Ludzie Ślonska

[broneknotgeld]

Wywiad z Makulom
Wcale niy fulom
rudaslaska.com.pl/i,inspiruje-mnie-zycie---rozmowa-z-marianem-makula,823819,915379.html

[broneknotgeld]

Trza karlusa z Toszka
Powspominać troszka
www.nowagazetaslaska.eu/taka-jest-nasza-historia/1253-sir-ludwig-guttmann-toszecki-rycerz-jej-krolewskiej-moci.html

[broneknotgeld]

Kaszy znocie?
www.dziennikzachodni.pl/artykul/794792,zagadka-obrazow-meki-panskiej-w-kosciolach-w-tychach-i,id,t.html
Dyć link mocie.

[broneknotgeld]

Kuknijcie tam ino
rudaslaska.com.pl/i,makula-po-slasku---quotwspominki-z-mojigo-grzesznego-zywotaquot,100,929514.html
Makula wspomino.

Wilhelm von Blandowski

[broneknotgeld]

Coby wspomnieć Blandowskiego
Werci kuknońć dyć do tego
www.dziennikzachodni.pl/artykul/965181,wilhelm-von-blandowski-slaski-indiana-jones-z-gliwic-historia-dz,id,t.html

[broneknotgeld]

Dudzie już Krzaklewski śni sie?
www.dziennikzachodni.pl/artykul/974784,top-10-najglosniejszych-ludzi-slaska-1-duda-2-pieta-3-gorzelik-ranking-dz,1,1,id,t,sm,sg.html#galeria-material
Wielki jako Jarek w PiSie?

[broneknotgeld]

Blyśnie RAŚ w rok welunkowy?
www.dziennikzachodni.pl/artykul/974784,top-10-najglosniejszych-ludzi-slaska-1-duda-2-pieta-3-gorzelik-ranking-dz,1,3,id,t,sm,sg.html#galeria-material
Tropiom tym nikere gowy?!

[broneknotgeld]

Plura godki fest sie trzimie
www.dziennikzachodni.pl/artykul/974784,top-10-najglosniejszych-ludzi-slaska-1-duda-2-pieta-3-gorzelik-ranking-dz,2,7,id,t,sm,sg.html#galeria-material
Tak czy siak - Rolwaga drzymie.

[broneknotgeld]

Wiela Alfons łod sia doł
www.dziennikzachodni.pl/artykul/1033009,podziemia-tarnowskich-gor-badane-od-80-lat,id,t.html
Wyszło tako jako chcioł.

[broneknotgeld]

Schaffgotsch w grobie zaś przewroco
www.dziennikzachodni.pl/artykul/1044177,wybitni-slazacy-oto-panteon-ktory-nie-dzieli-nas-lecz-laczy,id,t.html
Szterujom Godule - po co?
Skiż "Kopciuszka"?
Jeji łożka?
Gyszeft w dobro durś łobroco?

[broneknotgeld]

Ech - konklawe było wiycie
Tako nom uplytło życie
I Ślonzokom prziszła pora
Za papiyża mieć Gorola!

Ratti konsek Ślonska trzimoł
W plebiscytu czas niy drzymoł
Sie wom zdo co jo jest chory?
-Był tu Administratorym!

Z woli Rzymu Kościoł chycioł
Kaj plebiscyt - tref to sklycioł
I konklawe drap trefiyło
Papiyż Gorol! Tako było.

www.facebook.com/media/set/?set=a.611302902277950.1073741913.195759197165658&type=1

Donnersmarcki

[broneknotgeld]

Spiski Szwortek

Spiski Szwortek przi Lewoczy
Tam kukajom moje łoczy
Donnersmarckow tam szukajom
Niy dziwejcie - dyć niy bajom.

[broneknotgeld]

Henckel de Quintoforo 1378

Jakiś papior go wspomino
Tela szkryfna ło niym ino
Kej Lewocza roz gorała
To archiwum postrodała.

