Hameryka Środkowo

[broneknotgeld]

Hameryka Środkowo

Łod Meksyku
Do Przesmyku
Środek taki
Niy skiż draki.

Meksyk

[broneknotgeld]

Meksyk

Hameryki Środkowy zdo sie łon kolosym
Dyć rożnie leciały tukej jego losy.

[broneknotgeld]

Jukatan

Jukatan piyrwyj dziedzina Majow
Dyć niy znoleźli swojego raju.

[broneknotgeld]

Majowie

Przeca niy cołkym se potraciyli
Swojich potomkow tu łostawiyli
Tako ich widać na Jukatanie
Dyć jejich świytność zaś niy nastanie.

[broneknotgeld]

Pelenque

Zdo sie Pelenque Majow stolicom
Na turystyce zarobić liczom.

[broneknotgeld]

"Curanderos"

Cie wykurujom na muster stary
Zdo sie co we tym Majow som czary
Tako złe moce z duszy wypyndzom
Chocioż nikerzy na nich tu glyndzom.

[broneknotgeld]

Ślonzok po tekili richtig boł pod flekym
Bo mu sie zdowało że jest tym Aztekym.

[broneknotgeld]

Teotihuacan

Stolicom cysorstwa Hameryki zdo sie
Tako historyjo we kamiyniu mo sie.

[broneknotgeld]

Piramidy

Piramida Słońca tako tyż Ksiynżyca
W Teotihuacan rozpolom ci lica.

[broneknotgeld]

Smak Meksyku

Richtig w tequili Meksyku smak
Bestoż se napij jak ci go brak.

[broneknotgeld]

Z Guadalajary

Guadalajara Tequilom słynie
Jeji kolybka we ty dziedzinie
Nawet sombrero tu mo poczontek
Toż to Meksyku ciekawy kontek.

[broneknotgeld]

Tequila

W mieście Tequila napitek robiom
Niym cołki Meksyk zowdy łozdobiom
Gyszeft do tego stanu Julisco
Wypij - dyć zaroz sztela ci blisko!

[broneknotgeld]

"Agava weber"

Trza do tequili kaktusa tego
Toż se niy dziwcie - hodujom jego.

[broneknotgeld]

Meksyk

Wiela gymbow Meksyk mo
Kto go cołki richtig zno?

[broneknotgeld]

Sierra Madre

Gory tukej tuplowane
Jedne som łod wschodu dane
Druge przi zachodzie idom
Dlo Meksyku to niy biydom.

[broneknotgeld]

Kordyljera Wulkaniczno

W sercu Meksyku ta Kordyljera
Niych wos niy biere tukej cholera.

[broneknotgeld]

Za Kordyljerom - se niy wydowo
Już Hameryka Środkowo stowo.

[broneknotgeld]

Suchy Meksyk

Ano - dyszczy tykej mało
Ziymi pic by se durs chciało
Dyć co robić? Trza jyj strzimać
Chocioż ciynżko w słonku drzymać.

[broneknotgeld]

Mało lasow

Skuli kolońjalnych czasow
Richtig mało majom lasow
Bor se stepym drapko stowo
Dlo klimatu to niyzdrowo.

[broneknotgeld]

Popocateptl (5452 m n.p.m.)
Dymionco Gora - 1997

Dymioł se tyn wulkan dugo
Jak łobudzioł strachym sioł
Słonko przi tym niy zamrugo?
Luft boł taki żeś go kroł.

[broneknotgeld]

Citlaltepec (5700 m n.p.m.)
"Gora Gwiozd"

Ano - gwiozd siyngo zowdy we nocy
Ściongnońć je na doł jest w jeji mocy?

[broneknotgeld]

Itzatccihuatl (5286 m n.p.m.)
"Śpionco Kobiyta"

Niychej ta "baba" ciyngym tu śpi
Bo jak sie zbudzi to Meksyk zjy.

[broneknotgeld]

Paricutin (3170 m n.p.m.) - 1943

Pole kukurydzy wulkan urodziyło
Ludzke łoczy prawie wszysko to widziały
Co przez dziewiyńć rokow pod lawom sie skryło
Zdo sie jakby siyły piekielne zabrały

Dyć wieża kościoła ciyngym jeszcze widać
Wyrosto ze skały! Ło retunek prosi?
Ech, siyłom natury trza było to wydać
Choć tako do końca chwała Pana głosi.

[broneknotgeld]

Meksyk 5000 r p.n.e.

Kukurydza i fandzole
Ludzie już tu sadzom
Jak łobsione tym jest pole
Głodowi zaradzom.

[broneknotgeld]

Olmeki (1200-300 r p.n.e.)

Kaj Veracruz i Tabasco Olmeki se żyli
Richtig tukej łoni piyrsi pola nawodniali
Kunszt swoj w bazaltowe gowy na wieki wraziyli
Szkoda yno że szkryflanio jednak niy poznali.

[broneknotgeld]

Olmecke gowy

Jako władcow swojich mo narod we zocy?
Jako dać świodectwo jejich epny mocy?
Do gor Tuxtla tukej jest richtig daleko
Dyć kto ludym rzońdzi tun i cudu czeko

Ech - trza im przitachać bazaltowo berga
Wykuć we niyj gowa co niy jest łod cwerga
W helmisko do tego władca łozdobiony
- Na gymby olmecke do dzisioj gaftomy.

