Ło Wielkopolsce

[broneknotgeld]

Prosioł mie Wielkopolanin
Fraszkom ślonskom sypnońć na nich
Pomaluśku to poleci
Alech zaczoł coś tam klecić.
forum.gazeta.pl/forum/72,2.html?f=67&w=10225394

[broneknotgeld]

Poznańske koziołki

Poznań w zocy mo koziołki
Dobrze że niy yno stołki.

[broneknotgeld]

Poznać Poznań

Poznać Poznań we czi dni?
To sie niy do - kożdy wiy.

[broneknotgeld]

Fraszka wielkopolsko jest jakby ta pyrka
Czy jom łodkopali ze ziymnego wyrka?

[broneknotgeld]

Nowy wontek już se kulo
forum.gazeta.pl/forum/72,2.html?f=67&w=32020595
Ktoś przi niymu cosik fulo?

[broneknotgeld]

Co "nowe" jyż stare
A miało być jare.

[broneknotgeld]

Kej idzie zima, kej chnet Marcina
Wtedy smakuje richtig gyńsina.

Poznań

[broneknotgeld]

broneknotgeld 18.01.2004 10:02 + odpowiedz

TVP Poznań

Ponoć w Poznaniu "vicekwiatkowski"
Rzońdzi tom "wizjom" jak heros boski
W niym "grupy czworga" wielko nadzieja
A jo ze tego yno sie śmieja.

[broneknotgeld]

Ostrow Tumski

Jak żeś jest w Poznaniu toż drogi kolego
Niy możesz łominońć Ostrowa Tumskiego
Tu grod był nojwyrszy za Mieszka I
I tukej łokrzciyli nom ksiyńcia istnego

We katedrze znojdziesz tyż Złoto Kaplica
Kero bizantyjske mo jak gdyby lica
Prochy Mieszka z Bolkym tukej som złożone
Kaj piyrsze we Polsce miejsce poświyncone.

[broneknotgeld]

Na Marcina

W listopadzie na Marcina
Poznań mo wesoło mina
Ze kościoła procesyjo
Nigdy zamku niu łomijo
Przeca przed niym festyn wielki
Dlo karlusa i dlo frelki

Ston se wziyło że co roku
W siyrpniu wiyncy poznaniokow
Na tyn boży świat sie rodzi
Dyć w Marcina pszoć nom godzi.

[broneknotgeld]

Kaplica Dombrowki

Mioł we Poznaniu mieszko swoj pałac
Z niym tyż Dombrowka tu była
W archeologa podobnoś gałach
Jeji kaplica "stanyła"

Som fundamynty durś pod kościołym
Tu krzest princ przijoł ze świtom?
Toż niy łodszczekom tego pod stołym
-Jo yno tako se pytom.

[broneknotgeld]

Kościoł Nojświyntszy Maryji Panny (1448)

Toż wiekow pora w tym miejscu stoji
Durś tu łostatnio coś kopiom
Archeologow łon se już boji
Dyć chyba go niy "utopiom".

[broneknotgeld]

Katedra poznańsko (1000)

Kaj baptyserium za Mieszka było
Katedra drapko stanyła
Krotko se piyrszy tako kryńciyło
Szczyńściym co drugo zaś była.

[broneknotgeld]

Drugo katedra

A dyć romańsko katedra drugo
Jako świontynio niy stoła dugo
W czinostym wieku trza było stowiać
Za czecim razym kościoł łod nowa.

[broneknotgeld]

Czecio katedra (1243)

Toż se we gotyk już łoblykała
Ździybko to trwało niym wykończyli
Dyć i z wiekami tako zmiyniała
Że jom barokym w końcu łokryli.

[broneknotgeld]

Gore! (1945)

Krasnoarmiejcy Poznań zdobyli
Szoł z niymi razym łogyń zniszczynio
Tako i kościoł "pod" we ty chwili
Ruina jednak woło sumiynio

Toż trza sie zabrać za łodbudowa
Myni baroku wiyncy gotyku
Poznań katedrom blyszczy łod nowa
Dobrze sie stało i za to rzykom.

[broneknotgeld]

Złoto Kaplica

W katedrze tako Złoto Kaplica
W niyj groby Mieszka i Bolesława
Zdo sie - w Bizancjum zoglondosz lica
-Na władcow kerych czekała sława.

[broneknotgeld]

Ostrow Tumski

Se połoglondosz tukej na raty
Kanonie tako i wikariaty
We nich historio przeca zamkniynto
Godo nom cosik - dyć kto spamiynto?

[broneknotgeld]

Pałac arcybiskupi (1404)

Toż stoji tukej już szejset lot
Choć wiela razy miyniony
Poznań ze niego ciyngym jest rod
Tako i wszyscy go momy.

[broneknotgeld]

Za Cybinom

Łod katedry za Cybinom
Tu Ostrowka niy łominom
Sie łostała droga ino
Co grod downy przipomino.

[broneknotgeld]

Cybina

Ano toż tako Warty łodnoga
Za niom Ostrowek - przed "sztela Boga".

[broneknotgeld]

Ostrowek 1444

Władysław Warnyńczyk zdonżoł go lokować
Niym na inkszy ziymi prziszło mu dać gowa.

