Ło Pomorzu i Kujawach

[broneknotgeld]

Do Grudziondza tymat wciepna
W ślonski godce z niym łokrzepna.
forum.gazeta.pl/forum/72,2.html?f=225&w=9993207&v=2&s=0

[broneknotgeld]

Daleko? - Ło jedyn klik!
Jo w Grudziondzu jest we mig:

forum.gazeta.pl/forum/71,1.html?f=225

[broneknotgeld]

Zocne to że ślonsko godka
Niy do zadku a do przodka.

[broneknotgeld]

Sprzedom kyns jantaru z naszy polski plaży
Prawiom co w niym łoko Juraty se jarzy.

[broneknotgeld]

Możno jeszcze tukej kukna
Dyć niywiela pewno blukna
Popakować teroz musza
I we nocno rajza ruszać

Jutro z morzym se prziwitom
Czy Jurata jest kobiytom?
Dołym fisza - gorom frela?
Ech - wiym ło tym małowiela.

[broneknotgeld]

Ktoś cygaństwym zgrzeszoł?
katowice.gazeta.pl/katowice/1,72739,12677541,Pociag_Pendolino_pojedzie_z_Katowic_do_Gdanska.html
Czy chnet byda cieszoł?

[broneknotgeld]

Chocioż dziwo
telewizjattm.pl/serwis-informacyjny/2013-03-13/01/lisewo-wiatrak-w-ogniu.html?play=on
I to bywo.

[broneknotgeld]

Miasto pamiyntom we meszkach
Uciykołch łod Wisły brzeżka
A łone za mnom goniyły
W cołkim Grudziondzu już były.

[broneknotgeld]

Grudziondz

Na wiślany szkarpie tyn Grudziondz se leży
Z niego port był rzeczny krziżackich rycerzy
Zakonu to przeca tyż twierdza solidno
Potym tu dlo Polski zrobiyło sie widno
W łoziymnostym wieku los sie zaś łodmiynioł
Pruski Graudenz teroz we łoczach se miynioł
Dyć po piyrszy wojnie do Polski nom prziszoł
No i ze tyj drugi jakosik tyż wyszoł
Dzisioj podziwiomy ciong spichrzy portowych
W Europie nojwiynksze? - Niychej kto łodpowiy.

[broneknotgeld]

Winszuja!

Coby spichrze pełne były
Grudziondz zaś mioł wiela siyły
Szoł do przodka krok po kroku
W dwa tysionce szwortym roku.

[broneknotgeld]

Grudziondzke spichlerze

Łod miasta to majom yno jedyn sztok
Dyć ze drugi strony łodradzom ci skok
Te spichrze Grudziondza przeca tyż broniyły
Fortyfikacyjom łone mocnom były
We cołki Europie niy ma takich tela
Jo ło tym se szkryflom boch widzioł już wiela.

[broneknotgeld]

Kościoł św Mikołaja

Tyn kościoł w Grudziondzu dość dugo stowiali
Zaczli we czinostym - dyć lecieli dali
Ponoć we piytnostym wieku go skończyli
Co Bog doł to było - z tego sie cieszyli

W gotyckim kościele romańsko krzcielnica
Tym sie tu naprowdy idzie tyż zochwycać
Mikołaja miano z miastym jest złonczone
Jak tu jest tyn kościoł nikt niy powiy - koniec.

[broneknotgeld]

Grudziondzke notgeldy

Grudziondz tyż notgeldy mo
Dyć je mało cosik zno
Szło by zrobić tam wystawa
Ale to już inkszo sprawa

Brodnica

[broneknotgeld]

Witom

Czamu Brodnica mo take miano?
Czy jyj historio jest dobrze znano?

Brodnica

[broneknotgeld]

Brodnica to baba z brodom
Szczyro prowda jo wom godom.

Brodnica

[broneknotgeld]

Dyć w czym prowda? Skond Brodnica?
Możno jakoś to wodnica
Co za broda ciongła chopa
W toń - pierońsko z tym utropa.

Brodnica

[broneknotgeld]

A w Brodnicy coś sie dzieje
Poza tym że czynsto leje?
Coś ło swojim mieście szkryfnij
Chcesz to rymym tyż tu gichnij.

[broneknotgeld]

Rynek w drajeku
Toż wiydz czowieku.

[broneknotgeld]

Brodnica

Miyszko w jeziorze gryfno wodnica
Zowiom jom tukej wszyscy - Brodnica
Gorszo ta szcziga jest łod utopka
Już niyjednego zabrała chopka

Dyć dejcie pozor co teroz godom
Zabiyro na dno yno tych z brodom
A jo sie gola no i mom glaca
Możno z Brodnicom coś wyłonaca

Jak roz bajali ło jeji cyckach
Aż mi na gowie stowała mycka
A przeca u mie to cud jest prawie
Bywo we spaniu - nigdy na jawie.

[broneknotgeld]

Istny na urlopie był
To mo teroz wiela siył

Dyć pamiyntej ło wodnicy
Co kajś wele ty Brodnicy.

[broneknotgeld]

Czy Brodnica rudo była?
Bo jest we tym wontku siyła.

[broneknotgeld]

Hehe - Z Brodnicom Rudzie jest piyknie
I tela szkryfnońć chyba tu styknie.

[broneknotgeld]

Jakbych wiyncy czasu mioł
To bych i Brodnica grzoł
Dyć co dziyń sie broda gola
A wodnica zowdy chwola.

[broneknotgeld]

Noc jyj niy dali - pryndzy by wziyli
Bestoż wodnicy tyż niy skusiyli.

[broneknotgeld]

To tyż ciekawe w Brodnicy fest
Że jeji rynek w drajeku jest
Możno we zocy tam wielke "trzi"
Jo tego niy wiym - dyć kto to wiy?

[broneknotgeld]

Na wakacje do Brodnicy
Zajechali politycy
Wodnicy se chcieli dziwać
Szczyńściym niy umieli pływać.

[broneknotgeld]

Żol już lata wele plaży
I Trojmiasto zaś se marzy.

[broneknotgeld]

Wejherowu pszaja wiela
Ło niym rymy tukej ściela.

[broneknotgeld]

Kaszubsko stolica

W pradolinie Redy zocne miasto leży
Kere Wejher tukej przed laty zbudowoł
Kaszubsko stolica - możecie mi wierzyć
Niy myślcie że yno mi sie to wydowo.

[broneknotgeld]

We tym Wejherowie jo żech jest co rok
Z Gdyni SKM-kom robia se tam skok.

[broneknotgeld]

360 lot Wejherowa

Klupło to łońskego roku
Choć niyskoro - dyć winszuja
Niychej rośnie krok po kroku!
Wejherowu rym tyn suja.

[broneknotgeld]

Wejherowske fedry

Reda Bolszewka i Cedron
Mie widzom sie jakby fedrom
Na kery wszysko sie czimie
I jakoś siyła w tym drzymie.

[broneknotgeld]

Śmiechowo

Jak cugym tam jada
To lachom sie wiela
Niy mynczy mie zwada
Ze szpasym ta sztela.

[broneknotgeld]

Z Nanic

Coś w duszy gro?
Z Nanic sie zdo!

[broneknotgeld]

W Liceum Handlowym

Co to za szkoła we Wejherowie?
Wloz żech w liceum jejich handlowe
I ze wystawom se "produkuja"
Jeszcze łodmowy zdo sie niy czuja

Przeca żech prziwioz istnych geld tukej
Kaj coś takego za darmo szukej?
Do tego inksze pomorske sztele
Niych se łoglondnom karlusy frele

A dyrechtorka na to mi - NIY
Czamu? -Toż łona yno to wiy
Niy chce notgeldow w szkole wystawy
Tela w liceum mioł żech "zabawy".

[broneknotgeld]

W Gimnazjum nr 1

Stary budynek przed łoczy dany
Szkoła ze zocnym richtig jest mianym
Toż za patrona mo Kopernika
Trza ze notgeldym tam mi pomykać

Zaś dyrechtorce piniondze chwola
By mieć wystawa - w tym jeji wola
A w łodpowiedzi tako NIY słysza
Jeronie toż jo już ledwo dysza

Czy sie Kopernik w grobie przewroco?
Te jego prawo przeciw mie zwroco
Szkryfna - toż cosik mi sie wydowo
W rzici historio mo Wejherowo?!

[broneknotgeld]

Gora Zamkowo

Wele wejherowa jest Gora Zamkowo
Średniowieczny grodek - archeolog godo
Na kurhany blikej - tyż ciekawe tukej
Downy historyji kaj chcesz tam se szukej.

[broneknotgeld]

W średniowieczu

Pod zwiyrzchnośćiom Piastow kasztelanii gdański
Ta ziymia se nojpiyrw trocha podlygała
Dyć to se zmiyniyło wedle woli pański
Jak pucko zrobiyli to tam zoglondała.

[broneknotgeld]

XIII - XIV wiek

Za ksionżont pomorskich Prusowie osiedli
Łoni we tych stronach zocne życie wiedli
Dyć w XIV wieku już w Zakonu mocy
Kery Łokietkowi łotwar ponoć łoczy.

[broneknotgeld]

Rycerske dobra

Śmiechowo i Nanice łod wiekow tu były
Jeszcze ło Wejherze te ziymie niy śniyły.

[broneknotgeld]

XV wiek

Po Grunwaldzie Zakon słaby
Już niy dowoł se tu rady
Zwionzek Pruski przeca powstoł
Wiatru w żagle ździybko dostoł

W końcu wojna przikulało
Z niyj biydniejszo ziymia cało
Przez czinoście lotek przeca
Wojska brały durś do neca

Roz pomorske roz krziżacke
I na zmiana tyż te lacke
Potym Polska zaś tu prziszła
Choć ze wojny nyndza wyszła.

[broneknotgeld]

1526

Zygmunt Stary potwierdzo nadania
Ziymi Nanic i tyż ze Śmiechowa
Majom prawo tu niymi władania
Janek Loka i Michał z Jackowa.

[broneknotgeld]

Po kaszebsku jo niy umia
Ślonski yno wyrozumia
Dyć pociongna se do przodka
W Wejherowie moja godka.

[broneknotgeld]

No i już Wejher

Łod Jackowskich te ziymie Wejher kupioł w końcu
Jak tyn wiek szesnosty już niy blyszczoł w słońcu.

[broneknotgeld]

Z rodowych legynd

Legyndy rodowe głoszom - rod z Frankonii aże
Karol Łysy - cysorz rzymski już Wejhera znoł
Dyć ta bajka historyjo dzisioj cołkym marze
Widać yno że ambicjo tyn rod wielko mioł

We dwunostym wieku ponoć tyn Ryszawobrody
Pas rycerski przipasowoł z Wejherow jednymu
Bo sie wiela mu zasłużoł choć był jeszcze młody
I łostało to w pamiyńci na chwała istnymu

Wiek sztyrnosty - już ich Zakon przigarnoł do siebie
Mieczy tyngich poczebowoł przeca łon tu zowdy
W lynno wiycie co dostali? Ano godom - Łebe
Ale sie mie niy pytejcie wiela w tym jest prowdy.

[broneknotgeld]

Historio rodu Wejherow

Piyrszy był Mikołoj - możno tak niy zwany
Mistrz Zakonu nadoł mu w Gyńsi te łany
Wieś ze Białogardy zocny parafiji
Łon tu zaczoł dzieje naszy familiji
Kero pryndko wziyła sie Wejhera miano
Ze wojtostwa Łeby tyż stała sie znano
Tako ło tym jeszcze wiek sztyrnosty godo
Niy wiym czy coś wiyncy historyjo dodo.

[broneknotgeld]

Hans Wejher

Ło niym to my richtig już dość wiela wiymy
Znali go ze tego że krziżokom pszoł
We czinostoletniyj wojnie go widzymy
Dyć żech tukej szkryfnoł jako strona broł

Szczyńściym wloz pod krzidła ksiyńcia pomorskego
Bo ziymia lymborsko we ta poszła strona
To go uchroniyło łod gniywu polskego
Synkow łon mioł ośmiu - w spokoju mog konać.

[broneknotgeld]

To ci fater

Tym tyż zasłynoł Hans Wejher tukej
Że ośmiu synow po niym aż szukej
Klaus Pyter Hanslik Jorgyn i Martin
Bartłomiyj Dytryk Jakub - niy żarty.

[broneknotgeld]

Klaus Wejher

Syn Hansa Mikołaj - Klausym czyńści zwany
Jymu tyn wojt Łeby był tukej pisany
Na Słupsku starosta - urzond przeca zocny
W Polsce i Pomorzu pan to już był mocny

Ze Zofijom Rahmel czech synow uchowoł
Marcin sie biskupym kamiyńskim mianowoł
Francik w swoje rynce wzioł ziymia lymborsko
Ernest jednak musioł wybrać polske wojsko.

[broneknotgeld]

Ernest Wejher

Łon Rzeczpospolityj ze oddziałym służoł
Kery na Pomorzu pryndko se zwerbowoł
Na wojnie sie wiela wzbogacioł i użoł
Inkszym najymnikom taki przikłod dowoł

W Inflantach wojowoł niy yno dlo Polski
Bo przi tym tyż ponoć zadboł fest ło swoje
Jak tyn zamek Dahlen zajmowoł ze wojskym
To przi czyńści skarbu pedzioł "To jest moje"

Co zdobył lokowoł u sia na Pomorzu
Rosły tukej ciyngym ziymske dobra jego
No i przeca tego tyż na końcu dożył
Że jak na magnata paczeli na niego

Dyć wojna to było coś co mu leżało
Na Gdańsk i na Moskwa poszoł ze Batorym
Do Szwecji za Wazom tyż mu sie lyźć chciało
Bo bez juchy z ajzom bywoł jakby chory

Urzyndow mu za to tyż krole nadali
Starostwa pomorske i dzierżaw dość wiela
Yno wojewodom go niy powołali
Wrogow przeca miywoł - szkryfna tukej tela.

[broneknotgeld]

A jo lubia

Lubia na rynku piwa sie napić
I na Wejhera ździybko pogapić
Czasym mu ptoki na gowa srajom
Pewno uciecha tyż we tym majom

Bo co czowieka rożni łod ptoka
Kery sie bliko na mie z wysoka
I możno myśli ło takim dziwie
- Czy jego lony wypiołbych w piwie?

[broneknotgeld]

Ponoć latoś

Ponoć latoś w Wejherowie gyszeft był na paryzolach
Możno se niy mieści w gowie dyć jo wierzyć we to wola.

[broneknotgeld]

"Aquarena Wejherowo" 1999-2005

Wejherowsko bajka cołkym se skończyła
Aquaparku niy ma no i już niy bydzie
Szczyńściym se parcela do miasta wrociyła
Profit we nauce - ze tym niy som w biydzie.

[broneknotgeld]

Wejherowo ponczkuje

Ano w Posły dyć ponczkuje
Dwie gowy do Sejmu suje
Jedyn z PO drugi z PiSu
W ty kadyncji taki miszung.

[broneknotgeld]

Ech, te Wejherowo

www.wejherowo.pl/new/index.php?c=pl&l=historia&s=banknoty&p=0
We łoczach zaś stowo.

[broneknotgeld]

Wejherowo

Ze stolicy kaszubskiego
Cosik dōm tyż, skuli tego
„Fryfno ślōnsko Polska cało”
Bydzie sam tyż sztimowało.

www.facebook.com/groups/332939560673928/posts/1276796769621531/

Kniewo

[broneknotgeld]

Strusie w Kniewie

Ano - zolyngły już teroz tu sie
Chwoli se Kniewo że mo te strusie.

[broneknotgeld]

Jojka wielge znoszom
Smażonki sie proszom.

[broneknotgeld]

Reda

Piytnoście tysiyncy dusz
Toż cołko Reda jest już.

[broneknotgeld]

Rumia Redy ucapiyła
Bo mo przeca wiynkszo siyła
Dyć redzianie miastu pszajom
I sie inkszym niy dowajom.

[broneknotgeld]

Staro i nowo Reda

Jest Reda staro i jest tyż nowo
Skuli atomu? Czy mi sie zdowo?
W nowy spać mieli ludzie z Żarnowca
Dyć ze tym downo som na manowcach.

[broneknotgeld]

Staro Reda

Czi ćwierci tysionca lot już prawie stoji
Na taki gyburstag pewno se łobstroji.

[broneknotgeld]

Parafijo w Redzie

Godajom co łona była tu łod zowdy
Dyć trza cosik szkryfnońć by sie czimać prowdy
Przi "potopie szwedzkim" Reda fest straciyła
Parafijom potym dugo zaś niy była.

[broneknotgeld]

Herb Redy

Wele czech gorek kościoł tam stoji
Czi w Redzie przeca dzielnice
Dzisioj sie miasto Szwedow niy boji
Niych przidom w te okolice.

[broneknotgeld]

Czi herbowe gorki

Reda Pleszewo i Ciechocino
W jedno se zloły - herb to wspomino.

[broneknotgeld]

Reda 1357

Co Krziżoki naszkryflali?
Reda już z tym rokym znali
Historyjo szteli ruszo!
Czy wos dzisioj to niy wzruszo?

[broneknotgeld]

Reda (1400)

Młyn na Redzie wystawiony
Stond i miano nowe znomy
Sie Gręźlewo kajś straciyło
Redom co przi rzece było.

[broneknotgeld]

Reda po "potopie" (XVI w.)

Ano - Reda wyludniono
Se zdowało ze aż skono
Wioska "jednozagrodowo"
Dyć na powrot w życie stowo.

[broneknotgeld]

Werk wyrobow mesingowych

Kukfer z cynkym tukej kuplujom
Co ze mesingu tako bajstlujom
Do Gdańska z redy naprowdy blisko
Gyszeft se kulo jako i wszysko.

[broneknotgeld]

We miyndzywojniu

We miyndzywojniu aż tysionc dusz
Zrachujesz tukej - mniyj ani rusz.

[broneknotgeld]

Reda 1955

Reda gromadom - wiyncy niż wiocha
Pewno se dźwignie jeszcze niytrocha.

[broneknotgeld]

Reda 1967-2007

Choć dlo miasta to niywiela
Dlo człowieka przeca cosik
Reda jako zocno frela
Niy trza jom we tany prosić

Zafajruje przez rok cały?
Latoś radość i zabawa
Niych jyj gryfność pasie gały
A jo gyszynk rymym sprawia.

[broneknotgeld]

"Atomowe" osiedle

Ano - skiż Żarnowca we Redzie stanyło
Chocioż tako miasto we proficie było
Na sztrom ze atomu niy ma co rachować
Dyć w zocy tu bydzie kożdo mondro głowa.

Szemud

[broneknotgeld]

Szemud

Szemud wioskom gminnom - tym asić se idzie
Toż niychej na zowdy ze tym tako bydzie.

[broneknotgeld]

Szemud 1311

Z tym rokym w papiorach znodli piyrszo wzmianka
Chnet gyburstag zocny - z tym niy bydzie manka.

[broneknotgeld]

"Schonwald"

"Gryfnym Lasym" piyrwyj zwany
Bo bor zocny był im dany.

Luzino

[broneknotgeld]

Luzino

Łod grodu Wejhera ze zachodni strony
Luzino napotkosz - bydziesz rozluźniony.

[broneknotgeld]

Luzino 1245

Norbertankom z Żukowa osada nadano
Toż Ponboczek se ucieszoł że rosło im wiano.

[broneknotgeld]

Downo osada

Białogardzki ziymi downo to osada
Rokow niy rachuja bo może być zwada
Dyć grod Białogarda dlo archeologow
Luzino zaś wito wandrusa u progow.

Linia

[broneknotgeld]

Linia

Bliży Lymborka niż Wejherowa
Dyć przeca na wschod keruje gowa.

[broneknotgeld]

Linia 1373

Z tym rokym Linia lokujom tukej
Dyć jyj świytności dzisioj poszukej
Ano stolicom terozki gminy
Z tym dość rozległy przeca dziedziny.

[broneknotgeld]

Nakryklano?

Nakryklano piyrwyj była?
Tako se na mapie wziyła?

Łęczyce

[broneknotgeld]

Łynczyce

Przi łebie dyć leży łod wiekow ta wioska
Że stolicom gminy - cieszy sie niy troszka.

[broneknotgeld]

Stary młyn

Młyn w Łynczycach zabytkowy
Czy se młynorz znoloz nowy?

[broneknotgeld]

Dobra princa

Dobrym princa dyć Łynczyce
Pomorskego - przeca wiycie.

Gniewino

[broneknotgeld]

Gniywino

To Gniywino niy gniywało
Że se gminom cołkym stało.

[broneknotgeld]

Gniywino Wejherow

Klasztor we Żarnowcu wpiyrw Gniywino czimoł
Wejher w końcu kupioł - rod istnych niy drzymoł
Ciyngym se majontki w okolicy mnożoł
Tako na Kaszubach richtig wiela wożoł.

[broneknotgeld]

Rexinow

W siedymnostym wieku Rexinow Gniywino
Tela mi se teroz yno przipomino.

[broneknotgeld]

"O Gniewińskie Pióro"

Sie Gniywino niy pogniywo
forum.gazeta.pl/forum/72,2.html?f=28940&w=42681462
Mie tyn konkurs richtig dziwo.

[broneknotgeld]

Gniywińsko świontynia 1870

Kaj piyrwyj kaplica kościoł zocny stoji
Wangelicki kedyś - teroz wiary moji.

[broneknotgeld]

Basyn

Tym Gniywino fest se asi
Że mo gryfny kryty basyn
W inkszy wiosce darmo szukać
Chcesz popływać - trza tu kukać.

[broneknotgeld]

Zajta Gniewina przido se tukej
gniewino.logonet.pl/aktualnosci.php
Tako wandrusie zaroz tam kukej.

[broneknotgeld]

Kościołek

Gniewiński kościołek - możecie se blikać
wejher.pl/okolice/gniewino/kosciol.jpg
A jak tam bydziecie to chciyjcie porzykać.

Rybno

[broneknotgeld]

Rybno

Piyrwyj Rybińskich - możno stond miano
Abo im z Rybna tako tyż dano.

[broneknotgeld]

Fisza

Co dlo Rybna znaczy fisza?
-Możno kedyś tu usłysza.

[broneknotgeld]

Przebendowscy w Rybnie

Po Rybińskich Przebendowscy ta wioska czimali
Toż w tych stronach wiela łoni gospodarowali.

[broneknotgeld]

Dwor w Rybnie

Ze dziewiytnostego wieku tukej stoji
Chocioż jako piyrwyj już se niy łobstroji.

[broneknotgeld]

We gniywiński gminie

Rybno we gniywiński gminie
Kuknij jak ześ w ty dziedzinie

[broneknotgeld]

Niymiecki lager

Ze Sztutowa tako Niymce wiyńźniow przigoniyli
Choć tu lager richtig krotko - niy wszyscy przeżyli.

Stargard Gdański

[broneknotgeld]

Stargard Gdański

Niy ma we tym nic ze wica
Dlo Kociewio to stolica.

[broneknotgeld]

Chełmno

Piyrsze miasto krziżacke na piastowski ziymi
Siedymset siedymdziesiont lot już przeszło liczy
Problym ze Zakonym? Z rzondami ichniymi?
Wiela ta historio na dzisioj sie liczy?

[broneknotgeld]

Prawo chełmińske

Chełmno miastym było
Co inkszym na wzor
Prawami sypnyło
Zocny to był wor.

[broneknotgeld]

Prynt chełmiński

Ze niego te miasto tyż kedyś słynyło
Miara to ciekawo - we historii mocno
Ze zadku ratusza łoko doglondnyło
Sztyry metry z hokym - dyć widać że zocno.

[broneknotgeld]

Brama

Brama Grudziondzko w Chełmnie znojdziecie
Trza tukej wspomnieć ło tym tyż przecie.

[broneknotgeld]

Ustka

Ustka z Łebom durś sie wadzi
Kero bardzi być poradzi
Tom princesom Polski morza?
Jo sie pedzieć niy łodwoża.

[broneknotgeld]

Czamu Ustka?

Bo nad ujściym Słupi leży
Stond sie nazwa jeji wziyła
Dziwne - dyć możecie wierzyć
W słowie tym sie rzeka skryła.

[broneknotgeld]

W Ustce

Kupa ludzi tu przez lato
Wakacjami Ustka kwitnie
Jednak potym już "sagato"
Reszty roku sie niy wytnie.

[broneknotgeld]

A może sie udo

Wielke plany richtig majom
Z Unii euro chcom prziciongnońć
Wczasowiczom przeca pszajom
W taki gyszeft Ustka wprzongnońć

Z dwóch miesiyncy zrobić wiyncy
Przeca miasto - uzdrowisko
Morze plaża jod - niy mynczy
Trza we zocy mieć to wszysko.

[broneknotgeld]

"1935 - 2005"

Za rok w Ustce bydzie fajer
Siedymdziesiont lot miejskości
Dyć to przeca niy som baje
Chciołbych tam w gyburstag gościć.

[broneknotgeld]

"Starowka"

Chcom mieć "nowe" stare miasto
Remontować prziszoł czas to.

[broneknotgeld]

Kije w Słupi

Wyndkorzy fest Słupia ciongnie
Fisze w gyszeft tyż sie wprzongnie
Kije moczom na łososia
Troć a nawet pstronga do sia.

[broneknotgeld]

W Ustce

Łostatnio głośno coś ło łapowkach
We magistrackich paruje głowkach?

[broneknotgeld]

Ktosik ślimto, ktosik lacho
Cołko Ustka ło tym klacho?

www.portalsamorzadowy.pl/polityka-i-spoleczenstwo/5-mln-zl-za-rezygnacje-burmistrza-ustki-takiej-sesji-rady-polska-jeszcze-nie-widziala,62122.html

[broneknotgeld]

Biskupstwo pomezańske (1243-1525)

Biskupstwo pomezańske - Kwidzyn mu stolicom
Co po niym zostało do dzisioj zochwyco
Na szkarpie katedra gotykym łozdobno
Choć przebudowano wiekow swojich godno.

[broneknotgeld]

Dwor Artusa

Czi Dwory Artusa w Europie łostały
A przeca ich było piyrwyj richtig wiela
Gdańsk Tallin i Ryga - to już spis jest cały
Nojpiykniejszy gdański - szkryfnońć sie łośmiela.

[broneknotgeld]

Grod

Prawiom co tu Mieszko założoł grod gdański
Tysionc lot ze hokym już to tymu było
Rosnoł łon we siyła - luft był jakby pański
No bo sie kożdymu robić coś werciyło.

[broneknotgeld]

Konrad z Byczyny

W Byczynie sie rodzioł, w Paryżu sztudiowoł
Pioro swoje jednak Gdańskowi łoddowoł
Szkryfnoł tyn "Labirynt" - w niym nauka świata
Łostała sie pamiyńć - nojlepszo zapłata.

[broneknotgeld]

"Ukraińske Wikingi"

Przipłynyli latoś do Gdańska na łodzi
Wele Ołowianki drakkara cumuje
W Kijowie "Rok Polski" no toż se to godzi
Na bezrok zaś nazod załoga popruje.

[broneknotgeld]

Świyntopełk Wielki (1220-1266)

Wielki bo ze sługi princym zostoł tukej
Kaj Pomorze Gdańskie śladow jego szukej.

[broneknotgeld]

A-1

Autobana z Gdańska na połednie "ruszy"?
Cosik se łobiyło ło tym mi we uszy
Ponoć piyrszy konsek w dwa lata być może
Pociongnom pod Grudziondz - toż dej tego Boże.

[broneknotgeld]

"Jarmark Dominikański" 31.VII - 22.VIII.2004

Czi tydnie latoś jarmark we Gdańsku
Zaczoł sie piyknie skończoł "po pańsku"
Dynkmal postawić chcom patronowi
Niychej sie Ruda tyż ło tym dowiy.

[broneknotgeld]

"Amberia"

Niyjedna we Gdańsku bursztynu galeria
Na Mariacki jednak jest zocno "Amberia"
Cudami z jantaru napasiesz tu łoko
Z tego nawet serce ponoć czasym skoko.

[broneknotgeld]

Gdańsk - St.Petersburg

Miasta se łoba kamracom fest
Wiela uciechy czasym z tym jest
Łostatnio gdańsko tam delegacjo
Tyż se zrobiyła piykno libacjo

Jednak niy cołko - yno jyj ćwierć
Chciała sie zapić jakby na śmierć
Choć Ruski mieli wiela z tym szpasu
We Gdańsku teroz wiyncy marasu.

[broneknotgeld]

Wielki Plan Inwestycyjny 2005 - 2009

Gdańsk inwestować chce u sia wiela
Ponoć nojwiyncy we drogi
Toż możno wygro na tym ta sztela
Abo popadnie we długi.

[broneknotgeld]

Gdańsk marszałkym stoji?

Zbiyrajom na pomnik Zefla Piłsudskiego
Wrzeszcz - tam ponoć miejsce nojlepsze dlo niego
We rocznica śmierci na bezrok postawiom
Tako se w tym Danzig teroz władze bawiom.

[broneknotgeld]

Szekspirowski Tyjater

Szekspirowski tyjater we Gdańsku tyż stoł
Chcom go łodbudować - czy to yno fioł?

[broneknotgeld]

Oliwa

Wele Sopotu jest ta Oliwa
Trza cosik szkryfnońć ło jeji dziwach.

[broneknotgeld]

"Pachołek"

Niych cie na "Pachołek" gyry zaprowadzom
Ze niego mosz widok na piykno Oliwa
Chocioż skiż Sopotu nikierzy sie wadzom
Jo w ta strona jednak byda se durś dziwać.

