajom
Podobnoś nojbardzi tych co geld durś majom.


Dni Pstronga

W te dni se moczom tu gynsto kije
Mom taki toast - Niych pstrong nom żyje!


W jedyn dziyń

W jedyn dziyń na kole zjedziesz Bornholm cały
Choć zic może pedzieć - "To wyczyn niymały"
Kilometrow dwiesta "ścieżek rowerowych"
Na zwiydzanie wyspy muster to niy nowy.

[broneknotgeld]

Windsurfing

Kto lubi popływać na zyjmański desce
Tyn na pewno wroci se na Bornholm jeszcze.


Zatoka Balka

Rajym jest dlo rozin z małymi bajtlami
Myni tu utropy z morskimi falami
No i w tym uciecha że płytko przi plaży
Nic złego se tukej tym brzdoncom niy zdarzy.


"Bornholmske złoto"

Bornholmske złoto - wyndzony ślydź
Nojlepsze to to. Jeronie - jydz.

[broneknotgeld]

Lars Hansen (1813-1872)
Malyrz czy możno botanik bardzi?
Toż żodnom astom łon niy pogardzi.


Kristian Zahrtmann (1848-1917)

Na jego płotnach czynsto łogrody
Do dzisioj łone niy wyszły z mody
Wszyndy te kwiotki fest kolorowe
Zdo sie - na grzondce jest ciyngym czowiek.


Helge Nielsen (1893-1980)

Pejzarze słońcym mo malowane
Co Bornholmowi yno jest dane.

[broneknotgeld]

Hanza na Bornholmie

Ta wyspa - wpiyrw duńsko - Hanza w końcu wziyła
Chnetko przez dwa wieki Bornholmym rzońdziyła.


Po Hanzie

Jak Hanza se traci to zaroz tu zwada
Kto terozki wyspom bydzie richtig władać
Krol Danii Lubece w zastawie łostawioł
Ale po Roskilde Szwed tukej "zabawioł"

Dyć tyn Peter Olsen zagrzywoł do buntu
I juzaś przi Danii bornholmczyki som tu
Na wyspie Christianso powstała forteca
By przipilnowała tyż duńskego neca.

[broneknotgeld]

Runy

Dwa tuziny znakow miały
Ludy niymi tu szkryflały.


Runiczno kronika

Runami wykuli jom se na kamiyniach
Coby nom pedziała ło downych istniyniach.


Zdo sie

Zdo sie w tych kamiyniach som dusze zaklynte
Runy czasym prawiom co łone niy świynte.

[broneknotgeld]

Sztyry rotundy

Nyker Nylars Osterlas Osker
Sztyry rotundy w łobronie proste
W kerych se piyrwyj trza było chronić
Życie przed Wendym swoje łobronić

Bornholm se asi niymi do dzisioj
Pewno żeś ło tym karlusie słyszoł
Toż nikaj ińdzi takich już niy ma
Yno je nosi ty wyspy ziymia.


22kościoły

Na jedna wyspa styknie ich zdo sie
Dyć Boga w sercu tyż ciyngym mo sie.

[broneknotgeld]

Bornholmske zygory

Łod ćwierć tysionclecio tukej je rychtujom
Na stare zbiyrocze naprowdy "polujom".


1774

Ze zygorami trefioł tu szif
Na skale dyć wylondowoł
Towor był zocny - skiż tego knif
I muster tyż przeca dowoł.


Muster

Mustrym tu zygor z Anglyji boł
Co stoł we izbie i piyknie bioł
Do dzisioj asi sie Bornholm tym
Skiż tego przeca coś ło tym wiym.


Warsztat Petersenow w Ronne

Łostatni kierzy zygory robiom
Co kozdo izba piyknie łozdobiom.

[broneknotgeld]

Bornholmski Zwionzek Rolnikow - 1805

Nojstarszy w Danii - dwiesta lot mo
Rolnik tu panym - ta prowda zno.


Nojmyńszy powiat

Richtig nojmyńszy Danii to powiat
Rym go powiynkszy - możno to sprowia.


Rada Powiatu

We Ronne siedzi powiatu Rada
Stolicom przeca - ło to niy zwada.

[broneknotgeld]

"Sol over Gudhjem"

Filet ze śledzis jajko cebula
Rediski sznitloch - toż forszteluja.


Do śledzia

Co do śledzia ciyngym trza?
Biyr - toż napić czas nom - pra?


"Bornholms Mejeri"

Ichnio kyjza pokosztujesz
Zdo sie - wiater z morza czujesz.


"Żytni kyks"

To bornholmske richtig cudo
Co kaj ińdzi se niy udo.

[broneknotgeld]

Dzieło Thora

Toż bog Skandynawio cołko już postawioł
Zocnymi resztkami żdziybko se pobawioł
Aż w końcu je ciepnoł znudzony we morze
Za Borncholm ci dziynki - twoje dzieło boże.

[broneknotgeld]

"Krolle Bolle"

Bornholmczyki w zocy
tego trolla majom
Pomogoł bić Szwedow
bestoż jymu pszajom.

[broneknotgeld]

"Bornholmer"

Ze strzybnego śledzia robiom złoto fisza
Ło "złocie" Bornholmu ciyngym przeca słysza.

[broneknotgeld]

Ronne

Bornholmu to jest stolica zocno
Tu wyspy jedna czecio ludności
Przi inkszych miastach zdowo sie mocno
W lato - jak wiyncy ludzi se gości.


Tyjater w Ronne

Cołki Bornholm tyjatrym we Ronne se asi
Prywatny - nojstarszy ze duńskich łon jest
I godka bornholmsko tukej wszyskim "pasi"
Chnetko dwiesta rokow - fajer bydzie fest.


Ronne 1327

Ledwo kupcy z Hanzy port tu założyli
Zaroz prawa miejske osadzie nadali
Na bałtyckim szlaku dyć panami byli
Łoni ze wszyskimi przeca handlowali.

[broneknotgeld]

Muzeum Ceramiki

Tu niy lubiom garkotłuka
Dyć tych niy trza wiela szukać
Szczyńściym sami wypolajom
To co potym rozwolajom.


50 warsztatow

Piyńdziesiont warsztatow garcarskich tu było
Toż po nich muzeum cosik zgromadziyło
Godajom - We Danii stond ekstra szkorupy
Łoboczysz - poskopisz - czimie sie to kupy.


Muzeum Sztuki w Ronne

Łobrozy miejscowych mo impresjonistow
Zoglondnij bo werci se richtig ci prziś tu.

[broneknotgeld]

Lars Ipsen (1806-1874)

Chocioż w rynkach kowola fach solidny czimoł
Toż łogrodnik zdo sie we duszy mu drzymoł
Wele Ronne założoł se na wrzosowiskach
Łogrod botaniczny - niym sława mioł zyskać.


Łogrod Thomasa Erichsena

Z dziewiytnostego wieku go majom
Toż łogrodowi we Ronne pszajom
W chałpie muzeum wyrychtowali
Coby ło tworcy durś pamiyntali.

[broneknotgeld]

Ronne 1227

Zaś skiż "Pascala" feler wyskoczoł
Dobrze że teroz żech go łoboczoł
Ło sto lot starsze te Ronne przeca
Bestoż se fraszka ciepia do neca.


Ronne 1684

W tym roku stolicom tu Ronne se stało
Bo se Akirkeby fest rozhajcowało
Bestoż zdo sie życie pryndzy leci tukej
Mosz spokoj we zocy - za miastym go szukej.


Muzeum Broni

W stary wieży łotwarło se swoje podwoje
Co miasta broniyło tu mo miejsce swoje.


Urzond celny

Jak yno stolicom te Ronne se stało
Zarozki "zollamtu" tyż poczebowało
Łostoł tu zabytek tyn aż do terozki
Uciecha z niym dzisioj bo przeca niy troski.


W Ronne

W Ronne nojstarszy duński tyjater
To na Bornholmie powiy ci wiater.

[broneknotgeld]

Muzeum Rolnictwa

Zoglondnij na farma Malstedgardym zwano
Skansyn - zdo sie lepsze teroz dlo niyj miano
Zoglondnońc se możesz jak piyrwyj tu żyło
Skond płotno biyr masło w zogrodzie sie wziyło.


Łogrod w Malstedgard

Kaj w Europie rosnom jeszcze take ziyla?
Wiela z nich już nikaj - przeca sie niy myla.

[broneknotgeld]

Glashuta

W cołki Danii znajom tutejszy "werk szklany"
Glas stond kunsztowniejszy łod bańki mydlany
Z gryfnym szkłym dyć wiela znojdziesz galeryji
Kup coś na pamiontka ze ty ekskursyji.


Bokul

Wele Gudhjem gorka Bokul znojdziesz
Piechty ze miasteczka pruyndko do niyj dojdziesz
Z wiyrchu archipelag przepiykny łoboczysz
Ertholmene zowiom czym pasiesz se łoczy.


Dej pozor

Dej pozor we Gudhjem richtig na sztalugi
Kunsztowi zaszkodzisz i lizniesz jak dugi.

[broneknotgeld]

Bornholmske Cyntrum Średniowiecza

Chcesz se pobawić ze historyjom
Zoglondnij do ty "osady"
We średniowieczu przeca tu "żyjom"
Wiela w tym piykny parady.


Dlo nauki

Bajtle poznowajom wyspy historyjo
Ta "osada" przeca wcale niy mecyjo
Dyć tukej i fatry widzom coś "nowego"
Trza jednak zoglondnońć - inaczy nic z tego.


Gudhjem

Gudhjem "średniowiecznom" turystykom żyje
Radochy z tym wiela i ze geldu tyje.

[broneknotgeld]

To ci przipomni

To ci przipomni te Gudhjem w mig
Jak se poniuchosz aroma fig.


Muzeum w Gudhjem

W starym banhofie muzeum majom
Łoni zobytkom richtig tu pszajom.


Na stoku

Te gryfne Gudhjem stoji na stoku
Toż se niy szwyndej wiela poćmoku.

[broneknotgeld]

Wiatrak w Gudhjem

Zdo mi sie znakym miasteczka tego
Nikaj niy znojda już gryfniejszego?

[broneknotgeld]

Hasle

Osada rybacko wyndzarniami słynie
Ślydź w Hasle cie przeca nigdy niy łominie
Smak kolor mu dowo te drewno łolchowe
Czym "złoto bornholmske" tu dowiy se czowiek.


Wyndzarnio-skansyn

Zoglondniesz se richtig we wiek dziewiytnosty
Dyć zowdy wyńdziyli na muster tu prosty.

[broneknotgeld]

Ze śledzi

Hasle do dzisioj żyje ze śledzi
Złowi uwyńdzi - tako se biedzi
Zocne som ciyngym w Hasle wyndzarnie
Z nich grosz do dzisioj ta wioska garnie.


Ekologicznie

W Hasle tyż robiom klinker szamota
Ekologicznie - to niy gupota.


"Muzeum śledzia"

"Muzeum śledzia" te Hasle mo
Możno jedyne - to mi sie zdo.

[broneknotgeld]

Banka we Svaneke

We Swaneke banka mo napynd na siano
Kopyta ło droga sukajom już rano.


Wesołe miasteczko

We Svaneke muter niy może być zło
Tu przeca dlo bajtli piykne mini-zoo
Basyny wyciongi i djobelske młyny
Niy majom dziecioki ty stropiony miny.

[broneknotgeld]

Ziela ze Svaneke

Ze Svaneke sława zyskujom już ziela
Chnetko w cołki Danii bydzie tego wiela.


Dzike rozy

Do lipinsztiftow liście dowajom
Z tych roz bo wiela ich tukej majom.


Figurki ze Svaneke

Stond figurki som ze gliny
Archeolog robi miny
Jak je na tysionce kopie
To se po palicy dropie.

[broneknotgeld]

Złoty Medal Rady Europy

Za łochrona zobytkow Svaneke dostało
Toż ze tym zrobiyli tu richtig niymało.


"Siemens Gaard"

Hotel mo cołke sztyrysta lot
Z takego wieku kożdy jest rod.


Wiatrak (1737)

U wrot Svaneke wiatrak cie wito
Richtig jest stary - jakby kto pytoł.


Łabońdź

Jest w herbie miasta i na kościele
Niy trza bych musioł przeciyrać brele.


Glashuta "Pernille Bulow"

Som se wydmuchosz tu coś szklanego
Pozor na zymby jednak kolego.

[broneknotgeld]

Christianso

Wele Bornholmu wyspa z fortecom
Krol Christan V jom stowioł
Myśloł że wrogi se tu niy zlecom
Dyć bestoż fortyfikowoł.


Djobelsko Wyspa

Dlo heresztantow łona Djobelsko
Przeca niy mieli tu wcale sielsko
Robota ciynżko i dożywocie
Toż ze kostuchom niy było pociech.


Plyner

Dzisioj napotkosz czynsto malyrzy
Zdo sie ze kunsztym som tukej wyży.

[broneknotgeld]

Zamek Hammerhus

Arcybiskup Lundu tyn zamek wystawioł
Utropa pierońsko krolowi tym sprawioł
W końcu łobie strony Hanza "pogodziyła"
Lubeka Hammerhus tyż wtedy zajyła.

[broneknotgeld]

Hammerhus

Mnichy ze Hammerhus na ziylach se znali
Wiela tego tukej przeca hodowali
Dzisioj rożne cuda rosnom przi ruinie
Toż niyjedyn ziylorz tego niy łominie.


"Ziyle czarownic"

Wele Hammerhus rośnie do dzisioj
Niyjedne dziwo żech ło niym słyszoł
Toż bol nojgorszy ze niym sie straci
A i ryboka nawet wzbogaci
Bo śnik zesyło na morske ryby
W sieć chnetko same przi tymu "szły" by.

[broneknotgeld]

Zamek arcybiskupi 1250

Zefla erlandsena stanoł tukej wolom
Zaćmić tyn Lilleborg było jego rolom
Kościoł z krolym Danii czynsto se tu wadzioł
Bez zamku by możno niywiela poradzioł.


Na warcie

Nojpiyrw Kościoła - potym był szwedzki
Z koleji Hanzy - zdo sie niymiecki
W końcu krol duński mioł w niym łoparcie
Stoł mocno tukej - jakby na warcie.


W Slotsgerden

W Slotsgerden muzeum zamku znojdziesz
Ze ruin drapko se tukej dojdziesz.

[broneknotgeld]

Browar

To mi sie podobo - we twierdzy tyn browar
Bez niego załodze ciynżko by sie żyło
Wiela tu ktoś znaczoł jak dobry piwowar
Przi złym - cudze wojsko by zamek zdobyło.

[broneknotgeld]

Ny-Kirke

Kościoł -rotunda ze downych wiekow
Jak se tu wszyscy Kaszubow boli
Malutki zdo sie dyć wiydz czowieku
Że dzisioj se niym Bornholm fest chwoli.


Ny

Łod Nikolausa wzioł pewno miano
Przeca jak rybok wypływoł rano
Tyn świynty chronioł go durś na morzu
I dziynki niymu powrotu dożoł.


Wpiyrw

Wieża kościoła płaski dach miała
We niyj se ludność wioski zbiyrała
Dostympu Wendom mocno broniyła
Kaszubsko horda jom niy zdobyła

Zagrody jednak zowdy grabiyli
Niym se przez morze do sia wrociyli
Ciyngym tyn Bornholm tako nynkali
-W końcu Duńczyki łupnia im dali.


Przi Ny-kirke

Przi Ny-kirke kamiyń z lot pradownych stoji
Zygor - toż i dzisioj klara go durś "stroji".

[broneknotgeld]

Dzwonnik z Bodilsker

Ponoć jak yno przestowoł dzwonić
Chcioł do łogrodka swojego gonić
I sztudiyrowoł przez cołke życie
Ta botanika - przeca to wiycie.

[broneknotgeld]

"Bornholm"

W Dueodde to hotel kolos
Jo bych do niego wcale niy poloz.


Brzeg w Dueodde

Ruchome wydmy laguny klify
Sama prziroda niy jakeś knify.


Latarnio

Se do latarni na szpacyr idźcie
Yno ło jednym tyż richtig wiydźcie
Za widok ze niyj zapłacić trza
Co łaska - to zdo sie tonio -pra?

[broneknotgeld]

W Snogebaek

Tawernow tu wiela - zicnijcie przi piwie
I deliberujcie ło bornholmskim dziwie.


W glashucie

Zarobić glashucie pora euro dejcie
Dyć szkła z tego werku yno niy szczaskejcie.


Jarmark Staroci

To sie podobo mi ludzie złoci
Że tukej czynsto jarmark staroci.

[broneknotgeld]

Nexo 1364

Mo prawa miejske tyn zocny port
Choć mały przeca wiela jest wort.


Skiż wojny

Skiż wojny Nexo fest uciyrpiało
Wojsko tu przeca stacjonowało
Niymcy sie Ruskom poddać niy chcieli
Toż zbombardować wszysko musieli.


Kościoł św. Mikołaja

Świynty Mikołoj rybokow chroni
Łod lot patronym majom go łoni
Toż w Nexso mo tyż świontynia łon
Niychej niy dziwi że tu se wzion.

[broneknotgeld]

Akirkeby

Jedyne miasto łod morza dali
Stolica piyrwyj tu zakłodali.

W Akirkeby

Zdi sie te miasto nojstarsze tukej
W nojwiynkszy kościoł przeca tyż kukej
Niyjedne w Danii przi niymu blednom
Łon piyrwyj nawet był tyż katedrom
Toż przeca wiek dwunosty nań blikoł
W niym arcybiskup Lundu tyż rzykoł.


"Automobilmuseum"

Zoglondnij tukej chocioż na chwila
Przeca sie kochosz w automobilach
Choć na tych se już wcale niy karniesz
Dyć napaś łoczy pewno tyż garniesz.

[broneknotgeld]

Ro

Na wschod łod Gudhjem jest tako wiocha
Werci rozglondnońć se tam tyż trocha.


Ro Plantage

Tam kaj erika park zrychtowali
Jak tu zoglondniesz niy chcesz iść dali.


"Helligdomsklipperne"

Niydaleko Ro znojdziecie
Groty - chocioż lepi przecie
Z Gudhjem szifym tam przipłynońć
Niy do sie ich przeca minońć.

[broneknotgeld]

Moselokken

Toż kamiyniołomym piyrwyj se asiyło
Bestoż tyż muzeum take tu stanyło.


W muzeum

Rożniste granity w muzeum tym majom
Narzyńdzia kerymi już niy łobrobiajom.


W warsztacie

Jak chcesz som łobrobić granitowo berga
Chytej se roboty - niy czekej na cwerga.

[broneknotgeld]

W Vang

Czynny kamiyniołom do dzisioj w Vang znojdziesz
Chocioż niy skiż tego do wioski ty dojdziesz.


Młyn wodny (XVIII w)

Młyn wodny - toż przeca niy był tukej zbytek
A dzisioj se łostoł ciekawy zabytek.


Kaplica Jona

Skała przi brzegu stoji tu jedna
Zlyźć z niyj na plaża - ździybeczko bledna
Schodkow w doł bydzie tu przeszło sto
Z klifu powiedom jakby na dno.

[broneknotgeld]

Allinge

Letnikow wiyncy tu niż ludności
Dyć te miasteczko chyntnie ich gości.


Allinge Kirke

W sztyrnostym wieku już tu kaplica
Potym świontynia co gryfne lica
Przez wieki pora razy zmiyniała
Do naszych czasow tako dotrwała.


Ratusz

Ratusz stanoł wele portu
Wzywo kutry do raportu?
Zaczoł czecio setka lot
Burgemajster z tego rod.

[broneknotgeld]

Sandvig

Ze Allinge zdo sie razym
Jakby jego jest łobrazym.


"Madsebakke Helleristninger"

W cołki Skandynawii dziwym jest ta skała
Skond chyńć do rysunku w tych ludach se brała?
Prehistorio tako tu "wymalowano"
Prziszłym pokolyniom łod tych downych dano.

[broneknotgeld]

"Kopynhaski syrynka"

Jak na nia blikom łoko sie śmieje
W tyj rzeźbie łonczom sie czi ideje
Duch Andersena - kunszt Eriksena
No i mamona łod Jacobsena

Skiż tego czasym "carlsberga" pija
Tom "trojidejom" jakby se żyja.

[broneknotgeld]

W Kopynhadze

W Kopynhadze se łobudzisz
Przez dziyń cołki niy zanudzisz
Choć se Dania śpioncom zdowo
Niy stolica - na to słowo.


A po ćmoku

Tu we nocy niy ma ćmoka
Dośc uciechy dlo boroka
Co w tym czasie spać niy umi
Toż niy yno w gowie szumi.


Ze Dunkom

Jak ze Dunkom se zabawisz
To i jyj radocha sprawisz.

[broneknotgeld]

"Port Kupcow"

Tako po duńsku te jeji miano
Łod wiekow z handlu przeca jest znano
Wiochom rybackom z poczontku była
Z czasym stolicom Danii - w tym siyła.


1443

Krol Danii wtedy se tukej wkludzioł
Port i te miasto jakby tym zbudzioł.


Amalienborg 1669

Fryderyk III czimoł tu stolec
No a że richtig niy był łon golec
Pałac dlo ślubny gryfny zbudowoł
Zifii Amelii hołd tako dowoł.

[broneknotgeld]

"Saga Queen"

Szif z kopynhagi zatokom płynie
Byś zjeść mog dobrze w morski dziedzinie
Rejs dobro kuchnia - czy trza cos wiyncy?
Choroby morski? -Niych cie niy mynczy!

Zelandia

[broneknotgeld]

Zelandia

Zelandia tu wyspom nojpiyrszom
Na niyj stolica tyż leży
I bestoż zowdy nojwyrszom
Dobrze tu zyć - chciyjcie wierzyć.


Bez Kopynhagi

Bez Kopynhagi czym jest ta wyspa?
- Szłoby se yno tu dobrze wyspać.


Zelandzke "cimple"

Roskilde, Koge, Rigsted, Helsingor
Dyć Kopynhaga tu jakby "indor".

[broneknotgeld]

Downe stolice

Roskilde Ringsted - downe stolice
Ci rozespane pokożom lice
Chocioż jak lubisz ta historyji
Zoglondniesz - przeca to niy mecyjo.


Zelandia Staro

Zelandia staro - Zelandia Nowo
Daleko łod sia - to mi sie zdowo


Na Zelandii

Na Zelandii krole siedzom
Czamu? -Łoni dobrze wiedzom.

[broneknotgeld]

Dziyń św Łucji w Szwecyji

Choć sie urodziyła w ciepły Italyji
Nojmocni jest czczono we zimny Szwecyji
W łopiece mo ślepych i tych co ich lyczom
Bestoż frelki dzisioj chodzom se ze świycom

W kożdym mieście szwedzkim terozki wybory
Nojgryfniejszy Łucji co łodwiydzo chorych
Niesie im pociecha i żymły rozdowo
Nom by sie przidała - tako mi sie zdowo.

[broneknotgeld]

U nos

Szwedzkich Wazow tyż my mieli
No i "potop" w polski szteli.

[broneknotgeld]

"Waza"

"Wazy" wydobyli - piykny to zabytek
Bog jednak im pedzioł że to dlo nich zbytek
Przeca jak go piyrwyj yno zwodowali
To sie niy uczimoł na ty morski fali.

[broneknotgeld]

Szwecji Łucja patronuje
Dzisioj to tam kożdy czuje.

[broneknotgeld]

Greta Garbo

Godali że greta "zimny łogyń" poli
Ze niom "Casablanka" kożdy jednak chwoli.

[broneknotgeld]

Podobnoś

Podobnoś Szwedy ło dom durś dbajom
Łoni "Ikea" we duszy majom.

[broneknotgeld]

Femokracjo

Możno ździybeczko to czasym złości
We Parlamyńcie chopy w myńszości
W rzońdzie podobnoś tyż majom tako
Baba ze chopym już niy jednako?

[broneknotgeld]

Rudy ajzy

Na hematycie i magnezycie
Rośnie we Szwecji jakby tyż życie.

[broneknotgeld]

Już Tacyt

Już Tacyt chwoloł łod Swewow łodzie
Groźne być miały w przibrzeżny wodzie
Dyć wtedy jednak bez żagla były
Na oceanie by sie straciyły.

[broneknotgeld]

Birka

Jak u nos w niywola ludzi nachytali
Ze czyńściom do Birki zowdy przipływali
Niyszczyńśnikow klontwa dyć dopadła miasto
Tysionc lot już tymu - richtig dugi czas to.

[broneknotgeld]

Sigrida

Toż Eryk Zwyciynzca piyrszym jeji chopym
Możno jeszcze niy mioł z niom wiela utropy
Dyć po jego śmierci wdowa ze niyj "dumno"
Cera łod Chrobrego - tyż bestoż fest szumno.

[broneknotgeld]

Sztokholm

Na sztyrnostu wyspach ta stolica leży
Jezioro łod morza łone łoddzielajom
Werci sie jom zwiydzić - możecie mi wierzyć
Zabytkow tyż wiela tukej piyknych majom.

[broneknotgeld]

Visby

Czasy świytności już sie skończyły
Dyć tu Gotlandii jest dusza
Tyn port mioł downiyj za wiela siyły
Se kedyś zajrzeć tyż mysza.

[broneknotgeld]

Arcybiskup Lundu Bornholmu se czimoł
forum.gazeta.pl/forum/72,2.html?f=59&w=19764660&a=21799600
Zamek tam wystawioł bo Kościoł niy drzymoł.

Nykoping

[broneknotgeld]

Do Nykoping

Ze Gdańska fligrym lecisz godzina
Toż cie prziwito szwedzko dziedzina
Co nojzocniejsze mo to pokoże
Tyś przeca gościym na jeji dworze.

[broneknotgeld]

We Wieży Krolow

Gora jak gora - lochy ciekawsze
Mogbyś w nich łostać przeca na zawsze
Styknie taszlampa dzisioj do tego
By szczura spotkać dwumetrowego.

[broneknotgeld]

Zoo

Wele Nykoping Kolmarden nynci
Gowiedzi wiela - aż łeb se mynczy
We Skandynawji nojwiynksze zoo
Tako se przeca niy yno zdo.

[broneknotgeld]

"Zoo-landia"

Tam i "safari park" dyć znojdziecie
Se cołko Szwecjo asi niym przecie.

[broneknotgeld]

"Przistanek w krainie Bamse"

Tu krolujom szwedzke misie
Raj bajtlowi tako śni sie.

[broneknotgeld]

Tukej Norwegii kontek zostawia
Fraszkom se potym jednak zabawia.

[broneknotgeld]

"Pożegnanie ciepłych gaci" - 17.V.

Z tym dniym richtig wiosna we Norwegii mo sie
Piyrszy roz posmykać tyż po dworze zdo sie
Zima już niy wroci - natury to prawo
Choć czasym ta wiosna bywo tyż niymrawo.


Narty

Narty z Norwegii przeca pochodzom
Bestoż narciarze tukej se rodzom.


Saamowie

Saamowie piyrsi mieli te ziymie
-Niym tukej prziszło normańske plymie
Toż nawet dzisioj Sameting majom
Tymu co jejich nojbardzi pszajom.


Jedyny feler

Jedyny feler Norwegii w tym
Drogo gorzoła - teroz już wiym.

[broneknotgeld]

Lipiec w Elga

We jeziorze Femund pomoczysz te kije
Ryb tu ciyngym wiela i dobrze se żyje
Możno nawet trefisz na festyn ludowy
Zjeść popić tańcować zowdy żeś gotowy.

[broneknotgeld]

Lapończyk

Lapończyk w ty ziymi siedzioł se łod zowdy
Fin go prawie wyciep - wiela we tym prowdy.

[broneknotgeld]

"Nokia"

Wybijesz Finowi z gowy
Tyn telefon komorkowy?

Laponia

[broneknotgeld]

W Laponii

Kopruch tu latym gro rola króla
Przeca niy byda cie ze tym fulać
Chcesz to przekonej se tako som
Bo jo kopruchy kajś teroz mom.

Laponia

[broneknotgeld]

Zimom

Zimom w Laponii jasno na dworze
Bo przeca świycom polarne zorze
Łoziym miesiyncy jednak to trwo
Za dugo cosik - tako sie zdo.

[broneknotgeld]

Fińsko "stuga"

Jako tu to wyłonaczyć?
Z ruska byłoby "na daczy"
Stuga z saunom - to jest życie
Fina drapko tym skusicie.

[broneknotgeld]

Jynzyk fiński

Jako spokopić?
Możno trza łopić?

[broneknotgeld]

Co dobre?

Ano tako szkryfna teraz
Wszysko dobre z renifera.

[broneknotgeld]

Rovaniemi

Wele Rovaniemi Mikołoj zamiyszkoł
Choć przeca kaj ińdzi tyż łon wiela blyszczoł
Dlo jednych Laponia jest jego dziedzinom
Biskupio historio inkszym przipominom.

[broneknotgeld]

Po drugi wojnie

Po drugi wojnie łodbudowane
Rogi jelynia som miastu dane
Alvaro Aalto projekt swoj doł
Taki fikuśny koncept łon mioł.

[broneknotgeld]

Muzeum Arcticum

Niy yno arktyczny se dziwosz naturze
Tukej znojdziesz wiela ło istny kulturze.

[broneknotgeld]

Finka

W Rovaniemi kupisz finka
Yno se niy utni w rynka.

[broneknotgeld]

Naantali

Przi Turku tako mieścina
Kaj Muminkow jest "Dolina".

[broneknotgeld]

W Tampere

Kaj znojdziesz we UE Muzeum Lenina?
Ano mo jedyne ta fińsko dziedzina.

[broneknotgeld]

Ruski sznit

Czynsto tu filmy ło Rosji kryncom
Oryginałym se już niy mynczom
Toz historyjo leciała tako
Że jakby zdowo sie to jednako.

[broneknotgeld]

W Helsinkach

Pobudowali wiela za Rusa
Toż take "wschodnie" - szkryfnońć to musza.

[broneknotgeld]

Przi placu Synackim

Przi placu synackim katedra znojdziecie
Łona luterańsko - pokazuje przecie
Że zachod tyż cosik tym Helsikom doł
Niyjedyn Szwed tukej swoj majontek mioł.

[broneknotgeld]

Wykuty w skale

W Helsinkach kościoł wykuty w skale
Jeszcze żech we niym niy był jo wcale.

[broneknotgeld]

Cyntrum Sztuki Nordycki

A to ciekawe - czuć historyjo
Nordyk dlo Fina już niy mecyjo
Yno z Helsinek wybier se promym
Suomenlinna - tam Cyntrum momy.

[broneknotgeld]

Luterańsko katedra

Luterańsko katedra wieża mo wysoko
Toż w Helsinkach zowdy przed łoczy ci skoko.

[broneknotgeld]

Helsinki 1550

Gustaw I Waza założoł te miasto
Na handel ze Rosjom przeca dobry czas to
Dyć chciała Szwecyjo tako sie bogacić
Coby skiż Tallina tyż wiela niy tracić.

