Afryka

[broneknotgeld]

Jedno jest pewne - zowdy tam gorko
Bestoż se wybroł Francek ze Dorkom.

[broneknotgeld]

Sie zapaczała Dorka na Nyjgra
Dlo sia i Francka wziyła ablyjgra.

[broneknotgeld]

Dyć ku za bawie
Tukej dom prawie
pl.youtube.com/watch?v=WZWVa_S2Dms

[broneknotgeld]

Ze Afrykom tako bywo
Że niyjedyn se jyj dziwo
I choć nawet czowiek stary
Ciyngym kusi go safari

[broneknotgeld]

Za Afryka
trza nom rzykać?

[broneknotgeld]

Cosik nyjgerskego
Dociepna do tego.

Maroko

[broneknotgeld]

"Berbery"

Berbery tu piyrsze byli
Toż łod zowdy jakby żyli
Mianowali Fenicjany
Dlo nich "dziki lud" w tym dany.

[broneknotgeld]

Fenicjany przed Krystusym z tysionc lot tu byli
Z Kartaginom przeca drapko w potynga rosnyli
Berberom dowali rady - kraj sie zdoł poddany
Tela że im na kark w końcu wleźli te Rzymiany.

[broneknotgeld]

Rzymiany

Ździybko tukej nabrojyli
Dyć Wandalom łostawiyli.

[broneknotgeld]

Wandale

Co tu zdrachali? -Jo niy wiym wcale
Dlo Rzymian ciyngym bydom wandale.

[broneknotgeld]

Bizancjum

Tako sie z czasym tu łodmiyniyło
Co Rzymu piyrwyj - Bizancjum wziyło.

[broneknotgeld]

W VII wieku

Drapko capli muzułmany
To co mieli krześcijany.

[broneknotgeld]

Maroko 786

Przi muzułmanach Maroko rośnie
Zdo sie że jakby terozki kwitnie
Chwała krolestwa głoszom radośnie
Choć tref tyz czasym niyszczyńście wytnie.

[broneknotgeld]

Idrys I

Toż wos cyganić wcale niy byda
Piyrszy w Maroku to Idrysyda.

[broneknotgeld]

Almorawidzi

Po Idrysydach władcami łoni
Marrakesz przi nich we przodek goni.

[broneknotgeld]

Almohadzi

Nowo dynastio chnet se tu sadzi
Wszyscy jom znomy - to Almohadzi
Kastylio nawet łoni czimali
Niym krześcijanom ziymie poddali.

[broneknotgeld]

Sadyci

Tym dlo Maroka sie zasłużyli
Że krześcijanow tu wytympiyli.

[broneknotgeld]

Alawici (XVII w)

Łonczom Maroko już Alawici
Przi nich sułtanat sie zocny sklyci
Dyć krwi tyż richtig wiela wyloli
Ważne że rośnie - reszta zaś smolić.

[broneknotgeld]

Mulaj Ismail

Toż alawidzki sułtan zjednoczoł
Kraj kery ciyngym juchom fest broczoł.

[broneknotgeld]

W wieku dziewiytnostym

W wieku dziewiytnostym z Marokym mecyjo
Zdo sie co chcom zrobić z niego kolonijo.

[broneknotgeld]

Maroko 1912

Ano już prawie tako sie stało
Hiszpan wzioł wiela - Francuz niymało
Dwa protektory teroz Maroka
Szczyńściym niy mynczom cołkym boroka.

[broneknotgeld]

Maroko 1956

Niypodległościom blyszczy łod nowa
Toż Muhammada teroz w tym gowa
Coby Maroko szczyńśliwsze było
Zły tref na lepszy tako zmiyniyło.

[broneknotgeld]

Muhammad V

Krol niypodległość łogłosioł Maroka
Francjo i Hiszpanio przestały fest skokać.

[broneknotgeld]

Hassan II

Po Muhammadzie syn teroz rzońdzi
Zdo sie że chyba z tym niy pobłońdzi.

[broneknotgeld]

Marokańske gory

Tukej Rif i czi Atlasy
Dokłodajom wiela krasy.

[broneknotgeld]

"Niybieski Czowiek"

Tuareg cołki niybieski bywo
Niych to wos wcale tukej niy dziwo
Farba z burnusa wlazła mu w ciało
Żeby do tego kompać sie chciało.

[broneknotgeld]

Karawany kamelow

Z toworym tu ciyngym wiydli karawany
Terozki turysta na pukel jest dany.

[broneknotgeld]

Sie do Maroka
Niy ciś we zokach.

[broneknotgeld]

Mahometany

Tukej chnetko wszyscy tu som muzułmany
Yno jedyn procynt innowiercow dany.

[broneknotgeld]

Kuknij na Maroko

Plaże oceanu i gory Atlasu
Pinie tako cedry kej kukniesz ku lasom
Pustynio se złoci jako tyż czerwiyni
Wspomnieć trza ło kuchni marokański ziymi
Zaciekawiom pewno jejich zocne miasta
Kuknij na Maroko - szkryfna to i basta.

Tanger

[broneknotgeld]

Tanger

Z Gibraltarskom Cieśninom w zgodzie Tanger żyje
Choć przez tysionclecia mioł z niom tyż mecyje.

[broneknotgeld]

Port handlowy

Drapko Fynicjanom prziszło to do gowy
By se tu założyć zocny port handlowy
Że sie w Iberyjo przi tymu fest ciśli
Rozwijoł se piyknie - po jejich to myśli.

