Nasze szkoły

[broneknotgeld]

[broneknotgeld]

"Szkoła z klasą"

W zeszłym roku szkolnym wiela rudzkich szkoł
Przi zadaniach akcji zginało sie w poł
Niy było im leko - dyć we tym wytrwały
No i certyfikat tyj akcji dostały

Joch ło tym tyż pisoł trocha w Internecie
Niywiela żech zdziałoł som jedyn w tym przecie
We klota sie bija - niy mioł żech tyj mocy
By władzy te szkoły wystawić przed łoczy

Jednak tego roku akcjo dali leci
Pewnie we niyj bydom jeszcze nasze dzieci
Bestoż na tym forum tymat tyn pociongna
No i możno inkszych w promocjo szkoł wciongna

Klawiyra trynuja - prawiech jest gotowy
Ło szkołach coś wsuja jak yno sie dowiym
Że take sie znojdły we tyj naszy Rudzie
I wierza w to mocno - teroz lepi pódzie.

[broneknotgeld]

"Banknoty zastępcze Śląska 1914-1924"

W SP nr 8 notgeldy wystawiom
Przi nich sie dziecioki uczom no i bawiom
Tyn tymat we akcji wykorzystać idzie
Yno kero szkoła do mie ze tym przidzie?

[broneknotgeld]

Miejskie Centrum Edukacji Regionalnej

Tymu pomysłowi jo sie byda dziwoł
W tyj intyncji wypioł bych niyjedno piwo
Ciekawe czy ze tym tyż do mie sie zwrocom
Na tym forum przeca wiela sie nauczom.

[broneknotgeld]

No i jeszcze.

Jeszcze bych notgeldy ciepnoł im we łoczy
Możno kedyś w Rudzie bydom mieć je w zocy.

[broneknotgeld]

Linki ze forum ciepcie do szkoł
Ważne by rym tam nasz ślonski boł.

[broneknotgeld]

SP nr 8

Piyrszy roz żech wdep w ta szkoła
Ale niy żaluja
Dusza teroz jest wesoła
Bestoż fraszka suja

Miołch notgeldow tam wystawa
Gościyli jom zocnie
We nauce i zabawach
Dzieci majom mocne

Lekcje robiołch jo historii
Przi piniondzach ślonskich
A na koniec choby w glorii
Godki ciongnoł konski.

[forman5]

Bronek, a w której dzielnicy jest szkoła nr 8,ja chodziłem do 33iej w Rudzie 1
ale, jej już niestety jak i kina "Bałtyk" nie ma !

[broneknotgeld]

Wiyrek. Wiyrek przi Kokota
Tam żech wdepnoł jo niycnota.

[salo]

Chodziłem w Wirku do ogólniaka, najpierw koło sądu (nie pamiętam nazwy uliczki)
a potem na tzw. Kątach Jankowskiego :)

[broneknotgeld]

Wele sondu teroz tyn "Kopernik" stoji
Co sie budowlanki nic a nic niy boji.

[broneknotgeld]

Frelka z kochlowickego liceum

Frelka z naszy Rudy kryskowka zrobiyła
Przeszacowne jury tymatym znyńciyła
Jak buks złomoł szłapa na skorce banana
A we lazarycie ciepoł niom łod rana

Monice talyntu winszuja jo tukej
Wiyncyj tych artystow we Rudzie poszukej
We modych jest siyła - nadzieja nom rośnie
Bestoż jo ta fraszka szkryflom tyż radośnie.

[broneknotgeld]

W SP nr 24

Ogłosiyli w szkole konkurs ślonski gwary
Szkoda żech już na to ździybeczko za stary
Z gory rudzkim bajtlom wygrany winszuja
Bo przeca jak umia tyż gwara promuja.

[broneknotgeld]

Wystawa w Gimnazjum nr 9

Już som tam notgeldy we pełnyj swyj krasie
Szkolorzy dziwujom no a jo ciesza sie.