[broneknotgeld]

Helsinki 1809

Po szwedzko-ruski wojnie se stało
Turku za bliske Szwecji sie zdało

-Helsinki teroz stolicom!
-Na władza cara już liczom?

[broneknotgeld]

Sobor Uspienski

Nojwiynkszo cerkiew helsinki majom
Z tych na zachodzie Europy
Dźwigli w niywoli dyć jeji pszajom
Z Ruskim już niy ma utropy.

[broneknotgeld]

Car Aleksander II

Na Placy Synackim zoglondo z dynkmala
Możno po łojcowsku chce Fina "pohalać"?

[broneknotgeld]

Twierdza Suomenlinna

Na piyńciu wyspach se łobroniyła
Toż we tym wszyskim słabośc tyż kryła
Stykło tu przilyźć ze zimom srogom
By szło jom zdobyć i "suchom nogom".

[broneknotgeld]

Niy łobroniyła

Szwedow ta twierdza niy łobroniyła
Po lodzie prziszła tu rusko siyła.

[broneknotgeld]

Helsińsko forteca

Toż richtig wielko choć nadarymno
Tako strategi "zagrali w ciymno"
Wiela to Szwedom przeca niy dało
Że te bastiony se budowało.

[broneknotgeld]

Twierdza artystow

Dzisioj ta twierdza artystom słuzy
Szczyńśliwi co tu łostanom dłuży
Plastyk i muzyk pisorz poeta
Tu kunszt nabrusi - z murow podnieta.

[broneknotgeld]

Seurasaari

Ze londym mostym jest połonczono
Zdo ci sie jakby te winne grono
Kere dojrzywo w słonku poleku
I szepto jakby cichutko - czekom.

[broneknotgeld]

Stolica Wielkego Ksiynstwa Finlandii

Jakby w niywoli Helsinki rosły
Dyć do znaczynio tako tyż doszły.

[broneknotgeld]

Helsinki 1918

Radość ze niypodległości
W stolicy Finlandii gości
Carat se zatracioł tako
We Europie niy jednako.

[broneknotgeld]

Pierom tepichy

Pierom tepichy ludzie we morzu
Na to w stolicy łoczy łotworzołch
Z luftu morskego i słony wody
Tepich durś blyszczy
Niy widać szkody.

[broneknotgeld]

"Cera Bałtyku"

Tako Helsinki nom teroz jawiom
Z czech stron falami jego se bawiom
przilondki wyspy cyple zatoki
Zdo sie co morze łobmywo kroki.

[broneknotgeld]

Jakby w kurorcie

Jakby w kurorcie domy tu stojom
Mozno polnocy to "Wenecyjo"
Toż se Bałtyku przeca niy bojom
Aszom sie wodom - to niy mecyjo.

[broneknotgeld]

Promym do serca

Promym do serca samych Helsinek
Na torg dopłyniesz wele ratusza
Tako atrakcjo mie niy łominie
Toż se tam wybrać w końcu jo musza.

[broneknotgeld]

"Tapiola"

Morsko-leśne blokowisko
To wystyknie ci za wszysko
Finy tako pokozali
Że blok lasu niy łobali.

[broneknotgeld]

"Temppeliankion Kirkko"

Toz piyrwyj skała tu yno była
Kaj se dzieciarnia czynsto bawiyła
Teroz świontynia tako wykuto
Toż poświyńciyli radośnie Mu to.

[broneknotgeld]

Kościoł ze skały

Niy yno wandrusy tymu sie dziwujom
Śluby tukej modne - porki tako czujom
Co ich pszonie bydzie wieczne jak ta skała
Nawet śmierć niy zmiyni - choć przeca by chciała.

[broneknotgeld]

Na skale

Miedziano kopuła na skale wykuty
Z łokyn jak z łorganow zdo sie słyszysz nuty
Jakby piszczołkami światła łone były
W tym kościele blisko żeś jest boski siyły.

[broneknotgeld]

We Petersburgu?

We Petersburgu se jakby czyjesz
Ze historyji to forsztelujesz
Co przeca tako być tu musiało
Ruskom se Rosji w Helsinkach chciało.

[broneknotgeld]

Carl Ludwik Engel

Eklektyczny Petersburg architekt zrychtowoł
Dyć tako Helsinkom wiela łod sia dowoł
Bestoż miasto zdo sie na rusko nom moda
Ano - być musiało - historii niy szkoda.

[broneknotgeld]

Luterańsko katedra

Na Placu Synackim we helsinkach stoji
Kopuła wielgachno se czimie wysoko
Dyć jom niy łominiesz - ło to nic niy boji
Rozglondnij sie yno - zaroz w łoczy skoko.

[broneknotgeld]

Na granicie

Granitowe schody w katedra cie wiydom
Empitym to blyszczy a niy jakomś biydom
I chocioż we środku zdo ci sie surowo
Przeca ze podziwu kożdy tukej stowo.

[broneknotgeld]

"Esplanadi"

Tukej napotkosz tyn "kwiot" Helsinek
Wiy ło tym frelka tako i synek
Toż se szpacyruj po "promynadzie"
Stolica Finow jak na paradzie.

[broneknotgeld]

Alvar Aalto

Fińske wzornictwo kunsztym istnego
Coś we Helsinkach jest jeszcze jego?

[broneknotgeld]

"Finlandia Hall"

Kongresowo-koncertowo ta helsińsko sztela
Aalto tako projektowoł - doł w to duszy wiela
Toś poświadczyć tako może wszechłobecno fala
Zdo sie jakby jego miano ciyngym chciała halać.

[broneknotgeld]

Aalto - fala
Jako halać?

[broneknotgeld]

Do Helsinek z Polski

Promym prosto niy dopłyniesz
Tallin Sztokholm jak łominiesz?
Z Travemunde! - Tako idzie
Dyć ci niy po drodze bydzie.

[broneknotgeld]

Zielony czowiek

Sie wele targu w Helsinkach kryńci
Bestoż turysta tu se niy mynczy
Coby chcioł wiedzieć łopyto jego
Przeca tu po to majom istnego.

[broneknotgeld]

Alandy

Se autonomiom swojom fest cieszom
Przeca parlamynt tyż łod sia majom
I możno czasym ze tym "pogrzeszom"
Dyć Unii tego zabrać niy dajom.

[broneknotgeld]

Za wiela

Wysp zrachujesz szejść tysiyncy
Pewno cie to fest umynczy
Ano tych Alandow tela
Styknie pedzieć że za wiela.

[broneknotgeld]

Autonomio

Majom swoj parlamynt i alandzko flaga
Po szwedzku godajom - to niy jakoś blaga.

[broneknotgeld]

Muzeum Wysp Alandzkich

Ło Alandach chcesz coś wiedzieć
W Marienhamn niych droga wiedzie
Tam w muzeum ci powiedzom
Czamu w autonomii siedzom.

Savonlinna

[broneknotgeld]

Savonlinna

Na wyspach jeziora se leży ta sztela
Pedzieć tukej ło niyj szłoby richtig wiela
Dyć trza tam zoglondnońć - to szkryfnońć wystyknie
Cobyś ło tym wiedzioł - w Savonlinna piyknie.

[broneknotgeld]

Szwedzko twierdza

I twierdza na wyspie zwiedzić możesz tukej
Historyji kraju we niyj tako szukej.

[broneknotgeld]

Muzeum

W muzeum czi szify z napyndym na para
Dyć dzisioj niy muszom ło to se już starać
Czy do Petersburga przipłynom na czas
Co carske już downo przeca "poszło w las".

Turku

[broneknotgeld]

Abo

Abo - se piyrwyj po szwedzku zwało
Toż dlo nikerych tako łostało.

[broneknotgeld]

Turku 1812

zdo sie cołke Turku w tynm roku fojerom
Utropy ze łognia dyć czynsto se bierom
Miasto z tym przestało piyrsze krzipce grać
Trza było Helsinkom smyka teroz dać.

[broneknotgeld]

Na zamku

Toż na zamku w Turku Jan Waza se miyszkoł
Niym tron cołki Szwecji dlo sia w końcu zyskoł
Kaśka Jagiellonka ślubnom jego była
Dziynki niyj tyż przeca chop rosnoł we siyła.

[broneknotgeld]

W Abo Akadymiji

Po szwedzku tu możesz pobiyrać nauki
Sztudiyrować tako wcale niy dlo sztuki.

[broneknotgeld]

"Maamees" - "ludzie ziymi"

Ugrofińske plemie miano Estow miało
Choć je niy halali dyć tukej łostało
Kawalerow przeca przeżyło Mieczowych
Szwedow i Polokow, Ruskich starych, nowych

Estończyk łod lot tu swoja ziymia czimoł
Narod jakby we niym przez lata durś drzymoł
Ale sie przebudzioł w wieku dziewiytnostym
Chocioż i nastympny niy był wcale prosty

Dyć łod lot czinostu wolno republika
Co wlazła terozki do Unii koszyka
"Maamees" - dlo nos przikłod to obywatela
Łon chce ciyngym dźwigać swoja piykno sztela.

[broneknotgeld]

Nowo Estonio

Estonio już dzisioj internetym stoji
Dyć ło to co bydzie wcale sie niy boji
Stare se ze nowym tukej miyszo piyknie
Pewne że we Unii tyż siył im wystyknie.

[broneknotgeld]

Szwedzko Estonia

Ponoć za tych Szwedow tu sie dobrze dzioło
Dyć Estom niy było tak cołkym wesoło
Jednak coś łostało - bycie Skandynawym
Choć inksi sie z tego niy zdowajom sprawy
Est zowdy se przeca czuł bratym łod Fina
Trza zakonotować - zwiydzić tyż dziedzina.

[broneknotgeld]

Tallin

Tallin to ponoć znaczy "miasto duńske"
Toż se wspominajom teroz czasy łońske.

[broneknotgeld]

Tartu

Było już Tartu we wieku piontym
Czy ktosik ło to mo jakeś wonty?

[broneknotgeld]

"Dorpat"

Tyż we tym przeca niy bydzie "żartu"
Jak Dorpat powiym na jejich Tartu.

[broneknotgeld]

Te noce

"Biołe noce" we Parnawie
Niy śpisz z frelkom tukej prawie.

Saaremaa

[broneknotgeld]

Saaremaa

Estońji wyspa nojwiynkszo tako
Godosz "Ozylia" to tyż jednako.

[broneknotgeld]

Wiatrak

Toż wiatrak łostoł ty wyspy znakym
Choć ich niywiela juz widać
Piyrwyj był dobrym niy belejakym
Świadectwo ło tym trza by dać.

[broneknotgeld]

Grobla

Z londu na Saaremaa przyńdziesz suchom nogom
Grobla usypali tako łazić mogom.

Poide

[broneknotgeld]

Poide

Poide cie prziwito kościołym prastarym
Co krziżowcow downe rzondy durs pamiynto
Niy pasowoł cołkym do "sowiecki miary"
Dyć jakoś to szczimoł - czy przidzie zaś świynto?

[broneknotgeld]

Kościoł w Poide (XIII w.)

Rycerzom krziżowym do łobrony służoł
Łostatnimi czasy za dobrze niy użoł
Dyc ciyngym równiny tyn kościoł jest "panym"
Tako przeca Poide przez historio dany.

[broneknotgeld]

Stajnie i obory

We kościele kołchoźniki gowiydź hodowali
Przeca łoni Ponboczkowi chnet cołkym niy pszali
Uciyrpiało wtedy nawet jejich prawosławie
Bestoż szczyńście co tyn kościoł se nom łostoł prawie.

Valjala

[broneknotgeld]

Valjala

Tym ta Valjala naprowdy słynie
Że tu nojstarszy kościoł w dziedzinie.

[broneknotgeld]

Valjala 1227

Tu piyrszy kościoł stanoł ze muru
Tako do dzisioj tyż stoji
Posłuchać we niym terozki chórow
Nikt se już dzisioj niy boji.

[broneknotgeld]

Witraże kościoła w Valjali

Gryfne witraże wele ołtorza
Na kere łoczy dźwignońć se woża
Jakby Ponboczka same wołały
Ze jejich światła zdo sie Łon cały.

[broneknotgeld]

Twierdza

Przi brzegu wioski twierdza ciupnyła
Przed krziżowcami łona już była?
Czy dziełym tako jest tych rycerzy?
By bronić tego kto w Boga wierzy?

Kaali

[broneknotgeld]

Kaali

Kaali zodziwi wos kraterami
Chciyjcie zoglondnońć na nie tam sami.

[broneknotgeld]

7 tysiyncy rokow tymu

Meteoryt se tukej ze ziymiom prziwitoł
Ślady nom łostały - jakby sie kto pytoł
Kaj ińdzi znojdziecie jeziorka takowe?
Toż se tymu dziwoł niyjedyn już czowiek.

Kuressaare

[broneknotgeld]

Kuressaare

Miasto łod zowdy nojpiyrsze tukej
Siedzibom przeca biskupa
I dzisioj szteli lepszy niy szukej
Niy udo ci sie ta sztuka.

[broneknotgeld]

Zamek biskupi (XIII w.)

Ku łobronie budowany
Dzisioj srogi tyż se zdowo
Prawie był remontowany
Toz wyglondo richtig zdrowo.

[broneknotgeld]

Zamek warowny

Zamek zdo sie niyzdobyty
Fosa wały nawet morze
Grube mury jeszcze przi tym
I opieka Twoja Boże.

[broneknotgeld]

Kuressaare - port

Piyrwyj portym zocnym było
Dyć go morze zamulyło
Dzisioj se inaczy jawi
Bo kuruje no i bawi.

[broneknotgeld]

Kuressaare - kurort

Dyć w dziewiytnostym juz przeca wieku
Tuś wypoczywoł zocny czowieku
Pioszczysto plaża i pynsjonaty
Ktoś se kurowoł jak był bogaty.

[broneknotgeld]

Żyje turystykom

Tukej Szwedy Finy Niymcy
Kurossaare niy umynczy
W portmaneju mosz grosiwo
Sztela tako do cia kiwo.

[broneknotgeld]

Ratusz (XVII w.)

Barokowy ratusz na rynku tu stoji
Gryfnie Kurossaare ta budowla stroji.

[broneknotgeld]

Dom Wagi

Dom Wagi tyż widać w barok łobleczony
Blyszczy choc łodwożyć niczego niy domy.

[broneknotgeld]

Kocie łby

Ze kocimi łbami staryńke uliczki
W pamiyńci łostanom możno już na wdycki
Kamiynie na domki z drewna zoglondajom
Pewnikym cuzamyn łod wiekow se pszajom.

Angla

[broneknotgeld]

W Angla

Tu na wiatraki se podziwocie
Symbol ty wyspy w nich przeca mocie.

Haapsalu

[broneknotgeld]

W Haapsalu

W Haapsalu banhof zodziwi wiela
Kery ze drewna wybudowany
Drugego niy zno Europy sztela
Estońskim cudym może być zwany.

[broneknotgeld]

Na banhofie w Haapsalu

Durś Karenina widza na glajzach
Choć zy mie yno łostatnio łajza
Tołstoj se tako we dusza wcisko
Chocioż w ty szteli istny niy miyszkoł.

[broneknotgeld]

Łotwa

Symbolym łotwy czi gwiozdki som
Cosik jo ło tym łod sia tyż dom
Łatgalio jedna Kurlandio drugo
Czecio ze Inflant piyknie nom mrugo.

[broneknotgeld]

Groch

We Łotewski kuchni richtig ważny groch
Ziorko ponoć płaczkom. Zjydz - niy ślintej - och!

[broneknotgeld]

Liwland

Polska ło Inflanty ze Szwecjom se biyła
Potym Kaśka Wielko wszysko to capnyła.

[broneknotgeld]

Pomnik Wolności

Jakby "Statua Wolności" rysko
Czi gwiozdki czimie - toż już wiysz wszysko.

[broneknotgeld]

Jurmała

Niy łomiń nad morzym kurortu ichniego
Niym jednak tu wjedziesz "myto" dej kolego
Za tyn piniondz ponoć łochroniom prziroda
Bul bo wiyncy ło tym niy byda ci godać.

[broneknotgeld]

Mendog

Mendog tu Bałtow zjednoczoł
Piyrszym na Litwie sie poczuł
Łon państwo te jakby stworzoł
Chocioż potyngi niy dożoł.

[broneknotgeld]

"Bocin"

Czorny chlyb ze czoskym - dyć tyż przipieczony
Przez piwoszy tukej richtig ulubiony.

[broneknotgeld]

Wilno

Miyndzy Wiliom i Wilenkom z Giedymina mocy
Grod litewski stanoł pryndko - dziwiyły sie łoczy.

[broneknotgeld]

4.IV - "Kaziuki"

Kaziuki som tukej łod sztyrystu lot
Kożdy ze jarmarku we Wilnie jest rod
Przeca sie zabawisz chocioż grosz tyż stracisz
We wercie co dusza tako ubogacisz.


Wilnianka na Kaziukach

Serce mu z piernika frela tu kupiyła
No i tym pierońsko karlusa tyz wziyła
Toż jyj palma fundnoł kero piyknie stoła
I tako sie łostać z niym łona niy boła.

Św. Kazimierz

Toż świyty Kazimierz Wilnu patronuje
Niy yno "kaziukom" - kożdy forszteluje.

[broneknotgeld]

Katedra

Katedra wilyńsko zaś świontyniom zocnom
Galeryjom była - zdo sie porom "nocnom"
Dyć zaś tu som nazod relkwie patrona
Co niyherske było ze Niym szło pokonać.

Św.Kazimierz

Kostucha we Wilnie karlusa dopadła
Dyć tubera piyrwyj już mu płuca zjadła
Rokow szejść dwadziścia - ano richtig mało
Jak Cie Kazimierzu Niebo już zabrało

Płakali po Ciebie wszyske Jagiellony
Chocioż już wiedzieli komuś przeznaczony
Toż i tako samo Wilno fest ślintało
Łone już świyntego we Ciebie widziało.

[broneknotgeld]

Brat z bratym

Kazik z Aleksandrym we katedrze leżom
Bratki Jagiellony u tych co durś wierzom
W łopieka Ponboczka nad Litwy stolicom
Kerom se we rymach tako jo zochwycom.

Trojrynki

Malyrz na łobrozie rynka zmiynić chcioł
Choć zamalowywoł ciyngym piyrszo mioł
Bestoż mo Kazimierz rynce aże czi
Ło tym cudzie zaroz cołko Litwa wiy

Pont se wtedy zaczoł - czynste uzdrowiynia
Dało papiyżowi to fest do myślynia
Drapko Kazimierza świyntym dyć łogłosioł
Czy łon "czeciom rynkom" ło to wtedy prosioł?

[broneknotgeld]

Św. Kazimiyrz 1602

No toż sie stało co stać musiało
Wilno świyntego tako "dostało".


Katedra 1618

Kaj groby dwoch braci wpiyrw była kaplica
Dyć mało sie zdała już na świynte lica
Tu na muster rzymski świontynia stanyła
Kero w sercach wilnian nojzocniejszo była.

[broneknotgeld]

Druskienniki

Car Mikołoj zdroj z Druskiennik zrobioł
Jest na Litwie kurort co je we tym pobioł?

[broneknotgeld]

Druskienniki-Zdroj

Kaj do Niymna Rotniczanka swoje wody wlywo
Tam se tako tyż blikejcie na litewske dziwo.

[broneknotgeld]

Zdrojym słynie

Miasto zdrojym słynie
W litewski dziedzinie
Kuracyje wodne
Niy yno tu modne.

[broneknotgeld]

Skiż rozpusty

Skiż rozpusty Perkun pokoroł Litwinow
Słone płaczki wszyskich wsionkły we dziedzina
Teroz kuracyjom som dlo jejich synow
Jak byda na Litwie Druskiennik niy mina.

[broneknotgeld]

Toplali w beczkach

Ponoć piyrwyj w beczkach tu ludzi toplali
Tako złe chorobska ze nich wygoniali
Woda druskiynnicko siyła richtig miała
W niyjedny utropie łod lot pomogała.

[broneknotgeld]

Sto rokow tymu

Nad Rotniczankom sto rokow tymu
Stykło podychać by czuć se lepi
Jako powiedzieć tukej istnymu
Co luft Druskiennik tyż ludzi krzepi?

[broneknotgeld]

Wody mineralne no i borowiny
Bogactwym som wielkim tutejszy dziedziny
Baden-Baden przi tym se możno i straci
Choć tam zoglondajom ci co fest bogaci.

[broneknotgeld]

Palanga

W Litwie nad Bałtykym chcesz se wywczasować
Palanga ci możno fest bydzie sztimować.

[broneknotgeld]

Nida

Na mierzeji pewno pokusi mie Nida
W kery som litewske rożne festiwale
Na Aleja Gwaiazd se tukej chyntnie przida
I Tomasa Manna niy zapomna wcale.

[broneknotgeld]

Kowno

W czerwono budka se tukej zojdziesz
Zowdy w niyj przeca telefon nojdziesz.

[broneknotgeld]

Kłajpeda

Do dzisioj niymiecka widać tukej rynka
Trza sie z tego cieszyć a niy yno kwynkać.

[broneknotgeld]

Miejsce dlo Rosji zrobić mi trza
Przido sie z czasym na pewno - pra?

[broneknotgeld]

Obwod Kaliningradzki

Zdo sie - "spolono ziymia" jest tukej
Downy świytności ze świyczkom szukej.

[broneknotgeld]

Blisko

Blisko tyn Obwod Kaliningradu
Nasi na handel czsym tam jadom
Dyć mie terozki to yno dziwo
Że ło godzina zygor tam kiwo.

[broneknotgeld]

"Sezon Polski w Rosji" - III-X.2005

Podobnoś już se to tam zaczyło
Trza nom promować polsko kultura
We październiku by se skończyło
Dyć coś za wielko zdo sie to gora.

[broneknotgeld]

Dymitr Mendelejew

Dymitr Mendelejew chymji richtig pszoł
Dyć i gorzołeczka "normowo" nom doł.

[broneknotgeld]

Prusy Ksionżynce

Piyrsze to państwo w cołki Europie
Kaj sie na Lutra tezy niy "kopie"
Princ Albrecht polskim lynnikym łostoł
Dyć wolno rynka we Prusach dostoł.


Krolewiec 1544

Dboł Hohenzollern ło swo stolica
Chcioł by gryfniejsze durś miała lica
Toż uniwerek tukej wystawioł
By uczoł ale tyż przeca sławioł.

[broneknotgeld]

Przi Hohenzollernie

Przi Hohenzollernie Krolewiec to zyszczy
Że polskościom jakby teroz bardzi blyszczy
Albrecht reformacjo wspiyroł we Koronie
Dyć i katolikom niy powiedzioł - koniec.

[broneknotgeld]

Krolewiec 18.X.1663

Hołd złożyły pruske stany
Władca "z boży łaski dany"
Dziyń "Wielkego Elektora"
Absolutyzm - tako pora.


Edukacjo w Prusach

Piyrsze państwo we Europie co lud kształcić chciało
No i przeca na ty drodze zrobiyło niymało
Pryndko co wpiyrw tukej polske szło we zapomniynie
Geld kariera inkszy profit - niy mynczy sumiynie.

[broneknotgeld]

Krolewiec 18.I.1701

Toż elektor w końcu korony se chycioł
"Krol w Prusiech" - szpas taki inkszym tronom wycioł
Europa mo władcy zaś cołkym "nowego"
Z mianym Fryderyka Wilhelma I.


Konigsberg 1255

Przemysła Ottokara II czy znocie?
Na jego cześć miano tego grodu mocie
Krol Czech no i cysorz łon rzymsko-niymiecki
Mieczym krzcić chcioł pogan - nojlepi we plecki

No toż grod warowny tu Zakon wystawioł
Komtur ze Prusami wcale se niy bawioł
Czi ćwierci z tysionca rokow dyć minyło
Wiela sie w tym czasie tukej pomiyniyło.

[broneknotgeld]

"Albertina"

Uniwerek we Krolewcu - toż przeca go znocie
Reja i Kochanowskiego sztudyntami mocie.


4 grody

Piyrwyj przi Krolewcu tyż czi inksze grody
Altstadt Lobenicht Knipawa - czimały se zgody
W łoziymnostym wieku cołkym we jedno zaś zloły
Czas przi Frycu Wielkim przeca był tukej wesoły.


Immanuel Kant 1724-1804

Niy było we tym żodnego kantu
Toż filozofio z niym kwitła sam tu
Łon "Albertiny" perłom był jasnom
Idejom kero niy śmi być ciasnom.

[broneknotgeld]

Katedra 1544

Dwie wieże ze przodka wpiyrw katedra miała
Dyć sie ze tym rokym fest rozhajcowała
Jedna dźwigli jeszcze - cołkym kipli drugo
I tako łostało już tukej na dugo.


Katedra 1944

Już aliancke fligy widać tu na niegie
Katedro - te bomby tyż lecom do ciebie
Ruinom na lata terozki łostanisz
Dyć jest to szkryflane - jeszcze gryfno staniesz.


Dynkmal Kanta 1924

Dwiesta lot minyło jak żeś padoł poznoł
We pruskim Krolewcu trocha szczyńścio doznoł
Dynkmal mosz terozki wele kolumnady
Na czas co przelecioł przeca niy ma rady.

[broneknotgeld]

"Nowo wydany Kancyonał Pruski" - Krolewiec - 1741

Łon przez czi wieki był wydowany
Ze sto sztyrdziści razy wznowiany
Toż we tych pieśniach polskość tu była
Z niymi we sercach nikerych żyła.

[broneknotgeld]

Muzeum Katedralne

Na downy Krolewiec tukej se pokukej
Przeca Kaliningrad już inkszy
Historyji downy we muzeum szukej
Skiż kery grod richtig jest wiynkszy.


Nowożyńcy w Kaliningradzie

Kwiotki ze ślubu Kantowi dowajom
Zdo im sie przi tymu - richtig fest se pszajom
Dyć życie pokoże co ze porkom bydzie
Czy Kant upilnuje by niy byli w biydzie.


Zamek

Siedym wiekow go widziało
A terozki kaj?
Poniymiecki - wyleciało
W luft bo taki "raj"

Szpryngli no i wyprzontali
Niy łostoł sie ślad
Co być miało tukej dali?
-Ano tyn "Dom Rad".


"Dom Rad"

Ruina zamku tym zamiyniyli
Niym "Dom Rad" dźwigli - zaczoł sie chylić
Możno Krziżaki tako sprawiyli
Że przegroł cołkym towarzysz Iljicz.

[broneknotgeld]

Mury miejskie

Skiż wojyn szwedzkich wzniyśli te mury
Baszty bastiony i trocha bram
Niy łodgoniyły cołkym tu chmury
Dyć cosik jednak broniyły sam.


Przebudowa murow miejskich (1843-1864)

Ano - łoblykły se w cegła piyknie
Urody jejich i dzisioj styknie.


Baszta Wrangel

Zdo sie - wyłazi jakby z jziora
Coby Krolewca tako wachować
Chocioż minyła już jeji pora
Werci se na nia tu podziwować.

[broneknotgeld]

Brama Rosengartyńsko

Bliknij se na portal co majom te wrota
Scharnhorst i Gneisenau - wcale niy gupota
Toż te generały były z wojskym w boju
W czas napoleoński - czas krwi no i znoju


Baszta Dohna

Dzisioj w niyj jantar piyknie se blyszczy
Łon ciyngym wiela dlo miasta zyszczy
Jo na te cuda zaś se dziwuja
Zdo sie raj jakby - bestoż rym suja.


Krolewiec 1942

Bursztynowo Komnata w krolewieckim zamku
Miejsca niy zagrzoła - wander jyj pisany
Czy Ślonzek widziała? -Niy łodpowiym sam tu
Dyć kajsik tyn jantar jest ciyngym schowany.

[broneknotgeld]

Brama Krolewsko

Dwoch krolow tu szukej ze ksiyńciym Albrechtym
Głow jednak niy majom - som wiysz jaki pech w tym
Choć w łostatni wojnie bomby tu niy ściepli
Dyć Ruski na władcow niy yno se hepli.


Brama Sackenheimsko

Piyrwyj grafy jom zdobiyli
Dyć przi Ruskach sie straciyli
Kaj te Yorcki i Bulowy?
-Se łopytej swoji gowy.


Brama Frydlandzko

Na Frydland z Krolewca tyndy żeś wyłazioł
W czasach jak tyn Prawdinsk do gowy niy włazioł.

[broneknotgeld]

Brama Fridrichsbursko

Twierdza Fridrichsburg piyrwyj tu mieli
Brama łostała im po ty szteli
Do Sackenheimski zdo sie podobno
Choć łozdob takich niy była godno.


Brama Brandynbursko

Kaj tu Brandynburg? -Jak wom sie zdowo?
Tak piyrwyj zwali te Usakowo
Co nad Zalywym Wiślanym leży
Toż przeca tymu możecie wierzyć.


Brama Brandynbursko 1701

Wjechoł niom elektor na koronacyjo
"Krol w Prusiech" wyjechoł - niy dlo niyj mecyjo
Dyć godło krolestwa krola inicjały
Skiż tego se wrotom tym przeca dostały.

[broneknotgeld]

Banhof

Banhof w tym mieście - muster poniymiecki
Toż widać zarozki że łon niy radziecki
Dzisioj herb Rosyji tu zdobi fasada
Zdo sie jakby była we tym maskarada.


Towarzysz Kalinin

Towarzysz Kalinin stoji przed banhofym
Nikt go tukej nawet niy dziobnoł kilofym
Toż wystyknie przeca być z siyrpym i młotym
Chocioż kto wiy dzisioj co z tym bydzie potym?


Dom Kultury Marynarzy

Piyrwyj na tym miejscu giełda rolno była
Dyć se drugo wojna ciynżko przewalyła
Lot trza wiela było niym łodbudowali
I przibytek taki kulturze zaś dali.

[broneknotgeld]

"Tołkuczka"

Zdo sie bazar czy torg pchli?
-Djoboł jedyn yno wiy.


"Amalienau"

Wojna dlo dzielnicy dość łaskawo była
Jedyno w całości przeca łostawiyła
Tukej historyji w gowie jakby kipi
Choć ktosik mi pedzioł że to yno ipi.


Dynkmal Schillera

Dynkmal Schillera w Kaliningradzie
Szczyńściym z lot downych sie łostoł
Niy wadzioł karlus wiela w Kraj Radzie
Bo lyjty łod możnych dostoł.

[broneknotgeld]

Kościoł w Emalienau

Krolowa Luiza postawić kozała
Dyć pewnikym tego se niy pomyślała
Że tu czas tyjatru lalkowego przidzie
A Ponboczka pszonie i we tym durś bydzie.


Zoo

Po berlińskim i londyńskim łogrod krolewiecki
Jednak wszysko se zmiyniyło - prziszoł czas radziecki
Downy blask se pryndko stracioł - zoo jednak durś stoji
Ło ta reszta co łostała ktoś sie ciyngym boji.