[broneknotgeld]

Nojmyńszy?

Richtig Ostrowek miastym nojmyńszym?
Polski krolewski - grod kożdy wiynkszym?

[broneknotgeld]

Śródka

Piyrwyj Ostrowek ta Śródka wziyła
"Osobny fiyrtel" -łabość czy siyła?
Smykać po nocy sie tam niy byda
Coby niy naszła mie jakoś biyda.

[broneknotgeld]

Grod Śródka (XIII-XVIII w.)

Grod wyrosnoł taki ze stary osady
Dyć dzisioj dzielnica - ano niy ma rady
Poznań wiela rosnoł w dziewiytnostym wieku
Toż i Śródka capnoł - wiydz ło tym czowieku.

[broneknotgeld]

W Śródce

Ano sie łostoł i rynek nawet
Ciyngym miasteczko z tego jest prawie.

[broneknotgeld]

Kościoł św. Małgorzaty

Wiek sztyrnosty nań już blikoł
Toż gotykym durś se asi
Zocny czowiek tukej rzykoł
Bestoż ciyngym Śródka krasi.

[broneknotgeld]

"Komandoria" (XII-XIII w.)

Cega ci sie ciepie w łoczy
-Joannitow tako sztela
Mieli wtedy wiyncy mocy
-Rokow kościoł liczy wiela.

[broneknotgeld]

Kościoł św. Jana Jerozolimskiego

"Komandoria" - zowiom tako
tyn romański kościoł z cegły
Czy ktoś tukej jeszcze płako
że krucjaty cołkym legły?

[broneknotgeld]

Poznań 1253

Przemysł I go lokowoł
Tam kaj Warty brzeg jest lewy
Zdo sie grod z tym nowy stowioł
Tref mu sprzijoł - to niy plewy.

[broneknotgeld]

"Makieta Poznania"

Wele rynku tu w klasztorze
Połoglondosz se to dziwo
Na makieta blikać możesz
Stary Poznań - tako bywo

Kamiynice i kościoły
Toż te cudo jakby nosi
Czy przi tymu żeś wesoły?
Poznań tako kunszt swoj głosi!

[broneknotgeld]

Ratusz w Poznaniu

Wpiyrw był gotycki
Dyć Włoch go chycioł
W szesnostym wieku
Tako "uklycioł"
Że se terozki
Wszyskim wydowo
Co to perełka
Renesansowo.

[broneknotgeld]

Jan Baptysta Quadro

Toż kunszt w Poznaniu pokozoł tako
Gotyk skiż niego pewno zapłakoł
Dyć ratusz blyszczy renesansowo
Fasada aże w czech sztokach stowo.

[broneknotgeld]

W Wielki Siyni

W Wielki Siyni ratuszowy
Czeko na cia zawrot gowy
We gipsdeka tako blikej
I po cichu możno rzykej

Mitologio i biblijo
Kunszt artysty tako zmiyszoł
W renesansie niy mecyjo
Ratusz tako dobrze wyszoł.

[broneknotgeld]

Do drugi wojny

Do drugi wojny w poznańskim ratuszu
Magistrat siedzioł - dyć kaj idzi ruszoł
Bo przeca po wojnie muzeum se wkludzi
Kunszt ze historyjom w poznaniokach budzi.

[broneknotgeld]

Muzeum Historyji Miasta Poznania

Ano muzeum dzisioj w ratuszu
Szkryflać by wiela - zabraknie tuszu
Koziołki dali se tu trykajom
Ty szteli zocny wszyscy tyż pszajom.

[broneknotgeld]

Pryngiyrz 1535

Toż ciyngym łon stoji se wele ratusza
Czeko na te czasy w kerych trza go ruszać?

[broneknotgeld]

"Domki budnicze"

Kamiyniczki sklepikorzy
Gyszefciorzy roztomajtych
Rynek z niymi wiela woży
Toż niy szukej bele kaj tych.

[broneknotgeld]

Stary Rynek 1945

Wiela uciyrpioł w zimowe dni
Łodbudowany - toz kożdy wiy
Dyć tu po wojnie ruina była
Dzwigli bo Poznań ciyngym mo siyła.

[broneknotgeld]

Staromiejske kamiynice

Ciyngym sie aszom tom secesyjom
Abo i starszom kunsztu "mecyjom".

[broneknotgeld]

Katedra poznańsko

Ze wojynnych zniszczyń se wykurowała
Zowdy co nojlepsze grodowi dowała
Toż tako i dzisioj sie asi wieżami
Poznaniokom godo - "Niy som żeście sami".

[broneknotgeld]

Katedra śś Pyjtra i Pawła

Pyjter i Paweł jak wieże jyj
Toż do Ponboczka porzykać chciyj.

[broneknotgeld]

Głowny ołtorz katedry (1512)

Z Gory Ślonski przeniesiony
Tako Poznań krasi
Ślonskim kunsztym wyrzeźbiony
Gotyku niy gasi.

[broneknotgeld]

Kaplica Nojświyntszego Sakramyntu

Toż ze downych czasow familijo Górków
Zdo sie pomiyszkuje katedry kaplica
Dyć niy zaśpiywajom tu wiernym we chórku
Już se niy łosiejom nawet istnych lica.

