Powiat Wejherowski

[broneknotgeld]

Wejherowo miasto, Wejherowo gmina
Powiatu nojpiyrszo tako tyż dziedzina.

[broneknotgeld]

Powiat wejherowski siyngo nawet morza
Bestoż wontek ło niym se tukej łotworza.

[broneknotgeld]

Kaszubsko dziedzina

Ciyngym ze powiatu kaszubsko dziedzina
Tu czasym echt-Polok mo niyhersko mina.

[broneknotgeld]

Toż mie powiat wejherowski
Prziwito we wtorek
Zniknom roztomajte troski
Uciechy do worek.

[broneknotgeld]

Wejherowo po naszymu
Ździybko prozom, coś do rymu
Z gminy, miasta i powiatu
Niy trza tego czyścić atom
www.facebook.com/pages/Wejherowo-powiat-miasto-gmina/1539817129574503?ref_type=bookmark
Niy dziwejcie - pokusiyło
Kej coś ło tym piyrwyj było.
forum.gazeta.pl/forum/w,28940,42404976,42404976,Powiat_Wejherowski.html

Wejherowo

[broneknotgeld]

Wejherowu pszaja wiela
Ło niym rymy tukej ściela.



Kaszubsko stolica

W pradolinie Redy zocne miasto leży
Kere Wejher tukej przed laty zbudowoł
Kaszubsko stolica - możecie mi wierzyć
Niy myślcie że yno mi sie to wydowo.



We tym Wejherowie jo żech jest co rok
Z Gdyni SKM-kom robia se tam skok.

[broneknotgeld]

Wejherowske fedry

Reda Bolszewka i Cedron
Mie widzom sie jakby fedrom
Na kery wszysko sie czimie
I jakoś siyła w tym drzymie.



Śmiechowo

Jak cugym tam jada
To lachom sie wiela
Niy mynczy mie zwada
Ze szpasym ta sztela.



Z Nanic

Coś w duszy gro?
Z Nanic sie zdo!

[broneknotgeld]

W Liceum Handlowym

Co to za szkoła we Wejherowie?
Wloz żech w liceum jejich handlowe
I ze wystawom se "produkuja"
Jeszcze łodmowy zdo sie niy czuja

Przeca żech prziwioz istnych geld tukej
Kaj coś takego za darmo szukej?
Do tego inksze pomorske sztele
Niych se łoglondnom karlusy frele

A dyrechtorka na to mi - NIY
Czamu? -Toż łona yno to wiy
Niy chce notgeldow w szkole wystawy
Tela w liceum mioł żech "zabawy".

[broneknotgeld]

Po kaszebsku jo niy umia
Ślonski yno wyrozumia
Dyć pociongna se do przodka
W Wejherowie moja godka.

[broneknotgeld]

A jo lubia

Lubia na rynku piwa sie napić
I na Wejhera ździybko pogapić
Czasym mu ptoki na gowa srajom
Pewno uciecha tyż we tym majom

Bo co czowieka rożni łod ptoka
Kery sie bliko na mie z wysoka
I możno myśli ło takim dziwie
- Czy jego lony wypiołbych w piwie?

[broneknotgeld]

Wejherowo ponczkuje

Ano w Posły dyć ponczkuje
Dwie gowy do Sejmu suje
Jedyn z PO drugi z PiSu
W ty kadyncji taki miszung.

[broneknotgeld]

Gora Zamkowo

Wele Wejherowa jest Gora Zamkowo
Średniowieczny grodek - archeolog godo
Na kurhany blikej - tyż ciekawe tukej
Downy historyji kaj chcesz tam se szukej.



W średniowieczu

Pod zwiyrzchnośćiom Piastow kasztelanii gdański
Ta ziymia se nojpiyrw trocha podlygała
Dyć to se zmiyniyło wedle woli pański
Jak pucko zrobiyli to tam zoglondała.



XIII - XIV wiek

Za ksionżont pomorskich Prusowie osiedli
Łoni we tych stronach zocne życie wiedli
Dyć w XIV wieku już w Zakonu mocy
Kery Łokietkowi łotwar ponoć łoczy.

[broneknotgeld]

Rycerske dobra

Śmiechowo i Nanice łod wiekow tu były
Jeszcze ło Wejherze te ziymie niy śniyły.



XV wiek

Po Grunwaldzie Zakon słaby
Już niy dowoł se tu rady
Zwionzek Pruski przeca powstoł
Wiatru w żagle ździybko dostoł

W końcu wojna przikulało
Z niyj biydniejszo ziymia cało
Przez czinoście lotek przeca
Wojska brały durś do neca

Roz pomorske roz krziżacke
I na zmiana tyż te lacke
Potym Polska zaś tu prziszła
Choć ze wojny nyndza wyszła.



1526

Zygmunt Stary potwierdzo nadania
Ziymi Nanic i tyż ze Śmiechowa
Majom prawo tu niymi władania
Janek Loka i Michał z Jackowa.

[broneknotgeld]

No i już Wejher

Łod Jackowskich te ziymie Wejher kupioł w końcu
Jak tyn wiek szesnosty już niy blyszczoł w słońcu.


Z rodowych legynd

Legyndy rodowe głoszom - rod z Frankonii aże
Karol Łysy - cysorz rzymski już Wejhera znoł
Dyć ta bajka historyjo dzisioj cołkym marze
Widać yno że ambicjo tyn rod wielko mioł

We dwunostym wieku ponoć tyn Ryszawobrody
Pas rycerski przipasowoł z Wejherow jednymu
Bo sie wiela mu zasłużoł choć był jeszcze młody
I łostało to w pamiyńci na chwała istnymu

Wiek sztyrnosty - już ich Zakon przigarnoł do siebie
Mieczy tyngich poczebowoł przeca łon tu zowdy
W lynno wiycie co dostali? Ano godom - Łebe
Ale sie mie niy pytejcie wiela w tym jest prowdy.



Historio rodu Wejherow

Piyrszy był Mikołoj - możno tak niy zwany
Mistrz Zakonu nadoł mu w Gyńsi te łany
Wieś ze Białogardy zocny parafiji
Łon tu zaczoł dzieje naszy familiji
Kero pryndko wziyła sie Wejhera miano
Ze wojtostwa Łeby tyż stała sie znano
Tako ło tym jeszcze wiek sztyrnosty godo
Niy wiym czy coś wiyncy historyjo dodo.

[broneknotgeld]

Hans Wejher

Ło niym to my richtig już dość wiela wiymy
Znali go ze tego że krziżokom pszoł
We czinostoletniyj wojnie go widzymy
Dyć żech tukej szkryfnoł jako strona broł

Szczyńściym wloz pod krzidła ksiyńcia pomorskego
Bo ziymia lymborsko we ta poszła strona
To go uchroniyło łod gniywu polskego
Synkow łon mioł ośmiu - w spokoju mog konać.



To ci fater

Tym tyż zasłynoł Hans Wejher tukej
Że ośmiu synow po niym aż szukej
Klaus Pyter Hanslik Jorgyn i Martin
Bartłomiyj Dytryk Jakub - niy żarty.



Klaus Wejher

Syn Hansa Mikołaj - Klausym czyńści zwany
Jymu tyn wojt Łeby był tukej pisany
Na Słupsku starosta - urzond przeca zocny
W Polsce i Pomorzu pan to już był mocny

Ze Zofijom Rahmel czech synow uchowoł
Marcin sie biskupym kamiyńskim mianowoł
Francik w swoje rynce wzioł ziymia lymborsko
Ernest jednak musioł wybrać polske wojsko.

[broneknotgeld]

Ernest Wejher

Łon Rzeczpospolityj ze oddziałym służoł
Kery na Pomorzu pryndko se zwerbowoł
Na wojnie sie wiela wzbogacioł i użoł
Inkszym najymnikom taki przikłod dowoł

W Inflantach wojowoł niy yno dlo Polski
Bo przi tym tyż ponoć zadboł fest ło swoje
Jak tyn zamek Dahlen zajmowoł ze wojskym
To przi czyńści skarbu pedzioł "To jest moje"

Co zdobył lokowoł u sia na Pomorzu
Rosły tukej ciyngym ziymske dobra jego
No i przeca tego tyż na końcu dożył
Że jak na magnata paczeli na niego

Dyć wojna to było coś co mu leżało
Na Gdańsk i na Moskwa poszoł ze Batorym
Do Szwecji za Wazom tyż mu sie lyźć chciało
Bo bez juchy z ajzom bywoł jakby chory

Urzyndow mu za to tyż krole nadali
Starostwa pomorske i dzierżaw dość wiela
Yno wojewodom go niy powołali
Wrogow przeca miywoł - szkryfna tukej tela.