[broneknotgeld]

Tignis

Tignis - już rzymsko terozki sztela
Dyć inkszych ludow prziszło tu wiela
Wandale potym Bizantyjczyki
W końću Araby dyć rożny "kryki".

[broneknotgeld]

788

Ponoć niy prziniyśli biydy
Do Tangeru Idrysydy.

[broneknotgeld]

1045

Almorawidzi w Tangerze rzondzom
Jak sto lot minie to tyż pobłondzom.

[broneknotgeld]

1149

Almohadow prziszoł czas
Dyć i to "islamski las".

[broneknotgeld]

1274

Niychej Tanger se niy wstydzi
Że tu rzondzom Marynidzi.

[broneknotgeld]

W XVII wieku

Mulaj Ismail wojska tu wiedzie
Juz Alawidzi ze niym na przedzie.

[broneknotgeld]

Pałac Dar el-Makhzen

Toż ze rozkazu powstoł Mulaja
A dzisioj we niym muzeum sztuki
Niy religijno jakosik haja
Kunszt pokazujom toż dlo nauki.

[broneknotgeld]

Tanger 1923

Anglio Francjo Hiszpanio
Razym ze Niymcami
Sztela z wolnym handlym
Majom tu latami.

[broneknotgeld]

Handel

Na niym Tanger rośnie
Przi protektoracie
Chocioż niy radośnie
Przeca "wdziywo lacie)

[broneknotgeld]

"Bioły Tanger"

Ano bioły - czy niywinny?
Krew niy plami już te mury?
Zdo sie pokoj tu niyzmiynny
Piyrwyj były jednak chmury.

[broneknotgeld]

Serce Tangeru

Serce Tangeru w medynie bije
Światym arabskim tu sie durś żyje.

Asila

[broneknotgeld]

Asila

Nad Atlantykym Asila leży
Z historiom dugom - możecie wierzyć
Toż wpiyrw fynickom koloniom była
Potym przi Rzymie sie umynczyła
Mo tako karta swoja arabsko
Niym Portugalczyk położoł łapsko
Za tym zaś prziszli w końcu Hiszpany
W końcu zaś sułtan tukej jest panym.

[broneknotgeld]

Mulaj Ismail w Asili

Cołke Maroko mioł sułtan w kupie
Toż i Asila nudlym we zupie.

[broneknotgeld]

Pasza Raisouli (1906-1924)

Rabczyk tu paszom - jego Asila
Rzondy istnego niy trwały chwila
W czas kolonialny rożnie se dzioło
Czynsto utropa - toż niywesoło.

[broneknotgeld]

Pałac w Asili

Pasza Raisouli se go wymarzoł
Toż drapko cudo tu stanie
Biołościom swojom bydzie sie jarzoł
Przi modrym dyć oceanie.

[broneknotgeld]

Festiwal Kultury w Asili

W lipcu Asila blyszczy kulturom
Łona niy szkodzi tutejszym murom
Choć latym se tu ze słonkym biydzisz
Przi festiwalu i pałac zwiydzisz
Co tego miasta symbolym zocnym
Czasu Maroka jakoby nocnym.

[broneknotgeld]

W medynie

Wymalowane domow fasady
Na kunszt artysty niy ma tu rady
Czas jednak ciyngym tyż robi swoje
Jako łodnowić? Som ło to "boje"?

[broneknotgeld]

Yno w lipcu

Yno w lipcu se zwiydzisz pałac Raisouliego
W kozdy inkszy miesionc niy wpuszczom do niego.

Lixus

[broneknotgeld]

Lixus

To po Rzymianach zocno ruina
Z czasow jak jejich była dziedzina
Badyhaus zwiydzisz no i tyjater
Dyć teroz hulo tu yno wiater.

[broneknotgeld]

Mozaiki Lixusu

Zdo sie - do dzisioj nos zochwycajom
A dwa tysionce chnet rokow majom.

[broneknotgeld]

Neptun

Na mozaice znojdziesz go tukej
Bog atlantycki tako niy szukej
Bo ci ocean włazi we łoczy
Mioł Neptun Lixus we swoji mocy.

Larache

[broneknotgeld]

Larache

Larache miyszo modre ze biołym
Czowiek przi tymu zdo sie wesoły
Jeszcze dołożysz te żołte pioski
Możno w ty szteli zniknom ci troski.

[broneknotgeld]

Nad Loukos

Nad rzekom Loukos Larache leży
Dyć rzeki niy ma - ciynżko uwierzyć.

[broneknotgeld]

Wadi Loukos

Ano - rzeka "okesowo"
Niy zowdy przed łoczy stowo.

Tetuan

[broneknotgeld]

Miasto na Rifie se rozłożyło
We downych wiekach już tukej było.

[broneknotgeld]

"Cera Grenady"

Po rekonkwiście tu se chroniyli
Jak krziż Grenadom już władoł
Tako tetuan w gora dźwignyli
Toż sie do tego im nadoł.

[broneknotgeld]

Aleja Muhammada V

Dyć cie zodziwi pałacykami
Abo swojymi tyż kafejami
Kaj po turecku bonkawa pijesz
-Zarozki raźni przi tymu żyjesz.