[broneknotgeld]

Kaplica św Marcina

Łobroz ze legyndom Marcina znojdziecie
Co patronym tako Poznania na zowdy
Płotno namalowoł Boguszewski przecie
W siedymnostym wieku zrychtowoł - naprowdy.
-
forum.gazeta.pl/forum/71,1.html?f=28940

[broneknotgeld]

Kaplica św Marcina

Łobroz ze legyndom Marcina znojdziecie
Co patronym tako Poznania na zowdy
Płotno namalowoł Boguszewski przecie
W siedymnostym wieku zrychtowoł - naprowdy.

Toż se niy dziwejcie co Wazow widzicie
Przeca i ze kunsztym idzie pofolgować
Ano - take zowdy już te nasze życie
Władza chce by cosik tyż łod sia jyj dować.

[broneknotgeld]

Wzgorze Przemysła

Na wzgorzu piyrwyj przemysła zamek
Stoł i dzielnicy tako przewodzioł
Dzisioj muzeum kunsztu tu dane
-Użytkownikom łon niy zaszkodzioł.

[broneknotgeld]

Muzeum Sztuk Użytkowych

Kunszt w czymś zdo sie do roboty
Ano blikej - niy gupoty.

[broneknotgeld]

Jarmark Świyntojański

Na Starym Rynku zowdy te świynto
Balanga przidzie - toż przeca wiym to.

[broneknotgeld]

"Świynty Marcin"

Wele kościoła pod tym wezwaniym
Osada rośnie prawie z Poznaniym
Tako już było w wieku dwunostym
Toż świynty Marcin pokłod te mosty
Kere siyngajom we tysionclecie
Co nom se kulo - ano te trzecie.

[broneknotgeld]

Marcinowi richtig pszajom
forum.gazeta.pl/forum/72,2.html?f=67&w=71817257
Ło tym przeca jo niy bajom.

[broneknotgeld]

Świyntojańske rogaliki

Koń łod Marcina podkowa stracioł
Tako biydota tym ubogacioł
Na jeji muster rogalik momy
Kery głodnymu ze serca domy.

[broneknotgeld]

Trza se cieszyć

Z "Armji Czerwony" juzaś "Marcina"
Tako se cieszy pyrow dziedzina.

[broneknotgeld]

Poznań 1.VIII.1719

Piechty ze Bamberga aże tu trefiyli
Tako ze Poznaniym zocnie ugodziyli
Luboń już im domym - ziymi dali wiela
Na muster bamberski se dźwignom ta sztela.

[broneknotgeld]

Skiż złego poczontka XVIII wieku

We wsiach podpoznańskich ludzi brakowało
Skiż wojny połnocny prawie tako stało
I epidymiji - cholera kosiyła
Toż władza Poznania tako rozgłosiyła
Co szukajom ludzi by tu łosiedlyli
Ziymia sie im nado by gospodorzyli
Przi tym drzewym, ziorniym Poznań ich wspomoże
Do ulga w podatkach, a dali - Szczyńść Boże
Trza tym co sie zjawiom dyć jedno tyż wiedzieć
Kej żeś jest katolik - możesz w Polsce siedzieć
Tako August Mocny rozporzońdzioł przeca
Kery inkszy wiary - tu niy znojdzie pieca.

[broneknotgeld]

500 bambrow 1753

Toż tela już wtedy ze Rzeszy trefiyło
Luboń, Dymbiec, Bonin tako zasiedlyło
Trefisz ich w Winiarach, Ratajach, Jeżycach
We Wildze, Gorczynie - bambrow okolica.

[broneknotgeld]

Spodnica bamberki

Niy yno morszczono, dyć podwatowano
Jakby na trzi kołdry rzić jyj łocieplano
Ruby wałek w gurcie istny dołożyli
Kej szyrszo łod spodu - bardzi tym asiyli.

[broneknotgeld]

Bamberki korale

Ze trzi sznory - tako styknie
Kej krziż przi nich - richtig piyknie.

[broneknotgeld]

Świynto Bamberske 1.VIII

Ferajna bambersko ze tym dniym świyntuje
A dyć cołki Poznań prawie tyż raduje
Kej dynkmal Bamberki kwieciym łobstrojony
Na bioło-czerwono spiż jest łobleczony
Stary Rynek tako blyszczy tradycyjom
Ech, bamberskich czasow tukej niy ukryjom.

[broneknotgeld]

Towarzystwo Bambrow Poznańskich 1996-2011

Piytnoście rokow ferajna rośnie
Ze niom w Poznaniu bardzi radośnie
Dusz w niyj zrachujesz ze ćwierć tysionca
Dyć co bamberske niy mo tu końca.

[broneknotgeld]

Odznaka "Złoto Bamberka"

Kery co bamberske zowdy wiela wspiyro
Erbnie ta odznaka - a to ci dopiyro!

[broneknotgeld]

Bamber w XIX wieku

A dyć sie drap Bambry poznańske spolszczyli
Toż w nastympnym wieku jako bambry żyli
Jako gospodorze co na morgach siedzom
Zocnie gospodarzom, co grosz dobry wiedzom
Yno w tradycyji, kulturze łostało
Cosik ze Bamberga, choć zdo sie już mało.