[broneknotgeld]

Bydzie Wejcherowo we metropoliji
Toż ze tym tyż przeca trocha jest mecyji.

Wejherowo - gmina

[broneknotgeld]

Gmina Wejherowo 1934

Roztomajte wojtostwa gmina skuplowała
Wele Wejherowa już wtedy leżała.

[broneknotgeld]

16 sołectw

Szesnoście sołectw dzisioj w ty gminie
Wontek żodnego z nich niy łominie?

[broneknotgeld]

Nigdy żech u nich niy był na gminie
Dyć mie pewnikym to niy łominie.

Bolszewo

[broneknotgeld]

Bolszewo (II w.p.n.e.)

Kultury wielbarski tu osada była
Dyć korzyniym starszo - a z niego jyj siyła.

[broneknotgeld]

Bolszewo (I-IV w.n.e.)

Ano - kożdy przeca powiy
Tukej tyn "szlak jantarowy"
Toż sestersy i dynary
Pokazujom nom czas stary.

[broneknotgeld]

We białogardzki kasztelaniji (XII-XIII w.)

Toż już Białogardy wioska
Tyn grod tako jeji troska.

[broneknotgeld]

"Bolischow" (XIII w.)

Archiwista tyż to jawi
Że dokumynt tako prawi.

[broneknotgeld]

"Boliszew" (XIII w.)

Takim mianym tyż szkryfnione
Dyć niy bydzie na tym koniec.

[broneknotgeld]

Bolszewo 1468

Bolszewo z rokym tym we Koronie
Zakonu tako już tukej koniec
Prusom Ksionżyncym tyż nic do tego
Bliży do princa dyć pomorskiego.

[broneknotgeld]

Bolszewo Janowskich i Bolszewskich
(XV-XVI w.)

Dwie familije tukej se jawiom
Toż dokumynty i ło tym prawiom
Że nawet zbrojnych wystowiać mieli
Jak jejich pany wojować chcieli.

[broneknotgeld]

Bolszewo 1580

Zbor protestancki tu wystowiajom
Nauki Lutra w dziedzinie głoszom
Toż wangelikow wiyncy tyż majom
Co po swojymi Ponboczka proszom.

[broneknotgeld]

Bolszewo 1872

Już cymynt portlandzki robiom w ty dziedzinie
Ze margli jeziornych - tym Bolszewo słynie
Kanał przekopany - ił promym ściongajom
Kaj Orle do dzisioj ło tym wspominajom
Bo przeca roboty było richtig wiela
Tako wydźwigniono tyż i jejich sztela.

[broneknotgeld]

Konnym cugym (1873-1890)

Cymynt ze Bolszewa po glajzach se jedzie
Dyć ciynżko go ciongnońć koniom co na przedzie
I choć Wejherowo cołkym blisko leży
Habety se mynczom - możecie mi wierzyć.

[broneknotgeld]

Cugym na sztrom (1890)

Dychnońć koniom w końcu dali
Cug już sztromym napyndzali
Dziwo cołke se Pomorze
Sztrom i glajzy - moj ty Boże!
Już niy yno przeca para
Se ło postymp zaczła starać.

[broneknotgeld]

Na szyrokim torze (1902)

Ze Bolszewa w Wejherowo
Już se szyrzy glajzy stowio
Trza - maszyny yno przepnom
Cymynt na Pomorze ciepnom.

Kniewo

[broneknotgeld]

Kniewo 1400

Już ze tym rokym dziedzina znano
Na wieki cołke Pomorzu dano.

[broneknotgeld]

Kniewo 1404

Krziżaki lokacjo na włóki dowajom
Sztyrdziści chełmińskich - tela w Kniewie majom.

[broneknotgeld]

Kniewo "Olyndrow" (28.X.1599)

"Olyndrom w arynda sztela Wejher dowo
Piyrwyj bagnym prawie se dziedzina zdowo
Dyć zmeljorowali - już na niyj żniwujom
A i grosz staroście puckiymu tyż sujom.

[broneknotgeld]

Stare Kniewo - Zamostne

Tu połkownik Krzewski piyrwyj gospodarzoł
Pewno i ło Kniewie bogatym se marzoł.

[broneknotgeld]

"Nowe Żuławy"

Ano - piyrwyj tako dziedzina tyż zwali
"Olyndry" jom przeca ciyngym łodwodniali.

[broneknotgeld]

Kniewo 1880

Zamostne ze Kniewym cołkym se kupluje
Toż Stare ze Nowym - tako forsztelujesz.

[broneknotgeld]

Kniewo 1920

Gmina podzielono - Reda tu granicom
Poloki Zamostne do sia tako liczom
Kniewo zaś przi Niymcach ze tym se łostało
Familijom z tego utropy niymało.

[broneknotgeld]

Most na Redzie (1920-1939)

Już za mostym Polska była
Dyć Zamostne do sia wziyła.

[broneknotgeld]

Holynderske zagrody (ok. 1800)

Dwie sie już yno w Kniewie łostały
"Olyndrow" łone niy zapomniały
Dyć som juz prawie we ty ruinie
Z niymi czas downy tukej przeminie.

[broneknotgeld]

Ferma strusi w Kniewie

Ano - możesz se pokusić
Tu łodwiydzić ferma strusi
I smażony pokosztować
Trza we Kniewie czyńści stować!

[broneknotgeld]

Strusi sklepik

Co ze strusia znojdziesz tukej
Toż kaj ińdzi już niy szukej.

Góra

[broneknotgeld]

W "opolu puckim"

W "opolu puckim" już Góra była
Downo osada - z tym se niy kryła.

[broneknotgeld]

Gora Pomorsko

Richtig ta Gora na gorkach leży
Toż w jeji miano kożdy uwierzy.

[broneknotgeld]

Gora Pomorsko (XII w.)

Ponoć już była tu parafijo
Coś ło tym prawi tyż historyjo.

[broneknotgeld]

"Góra"

Tako ło niyj kożdy prawi
Że "Pomorsko" nikt niy jawi.

[broneknotgeld]

Gora 1415

Z tego co wiymy karczma tu była
I młyn - toż Gora miała swo siyła.

[broneknotgeld]

Dobro krolewske

Ano - dyć władcy piyrwyj to było
Wiela paniskow je dzierżawiyło
Łostatnim ze nich był Przebendowski
Profit mioł z Gory - czy dopust Boski?

[broneknotgeld]

Po I rozbiorze Polski

Gora sprzedano - dobrym dziedzica
Choc czynsto miyniom se jego lica
Ciyngym Pomorza dziedzina zocno
Przeca na gorkach zicła se mocno.

[broneknotgeld]

Gora 1903

Zaś to dziedzina jest skarbu króla
Prowda wom szkryfna - dyć niy chca fulać

[broneknotgeld]

Kościoł w Gorze 1911

Stoji kaj piyrwyj inksze już stoły
Zocnie wyglondo - dzwon w niym wesoły
W neobaroku łoblyk sie szaty
Przeca by niy mog być tu sagaty.

[broneknotgeld]

Ołtorz w kościele

Ołtorz świontyni jest barokowy
We nowszych murach richtig wiekowy
Dyć parafijo tu z downa przeca
Tako niy dziwo że z tego neca.

[broneknotgeld]

Rzeźby w kościele

Dyć se im dziwejcie
Gryfne - barokowe
Cześć Bogu tym dejcie
Choć kunszt sprowioł człowiek.

Sopieszyno

[broneknotgeld]

Sopieszyno (XI w.)

Prawiom co już wtedy
Była tu osada
Trzimoł woj jom jakiś?
Była ło to zwada?
Archeologijo
Niy godo nom ło tym?
W papiorach coś szkryfli
Pora wiekow potym.

[broneknotgeld]

Sopieszyno 1399

Ano, to już pewne
Papior taki znodli
Historyji swoji
Pewnikym niy skrodli.

[broneknotgeld]

Petki i Knabbera (XV w.)

Toż dwoch dziedzicow wspomna wom teraz
Nojpiyrw łod Petki, potym Knabbera?
A możno wioska jejich cuzamyn
Po prowdzie niy wiym - tako z tym amyn.

[broneknotgeld]

Sopieszyno XVII w.

Kto w tym czasie gospodorzoł?
Jakub Wejher - wiela wożoł!

