Ślonskośc

[broneknotgeld]

Dyć kej limerykym zgrzesza
Już ze tego fest sie ciesza.

www.facebook.com/leclerckatowice24/posts/220798798131275
Dziynkuja i pozdrowiom.

[broneknotgeld]

www.facebook.com/photo.php?fbid=638862752855298&set=a.286426508098926.66494.195759197165658&type=1

[broneknotgeld]

Pogratulować szwongu i tela
Rod tymu Ślonzok, rada Bruksela
Niych mu tam darzy
Etniczność jarzy
Choć tu we Polsce z niom karuzela.

www.facebook.com/marek.plura.3

[broneknotgeld]

Kej czas idzie
Chnetko przidzie.

www.facebook.com/events/684766168226272/?context=create&ref_dashboard_filter=upcoming&source=49

[broneknotgeld]

Woli ZG brakowało
Richtig żol iże to stało
Szczyńsciym - niy rywalizujom
Tako ździybko Ślonsk radujom
W tym nadzieja - chocioż mało.

www.dziennikzachodni.pl/artykul/3523431,ras-i-zwiazek-gornoslaski-zerwaly-wspolprace-koalicji-wyborczej-nie-bedzie,2,id,t,sa.html

[broneknotgeld]

Skora na niydźwiedziu werci iptom dzielić
Kej durś trza ślonskości na tym Ślonsku ścielić
"Neokorfancioki" w welunku sztartujom
Pod szyldym ze RAŚu - szwong ku tymu czujom
Kery zaś mo kajsik Wolnego ideje
Niych we końcie siedzi, niychej ciynko pieje

Ofyn tako szkryfna - żech z ZG ferajny
Łostuda ło miejsca - postympek niyfajny
Z idejom we gowie styknie ciś ze zadku
RAŚ niych wiyrchym leci niy skuli przipadku.

www.dziennikzachodni.pl/artykul/3524833,koalicja-ras-i-zwiazku-gornoslaskiego-nie-istnieje-z-winy-ras-chcial-za-duzo,2,id,t,sa.html

[broneknotgeld]

"Neokorfancioki" niychej robiom swoje
Niychej kajsik majom "wirtualne boje".
www.dziennikzachodni.pl/artykul/3534731,wyborcze-sojusze-ras,id,t.html

[broneknotgeld]

III Dziyń Ślonzoka

Dziyń Ślonzoka zaś za nami
Lecioł prozom i rymami
"Gornoślonski hymn" śpiywali
I pszocieli nagrodzali
Kerym godka w duszy leży
Niychej kuknie kto niy wierzy.

rudaslaska.com.pl//i,dzien-slazaka-i-konkurs-szpaski-ekologicznej,100,1028990.html#mailing_aktualnosc

[broneknotgeld]

Z zesla niy zleca, tego niy boja
Momy etnolekt, dyć za tym stoja
Coby we prawie
Podźwigać prawie
Bestoż tyż fraszkom kejniykej broja.

www.jaskolkaslaska.eu/1320/pani-marszalek-klamie

[broneknotgeld]

Ślonzok pomiyndzy

Ślonzok pomiyndzy, dyć niy ma leko
Czy złe już było? Czy ciyngym czeko?
Ślonzok pomiyndzy - Niymcym, Polokym
Czy w przodek pódzie już herskim krokym?

Ślonzok na Ślonsku teroz myńszościom
Sie dwie nacyje podobnoś złoszczom
Iże chce yno być tym Ślonzokym
Ani niy Niymcym, ani Polokym

Pomiyndzy niymi lyźć w przod - zabawa?
Rzduchajom z lewa, rzduchajom z prawa
I zdo czasami na to czekajom
By yntka zrobioł - wcale niy bajom

Ślonzok pomiyndzy. Szczyńście? Utropa?
Ciynżko łodpedzieć, bestoż spokopia
Iże kejniykej poradzom stracić
I złym przi tymu dusza zagracić

Ślonzok pomiyndzy - jako kuplować
Czorne ze biołym - co wiyrchym dować?
Kej etniczności broniom nacyje
Pomiyndzy niymi durś tragedyje?