[broneknotgeld]

Skiż Kościoła

Skiz Kościoła Bambry drapko przi Polsce stanyli
Skuli wiary, mszy, farorza fest do Polski lgnyli.

[broneknotgeld]

Ciynżko było

Ciynżko bambrom richtig było
Za Bismarcka prawie
Dyć Hakata im niymiło
Kulturkamp- bezprawie.

[broneknotgeld]

Przi powstańcach

Przi powstańcach wielkopolskich
i bambry stanyli
Przeca duch ich już boł polski
-za tym tako byli.

[broneknotgeld]

Chnetko 300 rokow

Chnetko 300 rokow
z Bambrow poznanioki
Kej sie skuplowali
ze nich niy boroki.

[broneknotgeld]

Prawiom

Prawiom co łod Bambrow poznaniok wzioł wiela
Robotność i zocność. Richtig aże tela?

[broneknotgeld]

Dynkmal Bamberki

Dynkmal Bamberki na Starym Rynku
Zdo sie ta frela wcale niy miynkom
Nosidło trzimie prawie na plecach
Dwie konwie z wodom - coś ło niyj skleca

Ano - przi studni se istno stoji
Ze przodka koni już nikt niy poji
Ze zadku ludziom loła sie woda
Piyrwyj to było - dzisioj niy - szkoda.

[broneknotgeld]

Dynkmal Bamberki 1915

Ano - wystowiyli jyj dynkmal spiżowy
Chocioż Rynek Stary łon tu prawie nowy
Goldenringi fundli - winym handlowali
Tymu co bamberske we Poznaniu pszali
Weckerle se kunsztum żeźbiorskim poasioł
A dyć dynkmal richtig poznaniokom pasioł.

[broneknotgeld]

Jadzia Gadymska

We winiarni Goldenringa istno mo robota
Mustrym tako do dynkmala - dyć to niy gupota.

[broneknotgeld]

Zagroda Bambersko

Zagrodzie Bamberski we Poznaniu pszajom
Dyć richtig po bambrach jom prawie tam majom.

[broneknotgeld]

broneknotgeld napisał:

> Zagroda Bambersko
>
> Zagrodzie Bamberski we Poznaniu pszajom
> Dyć richtig po bambrach jom prawie tam majom.
zagrodabamberska.pl/

[broneknotgeld]

Bamberka w kornecie

Bamberka w kornecie zowdy pannom była
Dyć przeca wydano gowa w czepcu kryła.

[broneknotgeld]

Kornet bamberki

Sztucznym kwieciym ukwiycony
Na ta frela w niym zyrkomy.

[broneknotgeld]

Gyńś upiekom?
palcelizac.gazeta.pl/palcelizac/56,110783,10603939,Gesina_na_sw__Marcina.html
Sie doczekom?

[broneknotgeld]

Wieści ponoć doszły świyntego Marcina
www.dziennikzachodni.pl/stronaglowna/468777,gdzie-mozna-dobrze-zjesc-ranking-restauracji,2,6,id,t,sm,sg.html#galeria-material
Że we "Złoty Gyńsi" nojlepszo gyńsina.

[broneknotgeld]

Marcin dzisioj wszyskim darzy
Co sie prawie wom zamarzy.

[broneknotgeld]

Poznań, Krakow, coś z Wrocławia
gazetacodzienna.pl/artykul/turystyka/cieszynski-rozowym-most-nowym-miejscem-spotka-zakochanych
Jo sie już w to niy zabawia.

[broneknotgeld]

Poznanioczka ze niyj zrobiom?
wiadomosci.gazeta.pl/wiadomosci/1,114871,13555672,Najnowsza_biografia__Angela_Merkel_ma_polskie_korzenie_.html
Tako w Niymcach jyj nazgobiom?

[broneknotgeld]

Dyć czego chcecie?
Sie piyknie plecie.
wiadomosci.gazeta.pl/wiadomosci/1,114871,13607990,Dziadek_Angeli_Merkel_byl_w_armii_Hallera__Walczyl.html

[broneknotgeld]

POZNAŃ

Województwo wielkopolskie
miasto na prawach powiatu
---
Powierzchnia: 261,91 km2
Liczba ludności: 546503
Pierwsza wzmianka historyczna: Kronika Thietmara
Nadanie praw miejskich: 1253
---
Bazylika Archikatedralna św. Piotra i św. Pawła - XIV/XV w.
--------------
Poznań

Na Ostrowie Tumskim grōd mieli Polany
Ze czasym łōn Piastōm bōł cołkym poddany
Pogańsko gōntyna we kōńcu zbulyli
Kej Mieszka, ich princa, w krzcielnicy łobmyli

Stoł Poznań drap sztelōm biskupa Jordana
Sie już znakym krzyża budziōł zowdy z rana.

Kórnik

[broneknotgeld]

XIV wiek

Wyszota se zamek w Kórniku postawioł
Tukej pomiyszkiwoł i u brata bawioł
Kery we Poznaniu biskupa mioł stolec
Ale i Wyszota przeca niy był golec.

