Suwalszczyzna

[broneknotgeld]

Suwalszczyzna

Serce Suwalszczyzny bije nad Wigrami
Dyć se przekonocie ło tym drapko sami.

[broneknotgeld]

Wigry

Toż Suwalszczyzny jezioro piykne
Nojwiynksze tukej - niychej ci styknie.

[broneknotgeld]

Suwalski Park Krajobrazowy

Prawie mu klupło czidziści lot
Z niego niyjedyn przeca tu rod
Piechty, na kole - zwiydzać go idzie
Dyć som łon do cia jednak niy przidzie.

[broneknotgeld]

"Bergowe łonki"

Bergowe łonki tukej znojdziecie
Polodowcowo to sztela przecie
Dyc dejcie pozor - z tym byda szczyry
Trza wom uwożać ciyngym na gyry.

[broneknotgeld]

Jezioro Hańcza

Richtig nojgłymbszo we Polsce woda?
Niy zanurkuja - choć trocha szkoda.

[broneknotgeld]

Gora Cisowo (288 m n.p.m.)

Ano - malutko goreczka tako
Z krziżym na wiyrchu - dyć w czym jednako
z tom co Japonii symbolym zowiom?
Sie "Fudżijamy" mianym niy dłowiom?

[broneknotgeld]

Wodzilki

Czy starowiercow Wodzilki majom?
Dyć ty molynnie i teroz pszajom
Tako świontynia krasi fest wioska
Toz tu zoglondnij choćby na troszka.

[broneknotgeld]

Puszcza Augustowsko

Tyż polodowcowym skarbym
Jakby na Europy skala
Toż niy myślcie co jest garbym
Trza nom puszcza tako halać.

[broneknotgeld]

Kanał Augustowski (1824-1839)

Sie "Krolestwo Polske" na kanał szarpnyło
Bo we "wojnie celny" ze Prusami było
Dyć zdało sie wtedy co na darmo znoj
Niym wybudowali to skończoł sie "boj".

[broneknotgeld]

Toż na sezon urlopowy
Suwalszczyzna - kożdy to wiy.

[broneknotgeld]

A że lato prawie idzie
Suwalszczyzna wiyrchym bydzie.

[broneknotgeld]

Czas tak drapko leci
Cosik tu se skleci?

[broneknotgeld]

Ech - wakacje wartko idom
Te dziedziny w modzie bydom.

[broneknotgeld]

Bestoż wiyrchym wontek idzie
Niychej tako czyńści bydzie.

[broneknotgeld]

Dyć już wiosna, chnetko lato
Suwalszczyzna niy sagato.

[broneknotgeld]

Pokukejcie
bialystok.gazeta.pl/bialystok/1,35235,12360935,Na_Titanicu_byl_ksiadz_z_Suwalszczyzny__Wiozl_rekopisy.htmlPodziwejcie.

Szlak Czorny Hańczy

[broneknotgeld]

Jezioro Hańcza

Jezioro Hańcza ze czego znomy?
-Przeca nojgłymbsze we Polsce momy
Sto metrow z hokym - jest kaj nurkować
Aże sie dziwo niyjedna gowa.

[broneknotgeld]

Czorno Hańcza

Rzeka prawie wypływo z jeziora
Nojsompiyrw sie zdowo choby jako zmora
Wartko, niyszyroko i ze przeszkodami
Niikierzy se wożom płynońć kajakami
Dyć lepi spływ zacznońć łod tych Suwałk prawie
Zdować ci sie bydzie jako śnik na jawie.

[broneknotgeld]

Szlak Czorny Hańczy

Chnet sto kilometrow - ponoc dwoch brakuje
Szlakym Czorny Hańczy se tako wiosłuje
Prawiom co we Polsce łon jest nojgryfniejszy
Jo gowy niy stowiom za to w dziyń dzisiejszy.

Wigry

[broneknotgeld]

Klasztor nad Wigrami

Jan Kazimierz kamedułom wyspa podarowoł
Dyć se drapko na niym zakon siedziba zbudowoł
Piyrszo chnet ze dymym poszła bo była drewniano
W drugi zdo sie wiynkszo siyła - przeca murowano.

[broneknotgeld]

Wyspa rośnie?