[broneknotgeld]

Plac Al-Jala

Na Placu Al-Jala muzeum znojdziecie
Dlo archeologow tukej tyż raj przecie
Czi Gracje z Lixusu w szteli zlondowały
Chocioż w badyhausie kompac se wolały.

Casablanka

[broneknotgeld]

"Casablanka"

Łostawiyła kajś stolica
Gospodarkom tako rośnie
Tu Maroka jakby lica
Co kerujom se ku wiośnie.

[broneknotgeld]

"Casa"

Nojwiynksze miasto - nojpiyrszy port
Wiela bez "Casy" kraj byłby wort?

[broneknotgeld]

Plac Narodow Zjednoczonych

Czyś służbowo czy na wczasy?
-Tukej bije serce "Casy"!
Z mustrym neomaurytańskim
Blyszczy w słonku marokańskim.

[broneknotgeld]

Nowo Casablanka

Ano - Casablanka nowo
We art deco sie wydowo
Z czasow dyć protektoratu
Czy jedynom to zapłatom?

[broneknotgeld]

Park Ligi Arabski

Po piyrszy wojnie go założyli
Tako do dzisioj sie niym cieszyli
I dali niychej bydzie to dugo
Wygro do kogo tyn park zamrugo.

[broneknotgeld]

Wielki Meczet

Toż jest perłom Casablanki
Muzułmańskim światłym zocnym
Kery by mog iść z niym w "szranki"?
Yno z Mekki bardzi mocny!

Drugi w swiecie łon wielkościom
Tako tym Arabom blyszczy
Laser łonczy ze świyntościom
Nikt tu na to dyć niy pyszczy.

[broneknotgeld]

Minaret Wielkego Meczetu

Na dwiesta metrow sztartuje w gora
Zdo ci sie szpica jego we chmurach
Z niyj blask lasera na Mekka leci
Tako sie wszysko ciekawie kleci.

[broneknotgeld]

Na 200 metrow

Na dwiesta metrow minaret w gorze
Pewno poszkrobołby boki chmurze
Dyć mo Allaha tako tyż chwolić
I w muezzina głosie se szkolić.

[broneknotgeld]

Wielki Meczet Hasana II - 1993

Ano po szejściu rokach budowy
Stanoł tu meczet coluśki nowy
Francuz go tako zaprojektowoł
Z tym cosik łod sia dziedzinie dowoł.

[broneknotgeld]

25 000 wiernych
Tela sie wiernych zmieści w meczecie
Tako go "Wielkim" mianować chcecie.

[broneknotgeld]

Bulwar Muhammada V

Toż torg tukej jest łod ranka
Pozor dej byś niy mioł manka.

[broneknotgeld]

Kubba Sidi Belyout

Dyć mauzoleum łod marabuta
Pewno niy blyszczy se na pokuta.

[broneknotgeld]

Fontanna

Toż we kubbie łona stoji
Czy se keryś napić boji?
z łykym wody wrocisz tukej
Tako ty fontanny szukej.

[broneknotgeld]

Medyna Casablanki

Stare miasto za murami
Co swoj wiek tyż przeca majom
Dyć niy łaźcie po niym sami
Zdo sie co niy wszyskim pszajom.

[broneknotgeld]

"Sqali"

Twierdza co szteli piyrwyj broniyła
We łoziymnostym wieku już była.

[broneknotgeld]

Kina Casablanki

Jako kina tu zrachować?
Toż to niy na moja gowa!

Rabat

[broneknotgeld]

Rabat

Ano - do Rabatu - stolicy Maroka
Piyrwyj Fenicjanom juz chciało se skokać
Tako Kartagina a potym Rzymianie
Mieli we ty szteli zocne używanie
Muzułmanow rożne dynastyje tukej
I z Andaluzyji piratow poszykej
W Historyjo Rabat ze tym niy sagaty
Toż przi inkszych sztelach naprowdy bogaty.

[broneknotgeld]

Wieża Hasana

Jakub el-Mansur radocha mioł
Nojwiynkszy światu minaret doł
Na cołki meczet niy stykło siył
Dyć przeca widać jaki by był.

[broneknotgeld]

"Bu Raghragh"

Toż ta rzeka dlo Rabatu
Zdo sie mamom no i tatom
Co by bez niyj tu stanyło?
Jako ciynżko by se żyło?

[broneknotgeld]

Jakub el-Mansur (XII w.)

Jakub el-Mansur ze Almohadow
Chcioł wyrychtować tukej cud świata
Zaczoł to z wielkom przeca paradom
Dyć niy chcioł Allah widzieć w niym brata.

[broneknotgeld]

Kazba Oudaia

Abd el-Moumen jom zbudowoł
Ze tym siyła miastu dowoł
Kto by twierdza ta zdobywoł?
-Dyć niy yno jo sie dziwoł.

[broneknotgeld]

"Jama el-Aiqa"

Meczet Rabatu nojstarszy dzisioj
Choć miynioł sie wiela razy
Dyć nudli na tym niy byda wiyszoł
Bo zaś "piyrszego" łobrazym.

[broneknotgeld]

Brama Oudaia

Wele kazby tukej brama
Z czasow stoji el-Mansura
Kunsztym zdo sie łona sama
Toż stolica a niy dziura.

[broneknotgeld]

Z pismym kufickim

Z pismym kufickim Brama Oudaia
Jak je łodczytać? -Jest ło to haja?