[broneknotgeld]

Sopieszyno 1780

W Przebendowskich już jest rynkach
Przeca wcale niy na mynkach
Sopieszyno z tym urośnie?
Chciołbych szkryfnońć wom radośnie.

[broneknotgeld]

Sopieszyno 1885

Ano, toz pewne - jest tukej szkoła
Dzieciarnio dzwonkym trza było wołać
Jak rechtor łostry - utropa z tym
Niy to co dzisioj - tako jo wiym.

[broneknotgeld]

Poczontek wieku XX

Dlo Sopieszyna zaczoł sie źle
Dyć łogyń wioska cołko chnet chce
Chałupow wiela z tym wygorało
W wielki utropie dziedzina cało.

[broneknotgeld]

Sztrasa na Wejherowo

Z Szemudu ciongli do Wejherowa
Potrzebno sztrasa - toż dźwigli gowa
Zaś Sapieszyno chałpami blyszczy
Dyć możno z czasym coś wiyncy zyszczy.

[broneknotgeld]

Przi Wejherowie (1920)

Wejherowo-Zamek - wojtostwo jest take
Lecom Sapieszynu w niym roki jednake
Toż i dzisioj przeca w gminie Wejherowo
Kuknij prawie w mapa - to se niy wydowo.

[broneknotgeld]

Co po dworze?

Co po dworze se łostało?
Szkryfna prowda tukej - mało.

Reda

[broneknotgeld]

Reda

Piytnoście tysiyncy dusz
Toż cołko Reda jest już.

[broneknotgeld]

Staro Reda

Czi ćwierci tysionca lot już prawie stoji
Na taki gyburstag pewno se łobstroji.

[broneknotgeld]

Czi herbowe gorki

Reda Pleszewo i Ciechocino
W jedno se zloły - herb to wspomino.

[broneknotgeld]

Reda jutro blyśnie tym
forum.gazeta.pl/forum/72,2.html?f=28940&w=64062198
Cosik takowego wiym.

[broneknotgeld]

Reda 1357

Co Krziżoki naszkryflali?
Reda już z tym rokym znali
Historyjo szteli ruszo!
Czy wos dzisioj to niy wzruszo?

[broneknotgeld]

650-lecie Redy

Historyjom tako słynie
Toż radocha we dziedzinie
Sznapsa tyz niy pożałuja
Wiek przezocny - forszteluja.

[broneknotgeld]

Reda (XV w.)

Dziynki rzece Reda rośnie
Młyn z robotom se uwijo
Choć niy zowdy tu radośnie
Przeca jakoś czas jyj mijo.

Rumia

[broneknotgeld]

80 lot tymu

Łoziymdziesiont lot tymu Rumia fest urosła
Toż wtedy se łona na Zagórze poszła
Kazimierz chyciyła no i te Łężyce
Wpiyrw to były jeji yno okolice

Latoś dwie rocznice mogom se fajrować
Rok ty "Wielki Rumi" przed łoczy nom dować
Do tego dołożom gyburstag miejskości
Dubeltowo przeca ze tym jest radości.

(fraszka z 2004 roku)

[broneknotgeld]

"Pod lipami"

W dworku "Pod lipami" łykniesz historyje
Łoziymset lot przeca ta miejscowość żyje
"Dzieje Rumi" zocne - niy łomijej tukej
Na wystawa tako do MOKu zaklupej.

[broneknotgeld]

Gyburstag Rumi

Dyć fufcig rokow już miastym jest
Fajrować szłoby gyburstag fest
Możno październik bydzie ciekawy
Niy braknie w Rumi wtedy zabawy.

(fraszka z 2004 roku)

Szemud

[broneknotgeld]

Szemud

Szemud wioskom gminnom - tym asić se idzie
Toż niychej na zowdy ze tym tako bydzie.

[broneknotgeld]

Szemud 1311

Już historyjo ło wiosce prawi
Tako se Szemud potomnym jawi!

[broneknotgeld]

Wioska "Schönwald"

W gryfnym borze położono
Wieki lecom dyć niy kono
Dzisioj jest stolicom gminy
Szczyńście niychej gości driny.

[broneknotgeld]

Szemud 1311-2011

Werci se ło tym już dzisioj wspomnieć
Dyć niy godejcie że to niytomnie
Bo sztyry roki drapko przeminom
A Szemud zocnom richtig dziedzinom
Tiż niych rychtuje gyburstag wielki
Na siedym setek! -Niy duperelki.

[broneknotgeld]

700 fraszek na 700-lecie

Czasu dośc jest toz niych bydzie
Siedym setek fraszek przidzie
Dyć niy feler w tym że ślonskich
Bo Ślonzoki to niy gonski.

[broneknotgeld]

Szemud Lesokow

Kaszuby-Lesoki tukej znaczom wiela
Szemud dlo nich jako nojzocniejszo sztela.

[broneknotgeld]

Niy darmo

Niy darmo Schönwaldym ta wioska wpiyrw zwano
Dyć Lesokom jakby na muster jest dano.

[broneknotgeld]

Szemud Ferberow

Za polskich krolow było to jeszcze
Gdańszczanow wioska - tymu dyć wierzcie
A rod Ferberow ze tych zocniejszych
I trza go wspomnieć w czasach dzisiejszych.

[broneknotgeld]

Familiji van der Linde

Czy familijo lipy sadziyła?
Jako w Szemudzie gospodarzyła?

[broneknotgeld]

Szemud XVII w.

Z tym wiekym wioski inksze we zadku
Szemud urosnoł niy skiż przipadku.

[broneknotgeld]

Szemud rośnie

Ju.z parafijo z nowom świontyniom
Szemudu lepsze czasy niy minom
Jakosik ciyngym w gora se dropie
Chocioż nikedy tyż we utropie..

[broneknotgeld]

Szemud Zelewskiego (1858)

Folwark w szemudzie Zelewski trzimie
Dyć kto tu gburym tyn tyż niy drzymie.

[broneknotgeld]

Szemud 1885

Trzista dusz z hokym, młyn no i szkoła
Dzwoniom na niyszpor dzwony kościoła
Piekarnio tako chlyb piecze zocny
Z Szemudu Kaszub jest richtig mocny.

[broneknotgeld]

Szemud 1922

Gminom dlo sołectw Szemud już jest
Tako przi Polsce dźwigniony fest.

[broneknotgeld]

Stolica Lesokow

Toż ło Szemudzie tako tyż prawiom
Kaszubski ziymi Lesoki jawiom.

[broneknotgeld]

Latoś dali szkryfnońć pódzie
Prawie cosik ło Szemudzie.

Bojano

[broneknotgeld]

Bojano

Po prowdzie Bojan trza by mi pisać
Dyć jako nudle skiz tego wiyszać?
Bojano - tako wszyscy tu prawiom
Miano ty wioski wandrusom jawiom.

[broneknotgeld]

Łod Bojana

Miano prziszło łod Bojana
Czegoś boł se istny z rana?
Tu ci tego niy powiedzom
Sami pewno nic niy wiedzom.

[broneknotgeld]

Bojan 1311

Ano - toz wioska już wzmiankowano
Richtig już momy tukej Bojano.

[broneknotgeld]

Bojan XIV w.

Urzond Leśny w Gdańsku
Czynsze broł z ty szteli
Z rozkazu Krziżakow
Tako płacić mieli.

[broneknotgeld]

Bojan XVI w.

To pewne - w Bojanie tyż już karczma była
No i se Werdena dzierżawa zaczyła.

[broneknotgeld]

Ludwik Werden

Bojano trzimoł, tako tyż syny
Niyjedna jejich kaszubsko wioska
Werden we zocy niy yno driny
Toż trza rod wspiyrać choćby i troszka.

[broneknotgeld]

Major Bojan

Dziedzic tu nowy z wioski wzioł miano
Folwark szlachecki już blyszczy rano.

[broneknotgeld]

Mateusz Lending 1767

Już tu Lending gospodarzy
Dyć czy se mu dobrze darzy?
Szczyńście znojdzie we Bojanie?
Ano - niy wiym co z tym stanie.

[broneknotgeld]

Familiji Tuszyńskich

Zaś przemiyniyli se tu dziedzice
Teroz Tuszyńskich to okolice.

[broneknotgeld]

Nowy kościoł w Bojanie

Kościoł w Bojanie dźwigli se nowy
Pewno tyn stary niy był za zdrowy.

[broneknotgeld]

Folwark Stary Bojan

Fundamynta se łostały
Choć za Niymca był durś cały
Pobulyli z końcym wojny
Niy był tukej czas spokojny.