[broneknotgeld]

Synki Quintofora

Henckel mieszczanym - zbijo grosiwo
Tref profit dowoł - niych wos niy dziwo
Co synki jego już herbowymi
Geld dopomogo zowdy - dyć wiymy.

[broneknotgeld]

Konstancjo 1417

Na soborze we Konstancji krol herbami dzieloł
Tako Zygmunt Luksymburski bratkom tyż pościeloł
Pyjter, Jakub i Mikołaj - Quintofora syny
Połlwym zacznom sie sztymplować - herske jejich miny
I trzi roże tyż do tego z dołu herbu prawie
Poł lwa, róże - czas przed niymi jako śnik na jawie?

[broneknotgeld]

Herb Turzo - herb Henckla

Choć we farbach inkszy mosz
Dyć te same godło - znosz
Kej kukniecie, lwa widzicie
I trzi roże dołym - wiycie.

[broneknotgeld]

Spokrewnione

Z Mikołajym Turzo herb erbli cuzamyn
Trzech bratkow z niym "połlew" kupluje cuzamyn.

[broneknotgeld]

Pyjter Henckel Donnersmarck 1424

Durś mieszczanin, choć herbowy
Do gyszeftu dyć trza gowy
Drap w Lewoczy rajcom przeca
Drap coś wiyncyj ło niym skleca.

[broneknotgeld]

Starosta na Spiszu

Rajca ze Lewoczy ze szczyńściym niy majtnoł
Drapko ze urzyndym starosty tu "hajtnoł"
Tako tref Pyjtrowi z Donnersmarckow darzy
Wiyncyj zdo sie nawet istnymu niy marzy.

[broneknotgeld]

Mikołaj I Stary

Wpiyrw był kanonikym na Spiskim Podgrodziu
Dyć niy yno tela tref mu drap przigodzioł
Po Pyjtrze na Spiszu starostom łostowo
Zdo - Ponboczek za niym w ty dziedzinie stowo.

[broneknotgeld]

Jakub Henckel Donnersmarck

Ło trzecim bratku niy szkryfna wiela
Tyż był herbowy - wystyknie tela
Po prowdzie niychej wos to niy dziwi
Kejch niy poczytoł ło niym, to niy wiym.

[broneknotgeld]

Syny Pyjtra Henckel Donnersmarcka

Historjo coniyco ło tych synach prawi
Jako im tref darzoł niychej rym wyjawi
Jorga, Mikołaja i Jana poznocie
Pyjter zdo był hyrny ze tych swojich pociech.

[broneknotgeld]

Jorg I - 1427

W Wiedniu sztudiyruje
Fater śle grosiwo
Dyć synkym raduje
Niychej to niy dziwo.

[broneknotgeld]

Mikołaj II 1436

Krakow ze tym rokym poznoł Mikołaja
Żakym tu jest przeca - niy byda wom bajać
Po rozum do gowy trefioł do Krakowa
Zdo co po sztudyjach mondrzejszo mo gowa.

[broneknotgeld]

Mikołaj II 1443

Po Krakowie Wiedyń ciongnoł Mikołaja
Kształcioł na magistra - niy byda wom bajać
Niym tyn tytuł erbnoł szejść rokow zetrwało
Dyć zdo co istnymu se to łopłocało.

[broneknotgeld]

Jan I Henckel Donnersmarck

Nojmłodszego z bratkow szukej w Waradynie
Toż uznanie herbu istnego łominie
Ze Spisza wykludzioł - niy wroci na amynt
Źle mu dyć niy dzioło - w lewoczy niy lamynt.

[broneknotgeld]

Jorg I i Mikołaj II Henckel Donnersmarcki 1456

Krol Madziarow - Pogrobowiec
Herb istnych uznowo
Czasu potrza - ze mieszczana
Grof niyjedyn stowo.

[broneknotgeld]

Mikołaj II - 1463

W Spiski Kapitule teroz kanonikym
Śladym ujka poloz - był mu imiynnikym
Starszy w Podegrodziu, Młodszy w Kapitule
Dyć coś jeszcze chyci niym legnie we trule.