[broneknotgeld]

Bunker von Lascha

Ano- szejśdziesiont lot przeca tymu
Twierdza poddano była istnymu
Miała se bronić do "krwi łostatni
To "wunderwaffe" niymiecki matni.


Muzeum Kanta

Dzisioj myśliciel muzeum mo
Toż Kaliningrad jednak go zno.

[broneknotgeld]

"Mars"

W Bremerhaven łotwar łoczy
Jak Europa chnet we nocy
Bałtyk skuli drugi wojny
Przeca niy był za spokojny

Prziszoł czas tyż na łodwyrtka
Poznoł Niymiec Ruska żyrdka
"Mars" na zachod morzym kludzioł
Strach se przeca wielki budzioł

Dyć był okrynt ciyngym mody
Piyknie czimoł durś sie wody
Bestoż tym se niy zdziwicie
Że "Witezia" w niym widzicie.


"Witeź"

Choć był przeca poniymiecki
Poznoł go tyn kraj radziecki
Toż w ichni Akadymiji
Łon dorobioł se pyndzyji.


Muzeum Oceanu

"Witeź" na pyndzyji nawet niy prożnuje
Niyjedyn se cudom morza tu dziwuje
Toż muzeum klupło prawie lot piytnoście
Jak tukej bydziecie to łoczy tyż wroźcie.

[broneknotgeld]

Nad Pregołom

Miasto nad Pregołom?
Kaliningrad! -Wołom
Co tukej łostało?
Zdo sie cosik mało.


Michaił Iwanowicz Kalinin (1875-1946)

Nigdy se Kalinin niy pokozoł tukej
Przi Stalinie przeca nojczyńści go szukej
Dyć jak w jego strona śmierć kosom machnyła
Komuna te miano w Krolewiec wklejyła.


"Kantgrad"

Byłby Kaliningrad "Kantgradym" ło mało
Dyć miano łod Niymca cosik sie niy zdało.

[broneknotgeld]

W Kaliningradzie

W Kaliningradzie tyż już Kopernik
Dynkmal mo teroz - bronz a niy piernik!

[broneknotgeld]

Obwod Kaliningradzki

Kaliningrad jest Obwodym?
- Dyć zdo sie jedynym grodym
Kery tukej bardzi widać
Choć ło inkszych coś trza by dać.

[broneknotgeld]

Jantarnyj

Wszystek bursztyn świata znoloz se chnet tukej
Przeca w cołki Sambii krocie tego szukej
Bergmonow w Jantarnym do dzisioj jest wiela
Choć fedrujom z downa łostało durś tela.


"Jantarowy Kombinat"

Wpiyrw głymboko fedrowali
Z czasym wiela łodkrywali
Teroz plaża przesiywajom
Piyńć kilo z kubika majom.

[broneknotgeld]

"Kłondajka"

Toż "eldorado" tu jantarowe
Choć może życie stracić tyż czowiek
Skiż mafii abo we biydaszybie
Choć bursztyn kusi i zło tyż dybie.

Muromskoje 1993

Rolnik wykopoł tu piyrszo bryła
Pech - bo by ziymia spokojno była
-Już łobłorano biydaszybami
Jantar bogaci? Powiydzcie sami.


Biydaszyby

Kto w Muromskoje zrachuje?
Dyć durś jantar se tu suje.

[broneknotgeld]

Swietłogorsk

Nojpiykniesze zdo sie w Obwodzie letnisko
Perłom Sambii ciyngym zowiom je tyż tukej
Rauschen - downe miano - toż teroz wiysz wszysko
Słonko plaża morze - ciyngym ło to klupej.


Młyn w Rauschen

Za krziżackich czasow mieli tukej młyn
Nojwiynkszy we Sambii - dyć ło tym jo wiym.


Rauschen 1906

Jak yno z Krolewca banom szło dojechać
Kurortym se stało - przeca w tym uciecha.

[broneknotgeld]

Kapliczka

Przi drodze Lynina kapliczka znojdziecie
Niydowno historio upamiyntnio przecie
Z manewrow wojskowych fliger tu "zlondowoł"
Śmierć dzieci z przedszkola przed łoczami stowo.


Dziw

Zochwyci cie tukej tyn wysoki klif
I plaża we dole - Swietłogorska dziw.


Bana linowo
Zjedziesz se drapko banom na plaża
I tako w gora - jak cie w nia wraża.


Swietłogorski jantar

Co rano zbiyrej se tu po troszku
Wiela go znojdziesz na plaży piosku.

Sowietsk

[broneknotgeld]

Sowietsk

Na lewym brzegu Niymna znojdziecie
Sowietsk! -Tilsitym piyrwyj był przecie
Nom wloz do gowy pod Tylży mianym
Ze kery pokoj na krotko dany.

[broneknotgeld]

Tylża 1807

Tu francuski cysorz z carym se ukłodoł
Pokoj już na zowdy - mozno keryś godoł
Krol pruski przi tymu dźwignoł ździybko gowa
Choć se wydowało co bardzi krolowa.

[broneknotgeld]

Niy bydzie pudło

Zdo sie co niy bydzie
Richtig we tym pudło
Ksiynstwa Warszawskiego
Znojdziesz w Tylży źródło

[broneknotgeld]

Ze XVI wiekym

Toż ze tym wiekym miasto wyrosło
I do znaczynio jakosik doszło.

[broneknotgeld]

Most Krolowy Luizy 1907

W sto lot po traktacie most na Niymnie stowo
Czy łon bydzie szkryflać historyjo nowo?
W czasach co czi razy wiela tu zmiyniały
Ze wojnom uciurpioł dyć teroz zaś cały
Symbolym granicy łodwieczny sie zdowo
Skiż kery - po prowdzie - niy ma tukej zdrowo.

[broneknotgeld]

Sto lot mostu 1907-2007

Na bezrok klupnie mu rowno seta
Symbol "dwoch setek" toz w tym podnieta
By se ubawić richtig godziwie
I kunszt łoboczyć w tylżyckim dziwie.

[broneknotgeld]

Granica

Na moście granica
Czy cosik przemyca?
A dyć kto mie wiy?
Szkryfna tako - niy!

[broneknotgeld]

Czego brakuje?

Czego brakuje terozki wdycki?
Ano - prowdziwy kyjzy tylżycki
Z kery te miasto piyrwyj słynyło
W czasach jak pruske po prowdzie było.

[broneknotgeld]

Tylżycki notgeld

Kyjza na notgeldzie richtig cieszy łoko
Mie aże skiż tego ciśniynie fest skoko.
--

forum.gazeta.pl/forum/71,1.html?f=28940

[broneknotgeld]

Czi tylżycke kościoły

Sie łostały czi kościoły
Dlo nich czas tu niy wesoły
Tako wiedzom ło tym dziecki
Tylża zgnymbioł czas sowiecki.

Moskwa

[broneknotgeld]

Moskiewsko tragedyjo 23.02.2006

Ano - tragedyjo jako we Chorzowie
forum.gazeta.pl/forum/72,2.html?f=28940&w=35809810&v=2&s=0
Gołomb niy uciyrpioł yno prosty czowiek.

[broneknotgeld]

23.o2.2006 - godz. 5.20

Z Rynku Basmonnego dach zlecioł na ludzi
Niym sie torg do życio poleku mioł budzić
Tako śmiertka prziszła z łostrom zimnom kosom
Ło pamiyńć i paciyrz dusze teroz proszom.

[broneknotgeld]

Ponoć w Białorusi ciyngym wodza majom
Choć niy wszyscy jednak chyba mu fest pszajom.

[broneknotgeld]

Ło Białorusi coś teroz czytom
Tam Łukaszenko tympi Polokow
A co my na to ? -Sie tu zapytom
Przeca trza wspiyrać jakoś borokow.

[broneknotgeld]

Zwionzek Polokow

Zwionzek Polokow na Białorusi
Zdo sie tam władza pierońsko dusi
Co niy spodobo se Łukaszynce
Zaroz zmachrujom sługusow rynce.

[broneknotgeld]

Taki link ło Białorusi
forum.gazeta.pl/forum/72,2.html?f=28940&w=39092240
I w tym wontku już być musi.

Grodno

[broneknotgeld]

We Grodnie

Zwionzek Polokow mo sztela w Grodnie
Dyć czy mu leci tam żywot godnie?
Adam Mickiewicz z popiersio bliko
Mina mo smutno - możno łon rzyko?

[broneknotgeld]

Jak blikom dzisioj na Ukraina
To mi sie zdowo że apruzina.

[broneknotgeld]

Kijow 988

Z Konstantynopola Krziż na Ruś już prziszoł
Władcow tako wzmocnioł - lud prosty pociyszoł.

[broneknotgeld]

Kijow 1018

Chrobry zdoboł Kijow - nagrabioł tu tela
Że blysła bogactwym jego polsko sztela.

[broneknotgeld]

Cerkew św. Sofii 1037

Toż Jarosław Mondry ta cerkew zbudowoł
W podzience co prawie Pieczyngow pokonoł
Tym znak swoji wiary Ponboczkowi dowoł
Tako i potomnym ło tym co dokonoł

Znaczynie ta cerkew zaroz wielke miała
Do niyj zoglondali przeca dyplomaty
Sercym ruski władzy łona sie zdowała
Podpisane tukej niyjedne traktaty

Niż że przi Tatarach zły los na nia prziszoł
Niyjedna armijo po nich Kijow wziyła
Czas tom Ukrainom pierońsko zamiyszoł
Cerkew se łostała świadkym tego była.

[broneknotgeld]

Kałka 1223

Mścisław Romanowicz wiod wojska kijowske
Ano - niyzbadane som wyroki boske
Tatarow dwa razy myni se tu zdało
Rusinow armijo rozbito dyć cało

Ksionże wpod im w rynce - na niym fajrowali
Dych łostatni wydoł niym łoni przestali
Jako łon zduszony - zdo sie Ukraina
Niywola Tatarsko umynczy dziedzina.

[broneknotgeld]

Kijow 1240

Po Kałce już niczym tu władza Kijowa
Kożdy yno paczy kaj jest jego gowa
Toż podboj Tatarom bez to lekci idzie
Kijow już zdobyty - cołki kraj we biydzie.

[broneknotgeld]

W XIV wieku

Litwa ze połnocy na ta Ruś ciongnyła
Z zachoda zaś garła se tu polsko siyła
Niy szczimali tego słabe już Tatary
Teroz pana miynioł tyn kraj ruski stary.

[broneknotgeld]

Kazimierz Wielki

Ponoć pokraśniało Kazimierza licko
Jak w końcu prziłonczoł cołko Ruś Halicko
Lwow se polskim miastym na wieki już stowo
Ukraina łod sia wiela Polsce dowo.

[broneknotgeld]

Dzike Pola
Łod Dniestra do Dniepra sie tu rozłożyły
Richtig w downych latach łone dzike były
Tukej Złoty Ordy som uciykiniery
Z Polski miyndzy niymi tyż znojdzie se kery
Niy myślcie dyć jednak co yno boroki
Przeca na tych "polach" wyrosnom kozoki.

[broneknotgeld]

Kozok ukraiński

Kozok ukraiński niy chce łaski pana
Z wolnościom tańcuje łod samego rana.

[broneknotgeld]

Unia Lubelsko 1569

Toż Polska ze Litwom tako uradziyła
By ta Ukraina przi Koronie była
A przeca już wtedu kozactwo tu were
Drapko skiż niywoli broń we rynce biere.

[broneknotgeld]

"Hej, hej sokoły"

Pieśniczka wspomino downe czasy polske
Toż dlo Ukraińcow łone niy som swojske.

[broneknotgeld]

Wojny kozacke

Polska w nich bunty motłochu widziała
Dyć tako wolność pynta zrywała
Co dlo Poloka grzychym tu zdo sie
To Ukrainiec za świyntość mo sie.

[broneknotgeld]

Bohdan Chmielnicki

Wolność kozacko zdo sie z niym szła
Dyć to niy wyszło jak chcieli - pra?
Choć ściepli cołkym polsko niywola
Rosji przipadła teroz ta rola.

[broneknotgeld]

Z zajtow Siynkiewicza

Znomy Chmielnickiego z zajtow Siynkiewicza
W historyji jednak mo inksze łon lica
Ukrainiec we niym bohatera widzi
Kerym se przed światym wcale niy powstydzi.

[broneknotgeld]

Wschodnio Ukraina 1654

Ano sie stało co stać musiało
Za Dnieprym Rosji dziedzina cało
Dlo Chmielnickiego to myńsze zło
Dyć to co przidzie czy cołkym zno?

[broneknotgeld]

Małorusini

Małorusinow przipadła rola
Po polski rusko jakby niywola
Bo Wielkorusy teroz nad niymi
Ano utropa na własny ziymi.

[broneknotgeld]

Po rozbiorach Polski

Lwow ze Lodomeriom dostoł se Austryji
Ukraińcy myni mieli tu mecyji
Narodowość swoja zowdy u nich w zocy
Dnia ciyngym czekali co przidzie po nocy.

[broneknotgeld]

A w Rosyji

Ukrainiec Rosyji zdo sie gorszym Rusym
Kerego trza czimać tu ciyngym pod musym
Tympić jego godka - durś rusyfikować
By wolnośc we duszy niy śmioł w końcu chować.

[broneknotgeld]

Ukraina 1917-1921

Na nic sie zdało tu dźwigać gowa
Niywola wroco ciyngym łod nowa
Czy Rus czy Polok - na jedno zdo sie
Narod chce państwa a psinco mo sie.

[broneknotgeld]

Kolektywizacjo 1929-1937

Jak z ukraińskim "bić" sie narodym
Stalin znod sposob - zamynczyć głodym
Na ziymi kero płodow do tela
Jodła zabrakło - pomarło wiela.

[broneknotgeld]

"Wyzwoliciele"

Toż po "głodowy okupacyji"
Ze Niymcym zdo sie myni mecyji
Doł Ukraińcom nawet nadzieja
Choć wcale niy chcioł grać dobrodzieja.

[broneknotgeld]

Wołyń 1943

Pod niymieckim patronatym
Mordowoł se brat ze bratym
Wsionkła w ziymia krew słowiańsko
Gorom przi tym ta germańsko.

[broneknotgeld]

OUN

W znaku tryzuba
Polokow zguba
Niymcow wygrano?
Mateczko, mamo!

[broneknotgeld]

"Miynso armatnie"

Miynso armatnie ze Ukraińca
Może ucieszyć zowdy tu Niymca
Dyć państwa z tego jednak niy bydzie
Yno nastympno niywola w biydzie.

[broneknotgeld]

Po Jałcie

Ano dyć se stało - cołko Ukraina
Terozki sowiecko na lata dziedzina.

[broneknotgeld]

Wolno Ukraina 24.VIII.1991

Komunista Krawczuk do wolności wiedzie
Dyć zdo sie przi tymu że biyda na przedzie
Jednak co sie stało niychej niy łodstanie
Niypodległe państwo - wielke to wyzwanie
Kere Ukraińcom tako sie spełniyło
Sami se już rzondzom - co było to było.

[broneknotgeld]

Dzisioj

Dzisioj Ukraina apruzinom zdo sie
We tym tyż nadzieja i lepszy na lepszy los zdo sie
Możno do Uniji jom drapko powiedzie
Przidzie czas że łona w Europie na przedzie.

[broneknotgeld]

Trojzomb ukraiński

Broń Włodzimierza i Jarosława
Już godłym Rusi Kijowski była
W dwodziestym wieku wrociyła sława
Blyszczy i dzisioj trojzymba siyła.

[broneknotgeld]

Wiek XX

Miała kostucha tu swoje żniwo
Głod krew - to może i nawet dziwo
Tych kerym czas był dany spokojny
Bez rewolucji terroru wojny

Yno komuna jakby dusiyła
Wyńdzidłym zdo sie dlo ludzi była
Kierzy w zoprzyngu kornie stanyli
Dyć czy szczyńśliwi naprowdy byli?

[broneknotgeld]

Na Ukrainie co to sie dzioło
forum.gazeta.pl/forum/72,2.html?f=261&w=17978512&v=2&s=0
Ano niy było wcale wesoło.

Huculszczyzna

[broneknotgeld]

Huculszczyzna

Kaj Prut i Czeremosz dyć już wody toczom
Masyw Czernohory ciśnie se ku łoczom
Kaj cie tyż zochwycom tutejsze Gorgany
Zdo sie przez Ponboczka Hucułom kraj dany.

[broneknotgeld]

Polske Kresy

Piyrwyj Kresy polske były
Turystykom tyż już żyły
Polok poznać chcioł Hucuła
I po szlakach se potułać.

[broneknotgeld]

Dlo Ukrainy

Dlo Ukrainy ta Huculszczyzna
Zdo sie narodu tyż jest łojczyzna
Tukej nikierzy w spokoju głuszy
Prawiyli jako ze państwym ruszyć.

[broneknotgeld]

Czarnohora

Czarnohora jak serce Hucuła
Tu na szlaku se werci potułać
By natura skuplować ze duszom
Toż myślami tam zowdy jo ruszom.

[broneknotgeld]

Przez piyrszo wojna

Przez piyrszo wojna na Czarnohorze
Front był - łostały okopy
Na połoninach krew - moj ty Boże
Toż poginyli tu chopy.

[broneknotgeld]

Przez piyrszo wojna na Czarnohorze
Front był - łostały okopy
Na połoninach krew - moj Ty Boże
Toż poginyli tu chopy.

[broneknotgeld]

W Polsce

Dyć w końcu Polska se tukej prziszła
Słupki graniczne łostały
Choć potym cołkym ze Kresow wyszła
Ślod zostawiyła niymały.

[broneknotgeld]

Gora "Pop Iwan" (1938)

Obserwatorium astronomiczne
Rok yno Polsce służyło
Niy powiym - dzisioj riuny "śliczne"
Tako se z tym przidarzyło.

[broneknotgeld]

Huculsko wioska

Chałupa Hucuła zowdy z dalsza stoji
Czy łona bliskości ze inkszom se boji?
Szmat ziymi łodgrodzo jakby łod somsiada
Bestoż słabo słychać tukej jakoś zwada.

[broneknotgeld]

Chata Hucuła

Zdo sie ze stoku paczeć w dolina
Dyć wcale jyj sie niy kłoni
Hucuł jest wolny - czy trza wspominać?
Dusza we gory go goni.

[broneknotgeld]

Skarb Hucuła

Nojwyrszym skarbym - konceczek gory
Umi spokopić to dzisioj ktory?
Sztrom niypoczeby - inksze wygody
Bele by yno niy brakło wody
Zowdy Hucuła przinyńci stok
A niy we bloku jakisik sztok.

[broneknotgeld]

Tradycyjo

Hucuł tradycyjom żyje
W zocy swoje mo - niy czyje
I komunie niy doł sie
Łon Hucułym ciyngym je.

[broneknotgeld]

W huculski chacie

Toż ze ciymny siyni wlejziesz se do kuchni
Yno na przipiecek zarozki niy buchni
No i do komory tyż drapko niy blikej
Hucuł jest gościnny - przi strowie porzykej

Ze ty ciymny siyni do iby mosz drzwi
We niyj to gospodorz ze ślubnom se śpi
Cołko łobwieszono ikonami zdo sie
Toż besto Ponboczka łaska w progach mo sie.

[broneknotgeld]

Czeremosz wiosnom

Czeremosz wiosnom spływym tyż słynie
Niy w ukraiński yno dziedzinie
Richtig utropa niym w doł popłynońć
Jo ta przigoda wola pominońć.

[broneknotgeld]

Werchowyna

Nad Czeremoszym miasteczko leży
Czornym - dyć tymu możecie wierzyć
Ty Huculszczyzny zdo sie stolicom
Ta turystyka dzisioj tam liczom.

[broneknotgeld]

Ta Werchowyna

Ta Werchowyna przez nos poznano
Piyrwyj Żabiego nosiyła miano.

[broneknotgeld]

W Bystrecu

Tu Stanik Vincenz mioł przeca dom
A połoniny skiż niego znom
Bo przeca szkryfloł ło nich dość wiela
We Polsce sławioł huculsko sztela.

[broneknotgeld]

Koliba

Ciyngym w kolibach widać pasterzy
Zyjom jak piyrwyj - mozecie wierzyć
Z owcami ciongnom po połoninach
A kajsik czeko na nich rodzina.

[broneknotgeld]

Ze wrześniym

Ze wrześniym pusto koliba
Łowce w zogrodzie już chyba.

[broneknotgeld]

Pies Hucuła

Przi łobrozy gwoździ wiela
Toz skiż wilkow kerych tela
Że trza kark mu tako chronić
Jak łon stado mo łobronić.

[broneknotgeld]

Horiłka

Zowdy se horiłki z Hucułym napija
Toż po poru głymbszych richtig wiym że żyja.

[broneknotgeld]

"Huculski"

Poznosz Hucuła po godce jego
"Huculski" w zocy jest u istnego.

[broneknotgeld]

Dolina Dzembronii

Ze gor czasym widać jak zakryto mgłom
Zdo sie - przed łoczami morze mlyka mom.

[broneknotgeld]

Pierogi z bryndzom

Pierogi z bryndzom - huculske jodło
Szczyńściym na stole drapko se znodło
Po wandrowaniu w łodległy chacie
Zjeść i sie napić czeba ci bracie.

[broneknotgeld]

Wandrusowy szlak?

Na darmo znakow durś szukosz
Łoczami na strony kukosz
Bo niy ma szlakow tu wcale
Styknie ci mapa i palec.

Kołomyja

[broneknotgeld]

Muzeum

Muzeum huculske w Kołomyji majom
Rzemiosłu i kunszcie huculskymu pszajom.

Kosiw

[broneknotgeld]

Torg huculski

Torg huculski tukej co sobota rano
Rajza we ta sztela niychej bydzie dano.

Werchowyna

[broneknotgeld]

Festiwal Kultury Huculski - wrzesiyń

Folklorym chca napaś dusza
Możno se kedyś tym skusza
Do Werchowyny przijada
Na ta huculsko parada.

Jaremcze

[broneknotgeld]

Jaremcze

Z Gorganow kraja Jaremcze leży
Tu se dychniecie - idzie w to wierzyć
Nawet wygodno bydzie kwatera
Mozno se znojdzie tyż jakoś frela.

[broneknotgeld]

"Perła Karpat"

Możno tom "Perłom Karpat" by było
-Zdo sie niy cołkym durś rozkryńciyło
We miyndzywojniu szwong wiynkszy dany
-Konkurowało ze Zakopanym

W dzisiejszych czasach zaś ło tym marzy
Kusić turystow chce i narciarzy
Toż se rozwijo i piniondz ściongo
W tyn gyszeft jakby ludzi zaś wprzongo.

[broneknotgeld]

Wodospady

Som na Prucie wodospady
Toż ty szteli atrakcyjo
Gowy tyż niy łod parady
Profit z tego - niy mecyjo.

[broneknotgeld]

"Morske Oko"

"Morske Oko" zaniydbane
W miyndzywojniu szteli dane
Tako dzisioj podniszczone
Ty dzielnicy przidzie koniec?

[broneknotgeld]

Parafio św. Jozefa Bilczewskiego

Wiara katolicko wroco tu poleku
Ksiondz popom niy wadzi? -Kto to wiy czowieku?

Bukowal

[broneknotgeld]

Bukowal

Na narty zoglondnij z Jaremcze se tukej
Szwajcaryji tako ukraiński szukej
Deski pożyczocie choć i swoje biercie
Trasy z Bukowela som tego we wercie.

Worochta

[broneknotgeld]

Worochta

Kolybkom narciarstwa jest na Ukrainie
Z austryjockich czasow toż niych to niy minie.

[broneknotgeld]

Niy kusi

Narciarzy Worochta coś dzisioj niy kusi
Czernochora blisko dyć sztela se dusi.

[broneknotgeld]

Cerkiew 1604

W ukraiński szteli cerkiewka znojdziecie
Ta sztyrysta rokow już tu stoji przecie.

[broneknotgeld]

Ruina kościoła

Ano - z downych czasow łostała ruina
Toż piyrwyj ciekawszo była to dziedzina.

Odessa

[broneknotgeld]

Adam Mickiewicz w Odessie

Łod Roku Polski na Urainie
Tego dynkmala nikt niy łominie
Toż postawiyli go prawie przeca
Z ukraińskego tyż jakby neca.

Krzemieniec

[broneknotgeld]

Dlo Poloka Krzemieniec i dzisioj coś znaczy
Sie duch Słowackiego ponoć tu łonaczy.

[broneknotgeld]

"Dworek Słowackich"

Toż i muzeum po wierszoklecie
Tu se urodzioł dorostoł
Coś i ty szteli doł łod sia przecie
Niym wieszczym polskim se łostoł.

Brzeżany

[broneknotgeld]

Brzeżany XIII w.

Władysław Opolczyk zasiedloł ta sztela
Jak był prawom rynkom tu krola polskego
Ze Brzega pościongoł i ludzi tu wiela
Tyż miano dziedziny se wziyło ze tego.

[broneknotgeld]

Brzeżany 1530

Prawym magdyburskim Brzeżany już miastym
Tako przeca z łaski Zygmunta Starego
Zdowajom se tukej zocnym polskim ciastym
Dyć wielko zasługa we tym Sieniawskiego.

[broneknotgeld]

Mikołaj Sieniawski

Dziedzic na Brzeżanach we służbie Korony
Ruski wojewoda richtig zasłużony
Łon wojskom hetmanioł i miasto założoł
Ze wioski grod zocny wystawić se wożoł.

[broneknotgeld]

W rynkach Sieniawskich

W rynkach Sieniawskich sztela kresowo
Niyroz w łobronie granicy stowo
Tatary, Turki, nawet Kozoki
Tukej właziyły ze śmiertkom w ćmoki.

[broneknotgeld]

Zamek Sieniawskich

Toż wystawiony tu ku łobronie
W czasch gdy życie zdało se tonie
Te grube mury fosa i wały
Niyroz dać łodpor wrogowi miały.

[broneknotgeld]

Zofia Sieniawska

Do krztu jom trzimoł krol August Mocny
Ze Pyjtrym Wielkim - carym przezocnym
Dyć z rynkom danom Czartoryskymu
W wianie Brzeżany wniosła istnymu.

[broneknotgeld]

Z Izabelom Czartoryskom

Cera Zofiji komu wydano?
Już Lubomirski trzimie jyj wiano
Przeca Brzeżany źle se niy majom
Zocne familje ty szteli pszajom.

[broneknotgeld]

Brzeżany Potockich

Toż Lubomirscy tyż majom cera
Kero Potocki biere se teraz
Majontek ze tym w hrabiowskim rodzie
Już niy ksionżyncym - dyć to niy bodzie.

[broneknotgeld]

W rynkach Potockich

W rynkach potockich Brzeżany dugo
Zły tref w dwudziestym wieku zamrugo
Skiż drugi wojny wszysko stracone
Tako dlo Polski tu nastoł koniec.

[broneknotgeld]

Brzeżański kościoł farny 1620

Toż Sieniawski go fundowoł
By Ponboczka chwolić
Przikłod dlo potomnych dowoł
-Niychej nikt niy smoli.

[broneknotgeld]

Bernardyny w Brzeżanach

Staraniym Sieniawskich
Tu Bogu służyli
Niy skompioł im łaski
Tako Go chwolyli.

[broneknotgeld]

Kościoł Bernardynow

Przed wiedyńskom wiktoryjom
Już stanoł se tukej
Jak do Brzeżan kedyś trefisz
Na niego pokukej.

[broneknotgeld]

Kościoł Bernardynow

Przed wiedyńskom wiktoryjom
Już stanoł se tukej
Jak do Brzeżan kedyś trefisz
Na niego pokukej.

I porzykej se w świontyni
Tyż do Antonika
Możno tref ci zły łodmiyni
-Mie wystyknie klikać

[broneknotgeld]

Brzeżański ratusz 1811

Dwiesta rokow chnet zrachuje
Lubomirski cudo
Fajer bydzie - forsztelujesz
-Niychej im se udo.

[broneknotgeld]

Gimnazjum w ratuszu

Ano - ze Zbaraża se tu przekludziyło
Tako gimnazistow w Brzeżanach uczyło.

[broneknotgeld]

Jan III Sobieski

Był Sobieski we Brzeżanach
Toż mu pomnik wystawiyli
Lekci prziszło wstować z rana?
Pewno se ło Wiedniu śniyli.

[broneknotgeld]

Marszałek Rydz-Śmigły

Dyć wydały go Brzeżany
Choć ze niego wodz przegrany
Sieniawskiego chcioł iść śladym?
Ano - niy doł karlus rady.

[broneknotgeld]

Juliusz Słowacki

Wieszcz te Brzeżany richtig rozsławioł
Poemat szkryfnoł - piorym to sprawioł
W "Janie Bieleckim" i grodu krasa
I chwała zamku - toż dobra nasza!

[broneknotgeld]

Kornel Ujejski w Brzeżanach

Ano tu istny czynsto zoglondoł
Co ło tym szkryfnoł? Jako to nom doł?
Ponoć niszczało wtedy zamczysko
Jakby w ruina langsam szło wszysko.

[broneknotgeld]

Jan Pfister (Hanusz Snycerz)

Tyn istny Brzeżany naprowdy rozsławioł
Kunsztym to rzeźbiorskim swojym przeca sprawioł
Ło "Hanuszu" wiela prawiyli we Lwowie
Znali jego rynka tako i w Tarnowie.

[broneknotgeld]

Dyć Witold Goliński Brzeżany łopisoł
www.kluczbork.pl/podstrony/miastap2.php
A mie yno tako rym ze tego wyszoł
Niychej łon niy wadzi - kamracynie głosi
Ło kere Ponboczek we człowieku prosi.

[broneknotgeld]

Zamek w Brzeżanach

Zamek w Brzeżanach
-dzisioj ruina
Dyć pokazuje
co za dziedzina.

[broneknotgeld]

VI.2001

W tyn czas umowa już podpisano
Co dwie dziedziny kupluje
Szansa z tym jakby wielko tyż dano
W Kluczborku tako se czuje.

[broneknotgeld]

2001-2006 Kluczbork - Brzeżany

Se piyńć rokow już kamracom
-wcale to niy bajer
Tako dusze tyż bogacom
Czy minoł mie fajer?

[broneknotgeld]

W Podolski Szwajcarji

W Podolski Szwajcarji
leżom te Brzeżany
Tako im ciekawy
konsek ziymi dany.

[broneknotgeld]

Rzeka Złoto Lipa

Możno w niyj nawet złota niy było
Dyć co urosło to rozsławiyło
Richtig ta zocno kraju dziedzina
Toż se niy tropcie co kruszcu ni ma.

[broneknotgeld]

Miyndzy wzgorkami

Brzeżany leżom miyndzy wzgorkami
Jako w "Szwajcarji" zowdy to bywo
Toż se gryfnościom zdziwicie sami
Niyjedyn gowom aże pokiwo.

[broneknotgeld]

Brzeżany 1375

Z kart historyji dane nom tako
Waśko je chycioł - tyn Teptuchowicz
W Brzeżanach żodyn ło to niy płakoł
Jak dali było? Fraszko - łopowiydz!

