Ło twierdzach, zamkach, pałacach, dworach

Gorzanów

[broneknotgeld]

Zamek w Gorzanowie

Wele Bystrzycy we Gorzanowie
Na wielki zamek dziwo se czowiek
W szesnistym wieku go zbudowali
Chocioż rosł przeca łon tukej dali

Jak Herbersteiny se go kupiyli
Za rozbudowa pryndko se wziyli
Izbow mioł w koncu aż sto dwadziścia
Wloz żeś - dyć ciynżko trefić do wyńścia

Park wele zamku dobytku tela
Dziw broł jak wejrzoł żeś na ta sztela
Browar spichlerze stajnie kurniki
Stawy łogrody w klotkach kroliki

Oranżeryje groty altany
Sad nawet kościoł jak malowany
Szkołka i tory do rajtowanio
Osobno sala do tańcowanio

Szło by tu jeszcze wiela tyż dodać
Dyć po prożnicy terozki godać
Po drugi wojnie wszysko sie chyli
Bestoż na zamku duch jakiś kwili.



"Złoto Kaczka"

Minerolki miano
Słynoł niom Gorzanow
W Hrabstwie Kłodzkim znano
Cieszyła tu panow.



Gorzanowsko brama

Brama do przeszłości w Gorzanowie stoji
Ło downiejszych wiekach godać sie niy boji
Graf chcioł coby antyk mu przipominała
Chop tu jednak wiedzioł że to jakoś chała

Bo serce mioł zimne jak dyjamynt w nocy
Pańszczyzny dołożoł - niy stykło już mocy
Ze jego majontkow chopy uciykali
Było że i zbrojnie tyż sie buntowali

W łoziymnostym wieku krew sie loła tukej
Szczyńścio na tyj ziymi niy za wiela szukej
Brama ło tym godo choc niy kożdy słucho
Bo niyjedna dusza na krziwda jest gucho.

[broneknotgeld]

Tyjater w Gorzanowie

Tyjater w zamku - dyć dlo odmiany
Bawiyli tukej sie możne pany
Śmietonka kłodzko miała go w zocy
Paśli tu uszy i paśli łoczy

Herberstein na to durś suł markami
Asioł sławnymi sie aktorami
Kerych z Europy już ściongoł prawie
Bo ło tyjatrze łon śnioł na jawie.



Misterja Pasyjne

Za zocne te pasje - tu do Gorzanowa
Niyjedna gaftała przeca yno gowa
Zjyżdżały sie wiernych aż tysionce tukej
Sławniejszych misterjow w Europie niy szukej

Kożdy chcioł je widzieć - walyły tu tłumy
Szkoda że tych pasji łod downa niy momy
Skończyło sie wszysko z wyborym Hitlera
Pryndko zakozali - a niych ich cholera!

Szczerba

[broneknotgeld]

Zamek Szczyrba

Podobno łod wiekow warownia tu była
Ziymia Kłodzko przed wrogym łona już chroniyła
Chrobrymu sie jednak jakoś niy łoparła
Jak jego drużyna w te strony natarła

Czasym na łodwyrtka granicy broniyła
Jak Pepik chcioł łodbić co zabrała siyła
Głymbosza sie w końcu dziedzina ta stała
Paniskym był tukej łon przeca bezmała

Twierdza zocno - dyć w końcu husyty jom wziyli
W ruina tyż pryndko specjalnie puściyli
Na inksze budowy mury poszły z czasym
W tym co tu łostało ponoć teroz straszy.



Szczyrbaty zamek

Szczyrbaty zamek na gorze Szczyrbie
Przez duchy jest nawiedzony
Jynk strachu z gardła sie pewno wyrwie
Jak nocom zajrzysz w te strony.

Ratno Dolne

[broneknotgeld]

Pałac w Ratnie Dolnym

Godajom co zamek w Ratnie stoł łod wiekow
Historio ło grafie von Hardegg wspomino
Kery tu na wzgorzu zbudowoł czowieku
Zamek - choć pałacu łon niy przipominoł

Dziedzina miyniyła ciyngym właścicieli
Szwedy jak tu wdepli wiela poniszczyli
W końcu von Osterberg prziloz do tyj szteli
Pałac łodbudowoł co poczoł sie chylić.

Bolków

[broneknotgeld]

Zamek

Zamek piastowski stoji w Bolkowie
Dziwuje jymu sie tukej czowiek
Stołb mo "normandzki" - ciekawo sprawa
Zdobyć te mury to niy zabawa.

Homole

[broneknotgeld]

"Homole"

Zamek Homole na gorze stoł
I Polskich Wrot tu pilnowoł
Był czas że kożdy se jego boł
Bestoż tyż wiynkszy sie zdowoł.

[broneknotgeld]

W XIV wieku

Se Panewicze w Homolu siedzom
Siyła we zamku - dyć ło tym wiedzom
Ze Kłodzkym nawet zadziyrać chcom
Normalka tukej - skond jo go znom.?

[broneknotgeld]

Zamek Homole

Przi bursztynowym szlaku Duszniki
Toż niych niy dziwo tyn zamek
Przełynczy bronioł z dobrym wynikym
Dzisioj ruiny tu same.

Żagań

[broneknotgeld]

Pałacowe maszkarony w Żaganiu

Prawie dwiesta ich zrachujesz
Łypiom na cie srogim wzrokym
Możno djobła w nich wyczujesz
- Tako było z tym borokym
Co pokozać chcioł nom czorta
I podobnoś chnetko wyszło
Kunszt robota - tego worta?
Toż mu życie stracić prziszło.

[broneknotgeld]

Pałac 1643

Barokowy pałac durś tyn Żagań krasi
Niy ma co se dziwać - idzie niym poasić
Prawiom co we Polsce jedyn z nojgryfniejszych
Ze tych co łostały do czasow dzisiejszych.