Dobrzewino

[broneknotgeld]

Dobrzewino

We szemudzki gmnie
był ześ w Dobrzewinie?

[broneknotgeld]

Dobrzewino 1311

Sie historyji z tym rokym jawi
W siedymsetlecie pewno zabawi.

[broneknotgeld]

Wioska rycersko

Jak pon tukej gospodarzoł
Ło wojynkach pewno marzoł.

[broneknotgeld]

Dobrzewińscy

Dobrzewińscy z Dobrzewina
wziyli swoje miano?
Familiji w downych wiekach
ta wioska poddano.

[broneknotgeld]

"Grenzeberg"

Dobrzewińsko kolanijo
Tako prawi historyjo.

[broneknotgeld]

Szlachecke Karczymki

Wiela tych szlachcicow było?
Wiela karczmow tu stanyło?

[broneknotgeld]

Poniymiecki kerhof

Ło przeszłych wiekach cosik łon prawi
Toż historyjo tyż łoczom jawi.

Luzino

[broneknotgeld]

Luzino

Łod grodu Wejhera ze zachodni strony
Luzino napotkosz - bydziesz rozluźniony.

[broneknotgeld]

Gmina Luzino

Kto z Wejherowa na Lymbork jedzie
To przez ta gmina droga go wiedzie.

[broneknotgeld]

Kaszubsko gmina

Chocioż Kaszubow niy ma za wiela
Dyć ich kulturom chce blyszczeć sztela.

Barłomino

[broneknotgeld]

"Bucholz" 1400

Z takim mianym szkryfli rycersko osada
Toż przeca niy bydzie ło to dzisioj zwada.

[broneknotgeld]

5 folwarkow (XV-XVI w.)

Zdo sie Barłomino richtig epne było
We tela majontkow aże łobrodziyło.

[broneknotgeld]

Barłomino 1765

Jako se miyszkało driny?
Szkryfli co tu był "dwor z gliny"
Młyn niy szczyńdzioł swoji wody
Park dość epny czy łogrody?

[broneknotgeld]

Grofa von Fuchsa

Łostatni dziedzic na Barłominie
Jako se piyrwyj żyło w dziedzinie?

[broneknotgeld]

Szkoła w Barłominie 1880

Ano - ze downa była tu szkoła
Jest! Tako dzisioj idzie zawołać
Ponoć terozki łona -"zielono"
Dyć ciyngym stoji - przeca niy kono.

[broneknotgeld]

Przi Bolszewce

Ano - Bolszewka prawie tu płynie
Znojdziesz jom przeca tyż we Luzinie.

[broneknotgeld]

Stare chałpy

Idzie se chałpom starym tyż dziwać
Połtora wieku - głowom trza kiwać
Toż przeca skansyn prawie mi zdowo
Oby se yno trzimały zdrowo.

Dąbrówka

[broneknotgeld]

Dombrowka 1400

Toż jedno pewne - Dombrowka była!
Skond by se wzmianka w papiorach wziyła?

[broneknotgeld]

Jakub Dombrowski

Miano wzioł z dziedziny swoji?
Jako domb se burz niy boji?

[broneknotgeld]

Dombrowka 1875

Dwadziścia piyńć zagrod w ty dziedzinie stoji
No i dwor co dzisioj inkszo sztela stroji.

[broneknotgeld]

Dombrowski dworek

Toż Wdzydze Kiszewske se niym dzisioj aszom
A Dombrowka tako jakby bardzi gaszom.

[broneknotgeld]

Spichlerz (XIX w.)

Spichlerz podworski łostoł se tukej
Dyć dworu teroz na darmo szukej.

[broneknotgeld]

Dombrowka 1400

Wies sto trzi włoki w tym roku miała
To historyjo ło niyj szkryflała.

[broneknotgeld]

Jakub Dombrowski (1766)

Istny dziedzicym prawie terozki
Z gospodarzyniym niy mioł tu troski?

Kębłowo

[broneknotgeld]

Kymbłowo 1354

Tako już ta wioska mocie
Przeca wiara tymu docie.

[broneknotgeld]

Stare Kymbłowo (XVI w.)

Lubodzkich dziedzina we tych czasach była
Dwor i źdzybko zagrod pewnikym liczyła.

Kochanowo

[broneknotgeld]

Kochanowo XVIII w.

Ano - już stoji płac von Kocha
I park - czy z tego łostało trocha?

[broneknotgeld]

Kochanowo XX w.

Z familiji Kochow miano wiosce dali
Choć możno i Polsce tyż istni niy pszali.

Milwino

[broneknotgeld]

Pomorsko osada

Tako znodli tukej mogiły krzinkowe
Z downa ta dziedzina zasiedloł już człowiek.

[broneknotgeld]

Milwino 1381

Ziymi mirachowski graniczno osada
Szkryfli w dokumyntach - toż ło to niy zwada.

[broneknotgeld]

Milwino Tempskich XVII w.

Farorz ze Luzina sztela doł w dzierżawa
Bestoż miano Tempskich teroz rymym jawia.

[broneknotgeld]

Milwino 1773

Zelewskich, Machow i Tempskich tako
Choć podzielone możno niy płako.

Luzino

[broneknotgeld]

Luzino XIX w.

Krowy, owce, konie tukej hodowali
Na swojym jarmarku tako targowali
Szkoła we Luzinie, mlyczarnio tyż majom
Aż we dwoch kościołach do Boga rzykajom.

[broneknotgeld]

Koscioł św.Wawrzyńca (1740)

Tyn zobytek tu niy dziwo
Toż se ciyngym dobrze miywo
Choć ze wiyrchu tyż niy nowy
W środku wystroj barokowy.

[broneknotgeld]

Grodzisko (IX w.)

Luzińske grodzisko - dyć i te widzymy
Chocioż niy za wiela richtig ło tym wiymy
Uboższo by była pomorsko dziedzina
Jakby w niyj zabrakło zocnego Luzina.

[broneknotgeld]

Kościoł na Kukowce (1895)

Stanoł na Kukowce kościoł wangelicki
Ech - pastor niy bydzie tu siedzioł na wdycki
Szczyńściym niy straciyła go cołkym dziedzina
Bibljotykom z downa - tyż dobro nowina.

[broneknotgeld]

Nad Bolszewkom

Nad Bolszewkom se Luzino przez wieki dźwigało
Niym nastało krześcijaństwo już Kukowka miało
Gora kero możno świyntom tu dlo ludzi była
Tako pewno i skiż tego se dziedzina wziyła.

[broneknotgeld]

Luzino 1242

Princ Racibor te Luzino norbertankom dowo
Tako prziszło im terozki patrzeć kaj Żukowo.

[broneknotgeld]

Parafijo luzińsko

Ziymi białogardzki staro parafijo
Toż wele Kukowki nowo religijo
Co piyrwyj - stracone, krziż dziedzina znaczy
Cołke tysionclecie już tako łonaczy.

[broneknotgeld]

Luzino XIV w.

Młyn na Bolszece Luzino miało
Folwark i chałup możno niymało.

Wyszecino

[broneknotgeld]

Wyszecino 1400

Ano - już momy te Wyszecino
Tako wystyknie mi szkryfnońć ino.

[broneknotgeld]

Wyszecino 1600

Familijo Wyszeckich tako se rozrosła
Że wioska z tym aże w siedym konskow poszła
Toz zdo sie skiż tego chnet biyda klepali
Dyć możno ze czasym ziymie skuplowali.

[broneknotgeld]

Hereszt w Wyszecinie

Tako w miyndzywojniu hereszt tukej mieli
W folwarku arbajtać możno tyż musieli.

[broneknotgeld]

Wyszecińsko lipa

Ćwierć tysionclecio we Wyszecinie
Niych druge tela w zdrowiu jyj minie.

[broneknotgeld]

Wyszecino

Jedź z Przodkowa do Luzina
Niy łominiesz Wyszecina.

[broneknotgeld]

Wyszecino 1400

Tako pewne że już było
Wyszecino sie niy kryło.

[broneknotgeld]

Wieś rycersko

Czy ktoś zno rycerza miano
co mu wioska w lynno dano?

[broneknotgeld]

Wyszecino 1600

Podzielone jako torta
Siedym konskow - jedna zorta.

[broneknotgeld]

Wyszecino Wyszeckich

Choć wioska w konskach - Wyszeckich trzimie
Dyć skuli tego butda niy drzymie.

[broneknotgeld]

W miyndzywojniu

W miyndzywojniu Wyszecino
ze heresztu znane
Swoje winy na folwarku
łodrobiać im dane.