[broneknotgeld]

Potok Oliwski

Zdo sie Oliwa piyrwyj "budowoł"
Przeca tu kozdy młyn dlo sia stowioł
Coś ze dwadziścia było aż tego
Siył wiela brało ciyngym z istnego.

[broneknotgeld]

Oliwa 1186

Staraniym sie stało Sambora I
-Przeca dobrze znocie ksiyńcia pomorskego
Co ło swoje ziymie jak umioł tak dboł
Łon tutejszo ziymia tym cystersom doł.

[broneknotgeld]

Opat Dithard

Ze duńskego Esrom se opat wywodzioł
Wpiyrw w Kołbaczu jednak klasztor "dziełym" jego
Potym we Oliwie se nowy "narodzioł"
Staraniym Sambora no i tyż istnego.

[broneknotgeld]

"Olyuna" -18.III.1188

Princ Sambor wtedy nadanie doł
Bo przeca w zocy tyn klasztor mioł
Dokumynt łostoł - w niym miano take
Zdo sie z dzisiejszym chnetko jednake.

[broneknotgeld]

Po prowdzie "odpis" łostoł sie nom
Te "sprostowanie" terozki dom.

[broneknotgeld]

Poczontek klasztoru 1186-1188

Toż princ Sobisław myśloł już ło tym
Ściongnońć cystersow - niy dlo gupoty
Łostawioł jednak to Samborowi
Synym był jego - to kożdy powiy

Konwynt mnich Dithard tukej przikludzioł
Z Kołbacza karlus tako se trudzioł
Bo miało to być ich "kolanijom"
Chocioż cysterskom tyż familijom

Zamek myśliwski princa w tych stronach
No toż niy myśloł ło jakiś kromach
Yno kwatera w niym przirychtowoł
I ze mnichami klasztor już stowioł

Tako minyły dwa lata z Bogym
Już braty chwolom sie swojim progym
Akt fundacyjny Sambor wystawioł
Gdańsk ponoć wtedy za to go sławioł

Nadoł przi tymu majontku tela
Że pryndko rosła oliwsko sztela
Prziwilejami sie tyż cieszyła
Z nich tako samo zakonu siyła.

[broneknotgeld]

"Oława"

Czy Potok Oliwski piyrwyj tako zwali?
Czy ze ty "Oławy" miano szteli dali?
Po prowdzie to niy wiym - tako yno szkryfna
No i rymym ło tym terozki se gichna.

[broneknotgeld]

Oliwa 1224

Poł Kympy Oksywski doł Świyntopełk II
Z czasym spis majontkow bydzie bardzi dugi
Bo po Warcisławie Ziymia Gniewsko doszła
Sława ło klasztorze we Pomorze poszła.

[broneknotgeld]

Oliwa 1226

Skiż wypraw krziżowych tako tragedyjo
Prusy se łodgryźli no i stond mecyjo
Wypolony klasztor kościoła tyż niy ma
Opata z mnichami już niy nosi ziymia

Choć na łoczach gdańszczan ich pomordowali
Jedni tu skończyli - inksi zaczynali
Bo zaś ze Kołbacza mnichow prziszło tela
Że łodrosła chnetko ta cystersko sztela.

[broneknotgeld]

40 majontkow

Cosik wele tego we czinostym wieku
Już mioł tukej klasztor - wiydz ło tym czowieku.

[broneknotgeld]

Oliwa 1236

Zaś tu Prusy polom i mnichow mordujom
Przeciw krześcijanom tako durś wojujom
Cystersow skiż misji podwojnie niy znoszom
Bestoż tyż litości na darmo ich proszom.

[broneknotgeld]

Oliwa - 1243, 1247, 1252

Czi razy Krziżaki tukej se panoszom
Na krześcijanina miecz zakonny wznoszom
Toż cystersy skiż nich niy mieli tyż leko
Zdo sie - co nojgorsze jeszcze ich tu czeko.

[broneknotgeld]

Oliwa 1308

Krziżaki Gdańśk wziyli - krew przi tymu loli
Krześcijan - Ponboczka sie cosik niy boli
Se opat Rudiger tymu fest dziwowoł
Zwłoki yno zbiyroł - we Oliwie chowoł.

[broneknotgeld]

Kościoł św Jakuba (ok. 1300)

Dlo parafian świontynia tako postawiyli
Toż tukej cystersy se bogato żyli
Łobrośli w majontki - stać ich na to było
Dyc tyż Ponboczkowi tako sie sie służyło.

[broneknotgeld]

Oliwa 1303

Krol Władysław II doł im Swornegacie
Cystersy tam siedzom teroz "na etacie"
Przez czidziści rokow dobrze gospodarzom
Dyć se tyż Krziżakom przeciwić niy ważom
Za ta sztela wziyli jednak Domatowo
No i tyż Darżlubie co przi Pucku stowo.

[broneknotgeld]

W krziżackich czasach

Wielki Mistrz Zakonu krziwo paczoł na to
Że Oliwa ciyngym zdo sie tu bogato
Kaj umioł tam dojoł cystersow solidnie
Myśloł co im życie we wspolnocie zbrzidnie

Braciszki z opatym jednak se czimali
Przeca niy som po to coby wojowali
Bog i gospodarka to jejich zadanie
Łaska we tym trwaniu łod Cia zowdy Panie

Tako wieki całe ciyngym sie tu dzioło
Cystersy oliwske w gorze majom czoło
Krziżakow szczimali - som w łaskach Korony
Dyć los figle niesie - dobrze my to znomy.

[broneknotgeld]

Oliwa 1350

Zdo sie cołko sztela jedna jest fojera
I kościoł i klasztor wziyła ta cholera
Poł wieku chnet trwało niym łodbudowali
Dyć jakoś utropa czekała tyż dali.

[broneknotgeld]

Oliwa 1433

Wojna Polska wiedzie srogo z Krziżakami
Przi tym se kamraci nawet z Husytami
Toż prziszli Pepiki - Oliwa złupiyli
Szczyńściym sie cystersy do Gdańska schroniyli

[broneknotgeld]

Oliwa 1460

Dyć "czinostoletnio" wojna fest szalała
We klosztorze jazda se kwaterowała
Ze tym polskim wojskym ciyngym jakeś straty
Szczyńściym że niy łoni zebrali tu baty.

[broneknotgeld]

Reformacjo

Skuli Schlieffa i Geschkaua
Sztela tyż tu uciyrpiała
Prziszły nawet ze tym baty
Jednak doszło do łodpłaty.

[broneknotgeld]

Opat Lambert Schlieff

Zdo sie co wspiyroł reformacyjo
A gospodarzoł! -Ciyngym mecyjo!
Majontkow klasztor myni już mo
I podupado - tako sie zdo.

[broneknotgeld]

Opat Kaspar Geschkau

Toż biskup Wrocławia karlusa tu wspiyroł
Dyć i Zygmunt August w Oliwa spoziyroł
Wpiyrw Geschkau go tropioł - ze czasym ucieszoł
Bo już przeciw Polsce łon tukej niy zgrzeszoł.

[broneknotgeld]

Oliwa 1577

Toż gdańszczanie wtedy Oliwa złupiyli
Za "polskość" Geschkaua tako se zymściyli
Krol na nich nałożoł dukatowo kara
Ło klasztor zniszczony musieli sie starać.

[broneknotgeld]

Opat Dawid Konarski

Przi niymu zaś wszysko zakwitło łod nowa
Blysnyła fest sztuka - we tym jego gowa
Wystrojym sie asić mog kościoł terozki
Aże do nastympny richtig wielki troski.

[broneknotgeld]

Oliwa 1626

Gustawa Adolfa terozki tu momy
Łon na kunszt był "czuły" - zaczoł se rabunek
Ano "samo żecie" przeca tyż to znomy
Dlo cystersow jednak wielki z tym frasunek.

[broneknotgeld]

Pokoj Oliwski 1660

Po "potopie szwedzkim" zawarty tu pokoj
Dyć wcale niy prziszoł ze tym "świynty spokoj".

[broneknotgeld]

Oliwa 1697

Ksionże Conti ze wojskym prziloz po korona
Trza było Sasowi tukej go pokonać
No i uciyrpiało przi tymu opactwo
Przeca do rabunku zdolne jest żołdactwo.

[broneknotgeld]

Oliwa 1700-1721

Skiż "wojny połnocny" niyroz tu frasunek
Co armijo przeszła ze niom tyn rabunek.

[broneknotgeld]

Oliwa 1733-1734

Za Sasym czy Lasym?
Ciynżke jednak czasy.

[broneknotgeld]

Opat Jacek Rybicki

"Rządził szczęśliwie Oliwą" - szkryfnyli tu tako
No dyć być niy mogło tyż zowdy jednako
Folwarki rozkwitły - geld solidny dały
Blyszczoł dobrobytym teroz klasztor cały

Opat wybudowoł se piykny pałacyk
Łorgany w kościele - z ambony łonacy
Kero tyż jest cudym tukej cołkym nowym
Jak i dwie kaplice w stylu rokokowym.

[broneknotgeld]

Oliwa 1772

Ze rozbiorym polski prziszła ta utropa
Ac wszysko to zdo sie skuli tego chopa
Co go historyjo Niymiec zowie Wielkim
Z niym to już niy były jakeś duperelki

Zagarnoł cystersom cołki ich majontek
Przeca ani wyśloł zrobić im wyjontek
Łod krola terozki folwark trza dzierżawić
By sie moc regułom tu terozki "bawić"

Choć opat Rybicki mo swoja pyndzyjo
Z pałacu niy grozi mu tyż eksmisyjo
Toż przeca boleje nad tym trefym złym
Wiela lot minyło - dyć to dobrze wiym.

[broneknotgeld]

Po opacie Rybickim

Po Rybickim siedzom tu Hohenzollerny
Zdo sie cołki klasztor przi nich richtig mierny
Familijo krola ciyngym tako żywi
Pewno to nikogo terozki niy dziwi.

[broneknotgeld]

Czas napoleoński

Mnichow zdo sie niy trza - lazaryt w klasztorze
Francuzom se przidół i Ruskom - moj Boże.

[broneknotgeld]

Dekret 1829

Krol pruski dekret podpisoł złowrogi
Skasujom tyn zakon - poniesom kajś nogi.

[broneknotgeld]

Oliwa 1831

Toż tu czech mnichow jeszcze łostało
Dyć co nojgorsze przilyźć musiało
Niy ma już w końcu cysterskich braci
Czy sie Oliwa na tym wzbogaci?

[broneknotgeld]

Kasata 2.II.1833

Kościoł mnichow czyńść klasztoru erbli katoliki
Dyć tyn jejich parafialny wziyli wangeliki
Coś beamtrom se dostało - reszta wybulyli
Historyjom sie już stało - cystersy tu byli.

[broneknotgeld]

Towarzystwo Ludowe "Jedność" (21.II.1982)

W dziewiytnostym wieku Kaszubow łonczyło
Przeca ciyngym wiela ich w Oliwie było
Narod richtig twardy - co mu tam "hakata"
Był jest no i bydzie aż do końca świata.

[broneknotgeld]

Sołectwo Oliwskie

Osada łostała po zocnym klasztorze
Dyć sołtys jom przeca mieć musioł na gowie
Jednak beamtrowoł yno honorowo
Toż zdo sie niywiela se tym tyż przejmowoł.

[broneknotgeld]

Piyrszy fojt oliwski -1.XI.1852

Ano Gustaw Schilling piyrszy tu fojtowoł
Pozor na Oliwa łon terozki dowoł.

[broneknotgeld]

Wiosna Ludow w Oliwie

Oliwsko biydota ruszyła na sklepy
Piekarnio zajyli chlyb do dom pobrali
Dyć przeca tu kupce niy byli tyż kiepy
Pomoc ściongli z Gdańska i łupnia im dali.

[broneknotgeld]

1864

Oliwa urosła - Schabentahl chyciyła
Muhlhof i Polanki wtedy tyż erbnyła.

[broneknotgeld]

1870

Cug przez Oliwa już teroz jedzie
Z Gdańska na Koslin wandrusa wiedzie.

[broneknotgeld]

Banka (1873-1879)

Ano se bankom na Gdańsk jeździyło
Dyć pora koni wagon ciongnyło
Bestoż i stajnie w Oliwie były
Choć plajta cosik pryndko zrobiyły.

[broneknotgeld]

1.IV.1907

Mo już Oliwa te Jelitkowo
Siyngła tyż po Przimorze
Kurortym jakby se teroz zdowo
Dyć dej jyj tego moj Boże.

[broneknotgeld]

1901

Zaś banka z Gdańska w Oliwa jedzie
Dyć motorniczy teroz na przedzie
A zamiost siana wystyknie sztrom
To nowomodne czasy już som.

[broneknotgeld]

Oliwa-Jelitkowo 1908

Już do Jelitkowa wiedom banki glajzy
Wszysko tu gryfniejsze - przeca niy dlo łajzy
Yno by z letnikow grosz godziwy ściongnońć
W tyn gyszeft już gmina mocno chce sie wprzongnońć.

[broneknotgeld]

I.1914

Sztorm zniszczoł cołkym tu dom zdrojowy
Z wiosnom trza było stowiać zaś nowy
Tyn drugi dzisioj mo Jelitkowo
Szczyńściym go niy trza dźwigać na nowo.

[broneknotgeld]

Krach Szporkasy Oliwski

Creutzburg paskudnie tukej namiyszoł
Przi niymu sztela cołkym na stracie
Nudli niyjedyn na niym nawiyszoł
Dyć poloz wyży - stond zabroł lacie

Oliwie jednak długi łostały
Guldynow pora setek tysiyncy
Fest familije by uciyrpiały
To niyjednego terozki mynczy.

[broneknotgeld]

Już Gdańsk 1.VII.1926

Toż se niy ma czymu dziwać
Że już Gdańskym jest Oliwa
Długi przi tym pospłacane
Yno to uratowane.

[broneknotgeld]

Oliwski welunek 14.XII.1919

Czi mandaty w gminie Kaszuby se wziyli
Zdo sie ciyngym mocni łoni tukej byli.

[broneknotgeld]

Bulla 30.XII.1925

Djecezyjo papiyż bullom eryguje
Oliwa stolicom zarozki se czuje
Tu teroz jest stolec Kościoła gdańskego
Łoziymdziesiont rokow klupie już łod tego.

[broneknotgeld]

Oliwa 1.VI.1926

Już Edward O'Rourke tu ordynariuszym
Kościoł poklasztorny w katedry se ruszył.

[broneknotgeld]

"Daol"

W tym werku oliwskim elfarba rychtujom
Yno że po wojnie inaczy mianujom.

[broneknotgeld]

"Anglas"

Znołś smak oliwski ty szokolady?
Jak pokosztowołś to niy ma rady.

[broneknotgeld]

"Dr.Oetker"

Dzisioj zaś fyrma ta dobrze znomy
Dyć w miyndzywojniu w Oliwe momy.

[broneknotgeld]

Oliwa 1945

Pałac Opacki teroz sie poli
W Oliwie tyż inksze straty
Niymcy se Ruskow pierońsko boli
Jako tyż Gdańsk tyn bogaty.

[broneknotgeld]

4-6.VIII.2006 Gdański Festiwal Carillonowy

Dwa carillony zocny Gdańsk mo
Muzyka jejich niych Polska zno.

[broneknotgeld]

Jan Flachsbinder - Dantyszek (1485-1548)

Kim był tyn Dantyszek - ciynżko mi napisać
Tako coby nudli niy chcieliście wyszać
Bestoż szkryfna yno - gdańszczanin to zocny
Z czasow w kerych czowiek zdoł sie bardzi mocny.

[broneknotgeld]

Aleksander Zuchta (1520-1590)

Zygmunta Augusta w Krakowie kurowoł
Kunszt Paracelsusa zowdy na wiyrzch dowoł
Hehe - toż niy bawioł se robiyniym złota
Pokazywoł inkszym co w tym jest gupota.

[broneknotgeld]

Filip Kluwer (1580-1623)

Geografio z historyjom w jednym palcu czimoł
Toż na uniwerku w Lejdzie wcale łon niy drzymoł
Historyjo geografii Filip piyrszy spisoł
Dyć i przeca w kartografii wiela se namiyszoł
Tyż Kluwera mosz we gymbie jak godosz te słowa
"Historyjo starożytno" - w tym niy twoja gowa.

[broneknotgeld]

16.V.1217

Toż Mściwoj I pomarł w tyn dziyń
Na Gdańsk położoł se jakby ciyń
Dyć słonko jednak blysło tyż przeca
Princ pomarł - nowy ze jego neca.

[broneknotgeld]

Nowe muzeum

Muzeum se nowe w Gdańsku wyrychtuje
Toż "Solidarności" to richtig sztimuje
W gyburstag chcom kamyń wyngelny wmurować
Dyć cosik do zbiorow już tam im idzie dować

[broneknotgeld]

"Geo znaczy Ziymia"

Toż na łogrodzyniu parku oliwskego
Podziwosz se Ziymi - niy zapomnij tego
PIG tukej wystowio piykne fotogramy
Cud natury tako przed łoczy nom dany.

[broneknotgeld]

"Zaczło se w Gdańsku"

"Solidarnościom" sztartło domino
Ano - co potym to "ino ino".
-

[broneknotgeld]

Jarmark Dominikański 30.07-21.08.2005

Papiyż Aleksander Szworty
Pedzioł "Gdańsk jarmarku worty"
Na świyntego Dominika
Niy trza yno tukej rzykać
Czeba ździybko pohandlować
Ciału duszy pofolgować.

[broneknotgeld]

25-lecie Porozumiyń Siyrpniowych (26.VIII)

Zdo sie jakby strzybne gody
Wiela sie przeloło wody
By wspominek nastoł czas
Czy idymy we tyn "las"?

[broneknotgeld]

26.VIII.2005 Jean Michel Jarr

We stoczni gdański na "srebrne gody"
"Solidarności" zagro dlo zgody.

[broneknotgeld]

"Kwiat Życio i Pokoju"

Dynkmal ku pamiyńci
niyszczyńść Nagasaki
W Gdańsku ukraść chcieli
jak złom belejaki

Szczyńściym że niy wyszoł
złodziejom tyn skok
"Kwiotek..." jeszcze wroci
na niyjedyn rok.

[broneknotgeld]

Podziały

Miasto Głowne - Miasto Stare
Czy podziały ciyngym jare?
Historyjo tako prawi
Dzisioj tyż se w łoczach jawi.

[broneknotgeld]

Gdańsko Starowka

Gdańsko Starowka jest tyż w kościołach
Gotyk z niych do cia chce aże wołać
Dyć i rodzynek baroku znojdziesz
Jak do Kaplicy Krolewski dojdziesz.

[broneknotgeld]

Na Mariacki

Mariacko bogato zdo sie "przedprożami"
Możecie se ło tym przekać i sami.

[broneknotgeld]

Żuraw

Setki lot już stoji
Nad brzegym Motławy
Gdańsk se w niego stroji
A łon? -Niy ma sprawy.

[broneknotgeld]

"Sala Czerwono"

"Sala Czerwono" w ratuszu znojdziesz
Do renesansu tako z tym dojdziesz
I to zarozki nojwyrszy klasy
Ano - ciekawe dlo Gdańska czasy.

[broneknotgeld]

Ołowianka

Miyndzy kanałym a tom Motławom
Wyspa łodżywo - to zocnom sprawom.

[broneknotgeld]

Cyntralne Muzeum Morske

Przidź na Ołowianka
W muzeum se dziwej
Cudami zochwycej
I gowom pokiwej..

[broneknotgeld]

Filharmonijo Bałtycko

Tam kaj elektrownia piyrwyj gdańsko była
Se filharmonijo łostatnio wkludziyła
Salom koncertowom terozki sie aszom
Grajom tak że życie budzom a niy gaszom.

[broneknotgeld]

Hotel "Krolewski"

Na Ołowiance spichlyrz to stary
Jak geld se znojdzie to widzisz "czary".

[broneknotgeld]

Stocznio Gdańsko

Z mianym Lynina podobnoś rosła
No a bez tego do czego doszła?

[broneknotgeld]

Plac "Solidarności"

Czi wielke krziże zdobiom go tako
Śmierci stoczniowcow tyż znakym
Oby niy było ze tym jednako
Komuna poszła z niysmakym?

[broneknotgeld]

1970,1980 - Gdańsk

Dwie daty - piyrszo przegrano
Ano toż drugo tako nom dano
Kero niy cołkym zwyciynsko była
Ale na zowdy już dała siyła

Tako komuna w końcu złomano
Demokracyji zaś w Polsce rano.

Dwie daty -

[broneknotgeld]

Oliwske łorgany

Jan Walf z Ornety doł te łorgany
Wiek łoziymnosty we nich schowany.

[broneknotgeld]

Muzeum Sztuki Wspołczesny we Oliwie

Pałac Opacki zajmuje nowy
Komu by piyrwyj wlazło do gowy?

[broneknotgeld]

Oliwski park

Muster jakisik mo wymiyszany
Zdo sie z angelska-francusko dany
Wele pałacu to opackego
Yno dej pozor - tego starego.

[broneknotgeld]

Gorski kurort?

We zocnym Wrzeszczu tako sie zdowo
Jak na dzielnica wlejziesz willowo
We nich eklektyzm modernizm tako
I góralszczyzna blyszczy jednako.

[broneknotgeld]

Gunter Grass 1927

Wrzeszcz se noblistom tyż swojym chwoli
Dom w kerym rosnoł do dzisioj stoji.

[broneknotgeld]

"Oskar"

Karzełek taki - przeca go znocie
Bymbynek z blachy tyż tukej mocie
Kaj Grass łobrostoł za modu w piorka
Stoji Oskara teroz figurka.

[broneknotgeld]

Fontanna Neptuna 1633

Przed Dworym Artusa Neptun se rozgościoł
Grod portym przezocnym - niy bydzie tu pościoł
Toż istnego słucho co trojzymbym grozi
Yno srogo zima czasym go tu mrozi.

[broneknotgeld]

Gdański Żuraw 1442-1444

Ze tych rokow łon już taki
Toż nijpiyrszy we Europie
Czy se łostoł wiynkszy jaki?
Niy - ci godom tako chopie.

[broneknotgeld]

Żuraw

Szify na Motławie wpiyrw rozładowywoł
Maszty niym stowiali - niyjedyn se dziwoł
Szczyńściym durś go momy tu ze średniowiecza
Ponboczek i czowiek roztoczo durś piecza.

[broneknotgeld]

+Gdański Pirat+

Gdańskego pirata jyż śmiertka skosiyła
Legnoł w swoji siyni - sanitara była
Dyć niy prziwrociyli już życio kaprowi
Niychej sie i Ślonzek ło niyszczyńściu dowiy

trojmiasto.gazeta.pl/trojmiasto/1,89917,8254285,Zmarl_Andrzej_Sulewski___pirat_z_ul__Dlugiej_w_Gdansku.html

[broneknotgeld]

Kaj ta gdańsko sztela
trojmiasto.gazeta.pl/trojmiasto/1,35612,13157095,Lapie_za_biust__mierzy_z_pistoletu__grozi_gwaltem_.html
Nowy zgobi wiela.

[broneknotgeld]

V Świynto Pieroga - Gdańśk 24.IX.2006

Na Targu Wynglowym zjedzone pierogi
Czy na VI Świynto prziwiedom mie nogi?

[broneknotgeld]

28.VII - 19.VIII.2007
Jarmark Dominikański

W Gdańsku cuda teroz majom
Jarmarkowi ciyngym pszajom.

[broneknotgeld]

Kaszuby sie majom
soundcloud.com/radio-kaszebe/etnofilologia
Jo wcale niy bajom.

[broneknotgeld]

Sopot

W rankingu miast polskich nojpiyrszo dziedzina
Dyć przeca to dlo nos niy żodno nowina
Jako dzwigać miasto tu naprowdy wiedzom
No i miyndzy Gdańskym a tom Gdyniom siedzom.

[broneknotgeld]

Ło Sopocie ciyngym głośno bydzie wiela
Bo łon idzie w gora skiż obywatela.

[broneknotgeld]

Sopot - Zdroj

Downiyj piykne uzdrowisko
Z wojnom potraciyli wszysko
Niy starała sie Ludowo
Choć za Niymca było zdrowo

Szczyńściym majom Karnowskiego
Dopilnowol przeca tego
By solanka łod Wojciecha
Zaś dowała tu pociecha

Z nowa żyje Sopot-Zdroj!
Już piyńć lotek - łoż ty moj
Latoś karna se w ta sztela
I gyburstag fest łobleja.

[broneknotgeld]

Sopot bez fajerwerkow

Karnowski tyn zakaz chce tukej wprowadzić
Myśla że niy bydom se ło to fest wadzić
Przeca zaś w Sopocie majom uzdrowisko
Na jedno sie straci a na druge zysko.

[broneknotgeld]

Po parasolniku?

Cieszoł sie Sopot z Parasolnika
Łon jakby tego kurortu znakym
Dyć już niy widać prawie pomnika
W łogrodku piwnym jest jakby "brakym".

[broneknotgeld]

Remont willi "Krystyna"

Pewno Stolz sie dzisioj wiela by ucieszoł
"Stolzenfels" w Sopocie prawie łodnowiajom
I choć ze "Krystynom" łon tukej niy grzeszoł
Rod że w zocy ciyngym ta willa tyż majom.

[broneknotgeld]

"Krystyna"

Był żeś na wywczasach w "Jantarze" sopockim
Pewnikym wspominosz te "krysine" nocki

[broneknotgeld]

E-gmina

Sopot w tako strona Ponoć teroz idzie
Za rok tych "e-budek" trocha tukej bydzie
W kerych pozałatwiosz wiela swojich spraw
Dyć se z Internetym Poloku już "baw".

[broneknotgeld]

Fajer w Sopocie

Fajer sie zaczoł w zocnym Sopocie
W gybustag majom tam wiela pociech
Pomnik Haffnera zaś stanoł w parku
Mioł karlus przeca gowa na karku.

[broneknotgeld]

"Sopocko Muza"

Burgemajster w gyburstag nagroda rozdowo
Tradycyjom bydzie - to mi sie niy zdowo.

[broneknotgeld]

"Jean Georges Haffner - Historia kąpieliska w Sopocie 1823-2004"

W Muzeum Sopotu łotwarli wystawa
Haffner uzdrowisko tu przeca zrychtowoł
Dlo niego życiowo we tym była sprawa
Cołko swoja dusza Sopotowi dowoł.

[broneknotgeld]

Herb

Bioło mewa se siedzi na dorszu
Tyn herb tukej nikogo niy gorszoł.

[broneknotgeld]

Casino Hotel

We latach dwudziestych go wybudowali
Woda morsko ciśli prosto w badywanny
W Bałtyku se tako goście wykompali
Nawet jak na dworze był prawie "czas sanny".

[broneknotgeld]

Zakład Balneologiczny

Do dzisioj przi molo spokojnie se stoji
Wlyź i zaroz w holu dźwigej w gora łoczy
Morski witraż nerwy ci możno "ukoi"
No i herb Sopotu tyż tyż przi tymu wskoczy.

[broneknotgeld]

2 marki

Za toplanie w badywannie dwie marki żeś płacioł
Niy dziwota że przi tymu kurort se wzbogacioł.

[broneknotgeld]

Park Połnocny

Godajom co Haffner drzewka tukej sadzioł
Jo bych sie ze niymi ło to niy powadzioł
Tu jego popiersie przed wojnom tyż stoło
Teroz nowy pomnik wszyskich jakby woło.

[broneknotgeld]

Grand Hotel

Piyrwyj se "Casino" zwoł
Hazardzistom przeca pszoł
Z gości roztomajtych tukej
I Hitlera nawet szukej
Chcesz to znojdziesz tyż de Gaulle`a
Dyć niy yno jo go wola
Chocioż była z niym utropa
Skond wzionć łożko? -Kawał chopa
Kajś w muzeum jednak znodli
Generała w niym pokłodli.

[broneknotgeld]

"Monciak"

Dlo jednych Sopot chnet cały
Molo i łon im wystyknie
Kaj ińdzi niy wlepiom gały
A przeca wszyńdzie tu piyknie.

[broneknotgeld]

1902

Nadoł prawa miejske kajzer Wiluś II
Dyć kurort życiorys mioł za sobom dugi
Sie balneologiom Heffner tukej bawioł
Na wydmach co nojpiyrw łod Gdańska dzierżawioł.

[broneknotgeld]

Sopocko solanka

Urzond Górniczy doł na to zgoda
By zaś se brali ze głymbin woda
I ministerstwo sztympel przibiyło
Dyć uzdrowisko solankom żyło

Tako tyż bydzie dali terozki
Toż wykurujesz tu nawet troski
Radość mieć bydzie dusza i ciało
Wrocić se bydzie tyż tukej chciało.

[broneknotgeld]

"Villenstrasse"

Toż kożdo willa na ty ulicy
Jakby urodom swojom aż ryczy
Ja - znać tu na nich czynsto zomb czasu
Trza remontować wiela zawczasu

Dyć stary Sopot tukej widzymy
I cosik ło niym tyż se dowiymy
Dzisioj to Westerplatte Obrońcow
A jakby stare miano dać w końcu?

[broneknotgeld]

Grodzisko

Prastare grodzisko we Sopocie nojdziesz
Z ulicy Haffnera tam wygodnie dojdziesz
Po czyńści je tukej łod nowa dźwignyli
By coś było widać jak piyrwyj tu żyli.

[broneknotgeld]

Dolny i gorny Sopot

Bana na dwie czyńści Sopot podzielyła
Dolny wpiyrw pokozoł swoja wielko siyła
Gorny zaś łod morza ździybko dali leży
Dyć tyż jest ciekawy - możecie mi wierzyć.