Zamek pryndko stanoł solidny i zocny
Panisko wiedziało że we niym jest mocny
Wieże mioł solidne - mog sie dugo bronić
Jakby wrogom chciało sie aż tu zagonić.

[broneknotgeld]

XV wiek

Za Górków tyn Kórnik fest sie rozbudowoł
Mikołaj piniondza na to niy żałowoł
Dołożyli krzidła miyszkalne mu dwa
Wieża, most zwodzony, urosnoł fest - pra?

[broneknotgeld]

XVI wiek

Choć było już piyknie - wszysko pozmiyniali
Postawiyli nowe - stare łozebrali
Dwa krzidła terozki paczały na siebie
Tela sie zmiyniyło we kórnickim "niebie".

[broneknotgeld]

XVII wiek

W siedymnostym wieku wiela sie tu dzioło
Co rusz to inkszego panoczka prziwioło
Nałyncze z Czarnkowa po Górkach go mieli
Potym Grzymalici rzońdziyli w tyj szteli
W końcu do Działyńskich przeszoł Kórnik cały
We tyj Wielkopolsce rod to był niymały.

[broneknotgeld]

1574

Walezego tukej Stanik Górka gościoł
Dyć pewnikym potym za to ciynżko pościoł.

[broneknotgeld]

Kórnicko poczta

Poczta we Kórniku tyż jest zabytkowo
To wiek łoziymnosty? - Abo mi sie zdowo.

[broneknotgeld]

Ichni kościoł

Kościoł we Kórniku to tyż Górkow sprawa
Łoni fundowali ta świontynia zocno
Mieli przeca tukej właścicieli prawa
I chcieli by miasto czimało sie mocno

Bestoż kościoł stanoł we piytnostym wieku
W gotyk łobleczony - czi nawy mioł piykne
Po sztyrystu latach spoloł sie czowieku
Dyć łodbudowali - tela szkryfnońć styknie.

[broneknotgeld]

Kurnik? - dyć tam miyszko kura!
Kórnik? A! To miasto! Hurra!

[broneknotgeld]

Połowa XIX wieku

We remont Kórnika Działyński se wprzongnoł
Co yno pomyśloł to przeca osiongnoł
Zaś zamek rozkwitnoł - był wiek dziewiytnosty
Tyn gotyk angielski - styl zocny niyprosty.

[broneknotgeld]

Fundacjo "Zakłady Kórnickie"

Co łonczy Kórnik ze Zakopanym?
- Tyn tymat przeca dobrze jest znany
Jak Jan Działyński pomarł bezdzietnie
(Bywo - kostucha rod jakby przetnie)
To dobra jejich Zamoyski wzioł
Kery tyż panym w Zakopcu boł
- Dyć łon założoł zocno fundacjo
Pedzioł: "To wszysko mo teroz nacjo".

[broneknotgeld]

Arboretum

Łod downa łogrod był tu przi zamku
Włoski nojpiyrwyj francuski potym
W końcu angelski park powstoł sam tu
Działyńscy ze tym mieli roboty

Szczyńściym to było ich łoczko w gowie
Drzew ściongli tukej rożniste sorty
Dzisioj sie wiela tym cieszy czowiek
W Polsce tyn park jest nojwiyncyj worty.

[broneknotgeld]

Kórnicki zamek

Kórnicki zamek fosa łoblywo
Czy bioły damie ktoś sie tu dziwo?
W sali jadalny jyj łobroz prawie
Kej jom uwidzisz czy śnik na jawie?

[broneknotgeld]

Teofila z Działyńskich Szołdrska-Potulicka

Kej sie ta siyrota dość drapko wydała
Paniom na Kórniku zarozki łostała
Nic co chop chnet pomarł - łona gospodarzy
Dziedzina rozblysko jako jyj sie marzy
Nic co Polska cołko idzie w zatracynie
Kej Kórnik rozkwito - spokojne sumiynie
Nic co wdowa biere se Potulickiego
Majontek mu w gowie? Pozbyła istnego!

[broneknotgeld]

Bioło Dama

Czamu Teosia durś sie tu kryńci?
Dyć Potulicki już jom niy nyńci
Szajdong ze istnym drap ofyn wziyła
Kej prowda ło niym cołko łodkryła

czamu durś straszy w sali jadalny?
Ze niom i przez nia tyn Kórnik fajny
Prawiom co szuko jakegoś szaca
Spokopić idzie - jo niy łonacza.

[broneknotgeld]

W Sali Jadalny

W Sali Jadalny herby znojdziecie
Kej yno na wiyrch se tam blikniecie
Czy dyć dowiycie jaki herb nosi
Szac kery szuko w nocy Teosi?
Bestoż tyż istno złazi z łobroza?
Łoj, ło połnocy byc tu niy woża!
Niych co chcom swoje duchy pochajom
Kej sie po śmierci ciyngym fest pszajom.

[broneknotgeld]

Myśliwski Zakontek

Niyjedyn feszter by sie ucieszoł
Niyjedyn bez to mozno i zgrzeszoł
Rogow jelyni tukej dość wiela
Na gon! -Jak piyrwyj czy woło sztela?