[broneknotgeld]

Mikołaj II - 1570

Opactwym w Szczawniku teroz reskiyruje
Pewnikym ta "fara" istnego raduje.

[broneknotgeld]

Maciej Henckel Donnersmarck (+1520)

Nojstarszy syn Jorga dwor mioł zdo sie zocny
Z mianym Miklosfalva stoł jakiś czas mocny
Jego tyż tu były te Betlanowice
Aż do samy śmierci - tela pewno wiycie
Pomarł w swoji ziymi, przi tym Szwortku Spiskim
Sie mu ta dziedzina zdowała chnet wszyskim.

[broneknotgeld]

Jorg II Młodszy

Łojca Starszym zwali, kej mieli Młodszego
W Lewoczy rychtorzym se łostoł do tego
Reskiyrowoł grodym pospoł z przisiyngłymi
Rok? Mono niy yno. Dyć co ło tym wiymy?

[broneknotgeld]

Rychtorz lewocki - 1494

Sie Lewocza z Koszycami ło trakt powadziyła
Niy dziwota, we te strony kupcow ciongła siyła
Toż Jorg II ofyn przeloz traktym z przisiyngłymi
Jako dali z tom łostudom niy szkryfna wom rymym
Dyć zdo, Jorg Lewoczy służoł jako rychtorz zocnie
Pod tym handszrift som położa, co mioł szłapy mocne.

[broneknotgeld]

Jorg II syndziom we Egerze

Syndziom biskup go mianowoł
Kaj dwor jego służoł
Egerowi podziwowoł
Coniyco tam użoł.

[broneknotgeld]

Lewocza - 25.XII.1503

Ślimto Lewocza po Jorgu prawie
Leży na marach - już niy na jawie
Przi świynty Anie go pochowali
Przed jyj ołtorzym - w opieka dali.

[broneknotgeld]

Mikołoj III Henckel

Syn Jorga Piyrszego
Nojmłodszy za bratkow
Co szkryfna do tego?
Niy skuli przipadku

We Wiedniu - to wiymy
Istny sztudiyrowoł
Choć niy kończom rymy
Cmok dali - toż stowo.

[broneknotgeld]

Jan II Henckel

Syn Jorga II we ty familiji
Wiela ło niym szkryfnońć trza bez komedyji
Tref mu dobrze darzoł - zdo co pszoł istnymu
Ze rymym mi lecieć trza wartko ku tymu.

[broneknotgeld]

Jan II - 1496

Żakym juz we Wiedniu Jana prawie widzom
Rechtory sie wiela nad istnym niy biydzom
Zdo co już w tym czasie prawo go kusiyło
Na przima niy poloz - tako ze niym było.

[broneknotgeld]

Jan II - 1503

Sztudiyrowoł tyż w Krakowie
Tam magistrym mianowany
Mioł tyn łolyj przeca w gowie
Poświodczali krakowiany.

[broneknotgeld]

Jan II - dochtor prawa - 1507

Ano - we Wiedniu tako sie stało
Już dochtor prawa - richtig niymało
Drap w Waradynie za kapelonka
A mie trza pioro we tincie tonkać.

[broneknotgeld]

Jan II - 1513

Już je farorzym w mieście Lewoczy
Niy dziwowały lewoczan łoczy
Przeca dochtorym był istny w prawie
A co przed Janym? -Zdo - śnik na jawie.

[broneknotgeld]

Jan II Henckel - fundator - 1520

W lewockim kościele z kraja ołtorz mocie
Kunszt w niym majstra Pawła! Fundatora znocie?
Ichni farorz prwie tyn ołtorz fundowoł
Świyntych Janow przeca - żodyn niy dziwowoł.

[broneknotgeld]

Jan II - 1522

W tym roku Koszyce juz Jana witału
Istnego farorzym terozki se brały
-Fara we Lewoczy łodstompioł bratkowi?
-Zdo co poniyktory prawie tako powiy.