[broneknotgeld]

Rudzke "szkoły z klasom"

Momy w Rudzie "szkoły z klasom"
Choć niywiela sie tym aszom
Jo im teroz gratuluja
I spos pełny tukej wsuja.

SP nr 4, 5, 6, 7, 8, 16
Gimnazja nr 1, 4, 6, 10, 11, 12

[broneknotgeld]

Pietraszewsko mo pewnie ta "piytnostka" w zocy
A te szkoły lepsze - pedziołbych jyj w łoczy.

[broneknotgeld]

Do Gazety wyborczy dołonczyli "Przewodnik po Szkołach z Klasą". No i momy tam
dwanoście rudzkich szkoł, kere w zeszłym roku tyn tytuł zdobyły. Szkoda że niy
wszyske napisały tam coś łod sia. No, ale łone sie i tak tego niy muszom
wstydzić. Naszo kochano władza rudzko w tym je raczyj niy wspiyrała, a i tak
dopły swojego. Brawo.
Jedna z nich już dostała grant na realizacjo ciekawego pomysłu. "Wiadomości
Rudzke" napisały już ło tym. Inksze tyż majom szanse na te granty.
W tym roku sztartuje yno LO im. A. Mickiewicza. Życza szczyńścio i sukcesu.
Werci sie wspomnieć, że w akcji brało udział 24,12% szkoł z naszego
wojewodztwa. Nojwiyncyj ze wszyskich wojewodztw w Polsce.

[broneknotgeld]

Wyniki testow i miejsca rudzkich gimnazjow.

miejsce szkoła punkty suma

1. G nr 1 0,84 i 0,69 1,53
2. G nr 12 0,81 i 0,60 1,41
3. G nr 10 0,83 i 0,56 1,39
4. G nr 5 0,80 i 0,52 1,32
5. G nr 9 0,78 i 0,52 1,30
6. G nr 3 0,77 i 0,51 1,28
7i8 G nr 7 0,76 i 0,49 1,25
G nr 13 0,78 i 0,47 1,25
9. G nr 11 0,77 i 0,47 1,24
10. G nr 4 0,76 i 0,46 1,22
11. G nr 8 0,75 i 0,44 1,19
12i13 G nr 6 0,74 i 0,44 1,18
14 G nr 2 0,70 i 0,31 1,01

"Gazeta Wyborcza" 17.11.03

[broneknotgeld]

I LO im. A. Mickiewicza biere udział w drugi edycji akcji Gazety Wyborczy -
"Szkoła z klasą". Wielke brawa dlo tyj naszy szkoły.

[broneknotgeld]

W akcji "Szkoła z klasą" liceum mo tyż zadanie "Naszo mało i wielko ojczyzna".
Już żech ich zaproszoł na te forum. Ciekawe czy skorzystajom.

[broneknotgeld]

W łostatnich styczniowych "Wiadomościach" szkryfnyli ło Gimnazju nr 11. W
zeszłym roku ta szkoła brała udział w akcji "Szkoła z klasom" i terozki dostali
z tego dotacjo na szkolny projekt "GimArt - szkolne studio grafiki
komputerowej".
Dobrze że chocioż tela naszkryflali. W zeszłym roku wiela rudzkich szkoł brało
udział w tyj akcji, a kto sie tym interesowoł? Yno chyba jo cosik żech ło tym
pisoł w Internecie, no i specjalnie wciskołch sie do nich z wystawom. W tym
roku akcjo trwo dali. Biere w niyj udział rudzke LO nr 1. Możno naszo kochano
władza wejrzy na to łaskawie i pokibicuje, pomoże w czym. Bydzie przinojmni
jakiś synsowny tymat dlo "Wiadomości". Acha zgłosioł sie do tyj akcji tyż
halymbski zespoł szkoł ale nic niy słychać coby naprowdy coś chcieli z tym
zrobić. Możno uznali, że wystarczy sie zgłosić. Obych sie myloł.
broneknotgeld

[broneknotgeld]

Tygodnik "Newsweek" zrobioł ranking 100 polskich licejow kere pojlepi
przigotowujom szkolorzy do studiow wyższych. Niystety, szkoły z naszego
wojewodztwa niy blysły, a z Rudy Ślonski "ani widu ani słyszu". Szkoda.