[broneknotgeld]

Lud Oudaia

Plymie arabske tukej trefiyło
Możno szczyńśliwsze w dziedzinie było.

[broneknotgeld]

Sztyry muzea

Sztyry muzea som we Rabacie
Stolica Maroka kraszom
Richtig wystyknie im tego bracie?
Przeca sie niymi tyż aszom.

[broneknotgeld]

Muzeum kazby Oudaia

Mulaj Ismail tyn gmach zbudowoł
Tu mioł siedziba w Rabacie
Tako rozkazy swoje wydowoł
Teroz muzeum jest bracie.

[broneknotgeld]

Muzeum w nowym mieście

Archeologijo starszo dyć łod Rzymu
Tukej se łoglondna i niy spytom - czymu.

[broneknotgeld]

Muzeum ziymi

Dinozaur z Atlasu gryfnie wystawiany
Toż i skuli niego Rabat łodwiedzany.

[broneknotgeld]

Muzeum poczty

A dyć ze Maroka przecie
Tu brifmarki mosz w komplecie
Jeszcze te sprzed piyrszy wojny
Richtig wszyske - być spokojny.

Sale

[broneknotgeld]

Niy kupisz

Przi wieży Hasana
Most wiedzie przez rzeka
W Sale już niy szpana
-Niy kupisz czowieka.

[broneknotgeld]

Sale

Przi Rabacie Sale - postrach Atlantyku
Niy bojcie sie wcale - dyć jo se porzykom
Za tych co na morzu piraty zabiyli
Za tych co ukorzom niywolom - choć żyli.

[broneknotgeld]

Wielki Meczet w Sale

Jak w kozdym mieście i tu go znojdziesz
Dyć do medresy tyż tako dojdziesz.

[broneknotgeld]

Za "Bab el Misra"

Takom bramom wlejziesz nojpiyrw do mellahu
Wpiyrw dzielnica Żydow dyć ciś dali brachu
Toż we środku miasta znojdziesz sukow wiela
Niymi tyż ciekawi ta piracko sztela.

[broneknotgeld]

Sale XVII-XVIII w.

Rajym piratow było te Sale
Stond żes już wolny niy wyloz wcale.

Meknes

[broneknotgeld]

Meknes

Downo Maroka to jest stolica
Mulaj Ismail mioł sroge lica
Dyć ło ta sztela naprowdy dboł
Prawiom co fjoła na tle jyj mioł.

[broneknotgeld]

Sułtan Mulaj Ismail (1672-1727)

Poł wieku przeszło Marokym włodoł
Łon "Krolym Słońce" zdo sie ty ziymi
Pierońsko srogi - kożdy to godoł
Meknes łostawioł - to przeca wiymy.

[broneknotgeld]

Richtig mog?

Kamrat Mulaja - Ludwik Sztyrnosty
Kery był "Słońcym" w zocny francyji
Mog ze sułtana brać muster prosty
Piyńćset nałoznic - żodny mecyji.

[broneknotgeld]

"Bab Mansour"

Toż nojgryfniejszo Maroka brama
Wlyź do Meknesu - prosi cie sama
Podziwej na to co Mulaj stworzoł
Sułtan na wiela przeca sie wożoł.

[broneknotgeld]

"Bajkowy świat Mulaja"

Dzisioj se dziwosz na "świat bajkowy"
Juchom znaczony utropom tako
Wiela traciyło przi tymu gowy
Usłyszołś? -Ktosik po cichu płako.

Tunezja

[broneknotgeld]

Tunezja

Łostało cosik po Kartaginie?
Pamiyńć - dyć zdo sie nigdy niy minie.

[broneknotgeld]

Nyńci

Tunezjo ciyngym turysty nyńci
Tyn gyszeft tukej piyknie sie kryńci.

Dżerba

[broneknotgeld]

Dżerba

We Mały Syrcie ta Dżerba leży
Ciyngym zielono - możecie wierzyć.

[broneknotgeld]

Na Dżerbie

Palm daktylowych miljon zrachujesz
Jeszcześ niy fertig - toż forsztelujesz
Czamu ze fligra łona zielono
I daktylami tyż ciyngym wonio.

[broneknotgeld]

Odyseusz

Odyseusz na Dżerba ponoć tyż zawitoł
Toż ło droga do dom nikerych łopytoł
Kwiotkami lotosu tu go ugościyli
I dali se błonkać po morzu puściyli.

Dżerba

[broneknotgeld]

Piyrwyj

Faktorio handlowo mieli Fenicjany
Dyć w końcu zjowiyli se tukej Rzymiany.

[broneknotgeld]

"Menix"

Za Rzymian tu przeca wielke targowisko
Karawany idom - możno handlyrz zysko.

[broneknotgeld]

Z ronk do ronk

Po Rzymianach Wandale - potym zaś Araby
Normanow tyż tukej wspomnieć przeca trza by
Po nich prziszło rzońdzić na krotko Hiszpanom
A dyć drapko Turkom ta wyspa poddano.

[broneknotgeld]

Dragut

Dragut w służbie Turkow
Wyspa w końcu zdoboł
Hiszpanow tu wiela
Podobnoś łon pobioł
Z ich czaszek zbudowoł
Groźno piramida
Tako ze pirata
Pierońsko łobrzida.

[broneknotgeld]

Koloseum

Koloseum w Dżerbie se piykne łostało
Śladow po Rzymianach tyż tukej niymało.

