c.d.

IP: *.dip.t-dialin.net 04.04.04, 10:49
forum.gazeta.pl/forum/72,2.html?f=10650&w=10886617&a=10886617
    • Gość: szwager Re: c.d. IP: *.dip.t-dialin.net 04.04.04, 11:18
      Szwager ta galeriou sie nie uotwierou
      • Gość: ballest Re: c.d. IP: *.dip.t-dialin.net 04.04.04, 11:21
        Łosprowki ło starce... 24.02.04r.





        Som take dni, że czowiek siedzi i prziłażom mu do gowy bele jake
        wspomniynia, nikere pocieszne,
        nikere smutne i wiym to po sobie, że wola godać ło tych piyrszych. Tosz
        połosprowiom trocha ło starce łod moi ślubnyj.



        Pamiyntom jak dzisioj śmiyszne zdarzynie, jak to moj szwager pojechoł do swoi
        starki na byzuch.
        A niy boło go jusz u nij pieronym dugo. Starka, jak to starka, nikaj sie
        zbytnio ze chałpy niy ruszo, i choć jusz je wiekowo,
        to jeszcze je wyzgerno. Szwager przijechoł, klupie na drzwiyrze i czeko.
        Łotwiyro mu oma i pado: a ftoś ty jes?
        Szwager stanoł, choby go pieron czasnoł i niy wierzoł, że go starka niy
        poznała, nale ij na to godo: no to jo - Grzegorz,
        twoj wnuk; a oma na to: aaaaa, Grzesiu teroski widza, jo cie po tych zymbach
        poznała. Tak to zymby łod szwagra uratowały go, bo by chnet musioł borok jechać
        nazot do dom.

        Tako to je śnij oma.

        Roz jak my dzwoniyli do somsiadki łod omy (bo łona sama niy mo telefona) i
        pytomy sie głosym połnym troski - co tam u starki słychać, a ta kobiyta nom
        pado: jeronie nom sam ściany pynkajom w kuchni, jak waszo oma rombie drzewo na
        łogyń.



        Pamiyntom jak my ze mojom ślubnom (wtynczos jeszcze my zolyciyli) przijechali
        my do omy we lato.
        A że oma miyszko trocha koncek łod nos i mo pieronowy łogrod, to my sie
        wytuplikowali, co weznymy sie namiot
        i bydymy spać na placu we łogrodku. Keryś nocki słyszymy kroki, jak ftoś łazi
        kole tego naszego namiotu. Jo wzion taszynlampa
        i wylatuja na zewnontrz, pacza a tam nikogo niy ma. Strach mie trocha
        łoblecioł, nale nic właża nazot i cicho.
        Na drugij nocce to samo, zajś słychać kroki, a jak wylatuja – żodnego niy ma...
        W końcu, trocha nom gupie boło, że take pachoły i ło takich gupotach bydymy
        omie łozprawiać, nale w końcu my sie przemogli
        i godomy ta cołko historio starce, a łona pado: aaaa, to możno łazi tyn duch
        łod tego,
        co sie sam we 50-tych latach na motorze ło te drzewo roszczas... My zaroski
        pozwijali tyn namiot reszta gratow i citli do dom na strych. Tam nom już nikt
        niy łazioł.



        Co do gadziny, to starka dycki miała swoiste podyjście. Roz my sie tak
        siedzieli na ławce kole chałpy i głaskali my kota.
        Prziszła ku nom babcia i tak na nos filuje, co my z tym kotym robiymy. Łoroz
        pado tak: a tyn kot to je chyba francuski,
        bo jo widziała jak łon żaba gonioł i jom zeżar... Uśmioli my sie przi tym. A
        zajś inkszym razym niy podobało ij sie,
        że momy ino jednego synka. Wziona naszego smyka na bok i mu pado: a niy chcioł
        byś jakij siostry, abo braciszka?
        No łon zaroski ryknoł, że ja! No tosz go prababcia nauczoła takij pogaduszki:
        bocian, bocian ostry prziniyś mi dwie siostry.
        Tosz jak my jechali potym autokiym, abo szli piechty i widzieli my bociany, to
        nasz synek rycoł na cołkie gardło te powiedzonko. Na razie jakosik niy
        zadziałały te „modły”, nale jeszcze nic straconego, pra?