[broneknotgeld]

Jeziorqa

Biołe i Czorne jeziora znocie?
Przi Wyszecinie łoba je mocie.

[broneknotgeld]

Staro lipa
Ze ćwierć tysionca rokow tu rośnie
Ło downych czasach prawi radośnie.

[broneknotgeld]

Kerhofy ze epoki ajzy

Dlo archeologa Wyszecino "rajym"?
Dyć jo sie tom "ajzom" przeca tu niy najym.

Tępcz

[broneknotgeld]

Tympcz 1354

Familijo Tympskich z Tympcza rod swoj wiedzie
Chocioż ta dziedzina jednak niy na przedzie.

[broneknotgeld]

Tympcz w I Rzeczypospolity

Ano , rozdrobniony - szlachciur dużo tukej
Toż dworu zocnego na darmo tyż szukej.

[broneknotgeld]

Hugo von Zelewski 1833

Z Zelewskim Tympcz rośnie - kupluje cuzamyn
Już tu teroz djosek niy powiy ci - amyn.

[broneknotgeld]

Wilhelm von Jena 1866

Dziedzic nowy tako
Tympczowi jednako?

[broneknotgeld]

"Hedille"

Jako miano wioski wypedzeć Niymcowi
Toż "Hedille" lekci mu se teroz powiy
A że swoji ślubny tako Wiluś prawioł
Toż i pszonie swoje jakby bardzi jawioł.

[broneknotgeld]

Hedille 1885

Młyn, piekarnio, szkoła tako
Toż dziedzina ta niy płako.

[broneknotgeld]

Kamiynny kerchof

Kamiynny kerchof z bronzu epoki
We downych czasach tukej niy ćmoki.

[broneknotgeld]

Tympcz 1920

Po polski stronie w luziński gminie
Tako i dzisioj tref doł dziedzinie.

Sychowo

[broneknotgeld]

"Świechowo"

Tako se piyrwyj ta wioska zwała
Przeca Świechowskich panami miała.

[broneknotgeld]

Sychowo Sychowskich

Ano - z dziedzicami miyni se jyj miano
Tako już do dzisioj sztela bydzie zwano.

[broneknotgeld]

"Sychowske Pustki" (XIX w.)

Czy von Sychowski je łogołocioł?
Sychowa zbożym gbur niy łozłocioł?

[broneknotgeld]

Sychowski dworek (XIX w.)

Łostoł nom do dzisioj dworek we Sychowie
Podziwać se jymu może ciyngym człowiek.

[broneknotgeld]

Bernard Gniot w Sychowie

We miyndzywojniu Gniot folwark trzimie
Niy gniot za wiela? Sychowo drzymie?

Robakowo

[broneknotgeld]

Robakowo 1335

Z tym rokym prawie już wzmiankowane
Toż historyji tako podane.

[broneknotgeld]

Bartłomiej Robakowski

Jako se dziwać że z Robakowa?
Przeca to tukej nojpiyrszo głowa.

[broneknotgeld]

Jan Fryderyk Janowitz 1773

Janowitz tako chycioł dziedzina
Przyńdzie po niymu prawnie na syna?

[broneknotgeld]

148 dusz (1780)

Ano - szkryfna ło tym już
Prawie tela miało dusz.

[broneknotgeld]

Robakowo Priesow

We miyndzywojniu folwarki dwa
łoba łod Priesow - szrajbnońć to trza.

[broneknotgeld]

Podworsko stajnio (XIX w.)

Choć dworu niy ma stajnio łostała
Ło downych czasach powspominała.

[broneknotgeld]

Robakowsko szkoła - 1907

Prawie sto rokow we wiosce stoji
Wiela szkolorzy ciyngym w niyj broji?

Zelewo

[broneknotgeld]

Zelewo 1400

Przi Luzinie take znomy
Siodmy wiek Zelewo momy.

[broneknotgeld]

Familiji Bach-Zelewskich

Zelewo jejich rodowym gniozdym
Wiy ło tym tela dzisioj chnet kożdy

[broneknotgeld]

W miyndzywojniu

W puckim powiecie Zelewo było
Ło Wejherowie jakby niy śniyło.

[broneknotgeld]

Erich von dem Bach-Zelewski

Przez drugo wojna zyskoł zło sława
Ślimto skiż niego gługo Warszawa
Ano - powstanie w pamiyńci miywo
I Zelewskiego - to mie niy dziwo,

[broneknotgeld]

Dzieci von dem Bacha-Zelewskiego

Dzieci już czuły se Polokami
A fater ciyngym był za Niymcami
Toż tragedyjo jakich dość wiela
Znała niyjedna graniczno sztela.

[broneknotgeld]

Dworek

Dworek Bach-Zelewskich ciyngym tukej stoji
Gyburstag stulecio możno sie mu skroji.

[broneknotgeld]

Na dolina Redy

Sie dolinie Redy z Zelewa podziwosz
I nad historyjom możno tyż pokiwosz.

Linia

[broneknotgeld]

Linia

Bliży Lymborka niż Wejherowa
Dyć przeca na wschod keruje gowa.

[broneknotgeld]

Linia - gmina

Połednie powiatu - tam gmina znojdziecie
Pojezierze kaszub już i tukej przecie.

[broneknotgeld]

Gmina kaszubskościom kusi
Toż kultury swyj niy dusi
Znojdziesz lasy i jeziora
Wybrać se tam przidzie pora.

[broneknotgeld]

Agroturystyka

Ano rozwijajom - tym gmina se chwoli
Jeziora i lasy, rzeka wedle woli
Kajniykaj i dworek łoczy zaciekawi
Toż se tu turystow coroz wiyncy jawi.

[broneknotgeld]

Na Łebie

Na Łebie kajakym se tako popływosz
Jak kijow niy moczysz to fiszom podziwosz.

[broneknotgeld]

Banhof we Linii 1905-2010

Dugo we ty szteli stoł
Latoś jednak wybulyli
Ech, by czowiek bany chcioł
Dyć we glajzach niy ma siyły

Dargolewo

[broneknotgeld]

Dargolewo

Na połnoc łod Strzepcza Dargolewo leży
Niychej se som sprowdzi kery mi niy wierzy.

Głodnica

[broneknotgeld]

Głodnica XIX w.

Piyrwyj kolanijom dyć wioskom już zdo sie
Ze głodu se zwyrtnie a zagro na nosie.

[broneknotgeld]

Szkoła w Głodnicy

Dziewiytnosty wiek se tracioł
Wioska w szkoła ubogacioł
Dyć do dzisioj tu istnieje
Dość ciekawe jeji dzieje.

[broneknotgeld]

Szkoła w Głodnicy 1975

Szkoła zawiyrajom - dlo bajtli utropa
Łazić z pukeltaszom kajś dali na szłopach
Czy bus podstawiyli? -Możno tako było
Dyć teroz inaczy - co złe se skończyło.

[broneknotgeld]

Kaszubsko szkoła 1990

Tym Głodnica teroz słynie
Majom szkoła zaś w dziedzinie
Po kaszubsku wykłodajom
Swoji godce bardzi pszajom.

[broneknotgeld]

Dynkmal Macieja Nitki Głodkowskiego

Cie szlachciura wito tukej
Darmo na niym brzucha szukej.

Kętrzyno

[broneknotgeld]

Kyntrzyno

Znojdziesz we gminie wioska Kyntrzyno?
Cug jechoł tukej - se przipomino.

Kobylasz

[broneknotgeld]

Kobylasz

Czy ze kobył słynie sztela?
Porachujesz ich tu wiela?

Lewinko

[broneknotgeld]

Lewinko

W jeziorze Lewinko przeglondo se wioska
Możno zaś gryfniejszo jest chocioż ło troszka.

Lewino

[broneknotgeld]

Lewino

Ano - wyrosło wele Lewinka
I je prześcigło jakby ło kszynka.

Linia

[broneknotgeld]

Linia

Nojwiynkszo wioska we ty dziedzinie
Toż blyszczy jako stolica gminie.

[broneknotgeld]

Linia 1373

Ano - już wioska tu lokowano
Z tym roztomajtym dziedzicom dano
Toż se przez wieki miyniyli tukej
Kaj historyji terozki szukej?

[broneknotgeld]

Linia - koniec XIX w.

Wioska niywielko dyć szkoła mo
Co dali bydzie? Kto jyj tref zno?