[broneknotgeld]

Park ksiynżny Dino

Niywiela z niego dzisioj łostało
Za ksiynżny Dino było niymało
Kunsztym Teicherta zrychtowanego
Szkoda co dzisioj już niy ma tego.

[broneknotgeld]

A dyć niy scygania
www.facebook.com/SilesianSagan
Kuknołch do Żagania.

[broneknotgeld]

Żagań ciekawi!
Tako se jawi!
www.facebook.com/SilesianSagan

Słupsk

[broneknotgeld]

W Słupsku

W Słupsku Gryfity byli panami
Zamek ich łostoł - toż wiycie sami
Choć za magazyn mury słuzyły
Już w lepsze czasy teroz trefiyły
Dzisioj Muzeum Pomorza Środka
Zocne, szykowne - ło tym ta godka.

[broneknotgeld]

Bogactwo szteli

Słupsk se Witkacym asi terozki
Dziwnie historio to plecie
Dyć z tego radość - niy yno troski
Bogactwym szteli som przecie.

[broneknotgeld]

Co mo Słupsk do Witkacego?
Istny tu niy bywoł
Dyć łobrozy majom jego
Aż żech se tym dziwoł.

[broneknotgeld]

"Kokaina, eter, piwo"

"Kokaina, eter, piwo"
Se Witkacy tymu dziwoł
Jako łobroz malowany
Kedy zażoł coś ze ranym.

[broneknotgeld]

Stary zamek

Razym z kasztelaniom se nad Słupiom stoł
Wpiyrw cołkym drewniany - potym mury mioł
Służoł tu Gryfitom, z czasym gdańskim princom
Toż go i margrafy Brandynburgji mynczom
Potym zaś Gryfitow był łon wołogoskich
Widzioł i Krziżakow jako dopust Boski.

[broneknotgeld]

Bogusław X

Z łojca Eryka, matki Zofiji
Princ co Pomorzu dodo gloryji
Chnet Brandynburgio lynno utraci
Dziedzina swoja istny wzbogaci.

[broneknotgeld]

Nowy zamek słupski (1372)

Już Bogusław V zamek chcioł wystawić
Dyć niy było dane jeszcze se go sprawić.

[broneknotgeld]

Słupsko "łapowka" (1392)

Coś se rajce zamku bojom
Toż mieszczany za tym stojom
Chcom grosiwym sypnońć wiela
Bele durś bez princow sztela

Strzybra wiela dyć zebrali
Dwa tysionce grziwiyn dali
Władce tako wzbogaciyli
Po swojymu ciyngym żyli.

[broneknotgeld]

Nowy zamek (1507)

Ano - tako stowio Bogusław X
Już na nic terozki mieszczan jakeś wonty
Stary we ruinie to trza tu nowego
Tako wola władcy - inkszym nic do tego.

[broneknotgeld]

Ksiynżno Erdmunda

Jan Fryderyk pomarł - wdowa tu miyszkała
Toż istno i zamek tyż przebudowała
Z kościoła zrobiyła zamkowo kaplica
By w strona Ponboczka drapko skłoniać lica.

Rzucewo

[broneknotgeld]

Aleja Lipowo

Z Osłonina do Rzucewa przyńdziesz se alejom
Lipy chnetko lot sztyrysta do ludzi sie śmiejom
Prowda co to nojgryfniejszo tukej drzew jest droga
W cołki Polsce - to tyż szczyrze tukej szkryfnońć moga.

[broneknotgeld]

W dobrach Przebendowskich

Łod Sobieskich je kupioł Pyjter Przebendowski
Toż zamek już stary - mioł z niym ździybko troski.

[broneknotgeld]

Rzucewo Belowow

Emma z Keiserlingkow wyszła za Belowa
Rzucewo już niy mo nic do Wejherowa
Po prowdzie ze zamku tyż była ruina
Dyć pryndko zaś blysła łod nowa dziedzina.

[broneknotgeld]

Archeolog w Rzucewie

Dyć tukej lot tymu ze tysionce sztyry
Łowcow fok bałtyckich prziniosły tyż gyry
Se mieli osada z kamiynio epoki
Dlo archeologa to "milowe kroki".

Sławutówko

[broneknotgeld]

Pałac w Sławutówku

Von Belowy tyn pałac za Niymca czimali
Zocnościom niywiela inkszym ustympowoł
Nojczyńści w niym jednak yno zimowali
Ponoć wiyncy ciepła familiji dowoł.

[broneknotgeld]

Henrietta von Below

Możny rod Quistorp doł nom ta frela
Gustaw von Below przed ołtorz prosioł
Szczyńścio z tym było w "Zopucku" wiela
Na rynkach ślubno ponoć łon nosioł

Henrietta chopu swojymu pszoła
Ze niym we świecie tyż "brylowała"
Wpiyrw Gustla świynty Pyjter chcioł wołać
Toż w Sławutówku go pochowała

Ponboczek wojna zezwoloł przeżyć
Ze Ruska rynki jednak zginyła
We tańcu - tymu możecie wierzyć
Przeca "harmoszkom" pepecha była.

Rekowo

[broneknotgeld]

Pałac w Rekowie

Niyherski dzisioj tyn pałac tukej
Piyrwyj z niym tako niy było
Na przedwojynno kartka pokukej
Blyszczoł w Rekowie aż miło.

Choczewo

[broneknotgeld]

Pałac von Diezelskych

Stoji w Choczewie - ciyngym tu trwo
Co go spotkało dobrze łon zno
Zdo sie co teroz na lepsze idzie
Toz niychej richtig już tako bydzie.

[broneknotgeld]

26.V.1348

Wielki Mistrz Krziżacki wieś nadoł Jaśkowi
Synowi łod Świńczy - możno to coś powiy.