[broneknotgeld]

"Bursztynowy Słowik"

"Bursztynowy Słowik" we wrześniu zaśpiywo
Dyć niychej nikogo to teroz niy dziwo
TVN tu latoś festiwal zrychtuje
Toż i Sopotowi richtig to sztimuje.

[broneknotgeld]

A w siyrpniu

A w siyrpniu festiwal TVP tyż zrobi
Prawiom co jak piyrwyj tyn Sopot łozdobi.

[broneknotgeld]

Na Monciaku

Na Monciaku knajpek wiela
Grosz wycisko z kapsy sztela.

[broneknotgeld]

Na molo

Stojom kukły zaś woskowe
Kogo tu niy widzi czowiek?
Dali Hańcze Olbrychskiego
Harry Potter tyż do tego.

[broneknotgeld]

Ze molo

Ze molo w Sopocie na hotel "Grand" blikom
W kasynie chca wygrać - za to se porzykom
Dyć jak przegrom wszysko to zaś tukej przida
I możno do wody nawet skokać byda.

[broneknotgeld]

Za "Grandym"

Dynkmal Haffnera za "Grandym" stoji
Ło Zdroj swoj już se ponoć niy boji
Terozki patrzy jak Sopot rośnie
Zdo sie co richtig idzie ku wiośnie.

[broneknotgeld]

Pub "Kinsky"

Klausa Kinskego pub miano nosi
Tukej se rodzioł - tako to głosi
A jo we końcie zicna ze biyrym
Niychej łodpocznom tyż moje gyry.

[broneknotgeld]

Sopot - "kurort pełyn życio"
Zowdy tam coś do wypicio.

[broneknotgeld]

"Blue Flag"

Plaża przi "Kolibie" tom flagom se asi
Toż niychej tam piosku żodyn niy marasi
Chocioż jest prywatno ło ludzi tam dbajom
No i niy dziwota - profit z tego majom.

[broneknotgeld]

Kaj żeś Higiejo?

Jako w Sopocie do cia rzykali?
-Ci kierzy tukej se kurowali
Jako żeś blysła alabastrowo?
Kto na cia kukoł sie poczuł zdrowo

Niy darmo stopy ci tu chalali
Niy darmo richtig w ty szteli pszali
Przecaś gyszynkym jest łod Haffnera
Dyć kaj żeś dzisioj? Wołom - Higieja!

[broneknotgeld]

Sopot 1825

Kej doktor Heffner z łonk kurort robioł
Dom Kuracyjny tako łozdobioł
Doł mu figura alabastrowo
Higieja ze tym w Sopocie stowo
I szteli ciyngym już patronuje
Bogini zdrowia - ludzi kuruje.

[broneknotgeld]

Sopot 1830

Dom Kuracyjny nowy zas tukej
Zdowo se wołać - Na mie pokukej!
Zaroz sie bardzi hersko poczujesz
Niy darmo zdrowie przeca retujesz
Dyć na dziedzińcu Higieja stoji
Jyj sie nojgorsze horobsko boji.

[broneknotgeld]

Sopit - Higieja

Higieja - Sopot, Sopot - Higieja
Kaj tukej kukniesz se aże śmieja
Chalali piyrwyj bogini stopy
Bajtle, kobiyty, nawet tyż chopy
Dyć w kuracyjo trza tyż uwierzyć
Lekci z tym przidzie chorobsko przeżyć.

[broneknotgeld]

Kto niy pochaloł

Kto niy pochaloł stopy Higieji
Kurowoł jakby sie bez nadzieji
I niy pomogli czasym dochtory
Kej ktoś na duszy boł prawie chory.

[broneknotgeld]

Molo w Sopocie
tyż skuli pociech.
trojmiasto.gazeta.pl/trojmiasto/1,35612,14077717,Poslowie_odprawieni_przez_bileterke_na_molo.html

[broneknotgeld]

Bebok w Sopocie
Jednego mocie!
www.facebook.com/groups/332939560673928/posts/1734399047194632/

[broneknotgeld]

[broneknotgeld]

Wyboczcie

Cosik z komputrym zaś mi sie dzieje
Djoboł ze tego pewno sie śmieje.

[broneknotgeld]

"Nadmorska Strefa Prestiżu"

Take piykne "cyntrum" se miasto funduje
Tu WTC-Gdynia dwie wieże postawi
Jak ze Nowym Jorkym to richtig sztimuje
Przidzie czas że byda sie tyż mog tam bawić.

[broneknotgeld]

Gdynia 1922

We Warszawie nad tym deliberowali
Coby se Poloki port pobudowali
No i pryndko tako przeca sie tyż stało
Szwongu ze tom Gdyniom dyć było niymało.

[broneknotgeld]

Gdynia 1925

Oksywie ze Gdyniom we jedno se zloło
Choć piyrwyj tyż łod sia było im wesoło.

[broneknotgeld]

Gdynia 10.II.1926

Co chcieli to majom - ze wioski już miasto
Ponoć bez zokalcu im wyszło te ciasto.

[broneknotgeld]

Gdynia 1929

Kurde - już zrobiyli tukej powiat grodzki
Haratali przi tym widać tyż przez nocki.

[broneknotgeld]

Gdynia 1930

Co tu dużo godać? Ciyngym sztela rośnie
Redłowo z Chyloniom capnyli radośnie.

[broneknotgeld]

Łod 1930

Już tu transatlantyk pasażerow broł
Do Nowego Jorku płynołś jak żeś chcioł.

[broneknotgeld]

Gdynia 1933

Toż Witomino z Obłużym wziyła
Tyż "Działki Leśne" - tako w niyj siyła.

[broneknotgeld]

Gdynia 1935

Mały Kack erbła no i Cisowo
Jeszcze Pogórze Morske Orłowo
Lasy chylońske i witomińske
Kryńci sie kryńci te "koło młyńske".

[broneknotgeld]

Gdynia 1953

Toż jeszcze copła kaszubsko wioska
Ło Wielki Kack jest wiynkszo zaś troszka
Na tym se jednak cołkym stanyła
Myśli że zowdy aż tako była.

[broneknotgeld]

Herb Gdyni

Dwie fisze na mieczu wyndzone
Podobnoś szczyńśliwe som łone.

[broneknotgeld]

Bożo Zatoczka

Toż piykny kontek Gdański Zatoki
Kaszubske żyli tukej ryboki
Se wioska swojo Gdyniom nazwali
Na świat w spokoju durś dziwowali

Z Polskom sie jednak życie zmiyniyło
Stare ze nowym ździybko pobiyło
Wybudowali wielgachny port
Kto niy poskopioł niywiela wort.

[broneknotgeld]

Wiocha?

Godajom "za Niymca" Gdynia wiochom była
Po prowdzie to trocha we tym jest cygaństwa
Już wtedy z "kuracji" tyż przeca se żyła
Kwatery czimali tyż tukej "dlo państwa".

[broneknotgeld]

Jan Radtke 1872-1958

Z gburski rodziny Radtke pochodzioł
Tref w jego rynkach - łon niym niy wodzioł
Przed piyrszom wojnom chałpa postawioł
W kery niyjedyn letnik już bawioł

Dyć Polska tukej se zaklupała
Ze Gdyni łokno na świat mieć chciała
Po myśli było to tyż istnego
I jest zasługa w tym przeca jego

Wojtym ty gminy łon wtedy był
Niym do miejskości nabrała siył
Choć burgemajstrym jednak niy łostoł
Dyć przeca stołek vice tyż dostoł

Chcesz go łodwiedzić toż kerchof gdyński
Kerego zowiom tu "witomiński"
Poasić jego kwaterom może
Gyburstag Radtke mioł z miastym w porze.

[broneknotgeld]

"Srebrno Tabakiera Abrahama"

Nadowajom w Gdyni medal taki zocny
Miano wzioł Kaszuby co za Polskom szoł
Czy skuli tabako łon był we tym mocny?
Cosik mi sie zdowo że tyż "nosa mioł".

[broneknotgeld]

"Bazylika Morsko"

Łod miyndzywojnia tyn pomysł świtoł
Dyć se z "realym" tu niy prziwitoł
Tam kaj być miała stoji se krziż
Kamiynno Goro - co ło tym wiysz?

[broneknotgeld]

Piyrszy krziż na Kamiynny Gorze

We czidziestym piyrszym krziż stowiali tukej
Kaj miała być Gdyni "Morsko Bazylika"
Tego jednak wcale terozki niy szukej
Choć pod krziżym przeca możesz se porzykać

[broneknotgeld]

Drugi Krziż

We czidziestym szwortym Świynto Morza było
Se "kamiyń wyngelny" kładli bazyliki
Krziż stanoł tu nowy - wielki że ąż miło
Jak ćmok był łon świycioł skuli elektryki

Tych "bronotnych" w Gdańsku pewno cosik wnerwioł
Bo jak prziszła wojna pryndko go kipnyli
Historyji jednak tym Niymiec niy przerwoł
Dyć Kaszuby przeca zowdy twarde byli.

[broneknotgeld]

Czeci Krziż

We sztyrdziestym piontym zaś Kamiynno Gora
Na krziż se dziwuje co łodbijo w chmurach
Stoł se lot czinoście aż kipnoł go wiater
"W złym czasie" jak pedzioł synkowi tu fater

Dyć nocom łod nowa w ziymia go wkopali
By w końcu komuna musiała go zwalić.

[broneknotgeld]

Szworty Krziż

Czidziści lot chnetko krziża tu niy było
Jednak w nowy Polsce zaś ludzi to "wziyło"
Rok dziewiyńdziesionty - nowy krziż ze drzewa
Dziwuje se tymu yno gdyńsko mewa.

[broneknotgeld]

Pionty Krziż

Stanoł w Wielki Piontek dziewiyńć rokow tymu
Ze ajzy jest teroz - metrow z sety ćwierć
Jak w czidziestym szwortym ćmok niygroźny jymu
Zowdy sie "łodrodzo" - niy wiy co to śmierć.

[broneknotgeld]

Port wojynny

Ano zgarnyło Oksywie wojsko
Kaszubsko wieś sie jakby straciyła
Już tu niy było jak piyrwyj swojsko
Se marynarka Polsce marzyła.

[broneknotgeld]

Piyrszo latarnio oksywsko

Toż mogła yno być "poniymiecko"
Stanyła jeszcze tu za Wilusia
Tego "piyrszego" - wiydz ło tym dziecko
Boś ty terozki jest tukej u sia

Jak Polska prziszła tyż sie przidała
Aż do poczontku łostatni wojny
Potym już światłym niy zamigała
Znak czasu taki - co niyspokojny.

[broneknotgeld]

Na oksywskim cmyntorzu

Tu rybok ze gburym zowdy se spotykoł
Echt Polok z Kaszubom co wielki tyż przeca
Przi grobach wojokow tyż se bydziesz rzykoł
Kostucha jednako zabiyro do neca.

[broneknotgeld]

Świynto Gora na Oksywiu

Piyrwyj na tym miejscu krziż nabożnie stoł
W opiece ofiary zarazy łon mioł
Dyć dzisioj go niy ma. Kaj ta gora świynto?
Kto terozki ło tym jeszcze durś pamiynto?

[broneknotgeld]

Oksywsko kapliczka św. Rocha

Z moru za życio czynsto wyłazioł
Tyż inkszych kostusze niy doł
Ze wiarom na to zowdy sie ważoł
Niym w końcu ducha som wydoł

Toż przed zarazom Oksywie chroni
Tukej do niego rzykajom
I ta kapliczka zrobiyli łoni
Wiyncy nadzieji z niym majom.

[broneknotgeld]

Chylońsko gora

"Gora Krziżowo" to "Gora Świynto"
Tyż Mikołaja miano pamiynto.

[broneknotgeld]

Cudowno gorka

Świynty Mikołoj wybroł ta gorka
Rzykosz do niego - tu cie wysucho
Niyjedna minie życiowo chmurka
Ze wiary wszysko kero niygucho

Bestoż kapliczka tukej stanyła
Z figurkom zocnom patrona tego
I była ponoć w niyj wielko siyła
Dyć niy sprowdzymy dzisioj już tego.

[broneknotgeld]

Św. Mikołoj na Kaszubach

W pieczy rybokow mioł i pasterzy
Tako tu piyrwyj durś było
Wilki stond wygnoł - możecie wierzyć
Rybokom lżyj sie tyż żyło

Bo jak na morzu se zabłonkal
Do brzegu niy mogli dobić
Toż do patrona tego rzykali
-Ze wiarom szło tako zrobić.

[broneknotgeld]

Śluby Kaszuby

Rybok se na morzu błonkoł
Strach - chocioż rzykoł to aże jonkoł
Świynty Mikołoj ślub słyszoł chopa
-Dom cera Bogu! Minie utropa?!

Do dom dopłynoł - co złe to za nim
I już świyntego ślubym niy mami
Toż pedzioł - Morze całuj mie w rzyć
A moja Klara w doma mo być!

[broneknotgeld]

Ze wiyrchu Kamiynny Gory

Ze wiyrchu jest piykny widok na zatoka
Hel tyż przeca dojrzysz niym doczekosz ćmoka
A potym dej pozor na tutejsze porki
Hehe - dyć przi tymu tyż zrobisz sie gorki.

[broneknotgeld]

"Obrońcom Wybrzeża 1939"

Dynkmal taki nosi ta Gora Kamiynno
Komuna krziż utła - dyć czuła sie winno
Bestoż to obrońcom tukej wystawiyła
By ta gorka cołkym tyż sago niy była.

[broneknotgeld]

Oksywie

Na Kympie Oksywski te Oksywie przeca
Choć wziyła je Gdynia do swojego neca
Bo ze szwongym wielkim tukej kedyś rosła
Przyndko do ty wioski kaszubski se doszła.

[broneknotgeld]

Parafio Oksywsko

Jednom ze nojstarszych na Pomorzu łona
Toż piyrwyj tyż Gdynia do niyj należała
Terozki niywielko - możesz se przekonać
Downiyj zaś daleko richtig rozciongała.

[broneknotgeld]

Gowa wołu

"Oxhoved" po duńsku "gowa wołu" znaczy
Se Kympa Oksywsko ze tym tyż łonaczy
Podobno jest przeca - tako mi sie zdowo
Chocioż swoji gowy za to bych niy dowoł.

[broneknotgeld]

Na Kympie Oksywski fest downymi laty
Duński princ se miyszkoł zocny i bogaty
Czy we tym jest prowda czy bojka ze tego?
Godajom że prziszoł do Wojtka świyntego
Chcioł by świynty sklejoł ze "londym" mu państwo
Wtedy z cołkym dworym przijmie krześcijaństwo

Dobiyła do brzegu "kympa" wielkim cudym
Bestoż princ se łokrzcioł z cołkim swojim ludym.

Po kaszubsku szkryfnoł to przeszło sto lot tymu Hieronim Jarosz Derdowski.

[broneknotgeld]

Oksywski kościoł

Parafio staro swoj kościoł miała
Dyć łon najazdu Szweda niy szczimoł
Nowy se pryndko pobudowała
Djoboł przi wojnie jednak niy drzymoł

W sztyrdziestym piontym Ruski właziyli
Świontynia cołko jeszcze tu była
Dlo szpasu w wieża z działa łupnyli
Skiż tego prawie se łobalyła

Kaszub przi Bogu jednak być musi
Rynce urobioł - dźwignoł łod nowa
Łon wiarom dycho a niy se dusi
Ze niom we gorze mo zowdy gowa.

[broneknotgeld]

Kościoł pw. Nojświyntszy Maryji Panny Krolowy Polski

Łoziymdziesiont lot tymu tu go wyświyńciyli
We Polsce już wtedy pora lot se byli
Gdynia sie ze szwongym wielkim budowała
Toż świontyni taki fest poczebowała.

[broneknotgeld]

Michałowo parafio

Michał Archanioł miecz w gorze czimie
Bestoż przi tymu nigdy niy drzymie
Oksywiu przeca łon patronuje
Toż parafianin chyba to czuje.

[broneknotgeld]

SKM do prywatyzacji

Na bezrok to wszysko chcom sprywatyzować
Toż gorzy z tym bydzie czy jakoś "odnowa"?
No i czy zdrożejom wyraźnie bilety?
Byłaby utropa z tym jednak - niystety.

[broneknotgeld]

Co roku

Co roku jest żech we Gdyni
To sie już chyba niy zmiyni.

[broneknotgeld]

Gdynia - Seattle

Seattle - miasto siostrzane
Tako wspołpracy łoddane
Że Gdynia mo już łososie
Rybom niy śmierdzom we nosie
Bo w słonku miyni sie spiż
Dziwej se na nie - toż wiysz.

[broneknotgeld]

Eliminacje Gdynia - Orłowo 31.VI.05

Lubisz bursztyn zbiyrać toż ciś do Orłowa
Zawody zaliczysz mosz szansa na mistrza
Dyć to we Jantarze - wiy już twoja gowa
W eliminacyjach wykozać se tyż trza.

[broneknotgeld]

Piyrszy herb Gdyni (1942)

Ano za Niymca tako se stało
Toż łodź wikingow w herbie niymało
Była ze żaglym i gowom smoka
Tło cołkym modre a niy ze ćmoka.

[broneknotgeld]

Herbowe ryby

Mo na tym mieczu Gdynia dwa dorsze?
Zdo mi sie ryby to jakeś gorsze
Bo łostre przeca widać zymbiska
Idzie wystrachać se jejich pyska.

[broneknotgeld]

Czerwone tło

W herbie łod Gdyni czerwone tło
Jako robotnik swo fana mo.

[broneknotgeld]

Banhof w Gdyni

Piyknie wyremontowany
Jużna muster inkszym dany
Bez tych budek z handlyrzami
Cudo - dyc kuknijcie sami.

[broneknotgeld]

"Gdina, ad Gdinam" 1253

Biskup Molimir wspomnioł ło Gdyni
Tako szkryfniono - mo lot niy myni.

[broneknotgeld]

Gdynia 1362

Cosik ło lokacji ty wioski szkryfnyli
Niy na "pniu surowym" dyć tu piyrwyj żyli
Z tym rokym jom czimion pany z Rusocina
We prawie to jejich rycersko dziedzina.

[broneknotgeld]

Gdynia 1379

Dziynki staraniom swojego pana
Mogli tu łowić fisze łod rana
Tako spokopioł Jan z Rusocina
Co ze tym zyszczy gdyńsko dziedzina.

[broneknotgeld]

Mały Kack

Przi rzece Kaczy Mały Kack był
Se we Orłowie terozki skrył
Ze tom dzielnicom zas konskym Gdyni
Tego już dzisioj żodyn niy zmiyni.

[broneknotgeld]

Kacza

Toż jo wcale niy łonacza
W gdyni potok zwany Kacza
Tako Kaczy tu Dolina
I Warszawy niy łomina
Była piyrwyj - dyć Drewniano
Czy cwilingrom tyż łoddano?

[broneknotgeld]

Ze Bojana

Ze wsi Bojano ta Kacza płynie
Tako i Gdyni już niy łominie
Podobnoś piyrwyj fest wylywała
Regulowano teroz bezmała.

[broneknotgeld]

Kaj molo

Kaj molo w Orłowie
Kacza wody wlywo
Do Zatoki Gdański
Tako już z niom bywo.

[broneknotgeld]

Chylonka

Ze Świynty Gory ponoć wypływo
Toż se łostała i to niy dziwo
Chyloński Potok kajsik ukryty
Gdyński tyż stracioł se downo przi tym
Dyć ta Chylonka ciyngym widzymy
Czy jyj jak piyrwyj jednak pszajymy?

[broneknotgeld]

Stow i młyny

Był "prezydyncki" stow na Chylonce
Dzisioj już darmo szuko go słońce
Już tyż dwa młyny monki niy mielom
Co to sie stało ze downom sztelom?

[broneknotgeld]

Gorny Młyn

Toż familijo ło mianie Kriesel
Czimała dugo swoj wodny "zesel".

[broneknotgeld]

Dolny Młyn

Za glajzami bany stoł
Orła łon młynorzym mioł.

[broneknotgeld]

Piyrwyj Chylonka

Piyrwyj kaj we potok wody swoje loła
Raj był dlo wyndkorzy i dzieciokow tako
Teroz matka dziecka puścić by sie boła
Godajom że ktosik tam po nocach płako.

[broneknotgeld]

Demptowski Potok

Jak Potok Demptowski to kajsik Demptowo
Płynie richtig przez nie abo mi sie zdowo?

-
forum.gazeta.pl/forum/71,1.html?f=28940

[broneknotgeld]

Cisowianka

Wele Długi Gory czi strugi se jawiom
Cisowka Marszewsko i Potok Demptowski
W Cisowiance wody już cuzamyn bawiom
Młynow tu niy widać toż na nic im troski.

[broneknotgeld]

Potok Kolibkowski

Łosprowiała ło tym rybka
Co tyn potok we Kolibkach.
-
forum.gazeta.pl/forum/71,1.html?f=28940

[broneknotgeld]

Swelinia

Ważne piyrwyj potok mioł naprowdy lica
Dyć niym gdańsko-polsko se ciongła granica.

[broneknotgeld]

Oksywie 1124

Richtig Świyntopełk kościoł fundowoł?
Tako se dzisioj nikerym zdowo
Ano i prowdom przeca być może
Tyś na Oksywiu łod zowdy Boże.

[broneknotgeld]

Oksywie 1224

W tym czasie kościoł w Oksywiu stoł
Czy richtig sto już rokow łon mioł?
Sie na "mur beton" możno niy zdowo
Dyć w historyji z tym jakoś stowo.

[broneknotgeld]

Piyrszy kościołek

Piyrszy kościołek z drewna stowiany
Podobnoś krotko Oksywiu dany
Możno to tyn był Świyntopełkowy
Tako prziłazi teroz do gowy.

[broneknotgeld]

W czinostym wieku

W czinostym wieku z muru świontynia
Tego wom pedzieć tu niy łomina.

[broneknotgeld]

Parafijo Oksywsko 1253

Biskup włocławski Wolimir prawioł
Co wielko ta parafijo
Aż dziewiytnoście wiosek w niyj jawioł
Mioł farorz ze tym mecyjo.

[broneknotgeld]

Parafijo Oksywsko 1362

Maciej z Gołańczy dokłodo szteli
Chylonia no i Redłowo
Kościoł filjalny przi tymu mieli
Toż parafijo jak nowo.

[broneknotgeld]

W szesnostym wieku

W szesnostym wieku biskup tu bywoł
Se kosciołowi festelnie dziwoł
Wieży po czyńści wtedy drewniany
Choć w cołki reszcie łon murowany.

[broneknotgeld]

Kościoł św. Michała Archanioła 1626

Gore kościoł Michałowy
Szwed wojuje - kożdy to wiy
Uciyrpiało z tym Pomorze
Lepszych czasow dej mu Boże.

[broneknotgeld]

1687

Na barokowym helmisku wieży
Fanka z tym rokym - chciyjcie uwierzyć
Toż chocioż zgoroł łodbudowany
Oksywiu tako na wieki dany.

[broneknotgeld]

Co łostało?

Co z nojdowniejszych czasow łostało?
-Mury ty wieży - zdo sie niymało.

[broneknotgeld]

Ołtorz św. Michała Archanioła

Toż ciyngym se asi tym neobarokym
Pozłocisty anioł w jego środku stoji
Zajrzyj do świontyni jeszcze ze tym rokym
We kerym se Gdynia na gyburstag stroji.

[broneknotgeld]

Staro suchatelnica

Z dziewiytnostego wieku łostała
Mustrym rokoko cie nyńci
Wiela grzysznikow już wysłuchała
A ciyngym jom to niy mynczy.

[broneknotgeld]

Łobroz kościelny

Archanioł Michał na tym łobrozie
Z szatanym wygroł we Imie Boże
Toż parafiji łon patronuje
Opieka jego ciyngym sie czuje.

[broneknotgeld]

Relikwie św. Faustyny

Krziż z relikwiami kunsztym gotyckim
Niychej w świontyni jest już na wdycki
Szczyńście Oksywiu tako przinosi
No i wiernymu co świynto prosi.

[broneknotgeld]

Na cmyntorzu

Ponoć nikerym lżyj tu umiyrać
Bo chcom ze wzgorza tego zaziyrać
Na świat co łostoł sie ciyngym żywy
Oby już zowdy był łon szczyńśliwy.

[broneknotgeld]

Oksywski cmyntorz

Oksywski cmyntorz wele kościoła
Zdo sie ło pamiyńć dlo zmarłych wołać
Zicnoł na zboczu - patrzy na morze
Tu spokoj wieczny we Imie Boże.

[broneknotgeld]

Nojstarszy w Gdyni

Kościoł oksywski nojstarszy w Gdyni
Toż historyji nikt niy łodmiyni.

[broneknotgeld]

Nojzocniejszy

Kościoł stary ze cmyntorzym
Wiela dlo ty Gdyni woży
Tu zobytek nojzocniejszy
Kery widzi dziyń dzisiejszy.

[broneknotgeld]

Kościelne tabule

Kościelne tabule - ło czym łosprowiocie?
Roztomajtych szifow miana tako docie
Nom i naszym dzieciom coby pamiyntali
Jak w łostatni wojnie istni wojowali.

[broneknotgeld]

Na połedniowy ścianie

Dyć na tym kościele znojdziecie tabula
Poswiyncono istnym co niy szło łofulać
Toż skiż stalinizmu życie zatraciyli
We zgodzie z sumiyniym za krotko pożyli.

[broneknotgeld]

Mogiła Abrahama

Ano - toż istnymu kamiyń ustawiyli
Co znodli przi drodze z Gdyni na Oksywie
Tako nojpiyrszego Kaszuby uczciyli
Niyjedyn przi tymu richtig gowom kiwie

Bo przeca Abraham był jako ta skała
We droga ku Polsce powiod bliźnich swojich
Gdynia zowdy bydzie ło niym pamiyntała
A oksywski cmyntorz żol jakoś ukoji.

[broneknotgeld]

Bernard Chrzanowski

Tu Chrzanowskiego znojdziesz mogiła
Kaszubow wszyndy łon sławioł
Tako go ziymia oksywsko wziyła
Na kery z uciechom bawioł.

[broneknotgeld]

Cisowka

Latym ponoć cołkym sucho
Ło Cisowce tako gucho.

[broneknotgeld]

Struga Maruszewsko

Struga Maruszewsko tyż płynie w Cisowy
Czy ktoś ło potoczku cosik wiyncy powiy?

[broneknotgeld]

Ze Vitaliom se prziwitom?
We Chylonii ło nia spytom.

[broneknotgeld]

"Costerina"

Z Gdyni ruszo "Costerina"
Para bucho - dym z komina
W Kościerzynie tyn cug stanie
Zocne czeko cie zwiydzanie
Po połedniu nazod ruszy
Dyć wpiyrw gwizdnie - zamknij uszy.

[broneknotgeld]

Kościoł chyloński

Z sztyrnostego wieku prezbiterium jego
Z pietom co pamiynto już tyn wiek piytnosty
W Mikołaju widzi patrona zocnego
Co szifom wskozuje kurs do dom durś prosty.

[broneknotgeld]

Pieta

Ze średniowieczo chylońsko pieta
Krystus na klinie Maryji leży
Niyjedyn bestoż zoglondnońc chce tam
Se jyj podziwo i bardzi wierzy.

[broneknotgeld]

22-24.09.2006 Gdynia
"Dary Ziemi i ...Europa od kuchni"

Toż na Polance Redłowski mocie
Te "dary ziymi" pewno już znocie
Dyć przeca idzie se zaś zabawić
I radość duszy swoji tym sprawić.

[broneknotgeld]

Hiszpanio z Litwom

Hiszpanio z Litwom kulturom blysnom
Cosik ze garow nom tyż wycisnom
Dusza ze ciałym niychej w proficie
Tako nojlepi - przeca to wiycie.

[broneknotgeld]

Hiszpanio na "Darach..."

Winoroślom i agawom
Se te ziymie piyknie jawiom
Tako mauretańskim kunsztym
No bo przeca niy tym worsztym.

[broneknotgeld]

Litwa na "Darach..."

Herb dziedziny gryfnie dany
Nałokoło ziymi łany
Że nojlepi przi Pogoni
Dobrze wiedzom przeca łoni.

[broneknotgeld]

"Dar Pomorza" - muzeum 1981-2006

Ćwierć wieku już na niym zyjmanić niy idzie
Tako za muzeum niych nom dali bydzie.

[broneknotgeld]

"Dar Pomorza" 1929

Z datkow społecznych tako kupiony
Szczyńściym do dzisioj tu wystawiony.

[broneknotgeld]

7000 funtow sztyrligow

Ano - wert był tych piniyndzy
Co Pomorze uskłodało
Pozyjmanić szło niym pryndzy
W cołki świat se wybrać chciało.

[broneknotgeld]

"Dar Pomorza" 19.06.1930

Czy we Gdyni ktoś pamiynto?
Przeca było jakby świynto
Już żaglowiec jest przi redzie
Zdo sie Polsce co na przedzie.

[broneknotgeld]

Dar Pomorza 22.XI.1931

Neptun z wody mu pokiwoł
-Ze trojzymbym take dziwo
Rownik piyrszy roz przepłynoł
Tradycyji niy łominoł!

[broneknotgeld]

Nałokoło świata 1934-1935

Ech - zyjmańsko ambasada
Wiela portow powitało
Kamracynie a niy zwada
Z szifym tako - toż niymało.

[broneknotgeld]

Dar Pomorza 19.VI.

Tako szkryfnońć se łodwoża
Chciyjcie "Dnia Daru Pomorza"
Toż do dzisioj stoji w Gdyni
Niychej se to już niy zmiyni.

