Jak chop z babom

[broneknotgeld]

No ale jeszcze niy grom za dziada
Ze swojom frelkom dowom se rada
Yno tych modych jakoś mi szkoda
Durś sie dziwuja na ich uroda
Im czowiek starszy tym widzi wiyncy
Som take piykne że aż to mynczy.

[broneknotgeld]

Waluś na balu

Dyć sie nom zbliżo tyn świynty Waluś
Trza by zaś frelka zdybać na balu
Ździybko sie prziciś do jyj podołka
Choć łobleczono myśleć że gołka.

[broneknotgeld]

Karlus

Karlus sie z dziołchom wcale niy nudzi
Łona go zawsze mocno pobudzi.

[broneknotgeld]

Walynty

Wreszcie momy tu Walusia
Zrobiymy sie husia-siusia
Łon je patron zakochanych
No i tych w dekel rombanych
Czynsto jedno to wychodzi
Radujmy sie - co nom szkodzi.

[broneknotgeld]

Wino, frelka i ...

"Byczo krew" pioł żech na Bykowinie
Zarozki fraszka ze tego płynie
Na bycze wino mioł żech smak wielki
Teroz mi trzeba goroncy frelki
Czy to som yno myśli niymondre?
Czy bycze wino idzie do jonder?

[broneknotgeld]

Dyć jużech wrocioł na łono żony
I na tym łonie byda spełniony
"Byczo krew" zowdy przido sie chopu
Jak zapomino ło tym co w kroku.

[broneknotgeld]

Dobrze żech tukej ślubny niy gościoł
Bo bych bez tydziyń terozki pościoł
Przidała by sie autocynzora
Dioboł zaś wyloz bez moja skora
Łostatnie fraszki przed niom ukryja
By nudelkulom niy dostołch w ryja.

[broneknotgeld]

Problym mi teroz prziszoł do gowy
Jo niy je cołkym anonimowy
Ło ślubny pisza yno do szpasu
Z tego niy bydzie wiela marasu
Gorzi jak czyto to tyż kobiyta
Kero z niczego zrobi ciaplyta
Ale tych mokwow przeca niywiela
Szkryflać sie dali tukej łośmiela
Bestoż niy wytna ze forum sexu
Choćbych mioł ło to wadzić sie z heksom.

[broneknotgeld]

Jo łostatnio

Jo łostatnio zaś żech spuch
Wylazla mi muskla piwno
Frelki nyńci płaski brzych
Tako moda teroz dziwno

Dyć już plaża mi sie marzy
Woda słono trocha mokro
Klara co nom ciała praży
Dziołcha co sie w morzu toplo

Trza zaś zabrać sie za siebie
Ściepnońć fetu mocka kilo
By sie latym czuć jak w niebie
Z frelkom przi latarni Stilo.

[broneknotgeld]

Czy musza...

Czy musza ciyngym grać piyrsze krzipce
Może ktoś wlepi choć coś ło cipce
Trza chyba sexym łostrzy tu sypać
By insi chcieli tyż cosik wciypać.

[broneknotgeld]

Friza

Friza na łonie ponoć je w modzie
Fikuśno - nawet z piorkami
Dropia sie teroz po moji brodzie
Bija sie ze myślami

Dyć inszy kolor na cipce szczimia
Z uciechom bych nawet gaftoł
Piorka wihajstry to inszy tymat
Jo nudelkulom bych czaskoł.

[broneknotgeld]

Weksle

Chyba dopadła mie ta utropa
Godajom na to "weksle u chopa"
Durś na te forum "hicwele" wklejom
A niych sie insi z tego pośmiejom!

[broneknotgeld]

Ze motykom tracisz grosz
Dyć sie czujesz choby boss.

[broneknotgeld]

I zaś ryma

Jak mom ryma słysza wdycki
Wroź sie kichol w mode cycki
Niy wiym wiela we tym prowdy
W sznuptuch kichol kłoda zowdy.

[broneknotgeld]

My byki

Przeca byk je zawsze byczy
Kożdo krowka to zaryczy
Mlyczno cielno czy jałowka
To je byka we tym głowka

Jo wiym - som tyż te łoporne
Czynsto u nich to pozorne
Niy zawadzi jednak czasym
Postraszyć wilkym i lasym.

[broneknotgeld]

Jak teroz ślubno zyrknie na zadek
Targo do łożka - to niy przipadek
Potym do ucha powiydz jyj rym
I właź pod kołdra choby we dym.

[broneknotgeld]

Ślubno srogim je cynzorym
Moja tyż tu kedyś wdepła
Buły lycza do tyj pory
A i tak coś z pieprzym wciepna.