[broneknotgeld]

Patynt lynny 1527

Rod Jackowskich mocno stowo
Toż sie wcale to niy zdowo
Ich Biebrowo i Choczewo
Ditzow dyć i te Jenczewo
Przebendowo i Kierzkowo
Tyż Zwartowo i Borkowo
Z jejich mianym te Jackowo
I Sasino ich sie stowo.

[broneknotgeld]

Choczewsko familijo

Von Diezelsky ze Choczewym we jedno sie zloli
Przeca lot sto siedymdziesiont łoni tukej sioli
Kwitnoł przi nich tyn majontek - rosnoł razym z niymi
Zdo sie tyż tom solom byli ze kaszubski ziymi.

[broneknotgeld]

+1944+

Wyszło co major antyfaszystom
Ze Stauffenbergym kamracioł?
Fragom to mojom jest yno czystom
Życie we lagrze dyć stracioł.

[broneknotgeld]

Marie Klementine i Vera Elizabeth

Dwie latorośle wojna przetrwały
Dyć stond do Niymiec wnet wyjechały.

[broneknotgeld]

We Choczewie

We Choczewie boćki som
Tyż uciecha z tego mom.

Lubiatowo

[broneknotgeld]

Dworek Urzyndu Morskiego

Urzond Morski w dworku siedzi
Ło stan jego tyż sie biedzi
Toż jest gryfny i zadbany
Dyć przez kogo podziwiany?

[broneknotgeld]

300-letnie cisy lubiatowske

Ano - sztyry rosnom tako w jednym rzondku
By cosik pedziały ło tym zocnym kontku
Dyć przi łogrodzyniu z dalsza niy dosłyszysz
Zdo ci sie co cisy rosnom w wielki ciszy.

[broneknotgeld]

Lubiatowo 1497

Toż princ pomorski Bogusław dowo
Dwom bratom zocne te Lubiatowo
Hans no i Maciej - miana ich znajom
Ło ta dziedzina przeca zadbajom.

[broneknotgeld]

Adolfina i Albert Krammerowie

Dyć Adolfina we wianie dała
Majontek zocny kery tu miała
We Lubiatowie dźwigli dwor nowy
Stoji do dzisioj - jest cołkym zdrowy.

[broneknotgeld]

Lubiatowo 1912

Stary Krammer pomarł
Wdowa rozsprzedowo
Co po chopie erbła
-Dyć za tym niy stowo.

[broneknotgeld]

Lubiatowo - lipiec 2012

Blyszczy teroz Lubiatowo
Richtig antyatomowo
Som obozy i festyny
Zdo sie co ciekawi driny
"Sztromwerk" tukej na uranie
Zdo sie nigdy niy powstanie.

Borkowo

[broneknotgeld]

Dwor borkowski

Dwor z downych czasow łostoł sie tukej
Dyć darmo jego świytności szukej
Piyrwyj majontku perełkom był
Teroz sie czimie resztkami siył.

[broneknotgeld]

Leżom po somsiedzku wioski już "wickowe"
Dyć mie te Borkowo terozki we gowie
Bo przeca i tukej dwor downy se łostoł
Chocioż nic dobrego przi Polsce niy dostoł.

[broneknotgeld]

Familijo von Tessmar

Gospodarzyli tu richtig dugo
Dzisioj Borkowo do nich zamrugo?

Borkówko

[broneknotgeld]

Borkowko

Szukej Borkowka wele Borkowa
Powiy ci kozdo choczewsko gowa.

[broneknotgeld]

Grof von Roedern (XVIII w)

Panym na Borkowku jest dworu marszałek
Czy czimie majontek przez połwiecze całe?

[broneknotgeld]

Paul Albrecht von Wittke (1804)

Terozki Borkowko mo pana nowego
Dyć zdo sie co traci we ryncach istnego.

[broneknotgeld]

Jako potym?

Po Karolu Ferdynand
Jak pomarł to wdowa
Po niyj brat von Rietzke
Tukej piyrszo gowa.

[broneknotgeld]

Borkowko 1910

Borkowko sprzedane - von Vichstaedt je majom
Rietzkowie w Borkowo dyć se przekludzajom.

[broneknotgeld]

Borkowko 1936

Familijo Vichstaedt żegno sie z dziedzinom
Kajsik we tych Niymcach płaczki tyż niy minom.

Biebrowo

[broneknotgeld]

Biebrowo

Z Kopalina do Biebrowa
Niesom gyry lasym
W strona dworu krynca gowa
Co znoł lepsze czasy.

[broneknotgeld]

Park

Zdo sie co Somnitze piyrsze drzewa sadzom
Graby ze dymbami se tukej paradzom
Park jeszcze niy blyszczy dyć z czasym to przidzie
Gryfnie i zielono wele dworu bydzie.

[broneknotgeld]

Jezioro Biebrowskie

Jezioro Biebrowskie staraniym Kraussego
Już zmeliorowane - trza gruntu zocnego
Park tako wygryfnioł - wiyncy drzew już mioł
Toż niyjedyn dziedzic tako by tyż chcioł.

[broneknotgeld]

1926-1945

Pomarł Franz Flissbach - erbła to cera
Kaśka Frostowo wszysko mo teraz
Do końca wojny tu gospodarzy
Dyć ło łostaniu niy mo co marzyć.

[broneknotgeld]

Żol dworka w Biebrowie
Tropi se tym czowiek
www.facebook.com/media/set/?set=a.511159312292310.1073741845.195759197165658&type=1

Szczecin

[broneknotgeld]

W rynkach Gryfitow (XII-XVII w.)

Toż przi Gryfitach tyn Szczecin kwitnie
Ze historyji żodyn niy wytnie
Łostoł do dzisioj ksionżyncy zamek
Choć czasy teroz już niy te same.

