Ze Rudy i ło Rudzie

[broneknotgeld]

XIV Zeflug Pszocieli Ślonski Fraszki i Rymowanki.

Sie podziwocie
Po to link mocie
www.sferatv.pl/vod/wydarzenia/audycja/2523-wydarzenia-23-maja-2013.html

[broneknotgeld]

Judycki ło herbach prawioł
Dzieje rodu tyż tym jawioł
www.facebook.com/media/set/?set=a.456864181064967.1073741839.382126668538719&type=3

[broneknotgeld]

XIV Zeflug Pszocieli Ślonski Fraszki i Rymowanki

Zdjyńcia som - powspominomy
plus.google.com/photos/118282640143805274037/albums/5881269642490340465
Po to tyn link tukej momy.
plus.google.com/photos/118282640143805274037/albums/5882392957693260849

[broneknotgeld]

Nagroda "Notgelda"

Choć NK już fest niy kulo
Dyć na forum nikt niy fulo
Choć dwa razy myni głosow
Dyć niy tracom z myjny włosow
Choć niy "Noblym" "Notgeld" przeca
Jo z niym w przodek zowdy leca

www.dziennikzachodni.pl/artykul/906048,ruda-slaska-wreczyli-notgeldy,id,t.html
Niy łod dzisioj, niy łod wczoraj
Dlo kultury tako pora
W kery wspiyrać jom durś trzeba
Ludzi dźwigać, siyngać nieba
Coby bliźni do bliźniego
Ze konszczyczka Ślonska tego
Był jak SŁOWO Ponboczkowe
-Za to "Notgeld" erbnie czowiek!

[broneknotgeld]

Ślonski Stolik Literacki
Trzeci roz na Ficinusie
To niy kartoflane placki
Szkryfniesz i poczytosz tu sie
Po naszymu przeca idzie
Kłaść na papior co ze duszy
Kunszt z tym wiyrchym jest i bydzie
Literacko Ślonzek ruszy.
www.facebook.com/events/617749698236587/

[broneknotgeld]

Obywatelskego coś we gowach majom
rudaslaska.com.pl/i,konsultacje-w-sprawie-budzetu-obywatelskiego,200274,936572.html
A Rady Dzielnicow "w malinach" - niy bajom.

[broneknotgeld]

Industriada 2013

Na banhofie w Chebziu prawie
Tyż podobnoś śnik na jawie.
www.facebook.com/TeatrBezpanski

[takijedenzgor]

Witom Wos Bronkunotgeldzie.

Ekstra konto żech założół,poczta tyż.
Chciołech chopa ło notgeldach cosik spytać.
Niy łodpowiy,mo mie w żici,niych mu słonko jasno świyci.
Lubi pisać som do siebie,
som se bydzie siedzioł w niebie.
Pisz se chopie durh na zdrowie,
co Ci siedzi we wontrobie.
Musisz mieć jom bardzo srogom,
bo niy zważosz na nikogo,
ciyngiym ino piszesz,skrobiesz,
specjalista łod wszyjskigo,
besyrwiser,iber ales.

Już nic wiyncy niy napisza,
wola cisza,cisza,cisza....

[broneknotgeld]

Blizy Bałtyku
Po polski stronie
Jo se tam klikom
filia18halemba.blox.pl/2013/05/Wystawa-Latarnie-morskie.html
Ze tym niy koniec
Mo bliza w godle choczewsko gmina
"Stilo" fest asi dyć ta dziedzina.

[broneknotgeld]

Ficinus Zachodni literatow gościoł
www.facebook.com/photo.php?fbid=10200195460353131&set=a.1882234259497.2100019.1350563856&type=1&theater
Toż przi Industradzie na maxa niy pościoł
Cosik tam szkryfnyli
Biyrka sie napiyli
Za pamiyńć ło Francku co gyry wyprościoł
Kej z namowy djoska zagwizdoł na dole
Do dzisioj skiż tego durś warzy we smole
Sie dowiydz karlusie
Co na Ficinusie
Klontwa po łoszkliwym łostała djobole.

[broneknotgeld]

Na Halymbie blyśnie Stilo
Stond Bałtyka niy pokilo.
www.facebook.com/events/330642353729622/

Orzegów

[broneknotgeld]

Murowany
Kaj Emilii Plater krziż jest murowany
Kukej na Krystusa – widać Jego rany
Łod kedy tu stoji? Co ci powiedzieli?
Sami by to wiedzieć richtig teroz chcieli
Był piyrwyj na torgu? Eli prowda w tym?
Niy ma na niym daty – tela richtig wiym.