Wpiyrw ta wyspa richtig rośnie
Potym z londym łonczy
Boga chwolom tu radośnie
Co zaczli trza kończyć.

[broneknotgeld]

Wigry 1800

Kamedułow już tu niy ma
Wangelickim Prusom wadzom
Zło klasztorom jest ta ziymia
Krol to kozoł - niy poradzom
Już łodwrocić jego woli
Trza inaczy Boga chwolić.

[broneknotgeld]

Kurio?

Se Wigry kuriom biskupiom stały
Dyć na konceczek czasu dość mały.

[broneknotgeld]

Po drugi wojnie

Po drugi wojnie ruinom zdo sie
Co z czasym jednak dźwignońć dyć do sie
Kultura z Kunsztym tu zagościyła
Zniszczony klasztor fest łodmiyniyła.

[broneknotgeld]

"Dom Pracy Twórczej"

Kwitnie wszysko turystykom
Oby dali - ło to rzykom
Choć żech niy jest kameduła
Co stond wyloz by sie tułać.

[broneknotgeld]

8-10.VI.1999

Papiyż na Wigrach dychnoł se trocha
Szif po jeziorze z Niym pływoł
Łon rajzy przeca musioł ukochać
Cudom Ponboczka sie dziwoł.

[broneknotgeld]

"Tryton"

Wele klasztoru przistań mo "Tryton"
Szif? -Se ło niego terozki pytom
Bo chca popłynońć "szlakym papiyża"
Łotworza dlo sia jakesik dźwiyrza?

[broneknotgeld]

Wigierski Park Narodowy

Ze rejsu "Trytonym" se na park dziwuja
Natura jest wielko - tako forszteluja.

[broneknotgeld]

Nad Wigrami

Dychnij nad Wigrami
Luft mosz tukej świyży
Z jeziora falami
Jakbyś nieba bliży.

[broneknotgeld]

Nojczystsze

Wigry - nojczystsze w Polsce jezioro
Zoglondnońć tukej niy za niyskoro.

[broneknotgeld]

Czorno Hańcza

Ano - Czorno Hańcza do tych Wigrow wpływo
Swoja mo zatoka - niychej to niy dziwo.

[broneknotgeld]

Wigerske zatoki

Poranoście zatok jeziora zrachujesz
Wiysz że Wigry wielke - teroz forsztelujesz.

[broneknotgeld]

Wyspa

Kaj klasztorny połwysep piyrwyj wyspa była
I dworek myśliwski bo zwiyrza tu siyła
Se litewske pany tukej fajrowali
Jak gon im poszczyńścioł i tura "wybrali".

[broneknotgeld]

Za Jagiellonow

Jagiellony se Wigry dyć upodobali
Władek no i Ziga wiela polowali
Prawiyli co tukej i krolowa Bona
Starego Tuluła do włoskego łona.

[broneknotgeld]

Wigiersko sieja

Toż nad Wigrami ło tym durs prawiom
Co djoboł wciep do jeziora sieja
Możno se łoni tako tu bawiom
Jakoś ze tego jo sie niy śmieja.

[broneknotgeld]

Wigierski brzeg

Siedymdziesiont siedym kilometrow brzegu
Ło tym trza nom wiedzieć - taki mały szczegoł.

[broneknotgeld]

W Starym Folwarku

Jakby se łodka tu wypożyczyć
Na Wigrach fest pozyjmanić
Zdo sie przigoda tako aż ryczy
Dyć wos niy byda cyganić

Piechty łobyńda piykne jezioro
Tyż wiela ze tym radości
Wigryna za to mie niy pokoro
Jeszcze przi brzegu ugości.

[broneknotgeld]

Szłapcugym

Szłapcugym łobyńść - nojmni dwa dni
Kto idzie zy mnom? Żodyn?! No niy!

[broneknotgeld]

Na kole

Dobra - kto chce niych se biere koło
A jo już piechty ida wesoło.

[broneknotgeld]

Blikom

Na klasztor se blikom z Folwarku Starego
Przepłynońć chnet idzie - dońść pryndzy do niego.

[broneknotgeld]

W Starym Folwarku

W Starym Folwarku zjysz coś "Pod siejom"
Łoczy do rybek aże sie śmiejom.