[broneknotgeld]

Ech - miało blysnońć to na poczontku
Niych chocioż siedzi już we tym kontku.

Krym

[broneknotgeld]

Krym - 27 tys.km.kw.

Niy za wielki zdo sie nom
Szczyńściym co go trocha znom
I ta prowda szktyfnońć moga
Co łon richtig dziełym Boga.

[broneknotgeld]

"Czeburiki"

Pierogi z kyjzom tako smażone
Z wiyrchu tyż kyjza, zioła zielone.

[broneknotgeld]

"Efech-asz"

Łycha postawić idzie w ty zupie
Czego tam niy ma? -Pytanie gupie.

[broneknotgeld]

Tatarsko kuchnia

Tatarskom kuchniom
Asi se Krym
Żech poprobowoł
Toż przeca wiym

[broneknotgeld]

"Płos"

Ryż z warzywami, miynsym baranim
Brzucha twojego niy łocygani.

[broneknotgeld]

Gory Krymske

Niy za wysoke dyć przeca piykne
Niychej ci czasu na nie wystyknie.

[broneknotgeld]

"Czatyrdah"

Tu szczyt nojwiynkszy choć zdo sie mały
Dyć Krym niywielki jest przeca cały.

[broneknotgeld]

"Dolina Przewidzyń"

Pod Czatyrdahym tako dolina
Zdo sie niyziymsko jakby dziedzina.

Jałta

[broneknotgeld]

Jałta

Sanatorjoa pynsjonaty
Pałacyki łod bogatych
Jałta wito tym wandrusa
Toż se podziwować musza.

[broneknotgeld]

Polski kościoł

I polski kościoł w Jałcie znojdziecie
Jak mszy se naszy posłuchać chcecie.

[broneknotgeld]

Delfinarium w Jałcie

Niy yno bajtli cieszom delfiny
Chce do basynu włazić se driny
I tako z niymi cuzamyn pływać
Toż niy ma czymu przeca tu dziwać.

[broneknotgeld]

Na gora

Kolejkom linowom zajedzisz na gora
Tam na ciebie czeko i lodowo dziura.

Bakczysaraj

[broneknotgeld]

W Bakczysaraju

Być na Krymie a niy tukej
Toż se w gowa fest poklupej.

[broneknotgeld]

Pałac Chanow

Trzista rokow pałac jest perełkom Krymu
Żech se mu dziwowoł toż niy braknie rymu.

[broneknotgeld]

Pałacowe fontanny

Chcioł żech je zrachować dyć mi pomiyszali
Istni co tyż zy mnom tyn pałac zwiydzali.

[broneknotgeld]

"Fontanna płaczkow"

Chan Girej dyć ślubno tako honorowoł
-Richtig jak pomarła płaczkow niy żałowoł.

Czufut-kale

[broneknotgeld]

Czufut-kale "Skalne Miasto"

Dugo było zamiyszkane
Dyć to dzisioj to niy dane.

[broneknotgeld]

Skalno cerkiewka

Ano - zodziwio wandrusa dzisioj
Jak tam zoglondoł - niy yno słyszoł.

Ałuszta

[broneknotgeld]

Ałuszta

Ech - Ałuszta se wspomino
Degustowoł żech tam wino
Kere richtig smakowało
I niy było tego mało.

[broneknotgeld]

Na piwo

Na piwo żech blikoł w Ałuszcie wesoło
Co we biołych flaszkach na słonku se grzoło.

[broneknotgeld]

"Igristoje"

Wspomniynie z Ałuszty moje
Ano richtig - "Igristoje"!

[broneknotgeld]

Łogrod botaniczny

Łogrod botaniczny przi Ałuszcie mocie
Jak go niy zwiydzicie cudu niy poznocie.

Sewastopol

[broneknotgeld]

Tako rajza

Cugym rajza ze Kijowa
Aże do Sewastopola
Choć bolała ździybko gowa
Przeca dzisioj se to chwola.

[broneknotgeld]

W Sewastopolu

Marynarka Wojynno ciyngym stacjonuje
Choć dzisioj se szpany skiż tego niy czuje.

Kozaczo Buchta

[broneknotgeld]

W Kozaczy Buchcie

Przi Sewastopolu ta sztela znojdziecie
We niyj delfinarium tyż ciekawe przecie
Dzieci autystyczne se tukej kurujom
Ponoć przi zwiyrzyńciu zowdy lepi czujom.

Sudaku

[broneknotgeld]

Sudaku

Zodziwio turystow do dzisioj murami
Średniowieczno twierdza - przeca wiycie sami.

[broneknotgeld]

11 lot Słowacji

Łod sia ta Słowacjo jedynoście lot
Ze tego niyjedyn przeca tukej rod.

(fraszka zeszłoroczno)

[broneknotgeld]

Zamek Spiski

Richtig wielko twierdza na ty gorce spiski
Niyjedna wycieczka łotwiyrała pyski.

[broneknotgeld]

Lewocza

Lewocza sie asi starymi murami
Piykne cołke miasto - łoglondnijcie sami.

[broneknotgeld]

Kremnica

To "pympek Europy" - Słowak zowdy godo
Nojgryfniejszy miywo krymniczanka modo.

[broneknotgeld]

Niy yno z tom wodom pieścić sie tam idzie
Dej pozor bo możno cosik z tego bydzie.

[broneknotgeld]

Pozsóny

Tako sie tyż kedyś Bratysława zwała
Stolicom Madziarow dyć dugo bywała
Tu krole korona na gowa se kłodli
Niym pod Austryjokym we końcu sie znodli.

[broneknotgeld]

Wzgorze Slovin

A możno "gorka ambasadorow"?
Przeca dość trocha tu jejich szteli
Myśla co jednak niy "wzgorze zmorow"
Bo by tu istni siedzieć niy chcieli.

[broneknotgeld]

Na Wzgorzu Slovin

Spotkać szło kedyś tukej Dupczeka
Choć komunisty przeca czowieka
Co w szejśćdziesiontym łosmym "tron" stracioł
Układ Warszawski go "ubogacioł".

[broneknotgeld]

Dynkmal krasnoarmiejcow

Kaj Wzgorze Slovin dynkmal jest srogi
Toż cie zawiedom przed niego nogi
Kwieciyń w sztyrdziestym piontym wspominać
I tych co wiecznie tu muszom kimać.

[broneknotgeld]

W IX wieku

Ano - to pewne
Zamek już mieli
Swoji dziedziny
Pilnować chcieli.

[broneknotgeld]

Zamek w XV wieku

Z tym wiekym stanoł epny warowny
Dzisiejszy zdo sie jako tyn downy
Dyć przeca niy jest cołkym tyn som
Jo historyjo ździybeczko znom.

[broneknotgeld]

Roztomajcie z niym bywało

Syminarium w zamku starym
Z czasym przeca tyż koszary
Aż wiek prziszoł dziewiytnosty
Co dlo szteli niy był prosty.

[broneknotgeld]

Zamek 1811

Zgoroł! Zatracony tako
Ze ruinom niy jednako
Dyć go dugo niy dźwigali
Zdo sie jakby mu niy pszali.

[broneknotgeld]

Połowa XX wieku

We tym czasie łodbudowa
Cołki dźwigli - niy połowa
Choć surowy nom sie zdowo
Dyć w pamiyńci tyż łostowo.

[broneknotgeld]

Wzgorze Zamkowe

Wiela tych zamkow już tukej stoło
tako surowych że niywesoło?

[broneknotgeld]

"Nad modrym Dunajym"

Nad modrym Dunajym znojdziesz Bratysława
Wiednia Budapesztu niy przićmi jyj sława
Dyć cie tyż zodziwi i tako ubawi
Toż wander tam zocnym kożdymu se jawi.

[broneknotgeld]

Kraina Czumila

Duszek wesoły we Bratysławie
Żech na Starowce spotkoł go prawie.

[broneknotgeld]

Bratysława tyglym

Niy pogoni mie ktoś z biglym
Szkryfna - Bratysława tyglym

Tu Madziary i Słowiany
Tako samo tyż Germany
Historyjo szrajbowali
Dzisioj nom przed łoczy dali.

[broneknotgeld]

Medzilaborce

Tukej muzeum Andy Warhola
Bo przeca z tych stron pochodzioł
"Pop-art" to jego życiowo rola
Na kero w Stanach se godzioł.

[broneknotgeld]

W Prewidzy żech kedyś siedzioł pora dni
Bojnice po blisku - kożdy ło tym wiy
Bestoż pozwiedziołech tyn bajkowy zamek
I niych ło niy bydzie tyż tukej szkryflane.


"Certyfikat wierności"

Porki tu nocujom na świynty Walynty
Gwarancjo wierności roczno za to majom
I chocioż sie zdarzo że ich polom piynty
To jednak tyż inkszym jakosik niy pszajom.


"Bozk" - pocałunek

Z piontku na niydziela "Bozk" fajrujom tukej
Radości i pszonio na zamku durś szukej
Zakochane porki Bojnice ugoszczom
Dyć to nojpiykniejsze że łod sia niy poszczom.


"Festiwal Duchow"

W maju tukej strachy gospodorzom wiela
Kogo to niy widzi ta słowacko sztela?
Wampiyrze i wiedźmy złe duchy upiory
Jo tego niy zlicza boch zaroz jest chory.


"Bajkowy Zamek"

Z poczontkym wakacji gości tukej bajka
Dlo zamku to przeca jakby "złote jajka"
Dziecioki sie cieszom że łon jest "bajkowy"
Radośnie to leci bo mondre tu gowy.


"Dni Rycerske"

W październiku zoglondnij na ichnie turnieje
Ze cołki Europy napotkosz rycerzy
Do miecza kolczugi dusza im sie śmieje
Werci sie tu wybrać - możecie mi wierzyć.


Zabytkowo kopalnia

Godajom że gruba staro tu łotwarli
Ze kery tyn wongel brunotny durś garli
Joch tego niy widzioł to atrakcjo nowo
Dyć myśla że piyknie - tako mi sie zdowo.


"Wody termalne"

We cieplutki wodzie łokompać se możesz
Choćby i mroz wielki prawie był na dworze
Dobre na korzonki a nawet skolioza
No i sztres uciyknie - łominiesz "psychoza".

Oravice

[broneknotgeld]

"Meander Park"

Aquapark w zakolu stanoł Oravicy
Na turystow z Polski łon tyż teroz liczy
Możesz se tu toplać w mineralny wodzie
Zdrowie podkurować - być z naturom w zgodzie.

[broneknotgeld]

Z 1600 metrow

Woda mineralno ze ty głymbokości
Podobnoś prostuje czowiekowi kości
Z bolym muskli stawow tyż se jakoś radzi
Toplej se czowieku - niych to ci niy wadzi.

Ilava

[broneknotgeld]

Ilava

Łod Wagu z lewa mocie Ilava
Toż wos pokusi tukej zabawa.

[broneknotgeld]

We grodzie

We grodzie piyrwyj stoł stary zamek
Cosik łostało ze niego dzisioj
Choć mury przeca już niy te same
Bo do heresztu ze czasym prziszoł.

[broneknotgeld]

Zamek - twierdza (XVI w.)

Ech - Turki wiela szteli groziyli
Tako warownia z zamku zrobiyli
Szczyńściym nojgorsze jednak minyło
Ilavy wojsko ichnie niy wziyło.

[broneknotgeld]

Zamek klasztor (XVII w.)

Toż wkludziyli se braciszki
Czy woleliby tu mniszki?

[broneknotgeld]

Zamek - hereszt (od połowy XIX w.)

Już heresztantow "goszczom" te mury
Niy leko wylyźć ze taki dziury
Do dzisioj ciyngym tam zamykajom
Tych kierzy prawo durś kajsik majom.

[broneknotgeld]

Browar Ilava

Z dziewiytnostego wieku tu był
Szczimać do dzisioj brakło mu siył.

[broneknotgeld]

Sztyry piorka

Zakuto gowa
Mo piorka sztyry
Dyć niy wiym czamu
-Byda tu szczyry.

[broneknotgeld]

Przemyślidzi

Po Wielki Morawie Czechy tu nastały
Praskich Przemyślidow dzieło we tym było
Dyc te jejich rzondy szczyńścio coś niy miały
Bo sie wele Niymiec jakoś zakryńciyło.

[broneknotgeld]

6 lipca w Czechach

Świynto narodowe ku czci Jana Husa
W tyn dziyń na stos przeca trza mu było ruszać.

[broneknotgeld]

"Czeski Raj"

Wele Liberca tako dziedzina
Możno ktoś powiy - wele Jicina
Tu miyszkoł przeca tyn Rumcajs jejich
Krył sie we skałach i gynsty knieji.

[broneknotgeld]

Veltice Lednice

"Winoteki" w Welticach

Kuszom tutejsze piwniczki z winem
Zowdy bych siedzioł se jo tam driny.

[broneknotgeld]

"Czeski Salon Win"

Darmo se możesz yno dziwiwać
Dyć ździybko stracisz jak chcesz skosztować.

Hukvaldy

[broneknotgeld]

Hukvaldy

Małe Hukvaldy Wisły partnerym
Zocne historiom - to powiy kery
Tako tyż żyje fest turystykom
Komuś to wadzi? Łoberwie krykom!

[broneknotgeld]

Na gon

Na gon do Hukvaldy - daniele czekajom
Toż zwiyrza takego pod Wisłom niy majom.

[broneknotgeld]

Tabula Janaczka

Kaj se kompozytor rodzioł
Dali ta tabula
Po ty szteli młody chodzioł
Tela - niy chca fulać.

[broneknotgeld]

Browar

Mo dziedzina mały browar
Toż niych żyje ich piwowar!

[broneknotgeld]

Zamek

Z czinostego wieku stoji tu zamczysko
Ło swoji historji czy łopowiy wszysko?
Możno drzewa w parku tyż zaszumiom tako
Czi idzie spokopić to wszysko jednako?

Jabłonków

[broneknotgeld]

Herb Jabłonkowa

W herbie Jabłonkowa jabłonka znojdziecie
I Baranek Boży tyż na niym jest przecie
A do tego oreł - przeca tyn nasz ślonski
W Czechach tyż regionu naszego som konski.

[broneknotgeld]

Jabłonkow 1435

Ło Jabłonkowie cosik szkryfnyli
Toż w historyjo tako wdepnyli.

[broneknotgeld]

We Gogolinie

Blyszczy Jabłonkow we Gogolinie
Tako tyż przeca ślonski dziedzinie
Toż se cuzamyn gryfnie kamracom
I we kulturze tako bogacom.

[broneknotgeld]

Jablonkov

Kaj Łomna ze Olzom wody swoje zlywo
Tam se Jabłonkowu wandrus zowdy dziwo.

Bruntal

[broneknotgeld]

Bruntal

Ziymi opawski perełka zocno
Historiom z nami zwionzano
Przez wieki całe stoła tu mocno
Niych rymym jest łopisano.

[broneknotgeld]

Freudental 1213

Z łaski krola Otokara
Prawa miejske erbła tako
Burgemajstrom trza se starać
By grod rosnoł i niy płakoł.

[broneknotgeld]

"Freudental"

"Radosno Dolina" - przepiykne mo miano
Toż w Koronie Czeski ta sztela jest znano.

[broneknotgeld]

"Złoto, srebro..."

Złoto, srebro, kukfer, ołow po blisku znojdujom
Bergmon i hamernik z tego se richtig radujom.

[broneknotgeld]

Nad Czornym Potokym

Prawiom co Bruntal tukej dźwiyrzami
Za niym se cieszysz Jesenikami.

[broneknotgeld]

1213

Prawym magdyburskim Freudental już stoji
We Czechach czy starsze se kajś miasto stroji?
Przemyślida wiedzioł jako dźwignońć sztela
Bogactwa Koronie dokłodała wiela.

[broneknotgeld]

"Pradziad" (1492 m.n.p.m.)

Chca łodwiedzić dyć "Pradziada"
Tako se przez Bruntal jada.

[broneknotgeld]

We Jeseniki

Bruntal za nami - już Jeseniki
Wszyńdzie łostawiom terozki bliki
Musza se gorkom tym podziwować
I coch wypatrzoł we gowie schować.

[broneknotgeld]

Do Jesenika

Do Jesenika dychnońć se jedziesz
Pewno cie droga przez Bruntal wiedzie
Toż tukej sztopnij - dziwej se szteli
Kero łod wiekow w dziedzinie mieli.

[broneknotgeld]

Opawsko sztela

Przince Przemyślidy rzońdziyli w Opawie
Tako w Raciborzu czimali se prawie
Toż Bruntal cuzamyn z nami skuplowany
Historyjom bestoż na zowdy tyż "dany".

[broneknotgeld]

Zawiyrz

Ano tymu richtig zawiyrz
Z herbu szteli wito "hawiyrz".

[broneknotgeld]

Niy godej

Bruntal we herbie durś mo bergmona
Toż mi niy godej ło farmazonach.

[broneknotgeld]

Bruntal 1447

Princ Mikołaj z raciborza
Tyn Bruntal zastawioł
Hynek z Vrbna - ślonski wielmoża
Tako se tu zjawioł.

[broneknotgeld]

"Z Vrbna"

Ano Wierzbno przi Świdnicy
Hynka znajom w okolicy
Ślonski szlachty rod to zocny
I we downych wiekach mocny.

[broneknotgeld]

Wolne Państwo Stanowe

"Pany z Vrbna" tyn Bruntal czimiom
Przi Korwinie dyć niy drzymiom
Bestoż sztela rośnie w siyła
Choć i piyrwyj zocno była.

[broneknotgeld]

Zamek

Wiela tyn zamek richtig jest worty
Dyć łon wyglondo jak konsek torty.

[broneknotgeld]

Z XV w.

Z piytnostym wiekym stanoł tu zamek
Bruntal se dzisioj niym asi
Choć wiela razy wszysko zmiyniane
Żodyn mu światła niy gasi.

[broneknotgeld]

Zamek łobronny

Piyrwyj grod bronioł razym z murami
Jak tortyntikel toż wiycie sami
Wyglondym swojym przeca niy zmyli
Tyż se Krziżaki we niym broniyli.

[broneknotgeld]

Przebudowa

Zamek był tako przebudowany
Toż wiela razy se dzioło
Baroku muster łostatnio dany
Dyć i renesans w niym woło,

[broneknotgeld]

Luterany

Toż ze Vbrna pany
Już luterany
Bruntal z tym tracom
Se niy bogacom.

[broneknotgeld]

Bruntal 1621

Po Bioły Gorze tako se stało
Co katolicke przeca wygrało
Habsburgi Bruntal skonfiskowali
No i Krziżakom wtedy sprzedali.

[broneknotgeld]

200 tysiyncy guldynow

Cysorz skarb tym ubogacioł
Zakon zyszczoł - dyć niy stracioł
Wielki Mistrz Krziżakow panym
Stoł Bruntalu sie ze ranym.

[broneknotgeld]

Ech ta wojna

Zamek uciyrpioł i tako miasto
Czidziestoletni wojny dyć czas to
Grabiom i niszczom Duńczyki Szwedy
A nawet swoji tako kejnedy.

[broneknotgeld]

Zakon Krziżacki

Zakon Krziżacki w czeski dziedzinie
Niy yno Bruntal przeca se czimie
Souvinec Bouzov no i Studanka
Tukej se istni niy boli manka.

[broneknotgeld]

Augustyn von Lichtenstein 1652

Z tym rokym zaczła se łodbudowa
Bruntal zaś blyszczeć zechcioł łod nowa
Krziżacko sztela rozbudowano
Zdo sie po Wiedniu ta mustrym dano.

[broneknotgeld]

Zamek z końcym XVII wieku

W tych rokach zamek rozbudowany
Aż sie ludziska dziwujom
Na muster zdo sie inkszym jest dany
Po wojnie wiela budujom.

[broneknotgeld]

Bruntal 1806

Wiedyń i Bruntal - dwie sztele w gorze
Na rowno grajom w krziżackim chorze?
Toż tu Wielkego Mistrza majontek
Czynsto zoglondo we tyn swoj kontek.

[broneknotgeld]

Eugeniusz Ferdynand Habsburg (1894-1923)

Dugo istny Zakon w swojich rynkach czimoł
We Bruntalu tako niyroz przeca drzymoł
Toż zamek rozblysnoł i zbrojowniom prawie
Zdało sie tym murom co śniom durś na jawie.

[broneknotgeld]

Bruntal 1938

Ano - tako Niymcy Czechy już capnyły
W Bruntalu braciszkow se trocha łostało
Dyć cołki majontek hitlerowce wziyli
A było tu tego przeca tyż niymało.

[broneknotgeld]

Śmierć Prowincjała Zakonu

Toz to było już po wojnie
Niy mog żyć istny spokojnie?
Na bezpieka z tym rachować?
Lepi trza se było schować

Śmiertka z kosom go czekała
Z glajzow do sia jakby brała
Cug mioł szwong jak go wyciepli
Czy przi władzy z tym łokrzepli?

[broneknotgeld]

Kościoł farny WNMP (XIII w.)

Przi rynku zoglondom na staro świontynia
Przeca we Bruntalu istny niy łomina.

[broneknotgeld]

Kościoł farny WNMP (XIII w.)

Przi rynku zoglondom na staro świontynia
Przeca we Bruntalu istny niy łomina.
Zoglondna do środka niy yno ciekawie
Idzie se porzykać tu terozki prawie.

[broneknotgeld]

Cmyntorny grobowiec

Na starym cmyntorzu grobowiec zodziwio
Ze dwudziestolecio miyndzywojynnego
Dwoch Mistrzow Zakonu na ciebie niy kiwo
W proch se łobrociyli czy pilnujom tego?

[broneknotgeld]

Kościoł Panny Maryji Pomocny

Na skraju miasta gorka z kościołym
Pontnik wyłazi z niego wesoły
Bo Matce Boski tako zawierzoł
I cołki wander we zdrowiu przeżoł.

Karwina

[broneknotgeld]

Frysztat

Frysztat - historio szkryflo tyż tako
Ze downych wiekow - dyć niy jednako.

[broneknotgeld]

Rosły te gruby

Ech - we Karwinie rosły te gruby
Ktosik tyż ze nich był aż za ruby
Tako bergmonow miasto i dzisioj
Ło tym pewnikym już kożdy słyszoł.

Ostrawa

[broneknotgeld]

Ech - niy yno dlo zabawy
Chyca teroz se Ostrawy
Co prym na Morawach wiedzie
Toż niych bydzie tu na przedzie.

[broneknotgeld]

W Morawsko-Ślonski Dziedzinie

Prawiom w Morawsko-Ślonski Dziedzinie
Jest narod kery niychej niy zginie
Dyć Czechy w zocy majom Ślonzoka
We Polsce ćmokym mynczom boroka.

[broneknotgeld]

Ostrawa

Na wonglu urosła - jako Katowice
Zdoł sie łon bajlagom i na czeski sznicie.

[broneknotgeld]

320 tysiyncy dusz

We Czechach trzecio ta miejsko sztela
Dyć skuli tego znaczy tyż wiela
Jako z tym rownać se Katowicom?
Choć trocha wiyncy dusz przeca liczom.

[broneknotgeld]

Bioły koń

Bioły koń wiyrzgo w herbie Ostrawy
Siodło mo puste - koniec zabawy?

[broneknotgeld]

Plac Masaryka

Przi niymu stary ratusz znojdziecie
Ano we Czechach żeście som przecie
Tu w kożdym grodzie coś z Masaryka
Szczyńściym co niy trza do niego rzykać.

[broneknotgeld]

Stary ratusz (XVI w.)

Tyn stary ratusz trza nom łodwiedzić
Tukej Muzeum Ostrawske siedzi
Kaj historyjo grodu poznocie?
Na wiyrchu przeca jom jakby mocie.

[broneknotgeld]

"Petrkowicko Venus"

W Ostrawskim Muzeum zodziwi wos frela
Dwadziścia tysiyncy mo rokow - toż wiela.

[broneknotgeld]

Kościoł św. Wacława (XIII w.)

W niym se łostała staro Ostrawa
Dyć tela wiekow to niy zabawa
Mały i tako przebudowany
Ze kapliczkami przed łoczy dany
Gotyk tu jednak ciyngym widzymy
Czy historyji pozowiszczymy?

[broneknotgeld]

Muzeum Gornicze we Ostrawie

Noy trza se dziwać że łone prawie
Znojdziecie tako we ty Ostrawie
Tu nawet dzisioj w bergmońskim fachu
Jak kery robi to niy mo strachu
Ze Polski ludzi przeca werbujom
U nos niy idzie - tu pofedrujom.

[broneknotgeld]

Z Moznov

Z Moznov wyfurgniesz w rożniste strony
Fligry tu na cie czekajom
Trza dać zarobić przeca i łonym
Gyszeft z tym zocny tyż majom.

[broneknotgeld]

Zobytkowo gruba "Michał"

Poznosz na grubie downo robota
Tako zjydź na doł - to niy gupota.

[broneknotgeld]

Na gorce Landek

Piyrwyj tu łowcy mamutow żyli
Cosik ze tego łostało
Toż do muzeum to wszysko wziyli
By wiela se dziwowało.

[broneknotgeld]

Landek

Kaj Ostrawica z Odrom se zlywo
Tam wzgorze Landek - czy cie to dziwo
Że prawie tukej znodli osada
Łowcow mamutow - była z tym zwada?

[broneknotgeld]

Zoo

Ano - mo Ostrawa tyż ciekawe zoo
Zowdy tam zoglondnie kto dziedzina zno.

[broneknotgeld]

Muzeum Gornictwa Wynglowego
Ostrawa-Petrzkowice 9.IX.2006

Bergmony w Ostrawie ze tym dniym świyntujom
Dziewiontego września zowdy se radujom
Toż prawa bergmońske we tym dniu Jihlava
Dostała ze ryncow krola Czech - Wacława.

[broneknotgeld]

Gospoda "Harenda"

Zwiydzisz muzeum
Piwka popijesz
Podjysz knedliki
-Toż wiysz że żyjesz.

[broneknotgeld]

09.09.1249

Ze bergmońskim prawym tako już Jihlava
A wszysko skiż woli jest krola Wacława.

[broneknotgeld]

"Janaczkowy maj" w Ostrawie

Melomana tym pokusi
W maju tu zoglondnońć musi
Choć na wonglu ciyngym stoji
Grod w kulturze wiela broji.

[broneknotgeld]

"Spectaculo Interesse"

Tu tyjater kukłow znocie
I festiwal taki mocie
W kerym blyszczy kunszt światowy
Bajtlom aż se kurzy z gowy.

[broneknotgeld]

Tyjater Lalek - Ostrawa

Kunszt kukełkowy - tyż zocno sprawa
Tako i bajtlom pszaje Ostrawa.

Koprzywnica

[broneknotgeld]

"Koprivnice"

Zocno zaolziańsko sztela
Szkryfna ło tym tukej tela.

[broneknotgeld]

W herbie

W herbie automobil majom
"Tatrze" ciyngym przcza pszajom.

[broneknotgeld]

Wiela?

Wiela trza se było starać
by mieć w herbie ta landara?

[broneknotgeld]

Jak watra?

Bryczki, karyty, we końcu "Tatra"
Toż Koprzywnica jako ta watra!

[broneknotgeld]

27 kilometrow kwadratowych

Mało Koprzywnica
Choć przeca dość ludno
Tako se wydowo
W niyj niy bydzie nudno.

[broneknotgeld]

23 tysionce

Tych dusz istno mo już tela
W siyła fest urosła sztela.

[broneknotgeld]

Tyż chce blyszczeć

Turystykom tyż chce blysnońć
Toż wandrusow teroz kusi
Trza za Olza nom se cisnońć
Luft cie tukej niy udusi.

forum.gazeta.pl/forum/71,1.html?f=28940

[broneknotgeld]

Z kamynia i gliny

Co z kamynia i ze gliny
To rozsławio Koprzywnica
Werk łod downa przeca driny
Roześmione tako lica.

[broneknotgeld]

Koprzywnicke kachle

We Koprzywnicy wyrychtowane
Zdunom na piece tu sprzedowane
Kere stowiali mustrym kunsztownym
Oby łostały se z rokow downych.

[broneknotgeld]

Koprivnice (XIII w.)

Z koncym wieku czinostego
Już dziedzina była
Toż radujom sie ze tego
-Historyji siyła.

[broneknotgeld]

Wele Szostyna

Wele szostyna ta Koprzywnica
Drapko podobnoś wyrosła
Grodu straciyły se downo lica
A naszo sztela w przod poszła.

[broneknotgeld]

Grod Szostyn

Archeologow ze niym robota
Tako podłażom do tego "płota"
I co rok majom cosik nowego
Możno trza lepi szkryfnońć - starego?

[broneknotgeld]

Ze Bioły Gory

Ze Bioły Gory se podziwuja
Dziedzinie kery gościnność czuja.

[broneknotgeld]

Muzeum Wojta

Ze "Tatrom" urosła richtig miejsko sztela
Co ze wsi - wojtowe. Szkryfna yno tela.

[broneknotgeld]

Emil Zatopek

W świat polecioł z Koprzywnicy
Siył we gyrach wiela mioł
Dzisioj sztela na to liczy
że zaś ktoś stond bydzie wioł?

[broneknotgeld]

Biegi przełajowe im. E.Zatopka

Tu na przełajch możesz pobrykać
Z mianym czeskego olimpijczyka.

[broneknotgeld]

Ignacy Reszke 1812

Ignacy reszke werk tu wystawioł
Tako dziedzinie radocha sprawioł
Ze kamiyniorstwa i ceramiki
Słynom chnet majstry i czelodniki.

[broneknotgeld]

W połowie XIX w.

Ignacy Szustala bryki zaczoł robić
Potym tyż karytow zbajstlowoł tu wiela
Toż i nowy modzie łon se niy doł pobić
Przeca "Tatrom" blysła naprowdy ta sztela.

[broneknotgeld]

Dwa Ignace

Dwa Ignace i dwa werki
Kto z tym mianym tyn jest wielki?

[broneknotgeld]

Koprzywnica - Myszków
28.VIII.1997

Koprzywnica ze Myszkowym
Sie już skamraciyła
Cosik ło tym tukej powiym
We wspołpracy siyła.

[broneknotgeld]

Festiwal Tyjatralny "Motylek"

W Koprzywnicy sie ciekawy festiwal łodbywo
Kto wyzgerny jest inaczy niy yno tu dziwo
Bo do granio przi "Motylku" richtig tyż se garnie
Tako trza i nom sie cieszyć ze istny dzieciarnie.

Brno

[broneknotgeld]

Brno

Brno nojwiynksze na Morawach
Za niym przeca ta Ostrawa.

[broneknotgeld]

"Eburodunon"

Za Ptolemeuszym szkryfna ta osada
Brna we niyj poszukej - chocioż ło to zwada.

[broneknotgeld]

"Brniti" (V w.n.e.)

Słowiańsko warownia już tu richtig była?
Tako ichni ziymi przed wrogym broniyła?

[broneknotgeld]

Brno (XI w.)