[broneknotgeld]

Na krojcoku

Na krojcoku przi Gliwicki
Tyn krziż stanoł – był tu wedycki
Ktosik godo – na Puszkina
Na krojcoku – niy łomina
Ciyngym stoji na betonie
Krystus z blachy, farby tonie
Dyć łon stoji skuli wiary
Krol z krolestwa inkszy miary
Czy ze ajzy, srybra, złota
Kaj krziż zdo sie tam Golgota

[broneknotgeld]

Na Krolowy Jadwigi

Nad Matkom Boskom jyj krziż – utropa
Wielko – jyj pewno som niy spokopia
Nad Matkom Boskom krziż – Pańsko Mynka
Żol Rodzicielki – z tym pełno wnynka
Zdo sie zaślimto, płaczki polecom
Jyj? Tym co grzechy durś nowe klecom?
Możno Jadwiga Świynto we Niebie
Kuknie – kej ślimtosz – wspomoże ciebie
Do wiyncyj siyły skuli Krystusa
Ślimtej – płaczkami łobmywasz dusza.

[broneknotgeld]

Krziż Gwoździow – 1899

Ciyngym tu stoji kaj podźwigali
Orzegowowi na zowdy dali
Trzi wieki krziż tyn już pokuplowoł
Krystus choć ciyrpioł przeca zmiyłowoł
Łodpuścioł winy – tako nom trzeba
I winowajca we wercie Nieba
Kej Pon Bog stworzył – nom Rodzicielym
Krziż Gwoździow stoji byście wiedzieli
Niy darmo Matka Bosko pod krziżym
Kej sie przeżegnasz do Niyj tyż bliży.

[broneknotgeld]

Orzegow 1313

Świodczoł skiż Przełajki Marcin z Orzegowa
Kej ze woli prawie princa bytomskiego
Wieś sprzedano była – grunt, niejedna gowa
Pawłowi Dutkowi, toż terozki jego.

[broneknotgeld]

Orzegow 1313 – 2013

Siedymset lot cofnońć trza nom historyjo
Był już tu Orzegow – to niy komedyjko
Siedymset lot prawie – gyburstag zrychtujom?
Tym rudzko dzielnica pewno uradujom!

[broneknotgeld]

Marcin z Orzegowa 1338

Ano – kajś w papierach ponoć to łostało
Co ciyngym istnego ta dziedzina cało
We ksiynstwie bytomskim, blisko princa grodu
Dzisioj już niy tako, dyć wspomna – wom godom.

[broneknotgeld]

Świyntopietrze 1366

Z sztyrech zagrod orzegowskich było pobierane
I w bytomski parafii co roku składane
Farorz świynty Małgorzaty tako broł co jego
I Piotrowe tu potomki nic miały do tego.

[broneknotgeld]

Orzegow XV wiek

Bernard von Sonaberg – starosta bytomski
Orzegowa i Szombiyrek trzimoł w ryncach konski
Dwie dziedziny dyć cuzamyn – niy dziwejcie Tymu
Przeca wele siebie leżom – daleko łod Rzymu.

[broneknotgeld]

Bernard von Sonaberg

Sonaberg sie zdo mi prawie Szombiyrkami
Czy to jejich miano downe? –Łodpowiydzcie sami.

[broneknotgeld]

Orzegow 1479

Bernard von Sonaberg sprzedowo dziedzina
Inkszymu staroście – a to ci nowina!
Dyć kej już w Bytomiu Rudzki starostwoł
Szombiyrki, Orzegow – na tych ziemiach stowo.

[broneknotgeld]

Stanisław Rudzki 1475

Starosty Bytomia istny urząd chycioł
Toż niy ma co dziwać – wioski tu kupuje
Sonaberg sie stracioł, tref Rudzkiymu sklycioł
Som Stanik dziedzinom niydugo raduje.

[broneknotgeld]

Dorota ze Wrbna

Cera łod Rudzkiego dyć wdowom już była
Kej ze woli łojca Orzegow chyciyła
Matkom szworki dziecek, trzech synkow i cery
Nojstarszym był Bernard – kej sie spyto kery
Toż jymu dziedzina sie naszo dostała
Jak matka z ty ziymi kostucha zabrała.