[broneknotgeld]

VIII Festiwal Dracha - Gdynia 23.IX.2006

Na Pomorzu wiater "duje"
Richtig drachom to sztimuje
Toż se podziwejcie tymu
Ech - pofurgać i skiż rymu.

[broneknotgeld]

3.IX.1936 Mały Kack

W Małym Kacku już jest szkoła
Choć wielgachno dyć drewniano
Dzwonkym bajtli bydzie wołać
Maszczom do niyj dyć co rano.

[broneknotgeld]

1961 "Tysionclatka" w Małym kacku

Piyrwszo w Polsce "tysionclatka"
Zastompiyła staro szkoła
By nauka w gowy natkać
Jyj trza teroz bajtli wołać.

[broneknotgeld]

70 lecie SP nr 13

Wiek to zocny toż trza sprawić
By tyn Mały Kack zabawić
Dlo dzielnicy we tym świynto
Kto szkolorzym niych pamiynto

[broneknotgeld]

10.II.2007 - winszuja Gdyni

Przi gyburstagu szczyńścio winszuja
W duchu przezocno - to forszteluja.
-
Ruda Śląska - stolica fraszki

[pejsaty]

cieszy mnie ze Bronek lubi i Pomorze
nad baltyckim morzem mnie spotkac moze :)

[broneknotgeld]

Możno ło tym cosik wiysz
Mie tam spotkosz czynsto tyż.

[pejsaty]

moje miasto juz wspomniales
moze nawet kiedy mnie mijales? ;)

[broneknotgeld]

W Wejherowie czynsto bywom
Historiom se jego dziwom
Nawet żech naszkryfloł cosik
Choć na razie to jak "grosik".

[pejsaty]

o mym miescie pisales mniej niz o wejherowie
choc to stolica pomorza i ludziskow mrowie!

[hepik1]

Jakieś próby kumoterstwa?Prywaty załatwianie?Po znajomości?

[pejsaty]

pomyslalem, ze skoro juz zostalem dziwnym zbiegiem okolicznosci opiekunem
miasta ruda slaska, to powiem przynajmniej skad jestem, bo ze nie jestem
slazakiem to juz wiecie.

[edzioszka]

nad polskim morzem dawno nie byłam
gorne wyprawy szczyro polubiłam ;)

[broneknotgeld]

A to z Ciupazkom se tu zgodocie
Jak łobie gory we gowie mocie.

Polecom tymat "Małopolska".

[broneknotgeld]

Kaszubsko "baśka"

Ano - toz wcale to niy som wice
W "baśka" gro Kaszub - już teroz wiycie
Ślonzok gra w szkata mo swoja przeca
"Baśka" ze kaszubskego zaś neca.

[broneknotgeld]

W końcu

Ponboczek w końcu stworzoł Kaszuby
Doł to co Mu sie łostało
Czowiek skiż tego tukej niy ruby
Dyć czy kto godo że - mało?

[broneknotgeld]

"Kaszuby" 1238

W bulli papieski tako szkryfnyli
Toż miyndzy Wisłom a Odrom żyli
Niy to co dzisioj - piyrwyj ich wiela
Kaszubow cołko Pomorza sztela.

[broneknotgeld]

Dzisioj

Tam kaj Kaszuby dzisioj se żyjom
Swoji tradycji wcale niy kryjom.

[broneknotgeld]

Niypobożny?

Niypobożny Kaszub bywo?
-Pewno yno richtig dziwok.

[broneknotgeld]

Tabaka

Bez tabaki Kaszub psincym
Jakby dzisioj tym Słowińcym.

[broneknotgeld]

Bez tabaki

Bez tabaki Kaszuba ze świyczkom szukejcie
Toż baba w galotach - tako niy fulejcie.

[broneknotgeld]

"Polsko Riwiera"?

"Polskom Riwierom" kaszubske plaże?
Bele pogoda słonka niy maże.

[broneknotgeld]

"Modry Kraik"

Pojezierzo Kaszubskego zapomniane miano
Tako mi se przipomniało w piyrsze lata rano.

[broneknotgeld]

"Szwajcarjo Kaszubsko"

Gorki lasy i jeziora
Ta "Szwajcarjo" niy łod wczora.

[broneknotgeld]

Kaszubske kamiynie

Djoboł ciepoł kamiyniami?
Abo stolem? -Wiycie sami?

[broneknotgeld]

"Droga Kaszubsko"

Przez Kaszuby zocne wiedzie
Wandrus tukej durs na przedzie
Zodziwiony jest gryfnościom
Ty ziymi kaj prawie goszczom.

[broneknotgeld]

No toż dali ło Kaszubach
Bez nich przeca "Polski zguba".

[broneknotgeld]

Kaszubske ruchanki

Ciasto z monki żytni na łoleju piekom
Posolom, pocukrzom - sie w końcu doczekom.

Wdzydze Kiszewskie

[broneknotgeld]

Wdzydze Kiszewskie

Na połedniu Kaszub
Niży Kościerzyny
Dyć werci zoglondnońć
Se do ty dziedziny.

[broneknotgeld]

Skansyn wdzydzki

Trza se rozglondnońć po tym skansynie
Co tukej majom niychej niy minie.

[broneknotgeld]

Kaszubski Park Etnograficzny

Zdo sie to muzeum kere ciyngym zyje
Tego co wpiyrw było wcale se niy kryje
Jarmarkow we roku tukej richtig wiela
I na mszo tyż przidziesz bo zocno to sztela.

[broneknotgeld]

Skansyn 1906-2006

Sto rokow chałupy roztomajte stojom
Bo przeca już piyrwyj ratować je chcieli
Tartakym parkowym pnioki grube krojom?
Czy możno rechtory durś uczom w ty szteli.

[broneknotgeld]

Kościoł św. Barbary (XVIII w.)

Toz go znojdziecie tako w skansynie
Ze Swornych gaci tukej go dali
W niym mszo niydzielno niychej niy minie
Kaszuby zowdy Ponboczku pszoli.

[broneknotgeld]

Przewodnik

We kaszubski godce prawioł ło skansynie
Tako i skiż tego łona niy zoginie.

[broneknotgeld]

Kaszubske Morze

Jezioro Wdzydze tyż z takim mianym
Czy raj na ziymi Kaszubom dany?

Kartuzy

[broneknotgeld]

Kartuzy

Być stolicom Kaszub chciały
Toż i za to se zabrały
Czy łostuda drapko minie?
Zapytejcie w Kościerzynie.

[broneknotgeld]

Muzeum Kaszubske

Wnerwio richtig małowiela
Bo zamknione jest w niydziela.

[broneknotgeld]

W muzeum

Zamknyli tukej kaszubsko dusza
By jom usłyszeć wsuchać se musza.

[broneknotgeld]

Kartuzko fara

Jak "memento mori" dach co trułom zdo sie
Toż reszpekt przed Bogym we ty farze mo sie.

[broneknotgeld]

"Kania Lodge" - Kartuzy

Ćwierć setki wandrusow tukej przenocuje
I pojy tyż dobrze choć portmanyj czuje
Roztomajte zresztom prziszykujom jodło
Tajske meksykańske - jakeś chcioł se kłodło.

[broneknotgeld]

W "Kania Lodge"

Kaczka w zołzie z pigwy z zocnym calvadosym
Toż niy śmisz przi tymu richtig kryńcić nosym
Choć jak wolisz kura w trowie citronowy
To ci prziszykujom taki talyrz nowy.

[broneknotgeld]

Kartuzy stolicom

Szwajcarji Kaszubski przezocno stolica
Tukej sie wandrusow durs radujom lica.

[broneknotgeld]

Kartuzy - powiat - 1818

Dyć już niymce byli za tym
Mieć dziedzina ta powiatym
Tako sztela rozkwitnyłą
Choć już piyrwyj gryfno była.

[broneknotgeld]

Kartuzy - XIV w.

Skiż kartuzow ta dziedzina
Choć erymow ich już ni ma
Przeca sztela nom łostała
Niy tropiyła - radowała.

[broneknotgeld]

"Memynto mori"

We kartuzji dyć "memynto"
Zdo sie co ideja świynto.

[broneknotgeld]

Kartuzko reguła

Mało godać - rzykać wiela
W łosobności - szkryfna tela.

[broneknotgeld]

Erymity?

Kaj piyrsze erymy we Kartuzach stoły?
Pewno tam kaj koscioł gotycki je stroji
Dyć dzisioj w dziedzinie głośno i wesoło
Te "memynto mori" zdo sie stond wywioło.

[broneknotgeld]

Erym

Jest erym! Sie łostoł za kościołym przeca
Jakoś mie niy ciongnie, toż drap tam niy leca.

[broneknotgeld]

Kartuzy 1818

Co piyrwyj se tukej z zakonym dźwigało
Z tym rokym szwong wielki naprowdy dostało
Karuzy powiatym we krolewskich Prusach!
-Za to jo i dzisioj se chlapnońć coś musza.

[broneknotgeld]

Kartuzy 1920

Wojsko Polske z Hallerym Kartuzy witajom
Ano - dyć już niy we Niymcach teroz rozwijajom.

[broneknotgeld]

Kartuzy 1923

Niy ze Niymiec, z Polski prawie
ofyn miejskość idzie
Sztela ciyngym powiatowo
tako tyż niy w biydzie
Ło kaszubsko dusza ścigo
teroz z Kościerzynom
Kej Majkowski tu sie wkludzioł
-inksi niy łominom.

[broneknotgeld]

Aleksander Majkowski

"Młodokaszubym" istnego mocie
Tako Remusa pewnikym znocie
Co po Kaszubach piyrwyj wandrowoł
I ksionżki ponoć ludziom sprzedowoł.

[broneknotgeld]

Zrzeszynie Regjonalne Kaszubow

We rokach trzidziestych w Kartuzach blysnyło
Majkowskiymu przeca tu miyszkać trefiyło
Tukej sie i Remus kajś błonkoł pewnikym
Niyjednym Kartuzy łobdorzoł łon blikym.

[broneknotgeld]

We drugi wojnie

We drugi wojnie
Niy za spokojnie
Sie synagoga wartko straciyła
Zdało co Polska tukej niy była
Szejść rokow strzimać trza richtig "zmora"
Niym inkszo prziszła Kartuzom pora.

[broneknotgeld]

Kartuzy 1945

Z Niymcami utropa, z Ruskami tyż przeca
Wypolyli wiela z karuzkego neca
Kaj banhof tam gore, kaj rynek fojera!
Szczyńściym se stond straci i "rusko cholera".

[broneknotgeld]

Dzisioj Kartuzy

Dzisioj Kartuzy kwitnom, gryfniejom
Wandrusow kuszom, do modych śmiejom
Kaszubsko sztela ciyngym zocniejszo
Radzi Kaszuby w pora dzisiejszo.

[broneknotgeld]

Kartuzy powiatym 1818

Kartuzy powiatym - beamtrow przibywo
Sztela wartko rośnie, to teroz niy dziwo
Eremity tako łostali na boku
Kej powiat trza inkszych ty dziedzinie zokow.

[broneknotgeld]

Wele trzech jezior

Wele trzech jezior, przi gryfnym lesie
Kartuzy blyszczom - tako wieść niesie
Ponoć letnikow z downa kusiyły
Przed piyrszom wojnom już gryfne były
Tako stolicom "Szwjcarji" przeca
Kartuzy blyszczom - bestoż tam leca.

[broneknotgeld]

Kartuzy 1920

Wojsko Polske ze Halllerym Kartuzy witajom
Ano - dyć już niy we Niymcach teroz rozwijajom.

[broneknotgeld]

Kartuzy 1923

Niy ze Niymiec, z Polski przeca
ofyn miejscość idzie
Miasto ciyngym powiatowe
- tako dali bydzie.

Kościerzyna

[broneknotgeld]

Kościerzyna

Chce Kaszubom tyż przewodzić
Z Kartuzami konkuruje
Szczyńściym szteli to niy szkodzi
Zdo sie nawet jom buduje.

[broneknotgeld]

Skansyn cugow

Bana w Koscierzynie
Ciyngym w zocy majom
Niychej to niy minie
I durś cugom pszajom.

[broneknotgeld]

Retro-cug

Zowdy latym z Kościerzyny
Stary cug leci do Gdyni.

[broneknotgeld]

"Ratuszowo"

W Kościerzynie "Ratuszowo"
Ponoć żywi wszyskich zdrowo.

Człuchów

[broneknotgeld]

Człuchow

Miyndzy gorki i jeziora
Miasto se wcisnyło
Tako samo dzisioj cieszy
Jako piyrwyj było.

[broneknotgeld]

Człuchowski zamek

Epny i groźny wpiyrw był tu zamek
Łostała wieża i mury same
Czasy krziżacke ciyngym pamiynto
Choć słychać teroz yno "memynto".

[broneknotgeld]

"Na świyntego Marcina"

"Na świyntego Marcina
nojlepszo gyńsina"

Pewno pamiyntocie te przisłowie stare
Toż we Dębogórzu łone ciyngym jare
Ze siedym tysiyncy gyńsi tukej żyje
Dyć jednak niydugo - zimom se je zbije.

[broneknotgeld]

"Łobana" - okrasa

Posiekano gyńsina dobro i surowo
Z cebulkom i jajkym wcinajom jom zdrowo
Dyć jo jednak wola uważono w zupie
Choć Kaszub roz pedzioł że mom smaki gupie.

[broneknotgeld]

Czernina

Hehe - jak to piyknie czernina se wcinać
Dyć jak gyńś krwawiyła lepi niy wspominać.

[broneknotgeld]

Gyńś

Za sztyrdziści złotych zabito trza kupić
By se jom we doma potym piyknie upiyc.

[broneknotgeld]

Na pikniku

Na "Pikniku we gyńśniku fest zafajrowali
Kac ich jednak niy umynczoł - gyńsina wcinali.

[broneknotgeld]

Ferdynand Lepcke

W Coburgu se rodzioł - w Berlinie sztudiowoł
Bydgoszczy tyż łod sia cosik karlus dowoł
"Łuczniczka" tu przeca zawdziynczajom chopu
A jakby tak wrocić do jego "Potopu".

[broneknotgeld]

"Potop" - 1904

Sto lot tymu Bromberg fontannom sie asioł
Trza jom łodbudować - jo niy byda gasioł
To Bydgoszczy rana ze ty drugi wojny
Idzie to naprawić jak czas jest spokojny.

[broneknotgeld]

"Bolesław"

Za Kołobrzegym niybieskim szlakym
Wlyź w las pomorski miyndzy buczyna
Nojstarszy domb tu przirody znakym
Ajchlami suje niym przidzie zima

Łoziymset lot już ponoć łon liczy
Miano Chrobrego wzioł Bolesława
Z niym se biskupstwo tutejsze liczy
Tysionc lot z hokym zocno to sprawa.

[broneknotgeld]

"Warcisław"

Inkszy domb szlaku ciyngym modrego
Tyż ło Pomorzu szumi kolego
W czinostym wieku Warcisław Czeci
Pedzioł -"Niych tukej piyknie sie kleci"
Doł prawa miejskie Kołobrzegowi
Ło tym niy yno fraszka ci powiy.

[broneknotgeld]

W Kołobrzegu

Godajom - latoś tam cosik tonio
Yno ta woda jak downiyj słono
Lipiec turystow ździybko wystraszoł
I tako cyny jakby "wygasioł".

[broneknotgeld]

Starowka

Hehe - po prowdzie łona jest modo
Dyc przeca piykno - kożdy to godo
Bozia uchronioł szczyńściym lod blokow
Choć ich kusiyło do tego kroku.

[broneknotgeld]

"Cafe Padre"

Ponoć ta kawiarnio w Kołobrzegu modno
Żech niy wloz toż niy wiym czy richtig jest godno.

[broneknotgeld]

Latarnio morsko

Chcesz połoglondać miasto z wysoka
Dyć przeca wcale niy musisz skokać
Wlyź na latarnio i se podziwej
Widoki mosz tu przeca godziwe.

[broneknotgeld]

Kolberg

Niymce do Kolbergu czynsto zoglondajom
Swojich śladow jakby durś tukej szukajom.

[broneknotgeld]

W katedrze

Co w katedrze kołobrzeski zochwycić cie może?
Pewno to że sztyry metry majom tu lichtorze
Dyć i ołtorz cocny przeca "Łostatni Wieczerzy"
Werci se wom tu zoglondnońć - możecie mi wierzyć.

[broneknotgeld]

Baszta Prochowo

Stare mury łobronne tyż tu jeszcze widać
Szkryflom bo to tyż sie komuś może przidać
Dyć Baszta Prochowo z piytnostego wieku
Zocnym jest zobytkym - pamiyntej czowieku.

[broneknotgeld]

Ratusz

Ratusz kołobrzeski - ano neogotyk
Wiek swoj mo już przeca - to niy som gupoty
Jakbych tela dożoł richtig byłbych rod
Sto i siedymdziesiont z okładym mo lot.

[broneknotgeld]

Na molo

Chcesz wlyźć na molo toż trza zapłacić
Dwa złote żol ci terozki stracić.

[broneknotgeld]

Fort Ujście

Tukej latarnio se stoji
Skiż tego myni tyż boji.

[broneknotgeld]

Umocniynia

Forty reduty i szańce
Toż richtig były tu "tańce".

[broneknotgeld]

Fort Wilczy

Amfityjater z niego zrobiyli
Czy przi miesionczku tu czasym wyli?

[broneknotgeld]

Uzdrowisko

Zocnym uzdrowiskym przeca tyn Kołobrzeg
Se gardło i pluca tukej wykurujesz
Na inksze utropy tyż łon robi dobrze
Nim wyjedziesz zowdy lepi sie poczujesz.

[broneknotgeld]

W IX wieku

W dziewiontym wieku grod tu Pomorza
Kery mioł richtig blisko do morza
Toż kilometrow yno te sztyry
Drapko kożdego poniosły gyry
Przi samym brzegu gorzy by było
Bo łod Wikingow tu sie rojyło.

[broneknotgeld]

Port grodu

Był łon tukej nad Parsyntom
Choć jo tego niy pamiyntom
Przi zatoczce na jyj wodach
W downych czasach kerych szkoda.

[broneknotgeld]

W X wieku

Dwa podgrodzia rosnom tukej
Jedne łod połednia szukej
Druge stoji łod połnocy
Som grod bardzi teroz w zocy.

[broneknotgeld]

"Salsa Cholbergiensis"

Warzelnie soli - z niych siyła grodu
Kery urosnoł tu niy skiż jodu
Do niego przeca wiod solny szlak
I Thietmar szkryfnoł coś ło niym tak.

[broneknotgeld]

Kołobrzeg 1000

Toż był Kołobrzeg w rynkach Chrobrego
Biskupstwo teroz - czy kaprys jego?
Bolek na wielke sprawy se ważoł
Niy wszysko wyszło ło czym fest marzoł.

[broneknotgeld]

Biskup Reinberg

Ze woli Bolka biskupstwo wzioł
Dziesiyńć lot ziymia pomorsko krzcioł
W końcu go władca na Rusyprawioł
By z jego cerom u ziyńcia bawioł
Tam we hereszcie doczkoł łon śmierci
I ze biskupstwym cołkym był fertig.

[broneknotgeld]

W XI wieku

Łosłabły pryndko tu Polan rynce
Kołobrzeg ze tym już niy we mynce
Siedzibom ksiyńcia jest pomorskiego
Choć historyjo zatarła jego.

[djapanazy]

A ratusz na planie litery "C"
zachwyca i w te, i we w te.
Surowy, z czerwonej cegły, średniowieczny,
stoi, jakby tam stał wiecznie, i był wieczny.

[broneknotgeld]

Barlinek

Barlinek mioł być "Berlinkym" zwany
Dyć to niy klapło - jak świyże rany
Spolszczyć - za mało. Zmiynić trza było
By co niymiecke bardzi se skryło.

[broneknotgeld]

Pałacyk Cebulowy

Sto lot ta willa piykno tu stoji
Dwie wieże po jeji bokach
We "cebulowe hełmy" se stroji
Z zochwytu idzie aż skokać.

[broneknotgeld]

Nad jeziorym

Barlinecke wody - zoglondnij na plaża
Tu "lata dwudzieste" jakby przed łoczami
Chodza po pomostach i tako se marza
"Werciyło być tukej tyż przebiyralniami".

[broneknotgeld]

"Gyńsiorka"

Na rynku "Gyńsiorka" stoji
Niby sie gyńsiora boji
Coś legynda godo ło tym
Se to szkryfna jednak potym

Dzisioj to jest symbol miasta
Bez niyj biydne - no i basta
Szczyńściym że sie tu łostała
Lot już przeca sto - bezmała

Dyć przed piyrszom wojnom jeszcze
Se stanyła we tym mieście
Barlinczykow dwoch jom fundło
Ackermana dzieło wciongło

Czym Barlinek bez "Gyńsiorki"?
Szło zapytać by sie storki
Toż niy yno - tyż tych modych
Przeca z niom wiyncy urody.

[broneknotgeld]

Elias Meisner

Łon tyn Barlinek w świecie rozsławioł
Toż jego papior to przeca sprawioł
Chcioł szkryflać na niym niyjedyn dwor
Słoł Eliasowi talarkow wor.

[broneknotgeld]

"Staro papiyrnia"

We łoziymnostym wieku już była
Piykny czerpany papior robiyła
Kery krol Szwecji ponoć używoł
Że ze Barlinka - tymu sie dziwoł

Z czasym papiyrnio jednak zamknyli
Na młyn zbożowy to przerobiyli
Wiek przeszło cały monka durś mloli
Ło jeji sorta nic sie niy boli

Dyć nastoł koniec - mieli sumiynie
Ciepnońć to wszysko na zatracynie?
Szczyńściym niy doszło jednak do tego
Zobytek blyszczy - wierz mi kolego.

[broneknotgeld]

"Drzewko Sławy"

W muzeum miejskim te drzewko stoji
Liść tu powiesić niy kożdy może
Łone "sławami" przeca sie stroji
Kere we zocy miywo Pomorze.

[broneknotgeld]

"Chiński Dom"

Kaj kedyś była ta Furta Wodno
Chałpa ciekawo stanyła
Tyż tego miasta jest przeca godno
Historii jakby w niyj siyła

Miyszkoł tu kedyś zocny pigulorz
Co w Chinach uczoł sie fachu
Barlinku - ty mie chyba niy fulosz
-Znoł medykamynt łod strachu?

[broneknotgeld]

Legynda ło gyńsiorce

Podobno gyńsi retły roz Rzym
Jo ło tych ptokach coś wiyncy wiym
Miasto Barlinek w zocy je mo
I niy godejcie że mi sie zdo

Łonki tutejsze to gyńsi raj
Pasła je frela co była naj
Zowiść niyszczyńściym - kożdy to wiy
Pedzieli - "Dziołcha czar ciepie zły"

Dyć szykowali już wielki stos
Kat se do celi ze rana wloz
A łona rzyko - "Niebo - Ty broń"
"Łogyń łodymie daleko goń"

Wyszła na rynek i ptokow klucz
Nadlecioł - Tako Bog pedzioł - "Pódź"
Zabrały dziywa ze sobom w dol
Yno karlusom było jyj żol.

[broneknotgeld]

Emanuel Lasker (1868-1941)

Toż tyn filozof i matymatyk
Sercym szachista był wielki
Zowdy łobronioł łon sie przed matym
Knif na to richtig mioł wielki

Dyć niy dziwota - arcymistrz świata
Przez lot dwadziścia i siedym
Aż po dwudzieste ciekawe lata
Łon na świyczniku był jedyn

Dzisioj w Barlinku na chałpie fatra
Jest ło niym piykno tabula
Jo tyż w pamiyńci sie go niy zatra
Wort miana jest "Szachow Krola".

[broneknotgeld]

W Świnoujściu teroz FAMA
Zło pogoda tyż niy dramat.

[broneknotgeld]

Wester Piknik Country - 18.VII.04

We Świnoujściy "kowboje" grajom
Tyż wczasowicze uciecha majom
A że pogoda nijako latoś
Możno tyn piknik zabawi jakoś.

[broneknotgeld]

A miano jego "sztyrdziści sztyry"

Mo Świnoujście tych wysp aż tela
Choć możno zdziwi cie to tyż wiela.

[broneknotgeld]

Forty

We Świnoujściu bliknij na forty
Przeca tyn widok wiela jest worty
Stojom tam z wieku dziewiytnostego
I ciynżko znolyźć tyż zocniejszego
Niż tyn co miano Gerharda nosi
Idź na te forty - niy dej se prosić.

[broneknotgeld]

Komyndant Fortu Gerharda

We pikelhaubie znojdziesz go tukej
Dyć piyrwyj forsy na to po poszukej.

[broneknotgeld]

Krasibor

Co nyńci wiela we Krasiborze?
Ryby! Toż dowo je tukej morze.

[broneknotgeld]

Latarnio

Toż nojwiynkszo latarnio w Europie
Czi setki schodkow - zmynczysz sie chopie
Jednak podreptać werci sie w gora
Dyć chciało by sie mieć potym piora
Bele we krzidłach by były łone
No bo inaczy twoj skok to koniec.

[broneknotgeld]

Wiatraczek

Bioły wiatraczek na falochronie
Tu przidź jak słonko chce godać - koniec.

[broneknotgeld]

Uzdrowisko

Możesz pobabrać sie w borowine
Kompiel z solanki tyż cie niy minie
I chocioż "stracisz" tukej swoj grosz
Przeca na zdrowie chyntnie go dosz.

[broneknotgeld]

Golf

W golfa se idzie zagrać tyż tukej
Pol pora znojdziesz yno poszukej.

[broneknotgeld]

"Wiatraczek"

Skiż nawigacji stary tyn znak
Se przistrojyli fikuśnie tak.

[broneknotgeld]

Sie asi

Nojwiynkszom w Polsce plażom se asi
Niyzadeptano? Ciyngym nos krasi?

[broneknotgeld]

Stowa "Młyny"

Na falochronie wiatraczek stanoł
Zdo sie "ikonom" szteli nom znanom.

[broneknotgeld]

Kurort Świnoujście

Astma cie mynczy serce coś piko
Tu morze czeko toż po co rzykosz?
Swoja utropa naturze pokoż
Drapko pomoże toż se poskokosz.

[broneknotgeld]

Park zdrojowy

Choć se ździybko zdo mizerny
Tu zoglondej i bydź wierny.

[broneknotgeld]

Dzielnica willowo

Rozwijało se zdrojowo
Toż dzielnica tu willowo
Ciyngym gryfne pynsjonaty
Budowane niy za raty.

[broneknotgeld]

Muzeum Rybołowstwa Morskego

Tu muzeum we ratuszu
Woda to niy konsek buszu.

[broneknotgeld]

Bliza we Świnoujściu

Na polskim wybrzeżu nojwiynkszo jest łona
Toż se z niyj dziwujcie na lond i we morze
Na bliza niy wylyźć to tu jakby konać
Tako mi dej siyły se tam wdropać Boże.

[broneknotgeld]

Kościoł protestancki

Po wojnie łostała se yno ruina
Niy wroci do tego już cołkym dziedzina?
Jednak ciyngym wieża ty świontyni stoji
Tako se niy łoprze ciekawości moji.

[broneknotgeld]

Forty

Wiyncy niy był grod tyn worty
Dyć som zrujnowane forty
Naszkodziyli tu złomiorze
Retnońć ciynżko dyć - dej Boże.

[broneknotgeld]

Forty prywatne

Ano - sztele już dzierżawiom
Sie militariami bawiom
Bydzie tu ciekawie jeszcze
Tako richtig tymu wierzcie.

[broneknotgeld]

Byrna ze blizy

W Łaziskach przeca i byrna majom
Ze Świnoujścio - wcale niy bajom
Swoje we morze już poświyciyła
Toż do muzeum tako trefiyła
I chocioż wiyncyj już niy zablyńdzi
Ponoć kej cima ło morzu glyńdzi
Sztormowe nocki ciyngym wspomino
Kej w niyj retunek zdoł komuś ino
Kej z szifa blysku jeji czekali
Do Mikołaja prawie rzykali
Przeca jawiyła istnym nadzieja
Byrno - jo do cia sie dzisioj śmieja.

www.facebook.com/AsocjacjaMBP18/photos/a.700745013308101.1073741902.427827820599823/700745703308032/?type=1&theater

[broneknotgeld]

Farmy wiatrowe

Już se wiatrakoma napaśli ździybeczko
Ponoć wiyncy niy chcom ani nawet deczko
Tako ty godajom beamtry we gminie
A jak szumi wiater w ty morski dziedzinie?

[broneknotgeld]

Krol Wiednia

We Wiedniu gotyk jakby kroluje
Tu historyjo wszyńdzie sie czuje
Habsburski łon już w czinostym wieku
Aż po dwudziesty - toz wiysz czowieku.

[broneknotgeld]

Kurde - toż Wiedyń w Darłowo wloz
Se wymiyszało niy piyrszy roz.

[broneknotgeld]

Zamek

Princ pomorski se zamek tu zocny postawioł
Pewnikym niy po to by turystow bawioł.

[broneknotgeld]

Miyndzynarodowy Zlot Historycznych Pojazdow Wojskowych w Darłowie
"Operacjo Bałtyk"

Tanki i te "skoty" motory wojskowe
Im starsze tym bardzi sie nimi tu aszom
Na zlot je ściongajom bo taki fjoł w gowie
Pszajom tym starociom dyć wojnom niy straszom

[broneknotgeld]

Dynkmal z rybokym

Dynkmalym z rybokym asi se Darłowo
Richtig yno łone? Czy mi sie to zdowo?

[djapanazy]

A w Darłowie ratusz ma dach mansardowy,
na planie prostokąta z ryzalitem,
ale ten dach bierze mnie zachwytem,
no bo jest, już banalnie powiem, czerwony.

