"Solidarni z Rudą Śląską"

[broneknotgeld]

Żałoba w Polsce już se skończyła
Dyć familije łostały
Kerym potrzebno terozki siyła
By w życie sie z niom wybrały

Bydom pamiyntać ło dniach we smutku
Śmierci co prziszła za drapko
No i terozki zaś powolutku
Łod nowa wgryzać we jabko

Toż niy ma leko - potrza pomocy
Źle jak łostanom w tym sami
Trza by wyleźli z ty cimy nocy
Utropa szczimiom ze nami.

[broneknotgeld]

Toż płaczka naszo
jako sumienie
Dlo tych co żyjom
niych mo znaczynie.

[broneknotgeld]

Żol

Żol zdusić jako?
Dyć serca gniecie
Kto z niymi płako
Kupluje przecie.

[broneknotgeld]

Płaczka

Możno se w łoku płaczka zakryńci
I tukej z nami łostanie
Żol w samotności wiela umynczy
Cuzamyn siyłom dyć stanie.

[broneknotgeld]

Halymbske znicze

Tysionce zniczy se tam polyły
I bydzie jeszcze ich wiela
Płomyki jako te płaczki były
Szkryfna jo ło tym tu tela.

[broneknotgeld]

Co sie stało - niy zmiyniymy
Ich zabrakło - my żyjymy
Żol nom łostoł pamiyńć tako
Familijo co durś płako.

[broneknotgeld]

Trza

Trza familijom pociecha dować
Ciynżke je roki czekajom
Jakby do życio łobudzić z nowa
Z bliźniymi kierzy im pszajom.

[broneknotgeld]

Wielko utropa jak szkryfnońć słowym?
Dyć jo niy umia - tela wom powiym
Możno se jednak ktoś taki znojdzie
Kery daleko ze tym aż dojdzie.

[broneknotgeld]

Na nic zdo mi sie szkryflanie
Jak przed śmierciom człowiek stanie
Na nic rymy, na nic słowa
Jak trza przed Ponboczkym stować.

[broneknotgeld]

Barborko prowadź

Barborko prowadź dusze do Nieba
Ło to nom rzykać do Ciebie trzeba
Przed śmierciom gwarka dyć niy łobronisz
Czy jego życie kosztuje toni???

Ech - tako fraga teroz prziłazi
Niych Cie Barborko to niy łobrazi
Dyć "żol halymbski" ciyngym we gowie
Joch som tym pruchnym co zwie sie - człowiek.

[broneknotgeld]

Śmierć bergmonow

We wonglu jakby szkryfniono była
Czornym djomyncie co Ślonzek dowo
Zaś we "Halymbie" se - ulotniyła
Iskra wystyknie - śmierć w łoczach stowo.

[broneknotgeld]

Jako spokopić?

Jako spokopić co tam sie stało?
Powiedzieć - piekło? Przeca to mało!
Możno trza uciyc łod tego myślom
A co jak łone se nom tyż prziśniom?

[broneknotgeld]

Ślintałaś

Tyś Barborko tyż ślintała
Jak żes ich do Nieba brała
Dyć niy mogłaś wyratować
Przed Ponboczkym poszli stować.

"Solidarni z Rudą Śląską" - koncert

[broneknotgeld]

"Solidarni z Rudą Ślaską"
10.12.2006 Katowice - Spodek

Kto wystompi? Możno wiycie
Trza popłakać by iść w życie.

[broneknotgeld]

Edyta Górniak?

Edyta Górniak se tam pojawi?
Pauza we żolu tako nom sprawi?

[broneknotgeld]

Beata Kozidrak?

Z "Bajmym" we Spodku se nom pokoże?
Toż łoboczymy czy być tam może.

[broneknotgeld]

Ech - we Spodku to niy bydzie
-Galeryjo "Szyb Wilsona"
Tam na koncert wiela przidzie
-Za tych co niy mieli konać.

[broneknotgeld]

Krzysztof Krawczyk gwiazdom bydzie
Dyć rodzony w Katowicach
Ze inkszymi śpiywać przidzie
Dopiszecie - tako licza.

[broneknotgeld]

No dyć żech ło czymś zapomnioł.
Poczontek konceru - godzina 19.00
Bezpośredno relacjo - program TVP-2

[broneknotgeld]

Krzysztof Krawczyk bydzie gwiazdom
W Katowicach dyć rodzony
Toż mu przeca jo niy nazdom
Niychej śpiywo - potrza łonym.

"Solidarni z Rudą Śląską" - kondolyncyje

[broneknotgeld]

Prozom abo i lirykom
Tu zechciyjcie skłodać tako
Jo za dusze jejich rzykom
Łoko ździybko mi z tym płako.