Przemyślidy tu siedzieli
Pociecha ze grodu mieli.

[broneknotgeld]

Brno 1243

Zocność szteli wiela zno
Prawa miejske dyć już mo.

[broneknotgeld]

W morawski dziedzinie

W morawski dziedzinie
Te Brno mocno stoło
Kto je chcioł zdobywać
Kończoł niywesoło.

Ołomuniec

[broneknotgeld]

Ołomuniec

Piyrwyj stolica Moraw tu była
Mo Ołomuniec i dzisioj siyła.

[broneknotgeld]

Kto piyrszy?

Kto tukej piyrszy dźwignoł osada?
Ponoć i ło to terozki zwada
Jo na Juliusza Cezara stowiom
Nic to ze inksi inaczy prowiom.

[broneknotgeld]

W Państwie Wielkomorawskim

Ano - Ołomuniec w tych czasach już stoł
Dyć czy we Morawie te znaczynie mioł?

[broneknotgeld]

Ołomuniec 1063

Z tym rokym już biskup w Ołomuńcu siedzi
Tela wom tu szkryfna - choćby na spowiedzi.

[broneknotgeld]

Ołomuniec 1187-1641

Toż Ołomuniec Moraw stolicom
Pyszni se tako w dziedzinie
Aże te Szwedy go w końcu chycom
I ze tym chwała ta minie.

[broneknotgeld]

Ołomuniec 1306

Siedymset rokow przeszło łod mordu
Krol Przemyślida tu ginie
Zdrodziecko rynka czimie se kordu
-Wielko utropa w dziedzinie.

Kravarze

[broneknotgeld]

Kravarze 1224

We Ziymi Hulczyński juz blysły Kravarze
Historyjom zocne - tego nikt niy zmaże.

[broneknotgeld]

Krawarze 1742-1920

Toż fryc Wielki chycioł sztela
Niymce cieszim sie z tym wiela.

[broneknotgeld]

Krawarze 1960

Z tym rokym Krawarze gminom
Zocniejszom tako dziedzinom.

[broneknotgeld]

Pałac (XVIII w.)

Barokowy pałac te Krawarze krasi
Ech - se richtig idzie sztelom takom asić.

[broneknotgeld]

Pograć w golfa

Pograć w golfa tukej idzie
Niyjednymu tako przidzie
Chyntka chycić se kijoka
Tako trza za Olza skokać.

[broneknotgeld]

Pograć w golfa

Pograć w golfa tukej idzie
Niyjednymu tako przidzie
Chyntka chycić se kijoka
Ano - trza za Olza skokać.

[broneknotgeld]

Krawarze - Wożniki 19.IX.1992

Ze wrzesniym se zaczły kamracić te sztele
Prawiom co na bezrok bydzie fest wesele.

[broneknotgeld]

Na zamku

Na zamku w Krawarach malyrske plynery
Artysta ze Woźnik zoglondnie tam kery.

[broneknotgeld]

"The Hurricane"

Oldboje rocka po czeski stronie
Toż przeca ze tym niy bydzie koniec
Zowdy zbiyrajom brawa w Woźnikach
-Jeszcze daleko by yno rzykać.

[broneknotgeld]

Ze świyntami

Na Wielkanoc i na Gody
Tukej w zamku wiela zgody
Bo kamratow trza ugościć
Tako w pszoniu tyć niy pościć.

Markvartovice

[broneknotgeld]

Markvartovice

Ziymi Hulczyński poznejcie gmina
Toz zaolziańsko zocno dziedzina.

[broneknotgeld]

Markvartovice 1377

Z kart historyji sztela już znano
Toż Rosatowi ponoć poddano
Kery był fesztrym w opawskim dworze
Tako mu szczyńścić se bardzi może.

[broneknotgeld]

W herbie

Byczka w herbie istni małom
Łowiyńdzinie tako pszajom?

[broneknotgeld]

Chcom zwiydzać

Markvartoviczanie chcom zwiydzć te Łazy
W rajza se wybierom możno wiyncy razy.

[broneknotgeld]

Wspołpraca

Wspołpraca jejich na szporcie stoji
Tako ło forma nikt se niy boji.

[broneknotgeld]

Św. Florian

Świynty Florian tyż kupluje
To fojermon kożdy czuje.

[broneknotgeld]

Markvartovice - Łazy

Niywiela dzieli - wiela kupluje
Toż łobu sztelom tako sztimuje.

[broneknotgeld]

Markvartowice - Łazy 1999

Ano - z tym rokym se już kamracom
Hulczyńsko sztela tako bogacom.

Żlin

[broneknotgeld]

Żlin

Dlo Żlina tata
To ciyngym Bata.

[broneknotgeld]

Tomasz Bata

Cysorski wojom był jakby Baty
Niy łazioł przeca w gyrach sagatych
Toż se na szułach istny bogacioł
I łon mioł profit i Żlin niy tracioł.

[broneknotgeld]

Bata i Żlin

Z mały osady miasto wyrosło
Dyć skuli szułow do tego doszło
Tako godali starzy i młodzi
-W trzewikach Baty cołki świat chodzi.

[broneknotgeld]

50 miljonow por

Tela por szułow durś rynek broł
Zdało sie jeszcze co wiyncy chcioł
Niy trza se dziwać co tako Bata
Jakby był richtig tym "panym świata?

[broneknotgeld]

Burgemajster Żlina 1923

Kogo zodziwi tako nowina?
-Już burgemajstrym Bata jest Żlina.

[broneknotgeld]

Śmierć Baty 1933

Fliger spod - już niy ma Baty
Dyć syn erbnoł to łod taty
Tyż mu Tomasz na krzcie dali
Ano - jymu teroz pszali.

[broneknotgeld]

Przed II wojnom

Bata niy był na "paradzie"
Kero Hitler Czechom doł
Bataville już w Kanadzie
Dyć Żlin we pamiyńci mioł.

[broneknotgeld]

We windzie wieżowca Baty

Ech - w windzie Bata mioł biuro swoje
yndzy sztokami wandrowoł
Przeca skiż szułow tu były "boje"
Mustrym dyrechtor se stowoł.

[broneknotgeld]

Muzeum Szułow

Take we Żlinie przeca znojdziecie
Kaj werk był epny łod Baty
Możno ańproba zrobić se chcecie
-Dyć niy kupicie na raty.

[broneknotgeld]

Żliński zamek (1578-1581)

Renesansowo se w Żlonie asi
Ździybko barokym tyż sztela krasi
Był przeca tako przebudowany
Szczyńściym żlinianom do dzisioj dany.

[broneknotgeld]

Muzeum Moraw Połedniowo-Wschodnich i Galeryjo Państwowo

We żlińskim zamku se podziwocie
Na te pamiontki dziejowe
Cosik ze tego we zocy mocie
Cosik morawski mo czowiek.

Opawa

[broneknotgeld]

Opawa 1224

Już prawa miejske Opawa czimie
Ze tym tyż drapci se rośnie
Mieszczanin tukej przeca niy drzymie
Jak słonko świyci radośnie.

[broneknotgeld]

Kościoł św. Wojciecha

W łoczach se miyni nom fioletowo
Opawa krasi z tym barokowo
W środku bogato tyż łozdobiony
Tako zochwycać se richtig momy.

[broneknotgeld]

Opawske gimnazjum

Już stoji z wieku łoziymnostego
Wele samego kościoła
Wiela zrobiyła richtig zocnego
Na Ślonsku sławno ta szkoła.

[broneknotgeld]

J.G.Mendel (1835-1840)

Gimnazistom we Opawie
Tu se młody kształcioł prawie

Ło groszku deliberowoł?
Już na genetyka stowioł?

[broneknotgeld]

Starowka

Kaj Plac Gorny i tyn Dolny
Starowka znojdziecie
Zocnie przyńdzie wom czas wolny
Jak tu zoglondniecie.

[broneknotgeld]

Opawa 1945

Toż opawa uciyrpiała
Dyć jakosik podźwigała
Nowe sie ze starym miyszo
Nudli jednak bych niy wiyszoł.

[broneknotgeld]

Tyjater Ślonski

Toż "divadlo" regionalne
Miano zocne - sztuki fajne.

[broneknotgeld]

Kościoł Wniebowziyńcio NMP (XIV w.)

Ceglany gotyk tako w opawie
Ze tym kościołym na wiyrchu prawie
Wieże se zdajom cosik dziwaczne
Dyć bez to bardzi yno som znaczne
We środku miejsca jakby za wiela
Toż cie zodziwio richtig ta sztela.

[broneknotgeld]

Przi granicy

Se zicła opawa przi granicy naszy
Łotwarto na łościyrz i bestoż niy straszy.

Igława

[broneknotgeld]

Igława - połowa XIII wieku

Z downy osady wyrosło miasto
Srybro tutejsze jako te ciasto.

[broneknotgeld]

Igławske srybro

Igławske srybro czechy bogaci
I choć ze czasym przeca tyż traci
Dyć grod se dali ciyngym rozwijo
Po kruszcu sukno go niy łomijo.

[broneknotgeld]

Igława 1523

Łoj - zgoroł kawał naszy Igławy
Łodbudowali - niy skiż zabawy.

[broneknotgeld]

W XVII wieku

Warsztatow tkockich wiela rachujom
Ze siedym setek - w niych siyła - czujom.

Hradec

[broneknotgeld]

Hradec 1061

Nic ze tyn hradec taki jest mały
Chnet tysionc rokow na tych Morawach
Toż historyji wiela mu dały
A we tym richtig zocno jest sprawa.

[broneknotgeld]

Zamek w Hradcu

Toż skiż tego zamku tukej zoglondniecie
Po prowdzie to nawet w Hradcu dwie te sztele
Wpiyrw do Czerwonego pewnikym zojdziecie
Potym Bioły czeko - jako to wesele.

[broneknotgeld]

"Czerwony Zamek"

W "Czerwonym Zamku" muzeum mocie
Tam historyjo szteli poznocie.

[broneknotgeld]

W "Biołym Zamku"

Kunszt malyrski z porcenalym
I klasycyzm niy za stary.

[broneknotgeld]

Kogo tu niybyło?

Liszt, Beethoven, Paganini
Niy som ciyngym w Hradca siyni
We pamiyńci ich tu majom
I muzyce jejich pszajom.

[broneknotgeld]

Zowdy we czyrwcu

Toż zowdy we czyrwcu festiwal tu majom
Z tym Beetovenowi i muzyce pszajom.

Nowy Jiczin

[broneknotgeld]

Nowy jiczin 1313

Już ze tym rokym tukej osada
Niy cołkym "nowy" - dyć po co zwada.

[broneknotgeld]

Handlowali

Piwym, winym handlowali
Nowy Jiczin z tym dźwigali
Tako grod durś gryfnie rośnie
Zowdy widać to przi wiośnie.

[broneknotgeld]

Jiczińske huty

Jak ze Jiczina se hut nosićie
To już ło słonko niy poprosicie.

[broneknotgeld]

Rynek w Jiczinie

Rynek w Jiczinie czeskom perełkom
Toż stond wyjechać niy idzie
Jak tam zoglondniesz ze modom frelkom
Twoj profit - jyj niy ubydzie.

[broneknotgeld]

Jiczińske zobytki

Ratusz poczta i kościoły
Gryfny zamek - toż wesoły
Wandrus co zobytkom pszaje
We Jiczinie łon niy waje.

[broneknotgeld]

Tyjater Beskidzki

Ano - dyć pokusi wdycki
Tyn tyjater co "Beskidzki".

[broneknotgeld]

Nowy Jiczin - Świyntochłowice 1994

Tako kamracom se zocne sztele
Toż przeca wcale niy som kamele
Ślonsko-morawske zdo sie zolyty
Radochy wiela tyż przeca przi tym.

[broneknotgeld]

Nowy Jiczin - Świyntochłowice

Se kamracom na szportowo
Kulturalnie tyż - dom słowo.

[broneknotgeld]

Miyndzynarodowo Olimpiada Dzieci i Młodzieży w Nowym Jiczinie

Z Polski Czech i Słowacyji
Niymiec Francji Italyji
W tym dziecioki konkurujom
Szport kupluje - tako czujom.

Morawski Bieruń

[broneknotgeld]

Morawski Bieruń

W Jesenikach miasto leży
Łod nos blisko - idzie wierzyć.

[broneknotgeld]

"Słoneczno"

Przi Bierunio gorka tako
Toż skiż dyszcza niy zapłakosz.

[broneknotgeld]

Morawski Bieruń 1339

To jedno pewne - z tym rokym był
Możno i piyryj dyć se coś krył.

[broneknotgeld]

Szternberkow sztela

Tyn rod przezocny wiela tu znaczoł
Tako i Bieruń do sia łonaczoł.

[broneknotgeld]

W XIV wieku

Ruda kopali ajza topiyli
Ze tego ździybko se bogaciyli.

[broneknotgeld]

Tyn Bieruń

Niy za wielki - niy za mały
Toż trzi trzista dusz mo cały.

[broneknotgeld]

Przez wieki

Przez wieki całe tako se dzioło
Rosnoł poleku - czasym wesoło
Dzisioj z uciechom tyż zoglondniecie
Tako wos Bieruń pokusi przecie.

[broneknotgeld]

Z końcym XVII wieku

Już Lichtensteinow rod Bieruń czimie
Grod dali ze tym se rośnie
Wele Słoneczny mało kto drzymie
Żyje se bardzi radośnie.

[broneknotgeld]

XVIII/XIX w.

Ano - bergmonow niy trza dziedzinie
I hamernikow tyż tako
Na lnie i tkoctwie se teroz czimie
Za tym co było kto płako?

[broneknotgeld]

Morawski Bieruń 1872

Z Ołomuńca do Karniowa
Cug przez Bieruń jedzie
Cieszom tukej se z banhowa
Som bardzi na przedzie.

forum.gazeta.pl/forum/71,1.html?f=28940

[broneknotgeld]

Morawski Bieruń 1895

Tako ta sztela do gowy skoko
Robiom tu papior co niy przemoko.

[broneknotgeld]

"Granitol"

Wpiyrw tu Hancel papior robioł
Werk do dzisioj przeca stoji
Czas go jakosik niu pobioł
Chlyb durś dowo szteli swoji.

[broneknotgeld]

Ondraszowa

Do Bierunia przipisano
Zdrowiu richtig tyż łoddano.

[broneknotgeld]

"Ondraszowka"

Zelter z Bierunia zdrowia niy kradnie
Dyć go dołoży terozki snadnie.

[broneknotgeld]

Dwa Bierunie

Skamracone dwa Bierunie
Żodyn przi tym niy utonie.

[broneknotgeld]

Dehovka

Z tego Bierunia łorkestra dynto
Ze tych zocniejszych - to se pamiynto
W polskim Bieruniu czynsto jom słychać
Zowdy wesoło z niymi "podychać".

[broneknotgeld]

Grajom w szachy

Dwa Bierunie w szachy grajom
Choć po macie zowdy pszajom.

[broneknotgeld]

"Bieruńske spotkania"

Tako impreza te sztele majom
Dyć przeca czyńści se spotykajom
Trza ło kamratach zowdy pamiyntać
Niy yno skuli wielkego świynta.

[broneknotgeld]

Som "wybuchowe"

Łoba Bierunie som "wybuchowe"
Stond kamracynie siedzi we gowie.

[broneknotgeld]

Morawski Bieruń - Bieruń 14.V.1998

Bierunie piyrwyj se kamraciyły
Niym na papiorze władze szrajbnyły
Dyć ze tom datom klar cołkym majom
Tako se aszom co wiela pszajom.

[broneknotgeld]

W bieruńskim herbie

W bieruńskim herbie niydźwiedź z cangami
Młotek i gwiozdka - widzicie sami
Ze Jesenikow prziloz tyn zwiyrz?
Ano pewnikym - tako mi wiyrz.

Trzyniec

[broneknotgeld]

Choć wielki

Choć wielki Trzyniec
-dusz mo coś mało
Dyć i Ślonzokow
Tu se spotkało.

[broneknotgeld]

Po polsku

Po polsku w Trzyńcu uczyć se idzie
Dwie podstawowki niy som we biydzie.

[broneknotgeld]

Na granicy

Na samy granicy tyn Trzyniec se leży
Bliknijcie na mapa jak niy chcecie wierzyć.

[broneknotgeld]

Se łotwiyro

Nom se Gornom Leśnom tyn Trzyniec łotwiyro
dziedzina gościnno - w kamracyniu szczyro.

[broneknotgeld]

Tyż tyn grod zocny w Euroregionie
forum.gazeta.pl/forum/72,2.html?f=28940&w=44175531
Ze kamracyniym tako niy koniec.

[broneknotgeld]

Czesko sztela

Czesko sztela - tako ślonsko
Z tym zbajstlujom coś niywonsko.

[broneknotgeld]

Niychej granica Ślonska niy dzieli
Po czeski stronie szukej tych szteli
Kerym tyn region wypszony zdo sie
Tako radości z tym wiela mo sie.

[broneknotgeld]

Siedym rokow

Se Bielsko-Biała z Trzyńcym kamraci
Sztele w proficie? Żodno niy traci?

[broneknotgeld]

Dlo Trzyńca

Jest Bielsko-Biała jakimś wyjontkym?
Trza se kamracić ze kozdym kontkym
Bestoż handszrifty na papior dali
Tako we prawie bydom se pszali.

[broneknotgeld]

Bielsko-Biała - Trzyniec XII.1999

Z tym rokym tako echt se kamracom
I skuli tego sztele jo macom.

[broneknotgeld]

Ponoć

Ponoć dobrze im sztartnyło
Dyć se jakoś przidusiyło
Bydzie jeszcze piyknie hulać?
Z kamracyniym niy trza fulać!

[broneknotgeld]

Festiwal Miast Partnerskich

Ano - Bielsko-Biała mo
Toż w tym szansa - mi sie zdo.

[broneknotgeld]

Trzyniec 1444

Toż se w historji jawi ciekawie
Starszych zapiskow niy znodli prawie.

[broneknotgeld]

Huta "Trzyniec" 1839

Czy ku utropie? Czy na pociecha?
Huta nojwiynkszo do dzisioj w Czechach.

[broneknotgeld]

Bielsko-Biała - Trzyniec

Idzie skuplować te sztele fraszkom
Dlo kamracynio możno tyż draskom.

Klimkovice

[broneknotgeld]

We herbie Klimkovic

We herbie lwa majom
Gowiedzi tu pszajom.

[broneknotgeld]

Na połedniu Ślonska

W Klimkovicach kożdy to wiy
Koniec Ślonska - połedniowy.

[broneknotgeld]

Kurort Klimkovice

Toż sanatoryjom w Klimkovicach rośnie
I tako godajom ło tym tu radośnie
Co chnetko tym zdrojym ta dziedzina bydzie
Dobrze już se majom - niy myślom ło biydzie.

[broneknotgeld]

14 kilometrow kwadratowych

Klimkovice chocioż małe
Przeca richtig gryfne całe.

[broneknotgeld]

Sanatorium

Sanatorium tukej majom
Kto przijedzie tymu pszajom.

[broneknotgeld]

Prawie sztyry

Prawie sztyry tu tysionce
Dusz zastowo we dziyń słońce.

[broneknotgeld]

TV Klimkovice

Toż kablowka sztela mo
Co nojnowsze tako zno.

[broneknotgeld]

Kościoł św. Katarzyny

Kościoł świynty Katarzyny melomanow wciongo
Jak se yno łorganista do klawiyry wprzongo
Klimkovicki tyn insztrumynt sławny na Morawach
Ano richtig - dyć dlo uszow nojzocniejszo sprawa.

[broneknotgeld]

Wilczki w kościele

Tako rod Wilczkow dziedzina czimoł
Toż tu niyjedyn wieki przekimoł.

[broneknotgeld]

Ze zamkym

Kościoł ze zamkym zdo sie cuzamyn
Szczyńściym nikt im tu niy pedzioł - amyn.

[broneknotgeld]

W Czechach

Ślonski narod uznowajom
Pewno tyż mu ździybko pszajom.

[broneknotgeld]

Czechy dzisioj

Czi krainy historyczne se w Czechy zlywajom
Dyć Morawy we całości przeca łone majom
A do tego konsek Ślonska - tyż trza ło tym wiedzieć
No i tako Czechy same w ty szteli na przedzie

[broneknotgeld]

Celty

Z historyji łoni piyrsi we Czechach siedzieli
Toż galijske przeca dusze tako isni mieli
Możno dzisioj trza żałować że sie niy łostali
Woda w rzyce dyć niy stoji - ciyngym płynie dali.

[broneknotgeld]

"Oppidia"

Archeolog znojdzie tu celtycke grody
Czas poczynioł we nich jednak wielke szkody.

[broneknotgeld]

Celty II w.n.e.

Z rzeki Otavy złoto płokajom
By bić piniondze ze niego
Celty profity z geldu już znajom
Tako niy cofnie se tego.

[broneknotgeld]

Ze Bojami

Ze Bojami miano Czechow łacińske zwionzane
Kere ich plymiynia ziymi piyrwyj było dane.

[broneknotgeld]

Ze Bojami

Ze Bojami miano Czechow łacińske zwionzane
Kere ziymi ich plymiynia piyrwyj było dane.

[broneknotgeld]

"Boiohaemum"

Toż szteli Bojow łacińske miano
"Bohemiom" dzisioj tyż ziymia zwano.

[broneknotgeld]

Oppidium w Zavisti

Kaj woda Wełtawy z Berounkom se zlywo
Tam już archeolog na sztela podziwo
Co stolicom możno Celtow na ty ziymi
Choć pewności niy ma bo za mało wiymy.

[broneknotgeld]

Celtycke miana

W mianach gor i rzekow do dzisioj słyszymy
Godka downych Celtow - ło tym przeca wiymy.

[broneknotgeld]

I-II w.n.e.

Wytraciyli Celtow daki i Germany
Swoje dokłodali tyż przeca Rzymiany
Tako se w Bohymji terozki już tracom
Chocioż jeji dzieje swojymi bogacom.

[broneknotgeld]

Markomany w Czechach

Po Celtach nastały tu czasy Germanow
Marbuda dyć znomy ze tych Markomanow
Kery tyż Rzymianom umioł se postawić
I legjonom jejich wielke lyjty sprawić.

[broneknotgeld]

V/VI w.n.e.

Roztomajte ludy wtedy wandrowały
Z Awarami tako prziszły i Słowiany
Niy cołkym se jakoś cuzamyn zgodzały
A przeca tu jeszcze te Celto-Germany.

[broneknotgeld]

Państwo Samona VII w.

Frankijski kupiec Samonym zwany
Przeciw Awarom burzoł Słowiany
Ano - wywołoł tako powstanie
Państwo Samona na krotko stanie.

[broneknotgeld]

Fertig z Samonym 658

Samon już niy żyje
Co z państwym se dzieje?
Pewno jakiś Awar
Terozki sie śmieje.

[broneknotgeld]

Wielke Morawy IX w.

Kaj rzeka Morawa swoje wody leje
Zaś państwo słowiańske richtig drapko rośnie
Toż tych Wielkich Moraw ciekawe som dzieje
Sztela se zoglondo w tych czasach ku wiośnie.

[broneknotgeld]

Rzesza Wielkomorawsko

Niy yno Morawy za Mojmirowicow
Idzie se poszukać roztomajtych licow
Ślonsk i Małopolska Czechy Słowacyjo
Łużyce Panonia cuzamyn dyć żyjom.

[broneknotgeld]

Krzest 863

Krzest Wielkich Moraw - tako tyż Ślonska?
Dyć niy tyczyło to Wiślan konska
Podbijać nojpiyrw ich było trza
Jakby krucjata to piyrszo - pra?

[broneknotgeld]

Metody arcybiskupym 869

Mo słowiańszczyzna już prowincyjo
Swoja liturgjo - toz niy mecyjo
Dyć jak zabraknie tu Metodego
Co sie łostanie ze dzieła jego?

[broneknotgeld]

Wielke Morawy 885

Arcybiskupa śmierć już skosiyła
Kto za nim tyn wypyndzony
Łacina teroz pokoże siyła
Kler z Bawaryji ściongniony

Dyć czas Morawow jakby se kończy
Czy już Świyntopełk to czuje?
Kościoł Słowianow ze tym niy łonczy
Możno to ktoś forszteluje.

[broneknotgeld]

Princ Borzywoj 873

Borzywoj czeski zostoł łokrzczony
Metody se tym radowoł
Toż piyrsze miano princa ich znomy
Kraj chnetko bydzie przodowoł.

[broneknotgeld]

Koniec Rzeszy Wielkomorawski 906

Madziary państwo to najechali
Kerym Słowiany rady niy dali
Pomoc bawarsko na nic im zdo sie
Historio grywo czynsto na nosie.

[broneknotgeld]

Państwo czeske

Czychy se chycom ty wielki sprawy
We nich łodrodzom tako Morawy
Jakoś niystraszne już som Madziary
We Przemyślidach tyż wiela wiary.

[broneknotgeld]

Śmierć Wacława I 935

Princ z kerym prziszła na Czechow sława
Państwo łod nowa budowoł
Dyć brata istny mioł Bolesława
Co przeciw niymu już stowoł

Tako i przeloł łon krew bratersko
Z zowiści - czowieka piynty
Poczuł se Srogi ze tym niyhersko?
Wacław dyć gorom bo świynty.

[broneknotgeld]

Bolesław I Srogi (Okrutny)

Toż cera swoja Mieszkowi doł
Z tym państwo Polan łokrzczone
Dyć czy ziyńciowi tyn istny pszoł?
Możno z tym mioł przesmolone?

[broneknotgeld]

Praga 973

Z tym rokym prziszło biskupstwo Pradze
Dyć trza Regensburg mieć na uwadze.

[broneknotgeld]

Chrobry 1003

Zdało sie co Bolek ze Polan plymiynia
Dwie sztele poskłodo we jedna słowiańsko
Noc jednak niy wyszło - to yno marzynia
Ideja zanadto przeca wielkopańsko.

[broneknotgeld]

Niychej se bijom

Praga ze Gnieznym niychej se bijom
Dyć na tym Niymcy yno użyjom
Tako trza wspiyrać to co je dzieli
Dlo interesu niymiecki szteli.

[broneknotgeld]

Brzetysław 1038

Brzetysław lyjty doł fest Polanom
Zdało sie - Piasty ze tym niy stanom
Siyłom juz wrota gniezna łotwarte
Ciało Wojciecha nojwiyncy warte
Toż relikwije zabroł z kościoła
-Wsparcio świyntego niy śmieli wołać.

[broneknotgeld]

Przemysław Ottokar I (1212)

Złotom Bullom Sycylijskom korona mu dano
Elektora cysorskego tako godne miano
Z tym urosły richtig Czechy w europejski ziymi
Wszyscy ło tym teroz wiedzom jako i my wiymy.

[broneknotgeld]

Jak Polok z Czechym

Roztomajcie w downych czasach cuzamyn se dzioło
Wojna czynsto prziłaziyła dyć i pokoj wołoł
Kto ze jedny strony podpod na drugo uciykoł
Ło opieka u somsiada do Ponboczka rzykoł.

[broneknotgeld]

"Warsz"

Czeski rod Wrszowcow z kraju uciykoł
Toż na Mazowszu łosiedli
W jejich "Warszawie" niyjedyn rzykoł
Z "Warszym" na gymbie w boj wiedli.

[broneknotgeld]

Przemysłwa Ottokar II (1253-1278)

Richtig państwo czeske przi niymu urosło
Aż do Adriatyku przeca wtedy doszło.

[broneknotgeld]

Wacław II 1300

Do korony czeski i polsko dołożoł
Z tym rod Przemyślidow teroz wiela wożoł
Dyć krotko to trwało - utropa wnet przidzie
Zły tref jakby czekoł co ze tego bydzie.

[broneknotgeld]

Wacław III 1306

Koniec Przemyślidow po mieczu z tym rokym
Sztylet nom pokozoł co krol tyż borokym
Jako swoj praołpa istny zdo sie kończy
Dyć se we świyntości ze niym niy połonczy.

[broneknotgeld]

Hradczany

Zamek na Hradczanach blyszczy mocno nocom
Wieże przi tym świetle przepiyknie sie złocom
Toż Roling Stonesi fundli tyn "blask" Czechom
Niy yno dlo Pragi prawdziwom pociechom.

[broneknotgeld]

Wielko Pardubicko

Wielko Pardubicko niy jest dlo habety
Lepi jom przerobić na końske kotlety.

[broneknotgeld]

"Budvar" żech se wspomnioł we Budziejowicach
Czym by bez browaru była okolica?

[broneknotgeld]

Co łostało?

Co z Karlowych Warow łostało we gowie?
Becherovka - łona richtig jest na zdrowie.

[broneknotgeld]

Biskupi zamek

Kromierziżki zamek - siedziba biskupa
Kaj w piwnicach robiom zocne mszolne wino
Galerio łobrozkow - arcydziełow kupa
Łogrod co nom jakby raj tyż przipomino.

Ślonsk Opawski

[broneknotgeld]

Ślonsk Opawski

W Czechach tako Ślonzek mocie
Historyjo przeca znocie
Trza mi zaczońć łod Opawy
Niych tyn region se nom jawi.

Opawa

[broneknotgeld]

Opawa

Tam Gołynszyce siedziby mieli
Grod wyros gryfny we jejich szteli
Dali mu tukej Opawy miano
Tako i rzeka była tyż zwano

Pilzno

[broneknotgeld]

Pilzno 1295

Z woli krola Pilzno rośnie
Handlym kwitnie - se rozwijo
Szkryfna tako tu radośnie
To przeca niy tragedyjo.

[broneknotgeld]

W husyckich czasach

Przi katolikach te Pilzno stoło
I choć utropy wiela z tym było
Toż wojna jakby przełazi koło
Miasto niywiela ze tym straciyło.

[broneknotgeld]

Skiż wojny czidziestoletni

Pilzno upodo? Ze tym se traci?
Dyć bydzie tukej jeszcze bogaci.

[broneknotgeld]

260 piwowarow

We sztyrnostym wieku piwowarow tela
Czy se powodziyło mieszczanom za wiela?

[broneknotgeld]

26 browarow

Małe tu browary w siedymnostym wieku
Piwo marne warzom - wiydz ło tym czowieku
Trza bydzie to wszysko we jedno skuplować
By biyr nojzocniejszy ty Europie dować.

[broneknotgeld]

Pilzno piwym słynie

Ano - z jednym już browarym
Pilzno biyrym zasłynyło
Kto zowistny godo - "czary"
Tako siyły wiela wziyło.

[broneknotgeld]

Choć ło Czechach szkryflom tela
wiadomosci.gazeta.pl/wiadomosci/1,53600,3670115.html
Istny wiy durś małowiela

[broneknotgeld]

Tyrol

Austryjacki Tyrol i u nos jest modny
Piyknie bo łon przeca richtig tego godny.


Alpejske Zoo

W Innsbrucku je szukej
Na gorzystym stoku
Dość wysoko tukej
Dyć niy żałuj kroku

Żyje w tym zoo gowiydź
Czynsto jak na hali
Ciekawe jest - powiydz
By inksi zwiydzali.