[broneknotgeld]

Jan II kaznodziejom - 1522-1530

Na madziarskim dworze przi krolowy boku
Jan Henckel mioł jakby duszyczki na łoku
Tżz prziszło mu rzykać za Jagiellończyka
I Maryjka Habsburg - dyć czy za Watykan?

[broneknotgeld]

Jan II Wybitny

Dyć były to czasy już reformacyji
W kerych wiary wiyncyj jako tragedyji
Ze Lutrym, Erazmym Jan korespondowoł
I Melechtonowi łod sia cosik dowoł

Mono skuli tego kukoł dwor już krziwo
Mono i Watykan jakosik mu kiwoł
Toż trza było kludzić z Budy do Wrocławia
Tyż z rymym ździybeczko tam bestoż zabawia.

[broneknotgeld]

Jan II - kanonik wrocławski - 1531

Choć Wrocław niy Budom - sie tu niy krziwdowoł
Z duszy kaznodzieja - we zocy mioł SŁOWO.

[broneknotgeld]

Farorzym w Świdnicy

Świdnica farorza w Janie II miała
Chocioż niy za dygo, dyc przeca mu pszała
Kej Henckel z ambony wygłoszoł kozanie
Lepszymi chcieć byli zowdy świdniczanie.

[broneknotgeld]

Jan II Henckel - (+5.X.1539+)

Ano - już zabrakło teroz kanonika
Prziszło wrocławianom za niego porzykać
We końcu wystowic mu nagrobno płyta
A świyntego Pyjtra ło dźwiyrza niy pytać.

[broneknotgeld]

Sebastian I Henckel 1508 - 1511

W ślady bratka polow, w Wiedniu sztudiyrowoł
We wercie dlo niego tyż durś Boże Słowo.

[broneknotgeld]

Sebastian I - 1513

I Krakow go widzi
Kaj Akadymijo
Dyć wiela niy biydzi
Czeko kanonijo.

[broneknotgeld]

Sebastian I - kanonik - 1513

Ano - taki "fary" istny niy łominie
Bratek kapelonkym był we Waradynie
Sebastian zarozki łostoł kanonikym
Waradyn pobożny kej pod jego blikym?

[broneknotgeld]

Sebastian I - Wiedyń - 1515

W Wiedniu zaś sztudyja - bakałarzym stanie
I na tym zdo sztopnie - tako już łostanie.

[broneknotgeld]

Sebastian I - 1522

Farorzym w Lewoczy - chycioł to po bracie
Jan Poloz do Koszyc - w familiji lacie
Swojim parafianom Sebastian sztimowoł
Kozanie z ambony zowdy dobre dowoł.

[broneknotgeld]

Sebastian I (+1529+)

Łopuścioł Sebastian już lewocko fara
Łopuścioł - dyć wiycie - se leży na marach
Toż ząś Jana Henckla chcom tu parafiany
Dyć jymu chnet Ślonzek bydzie przipisany.

[broneknotgeld]

Konrad I Henckel

Tyn jako wpiyrw fater rychtorzym w Lewoczy
Gyszeft go pociongoł, geld radowoł łoczy
Majontkow mioł pora, dyć czas niyspokojny
Turek z Madziarami ciyngym cis do wojny
Konrad chycioł miecza i niym fest wojowoł
Duch w niym niyspokojny - kto tymu dziwowoł?

[broneknotgeld]

Konrad I - pułkownik polny

Ano - łod Mohacza ciyngym trza wojować
Miecza w polu siyngać, a myni kupcować
Dyć Konrad w tym majstrym kej pułkownikowoł
Za madziarskom ziymiom i za wiarom stowoł.

[broneknotgeld]

Konrad I (+Gelnica - 1542+)

Buda już we ryncach była łod sułtana
Na podzim w Gelnicy niy doczekoł rana
Nurt ty rzeki Hnilec zabroł pułkownika
We Lewoczy prziszło za duszyczka rzykać.

[broneknotgeld]

Bernard I Henckel

Tyn synek łod Jorga na Spiszu kupcowoł
I w swojich majontkach -ponoć niy folgowoł
Mieli go we zocy richtig lewoczanie
Kej i za rychtorza we grodzie tym stanie.