[broneknotgeld]

Orzegow 1499

Bernard – syn Doroty już tu gospodarzy
Już tyż ze rodzyństwym ło Brutnalu marzy?
Cuzamyn kupiyli – wiela niy zetrwało
Brutnalskimi bestoż sie ich mianowało.

[broneknotgeld]

Bernard Brutnalski z Wrbna – 1529

Toż Bernard Brutnalski z tym rokym pomiyro
Syny małoletnie – na brata zaziyro
I ze łoża śmierci tako nakazuje
-Niychej familijom Hynek opiekuje
Niych dbo ło majontek, niych szczyńdzi, niych mnoży
Jak dziecka podrosnom przed niymi położy.

[broneknotgeld]

„Skuplowany”

Brutnal „skuplowany” piyrwyj z Orzegowym
Toż słuchejcie ludzie co terozki powiym
- Trza wom sie tym asić, trza siyngnońć do tego
Kej we historyji mocie Brutnalskiego
I miasto recerske idzie mieć we zocy
Na tyn grod rycerski mieć otwarte łoczy.

[broneknotgeld]

Orzegow 1540

Ruda z Orzegowym, tako Szombiyrkami
Sprzedano! Sie tropioł Hynek bratankami?
Wbrno mu było bliske i Brutnal tyż tako
Orzegow po istnym podobnoś niy płakał.

[broneknotgeld]

Jan Gierałtowski – 1540

Siedzioł Gierałtowski piyrwyj we Chudowie
Już panym we Rudzie, no i Orzegowie
Kruszcow chciał tu szukać, niy czornych kamyni
Kere znod we rudzko-orzegowski ziymi
Wongel znod, dyć wtedy wcale niym niy cieszył
Dzisioj prawie wiymy co tako łon zgrzeszył.

[broneknotgeld]

Wacław Gierałtowski Starszy – 1570

Ło potomku Jana sie cosik dowiycie
Syndziom był w Bytomiu, mioł we zocy życie
W Tyn rok sto talarkow doł tu szpitalowi
Dobrodziejym chorych – kożdy tako powiy
Dyć niy przepominoł istny ło Chudowie
Tam lyże familji – kej pomarł – przi wdowie.

[broneknotgeld]

Jan Gierałtowski Młodszy – 1610

Pomarł ze tym rokym młodszy brat Wacława
Wiela po niym erbnoł, dyć co grosz, co sława?
Kaj Chudow, Paniowy, kaj Gierałtowice?
Kaj Zobrze, kaj Ruda, Zaborze – czy wiycie?
Kaj Knurow, Sośnica, Orzegow, Szombiyrki?
Borowo Wieś tako – wzion Wacław – dyć synkom
Nojstarszym był prawie co ze łojca Jana
Toż we niym dziedziny znodły teroz pana.

[broneknotgeld]

Wacław Gierałtowski Młodszy

Z Joannom Sedlitzkom istny sie łożynioł
Biskup doł dyspynsa – tego niy pomiynioł
Czy bestoż bezdzietne było istnych stadło?
Kej miyndzy krewnymi coś Amora padło

[broneknotgeld]

Joanna Sedlitzko – 1622

Ano – wdowa chowie Wacława z tym rokym
Karol Praschma prziloz do niej wartkim krokom
Drapko sie pobrali – chop był zadłużony?
Chnetko i Joanna we utropie momy
Chnetko ich majontki cołkym rozdzielone
Chnetko w ty familji Orzegowa koniec.

[broneknotgeld]

Piotr Koniecki 1631

Za Joanny długi teroz Knickiego
Orzegow, Szombiyrki i Ruda do tego
Szejśćdziesiont tysiyncy florynow pożyczoł
Kej niy prziszły nazod, drap dziedzina chycioł.

[broneknotgeld]

Piotr Koniecki – junior

Kej ojciec już pomarł, dziecka tu łostały
Synek z mianym łojca zdo sie jeszcze mały
I cera Marianna, i dwie pasierbice
Testamynt był przeca – junior erbnoł – wiycie
Dyć wszyskego prawie ujek Franc wachowoł
Pyjter rosnoł drapko, w końcu sztudiyrowoł
Italjo daleko – niyszczyńście sie stało
Tam pomarł dyć istny – młodzioka zabrało
Toż w dziedzinie naszy tyż wielko utropa
Familjo sie sońdzi – to prawie spokopia.