[broneknotgeld]

W Bytomiu szkoły kere dostały tytuł "szkoły z klasom" założyły
specjalny "klub". Wspołpracojom wzajymnie, starajom sie "czimać forma", no i
jest ło nich trocha głośno na mieście. U nos ło tym było cicho jak sztartowały
we tym konkursie, a i potym tyż głucho. Yno jak jedna ze szkoł dostała dotecjo
w efekcie tyj akcji, to "Wiadomości" cosik ło tym szkryfnyły. Możno trza robić
tak jak we Bytomiu. Razym idzie sie jakoś przebić. Niy ma przeca co liczyć na
to, że po koleji kożdo szkoła bydzie miała taki luksus, jak viceprezydynt
miasta ze grona pedagogicznego, abo chociożby radny.

[broneknotgeld]

Ponoć gimnaziści źle w testach wypadli
Latoś w cołki Polsce tako ze tym było
A możno rechtory ździybko ich "łokradli"
-Se pedagogiczne ciało dokształciyło

Na siyła zaczyli se specjalizować
Kożdy pryndko przeca chce być "mianowany"
Szkolorzom przi tymu zastympstwa trza dować
Toż i efekt w testach wtedy "murowany">

[broneknotgeld]

Godajom co w region chcom mocno se wprzongnońć
Dyć "stolicy fraszki" cosik niy chcom ciongnońć.

[broneknotgeld]

Ciekawy wontek - niy cołkym z fraszkom
No a niy cieszoł sie jakby łaskom.

[broneknotgeld]

Akcyjo i latoś leci
Możno ze szkołow ktoś coś ukleci.

[broneknotgeld]

Hmm, zochyncoł żech łostanio halymbske szkoły do wspołpracy ze tym forum przi
edukacji regionalny. Niby je to zaciekawiyło, dyc cosik mi sie zdowo, że niy
bydzie leko.
Pożyjymy - łoboczymy.

[broneknotgeld]

Dniym Rechtora bydom żyły
-By se czasym tu kuknyły.

[broneknotgeld]

Przi edukacyji świyńcie
Niy łobroca se na piyńcie.

[broneknotgeld]

Choć som żech zwiydzoł te rudzke szkoły
Łone wlyźć tukej jakby se boły.

[broneknotgeld]

Przido se nom link tyż taki
www.szkolaztradycja.org/
Przeca wcale niy skiż draki.

[broneknotgeld]

Coś ło szkołach już tu było
Yno se nom kajsik skryło.

[broneknotgeld]

Czy wontek woży
coś dlo szkolorzy?

[broneknotgeld]

Szkoło, szkoło!
Kto cie woło?

[broneknotgeld]

Godka chnetko w szkole bydzie?
Czy na bezrok tako przidzie?

[broneknotgeld]

Niy ma co kiwać
rudaslaska.naszemiasto.pl/artykul/1086701,slaskie-szkoly-nie-wykorzystaly-w-pelni-pieniedzy-na,id,t.html#199141942211c8e8,1,3,5
Dyć idzie dziwać.

[broneknotgeld]

Poczytać trza
www.dziennikzachodni.pl/artykul/641805,ocena-negatywna-w-szkole-za-polskosc-slaska,id,t.html
Niy abo ja?

[broneknotgeld]

Silesia Schola
edukacjaregionalna.pl/aktualnosci/oswiadczenie-na-temat-wystawy-w-muzeum-slaskim
Poczytać wola.