[broneknotgeld]

Sala Mauretańsko

Kórnik jak Alhambra zdo sie!
Czy cieszyło to Teosie?

Śrem

[broneknotgeld]

Na eku Warty miasto Śrym leży
Po łobu stronach tyj rzeki
Gorka we parku - możecie wierzyć
Nojstarsze przikrywo wieki.

[broneknotgeld]

Co tu momy? Dyć - ło rany!
W Śrymie widza Jeziorany.

Gniezno

[broneknotgeld]

Historyjo uczy co te pra-Poloki
Tukej sie gnieździyli - to byli Gnieznoki.

[broneknotgeld]

Wzgorze Lecha

Na Wzgorzu Lecha gniazdo być miało
W niym oreł chowoł pisklynta
Prowda - czy możno sie wydowało?
Dyć trza tyż ło tym pamiyntać.

[broneknotgeld]

A możno...

A możno Gnieznym zwali jezioro
Co grodu kedyś broniyło
Dojść tego dzisioj już za niyskoro
Czasu za wiela minyło.

[broneknotgeld]

Siedym gorek

Na siedmiu gorkach Gniezno powstało
Ciynżko je dzisioj zrachować
Ze Romom tyż sie przeca to stało
Jo sie już przestoł dziwować.

[broneknotgeld]

1000

Do Gniezna zajechoł cysorz Otton Czeci
Bliknoł że nad grodym bioły oreł leci
Bolesław szykownie gościoł go u siebie
Nikierzy myśleli co som jakby w niebie

Gniezno? Dyć niy wiymy - czy stolicom było?
Czy yno skiż blasku swego władcy żyło?

[broneknotgeld]

Korony piyrszych Piastow

Nojpiyrsze korony te Gniezno widziało
Bestoż trza to szkryfnońć - stolicom sie zdało
Szczyńściym we niym gora polskego Kościoła
I opatrzność Bosko przeca tukej stoła.

[broneknotgeld]

"Europa Ducha" 12-14.III.2004

Zjazd Gnieźnieński nowy bydzie
Niym ta UE tukej przidzie.

[broneknotgeld]

Gnieźniyńske jarmarki

Sztyry w roku jarmarki tu sie łodbywały
Dyć przez pora tydni łone sie kulały
Bez niych by niy było tukej za wesoło
Miasto przi tych torgach richtig dobrze stoło.

[broneknotgeld]

Stolica wojewodztwa

Tako ranga miało za Poniatowskiego
Wiela sie tu wtedy cieszyli ze tego
Ze drugim rozbiorym jednak sie skończyło
Po prowdzie trza pedzieć - na wyrost to było.

[broneknotgeld]

Piwowarzy

Kto we Gnieźnie miyszkoł mog te piwo warzyć
Inksi ło tym prawie yno mogli marzyć.

[broneknotgeld]

Gniezno 1872

Jak cug sam dojechoł Gniezno zaś rozkwitło
Ździybko przeca biydy przi tymu sie wytło
Cołke Prusy rosły na frankach we złocie
Ze wygrany wojny i tu cosik mocie.

[broneknotgeld]

Germanizacjo

Kożdy kij dwa końce jednak zowdy mo
Na siyła niymczynie to już yno zło.

[broneknotgeld]

1925

Fundli pomnik tukej Bolkowi Chrobrymu
Stanoł przi katedrze w swojim majestacie
W rochnica nadanio korony łonymu
Dyć to niy szczimało drugi wojny bracie.

[broneknotgeld]

"Dziekanki"

Tukej w drugi wojnie tragedio sie stała
Wybiyli psychicznych w całości bezmała.

[broneknotgeld]

Gniezno - Koszalin

"Gniezno - Koszalin" ciekawo sprawa
We tym komuny była "zabawa"
Z Gniezna rzońdziyli we Koszalinie
Przed wojnom inkszy przeca dziedzinie.

[broneknotgeld]

Pomnik Bolka

Bolesław Chrobry jak stoł tak stoji
Choć drugi niy szczimoł wojny
Teroz niczego już sie niy boji
Może być ło sia spokojny.

[broneknotgeld]

Gnieźniyńsko Katedra

Kościoł co tu stanoł piyrszy
Już se przeca stol nojwyrszy
Z niego ta katedra była
Dyć se pryndko wypolyła

Chrobry nowo zaroz stowioł
Łon na darmo niy zabowioł
Ło koronie myśloł przeca
Tu jom wzioł do swego neca

Czechy kościoł zaś zniszczyli
Za Ślonsk tako se pomściyli
Trza Śmiałego czekać było
By łod nowa coś ruszyło

Stanyła już po roz czeci
Dyć sie pożar pryndko nieci
I Hermana teroz gowa
W tym by stowiać jom łod nowa

Jakoś Władek se poradzioł
Z Bogym ło to niy powadzioł
Styl romański - nawy czi
Kościoł stanoł - to sie wiy

Świontyni fundamynt cały
I dźwiyrza co sie łostały
Wpisali potym we gotyk
Piyńć kościołow - huk roboty.