[broneknotgeld]

Ze Starego Folwarku

Ze Folwarku drapko na wschod wiedom nogi
Zatoczki wigierske tako łobyńść musza
We Wigrach pociongna na połwysep drogi
Tukej se ukoji dyć niyjedna dusza.

[rita100]

Ora, ora,
pasturz wigonioł bidło ze
dwora,
wigonioł krowy i cielynta,
dla pasturza nima niedzieli
i świynta. ;)

[broneknotgeld]

Folwarkow rożnych przi Wigrach wiela
Pewno junkersko to była sztela.

[broneknotgeld]

"Dom Krolewski"

W pokamedulskim klasztorze
Tyż czowiek pojeść se może.

[broneknotgeld]

Krolewsko karyta

U kamedułow trza jom poszukać
Zyńść lochym aże pod dno jeziora
Grzychym przi tymu se tyż niy zbrukać
Bo djoboł wsadzi śmiałka do wora

Krolowy Bony tako karyta
Prawiom nikerzy - cołkym ze złota
W środku klejnoty kere kobiyta
Bardzi we zocy miywo niż cnota.

Możno ci szczyńście latoś dopisze
I znojdziesz skarb tyn richtig przecudny
Wigry potopiom byś niy mog wisieć
Niy właź bo tref tam richtig jest zgubny!

[broneknotgeld]

Płos Wigierski

Przi Wigrach tyn przesmyk
Tukej płosym zwany
Ano w czas doczesny
Cyniom go zyjmany.

[broneknotgeld]

Płos

Alech se teroz w paluchy bajsnoł
Przesmyk niy płos to - toż żech sie szajsnoł
Wigry se jakby na konski dzielom
Płosy - te miana ludzie im ścielom.

[broneknotgeld]

"Dom Pracy Twórczej"

"Jak pyrol chytom - robota tworczo"
Roz jedyn bergmon tukej zaburczoł
A ktoś ze werku łodpedzioł tako
"Z pyndzlym czy majzlym mie jest jednako".

[broneknotgeld]

W kościele

W kryptach znojdziecie nawet biskupa
Za Karpowiczym chcesz tu "posznupać"?

[broneknotgeld]

Erymy

Już cie niy czeko los pustelnika
Choć se w nich możesz przeca porzykać
Jedno trza wiedzieć - jak śpi tu frela
Zdo sie dlo murow jakby za wiela
Wiater zarozki leci ze płosa
I gwizdo smyntnie - tako "donosza".

Wigryna

[broneknotgeld]

Cera ryboka - gryfno Wigryna
Przi brzegu jeziora stoła
Choć zochmurzono tako dziedzina
Łona sie burzy niy boła

Blysko sie niebo - pierony lecom
Na Wigrach fala łogromno
Dyć jeji łoczy skry yno niecom
Durś stoji jakby niytomno

[broneknotgeld]

Głośni łod grzmota w końcu jynknyła
Na wodzie coś wypatruje
Richtig - toż łodka do niyj płynyła
Z tym frela dreszcze aż czuje

Dyć wielko fala zwyrtła łupina
Ktosik do wody wlatuje
Drapko w jezioro włazi Wigryna
Pewno że go poratuje.

[broneknotgeld]

Możno tref świata był we tym yno
Możno Ponboczka w tym wola
Toż zakonnika ratuj dziewczyno!
Za samo proba cie chwola

Tako braciszka wyciongo z wody
Mu w sine lica sie śmieje
Widzi co przeca łon tyż jest mody
I paczy aż serce grzeje

[broneknotgeld]

Co dali bydzie z cerom ryboka?
Ze kamedułom co dali?
Trza tukej jutro postompić kroka
Bydziecie se dziwowali.

[broneknotgeld]

Jako z retunkym tym richtig było?
-Godajom dzisioj rożniście
Dziołuszce łodkom se wypłynyło
W to pryndzy wierzyli byście

Miyndzy modymi jednak coś blysło
W sercu braciszka Wigryna
Dyć u niyj tako samo z tym było
Natury zdo sie dziedzina.