"Mozartkugeln"

Tako szokolada yno we Austryji
Kup tego do cołki swoji familiji
Nim zjysz se podziwosz na Mozarta gymba
I niy myśl za wiela już ło swojich zymbach.

[broneknotgeld]

1683

Jan III Sobieski kraj tyn uratowoł
Bez jego pomocy Turek wziołby Wiedyń
Wolność a niy jasyr jakby jymu dowoł
Polska blysła mocno tyż naprowdy wtedy.

[broneknotgeld]

Franc Sacher

Niym stary Sacher Pyjtra łoboczoł
Synom hotele gryfne wystawioł
Jedyn we Wiedniu jakby se kroczoł
Drugi tyn kurort Baden zabawioł.

[broneknotgeld]

14 źrodeł

W Baden źrodeł majom wiela?
Dyć sztyrnoście - piykno sztela.

[broneknotgeld]

August III Mocny

Niy yno we Baden toploł ciało swoje
Dyć ze duszom przeca toczoł "wielke boje"
Z protestanta tukej katolikym zostoł
Korona ty Polski potym pryndko dostoł.

Puacki sie cisnoom same do uocoow!

[Gość: pasikoonik]

Tu uo pjerdouah jak w Badyn-Badyn.
Tam z familokym, co ... szkodyn godyn!

Uobulac' majoom, kaj Janosz przeca,
Szloonzek zagarniou na zas', ... do neca.

Ze kjerym poszou we S'wjot daleki
i kwolba Ziymi przinioos na wjeki!

Pjyrszy niy przeloonk sie uodpoworzyc'
kreola pjyknos' inkszym uotworzic'!

Do tero puacki wycisko Nooma
z "Holoonka" buha korzdius'ko "krooma".

Bydzie sie hihrac' kciec' koomu jesce,
kej poo Niym niszczoom na Pamjyn'c' MJEJSCE?!

[broneknotgeld]

"Wiedyński bal"

Balym noworocznym Wiedyń ciyngym słynie
Na kerym krolujom walce Straussa piyknie
Cołki rok jak chwila potym wszyskim minie
W Operze Wiedyński radości wystyknie.

[broneknotgeld]

Wiedyńczyk

Godajom że cosik łon jest jakby dziwny
Cysorstwo durś w gowie - bestoż taki sztywny.

[broneknotgeld]

"Muzeum Pogrzebu"

Wiedyńczyka przeca kuszom durś cmyntorze
Majom te muzeum - jedyne w Europie
Dziwować se idzie na "łostatnie łoże"
Yno se niy sztresuj przi tym wcale chopie.

[broneknotgeld]

Dunaj

Płynie łod Szwarcwaldu do Morza Czornego
We Wiedniu koloru jest richtig modrego
Krzipkom to jest winny no i tyż walcowi
Toż kożdy w Europie przeca ci to powiy.

[broneknotgeld]

"Torta Sachera"

Franz Sacher upiyk dlo Metternicha
Torta co była we wercie grzycha
Ze tortynsztikow hotel wystawioł
W kerym se Wiedyń zocniejszy bawioł

I choć skiż tego były mecyje
"Torta Sachera" ciyngym tu żyje
"Sacher" i "Demel" pospołu pasie
Nic że niydowno skoczyły na sie.

[broneknotgeld]

Świynto Jabka 25-26.IX.04

Karyncko miejscowośc w Laventtal Dolinie
Swojim Świyntym Jabka we Austryji słynie
Łoj bydom sie dzioły tu "cuda jabkowe"
Zadziwi przi tymu niyjedyn se czowiek.

Salzburg

[broneknotgeld]

"Mozart Woche"

Ze gyburstagym w styczniu co roku
Zoglondnij w Salburg - niy żałuj kroku
Toż tu kroluje wtedy muzyka
Dlo nos gyniusza no i klasyka.

[broneknotgeld]

We Wielkim Domu Festiwalowym

Ano dyć prowdom richtig jest wszysko
Mozartym dycho cołke gmaszysko
Arie symfonie - tydziyń z muzykom
Zdo sie - uszami do Bozi rzykom.

[broneknotgeld]

"Tydziyń Mozartowski"

Latoś trwoł dugo - aże dwa tydnie
Dyć ta muzyka przeca niy zbrzidnie.

[broneknotgeld]

Wolfgang Amadeusz Mozart
27.01.1756

Toż Anna Maria na świat wydała
Syna bo łojcu to łobiycała
Fater Leopold - to szkryfnońć musza
Jeszcze niy wiedzioł ze mo gyniusza.

[broneknotgeld]

"Getreidegasse 9"

Czi małe izby na czecim sztoku
Tu familijo z muzykom żyła
Łojciec syn cera jakby w przedskoku
Matka co dugo z niymi niy była.

[broneknotgeld]

Insztrumynty

Krzipce klawikord i flet do tego
Znaki dzieciństwa tu som istnego
Toz familijo durś muzykuje
Yno ta matka w doma haruje.

[broneknotgeld]

Przekludzka 1773

Se Mozarty przekludzali
Aż za Salzach tako dali
W kamiynicy teroz majom
Sztok caluśki - toż niy wajom
Ze muzykom w gora idom
Łona dlo nich niy jest biydom.

[broneknotgeld]

Niy lubioł

Niy lubioł Mozart w Salzburgu siedzieć
Dyć za niym sława ze czasym jedzie
Kaj yno w zocy jego muzyka
Terozki Salzburg do niyj chce rzykać.

[broneknotgeld]

Salzburg 2006

Dyć ćwierć tysionca już rokow tymu
Tako trefiyło miastu istnymu
Że Mozart łotwar na świat tu łoczy
Ze niym muzyka świycić chce w nocy.

[broneknotgeld]

Madziar

Toż bratanek łod Poloka
Trza by teroz tam poskokać.

[broneknotgeld]

Tokaj

Tokaj widzom moje łocy
Zaroz Madziar u mie w zocy.

[broneknotgeld]

Salami

Rodym z Italji - krolym Madziarow
Łoni z niym robiom nojwiyncy czarow.

[broneknotgeld]

Propagando unijno

Kusiyli Madziarow ponoć przepowiedniom
Że bydom łotwiyrać cukiernie we Wiedniu.

[broneknotgeld]

"Buso" w Mohaczu

W "Buso" we Mohaczu wielce sie radujom
"Buszowniki" tukej festelnie świyntujom
To jakby pamiontka historyji miasta
Pij tańcuj i śmiyj sie - szczyńście we tym - basta.


Downo tymu

W bitwie pod Mohaczym Turki gorom byli
I zaroz te ziymie sami zasiedlyli
Tutejszym niywola zoglondnyła w łoczy
Pokryli sie wszyńdzie by niy być w ich mocy

Po lasach barzołach na wyspech Dunaju
Szczyńście sie skończyło - niy ma dlo nich raju
Dyć roz przi branderze starzik przepowiedzioł
Że wrocom zaś do dom - łon dobrze to wiedzioł
Broń im kozoł znosić robić groźne maski
I czekać durś znaku - jakby Boży łaski.

Tako tyż sie stało - ciyrpliwie czekali
W końcu przeca znak tyn - jak godoł - dostali
Poszli z tym co mieli - Turka przegoniyli
W Mohaczu juz teroz panami zaś byli

Tako to legynda ło tych dziejach prawi
Skiż tego sie miasto we karnawał bawi
I chocioż historio coś inkszego godo
Tańcuj ciesz sie z niymi - to szczyńścio ci dodo.


"Odrodzynie"

Odrodzynie! - Tako ryczom tukej dzieci
Jak już tyn karnawał we Mohaczu leci
Bajtle swojym larmym wszysko zaczynajom
Dyć potym sie starsi w zabawa włonczajom.


Plac Kolo

Tukej sie zbiyrajom ichnie przebiyrańce
Kożdy maska nosi z wielkimi rogami
Larma robiom wiela zaczynajom tańce
Jak głowami Turkow bawiom sie kreplami.


Łostatnio niydziela

Cały dziyń zabawa - świyntujom do nocy
Na koniec zaś łogyń se ciepie we łoczy
Wielgachny fojery pamiontki po czasach
Jak kryć sie musieli przed Turkym po lasach.

[broneknotgeld]

"Egri Bikaver"

Winorośl tu rośnie łod tysiynca lot
Ponoć piyrwyj zakon ze tego był rod
Ze Egeru wino leje sie na stoły
Zocne ludzie pijom a niy jakeś woły
Przeca wszyscy wiymy że to "krew buchaja"
Niy godej że inkszo bo zarozki haja.

[broneknotgeld]

Wiosna w Holloko

W Wielkanoc tukej cieszom sie wiosnom
Toć dubeltowo sztela radosnom
Świynta z folklorym razym we zgodzie
Przeca nikogo to niy zabodzie.

[broneknotgeld]

Hajduszoboszlo

Hajducko osada tym łod downa słynie
Że woda termalno ze źrodeł tu płynie
Jak mosz ryjmatyka to jom podkurujesz
Jeszcze bydziesz fikoł - se to forsztelujesz?

[broneknotgeld]

Dzike Pola???

Kaj madziarske "Dzike Pola?
Tam hajducko samowola
Turek strugoł swoje klocki
Tako ksionże siedmiogrodzki
Miyndzy niymi zaś tyn "kraj"
Dlo hajdukow jakby raj.

[broneknotgeld]

Hajduki

Rozbujniki a niy pany
Zdo sie jakby "partyzany"
Z Turkym tako se durś biyli
Choć "cudzego" tyż złupiyli.

[broneknotgeld]

"Hajdu"

Kaj te hajduki se łosiedlali
Zowdy do miana szteli dowali.

[broneknotgeld]

"Zwionzek Hajducki"

Szejść szteli "Haju" Zwionzek kuplowoł
Tako do boju cuzamyn stowoł
Piyńć se szłapcugym durś wojowało
Hajduszoboszlo konnych dowało.

[broneknotgeld]

Kapitany

W kożdy szteli kapitany
Kery konny tyn hetmanym
Ze tym te Hajduszoboszlo
Do znaczynio richtig doszło.

[broneknotgeld]

Prawie jak obóz

Hajduszoboszlo - "obóz warowny"?
I dzisioj znojdziesz tu muster downy
Przeca hajducko piyrwyj osada
Tako dlo Turkow tyż z niyj zawada.

[broneknotgeld]

"Tized"

Ano - do dzisioj tukej kwartały
Miano "dziesiontki" w szteli łobrały
Z hajduckich czasow to richtig jeszcze
W tym "minioddział" tako i wierzcie.

[broneknotgeld]

Istwan Bocskai (XVII w.)

Magnat tutejszy hajdukow czimoł
Dboł by duch jejich wcale niy drzymoł
Dyć ich na ziymi swoji osadzioł
Jak bić se prziszło - z niymi paradzioł.

[broneknotgeld]

Istwan Bocskai w Polsce

Princ siedmiogrodzki chycioł korona
Czuł se w Warszawie teroz jak w doma
Bocskai do Polski tyż zoglondywoł
Na ukraińskich kozokow dziwoł
Muster z nich dowoł potym hajdukom
Czy sie udało? -Jo niy pokukom.

[broneknotgeld]

W Hajduszoboszlo

W Hajduszoboszlo djoskow tyż mieli
Ponoć po studniach se kryli
Ludziom znak dować czasami chcieli
Głymboko woda polyli.

[broneknotgeld]

Na metanie

Ech - co se ze tym we końcu stanie?
Cołko dziedzina jest na metanie
Dzisioj gaz ziymny stond wyciongajom
Sztromu, poliwa za tela majom.

[broneknotgeld]

Gorko solanka

Gorko solanka tyż ziymia dowo
Ze jodym bromym fluorym
Toż przijedź tukej byś chnet łozdrowioł
Zapomnisz żeś bywoł chory.

[broneknotgeld]

Festiwal Wina 28-31.05.04

Że mie tam niy bydzie - szkoda
Bych se wina poprobowoł
Tela yno chca tu dodać
Tokaj zowdy mi smakowoł.

(fraszka zaszłoroczno)

[broneknotgeld]

Festiwal - Balaton

Ponoć pod koniec maja sie dzieje
W Keszthely - mieście nad Balatonym
Do tego serce sie wszyskim śmieje
Przijedź a bydziesz tyż ucieszony.

[broneknotgeld]

Budapeszt

We stolicy co pionty Madziar zamiyszkuje
Bestoż łona wiela we tym kraju znaczy
Ze "Perły Dunaju" kożdy sie raduje
Czamu? -Se możecie ło tym tu łonaczyć.

[broneknotgeld]

"Dzielnica żydowsko"

Stare kamiynice w końcu pobulyli
Krolewsko ulica nowościom aż blyszczy
Restauracyj hoteli wiela nawalyli
Czy richtig Budapeszt na tym jednak zyszczy.


Ferencvaros

To jakby Soho we Budapeszcie
Cosik mi szepto do ucha - wierzcie.

[broneknotgeld]

Budapeszt

Jedna czecio Madziarow miyszko w Budapeszcie
Toż wiela łon znaczy we tym kraju - wierzcie.

[broneknotgeld]

"Perła Dunaju"

Tako Budapeszt zowiom łod lot
I kozdy Madziar ze tego rod
Asi sie ciyngym łon swojom sztelom
Bronić mu tego dyć niy łośmielom

[broneknotgeld]

"Aquincum"

Tukej garnizon Panonii Niższy
Jak prowincyjo Rzym dlo sia czimoł
We czasach w kerych jeszcze był "wyższy"
A Hun na wschodzie daleko drzymoł.

[broneknotgeld]

Buda -V w.n.e.

Kohorty rzymske już zapomniane?
Hunom te ziymie teroz pisane?
Aquincum w rynkach Atylli brata
Mianym se wpisoł na duge lata
Bo przeca zwali go łoni - Buda
Toż historyji ciekawe cuda.

[broneknotgeld]

Migracyje

Sie w historio ty ziymi wpisały
Longobardy Awary Słowiany
Dyć we końcu tu prziszli Madziary
Zdo sie jakby łod Boga "lond" dany.

[broneknotgeld]

Madziary (896)

Ano - łosiedli se przi Dunaju
I skosztowali swojego raju
Na tysionclecia jaky stanyli
Nom zdo sie - zowdy już tukej byli.

[broneknotgeld]

Arpady

Klan Arpadow władza chycioł
Se krolestwo z tym uklycioł
Przijoł tako krześcijaństwo
Już Madziary niy pogaństwo.

[broneknotgeld]

W XII wieku

Buda ze Pesztym se rozwijały
Chocioż przegrodzoł je Dunaj cały.

[broneknotgeld]

Buda i Peszt -1244

Toż z Mongołami prziszła utropa
We Budzie jako i Peszcie
Czy je podźwignońć styknie siył chopa?
Ano sie stało - uwierzcie.

[broneknotgeld]

"Ofen"

"Ofen" - dyć Niymce tak zwali Buda
Jak po Tatarach dźwigali
Z wapiynnkami były tu cuda
Łod piecow te miano dali.

[broneknotgeld]

"Peszt"

"Peszt" po słowiańsku tyż "piec" znaczyło
-Zdo sie zogłymbie wopiynne było.

[broneknotgeld]

Buda stolicom

Przi Andygawynach ta sztela blysnyła
Za krolewskim zamkym zowdy idzie siyła
Toż Madziary tako szczyńśliwie se żyjom
Bogactwa swojego tyż nawet niy kryjom.

[broneknotgeld]

"Dobry Krol Maciej"

Za Macieja Buda przeżywo wiek złoty
Choć już Turki chnetko przeczepiom galoty.

[broneknotgeld]

Po Mohaczu (1526)

Ano - krew Madziarow drapko wsionko w ziymia
Co było wielkego już terozki niy ma
Z niywolom tureckom idzie poniżynie
Aże sie łobudzi w Europie sumiynie.

[broneknotgeld]

160 lot niywoli

Niy był Madziar z tego rod
Szczimać Turka tela lot
Dyć niywola se skończyła
Buda juzaś rośnie w siyła.

[broneknotgeld]

Za Habsburgow

Za Habsburgow Peszt urosnoł
Tako samo Buda
Jakby już woniało wiosnom
Co przinosi cuda.

[broneknotgeld]

W XIX wieku

Już most łańcuchowy z Budy w Peszt cie wiedzie
Zdo sie co "Budapeszt" w historyjo jedzie.

[broneknotgeld]

Marzec 1848

Wiosna Ludow se w Peszcie zaczyno?
Ze Kossuthym, Petofim tu yno
Krew Madziarow niy poszła na darmo
Chnet plon wydo wolności tu ziarno.

[broneknotgeld]

Tuplowano Monarchio 1867

Ze tym rokym - richtig wierzcie
Cysorz krolym w Budapeszcie.

[broneknotgeld]

Połonczynie

Se Peszt z Budom zlepioł tako
Że nom zdo sie już jednako
-Jakby niy boł skuplowany
-Łod zowdy cuzamyn dany.

[broneknotgeld]

Przed I wojnom

Na Wiedyń czasym Budapeszt kiwoł
I bez zowiści we Paryż dziwoł.

[broneknotgeld]

Budapeszt - stolica Republiki Rad

Toż był "radziecki" pod Belom Kunym
Jednak uklynknoł chnet przed Rumunym.

[broneknotgeld]

Za Horthyego

Za Horthyego - admirała
Fest stolica balowała
Ano - regyntura tako
Dyć niy wszyskim z tym jednako

Tu bal a tam marsz głodowy
Nacjonalizm tyż niy nowy
Ze Madziara robiom przi tym
Prawie że antysemity.

[broneknotgeld]

We II wojna światowo

Horthy czimoł władza dugo
Dyć i jego koniec mrugo
Som Madziary faszystami
Zwom ich "Strzałokrzyżowcami".

[broneknotgeld]

Festung Budapeszt

Mosty na Dunaju piyrwyj pozrywane
Armiji Czerwony miasto niy poddane
Kanony roboty majom na poł roku
Niym prziszło do Ruskow łostatniego kroku.

[broneknotgeld]

"Mały Stalin"

Za Matiasa Rakosiego
Było im tu brak "Wielkiego".

[broneknotgeld]

Imre Nagy

Z niym komuny zdo sie mniyj
Dyć chnet Moskwa godo - "Wiyj".

[broneknotgeld]

Budapeszt 1956

Przeciw komunie krwawe powstanie
Dyć ćmok czerwony jednak nastanie.

[broneknotgeld]

Janosz Kadar

Zdrajcom wpiyrw go mianowali
potym spokoj jednak dali
Moskwa tako pochwolyła
Jakby trocha tyż ulżyła.

[broneknotgeld]

"Gulaszowy socjalizm"

Już Madziarow fest niy straszy
Toż czerwonym jest gulaszym.

[broneknotgeld]

1889/1990

Komuna kono
Czas nowy idzie
Dlo Budapesztu
Czy dobry bydzie?

[broneknotgeld]

Blikej na Buda

Blikej na Buda z brzegu Dunaju
Zdowo sie gryfnym dziełym czowieka
Niy przipomino dyć wcale raju
Bestoż niy bydziesz tu na to czekać.

[broneknotgeld]

Wzgorza

Wzgorza we Bydzie rożniste znocie
Wiela ich richtig w ty szteli mocie?

[broneknotgeld]

Wzgorze Zamkowe

Wzgorze Zamkowe zamek mieć musi
Toż łone piyrsze turystow kusi.

[broneknotgeld]

Do wzgorza ida

Przez Miasto Wodne do wzgorza ida
Ździybko zmynczony pewnikym byda
Niym przed tom Bramom Rybackom stana
Dyć mie tyn zamek pokusioł z rana.

[broneknotgeld]

Ryboki broniyli

Ano broniyli baszty ryboki
Jak wrog podłazioł pod zamek
Teroz wandrusow durś słychać kroki
Z niymi nastowo tu ranek.

[broneknotgeld]

"Niykończonce sie schody"

Z rachunkym jejich niy bydzie zgody
Przeca niy kończom sie tukej schody
Rybacko Baszta se niymi asi
Tako Zamkowe wzgorze tyż krasi.

[broneknotgeld]

Siedym wieżyczek

W Rybacki Baszcie wieżyczek siedym
Plymion madziarskich tyż tako
Choć władza chycioł naprowdy jedyn
Piyrwyj niy było jednako.

[broneknotgeld]

Baszta Rybacko żyje

Handlym muzykom i turystami
Ta baszta zdo sie durś żyje
Transylwańskimi nawet haftami
W kerych kunszt ziymi se kryje.

[broneknotgeld]

Kościoł Macieja

We środku wzgorza kościoł Macieja
Krola co miano mioł Dobrodzieja
Maryji Pannie jest poświyncony
Dyć skuli władcy tako go znomy.

[broneknotgeld]

Herb Macieja Korwina

"Corvus" - toż przeca miano jest kruka
Trza ze tym ptokym herbu wom szukać.

[broneknotgeld]

Jako to było?

Jako to było z tym Budapesztym?
Skuplowoł miasta dwa łon bez reszty?
Dyć kajś żech czytoł co nawet trzi
Czy ktosik ło tym coś wiyncy wiy?

[broneknotgeld]

Jako bratanki

Co budzke gorom - pesztańske dołym
Toż tukej czowiek zowdy wesoły
Madziar z Polokym tako bratankym
Popijom nocom - pociyrpiom z rankym.

[broneknotgeld]

Jest cwańszy

Madziar - do tego budapesztańczyk
Bywo że łod Poloka jest cwańszy.

[broneknotgeld]

"I do bitki i do szklanki"

Na roz - pije
Na dwa - bije
Dyć po prowdzie przi kelichu
Zapomino se ło grzychu.

[broneknotgeld]

Paryż Środkowy Europy

Ano - jako Paryż nad rzekom se leży
I chocioż tyn Dunaj to niy jest Sekwana
We to dyć możecie richtig przeca wierzyć
-W łobu sztelach czujesz se podobnie z rana.

[broneknotgeld]

Se wrocisz

Mosty Budapesztu i wyspy na rzece
Sprowiajom że tukej se wrocać durś chcecie
Tyż gorzysto strona co budziskom była
Zdowo cie durś kusić - we tym jeji siyła.

[broneknotgeld]

Za wielki?

Budapeszt se zdowo w tym kraju za wielki
Tela tu Madziarom - toż niy duperelki.

[broneknotgeld]

Czy łodkryja?

Celtycko osada - z czasow rzymskich fortym
Stolica Panonii i twierdza Madziarow
Toż grod nad Dunajym zowdy wiela worty
Czy rymym łodkryja ździybko jego czarow?

[broneknotgeld]

Tu żyć

Żyć we Budapeszcie
Toż uciecha - wierzcie!

[broneknotgeld]

Gora Gellerta

Starom Gorom piyrwyj zwano
Mo świyntego teroz miano.

[broneknotgeld]

Staro Gora

W czasach pogańskich miejsce kultowe
Cześć swojim bogom tu łoddowali
Niym krześcijański stanoł se czowiek
Naturze tako tyż tukej pszali.

[broneknotgeld]

Na sabat

Słynyła Staro Gora sabatym
Hexow bawiyło se tukej wiela
I djoboł lotoł kery sagaty
Chcioł ciyngym zdybać niywinno frela.

[broneknotgeld]

Św. Gotard (XI w.)

Tukej świynty Gotart Gellertym tyż zwany
Śmierć mu zrychtowali mynczyńsko pogany
Wraziyli biskupa do beki dymbowy
Z gwoździami łod środka - koncept jakby nowy

Toż tako ze gory se w Dunaj pokuloł
Przeżyć tego niy mog - toż niy byda fuloł
Yno we pamiyńci - tako ze świyntymi
Do dzisioj łon ciyngym jakby na ty ziymi.

[broneknotgeld]

Dynkmal św. Gellerta

Na wschodnim zboczu ty gory stoji
Beka fest po niym kulała
Ło wiara dzisioj se już niy boji
Choć spiż to jednak niy skała.

[broneknotgeld]

Źrodełko

Wele Gellerta źrodełko trysko
Świynty zoglondo na woda
Duch jego wiary tyż tukej miyszko
Ciyrpiyń Istnego niy szkoda?

[broneknotgeld]

Na Gorze Gellerta

Na Gorze Gellerta wielko cytadela
Austryjo dźwignyła by wachować sztela.

[broneknotgeld]

Cytadela 1849

Po madziarskim powstaniu te mury stanyły
Toż Budapesztowi tako tyż groziyły
Coby se Habsburgom buntować niy ważoł
Ło swoji wolności przeca ciyngym marzoł.

[broneknotgeld]

Niy zaznała

Tako historyjo se dali kulała
Wojny cytadela prawie niy zaznała
Wpiyrw koszary tukej potym zaś lazaryt
Przitułek kaj siedzioł kto chory i stary.

[broneknotgeld]

Dzisioj cytadela

Dzisioj tako twierdza służy już zabawie
Geld tu możesz wydać przenocować prawie
By rano zaś zwiydzać dali miejsko sztela
Bo czasu i na to potrza richtig wiela.

[broneknotgeld]

Z murow cytadeli

Na Budapeszt blikej z murow cytadeli
Gryfnościom zodziwi jako ciało freli.

[broneknotgeld]

Madziarsko "Statua Wolności"

Toż przi cytadeli tyn dynkmal znojdziecie
Na chwała Sowietow tukej stanoł przecie
Choć cześć dlo Horthyego łon piyrwyj mioł głosić
Ło pamiyńć dlo syna Miklasa tyż prosić.

[broneknotgeld]

"Statua Wolności" w Budapeszcie

Ech - frelka z liściym palmowym
Dźwigniony łon wyży gowy
Karlus ze faklom zas niży
Teroz wolności już bliży
Bo gwiazda z dynkmalu sciongniono
Armijo tyż wykludzono.

[broneknotgeld]

Skalno kaplica (1924)

Łod połednia zocny gory
Jest paulinow tu kaplica
Przeszły już nojgorsze chmury
Matki Boski zocne lica
Chroniom wiernych i dziedzina
Jako w polski Czynstochowie
We łopiece tyż u Syna
Kery rzyko tukej czowiek.

[broneknotgeld]

Jasnogorskich paulinow
Tyż Budapeszt gości
Choć gańbi se winom
Teroz drogi prości.

[broneknotgeld]

Wielkanoc 1951

Kaj Wzgorze Gellerta pauliny rzykali
Dyć przeca bezpiece łodporu niy dali
Przeor śmieć mioł łod nich nojpiyrw "naszkryflano"
Inkszym dziesiyńć rokow kozy tako dano.

[broneknotgeld]

Zamurowali

Kaplica zocno zamurowali
Możno skiż strachu tako tyż dali
Dyć niy na wieki - czas lepszy prziszoł
Ze tom świontynkom jeszcze namiyszoł.

[broneknotgeld]

Skalno kaplica 1989

Co zamurowali teroz rozkuwajom
Matce Boski przeca durś Madziary pszajom
Trzi roki z "blombami" se jeszcze mynczyli
Niym to zaś pauliny we opieka wziyli.

[broneknotgeld]

Hotel Gellert 1918

Hotel Gellert już łotwarty
Wele gorki ło tym mianie
Toż secesji zocne "karty"
Nojgryfniejsze - gaftnij na nie!

[broneknotgeld]

W miyndzywojniu

W miyndzywojniu tu elita
W miyndzywojniu tukej bale
Toż bajlaga a niy sznita
Hotel Gellert w cudnym szale.

[broneknotgeld]

Basyny Gellerta

"Antyk" - marmur, mozaiki
Lwy co wodom ciyngym plujom
Aż po gowie łazom bziki
Coś ze tego forsztelujom?

[broneknotgeld]

Ponoć

Ponoć już piyrwyj se tu toplali
Tako w źrodełkach tyż kurowali.

[broneknotgeld]

W Aquincum

Termy w Aquincum dźwigli Rzymiany
Koncept zocniejszy tu istnym dany?

[broneknotgeld]

Pogańske Madziary

Ano toplali se w źrodłach istnych
Toż Dunaj ło to niy był zowistny.

[broneknotgeld]

Budapeszt Zdroj

Ano - dyć zdrojym jest ta stolica
Źrodła mo zocne w swych okolicach
Jako je dzisioj wszyske zrachować?
Ważne że tu sie idzie kurować.

[broneknotgeld]

Przeszło 120 źrodeł

Toż se niy dziwujcie że Budapeszt zdrojym
Co w raji kurortow na przodku tyż stoji.

[broneknotgeld]

Sokoli Pasza (XVI w)

Piyrszy pod kopułom łaźnia tu postawioł
Toż i we ty szteli istny se zabawioł.

[broneknotgeld]

Za Turkow

Za Turkow Budapeszt w warzity bogaty
Chocioż se seblyko przeca niy sagaty.

[broneknotgeld]

Łaźnia Rudas

Do Gory Gellerta idziesz Mostym Eli
Tako chnetko bydziesz we łaziynny szteli.

[broneknotgeld]

W badyhausie Rudas

Przi Dunaju wele gory
Stare łaźnie cie witajom
Tu zapomnisz jakiś chmury
Ciału no i duszy pszajom.

[broneknotgeld]

"Hammamy"

Ano - po Turkach tela łostało
Toż jejich łaźni przeca niymało.

[broneknotgeld]

Łaźnie

Łaźnie w Budzie, łaźnie w Peszcie
I na Wyspie Małgorzaty - wierzcie
Idzie zwać je warzitami
Wszyske? Łodpowiydzcie sami.

[broneknotgeld]

"Jesil Direkli Ilidże"

Za Turkow łaźnie take tu były
Możno derwiszom dowały siyły.

[broneknotgeld]

Gora Zamkowo

Niywysoko chocioż dugo
Starym miastym do nos mrugo
Łod połednia na niyj zamek
Atrakcyje tukej same.

[broneknotgeld]

Po Tatarach

Fest po Tatarach tu budowali
Bo gora lekci łobronić
Mniyj se najazdow tako strachali
Chocioż niy było to toni.

[broneknotgeld]

Zamek Beli IV

Krol Bela Buda tako założoł
Zamek podźwignoł tyż zocny
Co przi Dunaju dość wiela wożoł
Choć niy na wieki był mocny.

[broneknotgeld]

Piyrszy

Toż Bela piyrszy zamek postawioł
Dyć niy łostatni - tref tako sprawioł.

[broneknotgeld]

Buda

Na zamkowym wzgorzu ta Buda wpiyrw rosła
Drapko do znoczynio wielkego tyż doszła
Tu przeca monarcha mioł siedziba swoja
Zdało sie co richtig dobro to łostoja
Dyć utropa prziszła razym ze Turkami
A na koniec tako Sobieski z wojskami.

[broneknotgeld]

Sobieski w Budzie

Mo Sobieski wiktoryjo
Dyć dlo Budy tragedyjo
Co po krolach tu łostało
Z ziymiom tako se zrownało.

[broneknotgeld]

Budzke zamki

Wpiyrw zamek Beli tu średniowieczny
Potym Korwina - renesansowy
Habsburgow trzeci - dyć tyż niy wieczny
Po drugi wojnie łon cołkym nowy.