[broneknotgeld]

Marianna von Bielsko-Bioło - 1643

Przi niyj co łod bratka, niy zmiyniyli tego
Pasiyrbicom łojca trza geldu srybrnego
Mo Bielsko-Biołego Marianna za chopa
Przeca skuli tego wcale niy utropa.

[broneknotgeld]

Orzegow Helyny Cykowski – 1665

Po matce mo cera – niy ma dziwać czymu
Możno syn niy trefioł sie istny, istnymu
A że Hela ślubnom była Cykowskiego
Toż chop tyż we prawie terozki do tego.

[broneknotgeld]

Orzegowsko Kopanina – połowa XVII wieku

Folwark Kopanina, ze lasym do tego
Zdo sie tukej powstał skuli Karlińskiego
Łon fesztra tu trzimoł – Złotniczka – dyć wiycie
Niy cołkym we złocie leciało mu życie.

[broneknotgeld]

Franciszek Kamiński - 1697

Orzegow, Szombiyrki teroz Kamińskiego
Dyć sie niy pytejcie doszło do tego
Pewnikym sprzedany – szkryfna yno tela
Kamiński niydugo potrzimie ta sztela

[broneknotgeld]

Jan Mikołaj Fogler 1705

Z tym rokym dziedzina we ryncach Foglera
Syn starosty Pszczyny gospodarzy teraz
Niym pomarł baronym czeskim istny stowo
Ździbeczko Szombiyrki podźwigo – sie zdowo
I tako Orzegow tyż zdo we proficie
Syn za łojca przidzie – dziedzic – ano wiycie.

[broneknotgeld]

Jan Adam Fogler – 1713

Syn łod Jana Mikołaja
Mo dziedzina – dyć niy chaja
Łojciec żyje – doł synowi
W zgodzie tako – kożdy powiy
We Szombiyrkach dwor buduje
I Orzegow porządkuje
Wiy kery sie ło to pyto
Co majontek mu rozkwito.

[broneknotgeld]

Jerzy Jarosław Fogler – 1740

Po ujku dziedziny bratanek sie chycioł
Na ćwierć wieku tako tref mu to uklycioł
Pomarł bez potomka – Orzegow przi bracie
Czy lekci by było we djoska „kieracie”?

[broneknotgeld]

Familjo Jeannaret

Familjo Jeannaret we Welczkow wżyniono
Z Francyji tu prziszła – czy tako dźwigniono?
Kyns ziymi kupiyli zdo sie łod Foglera
Gruba założyli – wongel w zocy teraz.

[broneknotgeld]

Orzegōw Welczkōw 1772

Ano – już kyns ziymi tu piyrwyj trzymali
Tōż grosz wyłożyli i poszli w to dali
Szarlota Welczkowo z Jeannaretōw tukej
Dziedziczkōm – na prowda, po klocie sie klupej.

[broneknotgeld]

„Krōl Dawid” - 1775

Prawiōm co ta gruba wtedy Majewskiego
Grunt mioł w Orzegowie – niy dziwōm ze tego.

[broneknotgeld]

Jerzy vōn Hochberg 1783

Lyże mo daleko– Orzegōw-Szōmbiyrki
Dziedzice drap miyniōm – zdo sie jako bierki
Foglerōw i Welczkōw przypomnieć nōm przidzie
Dyć jako spamiyntać tych po – zły czas idzie.

[broneknotgeld]

Orzegōw-Szōmbiyrki XVIII/XIX w.

Wiela sie dziedzicōw ty szteli miyniyło
Czasy niespokojne i w wojna trefiło
Tōż niy ma co dziwać – potracić w tym idzie
W czas napoleoński i Prusy we biydzie.

[broneknotgeld]

Jako mi wspōminać?

Jako mi wspōmniać tych „na rok” dziedzicōw
Przi kerych majōntek czynsto cosik traciōł
Dyć ze tym rym ślōnski niy raduje licōw
Jo zaś yno gowa mianami bych graciōł.