[broneknotgeld]

Gniezno

Choć Gniezno prawi -"W herbie Go niy mom"
Na polski "drodze" być przeca musi
Tyż pofolguja przi tymu rymom
Kej wyna yno ku tymu skusi.

forum.gazeta.pl/forum/w,28940,159088554,159088554,Ze_Drogi_Swiyntego_Wojciecha.html

Wenecja

[broneknotgeld]

Wenecja

Toz do Wenecji teroz se blikom
Co spino aż czi jeziora
Możno przi tymu trocha porzykom
Bo z "djobelskego" tyż wora.

[broneknotgeld]

Djoboł Wenecki

Djoboł Wenecki - znocie istnego?
Pewno za dusza rzykocie jego.

[broneknotgeld]

Czi jeziora Wenecji

Biskupicke Wenecke i Skrzynka
Trza by tu pozyjmanić se kszynka.

[broneknotgeld]

Bez gondoli!
Ktosik smoli?

Kalisz

[broneknotgeld]

Kalisz

Łoziymnoście wiekow ty szteli rachujom
Czy ze Rzymianami se tu tyż fajrujom?

[broneknotgeld]

Prosna

Kaj płynyła zowdy prosna
Kalisz pedzioł - Tu wyrosna!

[broneknotgeld]

Na szlaku

Na starym szlaku co skiż jantaru
Kalisz niy zdowoł sie "nocnom marom".

[broneknotgeld]

Kaliskie Spotkania Tyjatralne

Z poczontkym maja tyjater kwitnie
Niy yno ciyngym kasztany
Czy na kaliski muster kto przitnie
Dlo Melpomyny nom ramy?

[broneknotgeld]

Starowka kalisko

Mozno to keregoś dziwo
Se Starowka w park tu zlywo
Dyć był przeca piyrwyj wdycki
Łogrod - tyn pojezuicki.

[broneknotgeld]

Już w XVI wieku

Juz w XVI wieku łogrody tu były
Kere sie ze czasym w piykny park zmiyniyły
Tako i do dzisioj Kalisza łokrasom
Bestoż blokowiska jakoweś niy straszom.

[broneknotgeld]

33 mosty

Prosna i kanały w kaliski dziedzinie
Bestoż tyż mostami ta sztela nom słynie.

[broneknotgeld]

Most Kamiynny 1824

Nojstarszy w Kaliszu
Spino brzegi Prosny
Że klasycystyczny
Toś na niym radosny.

[broneknotgeld]

Kalisz VIII.1914

Niymiecke kanony z ziymiom go zrownały
Jako sie podźwignońć mog ze tego cały?
W co pocisk niy trefioł to sie wypolyło
-Dziesiyńć razy myni ludzi potym żyło.

[broneknotgeld]

Łodbudowa 1919-1939

Ze gruzow se Kalisz podźwignoł łod nowa
We dwudziestoleciu wielko łodbudowa
Niywiela znojdziecie bestoż tu starszego
Dyć trza sie radować ze miasta "nowego".

[broneknotgeld]

Kościoł oo.Franciszkanow

Kościoł Franciszkanow kalisz ciyngym zdobi
Z czinostego wieku aże tako robi
Chocioż wiela razy przebudowywany
Przeca nim do dzisioj ku radości dany.

[broneknotgeld]

Głowny Rynek

W środku ratusz stanoł piyknie
Dziesiyńć ulic stond wyłazi
Kaliszowi tako styknie
Dyć gryfności nic niy skazi

Życie se tu ciyngym kulo
Latym zowdy jest muzyka
Toż niy byda przeca fuloł
Przijedź żdziybko se pobrykać.

[broneknotgeld]

Ratusz - 1925

Ano - z tym rokym wybudowany
Kalisz kurowoł wojynne rany
Dyć ratusz drapko na rynku stowio
Klasycystyczno szata mu sprowio.

[broneknotgeld]

Z ratuszowy wieży

Mom w portmaneju czi złote mniyj
Toż z wieży wołom - Kaliszu żyj!
I panoramom zochwycej swom!
-Za to co roku te złotki dom.

[broneknotgeld]

Festiwal "La Strada" w Kaliszu

Na ulicy z tym tyjater
Zowdy w czyrwcu rychtowany
Szumi ło tym ponoć wiater
Że co roku jest udany.

[broneknotgeld]

Piwnica Ratuszowo

"Złote udko" zjym, popija
Dobrym biyrym - wiym że żyja!

[broneknotgeld]

Piskorzewsko

Richtig ciynko jako piskorz
Piechty se tu yno wciskosz.

[broneknotgeld]

Zamkowa 1838

Tako na Zamkowy se Asnyk urodzioł
No i po ty drodze we młodości chodzioł.

[broneknotgeld]

Zamkowo

Jak jest Zamkowo - zamek być musi
Fundamyntami yno pokusi
Bo już łod downa go przeca niy ma
Zgorzoł tu piyrwyj - godo ta ziymia.

[broneknotgeld]

Złoto

Dzielnicom żydowskom kedyś se asiyła
Dyć jom skuli wojny na zowdy straciyła.

[broneknotgeld]

W dziewiytnostym wieku

Stolica guberni w tych czasach fest rosła
Do znaczynio tako dość wielkego doszła
Przemysł se rozwijoł kontrabanda tyż
Prusy cołkym blisko - przeca ło tym wiysz.

