Miasto Łeba 1357

[broneknotgeld]

Łeba

Zocne to miasto lymborski ziymi
Se rozłożyło kaj dwa jeziora
Toż tyknom Łeby te ślonske rymy
Tako pomyśloł żech richtig wczora.

[broneknotgeld]

"Letnio Stolica Polski"

Niy wiym czy dobrze z tym Łeba żyje
Toż durś ze Ustkom se ło to bije.

[broneknotgeld]

"Perła Bałtyku"

Te miano jakby z Sopotym dzieli
Niy jest "własnościom" ty jedny szteli.

[broneknotgeld]

Sztyry tysionce z hokym

Latym do Łeby wiela se kludzi
Dyć przeca mało mo swojich ludzi
Hehe - podziwej se tako plaży
We lipcu siyrpniu tłum sie tam praży.

[broneknotgeld]

"Wszysko dlo wszyskich"

"Wszysko dlo wszyskich" tukej znojdziecie
Ze turystyki żyje to przecie
Trza geldu chycić wiela w sezonie
Bo jak se skończy to prawie koniec.

[broneknotgeld]

Przi gyburstagu co przirychtujom?
Pewno już nad tym deliberujom.

[broneknotgeld]

Łeba 1282

Princ pomorski Mestwin Drugi
Łotwar ciong historii dugi
Toż na jego to papiorze
Jest osada jakby w gorze.

[broneknotgeld]

Łeba 1309
Jako Krziżokow tu prziwitała?
Prawiom co tego wcale niy chciała.

[broneknotgeld]

Łeba 1357

Dyć na krziżackim "wikcie" urosła
We prawa miejske tako łobrosła
Se historyjom przeca trza asić
Radości z tego nigdy niy gasić.

[broneknotgeld]

Łeba 1466

Pokoj Toruński - czy miasto polskim?
Niby - dyć przeca lynnym pomorskim.

[broneknotgeld]

"Staro Łeba"

Na zachod łod rzeki ta sztela leżała
Ratusz był i kościoł domow trocha miała
Dyć skiż morza ciyngym wiela se tropiyła
Aż w szesnostym wieku cołkym przekludziyła.

[broneknotgeld]

Kościoł św Mikołaja

Sie yno ściana w Łebie łostała
Cegła palcowka ciyngym tu widać
Piyrwyj rybokow durś wyziyrała
Dzisioj znak krziża yno trza by dać.

Ślonsko fraszka Łebie

[broneknotgeld]

Ślonsko fraszka Łebie

Za dwa lata bydom tu gyburstag mieli
Aż szejset piyńdziesiont rokow miejski szteli
Toż trza szkryfnońć cosik ło łebski dziedzinie
Niychej ślonsko fraszka tego niy łominie.

[broneknotgeld]

Marina - Łeba 1998

Ano - zyjmanow ciongnie już Łeba
Choć geld w to wsadzić było im czeba
Jak se stolicom letniom chce głosić
To i "marina" inkszych wykosi.

[broneknotgeld]

Ech - za ta Łeba
Brać se mi czeba.

[broneknotgeld]

Na bezrok wontek tyn gorki bydzie?
Możno ta Łeba richtig dran przidzie.

[broneknotgeld]

Trza do lata czekać z tym?
Przidzie ło ty Łebie rym?

[broneknotgeld]

Zaś kuknońć trzeba
Tam kaj ta Łeba.

[broneknotgeld]

Latoś byda we ty Łebie
Choć tam niy jest jako w niebie.

[broneknotgeld]

Ponoć ta Łeba
Podźwigać trzeba.

[broneknotgeld]

Szkryfna kej trzeba
Prawie kaj Łeba.

[rena31]

Ja Łebę dobrze znam,
bo często bywam tam.
Plażę ma wielką, szeroką,
zawsze cieszy moje oko.
Lecz dużo tam młodzieży,
niech jedzie ten, co nie wierzy,
wszędzie hałasy i krzyki,
z niejedny dyskotyki :)

[broneknotgeld]

Dlo mie ciźby tam za wiela
Tako wola Kopalino
www.choczewo.com.pl/pol/index.htm
Niych zoglondnie jakoś frela
Na tyn link ciekawy ino.

Polecom link "Śląskie fraszki choczewskie" na ty oficjalny zajcie gminny.

[rena31]

Przeglądnęłam Kopalino,
jest tam pewnie bardzo miło.
A łatwy dojazd na plażę?
(że spytac Cię się odważę?)

[broneknotgeld]

Autym trza jechać przez Lubiatowo
Parking przi plaży - tam kożdy stowo.

[broneknotgeld]

Czy robia gminie reklama tako?
Kto tam zoglondnie niychej niy płako.

[broneknotgeld]

Toż mi Łeba
Wspomnieć trzeba.

[broneknotgeld]

Aleja Prezydyncko

Latoś ta aleja w Łebie już łotwarli
Choć sie prezydynty na feta niy garli
Dyć som jejich rynce tukej łodciśniynte
Kej w dziedzina kukniesz to ło tym pamiyntej.

[broneknotgeld]

Koncept Hyńka I Łebskiego

Koncept łebski richtig mioł
By niyjedyn przeca chcioł
Prezydyncko mieć "Aleja"
Gratuluja i sie śmieja.

[broneknotgeld]

1357 - 2012

Toż ta Łeba
Wspomnieć trzeba.