[broneknotgeld]

Linia 1926

Kościoł we Lini prawie stowiajom
Dyć już łod downa i szkoła majom
Widać dziedzina ze tym se budzi
Choć wojna możno wszysko wystudzi.

[broneknotgeld]

Po drugi wojnie

Po drugi wojnie gminy stolica
tako som krase ty Lini lica
Kaszubsko sztela dźwigo se z tym
Niy skuli tego jednak moj rym

Dyć promocyji potrza na zowdy
Tela wom szkryfna nojszczyrszy prowdy.

Szeperia

[broneknotgeld]

Szeperia

Przi Smażewie se zicnyła
Jest i bydzie jako była.

Tłuczewo

[broneknotgeld]

"Kluczewo"

Toż piyrwyj wioska te miano miała
Czamu Tłuczewym w końcu łostała?

[broneknotgeld]

Młyn We Kluczewie

Młyn we Kluczewie mloł monki wiela
Strzepcz, Miłoszewo wożom w ta sztela
Toż w tym krolewske som prziwileje
Linio tyż wozi choć se niy śmieje.

[broneknotgeld]

W XIX wieku

Młyn durś monka miele, tartak drzewo tnie
Toż se wodzie z Łeby ciyngym wiela chce.

[broneknotgeld]

Aleksander Labuda w Tłuczewie

Ano - Labuda tu pomiyszkiwoł
Śmiychu z niym było - aż brzuch se kiwoł
Humor kaszubski istny promowoł
I do cajtongow godki tyż dowoł.

[broneknotgeld]

Tabula Aleksandra Labudy

Na downy szkole tako znojdziecie
Mozno z cerami pogodać chcecie
Ciyngym tam przeca istne miyszkajom
I łojca tako powspominajom.

Miłoszewo

[broneknotgeld]

Miłoszewo (XIV w.)

Prawiom co już wtedy Miłoszewo było
Toż se Miłoszewskim jakoś tukej żyło.

[broneknotgeld]

Niy w Niebie

Te Miłoszewo richtig niy w Niebie
Yno przi brodzie co był na Łebie.

[broneknotgeld]

Loitzowie we Miłoszewie (XVI w.)

Ano - pod zastaw pożyczki wziyli
Bankiery piyrwyj w Szczecinie żyli
Dyć se do Gdańska prawie wkludzali
Możno skiż lichwy - fest cindza brali.

[broneknotgeld]

Jezioro Miłoszewske

Do Miłoszewa dyć należało
W dziedzinie fiszow niy brakowało.

[broneknotgeld]

Jezioro Kamiynne

Toż i te jezioro miłoszewskom wodom
Tako piyrwyj było - teroz ło tym godom.

[broneknotgeld]

Miłoszewo Narzymskich (XVIII w.)

Co piyrwyj było - fest podrobione
Tako przi istnych juzaś złonczone.

[broneknotgeld]

Miłoszewo von Gerlachow (1843)

Z wiekym dziewiytnostym dziedzina Gerlachów
Ze tom familijom niy ma przeca strachu
Miłoszewo tako w siyła zaś urośnie
Zdo sie co tu wszysko jako przi ty wiośnie.

[broneknotgeld]

Franz von Gerlach

Istny w Miłoszewie cegelnio wystawioł
I pałac we kerym niyjedyn se bawioł
Park co dzisioj zdo sie zaniydbany wiela
Dyć możno rozblyśnie jeszcze naszo sztela.

[broneknotgeld]

"Djobelski Kamiyń"

Jezioro Kamiynne - tam kamiyń łod djoska
W nocy se niy szwyndej bo tyż straszy troszka.

Niepoczołowice

[broneknotgeld]

Niypoczołowice?

Nic żech ło nich niy wysznupoł
Dyć kajś jeszcze byda klupoł.

Osiek

[broneknotgeld]

Osiek

Prawiom co Osiek jest "wysieczony"
Kaj piyrwyj lasy ta wioska momy
No i tyż Łeba po blisku płynie
Krasy przidowo tako dziedzinie.

[broneknotgeld]

Osiek 1399

Osiek na swojim - Tłuczewo tyż
Rozgraniczone - tako już wiysz
Sztyrdziści grziwiyn możesz mieć sztrofa
Jak cudzy ziymi ubieresz trocha.

[broneknotgeld]

Przi Mirachowie

Za krziżackich czasow Osiek mirachowski
Dyć niy był w tym przeca wcale "dopust boski".

[broneknotgeld]

W Ziymi Lymborski

Ano - przi Lymborku potym historyjo
Dlo pomorski szteli tako niy mecyjo.

[broneknotgeld]

Osiek (XIX w.)

Folwark we Osieku Ziehlke prawie trzimie
Włok tu przeszło piyńćset ugorym niy drzymie
Hodowla baranow tyż przeca rozwijo
Yno se niy myślcie co z tym komedyjo.

[broneknotgeld]

We miyndzywojniu

Za granicom Osiek w miyndzywojniu leży
Dyć za Łebom Polska - możecie w to wierzyć.

Pobłocie

[broneknotgeld]

Pobłocie

Czy powiycie w jakim czasie
tu łaziyli po marasie?

Potęgowo

[broneknotgeld]

Potyngowo

Wele dwoch jezior leży dziedzina
Możno skiż tego mo tyngo mina.

Smażyno

[broneknotgeld]

Smażyno 1407

Już w papiorach wzmiankowane
Historyji tako dane.

[broneknotgeld]

Smazyno 1407-2007

Szejset rokow - toż radocha
Powspominać szłoby trocha.

[broneknotgeld]

Folwark

Folwark rycerski Smażyno miało
Z niego tyż siyła na wieki brało
Choć wiela ziymi jest łod Dziedzica
Przeca urośnie tyż okolica.

[broneknotgeld]

Smażyński młyn

Ze Bolszewki woda broł
Tela stykło by durś mloł
Wele niego blysko wioska
Se podziwać idzie troszka.

[broneknotgeld]

Pastor z Dziyńcielca (XVIII w.)

Ano - w Smażynie som luterany
A zbor ty wiosce durś niy jest dany
Pastor z dziyńcielca ciśnie na Łeba
Kaj piyrwyj Bor był mszo dować trzeba
Niy we dziedzinie bo za daleko
Bestoż przi Łebie na wiernych czeko.

[broneknotgeld]

Smażyno Wobeserow (XVIII w.)

We folwarku gospodarzom
Coś dlo siebie z tym "usmażom".

[broneknotgeld]

Smażyno Wejherow (XIX w.)

Tako miyniom se dziedzice
Już Wejherow tukej lice
Tyż z tym wiekym sztela rośnie
Idzie szkryfnońć to radośnie.

[broneknotgeld]

Smażyński kościoł (1865)

Stanoł kościoł wangelicki
Bydzie tukej już na wdycki
W neogotyk se łoblyko
Wierny do Ponboczka rzyko.

[broneknotgeld]

Gorzelnio parowo (XIX w.)

Mie niy wadzi że parowo
Bele stond gorzoła zdrowo
Choć se dzisioj djosek śmieje
Co "usmażoł" kaj kur pieje?

[broneknotgeld]

Młyn na Bolszewce

Stoji do dzisioj tu murowany
Tako dziedzinie na wieki dany.

[broneknotgeld]

W smażyńskim dworze

Co dzisioj prawie w smażyńskim dworze?
Nawet niy szkryfna - niych Pon Bog skorze.

Strzepcz

[broneknotgeld]

Strzepcz XII w.

Parafio w Strzepczu już wtedy była?
Czy dlo Pomorza wiela znaczyła?

[broneknotgeld]

Jezioro Strzepskie

Skuli grzychow tyn Strzepcz krasi
Wpiyrw tu klasztor był bogaty
Dyć na zbytki mnichy łasi
Parafianin chnet sagaty

Na braciszkow mo harować!
I przimiyrać czynsto głodym
Jako tymu se dziwować?
Skiż Ponboczka to jest zgody?

Toż Wszechmocny wszysko widzi
Chocioz czasym niyrychliwy
Już se swojich sługow wstydzi
Z Jego woli teroz dziwy

W noc ulywa epno prziszła
Grzmoty, blyski, zawiyrucha
Z nieba, z ziymi woda trysła
Jako rzykać? Kto mo słuchać?

Woda se do celow wlywo
Klasztor ze kościołym topi
Opat fest stropiony dziwo
Woli boski niy spokopi

Dyć ze rankym już jezioro
Darmo mnichow teroz szukej
Tako ich Nojwyższy skoroł
Weź se kajak - pływej tukej.