O ratuszach

[djapanazy]

napiszę Wam więcej jutro.
No, może pojutrze.
Głowę tylko daję butną,
że jeszcze nie będziecie chodzić w futrze.

[broneknotgeld]

Kaszuby dzisioj

Puck Jastarnio Kartuzy i Władysławowo
To sztele kaj słychać durś kaszubske słowo
We Żukowie Rumi Redzie Wejherowie
Kaszubskim korzyniom tyż fest pszaje czowiek

Trza by tu rachować jeszcze Kościerzyna
Bo ciyngym tam przeca ty godki dziedzina
Miast wiyncy tu jakoś dołożyć niy idzie
Dyć gmin richtig mocka - tam Kaszub se bydzie.

[broneknotgeld]

Na Uniwerku Gdańskim

Kaszubskego lektoratu tyż se dorobiyli
Toż tukej jynzyka za "dialekt" niy wziyli.

[broneknotgeld]

Biblio po kaszubsku

Nowy Testamynt wydany majom
Teroz za Stary już se chytajom.

[broneknotgeld]

Kaszubske "beloki"

Na ucho ich tako zowdy tu poznocie
Kaj "ł" tam "l" ciyngym se u nich "beloce".

[broneknotgeld]

"Rodno zemia" - TVP Gdańsk

Po kaszubsku tyn program ciyngym tukej leci
Gdańsk richtig promuje lokalno kultura
Jynzyka se uczom w szkołach małe dzieci
Słychać go na polu i we miejskich murach.

[broneknotgeld]

"Plińce"

Ze "plińcow" na Helu aże mie brzuch boli
Plackow kartoflanych - jak ktosik z wos woli.

[broneknotgeld]

"Maszoperia"

Tako zowiom na Helu chnet co drugo knajpa
Jak gyszeft rybokow co czimali łajba.

[broneknotgeld]

"Mniyjszość etniczno"

"Mniyjszości etniczne" ciyngym w Polsce siedzom
Ślonzoki Kaszuby Mazury to wiedzom
Piyrwyj niż Polany przeca u sia byli
Przez wieki tyż zowdy po swojymu żyli.

[broneknotgeld]

"Dux Slavorum et Cassubie"

To miano Gryfici mieli łod Barnima
Kaszuby łostały choć princow już niy ma.

[broneknotgeld]

Wejherowo - duchowo stolica Kaszub

Kaszubskim duchym dycho ta sztela
Toż ło Kaszubach szkryfna tu wiela.

[broneknotgeld]

"Gbur to je mur"

Gbur to Kaszuba co z ziymi żył
A łona wiela mu dała siył
Czasym mocniejszy łod "ponka" bywoł
Toz se harowy mioł take "żniwo".

[broneknotgeld]

Kaszubom to dobrze

Kaszubow jest myni dyć dobrze sie majom
Łoni swoji godce ciyngym przeca pszajom.

[broneknotgeld]

"Norda" - tygodniowy dodatek "Dziynnika Bałtyckego"

Kaszuby se "Norda" w kaszubskim szkryflajom
Wiyncy łod Ślonzokow ze tym ciyngym majom.

[broneknotgeld]

Som "krole kaszubske"

Som na Kaszubach - wiela tyż było
Tu tradycyji durś se czimali
Dlo inkszych zowdy coś sie robiyło
Tako jest dzisioj i bydzie dali.

[broneknotgeld]

Biskup Mirry

Mo biskup Mirry Kaszubow w pieczy
Niych se niy zdowo co yno dzieci.

[broneknotgeld]

Gbur

"Gbur" na Kaszubach to niy przezwisko
- Gospodorz dobry co czimie wszysko.

[broneknotgeld]

Wiara

Godajom - "Kaszuby wiarom łoddychajom"
Dyć djobła za skorom tyż czasami majom.

[broneknotgeld]

Legynda z Osłonina

Kaj wysoki brzeg jest ty Pucki Zatoki
Ponoć śpiom we zbrojach kaszubske wojoki
Kedyś se łobudzom - na Gdańsk pokerujom
Czas jeszcze niy prziszoł - Kaszuby to czujom

Rycerze to przeca pomorskego ksiyńcia
Co chcom być świodkami regionu poczyńcia
Kery choć przi Polsce tyż som by sie rzońdzioł
I niy skiż wszyskego we Warszawie błońdzioł.

[broneknotgeld]

Smyntek

Tego djobła yno na Kaszubach znojdziesz
Dej pozor - niy dowej jymu swoji duszy
Bo do zatrocynio z niym poleku dojdziesz
Dyć w końcu do piekła som bydziesz chcioł ruszyć.

[broneknotgeld]

Połwysep Helski

"Helsko kosa","Krowi łogon" abo "Gyńsi kark"
Na ta ziymia godo tu niy yno smark.

[broneknotgeld]

"Jantarowy pałac"

Toż se rozlecioł pałac Juraty
Jantar zbiyrajom z niego na raty.

[broneknotgeld]

"Piekłe kro"

Łod fiszy ikra z cebulom razym
Niych se na maśle źdzybko przismaży
Potym posolić popieprzyć tyż
Dyć ze żymłami drapko to zjysz.

[broneknotgeld]

Fokarium w Helu

Łostatnie foczki tu sie łostały
Dyć piyrwyj jejich Bałtyk był cały
Możno im jeszcze czas taki przidzie
Co morze domym na powrot bydzie.

[broneknotgeld]

Hymn

Hymn Kaszuby tyż swoj majom
Dyć kaszubski ziymi pszajom.

[broneknotgeld]

Bez tabaki

Kaszub bez tabaki z doma niy wyłazioł
Prawioł co Ponboczka tako by łobrazioł.

[broneknotgeld]

"Djobelske krzipce"

Coby na nich "rzykać"
Niy trza wcale smyka.

[broneknotgeld]

Serce Kaszub

Kaj te serce kaszub bije?
Czy se w Kościerzynie kryje?
We Kartuzach - ktosik prawi
W Wejherowie tyż se jawi?

Se Kaszuby ło to wadzom
Dyć cuzamyn tyż paradzom
We tym przeca jejich gowa
Coby rzykać durś łod nowa.

[broneknotgeld]

Co jest worty?

Co bez tabaki Kaszub jest worty?
Dyć go niy wrazisz do żodny zorty
Kerych jest muster we tabakierce
Żołto, bronzowo, czorno se biercie.

[broneknotgeld]

Tabaka żołto

Niom kichol yno halany leko
Bestoż niyjedyn mocniejszy czeko.

[broneknotgeld]

Tabaka bronotno

Jako jantar se wydowo
Kusi tym ze już "bronzowo"
I mocniejszo - niuchej tako
Byś se kichnoł a niy spłakoł.

[broneknotgeld]

Tabaka czorno

Łoj - do djoska!
Styknie troszka
Tyci niuch
Kichol - buch!

[broneknotgeld]

Kaszubsko tabakiera

Te rogu byka zowdy być musi
Toż do tabaki tako aż kusi
Ksiondz słyszy zowdy tyż na spowiedzi
-We tabakierze ta jurność siedzi
Z kerom Kaszubom dobrze se wiedzie
Lipling z ty nacji zowdy na przedzie

[broneknotgeld]

Jurny Kaszub

Jako mocno istny kicho
Tako tyż nosiyniym gicho.

[broneknotgeld]

Na pamiontka

Prziwiyź tabakiera z kaszubskego kontka
Łostanie na zowdy ciekawo pamiontka.

[broneknotgeld]

Jak tabaka w rogu

Jak tabaka w rogu ktosik ciymny bywo
Dyć Kaszuba możno to pieronym dziwo.

[broneknotgeld]

Wybroł Sowizdrzoł sie na Kaszuby
Tam chcioł go zdybać roz purtek gruby
W nosie niy gmyroł
Fest za niym tyroł
Dyć drapci copnołby kogoś z Kuby.

[broneknotgeld]

"Pyntla Raduni"

Jako korale - dyć turkusowe
Jawiom jeziora sie raduniowe.

[broneknotgeld]

Raj kajakarzy

Raduńske jeziora rajym kajakarza
Sie po nich popływać i jo przeca marza.

[broneknotgeld]

Purtkowe krzipce

Purtkowe krzipce - purtkowe granie
Sie wybierecie w Kaszuby na nie?

[broneknotgeld]

Kaszuby sie majom
soundcloud.com/radio-kaszebe/etnofilologia
Jo wcale niy bajom.

[broneknotgeld]

80 lot tymu

Łoziymdziesiont lot tymu Rumia fest urosła
Toż wtedy se łona na Zagórze poszła
Kazimierz chyciyła no i te Łężyce
Wpiyrw to były jeji yno okolice

Latoś dwie rocznice mogom se fajrować
Rok ty "Wielki Rumi" przed łoczy nom dować
Do tego dołożom gyburstag miejskości
Dubeltowo przeca ze tym jest radości.

[broneknotgeld]

Rumia

Kaj Zagorsko Struga - toż miyndzy kympami
Rumia ponoć leży - gowa mie niy mami.

[broneknotgeld]

1224

Doł Świyntopełk Rumia cystersom w Oliwie
Zoglondo ze grobu i gowom durś kiwie
Dziwuje se tymu że daleko doszła
Przeca dzisioj widać co richtig urosła.

[broneknotgeld]

"Pod lipami"

W dworku "Pod lipami" łykniesz historyje
Łoziymset lot przeca ta miejscowość żyje
"Dzieje Rumi" zocne - niy łomijej tukej
Na wystawa tako do MOKu zaklupej.

[broneknotgeld]

Mestwin II

Bardzi go znomy z miana Mściwoja
Syn Świyntopełka sławnego w bojach
We Rumi dynkmal znojdziesz Mestwina
Zocnym był princym - wiy to dziedzina

Czi ślubne jednak syna niy dały
We tym frasunek łon mioł niymały
Ponoc skiż tego - szkryfna se tukej
Zaś te Pomorze przi Polsce szukej.

[broneknotgeld]

Gryfno Sulisława

Czecio ślubno łod Mestwina
Modo piykno jakby sorna
Asi sie niom ta dziedzina?
Dyć durś mielom "boske żorna"

Wpiyrw w klosztorze mniszkom była
Tam inkszymu ślubowała
Choć we pszoniu wielko siyła
Syna princu już niy dała.

[broneknotgeld]

Gyburstag Rumi

Dyć fufcig rokow już miastym jest
Fajrować szłoby gyburstag fest
Możno październik bydzie ciekawy
Niy braknie w Rumi wtedy zabawy.

[broneknotgeld]

80 lot tymu

Sztyry wioski złonczyli we ta jedno gmina
Toż stała se wielko ta rumsko dziedzina
Rumia z Łężycami terozki we zgodzie
Kazimierz z Zagórzym cuzamyn niy bodzie.

[broneknotgeld]

1224

Piyrszy roz ło Rumi cosik naszkryflali
No i se historio pokulała dali.

[broneknotgeld]

Choczewske lipy

Choczewske lipy dworka wachujom
Dyć asić by sie niym chciały
Czas na to przidzie - łone to czujom
Zobytek blyśnie zaś cały.

[broneknotgeld]

Cudne lipy

Lip we Choczewie Ponboczek niy sioł
Toż we nich znać Jego wola
Możno żeś ło tym cudzie coś słyszoł?
Joch bliknoł i bestoż chwola.

[broneknotgeld]

Perseidy (11.08.2004)

Ze Kopalina w strona Jackowa
Keruja w nocy se moja gowa
Jest - już ślatuje jekby do lasu
Co sie winszuja? -Zabrakło czasu

Dyć gwiozdka spodo zarozki drugo
Czy szczyńście richtig do mie zamrugo?
Już leci czecio szworto i pionto
Styknie dobrego - w pamiyńci mom to

[broneknotgeld]

Lubiatowsko mszo

Chcesz mszo w niydziela se mieć na plaży
Toż Lubiatowo ci sie zaś marzy
W lipcu i siyrpniu niym zońdzie słonko
Tam sie z Ponboczkym niy bydziesz błonkoł.

[broneknotgeld]

Sołectwo

Lubiatowo z Kopalinym jedyn sołtys czimie
Jak urosnom szajdong bydzie - to ich tu niy minie.

[broneknotgeld]

Gmina Choczewo

Łod Wejherowa to dzisioj gmina
Dyć i lymborsko jakby dziedzina
Miyszo sie tako co jest a było
Bydzie skiż tego lepi se żyło?

[broneknotgeld]

Osetnik - Stilo

Kto na "blizie" robi tukej zamiyszkuje
Choć możno nikery tymu sie dziwuje
Do roboty bliży - przeca to jest plus
Toż dlo latarnika Osetnik chnet mus.

[broneknotgeld]

"Choczewskie Cisy"

Szczyńściym natura je zachowała
Siył do mnożynio tyż jeszcze dała
Dyć trza nom chronić richtig je fest
Cisow niywiela już w Polsce jest.

[broneknotgeld]

We Choczewie

We Choczewie boćki som
Tyż uciecha z tego mom.

[broneknotgeld]

Muzeum Rybołowstwa

Muzeum take na Helu szukej
Kaj piyrwyj kościoł tam teroz klupej
Nałdki dziwej tyż zabytkowe
Siedymset lot już pływoł tu czowiek.

[broneknotgeld]

Herb

Lew na rybie - to ci gratka
Jako we tym jest zagadka?
Możno w Kocie Wazow znak?
Łon Bałtyk traktyje tak?

[broneknotgeld]

Lew z łososiym

Lew łososia chycioł - to mi niy sztimuje
Dyć Gdańsk se Krziżokom przeca tyż buntowoł
Bestoż krol Szwecyji z flotom Puck zajmuje
Czy richtig pod zastaw tyn port łon dostowoł?

[broneknotgeld]

Prastary Puck

Archeolog godo - Tyn Puck jest leciwy
Soldy bizantyjske przeca tukej znodli
Ze szostego wieku - toż naprowdy dziwy
Tako w historyjo głymboko aż bodli.

[broneknotgeld]

Pucki łodpust

Toż tukej ryboki z cołki okolicy
Nojpiyrw se zbiyrajom we porcie w Kuźnicy
By razym do Pucka zatokom przepłynońć
Łodpustu puckego niy mogom łominońć

Dopłynom do brzegu - idom z procesyjom
Do "Pyjtra i Pawła" ci co z morza żyjom
Za ty "stary piyrwy" tako to bywało
Łod ćwierć wieku jednak na powrot nastało.

[broneknotgeld]

"Zopucko"

Tako Kaszuby zwom Kympa Pucko
Dlo nich to zowdy było Zopucko.

[broneknotgeld]

Ziymia Pucko

Downiyj ta Ziymia epniejszo była
Dyć sie ze czasym jakoś kurczyła
Choć Puck ze tego możno niy rod
Tako jak dzisioj fufcig już lot.

[broneknotgeld]

7 gmin

Siedym gmin puckich dyć dzisioj mocie
Se na Pomorzu wszyske poznocie
Piykne to przeca wybrzeżo strony
Trza rymym ślonskim sypnońć na łonych.

[broneknotgeld]

Szczyńśliwo siodymka

Hel Jastarnia Kosakowo
Krokowa Władysławowo
Miasto Puck i tako "wioska"
Szczyńścio znojdziesz tu niytroszka.

[broneknotgeld]

Gisdepka

Łod połednia Gisdepka Zopucko łoblywo
Jyj piykny dolince niyjedyn se dziwo.

[broneknotgeld]

Puszcza Darzlubsko

Łod zachodu mosz Puszczy Darzlubski tu konski
Kedyś bor wielgachny dzisioj jakiś "wonski".

[broneknotgeld]

Wielke Morze

Nad "Wielkim Morzym" dziedzina leży
Sami to wiycie - niy czeba wierzyć.

[broneknotgeld]

Małe Morze

Nikierzy zatokom łod Pucka je zwom
Dyć jo se we gowie "Małe Morze" mom.

[broneknotgeld]

Fufcig rokow (1954-2004)

Rowno fufcig rokow Ziymia Pucko tako
Siedym gmin se dzisioj na dziedzina skłodo
Piyrwyj wiynkszo była dyć to już jednako
Ważne że tu Kaszub po swojymu godo.

[broneknotgeld]

Puck 1348

Kasztelanio ze osady
A miasto w tym roku
Puck urosnoł niy skiż zwady
Yno "krok po kroku".

[broneknotgeld]

Kościoł śś Pyjtra i Pawła XIII-XV w.

Dugo budowany aże ukończony
Terozki sie cieszyć idzie tukej łonym
Dyć środek se miyni rożnymi mustrami
Klasycyzm i barok rokoko tyż z nami.

[broneknotgeld]

Stolica

Puck powiatu jest stolicom
Toż w Glywicach tyż mu świycom
Bo se sztele te kamracom
Dwa regiony tym bogacom.

[broneknotgeld]

Morski pont

Na Pyjtra i Pawła tyn pont se łodbywo
Toż ze helskich portow łodzie wypływajom
Ze środka zatoki kuter pucki kiwo
I tako do portu cuzamyn wpływajom

Do fary na suma stond już cołkym blisko
Procesji chorongwi Puck se co rok dziwo
We świynto patronom kłoniajom sie nisko
Zowdy teroz tako we ty szteli bywo.

[broneknotgeld]

Na łodpust

Na łodpust - Puck czeko
W tym wielko uciycha
Czas drapko ucieko
Zapomnij ło grzychach.

[broneknotgeld]

Pucki łodpust 1981

Tradycyjo downo
Z tym rokym se wroco
Procesjo szykowno
I zabawa nocom.

[broneknotgeld]

"Oberzerczi"

Na puckim łodpuście oberzerczi było
Frelki wyciaciane aże łod nich lśniyło
Karlusom durś ślypia po dziołchach lotały
Kere by przed ołtorz istnym spasowały?

[broneknotgeld]

Puck 1.VII.1656 - 2006

Puck łoblygajom! Szwedom niy dować!
Do broni tako mieszczanom stować
Z morza i londu rady niy dadzom
I z historyjom dzisioj niy wadzom.

[broneknotgeld]

Na rynerowach

Na rynerowach z Cieszyna ruszom
By Pucka juzaś Szwedom niy dować
Gyry przi tymu umynczyć muszom
Tako se chciyjcie to forsztelować.

[broneknotgeld]

Obrona Pucka 1656-2006

Czista piyńdziesiont rokow już tymu
Puck szwedzke wojsko niy wpuścioł w mury
Toż jo niy skompia skiż tego rymu
Możno dołonczy jeszcze tu ktory.

[broneknotgeld]

Pucke starostwo

Na żołto-modro łobsztrajchowane
Ślonske kolory tyż take przeca
Toż jakby wele duszy mi dane
Choć z pomorskego ta sztela neca.

[broneknotgeld]

Banhof

Zdałoby sie go łodnowić
Łoczom radość bardzi sprowić.

[broneknotgeld]

Ring łod stolyma?

Na kamyniu ring wielgi - zdo sie łod stolyma
Dyć niym ponoć morzu zaślubiono ziymia

Tabulka - toż widać niydowno to było
Jaszcze i sto rokow nawet niy minyło

[broneknotgeld]

Ze kamynia bolek drewniany wystowo
Na kerym i miano prymasa tyż stowo

W szejśćdziesiontym piontym po tym ślubie roku
Glymp zaś kropioł morze! Skuli "wojny" ćmoku?

[broneknotgeld]

Popiersie gen. Hallera

Paweł Fakowski pomnik fundowoł
Fyrma "Abruko" sponsorowała
Szwechowicz rzeźbioł - kunszt swoj w to dowoł
"Dlo Ciebie Polsko - na Twoja chwała".

[broneknotgeld]

Epny kamiyń (10.II.1995)

Trzi ćwierci sety rokow minyło
Zaś "weselisko" zdo sie tu było
Łostała po tym tako tabula
Na tym kamiyniu - niy byda fulać.

[broneknotgeld]

Domb papieski

Bydzie łon Pucka tukej łozdobom
Portowi tako szczyńście prziniesie
Wiela ku tymu już teroz robiom
Tego winszować ty szteli chce sie.

[broneknotgeld]

Papiesko sadzonka

Ajchlym ze dymbu "Chrobrego" była
Dwa roki tymu dyć poświynconym
Toż latoś prawie Puck łokrasiyła
Zdrowo i wielko wyrośnie łonym.

[broneknotgeld]

Towarzystwo Upiynkszanio Pucka

Jest we mieście - tako wiycie
Sztela ze tym we proficie.

[broneknotgeld]

1656 - 2006 rocznica łobrony Pucka

Ano - staraniym pucki ferajny
We porcie juzaś dynkmal jest fajny
Stykło postumynt dać granitowy
Na niym tabula - tekst włazi w gowy
Puck przeca jako ta Czynstochowa
Był niyzdobyty - ło tym ta mowa.

Ziymia Pucko - historyjo

[broneknotgeld]

Ostrowo (V tysionclecie p.n.e.)

Toz trza se cofnońć naprowdy wiela
Co archeolog przeca poradzi
Jego łopata łodkryła sztela
Czy ta nojstarszo? Idzie se wadzić

Dyć niych to bydzie - mie cołkym styknie
Wele Ostrowa zocne pradzieje
Tako zacznymy szkryflać tu piyknie
Ło ziymi kero se do nos śmieje.

[broneknotgeld]

"Kultura rzucewsko" 2500-1700 p.n.e.

W Rzucewie tako wykopaliska
Nom pokozały - czowiek tu rośnie
Chciałoby przijrzeć se jymu z bliska
Toż istny jakby sztartnoł ku wiośnie.

[broneknotgeld]

Pomorski "bronz" 1700-650 p.n.e.

Bronz sie we łuzycki kulturze fest jawioł
(Richtig wtedy miała tyż kaszubske lica?)
Dyć wiela dobrego na ty ziymi sprawioł
Jakoś to dźwigało cołko okolica.

[broneknotgeld]

W XII wieku

Puck kasztelańskim terozki grodym
We władzy princa gdańskego
Potrza Pomorzu siyły i zgody
Tyż mocny rynki do tego.

[broneknotgeld]

Puck 1178

Toż Sambor gdański tyn Puck darowoł
Braciszkom kierzy w Oliwie
Klasztor cysterski bogactwym stowoł
Rzykali tam szporobliwie.

[broneknotgeld]

Puck 1217

Princ se na cystersow wkurzoł?
Puck łodbiyro zakonowi
Choć dość dugo klasztor użoł
Czamu stracioł? Kto mi powiy?

[broneknotgeld]

Przi cystersach

Ano przi cystersach już se Puck bogacioł
Osadom targowom dyć drapko łon stowo
Zdało sie princowi co dwor na tym stracioł?
-Tako za dziedzina Starzyno im dowo.

[broneknotgeld]

Kasztelanio Pucko

A dyć richtig sztela zdo sie durś zocniejszo
Z niyłodległych wiosek na torg tu prziłażom
I ze kasztelanym dlo princa ważniejszo
Toż na prawa miejske se z czasym poważom.

[broneknotgeld]

Puck (29.VI.1270)

Świyntopełk II prziwilej dowo
Jak świyntych Pyjtra i Pawła bydzie
Torg we ty szteli wielgachny stowo
Z niym do bogactwa som Puck tyż przidzie.

[broneknotgeld]

Puck 1309

Ze Pomorzym Gdańskim Puck w rynkach Krziżakow
Starosta rybicki we niym urzynduje
Sztela rosła dali - niy wadzioł w tym zakon
Przeca zamek tukej i mury rychtuje.

[broneknotgeld]

Puck 1348

Toż prawa miejske doł mistrz Krziżakow
Chełmińskim mustrym se rzondzom
Chocioż Puck niy był jako tyn Krakow
Przeca mieszczany niy błondzom.

[broneknotgeld]

W krziżacki komturji gdański

W komturji gdański Puck znaczoł wiela
Tako tu za nich już wdycki
Toż jakby morza wachuje sztela
Tukej starosta rybicki.

[broneknotgeld]

Starosta rybicki

Toż Puck cosik znaczoł we krziżacki porze
Starosta rybicki w pieczy czimoł morze
Zamek mu tu zocny tyż pobudowali
Choć floty wojynny niy wyrychtowali.

[broneknotgeld]

W Zwionzku Pruskim

Tutejsze mieszczany za Polskom stanyli
Dyć jedna utropa na inkszo zmiyniyli
Jagiellończyk przecajejich Puck zastawioł
Wygnany krol szwedzki ze wojskym tu bawioł

Możno to Krziżakom pomogło tyż wiela
Bo Raweneck gładko łodbijo ta sztela
Ze bitwo świyńcińskom jednak los wskozany
Puck w końcu zdobyndom dlo Polski gdańszczany.

[broneknotgeld]

W Prusach Krolewskich

Z pokojym toruńskim tako se już stało
Polska łodzyskała ze tym dyć niymało
Aż czi wojewodztwa- tyż przeca pomorske
Z cołkom Ziymiom Puckom kaj ryboki dziorske.

[broneknotgeld]

Powiat pucki

Co piyrwyj czimoł urzond rybicki
Teroz starosta dostoł na wdycki
Był tu Korony nojwyrszom władzom
W imiyniu krola - choć mu niy kadzom.

[broneknotgeld]

Pucke dobra

Krolewske dobra na pucki ziymi
Dyć tyż kościelne - to przeca wiymy
Tako i wioski szlachty miejscowy
Łod Wejherowa abo Krokowy.

[broneknotgeld]

Za Zygmunta Starego

Ano krol polski myśloł ło flocie
Co na Bałtyku siyłom być miała
Ze kaprow tukej mioł trocha pociech
Potyngom morskom Polska se zdała?

[broneknotgeld]

Stanisław Kostka 1546

Wojewoda pomorski we Pucku figurom
Już tukej starostom i dowodcom floty
Możno i na morzu Polska bydzie gorom
Przeca taki koncept to niy som gupoty.

[broneknotgeld]

Komisyjo Morsko

Krol Zygmunt August powołoł tako
Starosta pucki dyć jyj przewodzioł
Ze tym i sztela już niy jednako
Sie port wojynny przeca narodzioł

Już na Bałtyku znaczoł łon cosik
Jako okrynty co przi koronie
Niy był to yno malutki grosik
Puck nom urośnie a niy utonie.

[broneknotgeld]

Za Stefana Batorego

Gdańsk se krola niy chcioł słuchać
Flota pucko dyć łod czego?
Trza w gdańszczanach stympić ducha
I łod buntu łodwiyść tego

Ernest Wejher był starostom
Toż tam niyroz słoł okrynty
Choć Gdańsk zdobyć niy jest prosto
I Batory tyż niy świynty.

[broneknotgeld]

Za Zygmunta III Wazy

Ano - chcioł istny ciyngym Szwecyji
Toż z tym we Polsce wiela mecyji
I ziymia pucko tyż uciyrpiała
Bo flota w wojnie znaczynie miała.

[broneknotgeld]

Puck 1626

Ziymia pucko ze tym rokym
W rynkach Szwedow umynczono
Wojna Wazow złym jest krokym
Polska istnych niy pokono.

[broneknotgeld]

1635

Władysławowo Kazimierzowo
Na Helu rosnom tako dwa forty
Dyć ze tym rokym pokoj sie stowo
Koncept krolewski niywiela worty.

[broneknotgeld]

Za Jana Kazimierza

Dwadziścia rokow Gdańsk tyn Puck czimie
Dyć Jan Kazimierz nojpiyrw se drzymie
Potym przez Szwedow pierońsko bity
A Gdańsk przi tymu niy słabowity.

[broneknotgeld]

Puck 1656

Toż przed Szwedami Puck se łobronioł
Zawczasu zdradzie w murach zaradzioł
Na muster Gdańska mieszczan łosłonioł
Szkryfnońć mi styknie - niy byda kadzioł.

[broneknotgeld]

Starostwo pucke 1678

Już łod gdańszczan wykupiome
Juzaś cieszy łoko krola
Som starosta we koronie
Toż Jan III! -Co mom fulać?

Chcioł Sobieski czimać morze
Siyła w tym Rzeczpospolity
Blyszczy na Europy dworze
Dyć czy już łostanie przi tym?

[broneknotgeld]

Maryjki

Maryjka Sobiesko do śmierci Puck czimie
Choć jyj ślubny downo pod trowniolym drzymie.

[broneknotgeld]

Za Sasow

A dyć za Sasow było niyleko
I ziymia pucko zdało sie czeko
Choć Przebendowscy już jom czimali
Źle historyjo kulo se dali.

[broneknotgeld]

Puck 1770

Już wojska pruske som na Pomorzu
Puck tako teroz we jejich rynkach
Dyć Fryc na wiela se zowdy wożoł
A Polska czeko chnet gorszo mynka.

[broneknotgeld]

Ziymia Pucko 1772

Piyrszy rozbior Polski dopełnioł niyszczyńścio
Skarb pruski Puck czimie no i niy ma wyńścio
Szlachta wangelicko we starostwie rośnie
Dyć dlo inkszych zima - niy słychać ło wiośnie.

[broneknotgeld]

Puck 1808

Skiż reformy pruski czeba teroz ślintać
Ło downy świytności jako tu pamiyntać?
Starostwa już niy ma - grod zdoł sie za mały
Dyć tyż podupado poleku łon cały.

[broneknotgeld]

Ciynżke roki 1844-1847

Ciynżke roki naszły na pucko dziedzina
Plon lichy - w utropie niyjedna rodzina
Łostoł we pamiyńci czas głodu srogego
Rzykajom by Pon Bog łochronioł łod tego.

[broneknotgeld]

W końcu XIX wieku

Coś se dzieje - zaś Puck rośnie
Moga szkryfnońć to radośnie
Szify z Gdańska tukej płynom
Cugi szteli chnet niy minom
Dyć i landrat tu zawitoł
Sie ło powiat pucki pytoł.