[broneknotgeld]

Szkubnoł bych teroz moja po plecach
Yno że synek durś niy śpi
Chyba niy werci sie już podniecać
A ślubno niych sie tyż wyśpi.

[broneknotgeld]

Prziznom sie ze jednak nom inaczy leci
Bo we wieczor trocha przeszkodzajom dzieci
Do roboty ida nojczyńści jo rano
Ślubno tyż w robocie musi być wyspano
Bestoż już łod downa urlop mi we gowie
W pszoniu zaległości by nadgonioł czowiek
Pieścioł bych sie z żonkom we wieczor i rano
Coby była pewno że jest durś kochano.

[broneknotgeld]

Jak moja warzy
Idzie sie sparzyć.

[broneknotgeld]

Danka na strona tukej se bliko
Podobno za nos łostatnio rzyko
Bo jakoś to Jom wcale niy cieszy
Że my tu chcymy troszka pogrzeszyć.

[broneknotgeld]

Sprośne fraszki

Co to wynokwioł tyn Kochanowski?
Łon w sprośnych fraszkach był przeca boski.

[broneknotgeld]

Teroz take som już czasy
Że chop nosi ciynżke kasy
A kobiyta z grubszom forsom
Niby lekszom a niy gorszom.

[broneknotgeld]

"Brzidke" słowo

Macykura mi na to roz łodpowiydź dowoł
-"Cipka to jest naprowdy richtig brzidke słowo".

[baba2]

broneknotgeld napisał:

> Chciolbych tu wyloć kufel słodyczy
> A moja ślubno już na mie ryczy.
>
> TY SIĘ NIE PRZEJMUJ
>
> Gdyby me ciało tak bardzo zbrzydło
> Że wyglądałbym jak straszydło
> - Ty się nie przejmuj
>
> Gdybym też zbudził się wcześnie rano
> I byłbym łysy jak kolano
> - Ty się nie przejmuj
>
> Gdyby mi wszystkie zęby wypadły
> Codziennie tylko kleik jadłbym
> - Ty się nie przejmuj
>
> Gdybym zupełnie swój stracił wzrok
> I w czarną otchłań postąpił krok
> - Ty się nie przejmuj
>
> Gdyby mnie wredna zmogła choroba
> Na tamtym świecie była już noga
> - Ty się nie przejmuj
>
> Gdyby wieziono mnie w kaftaniku
> I wypuszczono gdzieś w Rybniku
> - Ty sie nie przemuj
>
> Gdybym Cię kochał bez wzajemności
> Choć to tak bardzo może złościć
> - Ty się nie przejmuj
>
> TY SIĘ NIE PRZEJMUJ BO ZAWSZE WSZĘDZIE
> MYŚL MOJA BLISKO CIEBIE BĘDZIE
Powiedzmi chopie czy ty żeś przeciep się z innej strony czy moż to w bazie i
tylko klikosz bo byda se musioł urlop wziąć żeby to czytać.Choć piszerz fajnie.
>

[broneknotgeld]

Łod grudnia se tak rymuja
Bestoż wiela tu wciepuja.

[broneknotgeld]

"Aauuaa"

Te "aauuaa" rozkoszny to ryk
Dyć łobłap se frelka we mig
Do tego nojlepsze je zwarcie
Bo pszoć przeca idzie zażarcie
Jak już "nudelkula" mosz twardo
To postow sie łostro i hardo.

[broneknotgeld]

Utropa

Po tym poznać richtig chopa
Że ze krokym mo utropa
Jak na wiosna widzi pympek
Zaś mu w gowie je postympek
Frelka pympkym chce sie asić
Jak fojera potym gasić?

[broneknotgeld]

Zowitkow teroz dostatek
Bo chop je wiynkszy gagatek
A frelka czynsto go ścigo
I tyż łod ślubu sie migo.

[broneknotgeld]

My (moja i jo)

My som już prawie że pełnoletni
We ty małżyński robocie
Przeca niy idzie powiedzieć - przetni
Jak sie mo dwojka tyż pociech

Choć już sie teroz tak niy pszajymy
By sie polyła nom pościyl
To jakoś do sia durś chyntnie lgnymy
Wiela je jeszcze miłości.

[broneknotgeld]

Ze Walcwerka

Ze Walcwerka znoł żech frela
Chocioż niy miołch z niom wesela
Jeji nogi durś pamiyntom
Dziubek z minom uśmiychniyntom

Jak minyło lot już mocka
Roz prziśniyła sie we nocka
Coch jo wtedy z niom wyprowioł
Niy byda wom tu łosprowioł.