[broneknotgeld]

Historio niy zno karlusa miana?
Z lipstom utropy tu niy ma
We jeji gowie lipling łod rana
Toż po to nosi jom ziymia

A kameduła? -Usycho w celi
Z rzykaniym ciyngym utropa
Gowa we myślach ło gryfny freli
Mynczy to pszonie fest chopa

[broneknotgeld]

Na nic sie zdały sztrofy przeora
Na nic som posty i baty
Z tynsknoty prziszła na niego pora
I pochowali go braty

Ze jego lipstom tako tyż było
Bez szaca świat był utropom
Drapko jom wieko truły przikryło
We ziymi frela zakopiom

[broneknotgeld]

Jezioro pszoniu se dziwowało
Modymi jakby tropiyło
Zdo sie co śmierci fest przeciwiało
Do tako dali z tym było

[broneknotgeld]

We jedny nocy cudym natury
Wyspy sie jawiom na wodzie
Pszonie podobnoś przenosi gory
Toż se niy dziwej narodzie

[broneknotgeld]

Wyspy Brzozowe do dzisioj tukej
Wigier przepiyknom łozdobom
Śladow kochankow we dziyń niy szukej
W nocy gwieździsty sie robiom

Bo przeca słychać jejich tu głosy
Z toni na wyspy wyłażom
Dyć zowdy śmiałkom stowajom włosy
Jak gaftać na to sie ważom

[broneknotgeld]

Wigryna rynce przed sia wyciongo
Mnich do niyj tyż tako samo
To jakby wyspy zaroz prziciongo
Dyć niy łoboczysz we rano

Bo jak naprowdy łod sia som blisko
Jak rynce splyść sie chnet majom
We rożne strony wiatr wyspy cisko
Na darmo smyntnie wołajom

[broneknotgeld]

Tako sie dzieje tukej łod wiekow
W gwioździste noce siyrpniowe
Sie nad Wigrami dowiysz czowieku
Coś co pomiyszo we gowie

Dyć styknie co sie pojawi porka
Co pszonie wiynksze mo w duszach
Czar tyn mo prysnońć ze legynd worka
-Toż som pojechać tam musza.

[broneknotgeld]

Z Wigrow

Przi kraju ida Zatoki Wschodni
Ze lewa plusko jeziorko
Czerwony Folwark - w tym my som zgodni
Wigerske zdo sie nom "ziorko".

[broneknotgeld]

Zatoka Cieszkinajki

Rog Rosochaty inkszym łostawia
Już nad zatoczkom wigierskom bawia
Zowiom jom ponoć tu Cieszkinajki
Dyć niy znom ło niyj jo żodny bajki.

[broneknotgeld]

Puszcza Augustowsko

Przez Budzisko w puszcza właża
Przyńść troszeczka se niom waża.

[broneknotgeld]

Połwysep Łapa

Drapko cie tukej prziwiedom szłapy
Wonske som Wigry wele ty Łapy.

[broneknotgeld]

72 metry

Na połnoc łod Łapy nowiynkszo głymbina
Kerom sie pochwoli tutejszo dziedzina.

[broneknotgeld]

Piaski

Przi pioskach zyjman możno coś zysko
Dyć to jest yno kotwicowisko.

[broneknotgeld]

Zatoka Wygorzeli

Przi Pioskach w zatoce
łodek czasym wiela
We wigierske noce
czym dycho ta sztela?

[broneknotgeld]

Płon Zakontowski

Łod Łapy do Rogu tu Łukaszowego
Tyn zakontek wodny - wiysz ło tym kolego>

[broneknotgeld]

Wyspy

Czi wyspy na płosie
Kamiyń i Brzozowe
Legyndy z tym mo sie
Ciekawy ich czowiek.

[broneknotgeld]

Wyspy Brzozowe

Chocioż miano jedne majom
Z płciom se swojom tu niy tajom.

[broneknotgeld]

Czerwony Krzyż

Dyć trza iść dali - dobrze to wiysz
Przistankym bydzie "Czerwony Krziż".

[broneknotgeld]

Zatoka Krziżańsko

Zatoka Krziżańsko
Jeziorko takowe
Dwie chatki na krziż tu
Dali maści czowiek.

[broneknotgeld]

Zakąty

Malutko wioska
Łodsapna troszka.