[broneknotgeld]

Sydonia von Brok

W Wieży Wiyńziynny istno czimano
We końcu przeca poćwiartowano
No i na stosie tako spolono
Za co? Gryficie chciała dać łono!

Czy princ jyj wiela nałobiycywoł?
Broł co dowała - ze slubym kiwoł?
Czy richtig klontwa prziszła skiż tego?
Toż rod potomka niy mioł mynskego!

Ano - se przecie źle z tym skończyło
I smyndu wiela z Sydońji było
A rod Gryfitow w końcu tyż stracioł
Djoboł przi tymu w dusze bogacioł?

Pszczyna

[broneknotgeld]

Salon Zielony zamku pszczyńskiego

Richtig we dusze wlywoł nadzieja?
Jo do portretow se tukej śmieja.

[broneknotgeld]

Pszczyna 1548-1765

W czech wiekach Promnitze ta Pszczyna czimali
Hochbergow już potym wszysko było dali.

[broneknotgeld]

Straż zamkowo

Terozki już w Pszczynie wyglondo jak nowo
Warta co pilnuje tu brama zamkowo
"Nowe" rynce majom i take tyż gymby
Jak piyrwyj we zbroji se stojom "po zymby".



Ludwikowka

Ksionże Ludwik na zamku niy lubioł przebywać
Woloł z Ludwikowki na tyn świat se dziwać
Skiż niego tyn dworek we parku nom stoji
Lot mo prawie dwiesta - wiekow sie niy boji.



We Pszczynie

Hochbergi siedzieli tu prawie sto lot
Tyż naszego Slonska to był przeca kwiot.

[rita100]

Śliczny masz ten wątek Bronek
Będę się starała dołaczyć zdjęcia do poszczególnych zamków.

[broneknotgeld]

No to by było piyknie - z gory dziynkuja.

[broneknotgeld]

Zamku w Pszczynie
bielskobiala.gazeta.pl/bielskobiala/1,88025,12243754,Oto_jeden_z_piekniejszych_polskich_zamkow__PANORAMA_.html?bo=1
Niy łominie.

[broneknotgeld]

Pałac we Pszczynie

Co je we środku tu niy pokoża
Sztraba - toż z dwora yno pokoża.

www.facebook.com/media/set/?set=a.703359849738921.1073741957.195759197165658&type=3&uploaded=29

Krzyżanowice

[broneknotgeld]

Krzyżanowice

Toz z tym wiekym już som znane
Historyji ślonski dane
Roztomajtym tyż dziedzicom
Co rzońdziyli okolicom.

[broneknotgeld]

Krzyżanowice 1775

Prince Lichnowscy - jejich majontek
Pałac wstowiajom w tyn zocny kontek
Krziżanowice z niymi łodżyjom
Przeca bogactwa istni niy kryjom.

[broneknotgeld]

Franciszek Liszt 1843-1848

Gościoł tu i komponowoł
Kunszt swoj uszom bliźnich dowoł.

Jabłonna

[broneknotgeld]

Pałac prymasa Poniatowskiego

Łostoł we Jabłonnie po dzisiejsze czasy
Mazowiecko sztela tako richtig krasi
Sala Pompejańsko, Chińsko i kolisto
Zodziwiom bogactwym a przeca niy wszysko
Jest jeszcze Balowo no i Mayrytańsko
Pomiyzkiwoł prymas richtig wielkopańsko.

Liw

[broneknotgeld]

Liwski zamek

Mazowsza przed Litwom tyn zamek mioł bronić
Niklos go budowoł ze cegły czerwony
Toż ksiyńcia Janusza we tym jest staranie
Bydzie spokojniejszy jak warownia stanie

Radziejowice

[broneknotgeld]

Radziejowicki zamek

Choć już magnackich łoczow niy cieszy
Toż "bidom z nyndzom" wcale niy grzaszy
Dom Pracy Tworczy we niym terozki
We inkszych czasach inksze tyż troski.

Modlin

[broneknotgeld]

Modlin

Z Nowym Dworym Mazowieckim
Tako dzisioj skuplowany
Dyć to wiedzom nawet dziecki
-Ku łobronie piyrwyj dany.

[broneknotgeld]

Modlin 20.IX-9.X.1831

Warszawa padła - Modlin se broni
Skory niy sprzedo przeca łon toni.

[broneknotgeld]

Twierdza pierściyniowo 1878-1880

Mo forteca małe forty
Pierściyń taki wiela worty
Cybulice Małe tako
Ze Kosewym w tym jednako
Te Grochale i Janówek
Małocice, Poniechówek
Tyż Zakroczym i Dymbina
Z tym warowno fest dziedzina.

[broneknotgeld]

W tydziyń

Niymce w tydziyń Modlin wziyli
Ruski marnie se tu biyli
Już niy cara a kajzera
Tako twierdza richtig teraz.

[broneknotgeld]

Do dzisioj

Do dzisioj wojsko znaczy tu wiela
Chnet rokow dwiesta momy ta sztela.

[broneknotgeld]

Koszary

Długość fasady jako tu zmierzyć?
Niy styknie miary - możecie wierzyć.

[broneknotgeld]

Kasyno 1875

Powojowoł tu bych yno
Trza miec w zocy te kasyno.

Wyszogród

[broneknotgeld]

Wyszogrod XIII w.

Princ Konrad tu zamek dlo siebie buduje
Mazowieckim Piastom tyn grod fest sztimuje.

[broneknotgeld]

Gora Zamkowo

Po zamku śladu tu niy łostało
A przeca piyrwyj dziedzina cało
Princ mazowiecko doglondoł z grodu
Już se niy wroci - tako wom godom.

sochaczewianin.pl

[reporter34]

Zapraszamy do portalu sochaczewianin.pl - ponad 25 tysięcy informacji i kilka tysięcy zdjęć z Sochaczewa i okolic. Darmowe ogłoszenia drobne. Największy portal informacyjny w okolicy Sochaczewa. Sprawdź. Dużo piszemy o Wyszogrodzie.Jest galeria retro tego miasta.