[broneknotgeld]

Joanna Maria Petsch 1812

Kupiyła majōntek dyć niy zapłaciła
We złym czasie tako – tymu niy dziwujcie
Sie Napoleona armijo cofnyła
A kej szła przez Ślōnzek – zło z niōm – forsztelujcie

[broneknotgeld]

broneknotgeld napisał:

> Joanna Maria Petsch 1812
>
> Kupiyła majōntek dyć niy zapłaciła
> We złym czasie tako – tymu niy dziwujcie
> Sie Napoleona armijo cofnyła
> A kej szła przez Ślōnzek – zło z niōm – forsztelujcie
>
Przi tymu trefiyły tu nieurodzaje
Głōd, wojna, natura – zdo sie sprzisiyngajōm
Starosta łodebroł dziedzina – niy baje
Aż dziesiyńć lot trzimoł – potym sprzedowajōm.

[broneknotgeld]

Orzegōw – Szōmbiyrki 23.03.1826

Ze tym dniym dziedzina prawie Godulowo
Majōntkym Karola za talarki stowo
Po prowdzie pōł z tego co piyrwyj kosztuje
Sztyrdziści tysiyncy ze hokym – sztimuje?

Pierōmbol – czy powiat wycyckoł dziedzina?
Dyć już Godulowo – to dobro nowina
Czy istny sioł, łoroł? –Łodpowiydź tu znocie
W Karolu Goduli „krōla cynku” mocie!
Kery skiż cynkhutōw i grubōw sie chyto
Galman? Blynda? Wōngel? -Niyjedyn tu pyto.

[broneknotgeld]

Karol Godula

Niy przijōn szlachectwa łod krola pruskego
Stykło że robota godała za niego
Niy chcioł grać jakegoś wielmożnego pana
Harować łōn prziwyk łod samego rana.

[broneknotgeld]

+6.VII.1848+

Pomarł już Godula – Orzegōw w żałobie
Miljōny talarkōw niyjednymu w gowie
Dyć czy sie łobłowi ze tym familijo?
Testamynt otwarty. Ło cie…! Kryjolyjo!
„Djosek z Rudy” richtig przeca niy nazgobiōł

[broneknotgeld]

broneknotgeld napisał:

> +6.VII.1848+
>
> Pomarł już Godula – Orzegōw w żałobie
> Miljōny talarkōw niyjednymu w gowie
> Dyć czy sie łobłowi ze tym familijo?
> Testamynt otwarty. Ło cie…! Kryjolyjo!
> „Djosek z Rudy” richtig przeca niy nazgobiōł
>
Siyrota dziedziczkōm – czy śmierć tako pobiōł?

[broneknotgeld]

Pōłsiyrota

Siyrotōm była - geld erbła taki
Że ciynżko muster znojść jyj jednaki.

[broneknotgeld]

Joanna Gryzik 1848

A dyć szejść rokōw freliczka miała
Kej te miljōny prawie dostała
Raduje matka, piyrwyj w utropie
Kształci sie frelka i na wierch dropie
Wszysko pod łokym radcy Schefflera
Łōn zawiaduje fortunōm teraz.

[broneknotgeld]

Joanna Gryzik von Schōmberg-Godulla

Ano – krōl pruski tytuł nadowo
Kopciuszek tako paniōm sie stowo
Talarki, ziymie, gruby, cynkhuty
Kery jyj ślubnym w to drap „łobuty”.

[broneknotgeld]

Ślōnski Kopciuszek

Joanna Gryzik - Kopciuszek ślōnski
Tyż pokazuje co niy łod gōnski
Yno ze ziymi naszy wyrosła
Z geldym Goduli we grofy poszła.

[broneknotgeld]

Joanna Schaffgotsch vōn Schōmberg-Godulla 1858

Jake było weselisko?
Grof Joanka mo i wszysko
Dyć sie niy trza wiela tropić
Chcioł pomnożać, a niy topić
Swoji ślubny tyż był wierny
Sōm majōntek mioł mizerny.

[broneknotgeld]

W ryncach Schaffgotschōw

W ryncach Schaffgotschōw Orzegōw kwitnie
Ze historyji żodyn niy wytnie
Wiela by ło tym szło ciyngym prawić
Dyć coś ło grubach chca teroz jawić.

[broneknotgeld]

„Krōl Dawid” Jeannareta 1769

Łodkrywka wōnglo to prawie była
Sie w ty dziedzinie tako trefiła
Ze sto piyńćdziesiōnt tōn rocznie dowo
Dyć drapci wiynkszo aż richtig stowo.

[broneknotgeld]

Gwarka Dawida?