[broneknotgeld]

W Zakontach

We kontach ciymno - a co za niymi
Toż już terozki naprowdy wiymy
Pole namiotow - jachtow ździybeczko
Toż se podychom jo tukej deczko.

[broneknotgeld]

Jezioro Krusznik

Czas mi nad Krusznik - jeziorko małe
Możno łobyńda je nawet całe.

[broneknotgeld]

Połwysep Jurkowy Rog

Majom przi Wigrach tyn rog Jurkowy
Po drugi stronie zaś Łukaszowy.

[broneknotgeld]

Rog Jurka

Rog Jurka żegnomy - trza iść miyndzy ludzi
Bo przeca w żołondku głod sie zaczoł budzić.

[broneknotgeld]

Jezioro Mulaczysko

Mulaczysko drapko mijom
Blikom jeszcze - widza Krowa
Toż na Bryzgiel se uwijom
Żołond ciongnie mie - niy gowa.

[broneknotgeld]

Bar "Widok"

Rybka zaroz dobro zjym
Ano żyja - teroz wiym
Gyry tako wyprostuja
Bo sie zdo co ich niy czuja.

[broneknotgeld]

Widok

Widok na Ostrow z Bryzgiela mom
Dyć sie ze wyspom tom spokoj dom!

[broneknotgeld]

Bryzgiel

Kusi tu łostać i przenocować
Ze rana rajza zaczońć łod nowa
Połowa drogi już żech zaliczoł
Toż jutro byda zaś cosik klycioł.

[broneknotgeld]

Na Gawrych Ruda

Na Gawrych Ruda z samego ranka
By niy mieć z czasym ździybeczko manka
Płociczno-Tartak jeszcze zalicza
I dali w droga - rym yno sklyca.

[broneknotgeld]

Gawrych Ruda

Se śniodanie tukej zjym
Dyć czas w droga - tela wiym.

[broneknotgeld]

Gawrych Ruda - Młodzieżowy Ośrodek Wypoczynkowy

Przespać tu sie idzie tonio
Gawrych Ruda rybom wonio
Wiatrym co z zatoki wieje
Niym sie Wigry jakby smieje.

[broneknotgeld]

Zatoczki

Zatoczka Uklei w Wigierki przechodzi
Dyć mie nogi niesom i nic to niy szkodzi.

[broneknotgeld]

"Jezioro Okrągłe"

Możno łokrongłe łone niy cołkym
Dyć niy za wielke - zatkom je kołkym.

[broneknotgeld]

Jezioro Długe

Podobnoś duge - widza kawałek
Jednak niy nyńci mie teroz całe.

[broneknotgeld]

Połwysep Łysocha

Toż to raduje niy yno trocha
Bo jo jest łysy i łon Łysocha.

[broneknotgeld]

Do Biołego

Dobrze co przi mie nikogo niy ma
Ukrodkym przyńda se tam na przima.

[broneknotgeld]

Jezioro Biołe

Drapko je łobyńść terozki musza
Na Sobolewo czas mi już ruszać
Dyć moj żołondek łobiadu woło
Łoj - coś niy bydzie mi za wesoło

[broneknotgeld]

Las Wigry

Ano to tyż jest Park Narodowy
Bezto dorodny i richtig zdrowy
Dyć kunszt natury w gowie sie kurczy
Jak mi we brzuchu ciyngym fest burczy.

[broneknotgeld]

W Sobolewie

W końcu skończyły se lasu drzewa
Już żech na kraju jest Sobolewa
Szukom marnego chociożby baru
Bo go mi czeba bardzi niż czaru.

[broneknotgeld]

Szkoda

Baru niy widza
Coś zjym przi sklepie
Dali już ruszom
Bo mi sie hepie.

[broneknotgeld]

Do lasu

Przez Czorno Hancza skok dom zawczasu
Na wander dali szurom do lasu
Choć nogi bolom za dwie godziny
Już Stary Folwark - zocne dziedziny
Tukej "Pod siejom" zaś sieja zjym
Piwka se chlapna - dobrze to wiym.

[broneknotgeld]

Cimochowizna

Joch nad Wigrami ta sztela minoł
Dyć inkszym byda jom przipominoł
Trza przez Leszczewek zońść ze Folwarku
Idź jak mosz gowa ciyngym na karku.