[broneknotgeld]

Dziynki. Pozdrowiom.

Brzeg

[broneknotgeld]

Brzeg (XIV w.)

Brzeg - grod warowny w dziedzinie rośnie
Bolko świdnicki go stowio
Toż szkryflom ło tym tukej radośnie
Bo tyż uciechy Brzeg sprowio.

[broneknotgeld]

Za Ludwika I (1358-1398)

Princ rozbudowoł tyn zamek wiela
Rezydyncyjo tako gryfnieje
Blyszczy kulturom z tym naszo sztela
Stolicom ksiynstwa - to prawiom dzieje.

[broneknotgeld]

Komaskowie w Brzegu

Tako rodzina ze Włoch tu działo
Niyjedyn zamek przebudowali
Renesans siyngo w Europa cało
Ze woli princa Brzegowi dali.

[broneknotgeld]

Popiersia bramne

Princ Jorgel II przodkow tu wsadzioł
Popiersia krolow ksionzont piastowskich
Mozno nikery by komus wadzioł
Dyc ło kunszt idzie - w tym palec boski.

[broneknotgeld]

Gimnasium Illustre

Jakuba Parra kunsztym dźwignione
Ze woli princa we Brzegu blyszczy
Ksiynstwo z tym bardzi jest łoświycone
Sława niy yno na Ślonsku zyszczy.

[broneknotgeld]

"Ślonski Wawel" w ruinie

Przi starym Frycu źle se tu dzioło
Toż yno karczma i magazyny
Niyjedyn płakoł bo niywesoło
Zoglondać prziszło na te ruiny.

[broneknotgeld]

Kościoł św. jadwigi 1945

Ano - zaś zniszczony
We ruinie dugo
Dyć już restaurowany
Radośnie nom mrugo.

[broneknotgeld]

Najazd poetow na zameK Piastow ślonskich

Co roku zamek tyn najyżdżajom
Ci kierzy słowu nojbardzi pszajom
Brzyg jak za Piastow kulturom blyszczy
Tako dlo Ślonska wiela z tym zyszczy.

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+i+Muzeum+Piastow+Slaskich/default.htm

Tyn link se tu richtig przido

Moszna

[broneknotgeld]

Zamek w Mosznej

Tiele-Wincklerow to był zakontek
Tako perełka jak nad Loarom
Mioł blyszczeć przeca ślonski majontek
Graf sie już ło to dobrze postaroł

Kajzer tu z Franckym lubioł polować
Bo lasy pełne były zwierzyny
Zamek gryfniejszy chcioł durś sie stować
Blyszczeć bogactwym naszy dziedziny

Dzisioj mosz forsa - tyż tu przikulej
By wykurować se słabe nerwy
Przidziesz do zdrowia ale niy fulej
Groszym trza sypnońć by nabrać werwy.


W Mosznie

W Mosznie se idzie tyż porajtować
Piyknym habetom se podziwować
Kere podobno som pełnyj krwi
Co kożdy koniorz przeca tu wiy.

[broneknotgeld]

Hmm, trza naprawić moj feler

W Mosznyj

W Mosznyj se idzie tyż porajtować
Piyknym habetom se podziwować
Kere podobno som pełnyj krwi
Co kożdy koniorz przeca tu wiy.

[broneknotgeld]

Zamek w Moszny

Toż ty dziedziny perełka tako
Z radości możno byś nawet płakoł
Bo zdo sie dziwym ze bajki zocny
Czy princ zbajstlowoł go jakiś mocny?
A możno wianym gryfny freliczki
Ech - aże potrza mi teroz ryczki
Bych se mog zicnońć i podziwować
Dyć ponoć potym niy chce sie stować.

[broneknotgeld]

Ze Opola

Ze Opola do Moszny wybier se w niydziela
Łoczy tu napasiesz - przeca cudno sztela.

[broneknotgeld]

Stary pałac 1863

Hubert Thiele-Winckler kupioł pałac w Mosznyj
Dyć jeszcze był mały no i barokowy
Zmiynio se niy skuli nowiny radosny
Dyć tako trefiyło co stanoł chnet nowy.

[broneknotgeld]

Kanały w Mosznyj

Piyrwyj radości wiela z nich było
Dzisioj se tako nawet niy śniyło
Łodkom żeś zwiydzoł ty Mosznyj stawy
Było przi zamku wiyncy zabawy.

[broneknotgeld]

Park w Mosznyj

Alejki do lasu nos tukej wywiedom
Piyrwyj już to było i dzisioj tyż tako
Dyć przeca cie zbojcom zarozki niy sprzedom
Kajś se potraciyli toż żodyn niy płako.

[broneknotgeld]

Herb Thiele

We modrym polu na rynka zbroja
Tako trzi rołzy - żodno niy moja.

[broneknotgeld]

www.moszna-zamek.pl/pol/index.html
www.ga.com.pl/moszna.htm
Ano, tyż cosik do połoglondanio.

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+w+Mosznej+-+Centrum+Terapii+Nerwic/default.htm

Ło Mosznyj szłoby dać wiela.

[broneknotgeld]

Kery sie w ty Mosznyj znod
Tyn do dzisioj z tego rod.

[broneknotgeld]

Zamek w Mosznie cudym zdo sie
www.dziennikzachodni.pl/artykul/659607,zamek-w-mosznej-nominowany-w-plebscycie-7-nowych-cudow,id,t.html
Dyć niy idzie go "mieć w nosie".

Biechów

[broneknotgeld]

Biechow

Za Nysom tyn Biechow znojdziecie
Se werci zoglondnońć tam przecie.