[broneknotgeld]

Bernard I - rychtorz lewocki - 1520

Choć Bernard był mody, rychtorzym wybrali
Zdo co Hencklom richtig we Lewoczy pszali.

[broneknotgeld]

Bernard I - 1563

Terozki Lewocza mo doświadczonego
Rychtorza - dyć zdo sie richtig już starego.

[broneknotgeld]

Bernard I (+1568+)

Pomarł - lewoczany Bernata rzegnajom
Choć syna mioł Jana - tyż pomarł - niy bajom
W Hencklow familiji majontki łostały
Tych kierzy je erbli fest uradowały.

[broneknotgeld]

Jako po Konradzie?

Jako po Konradzie mom synkow zrachować?
Jako rymym cosik ło nich wszyskich dować?
Wiela ich namnożoł niym w Hlińcu utopioł
Siodymka! -Za jurność Konrada bych popioł!

[broneknotgeld]

Jan III Henckel - Wittemberga 1529

Nojstarszy prawie synek Konrada
Tam sztudiyruje - czy ło to zwada?
Reformacyjom słynie ta sztela
We krześcijaństwie zdo karuzela
Na wittemberski uczelni przeca
Luter, Melechton - "cisnom do neca"
Reformacyji wielge ideje
Skiż kerych w końcu i krew poleje.

[broneknotgeld]

Na madziarskim dworze

Śladym Lutra poloz? -Ktosik tako powiy?
Na madziarskim dworze Jan służy krolowy
Przi Maryji Habsburg ichnie Niderlandy
Dyć lepi we Budzie niż daleko kandy.

[broneknotgeld]

Jan III - 1541

Łosiod we Lewoczy - sztela familiji
Tref Madziarom zdarzoł wiela tragedyji
Buda Turek chycioł - szczyńściym Spisz spokojny
Tela iże łojciec durś trzimie sie wojny.

[broneknotgeld]

Jan III - 1542

Konrad śmiertka trefioł - łojca łopłakujom
Dyć żyć trza do przodka - tela forsztelujom
Jan III terozki gowom familiji
Zdo co już wystyknie Hencklom tragedyji.

[broneknotgeld]

Jan III poborcom

Cysorskim poborcom łostoł we Lewoczy
Ze tym familiji tyż dokłodo mocy
Kej podatek zbiyro niy wszyskim dogodzi
Tom robotom Hencklom pewnikym niy szkodzi.

[broneknotgeld]

Jan III (+14.II.1565+)

Ano - we Lewoczy trza Jana pochować
Dzieckom wele truły we kościele stować.

[broneknotgeld]

Konrad II - Wittemberga - 1540

Tyż we Wittemberdze był istny kszałocony
Dyć potym w Lewoczy zaś Konrada momy.

[broneknotgeld]

Konrad II - rechtor - 1545

W lewockim Gimnazjum tako rechtoruje
Szkolorzom do gowy nauka fest suje
Dyć wiycie - z istnego tyż sługa Kościoła
Trza słuchać biskupa kej bydzie chcioł wołać.

[broneknotgeld]

Konrad II - koszycki farorz

Toż fara koszycko Henckla prziwitała
Biskup mioł we zocy - Bogu tyż na chwała.

[broneknotgeld]

Konrad II (+6.III.1559+)

Bog do sia powołoł ze koszycki fary
Parafiany klynkli kej trefioł na mary.

[broneknotgeld]

Sebastian II Henckel

Trefioł na Ślonzek tyn syn Konrada
Dyć skuli tego przeca niy zwada
Cysorz doł "fara" - poborcom łostoł
We Nowy Soli ze tym niy prosto
Dyć grosz trza zbiyrać - tropiom mieszczany?
Złe słowo pódzie za Sebastianym?

[broneknotgeld]

Sebastian II - Gubin

Cysorz mu "fara" doł tyż w Gubinie
Grosza mu trzeba - kogoś łominie?
Niy - Henckla we tym przeca już gowa
Coby cysorske brać ciyngym z nowa.