Ślonzok pomiyndzy - dyć szkryfna prawie
Iże terozki rośnie - na jawie!
Setki tysiyncy som GUS rachuje
To co pomiyndzy już Polska czuje

Ślonzok pomiyndzy - a we diasporze?
Wsparcio z ty strony dej doczkać Boże
Wsparcie diaspory by sie przidało
Bele ze duszy niy łodziyrało

Pomiyndzy - flance ślonskości rosnom
Zdo - przez rok cały, niy yno wiosnom
Pomiyndzy - slonskość niychej rozkwito
Czech, Niymiec, Polok ze nami wito

Wito radośnie, wito jak brata
Profit w tym przeca - niy jakoś strata
Dyć trza tyż tego coby my sami
Czuli sie richtig echt Ślonzokami!

www.facebook.com/events/543857922381211/?fref=ts

[broneknotgeld]

Co ze Niymcym kupluje Poloka?
Niy chcom widzieć pomiyndzy Ślonzoka?
Spolszczyć może?
Zeniymczyć dej Boże?
Bele som niy postompioł w przod kroka?

Bele z kolan niy dźwigoł przed niymi?
Bele niy śmioł być solom ty ziymi?
Etnicznościom niy asioł?
Ślonskość w duszy swyj gasioł?
Mo amajzom być yno ty ziymi?!

www.nowiny.rybnik.pl/artykul,36824,uznanie-slaskiej-mniejszosci-jest-dla-slazakow-niebezpieczne.html

[broneknotgeld]

Co ze Niymcym kupluje Poloka?
Niy chcom widzieć pomiyndzy Ślonzoka?
Spolszczyć może?
Zeniymczyć dej Boże?
Bele som niy postompioł w przod kroka?

Bele z kolan niy dźwigoł przed niymi?
Bele niy śmioł być solom ty ziymi?
Etnicznościom niy asioł?
Ślonskość w duszy swyj gasioł?
Coś łod czasow "Hakaty" dyć wiymy

Historyjo sie czynsto dubluje?
Co wpiyrw Niymcom - Polokom sztimuje?
Jako szkryfnońć mom prości?
Dwie nacyje to złości?
Ślonsko dusza dyć niy zglajchszaltuje!

www.nowiny.rybnik.pl/artykul,36824,uznanie-slaskiej-mniejszosci-jest-dla-slazakow-niebezpieczne.html

[broneknotgeld]

Godko naszo czorno

Godko - już cie mieli wykopać do ćmoka
Ponoć tam kaj biołe zdowosz jak boroka
Szczyńściym co łostało cie niyjedne ziorko
Szczyńściym iże dusza Ślonzoka durś gorko
Kej ty, czorno godko, ciyngym jom łogrzywosz
Kej na ślonske niebo z jeji środka dziwosz
Rośniesz zaś terozki choć żeś niy zielono
Rosniesz i rozkwitosz na papior szkryfniono

Ćwierć wieku już prawie - sztympel "niy gańbuja"
Na Ślonsku ci dany - czym richtig raduja
Ćwierć wieku - zdo wiela, dyć ciyngym niy styko
Cobyś w prawie była durś Ślonzok tu rzyko
Ponboczek wysłucho? Czy Sejm do ci zwola?
Staromy, czekomy - w tym władzy niy chwola
Dyć czas leci w przodek - we końcu doczkomy
Jynzykym we duszy już dzisioj cie momy.

www.facebook.com/events/818102978252949/

[broneknotgeld]

Ślonskość rośnie
Niy inaczy
Toż radośnie
Niych łonaczy
Ślonskość w godce, we kulturze
Wiyrchym leci - niy we dziurza.