Gość: Wasz Marjanek
IP: *.dip.t-dialin.net
18.10.05, 15:55
Kaj idziesz Biblio – abo co zajs wymysleli Wszechpoloki.
Jak mom czas, pacza na posyuano bez satelita polsko telewizjo.
Wczora we wiadomosciach na TV Polonia godali o dyskusji, jako w Polsce
rozszalaua skuli „Biblii Slonzoka“ – Szoltyska.
“Eksperty“ od polskij godki a i jakijs ksiynzoszek – jak ekspert lot spraw
niybieskich, ciepali pomsty na Szoltyska i nos Slonzokow ogolnie – skisz
tego, co pomoc obrozomy Pana Boga, jak godomy o Nim “Ponboczek”. A do tego
som my prymitywy, jak czytomy przeonacono na nasze Biblio (skuli
tych „wulgaryzmow“).
Musza pedziec, co mie o malo nie szczelou pieron !
Juzajs - wszystko nojlepij wiedzonce Poloki - robiom nom przepisy, jak momy
godac i zykac.!
A w koncu moja starka Anna zykala do Ponboczka, uojce moje tysz, jo na
Niego godom Ponboczek, a i dziecka njy widzom w tym grzychu.
A wulgaryzmy, to mogom sie Poloki ze swojij godki wyplenic. Bo na to jusz
nojwyszczy czas, coby te, kere uwazajom sie za duchowych potomkow
Mickiewiczow i Janow Paulkow – oduczyli sie na kozdym kroku ciepac mjynsym i
inkszymi brukowymi wyrazonkami.
A moze je to tyn ich nowy jynzyk polski ??
No tosz Wszechpoloki ! Zrobcie noprzod porzondek na swojym placu, a nos
Slonzokow uostowcie w spokoju. Ponboczek napewno sie njy gorszy, jak my go w
naszy godce chwolymy.
PS: A tak miyndzy nami. “Biblia Slonzoka” wydano zostaua jusz pora lot tymu
(przynajmni jo mom jom jusz njy od dzisiej). Tosz sie troszka dziwia, czamu
teroski sztetruje una Polokow ??
A moze chcom uoni juzajs cojsik przeciw nom majstrowac ???
Pyrsk !
Wasz Marjanek 18.10.2005.