[broneknotgeld]

Sebastian II (+1596?+)

Ano - na Ślonsku podatek zbiyroł
W służbie cysorski - na to zaziyroł
Synkom dziedzina tukej łostawioł
Kej na padole tym już niy bawioł.

[broneknotgeld]

Hans IV Albrecht

Ło synku Konrada tym niywiela wiymy
Toż jako mom szkryfnońć ło niym cosik rymym?
We Lewoczy miyszkoł, zdo sie pomarł tukej
Chcesz, som we archiwach za istnym posznupej.

[broneknotgeld]

Hans IV Albrecht - Wrocław 1557

Tela zdo sie wiymy - żakym we Wrocławiu
Pewnikym niydugo w tym grodzie zabawioł
Mono mu wystykło to co familiji
Chcioł tu żyć spokojnie, żyć bez tragedyji.

[broneknotgeld]

Albrecht I Henckel

Nojmłodszy ze bratkow - zdo, niy żył za wiela
Toż szkryfna terozki ło niym yno tela.

[broneknotgeld]

Cery Konrada I

Synkow spłodzioł siedym, cerow nojmniyj trzi
Anny, Małgorzaty i Agniyszki - niy?
Historyjo wiela dyć ło nich niy prawi
Możno kajś kejś wiyncyj wom ktosik wyjawi.

[broneknotgeld]

Łazarz I Starszy - Lewocza - 29.X.1551

Syn Jana III - rodzony w Lewoczy
Fater we Biblijo czynsto wlepioł łoczy
Toż doł potomkowi miano łod Łazarza
Pierombol - trzi grosze teroz swoje wraża
Szpas łod rodziciela we tym sie wydowo
Rod Hencklow z Łazarzym bardzi wiyrchym stowo.

[broneknotgeld]

Łazarz I - mieszczanin wiedyński - 1581

Dyć sie Łazarzowi mnało zdo Lewocza
We kery geld jego aż bije po łoczach
Dom we Wiedniu kupioł - trza mu było tego
Kaj "Fleischmarkt" - gyszeftu tyż chycioł miynsnego
Bydło łod Madziarow, Wołochow skupowoł
A potym "via Wiedyń" Niymcom łodsprzedowoł.

[broneknotgeld]

Skiż wojny z Turkami

Grosza trza Habsburgom skiż wojny z Turkami
Trza tako bankera kery florynami
By zowdy dwor wspomog w nojwiynkszy potrzebie
Łazarzu - niy dziwej - kukajom na ciebie.

[broneknotgeld]

Wiedyński rajca - 1589

Dyć Łazarz do Rady niy wloz z sagom rziciom
Zdo sie niypośledniom w ty Radzie "gromnicom"
We ryncach mu mnoży sie ciyngym grosiwo
Ano - niyjednego fest to richtig dziwo
Kej tref szczyńście niesie i w gyszefcie darzy
Niyjednymu w Wiedniu yno ło tym marzy.

[broneknotgeld]

Borgowoł cysorza

Borgowoł cysorza w wojynny potrzebie
Mono skuli tego mioł "fory" we Niebie?
Bez srybra i złota ze Łazarza rynki
Wiyncyj krześcijanow ciyrpiałoby mynki.

[broneknotgeld]

Sztyrdziści tysiyncy florynow

Piyrszy roz pożyczoł cysorzowi tela
Możno zdo wom dzisioj richtig niy za wiela
Dyć cysorskim przeca stykło na łoblycze
Wojokom na Turka trza lyźć było - wiycie.

[broneknotgeld]

Łazarza winnice

Dyć sie niy dziwejcie - kej winym handlowoł
Ziymia pod winorośl niyroz dokupowoł.

[broneknotgeld]

Cysorski banker 1595-1600

Na wojna ze Turkym wyłożoł dość wiela
Dyć miljon guldynow - to niy bagatela
Pod zastaw dziedzinow co cysorske były
Zdo iże ze cindzom mu to nagrodziyły.