[broneknotgeld]

Drzewa oliwne

Stare poskryncane
Setki lot już majom
Możno nawet Rzymian
Łone pamiyntajom.

[broneknotgeld]

Grobla

Za rzymskich czasow tu usypano
Kontynyntowi z tym wyspa dano
Dyć se na dugo grobla straciyła
By zaś echt-wyspom ta Dżerba była.

[broneknotgeld]

Grobla 1950

Ano "wrociyły" downiejsze czasy
Przyńdź suchom nogom w palmowe lasy.

[broneknotgeld]

7 km grobli

Jak łostro gyry na niyj rozkulosz
Przyńdziesz w godzina i niy łofulosz.

Guelalla

[broneknotgeld]

W Guelalla

Piyrwyj w Guelalla gorki wyrobiali
Niy yno w Aryce łone używali
Dzisioj sie niywiela warsztatow łostało
Dlo turystow styknie - to i tak niymało.

[broneknotgeld]

Lepiom gorki

W Guelalla gorki lepiom
Choć przi tymu biyda klepiom.

[broneknotgeld]

Muzeum Sztuki Ludowy

Ło tym co piyrwyj muzeum powiy
Jako te ludy na Dżerbie żyli
Ze kunsztym swojym co wyloz z gowy
Trza by se tako tyż pochwolyli.

Humt Suk

[broneknotgeld]

Humt Suk

Stolicom Dżerby ci zdo sie
Wszysko co potrza tu mo sie.

[broneknotgeld]

Fort Espagnol

Rort se taki łostoł z czinstego wieku
Hiszpanom trgedjo przinios łon czowieku
Toż Dragut ich tukej wybioł richtig wiela
Krześcijańskom juchom łobmalowoł sztela.

[broneknotgeld]

"Borż el-Ras"

"Piramida czaszek" przi forcie stanyła
Postrachym dlo wielu richtig łona była
Tako ze rozkazu Draguta se stało
Życie od Hiszpana znaczyło tu mało.

[broneknotgeld]

Dynkmal

"Piramida czaszek" już teroz niy straszy
Dynkmal postawiyli ku pamiyńci naszy.

Mindun

[broneknotgeld]

W Mindun

W Mindun Negrow coś za wiela
Ano tako to już sztela
Niywolnikow wyzwolyli
Tu sie łoni łosiedlyli.

Adżim

[broneknotgeld]

W Adżim

Kałamarnice gorkami kuszom
W nich je wyciongnom no i ususzom.

Al - Dzamm

[broneknotgeld]

Koloseum w Al-Dżamm

Rzym yno mo wiynksze - ło tym teroz wiycie
Niyjedyn gladiator łoddoł tukej życie.

Kairuan

[broneknotgeld]

Kairuan

Jako ci meczety tutejsze zrachować
Kairuan świynty - ło tym tukej mowa.

Sidi Abi Sa'id

[broneknotgeld]

Sidi Abi Sa'id

Wele Kartaginy miasteczko znojdziecie
Kunsztowi malyrzy dziwać se tu chcecie?

[umfana]

Z przyjemnością czytam afrykańskie fraszki!
:o)

[broneknotgeld]

Tako i Afryka grzeje
Kto poczyto se łośmieje.

[broneknotgeld]

Jakiś Nyjger tyż tu kuknie?
Po swojymu cosik bluknie?

Egipt

[broneknotgeld]

Egipt

Egipt "kolybkom" tyż zwany bywo
Toż to nikogo przeca niy dziwo.

[broneknotgeld]

"Gyszynk Nilu"

Nil taki gyszynk doł czowiekowi
Tako i dzisioj kożdy to powiy.

[broneknotgeld]

Latarnia Faros

Na wyspie faros bliza stanyła
Z Ptolemeusza dyć woli była
Sostrados z Knidos jom projektowoł
Tako "cud świata" bliźnim wystowioł.

Kair

[broneknotgeld]

Kto łod stolicy wander zaczyno?
Tyn Kair w lecie źle sie wspomino.

Asuan

[broneknotgeld]

Asuan

Toż łon dźwiyrzami kożdymu zdo sie
"Czorno Afryka" dali już mo sie.

Sudan

[broneknotgeld]

Sudan pustyniom cie wito
Nubijskom - jak se kto pyto.

[broneknotgeld]

W kraju Kusz

W starożytnym kraju Kusz
Niy brak grobow dlo tych "dusz"
Co tu piyrwyj jednak żyły
Choć te czasy już minyły.

Chartum

[broneknotgeld]

Chartum

Chartum stolicom wielki dziedziny
Co choć arabski dzisioj rodziny
Ze roztomajtom dyć historyjom
Ludzie łod downa tu przeca żyjom.

Kenia

[broneknotgeld]

Safari

Ano - tym Kynia kożdego kusi
Tako przigoda aż hyrtoń dusi
Toż afrykańsko widzisz natura
Yno niy czimej gowy we chmurach.

[broneknotgeld]

Park Narodowy "Masai Mara"

Elefanty i żyrafy
Kajsik majom rożne afy
Lwy lamparty nosorożce
Tukej jakby u nos owce.

[broneknotgeld]

Se na Kynio tam kuknijcie
www.kenya.com.pl/
Tyż radocha z tego miyjcie.