[broneknotgeld]

Familijom żol durś bydzie
Brat, syn, łojciec już niy przidzie
By krewniokow ciyngym wspiyrać
Trza na Niebo dyć zaziyrać
Ukojynio szukać tako
Choć jak piyrwyj niy jednako.

[naata]

Bronuś, nie w niebie pomocy szukać, lecz u Bliźniego, który żyje i
serdecznecznościa puka do drzwi Pokrzywdzonego. Nie w raju my jeszcze, i tez nie
w piekle, kto czuje miłość, współczucie, ten rodzinom poległych Górników, pomóc
i przydać może sie jeszcze. Minuta "chwalebnych" obietnic minęła! Co przyniesie
przyszłość? Samotność i zapomnienie sromotą dla krzykaczy wielu. Ratunek i
radość, to dla cichych bohaterów DZIEłO!



PS..Bronek, jesteś jak stare wino, coraz lepszy :)

[broneknotgeld]

Ło to w tym idzie
Czy tako bydzie?

[waga.w]

Czas z serdecznymi bliżnimi ,
lekarstwem na żal za bliskimi .

[broneknotgeld]

Ano - niychej bydzie tako
Lekci jak se z bliźnim płako.

[ciupazka]

Pierwsze pogrzeby, dzwony im dzwonią
modlitwą bliscy płaczą z dzwonami.
(*)

[broneknotgeld]

Jeszcze niyroz dzwonić bydom
Familije tako z biydom.

[broneknotgeld]

Familije pamiyntajom
Jo ło pamiyńć inkszych wajom.

[broneknotgeld]

Przi Dzieciontku na Halymbie
miasta.gazeta.pl/katowice/1,35055,3810414.html
Płaczki lecom tyż po gymbie.

[broneknotgeld]

Co nom łostało? -Cuzamyn ślintać
Ło tragedyji dugo pamiyntać.

[broneknotgeld]

Jutro tragedyji prawie jest rocznica
Toż we takim wontku krotki rym jo sklyca
Kery jako świyczka abo i rzykanie
Miyj dusze w łopiece nasz Wszechmocny panie.

[broneknotgeld]

W środa Halymba bydzie rzykała
Łońskego roku utropa miała
Kero do dzisioj ciyngym we głowie
Toż życie stracioł niyjedyn człowiek.

[broneknotgeld]

Ech - durś ciynżke te wspominki
forum.gazeta.pl/forum/72,2.html?f=28940&w=52905310
W tragedyji potrza rynki
Kero wsparcie zowdy niesie
Niychej zyć nom ciyngym chce sie.

[azaheca]

Gorzej w Donbasie górnicy mają
ale te słowa nie pocieszają
ludzie pod ziemią życie tracą
za to inni się bogacą
to głęboko niemoralne
ich sumienia jak węgiel czarne.

[broneknotgeld]

Co roku tak bywo
Śmiertka zbiyro żniwo.

[broneknotgeld]

Jak niy "Halymba" to "Ślonsk" utropom
Żol familije we płaczkach topiom.

[broneknotgeld]

++++++++++++"Pole Panewnickie" - 18.09.2009++++++++

"Pole Panewnickie" dzisioj wspomnieć trzeba
Dwanoście duszyczek zaroz szło do Nieba
Dyć łoziym po czasie tyż dokuplowało
Ech, świynto Barbaro - co sie z niymi stało?

wyborcza.pl/1,75478,7081186,Tragedia_w_Wujku_Slasku___minuta_po_minucie.html
Prziszło Ci przi tymu zaś droga wskozywać
Prziszło sie niyszczyńściu wielkymu tu dziwać
Kej dusza do Nieba - ciało ziymia kryje
Kto żyje niych ślimto - żolu se niy zmyje.

[broneknotgeld]

Dzisioj prawie jest rocznica
Bestoz tyż stropione lica.

[broneknotgeld]

Ech, to było
Fest tropiyło.

[broneknotgeld]

Wspomnieć trza
rudaslaska.naszemiasto.pl/artykul/1079889,wujek-slask-pomnik-w-kochlowicach-dla-ofiar-tragedii-w,id,t.html#44a8b8607bb46b55,1,3,7
Ano - ja.

[broneknotgeld]

Czas wartko leci
Żałość tyż kleci.

[broneknotgeld]

Wspomnieć trza
rudaslaska.naszemiasto.pl/artykul/1542395,trzecia-rocznica-katastrofy-w-kopalni-wujek-slask-w-rudzie,id,t.html#50ceacf25ba22931,1,3,5
Ano - ja.