Epitafia

[broneknotgeld]

Truła niy szpas
Kapnoł se wczas?

[broneknotgeld]

Krankol go niy kusioł
Wolnym se udusioł.

[broneknotgeld]

Rechtor krepnoł skiż szkolorza
Co w Karpatach szukoł morza.

[broneknotgeld]

Zjod ze krauzy grziba
Bestoż krepnoł chiba.

[broneknotgeld]

Niy w jedny chwili
Pod skiż promili.

[broneknotgeld]

Pedzioł mu ZUS
-Krepnońć już mus.

[broneknotgeld]

Trollym krepnoł
Yno hepnoł.

[broneknotgeld]

Skiż plagiatu pod
Dyć czy autor rod?

[broneknotgeld]

Pochowali plagiatora
Łon niy leży tu łod wczora.

[broneknotgeld]

Pochowali vipa
Ponoć łon boł klipa.

[broneknotgeld]

Ponoć tako se podźwigoł
Że łod śmiertki niy wymigoł

[broneknotgeld]

Już se istny we proch sypie
A chcioł chlapnońć na swyj stypie.

[broneknotgeld]

Chop był - "prziłoż go do rany"
Bestoż kondukt fest naprany.

[broneknotgeld]

W zimny Kłodce se kompała
Familijo pochowała.

[broneknotgeld]

Z kontym połnym pod
Czy był z tego rod?

[broneknotgeld]

Fynig mu w bojtliku łostoł
Jakić Charon go kajś dostoł?

[broneknotgeld]

Kipnoł z żałości
Że w piontek pości.

[broneknotgeld]

Krepnoł jedyn łajza
Mo łostatnio rajza.

[broneknotgeld]

Tak mynczyły go plynckiyrze
Że mu Pyjter łotwar dźwiyrze.

[broneknotgeld]

Kipła skiz filera
Wiymy ło tym teraz.

[broneknotgeld]

Tinty se chlapnyła
A potym kojfnyła.

[broneknotgeld]

Po bosoku durś tyrała
Aż do truły se wkulała

[broneknotgeld]

Krepnoł - ło rety!
Skiż cygarety!

[broneknotgeld]

Geld był nic we wercie
Djosek pedzioł - biercie.

[broneknotgeld]

Pomarł - dyć pokuta mioł
We kondukcie swojim szoł.