[broneknotgeld]

Republika Kynio

Na rowniku leży tako republika
Ano poszukejcie kaj wschodnio Afryka.

[broneknotgeld]

Kynijske plymiona

Poradziesiont plymion
W Kyniji durś żyje
Jejich to dziedzina
Niy ziymie niczyje.

[broneknotgeld]

Mont Kenya 5199 m n.p.m.

Mont Kenya richtig nojwiynkszom tu gorom
Jak na wiyrchu bydziesz podziwej se chmurom.

forum.gazeta.pl/forum/71,1.html?f=28940

[broneknotgeld]

"Mzungu"

Dlo Kynijczyka "mzungu" to bioły
Dyć zowdy taki jak yno goły.

[broneknotgeld]

Kynijsko plaża

Jako z łobrozka kynijsko plaża
Niyroz se ło niyj we zima marza.

[broneknotgeld]

Piwo "Tusker"

Piwo kenijske
Se napić trza
Chocioż niy "tyske"
Tyż dobre - pra?

[broneknotgeld]

Masaje i Samburu

Ciyngym ich tu niy brakuje
Jest Afryka co koczuje.

[broneknotgeld]

Kenijske "safari"

Dzisioj polujesz z knipsaparatym
Zwiyrz we Keniji kożdy jest za tym
W doma na ścianie łostow se flinta
Bo tu dlo ciebie bydzie jak piynta.

[broneknotgeld]

Rezerwat "Masai Mara"

Antylopy, gazele, zebry i żyrafy
Dyć pamiyntej cobyś niy popełnioł gafy
Rezerwat krolestwym kotow roztomajtych
Gepardy tu przeca, lwy no i lamparty.

[broneknotgeld]

Rezerwat "Tsavo"

Elefantym sztela słynie
Toż jyj pewno niy łominiesz.

[cymanon]

"Ściąć wysokie drzewa"
Nie zasiadłam już do kolacji.
To zdanie we mnie dojrzewa.

[broneknotgeld]

Park Narodowy Jeziora Nakuru

Ano - wcale se niy zdowo
Woda we niym jest sodowo
Dyć park ptoctwym swojim kusi
Aże dych we klocie dusi.

[broneknotgeld]

Przilot flemingow

Jeziorym Namuru flemingi włodajom
Dyć ich tukej wtedy dwa miljony majom.

[broneknotgeld]

Morski Park Narodowy

Z Mombasy na rafy pewno popłyniecie
Dyc se koralowcom tyż dziwować chcecie.

[broneknotgeld]

40 plymion Keniji

Ciyngym tukej plymion wiela
Dyć kupluje państwa sztela
Tradycyjom mniyj se aszom
Tako cosik w duszach gaszom.

Mombasa

[broneknotgeld]

Mombasa

Łokno mo Kynio na oceanie
Toż tukej wandrus niyjedyn stanie.

[broneknotgeld]

Na brzegu Mombasy

Aż do rafy płytko woda
Wybrać se i tam niy szkoda.

[broneknotgeld]

W "dhaw"

W dhaw se pływajom i ryby łowiom
Z rana wandrusow przeca niy bowiom
Dyć po połedniu byś zrobioł gafa
-We dhaw trza płynońć z niymi na rafa.

[broneknotgeld]

Na wyspie

Ano - Mombasa na wyspie leży
I rafa blisko - trza tymu wierzyć
Abo przifurgnońć by se podziwać
Po darymnicy gowom niy kiwać.

[broneknotgeld]

W Starym Porcie

Tukej ciyngym szify jak piyrwyj ładujom
Toż colutki towor plecy jejich czujom.

[broneknotgeld]

Morski Park Narodowy

Z Mombasy na rafy pewno popłyniecie
Dyć se koralowcom tyż dziwować chcecie.

Nairobi

[broneknotgeld]

Nairobi XIX w.

Bana w te strony prawie ciongnyli
Roboty wiela - ze tym osada
Tako na rowno tu wystowiyli
Teroz stolicom - ło to niy zwada.

[broneknotgeld]

4 miljony

Sztyry miljony ludzi tu żyje
Dyć wiynkszość w slamsach - szczyńście w tym czyje?

[broneknotgeld]

W cyntrum Nairobji

W cyntrum tu jakby na Manhattanie
Wiyncy wieżowcow chyba niy stanie.

[broneknotgeld]

Dynkmal Jomo Kenyatty

Piyrszy prezydynt państwa wolnego
Toż se nolezy miejsce dlo niego.

[broneknotgeld]

Dzielnica Karen

Luksusowe wille w kwiotkach se toplajom
W Nairobi bogocze tu yno miyszkajom.

Zambia

[broneknotgeld]

W Zambezi

Hipopotam tu niy tompie
Ciyngym se w Zambezi kompie.

[broneknotgeld]

Wodospady Wiktorii (1856)

Już połtora wieku tymu Livingstone je znoloz
Toż tyn wandrus i misjonorz nawet tukej poloz.

Botswana

[broneknotgeld]

Botswana

Na djamyntach se bogaci
Dyć tradycjo ze tym traci
Choć kraj wielki - mało ludzi
Możno ktoś se tu przikludzi.

RPA

[broneknotgeld]

Republika Połedniowy Afryki

Cołki Afryki richtig połednie
Czy słonko tukej jakosik blednie?
Gorko jak kajsik możno i niy ma
Dyć tyż niy tropi mie zaroz ryma.