[broneknotgeld]

Barokowy zamek

Toż Marja Teresa dźwigo tako sztela
Za Franca Jozefa pozmiyniali wiela
Choć przi II wojnie cołkym se wypoloł
Dyc łodbudowali - byda jo ich chwoloł.

[broneknotgeld]

"Sikló"

Kolejkom "sikló" na gorka wjedziesz
Do zamku yno dwa kroki
Niychej twoj anioł stroż cie zawiedzie
Do Budy jeszcze z tym rokym.

[broneknotgeld]

Przi bramie zamku

Przi bramie zamku turul ze broniom
Mieczym wandrusow już niy łodgonion.

[broneknotgeld]

Turul

Tako już Madziary łod wiekow bajajom
Co w turulu przodka jejich wodze majom
Jako i nasz oreł podobnym jest ptokym
Wodz mo go patronym - toż nigdy borokym.

[broneknotgeld]

Ponoć

Ponoć w boj wiod turul princa Sabaudzkego
Prawiyli co nawet wojska Sobieskiego.

[broneknotgeld]

Princ Eugyniusz Sabaudzki

Na dziedzińcu zamku we tym Budapeszcie
Epny konny dynkmal istnego - uwierzcie
Wodz ze niego zocny co Turkow fest bioł
Ponoć lepszym yno tyn Sobieski boł.

[broneknotgeld]

Madziarsko Galeryjo Narodowo

Kunszt madziarski tukej mocie
Tako se i fest dziwocie
W galeryji tysionclecie
Ciepiom wom przed łoczy przecie.

[broneknotgeld]

Gotycke ołtorze

Gotycke ołtorze widzisz w Galeryji
Z dziedzin co już dzisioj Madziary niy czimiom
Czy cosik ci pedzom ło ich tragedyji?
Zdo sie co terozki yno se tu drzymiom.

[broneknotgeld]

Fontanna krolewsko (1904)

Macieja Korwina widać tu na łowach
No a wele niego gryfny frelki gowa
Modziutko Ilonka sarynka se czimie
I pewnikym niy wiy co śmierć kajsik drzymie

Krol choć jeszcze mody przeca już żyniaty
Łoj - niy posuchała dziołuszka se taty
Tako jeji pszonie chnet śmiertka przerwała
Choć dusza i potym do władcy targała.

[broneknotgeld]

Magiczno fontanna

Kto do ty fontanny forint jakiś wciepnie
Tyn zowdy tu wroci niym krew w żyłach skrzepnie.

[broneknotgeld]

Zamek - krzidło połnocne

Krzidło połnocne - kunszt tu dzisiejszy
Niy wszyscy myślom co pośledniejszy
Czasym tymaty richtig zodziwiom
Aże fest ludzie głowami kiwiom.

[broneknotgeld]

Lwi Dziedziniec

Przez brama z lwami tam se wlejziecie
Dyć niy pogryzom wos łone przecie.

[broneknotgeld]

Bibliotyka Narodowi im. Szechenyiego

Zdo sie na muster ty "Corviniany"
Kero krol Maciej piyrwyj zrychtowoł
Dyć rozgłos taki niy jest jyj dany
Choć u Madziarow wysiko stowo.

[broneknotgeld]

Budapesztańske Muzeum Historyczne

W krzidle połedniowym Zamku Krolewskego
Na gorze zamkowy niy łomijej tego
Ciyngym zdo sie dycho tukej średniowiecze
A rzeźby gotycke werte łoka przecie

Dyć i historyjo Budapesztu tukej
Na talyrz ci kładom - kaj ińdzi niy szukej
Toż we tym muzeum spokopisz dość wiela
I zocniejszom zdo sie potym cołko sztela.

[broneknotgeld]

Turecki kerhof

Na stokach gory w parku se skrył
Łod kedy tukej tyn kerhof był?

[broneknotgeld]

Dynkmal "honveda"

"Honved" we Wiosna Ludow wojowoł
Łod Aystryjoka Madziara bronioł
Nic że se w końcu rady niy dowoł
Dyć z Budy istnych piyrwyj przegonioł.

[broneknotgeld]

"Honved"

Toż na kanonie honveda mocie
Budy se chycioł choć krotko ino
Krew, pot, łodwaga istnego znocie
Łon Wiosna Ludow durś przipomino.

[broneknotgeld]

Pod dynkmalym honveda

Kwiotki w kolorach ze fany wziynty
Ciyngym tu leżom - zdo sie co świynty
Tyn kery bronioł przeca wolności
Choć trzimoł krotko jom w swoji gorści.

[broneknotgeld]

Plac Świynty Trojcy

Toż starowki Budapesztu serce zdo sie bije
Kto zoglondnie yno tukej pewno to łodkryje.

[broneknotgeld]

Dynkmal Świynty Trojcy

Trzista rokow tymu dżuma tu szalała
Niyjednego przeca ze Budy zabrała
Jak se już straciyła rajce uradziyli
Że dynkmal wystawiom bo pamiyńć tyż myli.

[broneknotgeld]

Na starym ratuszu

Atyna-Pallas znojdziesz w wykuszu
Ze niom se bronić ty Budy ruszom
Możno skiż tego herb w rynce trzimie
Ciyngym jom potrza - dyć niy podrzymie.

[broneknotgeld]

Kościoł Macieja

Toż Maciej Korwin kościoł fundowoł
Sie Salomonym madziarskim zdowoł
Plac Świynty Trojcy - zocno świontynia
Ze szlachetnego jakby kamiynia
Tukej se krole koronowali
Franc Jozef z Sisi tako tron brali.

[broneknotgeld]

Czy by poznoł?

Czy krol Maciej korwin świontynia by poznoł?
Możno hercklekotow przi tymu aż doznoł.

[broneknotgeld]

Maciejowo świontynia

Madziarsko świontynia za Turkow meczetym
Janczary łodeszli - se w barok łoblyko
Dyć czy łoglondniecie jom tako? -Niystety
Zaś muster gotyku mo w łoczach kto rzyko.

[broneknotgeld]

Baszta Rybacko

Za Kościołym Macieja ta baszta zodziwio
We słonku ci zdo sie jeszcze bardzi bioło
Bronić jyj niy trzeba - grod se dobrze miywo
Dyć skiż jyj wieżyczek tu bardzi wesoło.

[broneknotgeld]

Ryboki broniyli

Niy tako staro Baszta Rybacko
Dyć piyrwyj mury grodu tu były
Łobrońce na nie właziyli chwacko
By wojska miasta im niy podbiyły.

[broneknotgeld]

Dynkmal św. Sztefana

Na koniu siedzi ze krziżym w rynce
Kto durś niywierny skończy we mynce?

[broneknotgeld]

Muzeum Historii Muzyki

W pałacu Erdodych brama barokowo
Historio muzyki - tako se niy zdowo
Tukej insztrumynty stare pokazujom
Partyturom nawet nut tyż niy żałujom.

[broneknotgeld]

W pałacu Erdodych

Muzeum muzyki - dyć byś se niy dziwoł
Przeca tu Beethoven nawet pomiyszkiwoł.

[broneknotgeld]

Bela Bartok

Bela Bartok dlo dziedziny dyć tyż cosik znaczoł
Przeca tukej mioł pracownia - wiela nut łonaczoł.

[broneknotgeld]

Plac św. Jana Kapistrana

Pamiyntajom to mnichowi że aż pod Belgradym
Turkom lyjty wielke dowoł razym z Hunyadym
Toż mu dynkmal wystawiyli - miano placu tako
Skuli wiary czy wojynki? -Możno to jednako.

[broneknotgeld]

"Muzeum Historii Wojskowości"

Ano - kaj plac Kapistrana koszary znojdziecie
We nich zaś muzeum take choć wojna niy gniecie.

[broneknotgeld]

We Muzeum Wojskowości

Wiosna Ludow i wojny światowe
Wiela strzimać dyć musioł tyż człowiek
I powstanie co prziszło po wojnie
Dzisioj szczyńściym już bardzi spokojnie.

[broneknotgeld]

Droga Pańsko

Nojdugszo zdo sie - tako wiekowo
Droga starowki we budzie
Toż se dyć trocha tyż i wydowo
Jakbyś se dreptoł po cudzie

Tu kamiynice łod średniowiecza
Inksze barokym zaś kuszom
Bestoż łoczami po domach leca
Kerych widoki aż duszom.

[broneknotgeld]

Fontanna z Artymidom

Co Praksytelos by nom powiedzioł
jakby ło rzeźbie z fontanny wiedzioł?
Kto tuplikuje geld cudzy traci
Toż twory niychej tyż ubogaci.

[broneknotgeld]

Dwa kolosztory

Wele Pański drogi dwa klosztory stojom
Czy ło powołania Madziarow se bojom?

[broneknotgeld]

Budziński labirynt

Zamkowo gora jako tyn szwam
Dziur ponoć richtig wiela jest tam
W wopiynny skale czynsto to bywo
Toż wos to pewno wcale niy dziwo

Ludzie tyż swoje tu dokłodali
W grotach se przeca czysto chowali
Niymce zaś z teko skiż drugi wojny
Schron zbajstlowali - zdo sie dostojny.

[broneknotgeld]

Budziński Labirynt dzisioj

Toż już żyje turystykom
Niychej zowdy - ło to rzykom.

[broneknotgeld]

"Malowidła jaskiniowe"

We Budzińskim Labiryncie se na nie dziwocie
Dyć na muster tych prowdziwych jednak yno mocie.

[broneknotgeld]

Budziński Labirynt 1536

Groty i lochy szkodzom ty Budzie
Armio turecko tom drogom pódzie
Tako i miasto już w jejich rynkach
Kto krześcijanin dlo tego mynka.

[broneknotgeld]

Budziński Labirynt 1944

Niymiecke wojsko lyjty zbiyrało
Dyć tu schroniynie dlo siebie miało
Gora Zamkowo łod bunkra lepszo
Trocha to potrwo niym wojok spieprzo.

[broneknotgeld]

Budziński Labirynt dzisioj

Już tyż żyje turystykom
Niych na zowdy - ło to rzykom.

[broneknotgeld]

Malowidła Jaskiniowe

We Budzińskim Labiryncie se na nie dziwocie
Dyć na muster tych prowdziwych jednak yno mocie.

[broneknotgeld]

W kawiarynce

W kawiarynce labiryntu tokaj se kosztuja
Ech - żyjymy w piyknych czasach - tako forszteluja.

[broneknotgeld]

"Fortuna"

Cosik ta sztrasa za krotko zdo sie
Niywielki profit we życiu mo sie?

[broneknotgeld]

"Muzeum Handlu i Gastronomiji"

Abcybildry i plakaty
Sztrajchowane biksy taty
Co łostało sie po ołpie
Wszysko tukej mosz na kupie.

[broneknotgeld]

Na Placu Andrzeja

Na Placu Andrzeja
Dynkmal jest papiyża
Kery krześcijanom
Łotwar Budy dźwiyrza.

[broneknotgeld]

Muzeum Salami

Tu trza muzeum zwiydzić salami
Co łod lot rzońdzi już Madziarami
Pewnikym yjzji wiela tu majom
No bo salami richtig fest pszajom.

[broneknotgeld]

Szeged

Tu kaj Marusza łonczy se z Cisom
Szeged - ło kerym jeszcze usłyszom.

[broneknotgeld]

Z Szegedu

Gulasz "segetyński"
Z Szegedu salami
Co lepsze? Toż tako
Wybiercie se sami.

[broneknotgeld]

Niy zdonżyli

Tam tyn Szeged kaj papryka
Za komuny mieli rzykać
Do warzywa czerwonego
Niy zdonżyli kozać tego.

[broneknotgeld]

Muzeum Papryki

Z łostry papryki kraj przeca słynie
Łostro mo kuchnia w naszy dziedzinie
Jak ło tym wiyncy chcesz sie dowiedzieć
Musisz w muzeum trocha "posiedzieć".

[broneknotgeld]

Cosik dlo mie

Łoj cosik dlo mie - tukej uliczka
Kaj bych zoglondnoł w kożdo piwniczka
Dyć czy udało by sie to szczimać?
Po prowdzie - żodny pewności niy ma.

Balaton

[broneknotgeld]

Madziarske Morze


Ciepło woda - słońca wiela
Toż bezpieczno mokro sztela.

[broneknotgeld]

Jezioro Balaton

W Europie nojwiynksze i płytke do tego
Toz trza miano dać mu tyż nojcieplejszego.

[broneknotgeld]

3 metry

Średnio głymbokość takego "morza"
Toż se tam kompać i jo łodwoża.

[broneknotgeld]

Dlo dzieci

Dlo tych łon nojlepszy co niy umiom pływać
No i tyż dlo dzieci - niy ma se co dziwać
Toż czynsto łod brzegu kilometer idziesz
Niym do głymbszy wody na gyrach se przidziesz.

[broneknotgeld]

Wele Balatonu

Wele Balatonu "winny raj" tyż leży
Trza go "pokosztować" - na słowo niy wierzyć.

[broneknotgeld]

"Sklepy paprykowe"

Brzeg jeziora kraszom "sklepy paprykowe"
Skiz niych aże jo mom kolorowo w gowie.

Slofok

[broneknotgeld]

Plaża wonsko i z kamiynia
Psioczyć niy mom dyć sumiynia
Sie pobrodza w wodzie płytki
Take z tego som pożytki.

Keszthely

[broneknotgeld]

W Keszthely

Pałac Festeticsow zodziwi niyjednym
Se tukej zapoznosz ze rodyk tym przednim.

Badacsony

[broneknotgeld]

W Badacsony

Łoj -toż bych tukej w piwniczce łostoł
Jakbych do beczek z winym se dostoł.

[broneknotgeld]

Połwysep Tihany

Bebedyktynom we ty dziedzinie
Niych winobranie nigdy niy minie
"Siwego brata" w opactwie robiom
Toż po swojymu Balaton zdobiom.

[broneknotgeld]

"Badacsony Szurkerbarat"

"Siwy brat" to biołe wino
Z kerym Badacsony słonko
Zowdy łone przipomino
Jak żeś gyry w wodzie tonkoł.
-

[broneknotgeld]

W piwniczce

W piwniczce wina se pokosztuja
W procyntach słabe dyć słonko czuja
Kere ta sztela grzeje łod rana
I szmerek w gowie - jakby "łoj dana".

Heviz

[broneknotgeld]

Heviz

Borowinom z downa słynie
Sanatorium w ty dziedzinie
Co z cysorskich przeca lot
Dzisioj Madziar z tego rod.

Debrezun

[broneknotgeld]

Debrezun (XIII w.)

Ano - już była tukej osada
Szłoby to szkryfnonć - normalno wiocha
Dyć ło korzynie niy idzie zwada
Yno trza poznać korzynie trocha.

Debreczyn

[broneknotgeld]

Szent Laszlofalva (XIII w.)

We inkszym eku tyż wioska tako
Podobnoś rosła łona jednako.

[broneknotgeld]

Szent Mihalyfalva (XIII w.)

Czecio ze wiosek dyć tu se znodła
Istno dwie piyrsze wcale niy bodła.

Debreczyn

[broneknotgeld]

Po Tatarach

Po Tatarach pusto - dyć trza było dźwigać
Ludziom te osady - se we tym niy migać

Czi wioski skiż targow w jedna se zlywały
Chocioż swoje miana dość dugo czimały.

[broneknotgeld]

Debreczyn

Po Budapeszcie tako Miszkolcu
Czecie to miasto w madziarskim kojcu
Kere skiż tego piyrwyj kusiyło
Chcieliby tukej by durś to było.

Ózd

[broneknotgeld]

Jako Krolhuta

Jako grod nasz Ózd se dzwignoł
Skuli ajzy w gora mignoł
Czamu? -Niy trza mynczyć gowy
Dyć to okryng przemysłowy.

[broneknotgeld]

Co piyrwyj?

Połtora wieku drapko minyło
Co dzisioj tukej? Co piyrwyj było?

[broneknotgeld]

Czy durś?

Czy durś w Ózd werki ciongnom jak piyrwyj?
Czy tyż Madziarom ktoś godo - wyrwij?

[broneknotgeld]

Ło tym Ózd coś mało wiym
Bestoż ciynżko ciongnońć rym.

[broneknotgeld]

Dlo mie to cołkym państwo jest nowe
Ło kerym mało wiy dzisioj czowiek
Toż z historyji cosik mi świto
Hospodar był tu? -A kto sie pyto?

[broneknotgeld]

Besarabio

Piyrwyj Besarabiom zwano
Dzisioj mo Mołdawii miano
Dyć Mołdawian to jest sztela
Niy Rumunow - szkryfna tela.

[broneknotgeld]

Rumunia

Mie Rumunio zdo sie trojako w jedności
Wołochy Mołdawio i Siedmiogrod - prości?

[broneknotgeld]

Ze Siedmiogrodu

Ze Siedmiogrodu Batory był
Łon Polsce wiela dołożoł siył.

[broneknotgeld]

Tomis

Grekow z Miletu tukej przignało
Toż jejich to kolanijo
Jak miejsca u sia mieli już mało
Trza wywandrować - mecyjo.

[broneknotgeld]

Tracko dziedzina

Se historyjo szkolno wspominom
Ta ziymia Trakow była dziedzinom
Ze starożytnych to jeszcze czasow
Nawet niym ajza wylazła z lasow
Krola trackego Resa dyć znocie
Przi Priamie jego rydwan już mocie.

[broneknotgeld]

"Bałkany"

Turecke miano ze gor jest dane
Trza i Bułgarii było "zbałkanieć"
Chnet piyńćset rokow przeca te państwo
Ciyrpi "janczarow" ciynżke poddaństwo.

[broneknotgeld]

Monastyry

Gorskim monastyrym Bułgario se jawi
Dyć wiela radości tyż przeca ci sprawi.

[broneknotgeld]

Cołke lato

Słonkym Bułgario niy jest sagato
Toż łone swiyci tu cołke lato.

[broneknotgeld]

Na torgu

Na torgu w Bułgarii richtig trza targować
Cyny ze gipsdeki przed łoczy chcom dować
I śmiejom sie z tego kto tako zapłaci
Kto se niy targuje zowdy wiela traci.

[broneknotgeld]

"Pomacy"

Bułgary Turkow tako tu zowiom
Łoni se mianym tym jakby dowiom.

[broneknotgeld]

Cyryl i Metody

Te dwa swiynte tukej w zocy
W niych Bułgario szuko mocy
Toż łoni jyj patronujom
Tako wszyscy forsztelujom.

[broneknotgeld]

"Hodowcy koni"

Homer już Trakow takowo zwoł
Możno łod istnych konia by chcioł.

[broneknotgeld]

Pelazgowie

Tako i Greki somsiadow zwali
Ponoć ze niymi juz wojowali
Szczep tracki ze nich był nojbitniejszy
I dlo ty ziymi tyż nojwożniejszy.

[broneknotgeld]

Przi Troji

Priam przijocieli we Trakach miywoł
Gyszegt w tym - przeca nikt se niy dziwoł
Zowdy z somsiodym lepi handlować
Niż wiela rokow srogo wojować.

[broneknotgeld]

Scyty

Cisnom Scyty w tracko sztela
Łogyń widać - styknie tela
Yno tukej wom powiedzieć
-Trakom trza w warowniach siedzieć.

[broneknotgeld]

Na trackim brzegu

Na trackim brzegu Morza Czornego
Kolonie grecke rosnom do tego
Toż handel łobu stronom tu dowo
Godziwy profit - tako se zdowo.

Bułgaria - historyjo

[broneknotgeld]

W środkowym paleolicie

W Stary Płaninie grot przeca wiela
Neandertalczyk lubi ta sztela
Cosik zebiere czy upoluje
Że jakoś leci tym se raduje

Bułgaria - historyjo

[broneknotgeld]

W młodszym paleolicie

Już homo-sapiens we ty dziedzinie
I łon jaskiniow tu niy łominie
Sie matriarchatym rody cieszyły
Tako pra-Matka już wtedy czciyły.

[broneknotgeld]

Neolit (6000-2300 p.n.e.)

Już czowiek sioł zboże i tyż lepioł garce
We tellach nojczyńści wtedy pomiyszkiwoł
Możno roztomajte wyprowioł łon harce
Dyć dziejopis jeszcze se tymu niy dziwoł.

[broneknotgeld]

"Telle"

Miyszkalne wzgorza dziedzina znała
We kerych ludność jeji miyszkała.

[broneknotgeld]

Karanowo

Przi Nowy Zagorze tym ta wioska słynie
Że jednom ze osad nojstarszych w dziedzinie
Ludzie tu miyszkali aże w neolicie
Archeolog dowiod - to pewnikym wiycie.

[broneknotgeld]

Pratraki 2600 r.p.n.e.

Tako zasiedlyli te ziymie Pratraki
Co swojich umrzykow ochrom sztrajchowali
Indoeuropejski ciekawy lud taki
Istnych Pelazgami Greki mianowali.

[broneknotgeld]

1900 r.p.n.e.

Z Pratrakami se miyszajom roztomajte ludy
Bronz w dziedzinie se rozgościoł toż niy ma tu nudy.

[broneknotgeld]

"Hodowce koni"

Tako downych Trakow już Homer mianowoł
Koń świyntościom istnych se nawet wydowo.

[broneknotgeld]

Czasy ajzy (IX-VI w.p.n.e.)

Ajza poczebno terozki Trakom
Scyty już cisnom w te strony
Knifym łodwagom niy belejakom
Przeca tu łoprom se łonym.

[broneknotgeld]

Twierdze tracke

Na wzgorzach twierdze Trakow porosły
Scytyjske hordy kajś dołym poszły
Dyć przeca cosik ze nich łostało
Tako dwa ludy se pomiyszało.

[broneknotgeld]

Tracke wybrzeże

Greki tukej faktoryje swoje zakłodajom
Co z czasym we miasta piyknie wyrostajom
Eole Dorowie Jończyki tyż tako
Rachujom na gyszeft z Trakami jednako.

[broneknotgeld]

"Apollonia"

W grecki kolaniji Sozopoł dyć mocie
Z kerego Bułgarjo mo tyż trocha pociech.

[broneknotgeld]

"Anchial"

Dzisioj Pomorie Anchial wspomino
Toż rodowodym asi sie ino.

[broneknotgeld]

"Messembria"

Nesebyr zwali we downych wiekach
Na nowe miano trza było czekać.

[broneknotgeld]

"Odessos"

Choć piyrwyj była osada tracko
Z Grekami miasto urosło chwacko
We czarnomorski przeca dziedzinie
Już te Odessos naprowdy słynie.

[broneknotgeld]

"Dionizopolis"

Boga wina tym mianym se Greki uczciyli
Richtig we Bałcziku łoni piyrsi byli?

[broneknotgeld]

Handel tracko-grecki

Sol wino łoliwa norzyńdzia broń tako
Greki we wymianie dowajom tu Trakom
Zboża bydło fisze nawet niywolnikow
Profitow Hellynow z ty ziymi bez liku

[broneknotgeld]

VI/V w.p.n.e.

Piyrsze państwa tracke tukej powstowajom
Przi Persach dyć prawie znaczynio niy majom
Toż po czyńści drapko we rynkach Dariusza
Choć skiż tego ciyrpi hardo tracko dusza.

[broneknotgeld]

Państwo Odryzow V w.p.n.e.

Persy pokonane już pod Platejami
Rośnie tracko ziymia teroz z Odryzami
Jejich krol Sytaltes i piniondz swoj bije
Wedle jego prawa cołki kraj dyć żyje.

[broneknotgeld]

W IV w.p.n.e.

Brakło Sytaltesa - kraj se rozsypuje
Ksiynstewka słabiutke przi Macedoniji
Już krol Filip II podboj im szykuje
Ponoć niy za wiela mioł ze tym mecyji.

[broneknotgeld]

"Filipopolis"

Filip II Macedoński te miasto tu stowio
Historyjo zapamiynto - tako se wydowo
Rzeka piyrwyj Hebros zwano to dzisioj Marica
Płowdiw ciyngym nad niom przeca krasi swoje lica.

[broneknotgeld]

Tracke powstanie (331-330 r.pn.e.)

Trakom wspomniały sie downe czasy
Jak Macedończyk niy śmioł ich straszyć
Za Aleksandra dyć to już było
We krwi powstanie se utopiyło.

[broneknotgeld]

Tracjo wolno?

Sie imperium Olka Wielkego podzieli
Toż juzaś powstanie we ty tracki szteli
Macedońsko władza ze tym wiela traci
Dyć czy wolność szczyńściym naprowdy łodpłaci?

[broneknotgeld]

Celtycke Tylis

Celty swoje państwo tukej założyli
Toż Trakom niy mogło to richtig sztimować
Bessy z Odryzami ich w końcu pobiyli
Choć przi Macedońji prziszło potym stować.

[broneknotgeld]

Ze Macedoniom

Ze Macedońjom Tracjo zaś stoji
Swojego państwa Trak już niy skroji?

[broneknotgeld]

Tracjo 73 r.p.n.e.

Marek Lukullus ze legjonami
Bessow Odryzow zdeptoł nogami
Tracjo poddano teroz Rzymowi
Choć jeszcze wiela utropy sprowi.

[broneknotgeld]

Tracke powstania (6-26 r.n.e.)

Zowdy za ciynżko jest cudzo władza
Trak niyroz przeciw niyj bestoż stowo
Chocioż Rzymowi wcale niy kadza
Dyć mu sprzeciwiać se tyż niyzdrowo.

[broneknotgeld]

Dwie prowincje 46 r.n.e.

Za Klaudiusza to se stało
Dwie prowincje - tyż niymało
Tracjom jedna - pewno wiycie
Mezjom drugo - take życie.

[broneknotgeld]

Prowicje rzymske

Na połnoc ta Mezjo łod Stary Płaniny
Tracjo łod połednio - dwie rzymske dziedziny.

[broneknotgeld]

Cysorsko Mezja

Niy miały legje tukej spokoju
Bo sie z dakami durś uzyrały
Te tracke plymie poszło do boju
Aże sie wnerwioł w końcu Rzym cały

Trajan ze wojskym istnych podbijo
Tako spokojni w Mezji se stowo
W prowincji Dacji teroz mecyjo
Czas drapci leci - wszyskim sie zdowo.

[broneknotgeld]

II/III w.n.e.

W Mezji se burzom tracke plymiona
I Kostoboki w granice klupiom
Z Gotami wojna niyunikniono
Utropy wiyncy lepi niy szukom.

[broneknotgeld]

Śmierć Decjusza 251 r.n.e.

W bitwie za Gotami cysorz Decjusz ginie
Toż z barbarzyńcami niyszczyńście w dziedzinie.

[broneknotgeld]

Nowo stolica cysorstwa 330 r.n.e.

Z Konstantynym Wielkim cysorstwa stolica
Teroz przeniysiono kaj Bizancjum lica
Kere se z tym miyni Konstantynopolym
Ano dyć to było wedle władzy woli.

[broneknotgeld]

Adrianopol 378

Wizygoty cisnom przez "bułgarske" ziymie
Zdało sie co siyła we nich wielko drzymie
Pod Adrianopolym Walens złożoł gowa
Trza było armijo wystawić łod nowa.

[broneknotgeld]

Teodozjusz Wielki

Toż Wizygotom doł lyjty istny
Wielkim mianować tako go trza
A że ło władza niy był zowistny
Z jednego zrobioł cysorstwa dwa.

[broneknotgeld]

W Bizancjum

We wschodnim cysorstwie tako nasze ziymie
Czy coś ze tym zyszczom? -Zły tref teroz drzymie?

[broneknotgeld]

Huny Attyli

Ano w piontego wieku połowie
Życio niypewny był tukej czowiek
Plymiona tracke ciyrpiom skiż istnych
Hun przeca bitny i fest zowistny.

[broneknotgeld]

Po śmierci Attyli (453)

Po śmierci Attyli dziedzina dychnyła
Krew huńsko we ziymia tyż se tu wtopiyła
Plon niych zocny wydo - czowieka łozłoci
Coż kej już czekajom na to Ostrogoci.

[broneknotgeld]

Państwo Ostrogotow

Kaj ta Mezjo piyrwyj - Ostrogotow kraj
Tukej przistanyli choć to niy był raj
A stolicom jejich te Novae było
Dyć na Rzym iść potym istnych pokusiyło.

[broneknotgeld]

Ruszoł Alaryk (489)

Ruszoł Alaryk na Italyjo
Tu spokoj ze niym - tam tragedyjo.

[broneknotgeld]

Już w IV wieku

Już w szwortym wieku tracke plymiona
Wiara krystusa poznały
Drapko państwowo przeca tyż łona
Toż krześcijański kraj cały.

[broneknotgeld]

Tracko liturgjo krześcijańsko

Tracko liturgjo w Bessow jynzyku
Dziedzina za swoja biere
Choć tu narodow rożnych bez liku
I co rusz wojna tyż were.

[broneknotgeld]

W szostym wieku

W szostym wieku Słowiany parli na te ziymie
Dyć piyrwyj we dacji Sklawinow już plymie
Teroz ze Antami w Bizancjum se wcisko
Tureckich Awarow tyż wsparcie w tym zysko.

[broneknotgeld]

Justynian I Wielki 551

Pechowy rok to dlo Justyniana
Sklawiny armjo jego rozbiyli
Wielko zadali Bizancjum rana
Cysorstwo richtig tym łosłobiyli.

[broneknotgeld]

Slawiny 558

Zaś do Bizancjum se istni wciśli
Dyć już terozki cołkym niy wyszli.

[broneknotgeld]

Awary

Ze Turkestaniu istnych przignało
Wiela już plymion ich ciyngi brało
Huny Bułgary tako Słowiany
Frankom Germanom tyn los był dany
Tako Bizancjum tyz zagroziyli
Bo przeca siyłom w tych czasach byli.

[broneknotgeld]

Kagan Bajan

Bajan Awarom wtedy przewodzioł
Potyngom zdoł sie - niyszczyńście rodzioł
Rowny cysorzom mozno se zdowoł
Dyć na Bizancjum przeca nastowoł.

[broneknotgeld]

Dobrynta

Tyn wiod na wojna Sklawinow dackich
Niy boł se istny przeca wojaczki
I Bajanowi utar kichola
Tela że krotko w tym jego wola.

[broneknotgeld]

Sklawiny w Bizancjum

Dobrynta wiod ich w ziymia cysorsko
Kaj Grecjo dzisioj wdarli se dziorsko
Ślinto bizancjum - utropa tako
Jako to szczimać? Powiydzcie - jako?

[broneknotgeld]

Przimiyrze

Basileus z Bajanym zawiyro przimiyrze
Zdo sie - dlo Bizancjum to łostatnie dźwiyrze
Awary terozki Słowian richtig lejom
W Konstantynopolu dyć krotko se śmiejom
Kagan zaś urosnoł - ślypiym groźnie łypie
Cysortwo w tych rokach przeca ledwo zipie.