[broneknotgeld]

Kreis 1887

Ze tym rokym - to wom powiym
Puck zaś miastym powiatowym.

[broneknotgeld]

Puck 1898

Z Redy do Pucka glajzy pociongli
Tako i bana w te miasto wprzongli.

[broneknotgeld]

Puck 1911

Niymcy pilotow morskich tu szkolom
Durś Zeppeliny łod fligrow wolom?

[broneknotgeld]

Puck 10.II.1920

Zaślubiny z morzym tu były Hallera
Dyć chocioż ze przerwom Polska aż do teraz.

[broneknotgeld]

Port wojynny

Ano jak za krolow zaś Puck we tych szatach
Był we wolny Polsce dyć nojpiyrszym portym
Jak Gdynia urosła prziszły gorsze lata
Zdało sie co richtig myni tyn grod worty.

[broneknotgeld]

Puck 1928

Nowy powiat morski Polska zrychtowała
Stolicy Puckowi w niym jednak niy dała
Toż zaś grod tyn stracioł - zyszczy Wejherowo
Ze tym ziymia pucko na turystow stowio.

[broneknotgeld]

Pucki Dywizjon Lotnictwa Morskego

W poniymiecki bazie fligry stojom polske
Zdało sie co w Pucku te wojsko durś swojske
W czidziestym dziewiontym niy wysztartowali
Toż ze piyrszym wrześniym sztela Niymcom dali.

[broneknotgeld]

Powiat Pucki 1954-1975

Ano za komuny Puck zaś powiatowy
Ze tym we proficie - kożdy tako powiy
Se tu szporty wodne piyknie rozkulajom
A i wczasowicze ziymi pucki pszajom.

[broneknotgeld]

To ci reforma

Rozmnożyli wojewodztwa - powiaty skryślyli
Tako za gierkowskich czasow zaś tyn Puck skrziwdziyli.

[broneknotgeld]

Puck 01.01.1999

Już starosta w Pucku stoji
Samorzońdzić se niy boji
Powiat ze tym niychej kwitnie
A co złego to sie wytnie.

[broneknotgeld]

"Norda"

Czi gminy miejske a wiejske sztyry
We ziymia pucko niych niesom gyry.

Ziymia Pucko

[broneknotgeld]

"Pucyfik"

Take miano żech roz słyszoł
Jak nad "Małe Morze" prziszoł.

[broneknotgeld]

"Bocianie Gniozdo"

Na Połwyspie Helskim ta wydma wysoko
Chnet do "Gory Szwedow" istno jakby skoko.

[broneknotgeld]

"Nadmorski" - szlak turystyczny

Ze Krokowy do Juraty
Zdo sie - przyńdziesz go na raty
Bo szłapcugym dość daleko
-Dyć tyn szlak na ciebie czeko.

[broneknotgeld]

Powiat pucki blysnoł tako
Kożdo bliza niy jednako.

www.facebook.com/media/set/?vanity=AsocjacjaMBP18&set=a.4145782298804338

Z Choczewa do Pucka PKSym

[broneknotgeld]

Z Choczewa do Pucka PKSym

Przez Lublewko na Puck jada
Tako rajza to parada
Wito mie krokowsko gmina
Przeca zocno tyż dziedzina.

[broneknotgeld]

Słuchowo

Już Słuchowo - skryncom w lewo
Słychać chnet jak krzipi drzewo.

[broneknotgeld]

Hodowla fiszow w Gorczynie

Pokosztujecie fisze z Gorczyna?
Po blisku lepszych podobnoś niy ma.

[broneknotgeld]

Biołogora

We Biołogorze kościołek bioły
Chocioż malutki zdo sie wesoły.

[broneknotgeld]

Stadnina koni "Biołogora"

Ech - porajtować w nadmorske lasy
To ci dopiyro byłyby wczasy.

[broneknotgeld]

Se wroco

Z Biołogory do Słuchowa
Bus se wroco - to ci krowa
No i w lewo juzaś kryńci
Czy szofera to niy mynczy?

[broneknotgeld]

Ferma

Ferma wiatrakow widać na prawo
Serce se cieszy toż szkryfna - brawo.

[broneknotgeld]

Prusewo

W Prusewie kapliczka na przistanku stoji
Czowiek dali jedzie - se wcale niy boji.

[broneknotgeld]

Dwor w Prusewie

Może Prusewo dworym se asić
Niy wykończyli go cołkym nasi.

[broneknotgeld]

Brzyno

Cosik mi se przipomino
Karli my se przez te Brzyno
Tyż kapliczka na przistanku
Bydzie tako bez ustanku?

[broneknotgeld]

W Brzynie

Z Brzyna wyjyżdżom w stona jeziora
Słonko fest blyszczy - na woda pora.

[broneknotgeld]

Wierzchucino

Wierzchucino tako wito
Ktosik ło to se z wos pyto?

[broneknotgeld]

We Wierzchucinie

Krziż na rozstaju we Wierzchucinie
A dali juzaś kapliczka
Ze tym nom droga wesoło minie
Tako tyż śmiejom se liczka.

[broneknotgeld]

Wierzchucińsko karczma

W zocny chałpie szachulcowy
Toż pomorsko - kożdy to wiy.

[broneknotgeld]

Jezioro Żarnowiecke

Ech - jezioro widza z prawa
Byłaby w niym fest zabawa
Aże se potonkać prosi
Mie PeKaeS dali "nosi".

[broneknotgeld]

Stanoł we Lubkowie

Stanoł we Lubkowie
Wloz tam jedyn czowiek
Wystyknie za wszysko
Toż frela - zjawisko.

[broneknotgeld]

Żarnowiec

Kościoł w Żarnowcu zwiydzić wom czeba
We niym bydziecie zaś bliży Nieba.

[broneknotgeld]

Odargowo

Na Dombki tako teroz skryncomy
Tu ze modrymi dachami domy
Choć budowane som szachulcowo
Zdajom se nowe - to Odargowo.

[broneknotgeld]

We Odargowie

We Odargowie kapliczka stoji
Jak inksze - sztoki mo dwa
Autobus wroco do drogi swoji
Na Puck dyć jechać nom trza.

[broneknotgeld]

Krokowa

Za Goszczynym już Krokowa
Mały dworzec przi kościele
Dropia se terozki w gowa
Wlazły inksze gryfne frele
Kerych pełno we ty gminie
Pryndzy teroz droga minie.

[broneknotgeld]

Restauracyjo Kaszubsko

Zdo sie co łona we Minkowicach
Już za Krokowom ta okolica.

[broneknotgeld]

Sulicice

Tukej zas kapliczka nowo
Yno "jednopoziomowo".

[broneknotgeld]

Kłanino

Ciyngym we Kłaninie
Dwor przezocny majom
Choć coski w ruinie
Pałacowi pszajom.

[broneknotgeld]

Zespoł Szkoł Ponadgimnazjalnych

Zespoł Szkoł znojdziesz we tym Kłaninie
Niychej rolnictwo tu niy zaginie.
-
forum.gazeta.pl/forum/71,1.html?f=28940

[broneknotgeld]

Lipowom alejom

Lipowom alejom z Kłanina jedziecie
Za gminom Krokowa se tako znojdziecie.

[broneknotgeld]

Starzyno

W Starzynie kościoł kamiynny widać
Jakiś rym ło tym potym trza by dać.

[broneknotgeld]

Staro kapliczka

Staro kapliczka z cegły czerwony
Tako bogaci starzyńske strony.

[broneknotgeld]

Do Łebcza

Za Starzyńskim Dworym
Serpentynom jedziesz
Kero cie do Łebcza
Zarozki powiedzie
Tam zocny kościołek
Neobarokowy
Toż se istnym łostoł
Richtig zabytkowy.

[broneknotgeld]

Łebcz żegno

Łebcz pożegno nos blokami
Toż łostały już za nami
Jeszcze dwor ze lewy strony
Sztela z zadku tako momy.

[broneknotgeld]

Gnieżdżewo

Elektrownie wiatrowe na wietrze se kryncom
Za Łebczym znojdziecie - dyć wcale niy nyncom
Na konto Gnieżdżewa jo je porachuja
Bo już se terozki dziedzinie dziwuja.

[broneknotgeld]

I w Gnieżdzewie

I w Gnieżdżewie przi drodze kapliczka
Toż niyjedyn tu ściongo tyż mycka.

[broneknotgeld]

Widać

Łoj - zatoka teroz widać
Toż we Pucku drapko byda.

[broneknotgeld]

Wito Puck!

Puck już wito - se raduja
Pieczty po niym podrałuja.

[broneknotgeld]

Piwo z Osłonina

Downiyj tyn majontek skiż biyra tyż znali
Lepsze łod angelskich - tym se dziwowali
Dyć Anglik dwor czimoł - zwali go Gibsone
Toż "słońce ze chmielu" było tu warzone.

[broneknotgeld]

Aleja Lipowo

Z Osłonina do Rzucewa przyńdziesz se alejom
Lipy chnetko lot sztyrysta do ludzi sie śmiejom
Prowda co to nojgryfniejszo tukej drzew jest droga
W cołki Polsce - to tyż szczyrze tukej szkryfnońć moga.

[broneknotgeld]

Rzucewo Wejherow

Ernest Wejher kupioł - Jan erbnoł po fatrze
Zamek i aleja lipowo skiż niego
Historyjo przeca tego już niy zatrze
Majontek ze klucza był wejherowskiego

Zaś Jakub z Wejherow - pan na swojim grodzie
Se łod Radziwiłłow wzioł za ślubno frela
Toż po śmierci jego Rzucewo we rodzie
Tym litewskim było chocioż małowiela

[broneknotgeld]

Rzucewo Sobieskich

Se Michał Radziwiłł z Sobieskom łożynioł
Łona zaś bratowi te Rzucewo dała
Zamek sie krolewskom jakby dongom miynioł
Bo przi Janie III Polska zablyszczała.

[broneknotgeld]

W dobrach Przebendowskich

Łod Sobieskich je kupioł Pyjter Przebendowski
Toż zamek już stary - mioł z niym ździybko troski.

[broneknotgeld]

Rzucewsko aleja

Marysiyńka Sobiesko czista lip sadziyła?
Niy ma sie co wadzić - prowda inkszo była.

[broneknotgeld]

Angliki w Rzucewie
Dwor kupioł ze Gdańska rezydent angielski
Biyr broł z Osłonina i żywot mioł sielski
Pomarł bezpotomnie - siostrzyńce to wziyli
Grafy Keiserlingki teroz tu rzońdziyli.

[broneknotgeld]

Rzucewo Belowow

Emma z Keiserlingkow wyszła za Belowa
Rzucewo już niy mo nic do Wejherowa
Po prowdzie ze zamku tyż była ruina
Dyć pryndko zaś blysła łod nowa dziedzina.

[broneknotgeld]

Pałac w Rzucewie

W Rzucewie łod nowa pałac trza budować
Architekt z Berlina styl Tudorow doł
Do dzisioj se tymu idzie fest dziwować
Bo przeczimoł wojny - szczyńście take mioł.

[broneknotgeld]

Rzucewo - 28.VII.1851

Krol pruski w Rzucewie słonku se dziwowoł
Zaćmiyło sie cołkym - słowo na to dowoł.

[broneknotgeld]

Archeolog w Rzucewie

Dyć tukej lot tymu ze tysionce sztyry
Łowcow fok bałtyckich prziniosły tyż gyry
Se mieli osada z kamiynio epoki
Dlo archeologa to "milowe kroki".

[broneknotgeld]

"Zamek Jana III Sobieskiego"

Piyknie kajsik dzwoni - dyć w kerym kościele?
Pałac łod Belowow wziyli we hotele.

[broneknotgeld]

Redeneckerowie

W Gdańsku na piwie zbiyli majontek
Choć niy był we tym jakiś wyjontek
Tyż skuli tego - tako se zdowo
Pryndko kupiyli tyn dwor Celbowo.

[broneknotgeld]

Cmyntorz w Celbowie

Po Redeneckerach tyn cmyntorz se łostoł
Widać że po wojnie wciyry jakby dostoł
Taki historyjo palec położyła
Wszysko skuli wojny kero jednak - była.

[broneknotgeld]

Wele starego buka

Stoji stoł z kamiynia wele tego buka
Historyji jego kaj dzisioj nom szukać?
Czy tukej żniwiorze se łodpoczywali?
Czy syńdzie wyroki na ludzi dowali?
A możno łon czasy pogańske pamiynto?
Dyć mogła ta ziymia tyż dlo nich być świynto

[broneknotgeld]

W Smolnie

Zoglondnońć se werci na chałpa Ellwartów
Łoziymnosty wiek to szkryfna niy dlo żartu.

[broneknotgeld]

W starym młynie

Zaś zboże tu mlejom jako sto lot tymu
Toż ze tego młyna techniki zobytek
Werci se tyż szkryfnońć ło tym coś do rymu
Bo i turystykom żyje tyn przibytek.

[broneknotgeld]

Darowizna 1270

W Eufrozyny rynkach kedyś Smolno była
Ślubny Świyntopełka - ksiyńcia pomorskiego
Cysterom je dała - trocha ich tu żyło
-Na chwała żywota jeji doczesnego.

[broneknotgeld]

Stary Młyn

Młyn na Gisdepce łod von Belowa
Jakby pod ziymia chcioł se już schować
A przeca piyrwyj ciyngym mloł zboże
Co ze niym bydzie? -Przidać se może.

[broneknotgeld]

Pałac w Sławutówku

Von Belowy tyn pałac za Niymca czimali
Zocnościom niywiela inkszym ustympowoł
Nojczyńści w niym jednak yno zimowali
Ponoć wiyncy ciepła familiji dowoł.

[broneknotgeld]

Grob von Belowow

W Sławutówku znojdziesz - krziżym cie powito
Gustel ze Henriettom leżom w niym spokojnie
Dziedzice majontku - jakby sie ktoś pytoł
Bo może niy wiedzieć tela lot po wojnie.

[broneknotgeld]

Gustaw von Below (1855-1940)

Toż na bezrok bydzie sto piyńdziesiont lot
Jak muter rodziyła a fater był rod
We młodości wiela karlus sztudiyrowoł
Potym w dyplomacji pruski "arbajtowoł"

Ambasadorowoł przeca we Lizbonie
Tako samo w Sofii choć na tym niy koniec
Przeca w Watykanie potym dali służoł
Niym pomarł to jeszcze coś von Below użoł.

[broneknotgeld]

Henrietta von Below

Możny rod Quistorp doł nom ta frela
Gustaw von Below przed ołtorz prosioł
Szczyńścio z tym było w "Zopucku" wiela
Na rynkach ślubno ponoć łon nosioł

Henrietta chopu swojymu pszoła
Ze niym we świecie tyż "brylowała"
Wpiyrw Gustla świynty Pyjter chcioł wołać
Toż w Sławutówku go pochowała

Ponboczek wojna zezwoloł przeżyć
Ze Ruska rynki jednak zginyła
We tańcu - tymu możecie wierzyć
Przeca "harmoszkom" pepecha była.

[broneknotgeld]

Pałac w Rekowie

Niyherski dzisioj tyn pałac tukej
Piyrwyj z niym tako niy było
Na przedwojynno kartka pokukej
Blyszczoł w Rekowie aż miło.

[broneknotgeld]

Paweł Mencke

Mencke gospodarzoł w majontku Rekowo
Daleko stond szukej lepszego
Rechtorym w tym jakby - to mi sie niy zdowo
Von Krockow szkolorzym u niego.

[broneknotgeld]

Źrodełko

We lesie wele Rekowa
Już widać Gisdepki gowa.

[broneknotgeld]

Ścieżka rowerowo

Z Chałup do Juraty przejedziesz na kole
Dyć ścieżka pociongnom do Władysławowa
Zic cie niy umynczy - rowno jak na stole
Burgemajster Drzeżdżon dowo za to gowa.

[broneknotgeld]

27.08.2005 Władysławowo

"Żegnej Lato" - festyn taki
Zowdy jakby łon jednaki
Niy rozpieszczo nasze morze
Przeca lato durś na dworze.

[broneknotgeld]

"Jazz z piwkym"

Do "Irisch Pubu" w szwortki na piwo
Z jazzu niy yno gowa sie kiwo.

[broneknotgeld]

14 plaż we gminie

Władysławowo plażami słynie
Znojdziesz kajś wiyncy w polski dziedzinie?
We samym mieście przeca aż sztyry
Toż tam pewnikym zatoplosz gyry.

[broneknotgeld]

Ze wsi miasto

Wielko Wieś tu piyrwyj była
Niym sie w miasto łodmiyniyła.

[broneknotgeld]

II.1920 Wielgo Wieś

Generał Haller tyż tu ślubowoł
Polska z Bałtykym tako kuplowoł
Ciekawo porka dyć wiycie przeca
Szajdong niy tropi kej plażom leca.

[broneknotgeld]

Skiż pułkownika Bagińskiego

Oficyjerowi Armji Jasnomodry
Tyn kont z nowa polski wydowoł sie szczodry
Geld mioł toż hektorow tu kupioł dość trocha
Ano - toż terozki cołkym "jego brocha".

[broneknotgeld]

Hellerowo

Bagiński co jego drap tako mianowoł
Gyszeft dyć wypoloł i letnisko stowioł.

[broneknotgeld]

Władysławowo

Niym se drugo wojna tukej rozkulała
Wielgo Wieś już miano cołkym nowe miała.

[broneknotgeld]

Władysławowo 1963

Ze gminy miasto - tako już wiycie
Kulać inaczy zdo szteli życie
Skiż turystyki drapko rozkwitnie
Szczyńściym rybokow cołkym niy wytnie.

[broneknotgeld]

Za Gierka w modzie

Dyć niychej dzisioj wos to niy bodzie
Władysławowo za Gierka w modzie
Choć fiszow łowiom durś tukej wiela
Skiż wczasow sławno bardzi ta sztela.

[broneknotgeld]

Władysławowo XX/XIX w

Na przełomie wiekow, tako tysioncleci
Zdo sie co tyn kurort aże wiyrchym leci
Plażow niy brakuje, zbytkow tyż dość wiela
Chcesz sie poużywać zoglondniesz w ta sztela
We sezonie luda richtig wiela gości
Znojdziesz cosik dlo sia, niy łodjedziesz w złości.

[broneknotgeld]

Władysławowo 1963-2013

Tako "Abrahama" miasto zafajruje
Poł wieku z prow swojich sie przeca raduje
Piyrwyj wioskom było - Wielgo Wieś jyj miano
W Polsce port rychtujom zdo sie jako wiano
Ze portu dyć przeca już "Władysławowa"
Mo siyła by dzwigać sie ciyngym ze nowa
We komunie przeca jako "raj ryboka"
Kery z czasym łazi tyż we inkszych zokach
Dzisioj kurost - zdo sie letnikow stolica
Rozkwito w sezonie cołko okolica.

[broneknotgeld]

Na Abrahama

Na Abrahama radości wiela
Kej Abrahama - chlapna za sztela.

[broneknotgeld]

Dom Ryboka

Socrealizmu mustrym stowiany
Jako latarnio portowi dany
Toż niych niy dziwo wieża wysoko
Wluźcie tam coby radować łoko.

[broneknotgeld]

Stolica fiszy

Stolica fiszy - czy jest? Czy była?
Władysławo wpiyrw brało siyła
Ze portu, z kutrow, z rybokow sieci
A jako dzisioj ty szteli leci?

[broneknotgeld]

Cyntralny Ośrodek Szportu

Blysło szportym tu Cetniewo
Szło już w prawo czy we lewo?
Komu olimpiada marzy
Mozno ibong tu przidarzy.

[broneknotgeld]

Aleja Gwioz Szportu

Ano - łod kościoła sie ciongnie ku plaży
Niyjednymu gwiozda na niyj mieć dyć marzy.

[broneknotgeld]

Festiwal szportu

W czas siyrpniowy ta impreza
Trefisz gwiozdka szportu? -Wierza
Kej aleja swoja majom
Szteli ty niy darmo pszajom.

Hel

[broneknotgeld]

W helski latarni

Richtog morza widać wiela
I "łogonek" - tako sztela.

[broneknotgeld]

Słony Bałtyk

Ponboczek śledzie w morzu se moczy
Tako cie Bałtyk szczypie we łoczy.

[broneknotgeld]

Na Hel

Na Hel z deskom i żagelkym
Przi wiaterku choć niywielkim
Tu dlo windsurferow raj
Prawiom co te morze - naj!

[broneknotgeld]

"Krowi łogon"

Tako tyż ło Helu ryboki tu prawiom
Dyć dojyniym "krowy" sie jednak niy bawiom.

[broneknotgeld]

Koniec czy poczontek?

Czy sie Polska Helym zaczyno - czy kończy?
-Wiym co "krowi łogon" ze resztom se łonczy.

[broneknotgeld]

Hazardzistom

Bałtyk hazardzistom służy
Trza mieć szczyńście by se użyć.

[broneknotgeld]

"Maszoperia" w helu

Kotwic wiela sieci tako
W "Maszoperii" niy jednako
Dyć tu richtig dobrze zjysz
Po kaszubsku - przeca wiysz.

[broneknotgeld]

Dyć "Helu" być miało
Feleru se chciało?

[broneknotgeld]

Kaszubsko prażnica

Smażonka na alu
Zdo sie żeś na balu
Aż chce sie tańcować
I frelkom coś dować.

[broneknotgeld]

Kaszubsko rybonka

Zupa rybno ze kloskami
Czy smakuje? -Wiycie sami.

-
forum.gazeta.pl/forum/71,1.html?f=28940

[broneknotgeld]

"Bantczi"

Suszono na słonku - grillym dopieczono
Takom flondrom zdo sie dusza napasiono.

[broneknotgeld]

"Ksyne z pulkami"

Kartofle w mundurkach i flaki ze ala
Krucafuks - coś zaroz przi tymu łobala.

[broneknotgeld]

"Kaptain Morgan"

Po piracku zjysz popijesz
Z bekom piwa wiysz że żyjesz.

[broneknotgeld]

"Stary Hel"

W downych wiekach miasto bogate tu było
Dyć sie im we grodzie coś za dobrze żyło
Tako rozpuściyli se richtig miyszczanie
We gowach już yno ciyngym używanie

Toż morze ich srogo za to pokorało
W jedna noc "Hel Stary" se do sia zabrało
Setki rokow przeszły - zapomnieć niy idzie
Przi Zielonych Świontkach wspomnisz ło ty biydzie

Miasto sie we morzu wtedy ukazuje
Dyć borokym rybok kery zanurkuje
Widokym skuszony ty mokry dziedziny
Ponoć już na zowdy łostanie tam driny.

[broneknotgeld]

"Hael"

Dlo Duńczyka to był - hok
Niym Hel w miejskość zrobioł krok.

[broneknotgeld]

"Hale"

Z duńska łogon - tela wiymy
Toż se na niym zabowiymy.

[broneknotgeld]

"Rex Hele"

Piyrwyj krolestwo? -Tako bajajom
Ci co Helowi naprowdy pszajom
Znodli piniondze kaj to szkryfnione?
Tako tyż prawiom - dyć kaj som łone?

[broneknotgeld]

"Gyńsi kark"

Pedzioł mi na Helu smark
Co mo gowa gyńsi kark.

[broneknotgeld]

"Jynzor krowi"

Łogon abo jynzor krowi
Niych nikogo to niy dowi.

[broneknotgeld]

Na prawie lubeckim

Na prawie lubeckim miasto Hel stanyło
We ksiynstwie pomorskim dyć cosik znaczyło
Już piyrwyj osada Wikingi tu znali
Dyć wyglondo na to co miano jyj dali.

[broneknotgeld]

Hel 1378

Winrich von Kniprode tyż miejskość potwierdzioł
Coby niy godali że na Hel łon pierdzioł
Zakon mieli wspiyrać dyć zbrojnie przi tymu
Jako ze tym było? -Trza siyngnońć do rymu.

[broneknotgeld]

Pod Grunwaldym

Pod Grunwaldym niy ujrzoł żeś helan
Chocioż Zakon trza było im wspiyrać
Łod korsarzy broniyła sie sztela?
Czy niy chcieli w ty wojnie umiyrać?

[broneknotgeld]

W średniowieczu

W średniowieczu na śledziach tyn Hel se bogacioł
Tran tu wytopiali - tyż na tym niy tracioł.

[broneknotgeld]

W piytnostym wieku

Śledzi coroz myni! -Czym teroz handlować?
Ano trza Helowi za gyszeftym stować
Tako se kupiectwa bałtyckego czimie
Choć konkuryncyjo wcale w tym niy drzymie.

[broneknotgeld]

Dwie Hela

Przi stary Heli nowo osada
Drapko w tych czasach wyrosła
Możno se rodzi tako tu zwada
Bo do znaczynio wnet doszła.

[broneknotgeld]

Nowo Hela 1430

Z tym rokym zyszczy już miejske prawa
Dwie Hele w kupie - to ci zabawa.

[broneknotgeld]

Hel 1454

Jagiellończyk Gdańsk wzbogacioł
Hel przi niymu z krola woli
Zyszczoł na tym czy tyż starcioł?
Myńszy mo wiynkszego chwolić?

[broneknotgeld]

Zwada 1500

Ło co sie pobiyły Hele?
Łostudy trza było?
Profit dzielić na dwie sztele?
Jako se skończyło?

[broneknotgeld]

Hel 1526

Hel i ziymie po Jastarnia
Nadane Gdańskowi
Zygmunt Stary to podpisoł
Tako kożdy powiy.

[broneknotgeld]

Nowo Hela 1572

Łogyń trowi Nowo Hela
Niy podźwignie se już tela
By ty Stary wlyźć w parada
Z tym niy grozi tukej zwada.

[broneknotgeld]

"Heel" - piekło

Dlo Wikingow piekło richtig zimnym było
Możno stond se miano dziedziny nom wziyło.

[broneknotgeld]

W rynkach Gdańska

Hel w rynkach Gdańska aż po rozbiory
Potym czas prziszoł już pruski pory.

[broneknotgeld]

W czas napoleoński

W czas napoleoński przi okupacyji
Rozgrobiyli kościoł - wiela z tym mecyji
Francuz świyntokradcom - Hel se już dowiedzioł
Wszyndy ta utropa kaj tyn istny siedzioł?

[broneknotgeld]

Hel 1872

Czista lot lymu pożar Hel trowioł
Aże do teroz purtek go dowioł
Toż prawa miejske z tym rokym stracioł
Tako uciyrpioł a niy wbogacioł.

[broneknotgeld]

Hel 1896

Kompielisko morske już letnikow kusi
Ze tym Hel zaś rośnie a niy ciyngym dusi.

[broneknotgeld]

Kurhaus 1899

Toż ze końcym wieku kurhaus gryfny stowo
Hel ze tym se juzaś perełkom wydowo.

[broneknotgeld]

Bliza piyrwyj?

Jeszcze niym tu piyrszo bliza zaświyciyła
Zapolali łogyń na wieży kościoła
Mozno sie skiż tego świontynia spolyła
Szify za daleko by na pożar wołać.

[broneknotgeld]

Helsko bliza 1640

Zowdy tu w nocy łogyń polyli
By se ryboki niy potraciyli
Dyć wqe papiorach z tym rokym piyrszo
Choć skuli tego wcale niy wyrszo.

[broneknotgeld]

Sie jyj dziwoł

Jan Sobieski sie jyj dziwoł
Jak na Helu roz zabawioł
Beka w gora - gowom kiwoł
Łogyń smolny dyć se jawioł.

[broneknotgeld]

Helsko bliza 1667

Staro bliza wypolono - nowo wnet stowiajom
Niychej w nocy i ryboki na Hel se wrocajom.

[broneknotgeld]

Bliza 1702

Sztorm pieroński richtig był
Że latarnio w morze zmył
Trza jom dali wybudować
By blask mogła szifom dować.

[broneknotgeld]

Nowo bliza

Stanyła na wydmie latarnio zaś nowo
Łod morza daleko se teroz wydowo
Zdo sie co dośc dugo im tukej świyciyła
Nastympno we wieku dziewiytnostym była.

[broneknotgeld]

Bliza 1826/27

Ano już bliza jest murowano
Przeszło styrdziści metrow dźwigano
Blask ze niyj lecioł mil siedymnoście
Łolyj z rzepoku polom jyjmoście.

[broneknotgeld]

Kanona 1903

Przi blizie teroz kanona stoji
Choć se na wojna wcale niy kroji
Szczylali ze niyj przi wielki mgle
Jak światło widać pieronym źle.

[broneknotgeld]

To ci utropa

Toż skiż kanony wielko utropa
Chnet istno se rozleciała
Jeszcze przi tymu zabiyło chopa
Aż bliza se rozpłakała

Tako do dzisioj prawiom Beloki
Że ducha czasym tu widać
Jak mgła prziłazi by gynstły ćmoki
Salwa z kanony chciołby dać.

[broneknotgeld]

Bliza 1926

Łolyj ze rzepoku na nafta zmiyniyli
Ciekawe czy dali ze tym zablyńdziyli.

[broneknotgeld]

Bliza 1938

Prziszoł dran tu i na sztrom
Ktosik pedzioł - "Byrna dom".

[broneknotgeld]

Helsko bliza 1939

Ano szpryngli jom Poloki
Coby Niymcom niy pomogła
Sie straciyła ze tym rokym
Dali blyszczeć już niy mogła?

[broneknotgeld]

Bliza 1942

Dziesiyńć metrow łod ty stary
Nowo bliza teroz stowo
Dyć to niy som jakeś czary
Wcale se nom to niy zdowo.