[broneknotgeld]

Cysorske borgi (1595 -1600)

Trzi a poł miljona Habsburgi wydali
Guldynow - na wojska niy pożałowali
Dyć podatkow zdo sie było ciyngym mało
Toż miljon guldynow Łazarza przidało
Niy darmo cysorza tyn Henckel borgowoł
Roztoliczne ziymie władca w zastaw dowoł.

[broneknotgeld]

Lynna w Austryji

"Państwa" Gföhl, Wesendorf, we ryncach Łazarza
Zastaw dyć geld dowoł - tako szkryfnońć waża
Zdo, dość wiela tego zamiost cindzy było
Toż sie durś Hencklowi w gyszefcie darzyło.

[broneknotgeld]

Goting na Morawach

Za dwiesta tysiyncy guldynow w zastawie
Dyć se Łazarzowi i to przido prawie
Kej cysorz jest ciyngym w wojynny potrzebie
Bankerowi zdo sie żyje jako w Niebie?

[broneknotgeld]

Dobra we zastawie

Z madziarski dziedziny abo tyż Austryji
Gospodarzoł zocnie - nic w tym z komedyji
Splyndory ze dwora, familiji siyła
W gyszefcie Hencklowi przeca niy wadziyła.

[broneknotgeld]

Raciborz mo w ryncach?

Ano - sie skiż tego przeca niy umyncza
Kej szkryfna - raciborz tyż we Henckla ryncach
Skiż borgow cysorskich Łazarz tukej panym?
Dyć czy yno taki koncek Ślonska dany?
Po prowdzie, na razie grosz zdo sie łominie
Mo margrabia Ansbach rynce w ty dziedzinie.

[broneknotgeld]

Bogumin w zastawie (1603)

Ano - i to erbnoł prawie
U Łazarza we zastawie
Ciyngym fantym dyć niy bydzie
Kejś rod Hencklow do sia przidzie.

[broneknotgeld]

Bytomske państwo stanowe (1603)

Cysorz Rudolf II geldu potrzebowoł
Toż Bytom pod zastaw Hencklowi tyż dowo
Choć sie ze margrabiom przidzie ło to spiyrać
Dyć trza Donnersmarckom w ta strona zaziyrać.

[broneknotgeld]

Po prowdzie

Po prowdzie cysorz geldu niy zwrocoł
Kej go na wojna ciyngym łobrocoł
We kery małowiela zdobywoł
Sie Łazarz Starszy tymu niy dziwoł
Broł władcy ziymie, broł prziwileje
Sie tref do niego i tako śmieje
Biere co niesie przi dworze życie
Biere kaj yno ze tym w proficie.

[broneknotgeld]

Brifym majestatu (1607)

Brifym majestatu prziwileje same
Tam sond w jego ryncach kaj mo ziymie dane
Kmiecie w jego władzy jako tyż mieszczany
Cysorski prziwilej Łazarzowi dany.

[broneknotgeld]

Bez podatku

Bez podatku - władcy łaskom
Gyszeftu durś trzimie
Łazarzowi dyć poklaskom
Bogaci - niy drzymie.

[broneknotgeld]

Radca cysorski - 1607

Tytuł erbnoł honorowo
Tako dzisioj sie wydowo
Dyć som cysorz tyż przi tymu
Herb potwierdzioł zaś istnymu
Ziymi wiela mo w zastawie
Kupiec grofym dyć we prawie.

[broneknotgeld]

Inkolat czeski Łazarza Starszego

We koronie czeski może beamtrować
Miyndzy figurami cysorskimi stować
Majontkow, mamony, dyć mu niy brakuje
Przi cysorzu stować istnymu sztimuje.

[broneknotgeld]

Radca prowdziwy - 1610

Już niy honorowy, już radca prowdziwy
Przi tymu mieszczanin - kogosik to dziwi?
Geld mo, ziymi wiela - czegosik brakuje?
Toz tako som cysorz Henckla tytułuje.