Studzieniczna

[broneknotgeld]

Łodpust

Zielone Świontki w maja połowie
Ta wioska jakby przebiyro
Na łodpust przidzie niyjedyn czowiek
Czy chyńć poprawy mo szczyro?

[broneknotgeld]

W Studzieniczny

W Studzieniczny na łodpuście
Dyć mie zgrzeszyć zaś niy kuście.

[broneknotgeld]

Papiyż w Studzieniczny

Ano - przipłunoł porzykać tukej
Toż śladow po Niym wcale niy szukej
Bo dynkmal gryfny przi brzegu widać
Hołd Jymu jakoś nom tyż trza by dać.

[broneknotgeld]

Dynkmal papieski

Stoji wele wody
Zocnym wszyskim zdo sie
Czy stary czy mody?
Radość z tego mo sie.

[broneknotgeld]

Kaplica Nojświynty Maryji Panny (1972)

Tyn kto projektowoł Kanał Augustowski
Chcioł by w niyj rzykali ci co majom troski
Dyć czy by sie jymu za żywota śniyło
Że tu Jana Pawła zoglondnońć skusiyło?

Suwałki

[broneknotgeld]

Browar Suwałki

Piwo "Wigry" dyć tu majom
Kamedułow wspominajom!

[broneknotgeld]

Gora Dombrowka

Se na ty gorce tyż poszusujesz
Dyć szwongu jednak tu niy poczujesz
Choć som Suwałki zimna stolicom
Tu na narciorzy chyba niy liczom.

[broneknotgeld]

Ziymia Sejnyńsko

Małom Litwom jom tyż zowiom
Toż wom ździybko połosprowiom
Ło ciekawy ty dziedzinie
I myńszości co ni minie.

[broneknotgeld]

Po Jadźwingach

Po Jadźwingach już prziszli Litwiny
Niy łopuszczom tutejszy dziedziny
Tako u sia niych bydom na zowdy
We ty godce nojwiyncy jest prowdy.

Czarna Hańcza

[broneknotgeld]

Czorno Hańcza

Zdo sie Suwalszczyzny aż rzekom herbowom
Toż fraszka jo tukej ło tym teroz stowiom.

[broneknotgeld]

Sie miyni

Łod źrodeł jakby gorskim strumiyniym
Dyć se za Wigrami na nizinno miyni.

[broneknotgeld]

Szlak Czornom Hańczom

Dlo kajakarzy ekstra przigoda
Co Suwalszczyzny dała prziroda.

[broneknotgeld]

Lubioł pływać

Czornom Hańczom lubioł pływać i Karol Wojtyła
Jak se wrocoł do Krakowa to wiynkszo mioł siyła.

[broneknotgeld]

Przez Jezioro Wigry

Przez jezioro Wigry, przez puszczańske lasy
Kajakym se wybier na ciekawe wczasy
Kanał Augustowski tyż poznosz przi tymu
Tu wiosłować idzie zdo sie i do rymu.

[broneknotgeld]

We Starym Folwarku prawie nad Wigrami
Już se dychnońć możesz - niy tropić wiosłami
Klasztor Kamedułow cie zocnie prziwito
Dyć tako kożdego - jakby sie kto pytoł.

[broneknotgeld]

Stary Folwark 20.VIII.1954

Gościoł tu Wojtyła ze kajakorzami
Szlak Papieski po niym - ano, wiycie sami.

Puńsk

[broneknotgeld]

Puńsk

Stolicom polskich Litwinow zwany
Dyć przi granicy prawie nom dany
Tu jak na Litwie już se poczujesz
Kaj tyż Poloki - toż forsztelujesz.

[broneknotgeld]

Tajaderkom

Tajaderkom do Puńska na łodpust se jedziesz
Po mszy ło litewskim pomyślisz łobiedzie.

[broneknotgeld]

Matki Boski Zielny w Puńsku

Toż dlo Puńska wielke świynto
Kożdy niychej to pamiynto
Mszo litewsko niy mecyjo
Z tym zodziwi procesyjo
No a potym durś radocha
Se zabawisz tu niy trocha.