[broneknotgeld]

Do dzisioj stoji

Toż do dzisioj tukej stoji
Szifom światło śle we morze
Zbłonkać żodyn se niy boji
Tako mrugo im - "Szczyńść Boże".

[broneknotgeld]

Pedzieć czas to

Ano pedzieć w końcu czas to
Hel - nojbardzi morske miasto!

[broneknotgeld]

Hel

Na samym końcu "łogona krowy"
Hel se nom zicnoł - niych kożdy to wiy.

[broneknotgeld]

5000 dusz

Tyn Hel mioł mieć tela dusz
Toż zapytom se - czy już?

[broneknotgeld]

21 kilometrow kwadratowych

Zdowo sie co Hel niymały
Choć połwysep to niy cały.

[broneknotgeld]

Sie kończy

Sie "krowi łogon" kończy tym Helym
Jako zolyty winny weselym.

[broneknotgeld]

Czy sie łośmielom?

Czy sie prziznać tu łośmielom
Że tyn Hel był piyrwyj Helom?

[broneknotgeld]

Poznoł

Poznoł Hela na Helu
Dyć źle se poscieloł.

[broneknotgeld]

Dziwa prawiom

Richtig prastaro osada była
Dziwa tu ło niyj dyć prawiom
Ponoć jom richtig woda zemyła
A duchy durś se z niyj jawiom.

[broneknotgeld]

Hel 1260

Doł miejske prawa Świyntopełk gdański
Przipod helanom żywot mieszczański
Dyć potwierdziyli to i Krziżaki
Hel z downych czasow niy belejaki.

[broneknotgeld]

W XV wieku

Z tym wiekym Hel se dostoł Gdańskowi
Kery go jakoś przi tymu dowi
Mały wielkego słuchać se musi
Choć co inkszego czasym fest kusi.

Helske fokarium

[broneknotgeld]

Łod Balbina

Łod Balbina se zaczyło
Foka tu wykurowali
Tako jom przizwyczjyło
Że i ańcla tyż prziznali.

[broneknotgeld]

Helske fokarium

Toż teroz tukej basyny czi
Piyńć fok w nich pływo - kożdy to wiy
Co roku wiela se im dziwuje
Hel z niymi rośnie -tako tyż czuje.

[broneknotgeld]

Foka siwo

We Bałtyku cołkym ginie
Czy jyj czas naprowdy minie?
Szanse jakś tyn Hel dowo?
Abo nom sie yno zdowo?

[broneknotgeld]

Estonki

Czi foki z Estońji na Hel przipłynyły
Zdo sie z tym do życio jakby powrociyły
Tako Ania Ewa no i tyż Agata
Cieszom tukej wszyskich niy yno skiż lata.

[broneknotgeld]

Bubas

Toż istny tukej tym stadkym kryńci
Przeca karlusa to niy umynczy.

[broneknotgeld]

Unda Marina

Unda Marina syniorkom tukej
Zocniejszy foki kaj teroz szukej?

[broneknotgeld]

400 tysiyncy

Co roku łodwiydzo sztyrysta tysiyncy
Te helske fokarium - pewno je to mynczy.

[broneknotgeld]

Adaś

Tako foczka tu rodzono
Morski Fali dało łono
Czy rozmnozom se w Bałtyku?
W ty intyncji jo porzykom.

[broneknotgeld]

Lanugo

Biołe futerko mo noworodek
Toż se łakomiom na fokow mode
Kere niy umiom nawet uciykać
Litości prosić czy ło nia rzykać?

[broneknotgeld]

Skuli ciebie

Jeszcze z poczontku łońskego wieku
Siwych fok wiela tu żyło
Dyć skuli ciebie przeca czowieku
Chnet cołkym se to skończyło.

[broneknotgeld]

Humbak

Możno fokarium chcioł se podziwać
Że wele Helu zaczoł tyz pływać.

[broneknotgeld]

Depka

W helskim fokarium łona rodzono
Wele Niychorza se miyszko
stadko zniyj bydzie czy sama skono?
Czas nom pokorze - to wszysko.

[broneknotgeld]

Wiela?

Wiela modych foczek we Bałtyk puściyli?
Pewnikym dokładnie se to policzyli
Zdałoby se wiedzieć dyć łopytać - kogo?
Czy to tajymnica jakosik jest srogo?

[broneknotgeld]

Balbin już pomarł

Balbin już pomarł - w pamiyńci żyje
Jako we modych - czy wiedzom czyje?

[broneknotgeld]

Koniec fokarium?

Fok siwych w morzu jednak już wiyncy
Koniec fokarium?! To ździybko mynczy.

[broneknotgeld]

Z poczontkym lipca 2006

Z poczontkym lipca głośno ło Helu
Prezydyntowi drapszajs pościeloł.

Jurata

[broneknotgeld]

Hotel "Bryza"

Choćbych w robocie przestowoł drzistać
Na hotel "Bryza" tako mie niy stać.

[broneknotgeld]

Jurata 1928

Warszawioki letnisko se tu założyli
Toż som i do dzisioj jako wtedy byli.

[broneknotgeld]

Molo

Molym wyńdziesz na zatoka
-Toż Jurata niy boroka
Przidzie ci sie niom zochwycić
Możno fraszka tyż uklycić.

Jastarnia

[broneknotgeld]

"Róża Wiatrów"

We "Róży Wiatrów" rybok to prawioł
Co piyrwuyj richtig czyńści tu bawioł
Dyć z kozdym piwym razym wypitym
Mi sie zdowało jakbych był przi tym.

[broneknotgeld]

"Muzeum pod strzechom"

Co morze wyciepło z potopionych statkow
Tukej ci pokożom we wielkim dostatku.

[broneknotgeld]

"Borowsko Bliza"

W Jastarni-Borze łona stanyła
Geld prawie słali z Francyji
Szifom pomocno w tych czasach była
Z niom myni tu tragedyji.

[broneknotgeld]

Bliza na Gorze Szwedow 1936

W ty szeli tako latarnio drugo
W czidziestym szostym stanyła
Ze tym "Borowsko" już nom niy mrugo
Ta przeca jom zastompiyła.

[broneknotgeld]

Czecio bliza 1938-1939

Toż postawiyli wieża kratowo
Już se świyciłą - dowom wom słowo
Dyć prziszła wojna i ta szpryngnyli
Niymcom ty blzy niy łostawiyli.

[broneknotgeld]

Merki w Jastarni

Toż przez wakacje geld swoj tu majom
Merkym go tako dyc nazywajom
Ryboki merkym sprzynt swoj znaczyli
Teroz piniondze take wybiyli.

[broneknotgeld]

"Merk"

Toż wakacyjno waluta majom
Merk latoś rowny złotkowi
Przi tymu wiela Juracie pszajom
Kozdy w Jastarni to powiy.

[broneknotgeld]

20 000 sztuk

Aż tela "monet" mynnica bije
Zlecynie zocne - juz wiycie czyje
Jastarnia tako tyż se promuje
Toż kożdy przeca to forszteluje

[broneknotgeld]

"3 merki"

Nominał jedyn a we wymianie
Rowno trzi złote za to dostaniesz.

[broneknotgeld]

75-lecie Juraty

Latoś uczciyli se to merkami
Kere wyjadom ze turystami
Kurort w pamiyńci łostanie mocno
Bo przeca bydzie pamiontka zocno.

[broneknotgeld]

Merk "notgeldym"

Merk "notgeldym" reklamowym
Tela wom terozki powiym
Przikłod we pomorski szteli
Sami byście tako chcieli?

[broneknotgeld]

Kapliczka świynty Rozaliji (1883)

Kapliczka Kaszuby tako zbajstlowali
Bo se Rozaliji w łopieka łoddali
Jak dżuma w dziedzinie fest ludzi kosiyła
Dyć Jastarni naszy myni zaszkodziyła.

[broneknotgeld]

3 merki Jastarni

Łońskego roku piyrszy roz były
Skiż ty Juraty prawie se wziyły
Kurort trzi ćwierci sety mioł lot
Toż tu ze merkow kożdy był rod.

[broneknotgeld]

3 merki = 3 złote

Merk ze złotkym w zgodzie
Kurs taki niy bodzie.

[broneknotgeld]

Latoś Kuźnica

Latoś Kuźnica na merkach bydzie
Do portmaneja turysty przidzie.

[broneknotgeld]

Kurde bele - sie dziwuja
www.dziennikzachodni.pl/artykul/3317578,niesamowite-zjawisko-lodowe-kule-na-plazy-w-jastarni-zobacz-wideo,id,t.html
Dyć kulami tyż raduja.

Rozewie

[broneknotgeld]

Rozewie

Już we średniowieczu światło tu blyszczało
Droga tym na morzu tako wskozywało
Cosik ło tym przeca Kaszuby godajom
Choć dowodow na to szkryfnionych niy majom.

[broneknotgeld]

Rozewie 1821

Toż bliza kero do dzisioj stoji
W tym roku zaczli budować
Sztela rozewsko nom ciyngym stroji
Możecie se forsztelować?

[broneknotgeld]

Wpiyrw 21,3 m

Tako wysoko tu piyrszo wieża
Dzisioj już tego jo niy wymierza
Bo wiela razy przebudowano
Blizy terozki tym chmurom dano.

[broneknotgeld]

Drugo bliza rozewsko

Jak już we Czołpinie bliza postawiyli
To i na Rozewiu drugo zbudowali
Terozki se blaskym jejich niy mylyli
Przeca skuli tego wszysko zdublowali.

[broneknotgeld]

W ryncach Kristerów

Do piyrszy wojny tako z tym było
We familiji fach latarnika
Jak Polska wlazła to se skończyło
Na darmo ło to Kristerom rzykać.

[broneknotgeld]

Bliza Wzorków 1920-1985

Tu familijo Wzorków se czimie
Yno bez wojna inaczy
We jejich ryncach bliza niy drzymie
I na Pomorzu coś znaczy.

[broneknotgeld]

Bliza im. Stefana Żeromskiego
1.VII.1933

Choć poniymiecko ta bliza była
Podobnoś ze tym se upolszczyła
Pisorz ze morzym tyż był zwionzany
Toż i Rozewiu tako już dany.

[broneknotgeld]

Rozewske buki

Durś chcom zasłonić światło ty blizy
Bestoż se rosnom coroz to wyży
Ty historyji pewno niy znocie
Tako dyć ło tym tu poczytocie

--------------------------------

We czas "potopu" wszysko se dzioło
Jak Szwedy tukej wylondowali
Niy było w Polsce richtig wesoło
Wiela jyj przeca niyszczyńścio dali

Po blisku Puck se pierońsko bronioł
Wojska szewdzkego było tu wiela
Dyć jedyn oddział tukej zagonioł
Kaj latarnika wtedy już sztela

Z blizy jak zowdy szło światło w morze
Istny swojego fachu pilnowoł
Ze tym niyszczyńście prziszło - moj Boże
Toż se im borok wrogym wydowoł

Blask blizy mog być nawet sygnałym
Kery by wysłoł jakiś łodsieczy
Na nic se jego godki im zdały
-Co trza go nawet przeca ty keczy

Toż rapierami chopa zażgali
Na łoczach lipsty co jymu pszoła
Z tym klontwa jeji na siebie brali
Srogo bo przeca śmierć jom łogrzoła

Tako jak stoli w drzewa już miyniom
Liście ze palcow bukowe rosnom
Szłapy se w ziymi drapko korzyniom
Do dzisioj szumiom ło tym ze wiosnom

Światło laterny durś chcom zadusić
Podobnoś wtedy klontwa złomano
Dyć czy zło w dobro idzie łobrocić?
-Deliberuja nad tym co rano.

[broneknotgeld]

Muzeum Latarnictwa

Dyć te muzeum tu tyż znojdziecie
Bestoż trza zwiydzać ta sztela
Blizow we Polsce trocha jest przecie
Dowiysz se ło nich tu wiela.

[broneknotgeld]

Rozewie 1978

Cylindra se dorobiyła
Łoziym metrow podźwignyła
I laterna cołkym nowo
To niy yno mie sie zdowo.

[broneknotgeld]

Pomorski zobytek 1972

W registrze zobytkow pomorskich znojdziecie
Tako dlo potomnych trza łostawić przecie
Choćby i wygasła - ze Rozewiym bydzie
Na zatrata nigdy niych istno niy przidzie.

[broneknotgeld]

Pomorski zobytek 1972

W registrze zobytkow pomorskich znojdziecie
Tako dlo potomnych trza łostawić przecie
Choćby i wygasła - ze Rozewiym bydzie
Na zatrata nigdy niych istno niy przidzie.
-

[broneknotgeld]

Rozewie satelitarne

Tako w Rozewiu jako w Dźiwnowie
Mo satelita blizy we "gowie"
Niy yno szify ze tym znojdziecie
Świat w przodek leci bo ciyngym chcecie.

Mechowo

[broneknotgeld]

Mechowo 1300

Radysław z Darżlubia - toż se niy wydowo
Cystersom oliwskim sprzedoł te Mechowo
Tako z historyjom sie wioska witała
Wieki fest kulały a łona durś trwała.

[broneknotgeld]

Mechowsko parafijo 1300

Toż ze cystersami parafiom se stowo
I kościoł przi tymu piyrszy budowany
Już wiyncy znaczyło te zocne Mechowo
Słonko blyszczy jaśni jakby tukej ranym.

[broneknotgeld]

Piyrszy kościoł 1300-1583

Ty parafiji dość długo służoł
Skuli pożaru wiyncy niy użoł.

[broneknotgeld]

"Z pruskego muru"

Z pruskego muru świontynia drugo
Możno niy stoła tyż tukej dugo
Opat Rybiński tym se fest wsławioł
Że czeci kościoł tukej wystawioł.

[broneknotgeld]

Czeci kościoł 1742

Jacek Rybiński - opat w Oliwie
Stowio te cudo w Mechowie
Sie barokowi gryfnymu dziwej
Uciecha łazi po gowie

Kto przi ołtorzu do świyntych rzyko
Maryji Pannie paciyrz tyż dowo
Tego utropa myni już tyko
I jakby Niebo przed łoczy stowo.

[broneknotgeld]

Łobroz Nojświyntszy Maryji Panny

Ze szkoły Strobla wyloz czy Hana?
Wadzom sie czasym tukej łod rana
Dyć Marja Panna Koronowano
Ku podziwianiu nom wszyskim dano!

[broneknotgeld]

Mechowski dwor

Piyrwyj pewno był we krasie
Zaniydbany ło tym czasie
Po von Bronke dyć erbniony
Tako dzisioj podniszczony.

[broneknotgeld]

Mechowski kościoł

Dyć z łobrozow tyż go znocie
Bo malyrzy łon prziciongo
Barok przed łoczami mocie
Do palety czy wos wciongo?

[broneknotgeld]

Tabula

Tabula ksionżoszkow nońdziesz na kościele
Zły tref do Piaśnicy wiod ich ze ty sztele.

[broneknotgeld]

Ksiondz kanonik Bolesław Witkowski

Richtig dugo istny był tu za farorza
Możno skuli tego Bolkow teroz wiela
Posłowoł łon nawet - se szkryfnońć łodwoża
W czasach kedy prusko była cołko sztela.

[broneknotgeld]

Jan Dzieżdżon

Na cmyntorzu znojdziecie tu jego mogiła
Tako porzykejcie i świyczka łoświćcie
Kaszubsko dziedzina we sercu mu była
Trza pamiyntać ło tym tako i wy dziydzcie.

[broneknotgeld]

Pioro Dzieżdżona

Czy Smyntek po kartach mu pioro prowadzioł?
Som by tela szkryfnońć czowiek niy poradzioł!

[broneknotgeld]

Jan Dzieżdżon 1937-1992

Donatowo go witało - Mechowo żegnało
Dlo wypszony Ziymi Pucki zrobio łon niymało
Zdo sie jako "krol kaszubski" bogactwo łostawioł
Dziynki niymu cołki Polsce tyn region se jawioł.

[broneknotgeld]

Ksiondz Bolesław Witkowski (1895)

Dugo farorzowoł we ty wsi Mechowo
Ziylorstwa se czimoł i kurowoł ludzi
Drugo wojna richtig naprzeciw mu stowo
Kulka hitlerowsko - już se niy łobudzi.

[broneknotgeld]

Darżlubske Buki

Rezerwat taki kaj wieś Mechowo
Buk co mo sto lot tu niych se schowo.

[broneknotgeld]

Grota w Mechowie

Malutki rezerwat taki se tu majom
Grota niy głymboko dyć przeca jyj pszajom
Poranoście metrow richtig jest szyroko
I dwa razy tela z tym dugo na łoko.

[broneknotgeld]

Richtig?

Richtig do Żarnowca mog żeś ciś z Mechowa?
Grota tu malutko. Czy ciyrpisz na gowa?

Domatowo

[broneknotgeld]

Domatowo

Domatowo jezioro swoje mo we zocy
Bielawa zodziwi dyć niyjedne łoczy
Kaj łabońdź se lyngnie wyspa tam znojdziecie
Niy z biołości ptoka te miano jest przecie.

[broneknotgeld]

Bioły łabońdź - stond Bielawa?
Toż ciekawo richtig sprawa.

[broneknotgeld]

"Dutki ziemskie brzeskie" 1402

Piorym łod Kaszuby te "akta" szkryfnione
Widać w nich zaczontek dyć przeca niy koniec
Ty godki kaszubski w tutejszy dziedzinie
Toż łona na wieki im tako niy minie.

[broneknotgeld]

Domatowo 1303

Piyrszy zapis ło ty szteli
Historyjo tako dowo
By my ło tym coś wiedzieli
Jake stare Domatowo.

[broneknotgeld]

Domatowo 1310

We krziżackich ze tym rynkach
Czy je czeko teroz mynka?

[broneknotgeld]

Domatowo 1333

Cystersow oliwskich już te Domatowo
Tako pobożniejsze - czy sie yno zdowo?

[broneknotgeld]

Domatowo 1772

Klosztory piyrwyj richtig bogate
Majom być teroz jakby sagate
Toż Domatowo Skarbu Pruskego
Kaszuba zyszczy? -Psinco ze tego!

[broneknotgeld]

"Bielawa"

Ze kaszubski godki tako torfowisko
Dyć w tym ślonski "maras" zdo sie tyż nom blysko.

[broneknotgeld]

Kaj "bielawy"?

Bielawy tam zowdy kaj smok pod ubity
Torfowisko przeca ze bestyji juchy
Z sierści mech se robi richtig drapko przi tym
Dyć czy sie tu znodli kedyś take zuchy?

Potworowi łoni mogliby dać rady
Co ponoć i łogniym bor darżlubski poloł
Ło to roz Kaszuby wziyli se do zwady
Joch widzioł stolyma - bestoż żech ich smoloł.

[broneknotgeld]

Kaszubski Smyntek

We czasach pogańskich Smyntek był tu bogym?
Z doma niy gonionym - witanym ze progym?
Dyć przi krześcijaństwie co ze niym se stało?
Aże mi sie teroz na smyntek zebrało.

[broneknotgeld]

Dom Dzieżdżona

Tu sie wychowoł i miyszkoł dugo
Teroz tabula już do nos mrugo
We Domatowie tyż rechtorowoł
Tako szkolorzom łod sia coś dowoł.

[broneknotgeld]

Smyntek djobłym

Djobła nikerzy w niym dzisioj widzom
Tako sie jego naprowdy wstydzom
Tam kaj niywola łon sie pojawio
I jeszcze wiyncy utropy sprawio.

[broneknotgeld]

Smyntek złom siyłom

Smyntek złom siyłom w duszy Kaszuby
Kero go wiedzie ciyngym do zguby
Pszonie swyj ziymi przi istnym straci
Dyć czym se potym jom ubogaci?

[broneknotgeld]

Rożniste gymby

Zdo sie mo Smyntek gymby rożniste
Co dlo Kaszubow richtig niyczyste.

Krokowa

[broneknotgeld]

Krokowa

Czornym szlakym z "Grot Mechowskich"
Trefisz tukej kaj Krokowskich
Ciyngym stiji gryfny zamek
Nogi niesom cie tam same.

[broneknotgeld]

Olbracht Wickerode 1232

Z Hermanym von Salza był łon skamracony?
Prawiom co tu prziloz tyn istny ze łonym
Rod Krokowskich tako łod niego se wiedzie
Choć ze Frankoniji we Nordzie na przedzie.

[broneknotgeld]

Gneomar Crockau

Potomek Olbrachta już Krokowa czimoł
Inksze wioski tako bo przeca niy drzymoł.

[broneknotgeld]

Krokowa 1285

Grodek rycerski Crockau tu mioł
Z wsi nałokoło tyż cosik broł.

[broneknotgeld]

Krokowa 1300

Ano ze tym rokym parafijo majom
Ponboczkowi bardzi terozki tu pszajom.

[broneknotgeld]

Reinold von Krockow (1536-1599)

U polskego krola łon pułkownikowoł
Zygmunta Augusta za patrona stowioł
Dyć go pokusiyła wojna we Francyji
Tako marszałkowoł w jeji tragedyji.

[broneknotgeld]

Reinold von Krockow (1536-1599)

U polskego krola łon pułkownikowoł
Zygmunta Augusta za patrona stowioł
Dyć go pokusiyła wojna we Francyji
Tako marszałkowoł w jeji tragedyji.
A jak do dom wrocioł zmiynioł swoja wiara
Protestantym łostoł - przeca niy prziwara.

[broneknotgeld]

Krokowa znom
Link tukej dom

trojmiasto.gazeta.pl/trojmiasto/1,35636,14378146,Niezwykla_historia_rodziny_von_Krockow___Hitler__ten.html

[broneknotgeld]

Wieści z Krokowy
Trop jakby nowy
trojmiasto.gazeta.pl/trojmiasto/1,35636,14362007,Ciemna_przeszlosc_grafa_von_Krockow.html

Świecino

[broneknotgeld]

Świecino 1281

Cysterki z Żarnowca erbły te Świecino
Tako jejich teroz ta wioseczka ino.

[broneknotgeld]

Czorno Wda

Wody Czorny Wdy tu płynom
Co dowała siyła młynom
Z kerych jeszcze coś łostało
Piyrwyj było ich niymało.

[broneknotgeld]

Możno wyna mie łoświyci
Skiż Świecina coś se sklyci.

[broneknotgeld]

Djobelski Kamiyń

Ponoć Kaszuby go łomijajom
Anielski wolom - tymu niy pszajom.

[broneknotgeld]

Świecino 1462

Toż zapisało sie w historyji
Dunin Krziżakow pobioł na gowa
Bo choć z tym było wiela mecyji
Tu huf mocniejszy powonioł trowa.

[broneknotgeld]

Fritz von Raweneck - Puck 1460

Ano - ze Pucka Szweda przegonioł
Dyć to niy prziszło richtig po toniu
Teroz ta sztela w krziżackich rynkach
Toż Jagiellończyk niy bydzie kwynkać
I tako pośle wojsko z Duninym
Niychej Korony som to dziedziny.

[broneknotgeld]

Fritz von Raweneck - Świecino 17.IX.1462

Toż se Piotr Dunin z wojskym rozłożoł
We lasach wele Świecina
Raweneck tu go dopaść dyć wożoł
Choć drapko zrzyndła mu mina

Nic że przewaga była w wojokach
W lesie niywiela sie zdała
Możno ktoś paczoł na to z wysoka
Korona bitwa wygrała

Dyć tako w wojnie czinostoletni
Piyrszo Krziżakow przegrano
Ze Smyntkym możno se teroz wetni
Komu Wiktoria z tym dano?

[broneknotgeld]

Świeciński dynkmal 1962

Piyńćset lot minyło jak bitwa tu wrała
Strona polsko słabszo dyć Krziżakow bije
Dynkmal wystawiony bo pamiyńć łostała
Ziymia historyji swoji tyż niy kryje.

[broneknotgeld]

Przikopa w Świecinie

Ze wsi na zachod wiedzie przikopa
W kery niy ujrzysz po ćmoku chopa
Niok krew Krziżokow kedyś płynyła
Tu potraciyło życie ich siyła.

[broneknotgeld]

"Bożo Stopka"

Jest taki kamyń wele Świecina
"Anielskom Stopkom" tyż zwany
Toż prawi ło niym cołko dziedziny
Co z Boży łaski jest dany.

[broneknotgeld]

"Anielsko Stopka"

Piyrwyj w Świecinie dwa bratki żyli
Co rodzicieli słuchali
Zdo sie łozdobom ty wioski byli
Dyć tako stało sie dali

Fater zachorzoł - ziymia rozdzieloł
Kożdy z nich dostoł połowa
Potym we trule se już pościeloł
I niy ma jego w tym gowa

Bratkow zaś zowiść jakowoś wziyła
Szatan tyż możno pokusioł
Skuli podziału złość wybuchnyła
Toż pszonie djoboł zadusioł

Larma codziynnie wiela w Świecinie
Wioska tyż cołko se dzieli
Czy ta utropa nigdy niy minie?
Ponboczek pomoc chcioł szteli

Zesłoł anioła by istnych godzioł
Tyn stanoł tu na kamyniu
I godkom swojom ku dobru wodzioł
Prawioł ło jejich sumiyniu

Ło woli łojca kero jest świynto
I zgodzie we familiji
Trza by z nich kożdy tako pamiyntoł
Niy ciongnoł ty tragedyji

Tone ze Jonkym złość dali brała
Ryncow na zgoda niy dali
Dyć se ta godka na psinco zdała
Ponboczka tyż rozgniywali

Tako ze woli Boski i kara
Anioł z tym śmierci posłańcym
Jak gyrom tompnoł - bratki na marach
A dowod ze tym ostańcym.

Wierzchucino

[broneknotgeld]

Cosik mi sie przipomino
Chnet z rocznicom Wierzchucino
Toż na bezrok pewno przidzie
Wiela fajrowanio bydzie.

[broneknotgeld]

Wierzchucino

Przi Jeziorze Żarnowieckim
Z zachodu se leży
Ludno wioska i bogato
Możecie mi wierzyć.

[broneknotgeld]

Wierzchucino 1257

Tako princ Świyntopełk wioska mniszkom dowo
Klosztaor żarnowiecki bogatszym sie stowo
Dyć i sama sztela w historyji blysła
Zdo sie co ze ćmoka do słonka nom wyszła.

[broneknotgeld]

Ano trza

W krokowski gminie te Wierzchucino
Trza ło dziedzinie coś szkryfnońć ino.

[broneknotgeld]

Wierzchucino 1257

Princ Świyntopełk klasztorowi ta wioska nadowo
Sie Żarnowiec z tym bogaci - do świytności stowo
Wierzchucina historyjo ze tym zaś zaczyno
Tako niychej i rym ślonski ło tym przipomino.

[broneknotgeld]

Wierzchucino 1257 - 2007

Trzi ćwierci tysionca rokow już istnieje
Toż niy trza se wadzić ło te downe dzieje.

[broneknotgeld]

Wierzchucino - 750-lecie

Na gyburstag niy prosiyli
Dyć fajeru mi niy trzeba
Historyjo - moji mili
Zdo sie jako konsek chleba.

[broneknotgeld]

Wierzchut?

Czy istny ta sztela do życio podźwigoł?
Możno we tym prowda - se niy byda migoł
Niychej tu na wiyrchu ciyngym bydzie tako
Bo by w Wierzchucinie możno ktoś zapłakoł.

[broneknotgeld]

Wierzchucino 1279

Princ Mściwoj II potwierdzo tako
Że przi klosztorze dziedzina stoji
Ano - se żyjom tukej jednako
Mniszkom przi tymu żodyn niy broji.

[broneknotgeld]

Wierzchucino 1363

Se prawym chełmińskim już dziedzina rzońdzi
Toż zdowo se lepsze i myni z tym błońdzi.

[broneknotgeld]

Wierzchucino XIV w.

Karczma już tu była i młyn monka mloł
Klasztor żarnowiecki tako profit mioł.

[broneknotgeld]

Wierzchucino XVI w.

Folwark już tu majom co klasztor bogaci
Dyć chocioż cysterki Żarnowiec utraci
Chnet benedyktynki ze Chełmna tu przidom
Toż dlo Wierzchucina jako pany bydom.

[broneknotgeld]

Wierzchucino 1772

Sekularyzacjo - krol dekret wydowo
Tako z nowym panym Wierzchucino stowo
Skarb pruski chnet folwark tyn puści w dzierżawa
Kto majontek chyci? -Kedyś wom wyjawia.

[broneknotgeld]

Wangelicki kościoł (1882)

Stanyła świontynia kaj wpiyrw starszo była
I neogotyku szaty tako wziyła
Już w Polsce po wojnie se stowo ruinom
Choć piyrwyj jak gwiozdka blyszczała dziedzinom

Ech, zły czas se stracioł - zaś remontowano
Ponoć dlo kultury mo być szteli dano
Downych wangelikow darmo tukej szukać
Trza by aż za Odra pewno teroz kukać.

[broneknotgeld]

Wierzchuciński młyn

Na Bychowski Strudze durś młyn monka mleje?
Ech - już se niy wrocom tako downe dzieje!
Ze młyna gospoda - zjysz tu i popijesz
Downe czsy wspomnisz choć w dzisiejszych żyjesz.

[broneknotgeld]

Kaplica świynty Rozaliji

Niychej cie tam wiedom kroki
Toż kapliczka na trzi sztoki
Z niyj patronka patrzy z troskom
Dali Jom nad Matkom Boskom
Sygnaturka zaś nojwyży
Szworty września zdo sie bliży
Zas przed nocom se rozdzwoni
Mor ze Wierzchucina goni?!

[broneknotgeld]

W połowie XIX wieku

Toż Wierzchucino mynczy cholera
Świynto Rozala pomoze teraz?
Ano - do Istny wiela rzykajom
Mor poloz dali - patroce pszajom.