[broneknotgeld]

Familijo von Hoditz

Toż z dziedzicami durs se myniyło
Czy dlo Biechowa dobrze to było?

[broneknotgeld]

Antonina von Montbach

Biechow se spoloł - dziedziczka choro
Toż wszysko poszło na zatrocynie
Ciynżko żyć teroz z utropy porom?
Śmierć sie wydowo jak ukojynie

Toż i pomarła nom Antonina
Bić se z chorobom jakby niy chciało
Blado i zimno cołkym jyj mina
To yno Śmiertka uradowało.

[broneknotgeld]

Kaplica grobowo

Przi pałacu tako majom
Dlo Matuschkow familiji
Toż ło przodkach pamiyntajom
Z tym niy może być mecyji.

[broneknotgeld]

Ze Topolczan

Z morawskich Topolczan Matuschki tu prziszli
We szesnostym wieku na tyn Ślonzek ciśli.

Dobra

[broneknotgeld]

Dobra (połowa XVIII w.)

Pałac se postawioł tukej radca dworu
Dzisioj za siedziba słuzy ponoć zmorom
W nocy strach se wybrać - tego ci niy radza
Styknie co se rymow ździybko tukej wsadza.

[broneknotgeld]

Ernest von Seherr-Thoss

Przez poł wieku Dobrom Ernest reskiyrowoł
Syn łod Leopolda - przeca ło tym wiycie
Pod Jynom za Prusy tyn istny wojowoł
Dyć w spokoju skończoł tukej swoje życie.

[broneknotgeld]

Pałac blyszczy (połowa XIX wieku)

Toż przebudowany pałac w ty dziedzinie
Mustrym Gottgetrena neogotyk nosi
Chnetko za sto rokow świytność jego minie
Dyć przeca w tym czasie aż uwogi prosi.

[broneknotgeld]

Szwajcarski hotelik

To ci dziedzina - hotelik w parku
Grof richtig głowa miywoł na karku.

[broneknotgeld]

Wieża zamkowo (1943)

Ech - ciyngym widza tukej dziedziczka
Zaroz se ciepnie z wysoka w doł
Mo strach w łoczach i blade liczka
Zdo mi sie jakbych przi tymu boł

Ło synow dyć już niy musi strachać
We Hameryce u familiji
Jako z Gestapo jednak se lachać?
Tako tu doszło do tragedyji.

[broneknotgeld]

W łokna pałacu

W łokna pałacu strach wejrzeć nocom
Bo chocioż puste cosik w nich blysko
Aże mi rynce sie zaroz pocom
Grafini Muriel ciyngym tu miyszko?

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+w+Dobrej/default.htm

Tyn link prawie tu spasuje.

Dąbrówka Górna

[broneknotgeld]

Dombrowka Gorno (1100)

Kaj brod na Odrze zamek już stoł
Bronić przeprawy już wtedy mioł
Historiom zocno tako dziedzina
Toż i jo przeca jyj niy łomina.

[broneknotgeld]

Dombrowka Gorno (1490)

Tako Rogoyscy erbli dziedzina
Wiela płaciyli niy powiym
Zocno to richtig była rodzina?
Cosik ło istnych se dowiym?

[broneknotgeld]

Herb Rogoyskich

Czerwony jelyń skoko se piyknie
Na strzybny tarczy - szkryfnońć wystyknie.

[broneknotgeld]

Za Fryca Wielkego

Toż za Fryca tu utropa
Se Rogoyscy wykludziyli
Niy ściyrpieli Prus i chopa
W Galicyji tako żyli.

[broneknotgeld]

Pałac (1907-1909)

Toż dwor we pałac w tych rokach rośnie
Krasi Dombrowka - szkryfna radośnie
Przeca i dzisioj cieszy nom łoko
Ze gryfnom wieżom - aż dusza skoko.

[broneknotgeld]

Gotfryd von Teichmann-Logisch

Wzioł grog za ślubno se szauszpilera
Muter mu niy darowała
Chocioż pierońsko brała cholera
Dyć we pałacu jom miała.

Dabrowa Niemodlińska

[broneknotgeld]

W XIV wieku

W sztyrnostym wieku trzimiom Dombrowa
Ci ze krziżami - ło istnych mowa
Kerych tyż zwali joannitami
Jerozolima tu ich niy mami.

[broneknotgeld]

"Czeczow" (XIV w.)

Ślonsko familijo tako piyrwyj zwom
Bestoż jo i "Czechow" teroz w gowie mom.

[broneknotgeld]

Joachim von Tschetschau-Mettich

Trza miec w pamiyńci tedo dziedzica
Przeca łon pałac tub wybudowoł
Tako łokrasioł ta okolica
Joachim we niym dynkmal se stowioł.

[broneknotgeld]

Von Larischow

Ano - familijo nowo
Se raduje tom Dombrowom.

Frączków

[broneknotgeld]

"Franczigsdorf" (1365)

We historyjo wioska wpisano
Chocioż pomiyni se jeji miano.

[broneknotgeld]

"Franzdorf"

Miano ze czasym tako zmiyniyli
Przeca łod Fryca we Prusach żyli.

[broneknotgeld]

A po wojnie

A po wojnie co sie dzioło?
PGR mioł tu wesoło?
Dyć pałacu niy zniszczyli
Chocioż wiela pomiyniyli.

[broneknotgeld]

We środku

We środku pałac przeca tyż dziwo
Wiela łostało - gowom ktoś kiwo
Na to jak grofy piyrwyj tu żyli
Bogactwa przeca wcale niy kryli.

Jędrzejów

[broneknotgeld]

Jyndrzejow

W sztyrnostym wieku sztela już była
Choć historyjo jakby jom skryła.

[broneknotgeld]

Jyndrzejow XVIII w.