Gwarka Dawida – niy krōla przeca
Robota tukej – tōż z rymym leca
We ty łodkrywce istny fedruje
Geld za dzierżawa pana raduje.

[broneknotgeld]

Na Orzegow coś rychtuja
Jutro mono uraduja.

[broneknotgeld]

Gyńś?

Gyńś mo nogi krōtke – ptokowi dziwajōm
Czamu fest wysoki ? Kōncept dyć dowajōm
Take gyńsi yno przi Bytōmce żyły
W łobie strōny rzeczki durś piechty łaziły.
www.facebook.com/photo.php?fbid=520104208038850&set=a.520103028038968.1073741834.427827820599823&type=1&theater

[broneknotgeld]

Światowy Dziyń Latarniow Morskich
18.VIII.2013

W trzecio niydziela siyrpnia te świynto
Latarniom pszaja - bestoż jo wiym to.

www.facebook.com/events/555937844452251/
Piyrszy roz cosik na Ślonsku bydzie
Świynto latarniow drap tako przidzie.

[broneknotgeld]

Galerjo Trefonia żech tam zgłosioł dzisioj
Odznaka "Pszociela..." tyż - czy byda wisioł?
rudaslaska.naszemiasto.pl/plebiscyt/418,wybieramy-wizytowke-rudy-slaskiej,id,t.html

[broneknotgeld]

Na Ficinusie!
Kuknijcie tu sie.
rudaslaska.naszemiasto.pl/plebiscyt/karta/418,kolonia-ficinus,10383,id,t,kid.html

[broneknotgeld]

Ło registrze wiyncyj wiymy
www.nowagazetaslaska.eu/index.php/w-regionie/item/2079-wyniki-spisu-z-podzialem-na-powiaty-sprawdz-gdzie-mieszkaja-slazacy
Ździybko tym uradujymy.

[broneknotgeld]

Coś ło blizach już tam jest
www.sferatv.pl/vod/wakacje-z-telewizja-sfera/audycja/2789-wakacje-z-telewizja-sfera-26-07-2013.html
Radzi tymu bydom fest?

Trza kuknońć tak po 22 minucie programu.

[broneknotgeld]

II Dziyń Ślonzoka

Sie szykuje
www.facebook.com/events/387533384681747/?context=create#Uraduje.

[broneknotgeld]

Wiedyń - 1683-2013

Wiedyń wielki mioł frasunek
Z Polski prziloz drap retunek
Dyć sie tymu niy dziwejcie
I we link tyn pokukejcie.
www.facebook.com/photo.php?fbid=540222169360387&set=pb.427827820599823.-2207520000.1376399252.&type=3&theater

[broneknotgeld]

"Halemba w obiektywie Mariana Goleśnego"

Znod to we knipsaparacie
www.facebook.com/media/set/?set=a.163353210523778.1073741827.139285146263918&type=1
Toż na gyry łoblyc lacie
Przestoń kiwać
Przidź podziwać
Kej wystawa czeko na cie.

[broneknotgeld]

"Nieba bliżyj"

Już wystawa zmontowano
Choć tropiyło mie to rano.
www.facebook.com/media/set/?set=a.540623829320221.1073741840.427827820599823&type=1

[broneknotgeld]

Piyrszy Konkurs Limerykow Nowobytomskich - "Ze Fryncity"

Sie limeryk na Fryncicie
Long roz chopu, roz kobiycie
Szpas we rymach
Blyńdzioł w cima
Ze kostuchom wygroł - życie!

nk.pl/#forum/17/977/636

[broneknotgeld]

Sie Halymbie podziwocie
Dyć już taki jom niy mocie.

filia18halemba.blox.pl/2013/08/Wystawa-Halemba-w-obiektywie-Mariana-Golesnego.html

[broneknotgeld]

Roz Halymba wpiyrw, roz Nikisz
Toż filerze tinta wypisz!
Sie ścigajom
Dyć niy bajom
www.dziennikzachodni.pl/plebiscyt/karta/62,ruda-slaska-halemba,2587,id,t,kid.html
Ech, ty wyno moja - zgrzipisz!

[broneknotgeld]

Choć Orzegow blysnoł fest
www.dziennikzachodni.pl/artykul/1019209,to-kultowy-slaski-orzegow-bez-dwoch-zdan,id,t.html
Tyż Halymba rada jest.