[broneknotgeld]

Przi Mirachowie

Przi Krziżakach, przi Koronie
Z Mirachowym tu niy koniec
Słynoł Strzepcz i sejmikami
Choć se tropioł szlachciurami
Co za wiela tyż słepali
Szabli wtedy drap chytali.

[broneknotgeld]

Strzepcz 1885

Rachowli tu dwie szkoły
Strzepcz był gminom toż wesoły
Czekoł co mu tref przidarzy
Tako aż do dzisioj marzy?

[broneknotgeld]

Kaszubske Liceum Ogolnokształconce we Strzepczu

Dyć i dzisioj Strzepcz niy dziura
Możesz zrobić tu matura
We kaszubski godce tyż
Tako już terozki wiysz.

Zakrzewo

[broneknotgeld]

Zakrzewo

Jest i Zakrzewo we Lini gminie
Czy cosik wiycie ło ty dziedzinie?

Łęczyce

[broneknotgeld]

Łynczyce

Przi łebie dyć leży łod wiekow ta wioska
Że stolicom gminy - cieszy sie niy troszka.

[broneknotgeld]

Gmina Łynczyce -233 km kw.

Nojepniejszo gmina co przi Wejherowie
Recht w tym że z lasami łona we połowie.

[broneknotgeld]

Blyśnie turystykom?

Ciekawo gmina i dlo wandrusa
Toż jo na razie w nia rymym rusza
Bo lasy kuszom i rzeka Łeba
I ło tych dworkach coś szkryfnońć trzeba.

Borówko

[broneknotgeld]

Borowko

Bor cołkym blisko - borowki w niym
To ło dziedzinie i jo dyć wiym.

Bożepole Małe

[broneknotgeld]

Bożepole Małe 1404

Już jest wioska tu przi Łebie
Chocioż mało niy w potrzebie.

[broneknotgeld]

Bożepole Małe 1437

Majontkym rycerskim Bożepole Małe
Czy już tako bydzie aż na wieki całe?

[broneknotgeld]

Bożepole Małe (XVIII w.)

Bartsch i Paradski tu dziedzicami
Choć Małe - dwoma teroz konskami.

[broneknotgeld]

August von Platen 1784

Toż Bozepole istny kupluje
Pewnikym tako i dwor buduje
Ze gryfnym parkym do dzisioj stoji
Fest Bożepole Małe nom stroji.

[broneknotgeld]

Bożepole Małe 1870

Bana przez dziedzina glajzy przeciongnyła
Zdo sie z cugym tukej jakby wiynkszo siyła.

[broneknotgeld]

Familiji von Dorne 1891

Majontek ze dwoerym dziedzicow mo nowych
Bożepole Małe - dyć folwark tu zdrowy.

Bożepole Wielkie

[broneknotgeld]

"Bozepole" 1357

Tako w dokumyncie miano jest szkryfnione
Wielke jeszcze bydzie bo na tym niy koniec.

[broneknotgeld]

Bożepole Wielkie 1357-2007

Ech - gyburstag! Fajer wielki?!
Przeca to niy duperelki
Tela rokow historyji
Roztomajtych tyż mecyji.

[broneknotgeld]

650 rokow Bożepola Wielkego

Chlapna se "wściekłego psa"
W ty intyncji tako trza.

[broneknotgeld]

Toż winszuja!

Ano - klupły roki zocne
Wielke z downa i durś mocne
Niychej Bożepole bydzie
Do profitow tako przidzie.

Pużyce

[broneknotgeld]

Pużyce 1356

Ano - juz wlazły we historyjo
Papior poświodczo - niy komedyjo.

[broneknotgeld]

Dobrosz i Kirstamin

Komtur gdański wieś nadowo
Dwoch jom erbło - czy to zdrowo?
Włok piyńdziesiont kozdy chycioł
Taki tref se im uklycioł.

[broneknotgeld]

Na prawie chełmińskim

Na prawie chełmińskim Pużyce stanyły
Czy prawie skiz tego majom wiyncy siyły?

Rozłazino

[broneknotgeld]

Rozłazino

Rozlazła sie wioska w dziedzinie szyroko
Toż możno ucieszy tyż wandrusa łoko.

[broneknotgeld]

Rozłazino 1356

Na prawie chełmińskim Rozłazino stowo
Komtur ryszardowi je tako nadowo
Ze tym we dziedzinie kościoł drapko stanie
Parafijo tako - Twoja chwała Panie.

[broneknotgeld]

Skuli protestantow

Skuli protestantow parafio sie traci
Dyć jejich Kościoła to niy ubogaci
Świontynio filjalno durś tu katolicko
Do z czasym Ponboczek - łodmiyni se liczko.

[broneknotgeld]

Rozłazino 1864

Staraniym biskupa na chełmińskim stolcu
Już katolikowi niy powiedzom - golcu
Bo zaś Rozłazino w parafijo rośnie
To niy yno farorz łoznajmio radośnie.

[broneknotgeld]

W XIX wieku
Prawiom co Kaszuby wiela tu znaczyli
Skiż tego sie Niymce jakoś łonaczyli.

[broneknotgeld]

Rozłazino rośnie (XIX/XX w.)

Ano se wioska wcale niy migo
Widać jak drapko wszysko tu dźwigo
Majom szporkasa, na gyszeft patrzom
Gorzelnio dźwigli - tako łonaczom
Kołko rolnicze tyż w Rozłazinie
Czas zdo sie dobry - niychej niy minie.

Strzebielino Morskie

[broneknotgeld]

Strzebielino Morskie

Prawiom co nojwiynkszo
wioska to we gminie
Toż se połazicie
po tym Strzebielinie.

[broneknotgeld]

Sie zaczyno

Sie w Strzebielinie Reda zaczyno
Czy jeji źrodła łonkami yno?

[broneknotgeld]

W miyndzywojniu

W miyndzywojniu polsko sztela
Kaszub tukej znaczoł wiela
Przi granicy Strzebielino
Niy dlo szmuglu raj to ino.

[broneknotgeld]

A za Niymca

A za Niymca w II wojnie
Już niy było za spokojnie
Fligry ciyngym tu londujom
Dyć pilotow fest trynujom.

[broneknotgeld]

"Ziymie łodzyskane"

W powiecie lymborskim wtedy Strzebielino
Coby profit wiynkszy ze tego był ino
Tako sie mianujom "ziymiom łodzyskanom"
Choć po I wojnie Polsce przeca danom.

[broneknotgeld]

Spadochroniorze

Spadochroniorze po drugi wojnie
Wiela szkolyli prawie se tukej
Lotnisko mieli - ano spokojnie
Lepszego miejsca dlo nich niy szukej.

[broneknotgeld]

Dynkmal pilota

Dynkmal pilota - prawie ruskego
Dyć se niy dziwej za wiela z tego.

[broneknotgeld]

Izba Regionalno

Izba Regionalno we szkole miejscowy
Kaszubskości wlywo ci wiyncy do gowy
Manym Pawła Szefki tyż se przeca asi
Dyć se tradycyji w dziedzinie niy gasi.

Witków

[broneknotgeld]

Witkow Boninow

Prawiom co Boniny ta wieś założyli
Toż łoni piyrszymi dziedzicami byli.

[broneknotgeld]

Witków 1704

Rexinowie ze Salina
Majontek chyciyli
Radośniejszo jejich mina
Jak sie tam wkludziyli.

[broneknotgeld]

Witkow 1734

Łoj - Rexiny dwor budujom!
Już majorat se szylujom
Bo majontkow przeca wiyncy
Fest dziedzicow niy umynczy.

[broneknotgeld]

Witkow gore!

Prawie wiek dwudziesty klepsydra przewroco
Jak łogyń tu buchnoł ze pieronskom mocom
Rexinow utropa - dwor chnetko w ruinie
Dyć to co nojgorsze drapko tukej minie.

[broneknotgeld]

Witkow 1911

Toż jeszcze Rexiny dwor łdbudowali
Niym dziedziczce Krauce godziwie sprzedali
Teroz w jeji ryncach aż do drugi wojny
Dyć potym dlo dworu czas niy był spokojny.

[broneknotgeld]

Dwor witkowski 1978

Ano - za komuny popadoł w ruina
Z tym rokym łopuszczom już cołkym dziedzina
Stojom mury dzisioj? Czy straszy w nich cosik?
Oby zaś rozblysły! Dołożołbych grosik!

[broneknotgeld]

Folwark

Folwark z wieżom zygarowom
Ciyngym stoji czy sie zdowo?
Dwor tu przeca we ruinie
Czy utropa kedyś minie?