[broneknotgeld]

W bala grali

Już Olmeki w bala grali
Choć niywiela kepkowali
Dyć kolana, łokcie, bary
Skiż ibongu robiom "czary".

[broneknotgeld]

Jaguar Olmekow

Bogym Olmekow zdoł sie tyn zwiyrz
Lud jymu służoł? Kej chcesz to wiyrz.

[broneknotgeld]

San Lorenzo - La Vent - Tres Zapotes

Trzi razy stolica Olmeki kludziyli
Niym sie ze ty ziymi na amynt straciyli.

[broneknotgeld]

Olmeki 400 r p.n.e.

Czy lud sie zbuntowoł przeciw włodcom srogim?
Czy ich tu na amynt łopuściyły bogi?
Czy plymie napadło ło wiela mocniejsze?
tako se pytajom we czasy dzisiejsze.

[broneknotgeld]

Maje (300-900 r.n.e)

Siyła tych Majow na Jukatanie
Przi tym połwyspie tyż łod połednia
Co sie z kulturom jejich tu stanie?
Ło czym to prawi ich przepowiednia?

[broneknotgeld]

Piramidy Majow

Przi egipskich wielge niy som
Jakby szłapom świontyń jejich
Kajś grobowiec - jo niy miyszom
Wyńdzie jeszcze cosik z knieji?

[broneknotgeld]

Świontynio Inskrypcji w Palenque (1952)

Ta piramida niydowno znomy
Zodziwio tukej grobowo krypta
Toż tako dowod tyż na to momy
Że łod egipski dzieli jom szczypta.

[broneknotgeld]

broneknotgeld napisał:

> Popocateptl (5452 m n.p.m.)
> Dymionco Gora - 1997
>
> Dymioł se tyn wulkan dugo
> Jak łobudzioł strachym sioł
> Słonko przi tym niy zamrugo?
> Luft boł taki żeś go kroł.
wiadomosci.gazeta.pl/wiadomosci/5,114944,11713869,Popiol__lawa__zamkniete_lotnisko__Uaktywnil_sie_wulkan.html?lokale=katowice

Meksyk City

[broneknotgeld]

Meksyk stolicom

Meksym stolicom nojwiynkszom w świecie
Ciynżko zrachować miyszkańcow przecie
Dziynnie przibywo ich przeszło tysionc
Toż szwong pieroński - moga wom przisionc.

[broneknotgeld]

26 miljonow

Tela mo Meksyk ludzi ze hokym
I rośnie dali ze kożdym rokym.

[broneknotgeld]

W stolicy

Coby niy dzioł se w cołkim kraju
Tako w stolicy - chocioż niy raju.

Puebla

[broneknotgeld]

Ciudad de Angeles 1531

Ano ze Hiszpańji tukej osadniki
Te "Miasto Aniołow" wtedy założyli
Czy na Indjanerom niy dźwigli i kryki?
Jak już tych Aztekow "anielsko" podbiyli.

[broneknotgeld]

Puebla de los Angeles 1539

Take i dzisioj miasta jest miano
Budzi do życio se z niym co rano.

Panama

[broneknotgeld]

Niy mo?

Swoji waluty Panama niy mo?
Dolar kroluje i wszysko czimo?
Balboa cołkym w niypamiyńć idzie?
W końcu i drobnych takich niy bydzie?

[broneknotgeld]

Przesmyk Panamski

Ło to bych se tukej wetnoł
-Hameryki tako przetnoł!

[broneknotgeld]

Kanał Panamski

Z Panamy City u Pacyfiku
W Colón se kończy - przi Atlantyku.

[broneknotgeld]

Kanał zarobio

Kanał Panamski zarobio wiela
Dyć czy bogaci se cołko sztela?

Panama City

[broneknotgeld]

Panama 1519

Pedro Avias De Awila
Miasto te założoł
Toż szczyńśliwo zdo sie chwila
W kery na to wożoł.

[broneknotgeld]

Panama 1671

Ano - trza szkryfnońć - Panamy niy ma
Juchom sie zmyła cołkym ta ziymia
Ludzie Morgana to niy som braty
Łon som nojgorszym przeca piratym.

[broneknotgeld]

"Panama Viejo"

Resztki kościołow pałacow fortu
Ze pirackego łostały "tortu".

[broneknotgeld]

"Krolowa Pacyfiku" 1671

Toż Henry Morgan zdobył "krolowa"
Czy sie łodrodzi jeszcze łod nowa?
Ano - po czasie tako sie stało
Na Casco Viejo rośnie niymało.

[broneknotgeld]

Casco Viejo

Co po "nowy" Panamie łostało
Toż łod downa i tukej niszczeje
Remont gibki by zrobić se zdało
Cosik tukej godajom nom dzieje.

Fidel

[luna-a]

Fidela śmiertelne choróbska męcza,
a Kubańczycy w Miami tańczą.

[luna-a]

Władzę 'demokratycznie' dał braciszkowi.
... Czy oni też są jednojajowi?!

[broneknotgeld]

Dej pozor Luna, bo zaś ukradnom
Jak Cie wysoko na niebie badnom.

[broneknotgeld]

Kuba se śmieje?
Fidel zdrowieje?

[broneknotgeld]

Niy ma komedyji
-Fidel na pyndzyji.

[broneknotgeld]

Ano - żyje
W tym mecyje?

[broneknotgeld]

Dożyje sety?
Stety? Niystety?