Pyskowice

[broneknotgeld]

Pyskowice 1256-2006

Kożdy by był z tego rod
Jakby pożył tela lot.

[broneknotgeld]

Czym blyszczom?

Czym te Pyskowice blyszczom?
Możno tym ze cosik pyszczom?

[broneknotgeld]

Stary ratusz

Toż se zdowoł władzom mały
Na muzeum go łoddały
Tako majom czym sie asić
Miasto przeca bydzie krasić.

[broneknotgeld]

Kolumna Maryjno

Kolumna Maryjno na rynku tu stoji
Bestoż grod Uniji nawet se niy boji.

[broneknotgeld]

Miołch wystawa

Ano - miołch jo tam wystawa
Dlo notgeldow to zabawa
Pyskowiczan zochwyciyły
Toż se dugo tym asiyły.

[broneknotgeld]

Herb

Dwie wieże na murach
Dyć grod a niy dziura.

[broneknotgeld]

Czi ćwierci tysionca

Czi ćwierci tysionca rokow już minyło
Jak se po roz piyrszy ło szteli szkryfnyło.

[broneknotgeld]

Tako se werci
Chlapnońć czi ćwierci!
Gyburstag zocny!
-Napitek mocny!

[sloneczko1]

w Pyskowicach moja cera sie urodziyła,niy powiym,ale do dzisiej mo ostatnie
zdanie w doma,a pyskato je --że ho,ho--prawdziwo Pyskowiczanka ;)

[broneknotgeld]

Pyskowicke frelki

Toż niy yno som pyskate
Richtig gryfne - jak sagate.

[broneknotgeld]

W starym pyskowickim ratuszu

Co we tym ratuszu mi sie fest podobo?
Hajziel pod "czinostkom" - wcale niy pechowo.

[broneknotgeld]

Pyskowicki "Krziż Golgoty Wschodu" (17.IX.2005)

Przi kościele dynkmal chnetko łodsłoniajom
Pamiyńci poległych na Wschodzie Polokow
Kresowioki przeca ciyngym pamiyntajom
A i nom trza wspomnieć straconych Ślonzokow.

(fraszka zeszłoroczno)

[broneknotgeld]

Godom jako na spowiedzi
-Kto pyskaty tyn tam siedzi!

[broneknotgeld]

Pyskowice rynek majom
Tam karlusom frelki pszajom
Choć po ślubie fest pyskate
-Nojgryfniejsze jak sagate.

[broneknotgeld]

Pyskowice rynek majom
Tam karlusom frelki pszajom
Choć po ślubie fest pyskate
-Nojgryfniejsze jak sagate.

[broneknotgeld]

Wspomna ło tych Pyskowicach
Zaroz mom weselsze lica.

[broneknotgeld]

Pyskowicko zjawa

Biołom Damom jom tu zowiom
Bo se tako nocom zjawio
Jo wom ło niyj połosprowiom
Czamu strach nom ciyngym sprawio

Se w niymieckich czasach dzioło
Gastaus stanoł w Pyskowicach
Służbie było w niym wesoło?
Mo Szolcowo sroge lica!

Toż wszyskimi poniywiyro
Za harowa licho płaci
Na biydokow źle zaziyro
Bele łona sie bogaci!

Ech, "Germania" w Pyskowicach
Z gospodyni swyj słynyła
Dyć wiedzieli - sekutnica!
Istno tego tyż niy kryła

W końcu śmiertka jom skosiyła
Pani Szolc na marach leży
-Bioło Dama se zjawiyła
W to musicie teroz wierzyć

Na nic ksiondz mogiła kropi
-Dusza błonko kajś po grodzie
Jako żywy to spokopi?
Niychej z bliźnim zowdy w zgodzie

Bo za zło co inkszym sprowi
Może ciynżko pokutować
Bioło Dama ktoś wybowi?
Na jyj grobie z downa trowa.

[broneknotgeld]

We Dziyń Zaduszny

Ech - we Dziyń Zaduszny kościoł w Pyskowicach
Zdowo sie mieć richtig nojsmutniejsze lica
Nocom Bioło Dama rzyko we świontyni
Tako już łod wiekow - czy ktosik to zmiyni?

Za grzychy doczesne istno pokutuje
Łodpuszczone bydom jak ktoś ucałuje
Jeji lodowate, trupioblade rynce
We tym łodkupiynie po sług zjawy mynce.

[broneknotgeld]

Przi hotelu "Germania"

Dzisioj przi hotelu Szolcowo spotkocie
Jak połnoc wybije - czy stracha niy mocie?
Bioło Dama smutno na posesjo bliko
Za spokoj jyj duszy ktoś tukej porzyko?

[broneknotgeld]

Sie Szolcowy boja
Toż tam niy poobroja.

[broneknotgeld]

broneknotgeld napisał:

> Sie Szolcowy boja
> Toż tam niy poobroja.
Choć brojić niy byda
Jeszcze kedyś przida.

[broneknotgeld]

Żech zaś kuknoł
Cosik bluknoł.

[broneknotgeld]

"Drogi i bezdroża śląskiej literatury"

Na "bezdroża" zagoniyło
www.facebook.com/photo.php?fbid=374912925916950&set=a.353897604685149.12794732.195759197165658&type=1&theater
Dyć ciekawie richtig było.