        Ze śmiychym tysz spominom, jak my roz chcieli klipsnonć omie pora fotek. Tosz
        jo rychtuja tyn aparat,
        szukom nojlepszego ujyńcia, a oma rycy, że niy i koniec, bo łona sie musi
        wyrychtować. Jeronie oma – godom,
        nale kaj Ty sie chcesz rychtować, jak jo ino chca fotka klipsnonć? Nic niy
        pomogło, musiołech czekać,
        aż sie wyszykowała, uczesała, łoblykła choby do kościoła na mszo we niydziela i
        jak już skończoła ta cołko ceremonio,
        tosz sie siadła na stołek i mi pado, że teroski moga robić fotki. Ludzie, jo
        poł dnia na to czekoł! W końcu żech klipsnoł te fotki,
        a przi łokazji tysz jeji kota – tego francuskiego – co sie zwoł Maciuś. Oma mu
        warzoła grysik na mlyku,
        bo łon już boł potym taki stary, że już borok niy mioł zymbow. Teroski już
        zdech, nale skuli tego mojego klipsowanio fotek jeszcze łostoł ij tyn kot na
        pamiontka na fotce.



        Pora lot nazot starka i starzik (jesce wtynczos żoł) świyntowali 50 lot po
        ślubie. Jeronie, co to boł za fajer.
        We kościele siedzieli na stołkach, na środku, choby richtik modo para. Potym
        winszowanie itd. , a jak my sie już zicli na stołkach w doma, to sie „modyj
        parze” wzioło na spominki. Starzik napoczon łosprawiać jak to za młodu poznoł
        jakosik frela,
        co robioła u piekorza. Łon, jak to mody chop, chcioł jom zaroski „mieć” cołko,
        a łona mu pado, że niy i dostanie dopiyro po ślubie. No, cza pedzieć, że mu to
        chyba niy spasowało, bo jakoś wzion sie potym kogo inkszego. Nale oma sie tak
        tymu przisuchiwała
        i na końcu ciepła komyntorz: szkoda, że jo jakigo piekorza niy miała... Tosz my
        zaroski rykli ze śmiychu,
        bo jak to wyglondało z ust posiwiałyj babuliny.



        I tak to żech trocha połosprawioł ło starce łod moi ślubnyj.

        • Gość: ADOLF Re: c.d. IP: *.dip.t-dialin.net 04.04.04, 11:27
          Pamięć może być rajem, z którego nie można nas wygnać, a może być piekłem z
          którego nie można uciec.
          • Gość: Adolfanty Re: c.d. IP: *.dip.t-dialin.net 04.04.04, 11:38
            Pamięć może być piekłem, z którego nie można nas wygnać, a może być rajem z
            którego nie można uciec.
            • Gość: szwager Re: c.d. IP: *.dip.t-dialin.net 04.04.04, 11:45
              Zastanawiam sie, na ile nasze miasto jest miastem innych kultur? Sa Ormianie -
              maja kociolek na owym skwerze miedy Mikolowska a Jana Pawla (w sumie to chyba
              nie ma ow skwer jeszcze nazwy), a tez Ewangelicy (kiedys okupowali stereotyp
              Ewangelik - Niemiec/ Katolik - Polak) oraz pozostalosci po gliwickich Zydach,
              choc jak wynika z wykazu na stronach UM ich kina istanieja do dzis. Kiedys bylo
              wiecej Arabow, ale ci byli w przelocie (choc nie tylko) a to dzieki technice,
              ostatnio widzialem tez Afrykanczykow, ale to chyba raczej jakis wypad
              wycieczkowy. Jak to jest z ta odmiennoscia/ roznorodnoscia w Gliwicach?
              • Gość: hanys_hans malpka fikimiki IP: *.dip.t-dialin.net 04.04.04, 13:46
                republika.pl/silesia4/dlg.htm
Inne wątki na temat:
Pełna wersja