[broneknotgeld]

Awarske wojska

Toż awarske wojska ciyngym rosnom w siyła
Z podbitych Sklawinow tyż se łona wziyła
Bajan ich przeciongnoł wnet na swoja strona
Przeca zrobi wszysko by wroga pokonać.

[broneknotgeld]

Prziszoł czas

Ano czas prziszoł by wojsko ruszyć
Persy tyż prawie wojna zaczyły
Sie basileus tropić fest musi
Że richtig wielke Bajana siyły

Prziszli z pomocom dyć Longobardy
Słowiańske Anty Bizancjum wsparły
Dyć Awar przeca zowdy był hardy
Po ziymie grecke wojska se wdarły
W kerych i śłowian tyż było wiela
Śmierć zaś zoglondo z niymi w ta sztela

[broneknotgeld]

Konstantynopol 626

Toż stanyły wojska pod miasta murami
Awarsko-słowiańske siyły je łoblygły
Dyć na nic se zdało - zgrzitali zymbami
Rozkazy Kagana z tym Słowianom zbrzidły.

[broneknotgeld]

Państwo Samona

Samon podbuntowoł przeciwko Awarom
Słowiany kagana już se niy słuchajom
Po klynsce istnego niy tropiom se karom
Swojim "sprzimierzyńcom" terozki niy pszajom.

[broneknotgeld]

W VII wieku

W siodmym wieku Słowiany zaloły Bałkany
Choć niy był połwysep łod bogow im dany
Brsjaci i Siewiercy tako Morawiany
Plymie Siedmiu Rodow no i Timoczany
Jeziercy Rinhini jeszcze Milingowie
Smolany i inksi na Bizancjum gowie.

[broneknotgeld]

Słowiańske Milingi

Na Peloponezie aż istnych szukejcie
Godali - "Co wasze terozki nom dejcie".

[broneknotgeld]

Sklawinio 670

Zwionzek plymion słowiańskich w macedoński ziymi
Grekow ciyngym mynczoł - ło tym dobrze wiymy.

[broneknotgeld]

Prebond

Władca Rinhinow Sklawińji gowom
Toż dlo Bizancjum utropom nowom
Dyć w Macedońji chnetko Bułgary
Lepszy wrog nowy czy możno stary?

[broneknotgeld]

Protobułgary

Ze siodmym wiekym juz tu se jawiom
Ludy co chana Kubrata sławiom.

[broneknotgeld]

Wielko Bułgarjo 635

Chan Kubrat Bułgarow w tym państwie zjednoczoł
Z Kaukazu do Dniepru ta sztela łoboczoł
Jak dugo żył istny tako mocno łona
Pomarł - toż utropa prziszła z Chazaroma.

[broneknotgeld]

Koniec Wielki Bułgarji 660

Ano Chazary kraj podbijali
Bułgary tako poszli se dali
Na zachod wiedli plymiona chany
Drapko poznały istnych Bałkany.

[broneknotgeld]

Piyńć synow Kubrata

Bajan Kotrag i Asparuch
Kubrat Kuwert - kwiot Bułgarow.

[broneknotgeld]

Śmierć chana Kubrata

Po piyńciu synow swojich chan posłoł
Jak śmierć przi łożu siedziała
Kożdy po strzale łod niego dostoł
By w rynkach se im złomała

Piyńć strzałow potym chycioł cuzamyn
Kozoł połomać je tako
Dyć se niy dało tego na amyn
Choćbyś przi tymu zapłakoł

Toż prawi istnym - W jedności siyła
Razym wos nikt niy pokono
Mondrość łojcowsko w tym wielko była
Zapomnom - zapłacom słono.

[broneknotgeld]

Chazary

Pomarł chan Kubrat bo był już stary
W Wielki Bułgarji zaroz Chazary
Kaj Piyńciu bratkow? Bojan tu łostoł
Tako i lyjty łod istnych dostoł.

[broneknotgeld]

Sztyry bratki

Sztyry bratki wojska wziyły
Sie ło inksze ziymie biyły
Już Bułgary na Bałkanach
Tym sie Chazar cieszy z rana.

[broneknotgeld]

Chan Kuwer

Poloz w Macedińjo chan Kuwer ze ludym
Z niywoli chazarski jakby uciykali
Dyć i nowo ziymia niy była im cudym
Ze Sklawiniom pewno se wiela ścinali

[broneknotgeld]

Chan Asparuch (679)

Ze swojym ludym Dunaj przełazi
Aż po Płanina Staro go wrazi
Słowianow przegno we inksze strony
Nowo Bułgario tu blysła łonym.

[broneknotgeld]

Pliska 681

Chana Asparucha wpiyrw oboz warowny
Drapko se zamiynioł we tyn grod szykowny
Kery już stolicom państwa bułgarskego
Rachować go prziszło tu jako piyrszego.

[broneknotgeld]

Piyrsze Państwo Bułgarske

Kaj piyrwyj Słowiany terozki Bułgary
Asparuch był chanym zdo sie wielki wiary
We siyła swych wojow bo stowio stolica
Choć somsiady groźne - mo tyż sroge lica.

[broneknotgeld]

Bułgarsko historyjo

Chan Asparuch łotwar tu jyj zajta piyrszo
Noleży sie za to mu nota nojwyrszo
Słowiany go tropiom Bizancjum tyż tako
Kto synym Kubrata tyn przeca niy płako.

[broneknotgeld]

Chan Terweł

Co Asparuch chycioł Terweł tako czimie
Zdo sie siyła przodkow tyż we istnym drzymie
Toż tytuł cezara sie dostoł istnymu
Chocioż niy zoglondoł skiż tego do Rzymu.

[broneknotgeld]

We VIII wieku

Państwo bułgarske we osmym wieku
Se slawizuje tako poleku
Choć lud turecki je dźwignoł tukej
Zwyczajow jejich kajś ze tym szukej.

[broneknotgeld]

Za chana Kruma (803-814)

Bułgarjo krajym zdo sie słowiańskim
Tako na Kruma widać to dworze
Chocioż tu ciyngym muster pogański
I to ze czasym zmiynić sie może.

[broneknotgeld]

Zbulynie Serdiki

Krum Sklawińjo chcioł podbijać
Dyć Serdika mu wadziyła
Woloł zbulić niż łomijać
Z tym Bizancjum poznoł siyła.

[broneknotgeld]

Zbulynie Pliski

Basileus Nikefor wzioł łodwet na chanie
I jego stolica tako zrownoł z ziymiom
Serdika ze woli cysorza zaś stanie
Toż siyły w Bizancjum ciyngym jeszcze drzymiom.

[broneknotgeld]

Druge zbulynie Pliski

Krum z wyprawy wroco Pliska drapko dźwigo
Basileus ze tym wcale se niy migo
Juzaś wojsko wiedzie pod stolica chana
Niych poznajom siyła ze Bizancjum pana
Bułgary pobite grod ze tym zniszczony
Władca jejich richtig teroz poniżony.

[broneknotgeld]

Prośba ło pokoj

Krum prosi ło pokoj. Co Nikefor powiy?
-Dyć godka cysorza aże chana dowi
"Nojpiyrw ci łodbiera coluśko kraina
-Z czerepu twojego napija se wina!"

[broneknotgeld]

26.VII.811

Nikefor Bułgarow chcioł podbić w całości
Łodebrać Krumowi wszyske jego włości
Toz wojska już idom przez staro płanina
A chan na nie czekoł by bronić dziedzina
Kaj przełyncz Werbica zasadzka zrychtowoł
I bizantyjczykom tu klynska zadowo.

[broneknotgeld]

Gowa Nikefora

Gowa Nikefora już wbito na palu
Dyć ze tym poczontek chańskego jest "balu"
Kunsztownie we srybro czaszka łoprowiajom
I wino Krumowi do niyj nolywajom.

[broneknotgeld]

Śmierć Kruma 814

Krum ze wielkom siyłom na Bizancjum idzie
I Konstantynopol terozki we biydzie
Tako tref se kończy - chan nogle umiyro
Bułgar wroco do dom - kaj ińdzi zaziyro.

[broneknotgeld]

Chan Omurtag

Omurtag na zachod zaś wojska keruje
Toż Ludwik Pobożny siyła jejich czuje
Tako i zachodniosłowiańske plymiona
Pobite terozki som przez syna Kruma.

[broneknotgeld]

Chan Presjan 847

Z tym rokym Bułgarow już Macedonijo
Chan Sklawińjo dlo sia na dugo podbijo.

[broneknotgeld]

Chan Borys (852-889)

Duge jego panowanie
Syn Presjana niyroz stanie
Jeszcze potym tu na przedzie
Przi utropie w boj powiedzie.

[broneknotgeld]

Krzest Borysa 25.V.866

Prziszło krześcijaństwo z Konstantynopola
Toż chana Borysa tako we tym wola
Ze władcom krzest przijmom przeca tyż Bułgary
Dyć ciynżko sie zaprzeć przeca łojcow wiary.

[broneknotgeld]

Chan Michał

Przijoł Borys ze krztym te Michała miano
By potka swojego wspominoł co rano
Był niym Michał III - bizantyjski cysorz
A dyć historyjo co jeszcze namiyszosz?

[broneknotgeld]

Skiż piekła?

Skiż łobrozu piekła Borys krzest przijmuje?
Tako tradycyjo przeca przekonuje
W pałacu mnich djobłow groźnych wymalowoł
Ze tym poganina zło wieczność mu stowioł
Już Borys łokrzczony imiyniym Michała
Czy richtig skiż strachu w niym wiara se brała.

[broneknotgeld]

Papiyż Mikołaj II

Papiyż do Borysa tyż legatow słoł
Na wiara łacińsko przeciongnońć go chcioł
Dyć liturgjo grecko za mocno już była
Choć i rzymsko przeca ździybeczko kusiyła.

[broneknotgeld]

Misyje

Ucznie Cyryla i Metodego
Tyż na bułgarskim teroz som dworze
I jeszcze tukej doszło do tego
Że po słowiańsku czczom Ciebie Boże.

[broneknotgeld]

Cyrylica

Cyrylicom szkryflać słowo
To ideja cołkym nowo
We bułgarski dyć dziedzinie
Łona piyknie se rozwinie.

[broneknotgeld]

Bułgarske szkoły

W Wielkim Presławiu Plisce Ochrydzie
Szkoły ze kerych ideja idzie
By po słowiańsku szkryflać w dziedzinie
Toż cyrylica już niy przeminie.

[broneknotgeld]

Włodzimierz 889

Borys do klasztoru idzie
Rzońdzić syn tu teroz bydzie
Dyć Włodzimierz - co fest dziwo
Z wiarom krześcijańskom zrywo
Staro wiara godo - Wrocom!
I krziż gromi srogom mocom.

[broneknotgeld]

Powrot Borysa

Borys choć mnichym do Pliski wroco
Syna pokonoł łojciec swom mocom
Z jego rozkazu go łoślepiajom
We Symeonie chnet władce majom.

[broneknotgeld]

Symeon

Drugi syn Borysa z woli łojca rzońdzi
We wierze już istny tako niy pobłońdzi
Chocioż ze Bizancjum niyroz se pobije
Przeca z krześcijaństwym już we zgodzie żyje.

[broneknotgeld]

Presław stolicom

Presław stolicom - Pliska se traci
Skuli zamiany na tronie braci.

[broneknotgeld]

Lyjty

Lyjty czekajom jednak Bułgarow
Coś niy dowajom rady Madziarom
Aż se Symeon we Drystrze chowo
Koniec istnego we łoczach stowo?

[broneknotgeld]

Borys łobrońca

Zaś stary łojciec łopuszczo bratkow
Wojska bułgarske gromadzi
I ze dziedziny goni gagatkow
Łon yno tako poradzi

Symeon z nowa rosnie we siyła
Łojciec pokozoł mu droga
Bułgarjo bydzie jako i była
Na to poprzisionc se moga.

[broneknotgeld]

Tryjumf Symeona

Toż princ terozki Madziarow gromi
Goni z bułgarski dziedziny
Ze Besarabji tracom se łoni
Godnym łon łojca jest synym.

[broneknotgeld]

Śmierć Borysa 907

Jako mnich pomarł cicho w klasztorze
Do grona świyntych dyć weź go Boże
Kościoł bułgarski Cie ło to prosioł
Jako brat Michał Two chwała głosioł.

[broneknotgeld]

Car Symeon 913

Stojom pod murami miasta Konstantyna
Już wojska bułgarske - wybiyła godzina
Kero sie Bizancjum nojczorniejszo zdała
Dyć przebiegłośc grecko nojpiyrszo bezmała

Symeon łodstompioł - princ tako już carym
Ze basileusym ślub cery se marzy
Cysarzowo matka wszysko łobiycała
Do Bułgarji wrocioł - drapko zapomniała.

[broneknotgeld]

Car Bułgarow

Konstantynopola Symeon niy zniszczoł
Dyć basileusym Bułgarow z tym zostoł
Jako rowny z rownym honory tu zyszczoł
Teroz przi Bizancjum durś stoji se prosto.

[broneknotgeld]

"Cysorz Romejow"

Bułgarjo z Bizancjum chce widzieć cuzamyn
We purpura łoblyc już tako na amyn
Zdało mu sie pewno co po to se bije
Na Konstantynopol - ze tom myślom żyje.

[broneknotgeld]

Car Symeon 914

Greki zrywajom ze niym układy
Dyć czy z armijom dadzom se rady?
Ślintej Bizancjum boś pustoszone
A car Bułgarow wroży ci koniec.

[broneknotgeld]

Rzeka Anchelo 917

Toż wojska grekow zaś pogromione
Niy dadzom rady Bułgarom łone
Symeon teroz jedynym panym?
Przed niym se kłoniom cołke Bałkany?

[broneknotgeld]

Szwiger cysorza

Szwiger niydoszły fest grekow gromioł
Dyć tyn prowdziwy istnych łobronioł
Ze tym tron ziyńcia przidzie do niego
Roman Lakapen - poznocie jego.

[broneknotgeld]

"Bratki" 924

Basileus Roman Symeona "bratym"
Zdało sie co ze tym nojwiynkszym kamratym
Toż miyndzy istnymi nastoł czas pokoju
Zapomnieli tako ło swojim podboju.

[broneknotgeld]

27.V.927

Dyć car Symeomn w końcu umiyro
Ślintej Bułgarjo bo władca wielki
Sie na Bizancjum ciyngym wybiyroł
Chocioż niy były to duperelki.

[broneknotgeld]

Car Pyjter (927-969)

Car Pyjter synym był Symeona
Choć niy nojstarszym - ze łojca woli
Chycioł se teroz Bułgarji trona
Dyć niy wiym za co by go tu chwolić.

[broneknotgeld]

Przi Pyjtrze

Przi Pyjtrze rosnom w siyła bojary
Tako klasztory durś se bogacom
Ze tym Bułgarjo już inkszy miary
Chnetko spokopiom że wiela tracom.

[broneknotgeld]

Bogomilce

Z Bogomiłym wierny stoji
Chce Ponboczka wielbić tako
Aże car se tego boji
Umynczono ziymia płako.

[broneknotgeld]

Kto klynknie?

Bułgarjo traci we Pyjtra rynkach
Bizancjum rosnie w tych rokach
Toż komu przed kim przidzie wnet klynkać?
Komu zachciało se skokać?

[broneknotgeld]

Skiż daniny

Car Pyjter posłow śle po danina
Co piyrwyj cysorz mu płacioł
Dyć zlekceważoł tako dziedzina
Skiż tego wiela tyż stracioł.

[broneknotgeld]

Zymsta basileusa

Nikefor Fokas lacho se z Piotra
Możno łoboczoł w niym cara-łotra
Posłow biczować z tym rozkazuje
Tako danina - car forszteluje?

[broneknotgeld]

Światosłw w Bułgarji (968-69)

Princ Wielki Kijowski z Bizancjum namowom
Tako se wybiyro już na wojna nowo
Wpiyrw cołkym wyniszczoł kaganat chazarski
Terozki czas prziszoł na tyn kraj bułgarski.

[broneknotgeld]

Śmierć cara Pyjtra (969)

Światosław najechoł jego Bułgaryjo
Toż dlo Pyjtra ze tym tako tragedyjo
Że se paraliżu dorobioł boroczek
Śmierć mu bestoż przinios już nastympny roczek.

[broneknotgeld]

Princ Kijowa

Princ Kijowa z Bułgaryjom tako w siyła rośnie
Że już i Nikefor Fokas niy paczy radośnie
A Światosław do Presławia chce przeniyść stolica
Tako teroz basileus gniywne nosi lica.

[broneknotgeld]

Car Borys II (969-971)

Zakładnik cysorza we końcu puszczony
Niy cołko Bułgarjo dowo mu pokłony
Som se przeca poddoł woli Światosława
Włodanie Bułgarjom to niy jest zabawa.

[broneknotgeld]

Basileus Jan Tzimiskes

Toż se istny na Bułgarjo ze wojskym wyprowio
Z tym bojarom tyż nodzieja na lepszy los dowo
Zdo sie teroz łon łobrońcom bułgarskego cara
Sie Światosław tu panoszoł - prziszła za to jara.

[broneknotgeld]

Jan Tzimiskes w Bułgarji (971)

Toż Rusinow z jego rynki tu lyjty czekały
Choć niy chycioł Jan Tzimiskes Bułgaryji cały
Z cara jyńca w końcu zrobioł - z ziymi prowincyjo
Drystry tyn "tem" miano nosi - tako tragedyjo.

[broneknotgeld]

"Joannopolis"

Toż downy Prsław z tym mianym traci
Basileusa w sława bogaci.

[broneknotgeld]

Zachodnio Bułgarjo (Macedonio)

Komitopule jom łoderwali
Rusiny dlo nich niy pany
Tzimiskesowi tako niy pszali
Dyć im tyż ciynżki czas dany.

[broneknotgeld]

Ślontej Bułgarjo

Ślintej Bułgarjo Presław upodo
Duch Symeona tako tyż godo
Ze tym niywola ciynżko tu przidzie
I we "Zachodni" niy lepi bydzie.

[broneknotgeld]

Bunt Komitopulow

Przeciw Bizancjum wnet se buntujom
Toż ziymi wiela w końcu zwojujom
Ze nich Samuel carym zostanie
Tron we Ochrydzie! Bułgarjo wstanie?!

[broneknotgeld]

Car Symeon 1000

Z tym rokym państwo jego nojwiynksze
Bułgarjo mocarstwym tako?
Dyć przidom czasy drapko tu ciynżke
I ziymia ze tym zapłako.

[broneknotgeld]

Bazyli II Bułgarobojca

Cysorz Bazyli w purpurze łazi
Już łodbudowa tego fest razi
Co we Bułgarjo nowo urosło
Jako do tego pierucha doszło?!

Ano - trza było se bić na wschodzie
I ło bułgarskim zapomniec smrodzie
Wspiyroł Włodzimierz - ksionże kijowski
A car Samuel? Z niym dopust Boski!

[broneknotgeld]

Płaćz Bułgarjo Naddunajsko! (1001)

Płacz Bułgarjo Naddunajsko
Dyć na prożno wzywosz cara
Komu zdosz sie tałatajsko
Presław, Pliska już "na marach".

[broneknotgeld]

Macedonio Egejsko i Tesaljo (1002)

Już bułgarske łone niy som
Tako ziymie Bazylego
Jo na carze nudle wiyszom?
Kto zaczimie dyć istnego?!

[broneknotgeld]

Widym (1004)

Przi Dunaju Widym zocny
Dugo teroz łoblygany
Dlo cysorza niy za mocny
W końcu bydzie mu poddany.

[broneknotgeld]

Dyrrachion (1005)

Tako i ta twierdza już tyż służy Grekom
Car Samuel teroz richtig łotoczony
Dyć na jego koniec jeszcze se poczekom
Choć Bułgarobojcy we purpurze momy.

[broneknotgeld]

Tragedyjo bułgarsko 29.VII.1014

W gorach Belasicy wonwozy krwiom spłynom
Po tym drapko koniec z bułgarskom dziedzinom
Dyć kto przeżył bitwa ślepy do dom wroco
Życie już dlo niego na zowdy jest nocom.

[broneknotgeld]

Prilep 6.X.1014

Car Samuel po bitwie do Prilepu pitnoł
Pewno se tu niy spodziywoł co Bazyli wytnoł
Dyć na widok armji ślepcow co prziszła do niego
Stykło dwoch dni by se przenios do życio wiecznego.

[broneknotgeld]

Bułgarobojca

Niy dość że Bułgarom przeczepoł fest skora
To jeszcze łoślepioł w macedońskich gorach
Toż ze tym już miano mo take pisane
I na cołke wieki w historyji dane.

[broneknotgeld]

Car Gabriel Radomir (1014-1015)

Ze resztami państwa syn łod Samuela
Jednak niy porzońdzi istny już za wiela
Toż z rynki kuzyna drapko przeca ginie
Tako to sie miyszo terozki w dziedzinie.

[broneknotgeld]

Car Iwan Władysław (1015-1018)

Jako zaczoł tako skończoł
Ze tym w tragedyjo włonczoł
Toż Bazyli chycioł wszysko
-Zamykomy widowisko!

Słoneczny Brzeg

[broneknotgeld]

Słoneczny Brzeg

Łoziym kilometrow plaży
Niyjednymu już sie marzy
Czorne Morze wiela słońca
Szłoby tukej żyć bez końca.

[broneknotgeld]

Kompielisko

Czidziści tysiyncy turystow se zjedzie
Szczimie tela na roz - przeca na tym jedzie
Tukej se fest dychniesz i wiela zabawisz
Toż ciału i duszy radość tako sprawisz.

Warna

[broneknotgeld]

Złote Pioski

Złote Pioski - Warny plaża
Tyz se po niyj jo połaża.

[broneknotgeld]

Sezon

Z majym Złote Pioski ruszom
Z paździyrnikym stanońć muszom.

[broneknotgeld]

18 kilometrow

Z Warny ździybko tu daleko
Dyć cug stary na cie czeko.

[broneknotgeld]

Wele plaży

Toz se wele plaży
Starym cugym jada
Morze mi sie marzy
A tu durś parada.

Wielkie Tyrnowo

[broneknotgeld]

Wielke Tyrnowo

Na czech gorkach założone
Wielke bo niy czeko koniec

Kopriwsztica

[broneknotgeld]

Siyrpiyń w Kopriwszticy

Siyrpiyń w Kopriwszticy
Folklorym sie liczy
Śpiyw bułgarski znocie?
Tu korzynie mocie.

Sofia

[broneknotgeld]

Sofia

Stolicom ty ziymi niy zowdy dyć była
Choć se w historyji downo pojawiyła.

[broneknotgeld]

"Sardonopolis"

Tracke plymie Serdow żyło w ty dziedzinie
Toż miano osady dugo niy zaginie.

[broneknotgeld]

Sardonopolis 339 r.p.n.e.

Macedoński Filip podbijo ta sztela
Porzońdziyli tukej ponoć małowiela.

[broneknotgeld]

Ulpia Serdica 29 r.n.e.

Toż sztela podbiyli na amyn Rzymiany
Stolicy prowincji tref jyj teroz dany
W Dacyji Wewnyntrzny tyn grod durś na przedzie
Ciyngym se rozwijo - ku lepszymu "jedzie".

[broneknotgeld]

Zaklupiesz

Z Niszu do Bizancjum powiedom cie nogi
Tako we Serdiki zaklupiesz tyż progo.

[broneknotgeld]

Za Konstantyna Wielkego

Z Rzymu do Bizancjum przeniyśli stolica
Toż Serdica rośnie - kraszom se jyj lica.

[broneknotgeld]

Najazd Hunow 441

Ze tym dlo Serdiki utropa prowdziwo
Grod wiela utraci - to pewno niy dziwo.

[broneknotgeld]

Justynian Wielki w Serdice

Piyrwyj jom zdoboł - wydźwig z ruiny
Teroz łozdobom jego dziedziny.

[broneknotgeld]

Z poczontkym IX wieku

Łod Bułgarow wtedy wiela uciyrpiała
Dyć se w końcu istnym na dugo dostała
Chan Krum ta Serdica włonczoł w państwo swoje
Choć były skiż tego ze Bizancjum boje.

[broneknotgeld]

"Sredec"

Tako se Bułgary zeslawizowali
Że w końcu Serdice miano "środka" dali.

[broneknotgeld]

"Triadica" 1018

Bułgary w niywoli teroz bizantyński
Historjo se zwyrto jako kamyń młyński
Mino tela znaczy co "miyndzy gorami"
Po prowdzie jest tako - przeca wiycie sami.

[broneknotgeld]

Juzaś "Sredec" (z końcym XII wieku)

Ze Drugim Bułgarjom wroco zaś te miano
Dyć w końcu i Sofia bydzie przeca dano.

[broneknotgeld]

Sofia (XIV w.)

"Swiynto Sofija" - toz bazylika
Kaj krześcijany łaziyli rzykać
Ze ty świontyni grod mo już miano
Sofia - usłyszysz tukej co rano.

[broneknotgeld]

Sofia 1382

W Turkow osmańskich teroz granicach
Tako i cołko ta okolica
Państwo Bułgarow ze tym se traci
Wszysko sułtana yno bogaci.

[broneknotgeld]

Sofia 1443

Jeszcze Jagiellończyk niy był Warnyńczykym
Sofia krotko wolno dyć niy spłynie mlykym
Za rok se krziżowcy pod Warnom zatracom
Bułgarji niy dźwignom dyć życiym zapłacom.

[broneknotgeld]

Stolica Rumelji

Turki prowincyjo Rumeljo tyż mieli
Tako i stolicom łona cołki szteli
Traci se terozki to co krześcijańske
Dyć rośnie we siyła tako muzułmańske.

[broneknotgeld]

Grecjo

Turystyka tukej richtig wiela znaczy
Ło to niy bydymy sie teroz łonaczyć

W rok przijyżdżo wiyncyj ludzi
Niż codziynnie sie tu bydzi.

[broneknotgeld]

Olimp

Po downych bogach cosik łostało
Mitami jakby teroz zawiało
Zeus ze Herom kajsik se skryli
Czy łoni wtedy wszechmocni byli?

[broneknotgeld]

Oliwka

Tutejszom kuchniom oliwka rzońdzi
Z jeji łolejym Grek niy pobłońdzi.

[broneknotgeld]

Grecko rakija

Jak zowdy łostro rakija grecko
Dyć se napija - zy mie niy dziecko.

[broneknotgeld]

Riwiera Olimpijsko

Na tutejszo plaża se niy ponarzekosz
Dyć piosek podobny jako nad Bałtykym
Woda tu cieplutko. Czego jeszcze czekosz?
Toż Grecjo. Tyś przeca dlo Europy bykym.

[broneknotgeld]

Athos

Atrakcjo wielko to Halkidiki
Ale niy wpuszczom do "republiki".

[broneknotgeld]

W "kafenionie"

Take hobby czynsto majom
Ciyngym se tu łosprowiajom
Z paplaniny jednak nic
We tym prowda a niy wic.

[broneknotgeld]

Knipsaparat łotworz wele parlamyntu
Tu do zmiany warty poczeba talyntu
Piyknie wyglondajom "kecate" wojoki
Aż dziw że niy mylom im sie przi tym kroki.

[broneknotgeld]

Atyny 2004

Zaś ze Maratonu do Atyn polecom
Drogom kerom targoł tyn grecki hoplita
Możno jakeś rymy tyż ło tym naklecom
Bo sie chcom Atyny z kulturom prziwitać.

[broneknotgeld]

Już w Knossos na Krecie minotaura niy ma
Dyć zoglondnij na te minojske ruiny
Historyji pełno wyspiarsko jest ziymia
Niy yno ze mitow cosik ło tym wiymy.

[broneknotgeld]

Santorini

Toż greckich wyspow łona jest "misskom"
Blyszczy biołymi domkami
Dyć jo we urlop tam niy zamiyszkom
Skiż geldu - niy ma co mamić.

Dodekanez

[broneknotgeld]

Dodekanez

Archipelag grecki co wele Turcyji
Było skuli tego tyż tu tragedyji.

[broneknotgeld]

"Dodekanisia"

Dwanoście wyspow protestowało
Bo ze Turcyjom żyć se niy dało
Stond jejich miano dzisiejsze wziyło
Choć wiyncy dziedzin tako łonczyło.

Rodos

[broneknotgeld]

Wyspa Rodos (XVI w.)

Wyspa stoła przi zakonie
Dyć osmański prziszoł koniec
Z tym Turcyji już służyła
Niym jom Grecjo do sia wziyła.

[broneknotgeld]

"Wyspa Słońca"

Słonko tu blyszczy trzista dni z hokym
Dyszczym se niy trop boś niy borokym.

[broneknotgeld]

"Raj windsurferow"

Wiatru tyż tu niy brakuje
Deska z żaglym go poczuje.

[broneknotgeld]

Zobytki Rodos

Kolos Rodyjski już tu niy stoji
Dyć we zobytki wyspa se stroji.

[broneknotgeld]

Miasto Rodos

Miasto z wyspom idzie mylić
Choć spokopisz w jedny chwili.

Lindos

[broneknotgeld]

Lindos

Klify Lindos skondś jo znom
Kadr w pamiyńci jakiś mom?

[broneknotgeld]

Ze "Dział Nawarony"

Ze "Dział Nawarony" te miasteczko znocie
Dyć je w pełny krasie na ty Rodos mocie.

Wyspa Kos

[broneknotgeld]

Wyspa Kos

Hipokrates był ze Kos
Toż rym zaroz taki wloz.

[broneknotgeld]

Hipokrates z Kos

Łojciec medycyny już wodom kurowoł
Balneologiji kerunek tym dowoł.

[broneknotgeld]

Asklepejon

Asklepejon na Kos znojdziesz
Czy do zdrowio tukej dojdziesz?

[broneknotgeld]

Brzegi wyspy

Brzegi wyspy takom plażom
Ło jaki nikierzy marzom.

[broneknotgeld]

Do Asklepiosa

Toż w Asklepejonie ci se kurowali
Co do Asklepiosa ło zdrowie rzykali
Słonko luft i woda - niy trza se tu starać
Czynsto pomogało jak doszła ta wiara.

Wyspy Jońskie

[broneknotgeld]

Wyspy Jońske

Wyspy Jońske - take morze
Ano tyż na greckim dworze.

[broneknotgeld]

Łod Jonow miano
-spokopiołch rano.

[broneknotgeld]

Morze Jońske

Toż Morze Jońske wyspy łobmywo
Kerym Posejdon se czasym dziwo.

Wyspa Korfu

[broneknotgeld]

Korfu

Ponoć ze Wysp Jońskich nojgryfniejszo łona
Trza se bydzie kedyś samymu przekonać.

[broneknotgeld]

Gaje oliwkowe

Na Korfu som wszyndy gaje oliwkowe
Zielonościom wyspy zodziwio se czowiek.

[broneknotgeld]

"Zielone serce"

Toż Greki richtig ty wyspie pszajom
I take miano jeji dowajom.

[broneknotgeld]

Za waluta majom leki
Żywot jednak tu niyleki.