Von Gilgenheimby - ci ze Biechowa
Jyndrzejow czimiom - jejich w tym gowa
Jako i inksze dziedziny tako
Jelyń herbowy przeca niy płako
Yno se trowa sskubie spokojnie
Toż rod rycerski żyje dostojnie.

[broneknotgeld]

Herb familiji von Francken-Sierstorpff

Czego to niy ma we herbie grafow
Pominońć cosik - nachytać gafow

Na wielko tarcza mało wrażono
Tako na dwoje przeca dzielono
Wiyrchym se orłym asi nom ślonskim
Dołym pokrono jakby w trzi konski
Środkowy strzybny a gora-doł
Czorne - to przeca wiy nawet woł

Teroz ło wielki szkryfnońć mi trza
Na sztyry dzieli se tarcza - ja

Dwa jasnomodre ze pasym złotym
Z gory korona - toż niy gupoty
Ze doły wzgorza juzaś se złocom
Czy dlo korony łone pomocom?

Dwa inksze pola tyż trza łopisać
By zaroz nudli na tym niy wiyszać

Ano - czerwone z pasym na skos
Kery sie strzybrzy jak ołpy włos
A na niym asty zielone som
Toż tako ze tym fertig już mom.

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+w+Jedrzejowie/default.htm

No i cosik we prozie do poczytanio.

Głogówek

[broneknotgeld]

Głogowek 1250

Princ ze Opola zamek tu stowio
Głogowek dźwigo tym przeca
Cołki dziedzinie radości sprowio
Bestoż tyn rym dzisioj kleca.

[broneknotgeld]

Głogowek 1561

Przi Oppersdorffach już jest dziedzina
Bydzie przełazić z łojca na syna.

[broneknotgeld]

Herb reichsgrafow von Oppersdorff

Do ryncow, głow orła
doszło co ze miasta
Winogron ze siyrpym
dyć na tym niy basta
Tarcza w srodku teroz
z kajzerowskim ptokym
Kto przeca reichsgrofym
tyn niy jest borokym.

[broneknotgeld]

Zamek Dolny i Gorny

Z nich podkowa - dziedziniec pomyndzy
Potrza na to tyż było piniyndzy
Dyć tych grofy niy pożałowali
Wiela inksi se im dziwowali..

[broneknotgeld]

Gościnny zamek

Grofy i krolow tukej gościyli
I ludzie kunsztu tyż se trefiyli
Toż niy dziwota - blyszczy dziedzina
Z tym Oppersdorffow tako rodzina.

[broneknotgeld]

Muzeum Regionalne

Wojny światowe przetrzimoł zamek
Toż mury jego ciyngym te same
Dzisioj muzeum we czyńści momy
Z tym historyjo tyż lepi znomy.

[broneknotgeld]

W zamkowy baszcie

Etnografijo w baszcie zamkowy
Ano - se tukej tymu dziwujcie
Dlo Oppersdorffow koncept to nowy?
Dyć take czasy - toż forsztelujcie.

[broneknotgeld]

Umynczyli?

Umynczyli ludzi w ty baszcie zamkowy?
Dyć tam i terozki gnotek jest gotowy
Kat se wele niego tyż do dzisioj stoji
Bestoż kto zoglondnie richtig ździybko boji.

[broneknotgeld]

Oppersdorffy wedle legyndy

Ze Szwajcarji przez Austryjo
Prziszła na Ślonsk familijo
Kery idzie se dziwować
I wysoko richtig stowiać.

[broneknotgeld]

Wpiyrw wele Oławy

Wiela ziymi mieli wpiyrw wele Oławy
Gać im dokłodała splyndoru i sławy
Tako familijo łobrosto w majontki
Ślonsk, Czechy, Morawy - wszyndy jeji kontki.

[broneknotgeld]

Grofy von Oppersdorff

Na Gornym Ślonsku, w Czechach, Morawach
Dziedziny majom - we tym ich sprawa
Tako trza szkryfnońć co trzi linije
Ze jedny wiedom se familije.

[broneknotgeld]

Majorat 1714

Gornoślonsko familijo bezpotomno - już wymiyro
Toż morawsko se terozki za dziedzina ta zabiyro.

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+Oppersdorffow/default.htm?WBCMODE=authoringpreview%2cauthoringpreview?
WBCMODE=authoringpreview%2cauthoringpreview&ActualPage=1

Ech, dużo do czytanio.

Korfantów

[broneknotgeld]

"Fridland"

Ze Fridlandu Korfantow tyn momy
Przeca miano downiejsze tyż znomy.

[broneknotgeld]

W XVII wieku

W siedymnostym wieku Redernow majontek
Niy łostatni rod to co trzimoł tyn kontek.

[broneknotgeld]

W XVIII wieku

Pałac już przebudowany
I park piykny zrychtowany
Toż dziedzice se radujom
Gryfnośc gorom - forsztelujom.

[broneknotgeld]

Von Burghausy


Von Burghausy zamkom pszoli
Tako Ślonzek ło tym wiedzioł
"Trza by rod tyn wiela chwolić"
-Roz historyk mi powiedzioł.

[broneknotgeld]

Sanatorium w pałacu

Z gnatami utropa - tu podkurowali
Jakosik trza było żyć ci przeca dali.

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+w+Korfantowie/default.htm

Coś ło zamku w Korfantowie.

Izbicko

[broneknotgeld]

Izbicko 1295

Toż wioska tukej już przeca była
Rokow jyj tako rachować siyła
Dyć szkryfnońć moga wom małowiela
Bo ło pałacu przeca ta sztela.

[broneknotgeld]

Herb Strachwitzow

Na czerwony tarczy czorno głowa dzika
Kłami w strzybrze blysko - toż trza mi już zmykać.

[broneknotgeld]

Pałac w XIX wieku

Izbicki pałac przebudowali
Dyć go za wiela niy pozmiyniali.