[broneknotgeld]

W Izbie Kupiecki 1615

Izbie Kupiecki dyrektorowoł
Z łaski cysorza niom reskiyrowoł
Dyć niy dziwota - był mu bankerym
Choć mono tropioł tym conikery.

[broneknotgeld]

Ciynżke czasy 1518 -....

Ciynżke czasy - bunt we Czechach
Śmiertka mo co kłaść do miecha
Łazarz sie cysorza trzimie
Choć wanielik - zło niy drzymie
Dyć rozlywo na Europa
Ciynżke czasy - to spokopia
Wojna potrwo lot trzidziści
Bioło Gora chnet se ziści.

[broneknotgeld]

Po Bioły Gorze

Po Bioły Gorze źle z Pepikami
Cysorz wygrany - powiycie sami
Dyć Henckel na tym zdo we proficie
Co ślonske je jego chnet cołkym - wiycie
Bogumin, Gory, bytom niy fantym
Trefi dziedzicym być szteli tam ty.

[broneknotgeld]

18.III.1623 - Bogumin, Bytom, Tarnowske Gory

Po Bioły Gorze we końcu stało
We ryncach Hencklow to co być miało
Tarnowske Gory, Bogumin, Bytom
Już Łazarzowe - nawet niy pytom
Dugo swych prow sie dopominali
Dyć tu panamii w końcu łostali.

[broneknotgeld]

Łazarz Starszy Henckel - Wiedyń +13.VII.1624+

Sie pomarło Łazarzowi
Żył dość dugo, kożdy powiy
Protestantym, wiela strzimoł
Kaj dwor władce - niy podrzymoł

Co cysorske - ciyngym wspiyroł
Na swoj gyszeft tyż zaziyroł
Łon już ziymi gornoślonski
Panym łostoł , chocioż konskym

Tyż dziedzica doł ty szteli
W czas utropy Henckla mieli
Kej dziedzina uciyrpiała
Kej tu wojna durś gorała

Dyć już Łazarz Starszy w grobie
Syn zaradzi w ty chorobie?
Kej miecz trzimie religijo
Kryjolyjo! Kryjolyjo!

[broneknotgeld]

Werci kuknońć w to
ciekawostkitg.blogspot.com/2013/03/markiza-la-paiva-hrabina-blanche.html
Tako mi sie zdo.

[broneknotgeld]

Łosmy roz już sie trefiymy
Co ło Donnersmarckach wiymy?

www.facebook.com/events/2265962463643749/

Jadwiga Markowa

[broneknotgeld]

Kaj Bytom Nowy
Sztrasa Markowy.
rudaslaska.naszemiasto.pl/artykul/osobowosci-rudy-slaskiej-kim-byla-jadwiga-markowa,2237946,t,id.html

Paweł Kachel

[broneknotgeld]

Toż siostro, bracie
Bytom na stracie.

www.dziennikzachodni.pl/artykul/3421061,pawel-kachel-nie-zyje-zmarl-wielki-milosnik-historii-bytomia-i-slaska,id,t.html

[broneknotgeld]

Kej czas idzie
Chnetko przidzie.

www.facebook.com/events/684766168226272/?context=create&ref_dashboard_filter=upcoming&source=49

Hans Lukaschek

[broneknotgeld]

Ło Lukaschku tyn link dom
Niy łod dzisioj postać znom.

nowiny.rybnik.pl/artykul,35999,wielki-slazak-z-niemieckiej-opcji.html

Stanisław Janicki

[broneknotgeld]

Cosik z życio Janickiego
Toż link prawie dom do tego.

www.dziennikzachodni.pl/artykul/3673986,stanislaw-janicki-slaski-polityk-ktoremu-milosc-zlamala-kariere-historia-dz,id,t.html

[madohora]

Wszystkiego Najlepszego po Świętach

[broneknotgeld]

Medykuja sam terozki
Ô rudziokach! Dopust boski?
W „Ludziach Ślōnska” ich nōńdziecie
Mono kuknōńć chocioż chcecie.

www.facebook.com/groups/332939560673928/posts/1683353945632476