[broneknotgeld]

Przilondek Dobry Nadzieji

Prawiom - tu nojdalsze Afryki połednie
Choć prowdy w tym niy ma przilondek niy blednie.

[broneknotgeld]

Przilondek Igielny

Choć bez nadzieji dyć prawie tukej
W same połednie Afryki kukej.

[broneknotgeld]

Park Narodowy Krugera 1898

Dzisioj zdo sie co to dziwy
Dyc tu krolym boł myśliwy
Szło na zwiyrza zapolować
Loz ześ z flintom kejś mioł gowa.

[broneknotgeld]

Park Narodowy Krugera 1927

Drap sie czasy pomiyniyły
W turystyce wiyncy siyły
No i zwierza przeca szkoda
Flinta schowej - inkszo moda

Se podziwać jednak idzie
Knipsaparat tyż niy w biydzie
Zwiyrz we buszu to już szpana
Miast bawoła zjydz barana.

[broneknotgeld]

Wielgo Piontka Afryki

Nosorozce, elefanty
Tyż bawoły, lwy, lamparty
Trefisz w parku łod Krugera
Dyć bez flinty lyź - cholera!

Kapsztad

[broneknotgeld]

Kapsztad

Konskym Europy se Kapsztad zdowo
Holynder, Anglik, Francuz tu stowo
I ździybko jakby czuje u siebie
Chocioż RPA wcale niy w niebie.

[broneknotgeld]

Wele Gory Stołowy

Przo Gorze Stołowy kaj brzeg oceanu
Se tyn Kapsztad prawie dyć dlo ludzi stanoł.

[broneknotgeld]

Dzielnica portowo

Dzielnica portowo jako w Holandyji
Idzie se zabawić - potrza komedyji.

[broneknotgeld]

Kapsztad nojgryfniejszy

Tako nikierzy tyż ło niym prawiom
Wandrusom Kapsztad jak cudo jawiom
Ocean miastu se tukej dziwo
I falom Gorze Stołowy kiwo.

[broneknotgeld]

Miasto dwoch oceanow nadzieji

Toż podobnoś prawie tukej
Fal z dwoch oceanow szukej
I nadzieji richtig wiela
Z niyj przilondek - szkryfna tela.

[broneknotgeld]

Na Gora Stołowo

Klajnbana na linie
Ty gory niy minie
Zwyrto se wagonik
Coś na wiyrch cie goni.

[broneknotgeld]

Ze Gory Stołowy

Na Atlantyk z niyj se dziwosz
Ku zatoce - miastu kiwosz
Kapsztad gryfny Ci se jawi
Tako widać radość sprawi.

[podrozniktom]

Ten Kapsztad z RPA?



..........
<a
href="http://skarby-swiata.pl/rpa_republika_poludniowej_afryki/rpa_afryka/kapsztad.html">
Kapsztad </a>

[broneknotgeld]

Z RPA?
Ano - ja!

[broneknotgeld]

Stadion

Stadion z Mundialu tyn Kapsztad krasi
Szpila zagrajom tam kedyś nasi?

Port Elizabeth

[broneknotgeld]

Port Elizabeth

Stadiom Mandeli Mundial wspomino
Ech, wuwuzeli brakuje ino.

Tanzania

[broneknotgeld]

Ło Tanzańji ktosik marzy?
Niych mu łona se przidarzy!

[broneknotgeld]

Zjednoczono Republika Tanzańji 1964

Tanganika z Zanzibarym unio zrychtowała
Tako ło tym dobrze wiymy - do dzisioj łostała.

[broneknotgeld]

Kyns Afryki ze wyspami
Zoglondniecie możno sami.

[broneknotgeld]

"Kilimanjaro"

Biyr take miano ciekawe nosi
Trza poprobować - niy dej se prosić.

[broneknotgeld]

"Safari"

Pewno cie to tyż niy dziwo
Te "Safari" - istnych piwo.

Zanzibar

[broneknotgeld]

Zanzibar

Samy Afryki to archipelag
I chocioż wyspow mo łon niywiela
To niyjednego przeca pokusi
Jak go kontynynt ździybko przidusi.

[broneknotgeld]

Zanzibar - wyspa goździkow

Zdo sie - wyspa goździkowo
Tu te drzewa rosnom zdrowo
Niymi tyn Zanzibar słynie
Kedyś piyrszy we dziedzinie.

[broneknotgeld]

"Wyspa Przipraw"

Kurkuma imbir anyż cynamon
Pieprz i waniljo muszkat kardamon
Tu roztomajte rosnom prziprawy
Szkryflom niy yno to dlo zabawy.

[broneknotgeld]

Pemba i Unguja

Dwie wielke wyspy - ździybeczko małych
Tako Zanzibar poznołś już cały.

[broneknotgeld]

Ungyja

Prawie ta wyspa tyż Zanzibarym
Przijedź - rozblyśnie ci swojym czarym.

[broneknotgeld]

"Zinj el Barr"

Kupce arabske tu przipływali
Toż "Ziymi Czornych" miano jyj dali
Tako we czecim wieku już było
No i do dzisioj se niy zmiyniyło.

[broneknotgeld]

Zanzibar - wyspa przipraw

Roztomajte rosnom na wyspie "korzynie"
Za smakym poleci pewno powoniynie.