[broneknotgeld]

Po wojnie

Wpiyrw tu Liceum Rolnicze majom
Potym Technikum jest Hodowlane
Tako gowiedzi w Izbicku pszajom
Jak byk zaryczy tu majom ranek.

Kamień Śląski

[broneknotgeld]

Kamiyń Ślonski 1104

Grod Krziwoustego już se tukej stoł
Piast na ślonske ziymie przeca pozor doł.

[broneknotgeld]

Kamiyń Ślonski 1591

Mikołoj Strzela tyn Kamiyń chycioł
Dyć niy na długo tref tako klycioł.

[broneknotgeld]

Wacław Kaldenborn

Mo we niym kamiyń tako dziedzica
Czy ze tym zmiyni se okolica?

[broneknotgeld]

Magdalyna Engelburg von Larisch

Grafini pogożno - rzyko do świyntego
Toż Jacek-Hiacynt tukej był rodzony
Tako se niy dziwcie terozki ze tego
Że jyj pałac zdo sie być dlo Niego domym.

[broneknotgeld]

Hiacynt von Strachwitz (1858)

Ano - z niym pałac przebudowany
Trza wspomnieć go tyż i tako
Na wiela rokow ciyngym nom dany
Choć czasym ktoś bydzie płakoł.

[broneknotgeld]

Dom Dziecka

Upaństwowiony bajtlom już służy
Chocioż tym grofom tref życie burzy
Śmiych dzieci szczyńście niesie dziedzinie
Dyć to ze czasym tyż tukej minie.

[broneknotgeld]

Łodbudowa 1990-1994

Kurio Biskupio zgliszcze kupuje
Tako i pałac łodbudowuje
Świyntego Jacka zaś w niym kaplica
Ołtorz jyj erbli w Siestrzechowicach.

[broneknotgeld]

www.kamien.biz/
To tyż tu przeca musi być

[broneknotgeld]

Krapkowice 1294

Princ opolski Krapkowicom prawa miejske dowoł
Pewno piyrwyj już w tym grodzie na zamku se stowoł.

Krapkowice

[broneknotgeld]

Krapkowice 29.IX.1582

Cysorz Rudolf sprzedoł miasto i zamek grafowi
Se mieszczany dziwowali teroz Roedernowi
Dyć trzi roki chnet przełażom - tref pechowo ściele
Jan Joachim głowa kładzie na wieki w kościele.

[broneknotgeld]

Łodbudowali

Roederny zamek łodbudowali
I Krapkowicom pomrzić niy dali
Dyć to co piyrwyj se niy wrociyło
Jakosik myni wszyskego było.

[broneknotgeld]

Herb familiji von Haugwitz

Na czerwony tarczy czorno głowa tryka
Rogi jego złote - toz niy trza go tykać.

[broneknotgeld]

Karol Wilhelm von Haugwitz (1769)

Z tym rokym grof Haugwitz kupioł Krapkowice
Piyrwyj ze Bykowa wele Oleśnice
Po Roedernach tako se trzimie dziedzina
Dyć we końcu pomarł - łostawioł dlo syna.

[broneknotgeld]

Niy dbali?

Ło krapkowicki zamek niy dbali?
Po lazarycie co tukej dali?
Manufaktura po prowdzie była
Kero dlo Ślonska sukno robiyła.

[broneknotgeld]

Krapkowice 1888

Zamek wyremontowany
Za siedziba rodu dany
Dyć już pewno ło tym wiycie
Kończom ślonske se Haugwitze.

[broneknotgeld]

Po wojnie

Ano - przez wojna zamek podupod
Uciyrpioł wiela dyć niy skiż gupot
W końcu go przeca tu remontujom
Niychej se inksi tymu dziwujom.

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+Haugwitzow/default.htm

Tyż piykno lektura

[broneknotgeld]

Ciynżko stoć na gyrach
opolskie.regiopedia.pl/wiki/historia-sporow-miedzy-mieszczanami-wladcami-w-krapkowicach
Kej za wiela biyra.

Otmęt

[broneknotgeld]

Otmynt

W średniowieczu Strzele tyn Otmynt trzimali
Pewnikym już łoni zamek zbajstlowali.

[broneknotgeld]

Strzałowie herbu Kotwicz

Z Gornego Ślonska rod w Polsce znany
Niyjedyn konsek ziymi im dany.

[broneknotgeld]

Barbara von Kolditz

Dowo ślubno Łukaszowi
Sztyrech synow- toż ród zdobi
A do tego tyż dwie cery
Czy szczyńśliwszy fater kery?

[broneknotgeld]

Joachim Buchta Bilicki

Siedymdziesiont rokow łon Otmyntu panym
Nawet ździybko wiyncy - "hok" tyż jymu dany.

[broneknotgeld]

Buchty herbu Odrowonż

Rycerz morawski bioł se z poganym
Wons z konskym gymby dyć łoderwany
Łostoł mu tako we rynce potym
Z tym znak herbowy - to niy gupoty.

[broneknotgeld]

Otmynt 1608

Pomarł Joachim - Otmynt w żałobie
Ślubno przi jego stoji se grobie.

[broneknotgeld]

Tymplariuszy?

W trzinostym wieku tu se kryńciyli
Dyć czy panami Otmyntu byli?
Zdo sie legyndom to yno przeca
Tako trza wrazić do tego neca.

[broneknotgeld]

Zamek w XIX wieku

Już widać co zamek se tukej zatracioł
Grofow czynsto miynioł no i niy bogacioł.

[broneknotgeld]

www.wrotaopolszczyzny.pl/pl/turystyka/zabytki+architektury/rezydencje/zamki/Zamek+Otmet/default.htm
Niywiela łostało, dyć taki link tyż se tu przido.
-
Ruda Śląska - stolica fraszki