[broneknotgeld]

Katedra kalisko

Z czinostego wieku kościoł tukej stoł
Kery Mikołaja za patrona mioł
Wyrosnoł z gotykym choć muster miyniony
Czynsto po pożarach bywoł łodnowiony
Tako se w niym style roztomajte zloły
Dzisioj możno bydziesz ze tego wesoły.

[broneknotgeld]

Katedra gore! 1706

Ano - skiż pożaru aż wieża sraciyła
Nowo w neogotyk se już łobrociyła.

[broneknotgeld]

Katedra gore! 1973

"Zdjyńcie z krziża" se spolyło
Co Rubynsa pyndzla było
Toż zubozoł kościoł tako
Juz niy bydzie z tym jednako.

[broneknotgeld]

Kaplica "Pod Orłami"

Secesjom zdobiono kunsztym Tetmajera
Kery polichromio tukej wyrychtowoł
Zodziwio gryfnościom czowieka i teraz
Tyż witroż niyjedyn we pamiyńci stowo.

[broneknotgeld]

Nowy Rynek

Handlym i gyszeftym żyje
Ze tym wcale se niy kryje
Torg jest tukej cołki tydziyń
Witej gościu - na "dobry dziyń".

Gąsawa

[broneknotgeld]

Gonsawa 1227

Prince piastowske tu fajrowali
Dyć im niy wszyscy przeca tyż pszali
Świyntopełk Gdański se prziwarowoł
Łeszka Biołego łon zamordowoł.

[broneknotgeld]

Gonsawa 1927

Princ ze strzałom cołkym bioły
Dynkmal stanoł niywesoły
Dzisioj tyż go tukej widać
Lepszy rym trza ło tym by dać.

[broneknotgeld]

Wele Gonsawy

Wele Gonsawy znojdziesz jeziora
Łone pałuckie som niy łod wczora
Kajak se przido coby popływać
I na prziroda gryfno podziwać.

[hiszna]

O Wielkopolsce fraszką?
To jak prosiaka kaszą nadzianego z jabłkiem w pysku,
podnieść wykałaczką.

[broneknotgeld]

Skiż Marcina
forum.gazeta.pl/forum/72,2.html?f=67&w=71817257
Jym gyńsina.

[broneknotgeld]

Za rogalika
forum.gazeta.pl/forum/72,2.html?f=67&w=71835890
Niy bydom klikać.

[hiszna]

Mój głos już dawno mają.
Dobitnie mi to wypominają.

[broneknotgeld]

Rymym se bawisz
Jako to prawisz?

[hiszna]

Głosowałam na Bronka,
i nadal głosuję.
A oni mi na to,
że mogę sobie pedzieć,
"już sobie dziękuję"
Głos oddany, głos zapisany.

[hiszna]

Zbiłeś mnie z pantałyku
i zapomniałam o poznańskim wierszyku.

[hiszna]

Innym razem opowiem Wam,
gdzie tu się do rana można z fantazją zabawić
i jaki koniecznie szlak po Poznaniu w pamięci zostawić.

[hiszna]

Jak się uczepię jakowejś myśli,
to nie odpuszczę, nawet nocą mi się przyśni.

[hiszna]

A myśl teraz moja jest taka,
że tu chcę pisać o Poznaniakach.

[hiszna]

U nas w domu w ten dzień,
też zawsze pachniała gęś.

[hiszna]

Ale zmiana szybko tu bieży,
skuli młodzieży.

[hiszna]

Stare dzieje już prawisz.
Dzisiaj Marcina Święto.
Na tej ulicy się świetnie zabawisz,
bo „nową tradycję” w mieście przyjęto.

[hiszna]

Możesz rogala marcińskiego zjeść.
Ale jego jeść nie chce nawet mój pies.

[broneknotgeld]

hiszna napisała:

> Możesz rogala marcińskiego zjeść.
> Ale jego jeść nie chce nawet mój pies.
Mie to niy dziwo
Psa sie niy kiwo.

Świebodzin

[broneknotgeld]

Kejś w Świybodzinie
wyborcza.pl/1,75248,8623346,Najwiekszy_na_swiecie_Chrystus_juz_gotowy_.html
To niy łominiesz.

Krobia

[broneknotgeld]

KROBIA
Województwo wielkopolskie, powiat gostyński
gmina miejsko-wiejska
---
Powierzchnia: 7,05 km2
Liczba ludności: 4060
Nadanie praw miejskich: 1286
---
Brak kościoła pw. Św. Pawła
------------
Krobia

Prawiōm co Chrobry grōd tu zbudowoł
Kasztelan Piastōm ciyngym sługowoł
Dyć go Przemysław wysłał do Karca
Krobia biskupōm wraziōł do garca

Miasto rozkwito we „Biskupiźnie”
W to i Łokietek przeca niy piźnie
I princ Głogowa kej Gostyń trzimoł
Biskup w Poznaniu przeca niy drzymoł

[broneknotgeld]

Z historyji Doruchowa
Mono wos rozboli gowa.

wyborcza.pl/1,75478,19118923,polska-gmine-maja-promowac-czarownice-ale-sa-watpliwosci.htm