Jak chop z babom

[broneknotgeld]

Mantelszyrca kupić miała
Coby w stringach niy lotała.

[broneknotgeld]

Kurde bele - kusiol "kwiotkym"
Co niy dlo piszczoły słodkim.

[broneknotgeld]

Princa szuko - jako chcecie
Łazi dlo niyj princ po świecie?

[broneknotgeld]

Kto tym princym - probowała
I zowitkom sie łostała.

[broneknotgeld]

Tyś jest

Tyś jest jako brzózka wiosnom
Kedy chucie w ludziach rosnom
Kej skowronek zaświyrgoli
I natura pszonie chwoli

Tyś jest krasym makym w lecie
Co mi gorko nocka plecie
I ze rana śnikym darzy
We niym "ripley" już se marzy

Tyś na podzim jabkym z drzewa
Wiecznym mianym, bo Tyś - Ewa!
Jakom Cie szacować miarom?
Styknie poddać Twojim czarom

Tyś jest jako śniyg we zimie
Pod pierzinom jego drzymie
To co w końcu wylyźć musi
Ziomb radości niy zadusi

Tyś jest SŁOWYM u poczontka
Tyś we świata wszystkich kontkach
Tyś utropom kero znom
Boch bez Ciebie cołkym som.

[broneknotgeld]

Sie zowitka chce tyż wydać
Już niy princa trza jyj by dać

[broneknotgeld]

Szukoł frelki jak leluja
Jo do dzisioj go żałuja.

[broneknotgeld]

Chocioż niyjednego bodła
Frela princa se niy znodła.

[broneknotgeld]

Sztyrech chopow pochowała
Już piontego by mieć chciała.

[broneknotgeld]

Jedna frela niy za modo
Ze karlusym se dogodo
Bele yno jom spokopioł
Ksiondz niy bydzie tego kropioł.

[broneknotgeld]

Gryfno frelka durś cnotliwo?!
-Idzie znojść kajś take dziwo?

[broneknotgeld]

Mono pragliwy mo śnik ło princu
Skiż tego łazi ciyngym we wińcu.

[broneknotgeld]

Jedyn chcioł ze świyczkom szukać
W nocy śmioł po kontach szukać
Dyć podobnoś kaj niy poloz
Wszyndy niycnotliwo znoloz
Ech, po prowdzie - był w profice
Bo probowoł cołke życie
Co noc inszo - w tym radocha
W końcu sie pomyloł trocha
Na ta z kosom trefioł w pryku
Niy znod cnotki ani lyku.

[broneknotgeld]

Dyć co piyrwyj mioł to jego
Niy żałowoł już niczego
Bo ty cnotki sto lot szukoł
We tysionce "kontkow" kukoł.

[broneknotgeld]

W kożdym "kontku" sie rozgościoł
Poużywoł a niy pościoł
Jak już prawie tracioł czucie
Śmiertka zakończyła chucie.

[broneknotgeld]

Nałosprawioł sie dość wiela
Wspomnieć musioł kożdo frela
Toż se Niebo dziwowało
I pociechy z niego miało

Teroz świynty czynsto prawi
-W Piekle musi być ciekawi.

[broneknotgeld]

Sie łod rana łonaczyli
Do łobiodu niy skończyli.

[broneknotgeld]

Acikowo

Łod Acika chce pyndzyjo
Co do grosza - kryjolyjo!

[broneknotgeld]

Jak nabiere istno szwongu
Niy popuści na dichtongu.

[broneknotgeld]

Przed łobiodym wypić tela
Już nerwowo moja frela.

[broneknotgeld]

Lepi z babom niż w robocie
Z niom dyć richtig wiyncy pociech

[broneknotgeld]

Fest karlusa zachwolała
Dyć mu ponoć sama pszała.

[broneknotgeld]

Fest karlusa zachwolała
Dyć mu ponoć sama pszała.

[broneknotgeld]

Kurde bele - dwa połrzitki
To dlo freli niy som zbytki.

[broneknotgeld]

Jak sie Hilda wydowała
Kompanijo fest ślimtała.