[broneknotgeld]

Park dworski

Drzewa ciyngym rosnom
Choć łopieki niy ma
Cieszy tyn park wiosnom
Tropi jakby w zima.

[broneknotgeld]

"Wódka" - Witkow

Toż se niydowno tako mianowoł
Czy gorzołeczka ktosik tu stowioł?

Gniewino

[broneknotgeld]

Gniywino

To Gniywino niy gniywało
Że se gminom cołkym stało.

[broneknotgeld]

Wontek wcale niy dlo szpasu
forum.gazeta.pl/forum/72,2.html?f=28940&w=42681462
Trza go mieć tukej zawczasu.

[broneknotgeld]

Gniywińsko świontynia 1870

Kaj piyrwyj kaplica kościoł zocny stoji
Wangelicki kedyś - teroz wiary moji.

[broneknotgeld]

"Kaszubske Łoko"

Kaszubske Łoko majom w Gniewinie
Toż pamiyntejcie ło ty dziedzinie.

--

Trza ze gniywińskom ruszyć mi fraszkom
Gmina dlo rymu może być draskom.

--

Czym słynie Gniewino?

Czym w Wejherowskim powiecie słynie?
Jest kryty basyn we ty dziedzinie
Kery prziciongnie tu niyjednego
W niym atrakcyji wiela do tego.

--

Gniywiński purtek

Piyrwyj tu ze niym była utropa
Umynczoł baby, niy szczyńdzioł chopa
A wszyski skuli Żarnowca tako
Cysterka rzyko to purtek płako.

[broneknotgeld]

Latoś se podziwołch gminie
www.gniewino.pl/
Toż link wontku niy łominie.

[broneknotgeld]

Kympa Salińsko

I ze jeziora ta kympa znocie
Sołectwo zocne tyż tukej mocie
Co w historyjo siyngo głymboko
Do średniowieczo przeca aż skoko.

[broneknotgeld]

Bychowsko Struga

Przez Perlino do Bychowa
Woda płynie ciyngym z nowa
Jak Lublewo krajym minie
We Słuchowa chnet dziedzinie
Teroz cołkym wschod jom kusi
Wierzchucino poznać musi
Niym w jeziorze se utopi
Żarnowieckim - to niy tropi.

[broneknotgeld]

Stolymy co łogupiały

Ponoć stolymy co łogupiały
Ciyngym ryncami w gorze machały
Ano - legynda ło istnych prawi
-Przidzie czas kery rod stary zbawi
Z kaszubski ziymi zaś go podźwignie
Dyć myśl takowo we głowie mignie
-Jako wiatraki piyrwyj olbrzimy
Czy tref spełniony? -Tego niy wiymy.

[haisza]

Jak żeś z nimi się dogadał?
Przeca śląski i kaszubski, to nie para.

[broneknotgeld]

Kej sie chce to zowdy idzie
Czowiek niy jest z tym we biydzie.

[broneknotgeld]

Gniewino 2010

Hotel we Gniewinie łozdobio już wiecha
Za rok we ty gminie bydzie z niym uciecha
Za dwa roki "Euro" tu fuzbalym blysnie
Czy se ta dziedzina do miejskości ciśnie?

[broneknotgeld]

Gmina Gniewino 2010

Z gmin wiejskich w Polsce dwudziesto pionto
"Rzeczpospolita" trombiyła ło tym
Tako jo szkryfna tyż rymym wom to
Sukces dyć wielki a niy gupoty.

[broneknotgeld]

Chocioż dziwo
telewizjattm.pl/serwis-informacyjny/2013-03-13/01/lisewo-wiatrak-w-ogniu.html?play=on
I to bywo.

Rybno

[broneknotgeld]

Rybno

Piyrwyj Rybińskich - możno stond miano
Abo im z Rybna tako tyż dano.

[broneknotgeld]

Dwor w Rybnie

Ze dziewiytnostego wieku tukej stoji
Chocioż jako piyrwyj już se niy łobstroji.

[broneknotgeld]

Rybno 1382

Marcynowiczowi komtur włóki dowo
Ze tym w historyjo Rybno tukej stowo.

[broneknotgeld]

Rybno Przebendowskich

Jejich majontki w tych okolicach
Tako i Rybno miyni tyż lica.

[broneknotgeld]

Kapliczka w Rybnie

Wele drogi wystawiyli
Coby ludzie se modlyli.

[broneknotgeld]

Rybienko

Ano - tako jako słowo
-Se łod Rybna myńsze zdowo.

Rybienko

[broneknotgeld]

Rybienko wyży być miało
Dyć jak se tako już stało
To niychej tukej już bydzie
Rybienko za Rybnym tyż idzie.

[broneknotgeld]

Rybienko-Hammer 1822

Skuplowane już cuzamyn
Hammer stracioł se na amyn?

Czymanowo

[broneknotgeld]

Czymanowo 1410

Wieś rycersko z Czymanowa
Niy wymyślo tego głowa
Przeca na to som papiory
Niych niy wontpi coniyktory.

[broneknotgeld]

Czymanowo 1847

Piytnoście łanow - zdo sie to mało
Młyn no i folwark - dziedzina cało.

[broneknotgeld]

Czymanowo 1945

Teroz Polska Wejherowo
jako powiat szteli dowo.

[broneknotgeld]

Dwor Czymanowo (XIX w.)

Ze folwarku dzisioj niywiela łostało
Skuli elektrowni zbulić trza coś było
Dyć som dwor se łostoł a to już niymało
Idzie powspominać co piyrwyj tu kryło.

Bychowo

[broneknotgeld]

Bychowo 1377

Reczke zBychowa po sondach łazioł
Z tym w historyjo dziedzina wrazioł
Toż skuli tego przeca coś wiymy
Było Bychowo - szkryfna se rymy.

[broneknotgeld]

Konny z Bychowa (1523)

Dziedzić z Bychowa konnego dowo
Jak princ na wojna ze wojskym stowo
Dyć możno jeszcze był ciynżkozbrojny
Mus z tym pewnikym, a niy dar chojny.

[broneknotgeld]

Bychowo 1784

Dwa folwarki i dwa młyny
Som ze mianym ty dziedziny
Czy Bychowo podzielone
Bydzie aże po som koniec?

[broneknotgeld]

Bychowski pałac

Co tu Sydowy wybudowali
Służy dziedzinie szczyńśliwie dali
Jakoś nojgorsze czasy minyły
Juzaś ta sztela nabiyro siyły
Pałac ugości cie w swojich progach
Za to dać głowa jo zowdy moga.

[broneknotgeld]

Aleja grabowo

Park bychowski se niom asi
Przeca go łod wiekow krasi.

Perlino

[broneknotgeld]

"Perlow" 1463

Już w historyji se Perlow jawi
Wieś tu rycersko - dokumynt prawi.

[broneknotgeld]

Czym pokusi?

Czym Perlino cie pokusi?
Tu jezioro ryb niy dusi
Toż wyndkorzy ciongnie tako
Choć mie prawie z tym jednako.

[broneknotgeld]

Perlino 2010

Ech, łotwarli latoś tu prawie swiytlica
Toż kto ze Perlina mo wesołe lica
Kulturze, szportowi zocnie służyć bydzie
Sołectwo we gminie mono wiyrchym przidzie.

Choczewo

[broneknotgeld]

Ło Choczewie link wystyknie
forum.gazeta.pl/forum/72,2.html?f=28940&w=24115299
Już tam leci wszysko piyknie.

[broneknotgeld]

Inkszy link tyż jednak dom
www.choczewo.com.pl/pol/index.htm
By tyn piyrszy niy był som.

[broneknotgeld]

We Choczewie

We Choczewie boćki som
Tyż uciecha z tego mom

[broneknotgeld]

Gmina atomowo?
Blyśnie Lubiatowo?

[broneknotgeld]

Lubiatowo - lipiec 2012

Blyszczy teroz Lubiatowo
Richtig antyatomowo
Som obozy i festyny
Zdo sie co ciekawi driny
"Sztromwerk" tukej na uranie
Zdo sie nigdy niy powstanie.

[broneknotgeld]

"Choczewo 666"

Djoski latoś we Choczewie
Hopsnom na niyjednym drzewie.

www.facebook.com/choczewo666?ref_type=bookmark

[haisza]

W Wejherowie strasznie się wynudziłam.
Ale o tym chyba już mówiłam.

[broneknotgeld]

Grod niy zapłako
-Bywo i tako.