[broneknotgeld]

W podziynce

Świynty Rozali tako w podziynce
Że łod cholery ich łobroniyła
Kapliczka dźwigli - złożone rynce
Rzykajom coby dali chroniyła.

[broneknotgeld]

4.X. godz. 20.00

Do świynty Rozali we tyn dziyń spiywajom
Łod połtoryj wieku we zocy jom majom
Toż ze Wierzchucina łodeszła cholera
Skuli jeji wsparcio - szkryfna tako teraz.

[broneknotgeld]

Lipowom alejom

Alejom lipowom we pole niy ida
Prawie do świontyni wangelikow przida
Co z ruiny dzisioj na powro dźwigano
Fundacyji "Forma" mo ze tym być dano
Tako przidzie rzykać tu chnetko inaczy
Kunsztym i kulturom - dyć wiela to znaczy
Dlo ty "iskry boski" co darym tyż ludzi
Z niom se łogyń w sercach nigdy niy łostudzi.

[broneknotgeld]

Gimnazjum we Wierzchucinie

Toż Wierzchucino zdo sie dość mocne
Majom gimnazjum richtig tu zocne.

Leśniewo

[broneknotgeld]

Leśniewo

Puszcza darżlubsko wszyndy dokoła
Toż i Leśniewo trza już prziwołać.

[broneknotgeld]

Piyrwyj "Nowe Mechowo"

Toż Leśniewo - sie niy zdowo
Zwali wpiyrw "Nowe Mechowo".

[broneknotgeld]

Nowe Mechowo 1432

Nowe Mechowo już wzmiankowane
Z tym historyji polski jest dane
Dyć z czasym miano Leśniewa przidzie
Te piyrsze tako w łodstawce bydzie.

[broneknotgeld]

Kościoł w Leśniewie 1892

Toż wangeliki go budowali
Tref tako sie kulnoł tukej
Że katolikom służy łon dali
A protestantow kaj szukej?

[broneknotgeld]

Szkolno tabula

Tabula dambka możno niy miniesz
Był partyzantym łon tukej
Dyć wpiyrw rechtorym w pucki dziedzinie
-Już go po wojnie niy szukej.

[broneknotgeld]

TOW "Gryf Kaszubski" 1940

Rechtor Dambek se chyto już konspiracyji
Choć przeca przi Niymcach z tym wiela mecyji
Prawiom co "Jur" strachu przed istnymi niy mioł
Bo mu "ruch oporu" ciyngym w duszy drzymoł.

[broneknotgeld]

TOW "Gryf Pomorski" 1941

"Gryf Kaszubski" ciongnie inksze zbrojne grupy
Terozki w "Pomorskim" cuzamyn do kupy.

[broneknotgeld]

"Gryf Pomorski" 1942

"Gryfowcy" ciongnyli do Armji Krajowy
Złym trefym niy wyszło ze tego im nic
Niymiec se ło wszyskim juz terozki dowiy
Stutthof im pisany - a to inkszy "wic".

[broneknotgeld]

"Jur" - 4.III.1944

Wele Gołubia "Jur" złozoł gowa
Dopod go gdański tu gestapowiec
Możno to była djobołow zmowa
Co łon sie miynioł Jan Kaszubowiec.

Chałupy

[broneknotgeld]

Chałupy

Choć naturysty je rozsławiyli
Sie z Chałupami surfery zżyli.

Kuźnica

[broneknotgeld]

Kuźnica

ponoć wyspom kedyś była
Z jednom chatkow w kery żyła
Richtig gryfno kuźniczanka
Toż rozrosła sie skiż wianka.

[broneknotgeld]

W bytowskim zamku

W bytowskim zamku kawki panujom
We ptokach dusze mnichow-rycerzy
Bestoż se dobrze łone tu czujom
Kto je uwidzioł może uwierzyć

Bytow se stowo "miastym kawkowym"
Wiyncyj ich tukej ponoć niż ludzi
Niyjedyn możno dzisioj tyż powiy
- Duch downych czasow tako se budzi.

[broneknotgeld]

Bytowski zamek

Po malborskim w raji zamek we Bytowie
Jymu tyż dziwować se może tu czowiek
Jo zaś go z notgeldow łod lot przeca znom
Dyć i skuli tego we zocy fest mom.

[broneknotgeld]

Bytowske łańcuchy

Burgemajster i szef Rady
"Fundli" miastu dyć takowe
Ponoć doszło z tym do zwady
Bo som stare a tu nowe

W magistracie tako prawiom
Co na starych herbu niy ma
I se inksi wnich pojawiom
Dyć to ciyngym gorki tymat.

[broneknotgeld]

Na 660-lecie Bytowa

Gyszynk se miasto tako fundnyło
Łańcuchy z herbym - przeca niy było.

[broneknotgeld]

Bytowski zamek na szlaku

"Szlak Zamkow Gotyckich" - Bytow tam jest prawie
Kej kukniesz ci zdo sie jako śnik na jawie.

[broneknotgeld]

Strażnica krziżacko

Strażnicom granicznom boł zamek w Bytowie
Dom Zakonny tukej - toż niy dziwo czowiek.

Miastko

[broneknotgeld]

Znajom?

Historyjo w Miastku znajom?
Prowdzie tukej richtig pszajom?

[broneknotgeld]

Rummelsburg

Łod średniowieczo Rummelsburg rośnie
Trza ło tym prawić dzisioj radośnie.

[broneknotgeld]

Jako powstoł Rummelsburg

We średniowieczu wszysko se dzioło
Na ty prastary ziymi pomorski
Niy było wtedy richtig wesoło
Dyć zboj tu miyszkoł pieronym dziorski

Łon we tym borze zdowoł sie panym
Bo kto tutejszy tako go wspiyroł
Lud chocioż grafom cołkym poddany
W strona Rummela chyntnie zaziyroł

Sie von Massowy richtig tropiyli
I słali wojow ciyngym do lasu
Kamratow jego groszym kusiyli
Bo robioł wiela im ambarasu

Rummel z zasadzek zowdy uciykoł
Grafom łodpłocoł - niy był na stracie
Niyjedyn borok do niego "rzykoł"
Niyroz feudał bajsnoł se w lacie

Co mioł graf robić? -Czas na ugoda
Zboj już zasadźcom choć niy skiż łaski
Tu jego sztela - ziymia i woda
Skrziwdzonych czas tyż uciszyć wrzaski

Czy w Rummelsburgu wolnym być możesz?
Lekci pewnikym se tukej żyło
Za taki koniec dziynki Ci Boże
Ze Twoji woli przeca to było.

[broneknotgeld]

Dzisioj sławi

Rummel Miastko dzisioj sławi
Jednych wnerwio inkszych bawi.

[broneknotgeld]

"Kraina Rummela"

Kto pamiynto ło dziedzinie
Miastka tako niy łominie.

[broneknotgeld]

"Rajce miasta Rummelsburg" (25.XI.1368)

Pismo do Torunia słali
Kere tako podpisali
W prawach miejskich richtig byli?
Historyjo se niy myli.

[broneknotgeld]

Rummelsburg - Miastko (1945)

Ano - downe miano już niy sztimowało
Już tukej przi Polsce życie se kulało.

[broneknotgeld]

Rummel

Zboj we tych lasach piyrwyj grasowoł
Wszyscy se tukej istnego boli?
Dyć miano miastu z tym swoje dowoł
Żodyn terozki go niy pochwoli?

[broneknotgeld]

Rummel?

Toż ciekawy Pomorzanin
Niymiec, Kaszub, Prus-poganin?
Miano zboja nom łostało
Niy za wiela choć niymało
Bo skuplujom go ze miastym
Zdo se nom zocniejszym ciastym.

[broneknotgeld]

Kto se sPiSioł?

Se ktoś sPiSioł na Rummela
Niy słowiańsko to cholera?
Jako Miastko mo promować?
Czy trza go na stos już dować?

[broneknotgeld]

Dynkmal AK?

Ze Rummelsburga ktoś był w AK?
Dynkmal skiż tego stowiać tam trza?

[broneknotgeld]

"Meksyk"

Miyszkać w "Meksyku"
Boże broń - rzykom.

[broneknotgeld]

Rummel

Larmo PiS ło niego robi
Toż tyn istny miasto zdobi
Relwach piyrwyj, rejwach dzisioj
Grod założoł a niy wisioł!

[broneknotgeld]

Rummel - "rejwach"

Pomyślołch rano
-Stond jego miano?!

[broneknotgeld]

Rejwach?

Rejwach von Massowy pewnikym robiyli
Niym se ze Rummelym tako ułożyli
Że wyrosła w borze rabczyka osada
Dyć czy teroz wroco ło Rummelsburg zwada?

[broneknotgeld]

Romulus z Remusym Roma założyli
Rummel zaś Rummelsburg - ze Rzymym niy mylić.

[broneknotgeld]

Gyńsi Roma zratowały
Kaczki Rummelsburg wolały?

[broneknotgeld]

"Kaczy Dołek"

Toż we Miastku prawie majom
Niy łod dzisioj jymu przajom

Ano - szkryfna tako teraz
Łostrzegały tyż Rummela
Kaczki co przi stowku żyły
-Jak zasadzki se mnożyły.

[broneknotgeld]

Rummel se radzioł

Se po swojymu radzioł ze władzom
Czy go wykopać dzisioj poradzom
Ze historyji kery niy ziorkym?
Czy "hexynkesel" jest zocnym workym?

[broneknotgeld]

Miastko jest "ojczyste"
www.rummelsburg.de/polish.htm
Dlo mie oczywiste.

[broneknotgeld]

Wieść se niesie

Se po Pomorzu wieśc tako niesie
Że kajś jaskinio przi lipie w lesie
W niyj Rummel skarby schowoł łogromne
Czy to bajanie yno niytomne?

[broneknotgeld]

Jako znojść?

Jako znojść skarby co Rummel schowoł?
-Kaszuba jedyn rycepta dowoł
Z lipy trza strugać postać Rummela
Po lesie nosić - pedzioł mi tela
Tam kaj figura pynknie w połowie
Bogactwo znojdzie kto zocny człowiek.

[broneknotgeld]

Wiela łaziyło

W tutejsze lasy wiela łaziyło
Roki mijały - ciyngym szukali
Cosik niyrichtig z fiurom było?
Z zocnościom istnych? -Szukać trza dali!

[broneknotgeld]

Niy ma leko

Niy ma leko znojść zocnego
Coby nadoł se do tego
Czysty szukać trza duszyczki
Z tym utropa dyć na wdycki

Choć legynda ło tym prawi
Że se w końcu łon tyż zjawi
Jak pomaco zboja gymba
Lipa pynknie kajś przi zymbach.

[broneknotgeld]

gdansk.naszemiasto.pl/wydarzenia/736189.html
Taki link se pewnikym tukej przido.

[broneknotgeld]

www.gp24.pl/apps/pbcs.dll/article?AID=/GP/20070518/MIASTKO/70517030/-1/GOSPODARKA

Do kompletu.

[broneknotgeld]

gdansk.naszemiasto.pl/wydarzenia/737575.html
To tyż ciekawe.

[broneknotgeld]

ww6.tvp.pl/2910,20070519500363.strona

[broneknotgeld]

www.wrotapomorza.pl/pl/wizytowka/region/podzial_administracyjny/gmina/miastko

[broneknotgeld]

"Bobiyńcińske kule"

Kaj jezioro Bobiyńcińske rozlywo durś wody
W downych czasach i na wyspach ryboki miyszkali
Dyć tu prawioł jedyn starzik, że jak łon był młody
To mu kedyś ło tych kulach ołma łosprowiali

-Ano, wrog w dziedzina ciongnoł, poloł i mordowoł
Kto na londzie pomiyszkiwoł życie tracioł tako
Toż strach wielki z tym kożdymu aż w hyrtoniu stowoł
Trza choć dusze im ratować - ze konceptym jako?

-Ło połnocy przi miesionczku kożdy kładzie swoja
I klajstruje jom igliwiym we dość epno kula
Potym topi kaj nojgłymbi - aże som se boja
Przeca rym niy po to dowom coby kogoś fulać

Jaki profit z tego mieli? Dusza falom dować?
Niym te słonko jasne blysło już żodyn niy żyje
Ech, utropa z tym na zowdy - trza se forsztelować
Rybok dulko drap we wodzie - kula przed niym kryje

Aże dzisioj se to dzieje - kulo dusze woda
Choćby nawet wiater niy wioł wiynkszo wtedy fala
Wieki przeszły a nom ciyngym niyszczyńśnikow szkoda
-Kto poradzi "iskra bosko" po igliwiu halać?

[broneknotgeld]

Miastko sie promuje
Dyć to mie raduje.
rudaslaska.naszemiasto.pl/artykul/zapraszamy-na-goscinna-ziemie-miastecka,4571111,art,t,id,tm.html

Może skończysz ten wątek w końcu

[w36]

Jeśli nie zauważyłeś, lub udałeś że nie zauważyłeś to przeczytaj sobie:
forum.gazeta.pl/forum/72,2.html?f=261&w=8718330&a=16286933
przepraszam że takie długie, ale pewno Cię zainteresuje.

[broneknotgeld]

Te same linki ciepiesz do wora
Możno na ciebie prziszła "zło pora".

[broneknotgeld]

Tako anonim mie piyknie łechce
A jo mu na to - "mogem a nie chcem"

[broneknotgeld]

Z regulaminym na baker był?
Co tam gyńcik naprowdy "wył"?

[broneknotgeld]

1285

Miasto Lymbork wyrosło z tutejszy osady
Łone Białogardzie pryndko dało rady
Do dzisioj se asi swojom historyjom
Ciyngym zocne ludzie we tych murach żyjom.

[broneknotgeld]

Lewinburg 1341

Mistrz krziżacki Dytryk doł chełmińske prawa
Zamek tyz zbudowoł bo to niy zabawa.

[broneknotgeld]

Paweł Nipkow (1860-1940)

Karlus se w Lymborku rodzioł
Coś łod sia doł światu
Telewizor mu niy szkodzioł
Wert jest łon wiwatu.

[broneknotgeld]

Św. Jakub Apostoł

Jakub Lymborka patronym
Lekci z niym żyje se dzisioj
Tela jo szkryfna tyż łonym
Jarmark Jakuba zaś prziszoł!

[broneknotgeld]

Banhof - 1870

Banhof w Lymborku se stanoł
Za pruskich tu jeszcze czasow
Do Słupska jechołś tom banom
Co miała pora tyż klasow.

[broneknotgeld]

Gora Parkowo

Na ty gorce piyrwyj skazańcow wiyszali
Bestoż Szubiynicznom wszyscy tu jom zwali
Dzisioj Czartoryja to tyż jeji miano
Kokot niy zapieje tukej nigdy rano.

[broneknotgeld]

Wasserturm - 1912

Możno jest zamkym Gory Parkowy?
Niy - wieża ciściyń to ino
Dyć i latarnio - ktosik tyż powiy
Jak downe czasy wspomino.

[broneknotgeld]

Żabio fontanna

Fontanna tu majom kaj żaby rechocom
Jakeś historyje łosprowiajom nocom
Ło pszoniu Jakubka z burgemajstra cerom
Słysza te kumkanie i nerwy mie bierom.

[broneknotgeld]

Baszta Bluszczowo

Ze starych murow łona łostała
Choć bluszczym se już niy asi
Przemorz - połtora wieku bezmała
Dugo już baszty niy krasi

Dyć miano po nim ciyngym w pamiyńci
Zmazać już tego niy idzie
Zielonym liściym we gowie nyńci
I niychej zowdy tak bydzie.

[broneknotgeld]

Na Czech Kroli

Na "Czech Kroli" tukej jest "świynto ratusza"
Gyburstag mo przeca szkryfnońć ło tym musza
W tysionc dziewiyńćsetnym go tu postawiyli
Ze przepiyknom wieżom kerom sie asiyli.

[broneknotgeld]

Lymborsko poczta

Na bezrok klupnie poczcie sto lot
Lymbork ze tego richtig jest rod
Dziesionty grudnia - zjada na fajer
Tako rocznica to niy jest bajer.

[broneknotgeld]

"Poste Restante"

Pojeść i popić w barze se idzie
Niym tu bryftryjger z pyndzyjom przidzie
Skasujom ze niyj zaroz połowa
A co do reszty - ślubny w tym gowa.

[broneknotgeld]

Miejsko Bibliotyka Publiczno

Skiż szpyrytusu sztela stanyła
Teroz ze ksionżek biere swo siyła.

[broneknotgeld]

BŁĘKITNA KRAINA
www.wrotakujaw.pl/?wiadomosci/turystyka/278/Blekitna-kraina.-Raj-dla-turystow[koniec]
"Jasnomodro Sztela" - toż powiat lymborski
Na pomorzu słynie - dyć niy yno morski
We Lymborku samym coś z murow łostało
Trzi bramy durś stojom - toż zdo sie niymało
We dwoch durś muzeum cosik pokazuje
Bractwo Historyczne trzeciom zawiaduje
Zowdy we niydziela dyć jom łotwiyrajom
We zbroja łoblekom - jo wcale niy bajom
Przi tymu tyż dowiym jako piyrwyj było
We zocnym Lymborku ciekawie sie żyło.

[broneknotgeld]

Śladami Nipkowa

Czy to som tabule - czy telewizory?
Szejść już wystowionych - tako do ty pory.

[broneknotgeld]

Paul Nipkow 1860-1940

W Lymborki rodzony - pomarł we Berlinie
Jego "tarcza" blysła we świata dziedzinie
Niom rozkłodoł łobroz, a potym kuplowoł
Dlo telewizora jakby muster dowoł.

[broneknotgeld]

Na muzeum

Na muzeum Nipkow mo piyrszo tablica
Dyć piyrwyj tu stoła prawie kamiynica
We kery sie richtig Paulek Nipkow rodzioł
Kerymu po gowie "telewizor" chodzioł.

[broneknotgeld]

Szkoła Podstawowo nr 3

Ano - niych niy dziwo wos tukej tabula
Nipkow se tu uczoł - niy byda wos fulać
Tukej gimnazyjom piyrwyj przeca było
We kare Paulkowi łazić przitrefiyło.

[broneknotgeld]

Na starym browarze

Na starym browarze Tabuli se dziwać?
Przi "telewizorku" idzie gowom kiwać
Magdalińskich przeca była to dziedzina
Łod nich jedna frela miała Paulka syna.

[broneknotgeld]

Specjalny Ośrodek Szkolno-Wychowawczy

Tyż tabula skiż Nipkowa
Tym niy tropi moja gowa
Piyrwyj tu realno szkoła
Paulka do sia chciała wołać.

[broneknotgeld]

Na Targowy

Już "telewizorek" wisi we tym czasie
Dyć piyrwyj Targowo prawie Nipkowstrasse.

[broneknotgeld]

Paul Nipkow 1937

"Obywatel Honorowy"
Lymbork bardzi z niym światowy
Nipkow tyż uradowany
Ze tytułu co mu dany.

Gęś

[broneknotgeld]

Fana Gyńsi

Fana Gyńsi - w to jo wierza
Skubnie na niyj gyńś rycerza.

Gmina Wicko

[broneknotgeld]

We Gminie Wicko

Kożdy sołtys tu pod fanom?
We Dni Wicka tako stanom
Bydom sie dziwowac ludzie
W siyrpniu poczet fanow pódzie.

[broneknotgeld]

Aleja Heksow

Alejom Heksow Wicko zodziwi
Fanami sołectw jom uszczyńśliwi
Tako już w piyrszy siyrpnia zapiontek
Blyśnie pomorski ciekawy kontek.

[broneknotgeld]

Fatamorgana?

Niy było we tym fatamorgany
We Sławnie richtig widziołch baktriany
I choć żech był już po sztyrech piwach
Na łoziym pukli mog żech se dziwać.

[broneknotgeld]

Wele Sławna

Wele Sławna richtig Stary Krakow stoji
Możno se w niym ktosik smoka nawet boji
Zoglondnoł żech se tam jo roku łońskego
Dziwowoł chatynkom ze muru pruskego
Kościołowi aże z piytnostego wieku
W końcu tyż do dworka żech doszoł poleku
Dziwne mi se jakoś te miano tu zdało
Możno jednak Wandzie Niymca sie zachciało.

[broneknotgeld]

Ciepło woda

Ponoć w Miyndzyzdrojach nojcieplejszo woda
Dyć i tak zimnawo - tela chca tu dodać
Na fale Bałtyku czynsto trza harciola
Jo łod inkszych jednak nasze morze wola.

[broneknotgeld]

Molo

Molo w Miyndzyzdrojach piyknie łodnowione
Blyszczy jak za Niymca - tym asi sie łone.

[broneknotgeld]

"Promenada Gwiazd"

Ze Hameryki prziszła ta moda
Rynce łodbijać tukej niy szkoda.

[broneknotgeld]

Miyndzyzdroje

Ze Sopotym jakeś "boje"
Dzisioj mynczom Miyndzyzdroje
Bo "Festiwal Gwiozd" przeniyśli
Tam w proficie - tu źle wyszli.

[broneknotgeld]

Wele hotelu "Amber Baltic"

Ciyngym tukej promynada
Choć ło "gwiozdy" jakby zwada
Dyć durś "rynce" widać przeca
Ze polskego kunsztu neca.

[broneknotgeld]

Gabinet kukłow

Kukły ze wosku przirychtowali
Tako se dziwać bydymy dali.

[broneknotgeld]

Oceanarium

Płaszczi muryny żołwie rekiny
Połoglondocie se wszysko driny.

[broneknotgeld]

Muzeum Przirodnicze Wolińskego Parku Narodowego

Tu zoglondniecie tyż we prziroda
Dyć na poczontek bo czasu szkoda
Co nojzocniejsze na tym Wolinie
Niychej wandrusa tako niy minie.

[broneknotgeld]

395 metrow

Tela mo molo - som żech niy mierzoł
Yno "na łoko" joch tymu wierzoł.

[broneknotgeld]

Turkusowe Jezioro

Mo ta wyspa Wolin jeziorko w turkusie
Pamiyntej że werci podziwować mu sie.

[broneknotgeld]

Festiwal Wikingow

Festiwal Wikingow majom we Wolinie
Nojciekawsze we niym som ichnie regaty
Dej pozor jak bydziesz - niych cie to niy minie
Toż bardzi w przeżycia bydziesz zaś bogaty.

[broneknotgeld]

Bory Tucholske

Po Białowieży w Polsce te bory
Toż ludzie w zocy je majom
Choc możno czasym jak muchomory
Dyć przeca ziymi ty pszajom.

[broneknotgeld]

W Borach Tucholskich

Dlo grzibiorza zdo sie raj
Dlo wandrusa łone naj
Zyjman bawi se wesoło
I tyn co mo w zocy koło.

[broneknotgeld]

Brda

Toż na ta rzeka wypłynońc trza
Raj kajakowy to richtig - pra?
W zielonym borze niybiesko szlajfka
We wiosłowaniu trza tu mieć grajfka.

[broneknotgeld]

"Piekiełko"

Wele leśniczowki "Świt"
Brda cie wiedzie zakolami
Wszysko tukej zdo sie git
I te asty nad głowami.

[broneknotgeld]

238 km Brdy

Ponboczek tela doł kajakarzom
Kaj ińdzi ło tym niych se pomarzom.

[broneknotgeld]

W Fojutowie

Kryńci mi se teroz w gowie
Jest akwedukt w fojutowie
Gorom Rzeka - dołym rzeka
Niy trza na zielone czekać.

[broneknotgeld]

Wdom

Wdom do Oder se dopłynom
Toż i bergow tu niy minom.

[broneknotgeld]

Odry

Kryngi ze bergow Odry se majom
Ło downych czasach łone bajajom
Dyć czy ktoś dzisioj umi przeczytać?
Wszysko spokopić i już niy pytać?
Ano - na wieki to tajymnica
Tako łostanie - jo na to licza.

[broneknotgeld]

Goty w Odrach

Som tu kamiynie
Byli i Goty
Kerchof se łostoł
Toż niy gupoty.

[broneknotgeld]

Kryngi

Czym som te kryngi? Nikerym zdo sie
Co w inksze światy przyńść przez nie do sie
Możno świontynia tako prastaro?
Służyła ludziom a niy poczwarom
Kalyndorz? -We nich zamkniony czas?
Z tom teoryjom niy póda w las
Dlo mie zaś znakym siył tworczych som
Ciyngym tu były! Czy jo je mom?

[broneknotgeld]

Już Jagiełło

Już Jagiełło bory chronioł
Ścinać cisy przeca bronioł.

[broneknotgeld]

"Cisy Staropolske" 1827

Stary rezerwat a przeca swojski
Toż patronuje mu Wyczółkowski.

[broneknotgeld]

Chochlik Borowy

Ścieżki grzibiorzom ciyngym łon miyszo
Niyjedyn nudle na niym już wiyszoł
Jak se z grzibami stracioł we borze
Chochlik zło droga zowdy pokoże.

[broneknotgeld]

Latoś żech w Toruniu był
Toż niy byda tego krył.

Chmielno

[broneknotgeld]

Chmielno

Ponoć garcami te Chmielno słynie
We ty kaszubski gryfny dziedzinie.

[broneknotgeld]

U Neclow

U Neclow kołym tako zakryńcisz
I z gliny garnek som se wymynczysz.

[broneknotgeld]

Chmielno słynie

Ze trzech jezior Chmielno słynie
We kaszubski ty dziedzinie
No i tyż Raduni tako
Kto w kajaku tyn niy płako.

[broneknotgeld]

Muzeum Ceramiki Neclów

Dziesiyńć pokolyń garce lepiyło
Stond se muzeum we Chmielnie wziyło.

[broneknotgeld]

29.VII.2007 Mistrzostwa Polski w Zażywaniu Tabaki

Ech - se wiela nakichali!
Tu tabace zowdy pszali
Kto z Kaszubym wygrać może?
Chyba Ślonzok - dej mu Boże!

Węsiory

[broneknotgeld]

Kryngi z kamiyni w Wynsiorach

Z kamiyni kryngi tako kurhany
Poczontkym naszy ery im dany
Taki zabytek kaszubski ziymi
Z archeologym se coś dowiymy.

[broneknotgeld]

Gotow cmyntorz

Tu swojich zmarłych Goty chowali
Kaszubski ziymi tyż cosik dali.

Charzykowo

[broneknotgeld]

Charzykowo

Z jeziorym w zgodzie te Charzykowo
Przeca niy yno mie sie to zdowo.

[broneknotgeld]

Charzykowy 1922

Otton Weiland - kożdy to wiy
Ferajna zyjmańsko
Wyrychtowoł w Charzykowy
Dyć niy yno pańsko

Dziynki niyj ta wioska słynie
Jako i jezioro
We tucholski ty dziedzinie
Chocioż letniom porom.

Chojnice

[broneknotgeld]

Chojnice

Świontynie fosy baszty i bramy
Chojnicom piyrwyj Zakon był dany
Dlo tego miasta znaczoł łon wiela
Urosła przeca przi niymu sztela.

[broneknotgeld]

"Brama Pomorza"

Tako ło Chojnicach prawioł nawet Długosz
Do dzisioj łostało - chyba niy zamrugosz.

[broneknotgeld]

Chojnice - kaszubsko stolica

Stolicom Kaszub - tych połedniowych
Zowiom dyć dzisioj Chojnice
Możno coś wiyncy tukej ktoś powiy
Zocne som to okolice.

Tuchole

[broneknotgeld]

Tuchola

Tuchola choć mało
Z borami jest cało.

[broneknotgeld]

Mury Tucholi

Piyrwyj mocne stoły
Z cegły i granitu
Wojska se ich boły
A dzisioj niy spytom.

[broneknotgeld]

Muzeum Borow Tucholskich

Toż we Tucholi take znojdziecie
Bor wiela znaczy dlo ludzi przecie.

[broneknotgeld]

Na szlaku

Toż jedyn z nojstarszych grodow tu pomorskich
Co na downym szlaku kupieckim se leży
Z Gdańska tyndy wandrus szoł do Wielkopolski
Profit tyż był z tego - możesz mi uwierzyć.

Wdzydze Kiszewskie

[broneknotgeld]

Skansyn

W skansynie folklor
-Niy cołkym minoł
Przeca łon ciyngym
Ze tom dziedzinom.

[broneknotgeld]

Hotel "Niydźwiadek"

Nad jeziorym Wdzydze
Bliziutko skansynu
Hotel se spodoboł
Naprowdy istnymu
Ze krytym basynym
Kortym tynisowym
Wygodom co yno
Prziłazi do gowy
Toż tukej zabowioł
Przez cołke dwa tydnie
I prawioł - Na bezrok
Tyż se mu niy zbrzidnie.

[broneknotgeld]

Prowda we tym richtig bydzie
- co do szczyńścio przidom Wdzydze?

[broneknotgeld]

Bory Tucholskie

[broneknotgeld]

Bory Tucholske

W kaszubske lasy
Ciongnie na wczasy
Runa lesnego ciyngym tu wiela
I dlo rybiorza przezocno sztela
Rzeczki jeziorka w zielonym borze
Czy kajsik lepi być richtig może?

[broneknotgeld]

Na kołach

Na kołach zwiydzać kaszubske lasy
To ci dopiyro som gryfne wczasy.

[broneknotgeld]

Na koniach

Na koniach kusi rajtować borym
Choć czas ku tymu zdo sie niyskory.

[broneknotgeld]

Kajakym idzie

Idzie kajakym zwiydzać dziedzina
Brdom czy Wdom lepi? Coś zrobioł mina?
Niychej mi we tym ktosik poradzi
Jedyn spływ z drugim tako se wadzi.