Jak chop z babom

[broneknotgeld]

"Poskromiynie złośnicy"

Szekspir szkryfnoł tako sztuka
Dlo Kasiyńki w niyj nauka?

[broneknotgeld]

Po co kichoł ołpa mo?
Czy łodpowiydź frelka zno?

[broneknotgeld]

Niyroz skuli PITa
tropi se kobiyta.

[broneknotgeld]

Lepi starymu kryki se trzimać
Niż wele mody frelki zaś drzymać.

[broneknotgeld]

Somsiodce prawioł
Co by jom bawioł
Dyć mioł intyncjo
Kaj ta potyncjo.

[broneknotgeld]

Wloz do somsiodki roz na bonkawa
Łostoł na zowdy - tako to sprawa.

[broneknotgeld]

Z hexom niy ma co zadziyrać
Lepi pitać co siył w gyrach.

[broneknotgeld]

Frela szuko dyplomaty
Ponoć taki niy sagaty.

[broneknotgeld]

Z szuminow wrożyła
-Oby jego była.

[broneknotgeld]

Farorz rzykoł wiela
Bo kusiyła frela.

[broneknotgeld]

Placki pieka w doma som
Ślubno chwoli - grajfka mom.

[broneknotgeld]

Kurde bele - sprzontać statki!
Czy chop po to nosi "gatki"?!

[broneknotgeld]

Jak sie frela rozfechtuje
I przi garach porymuje.

[broneknotgeld]

Zowdy przi łobiedzie frelki medytujom
-"Niych te kaloryje yno cycki czujom".

[broneknotgeld]

Kurde bele - szlic w spodnicy
Gaftom ku ty okolicy.

[broneknotgeld]

Lepszy szlic niż pympek goły?
Gaftna zaś boch jest wesoły.

[broneknotgeld]

Niy yno łod środy
Słodzom frelce mody.

[broneknotgeld]

Kajś we Niymcach - w gorach Harcu
Heksa trefioł zech we marcu
I choć se łośmioła piyknie
Ty przigody już mi styknie.

[broneknotgeld]

Karlus frelka chcioł jak muter
Wyszło co "darymny futer".

[broneknotgeld]

Ślubno mi robota dowo
Bych se poczuł bardzi zdrowo
Niy ma we tym komedyji
Ściepch dwa kilo na pyndzyji.

[broneknotgeld]

Frelka z sagim pympkym
do ślubu iść chciała
Podobnoś skiż tego
durś se niy wydała.

[broneknotgeld]

Farorz przi ołtorzu
Sie pympkowi dziwoł
Po gowie łaziyło
-Czy łona cnotliwo?

[broneknotgeld]

Dyć se wszysko wywiedziała
Chop jyj pedzioł jako chciała
Wiela przi tym chwolby było
Ech, to sie im bydzie żyło!

[broneknotgeld]

Fojermana chyci frela
Jak sie poli richtig wiela.

[broneknotgeld]

Pogodziyli z łogniym woda?
W familiji bydzie zgoda?