[broneknotgeld]

Farrokh Bulsara 1946

Na Zanzibarze tako rodzony
Ze "Queen" go przeca nojlepi znomy
I choć skończyło se jego życie
Tukej poczontek - już teroz wiycie.

[broneknotgeld]

Freddie Mercury

Szejśćdziesiont rokow by skończoł latoś
Dyć mu niy dane to było jakoś
W swojich szlagerach jednak durś żyje
Niy musisz pytać jak słuchosz - czyje?

[broneknotgeld]

"Mercury's"

Na Zanzibarze i szynk znojdziecie
W kerym se wspomnieć istnego chcecie.

Nungwi

[broneknotgeld]

Nungwi

Toż kurort taki na Zanzibarze
Trocha hoteli i gryfne plaże
Dychniesz se jakby tukej łod świata
Abo i wrocisz na stare lata.

[broneknotgeld]

Stocznia w Nungwi

Rybacke łodki "dhow" tu bajstlujom
Chcesz - i dlo ciebie coś przirychtujom.

[broneknotgeld]

Wele Nungwi

Wele Nungwi ponurkujesz
Raf tu wiela - forsztelujesz
Atol Mnemba tyż dość blisko
Z tym podwodne dziwowosko.

Stone Town

[broneknotgeld]

Stone Town

Kamyń rafowy miasto budowoł
We downych czasach urosło zdrowo
Handel Afryki z Azjom tu kwitnoł
Terozki jakby ze szteli pitnoł.

[broneknotgeld]

Stone Town XII-XV w.

Stone Town rosło właśnie w tych wiekach
Dźwignione przeca kunsztym czowieka.

[broneknotgeld]

Architektura suahili

Misz-masz afrykańsko-hindusko-arabski
W Stone Town durś widać - niy trza mu tu łaski.

[broneknotgeld]

"Beit el Ajaib"

"Dom ludow" se tukej postawioł Burghasha
Sułtan Zanzibaru - jo istnym niy strasza.

[broneknotgeld]

Łobrozy "tingo-tinga"

Tanzańskim mustrym wymalowane
Ciyngym turystom som sprzedowane.

[broneknotgeld]

Zachod Słonka w Stone Town

We łogrodach Forodhani
Ze tym kwitnie życie
Kichol wos niy łocygani
Dobrze teroz zjycie.

Madagaskar

[broneknotgeld]

Madagaskar?

Epno wyspa przi Afryce
Wiela ło niyj richtig wiycie?

[broneknotgeld]

Inkszo

Przi Afryce niy łod wczora
A tu inkszo fauna, flora.

[broneknotgeld]

40 miljonow rokow nazod

Toż łod Afryki już łoddzielono
Kanałym coroz to szyrszym
Łod sia se żyje - wcale niy kono
Przeca to szkryflom niy piyrszy.

[broneknotgeld]

Szworto

We świecie wyspa ta richtig szworto
Toż i skiz tego wiela jest worto.

[broneknotgeld]

Raj botanikow

Dyć "świat łosobny" tukej badajom
Wiela radochy tyż z tego majom.

[broneknotgeld]

Baobaby

Tukej zowdy baobaby
Za dynkmale czimać trza by.

[broneknotgeld]

Wielko Rafa Koralowo Tulear

Dlo płetwonurkow zdowo sie cudym
Żodyn z nich tukej niy ciyrpi nudy.

[broneknotgeld]

Lemur

Lemur tyż ty wyspy znakym
Szkryfna co niy belejakim.

[broneknotgeld]

13 miljonow

Czinoście miljonow Malgaszy durś żyje
Toż se ich spytejcie - co tukej jest czyje?

[broneknotgeld]

Kolanijo francusko

Szejśćdziesiont rokow tu Francyjoki
Blikali richtig tym "pańskim łokym"
Dyć se skończyły ich rzondy tukej
Tako na wolność wyspy pokukej.

[broneknotgeld]

Malgaski

Se jynzyki pomiyszali
Dyć już tako bydzie dali.

[broneknotgeld]

Lud Vezo

Lepszych zyjmanow no i rybokow
Nikaj na świecie niy szukej
Dyć czasym żol ci przeca borokow
Na blizny jejich pokukej

Ano - polujom dyć na rekiny
Dropieżcow nojwiynkszych w wodzie
Niyjedyn Vezo u nich tyż driny
A miynso rekina w modzie.

Antananarivo

[broneknotgeld]

Antananarivo

Stolica ty wyspy na gorkach dwunostu
Tako porachuje kożdy kto se wloz tu.

[broneknotgeld]

"Tana" - Antananarivo

By za duge to niy pisać
No i nudli tyż niy wiyszać.

Angola

[broneknotgeld]

Angola

Wojna domowo zdo sie za niymi
Idzie se dziwać angolski ziymi.

[broneknotgeld]

Pustynia Namib

Sie z Atlantykym w Angoli styko
Cuzamyn suche ze mokrym rzyko.

[broneknotgeld]

Wodospad Ruacana

Na rzece Cunene taku cud przirody
Sto dwadziścia metrow mo tu ściana wody
Siedymset szyroko - zdo sie niy mieć końca
A przi tymu donga skiż promykow słońca.

[broneknotgeld]

Czerwone frelki

Z plymiynia Himba frelki czerwone
Glinkom ze łojym wyszmarowane
Niy Indjanerki tako dyć łone
Przez gzy, chroboki z tym łomijane.