Dodaj do ulubionych

Slonsko Biblia

IP: *.dip.t-dialin.net 18.09.03, 10:01
„Blank piyrwyj narichtowou Pon Bog niebo i ziymia. Ziymia boua przodki
dziko, pusto i ciymno, a pouno bouo na niyj wody wele keryj bou ino Duch od
Ponboczka. I Bog pedziou :

Niych bydzie swiatuo ! I bouo swiatuo. Pon Bog merknou, co swiatuo je dobre,
i oddzielou swiatuo od ciymnego. I Bog pedziou na swiatuo dziyn a na ciymne
noc. I tak bou wieczor a potym rano - dziyn piyrszy. A potym Bog pedziou :
Niych sie stonie powaua dryny kaj wodow tela i niych ona oddzieli jedne wody
od inkszych ! Kej Bog zrobiou ta powaua to oddzielou wody na wiyrchu od
wodow na dole : a kej to sie stouo, Pon Bog dou tyj powale miano Nieba. I
tak wieczor i rano prziszuy ku koncowi - dziyn drugi. A potym Bog pedziou:
Niych wody na dole sie zbierom na jednym placu i niych sie pokoze suche ! A
jak to sie stouo, to Bog dou tymu suchymu miano ziyma, a ta woda mianowou
morze. Pon Bog uwidziou tysz, co one som dobre i bezto pedziou : Niych
ziymia wydo zielone flance : trowa niych dowo nasiynie wele sorty, drzewa
owoce, w kerych niych bydzie nasiynie wele od nich sortow. I bog widziou, co
to tysz je dobre. I tak wieczor i rano prziszuy ku koncowi - dziyn czeci. A
potym bog pedziou : Niych bydom swiatua na niebie i niych sie swiycom, coby
dzielouy dziyn od nocy, coby pokozywauy pory roku, dni i roki ; coby sie
swiyciouy na niebie i coby dowauy jasne ziymi. I tak bouo. Bog zrobiou dwa
wielke swiatua na niebie : wiynksze coby dowauo jasne we dziyn a mynsze we
nocy. I narichtowou je Bog na niebie coby rzondziouy we dziyn i we nocy i
coby dzielouy jasne od ciymnego. A widziou Bog, co to je dobre. I tak
wieczor i rano prziszuy ku koncowi - dziyn czworty. Potym Bog pedziou :
Niych woda bydzie pouno zywego i ptoki niych furgajom nade ziymiom a pod
niebym ! Tak zrobiou Bog wielke potwory we morzu i roztomaite zywe kere
puywo, od kerego zrobiouo sie pouno we wodzie, a tysz zarozki zrobiou pouno
ptokow roztomaitych. Bog widziou, co to je dobre, pobuogosuawiou to tak :
Niych to mo mode, coby pouno bouo zywego we wodzie a ptokow mocka na ziymi.
I tak prziszou zas wieczor i rano ku koncowi - dziyn pionty. Potym Bog
pedziou : Niych bydzie na ziymi pouno roztomaitego zywego : bydlontka, zywe
co krichuje i dzike, a wszystko wele sorty. I tak bouo. Bog narichtowou
pouno roztomaitych bydlontkow, dzikego i tego co krichuje po ziymi. I
widziou Bog, co to je dobre. A potym pedziou Bog : Niych czuowiek sie stonie
i niych bydzie podobny do mie. Niych bydzie ponym do rybow, ptokow i
bydlontek, do ziymi i do wszyskego zywego na ziymi ! Tak narichtowou Bog
czuowieka na swoj obroz, na od Boga obroz go narichtowou : przodki chopa i
kobiyta, a potym ich pobuogosuawiou i pedziou im : Bydziecie miec bajtli,
coby na ziymi pouno ludzi bouo i coby ludzie sie starali o ziymia. Coby
ludzie sie starali o ryby, o ptoki, i couke inksze co zyje na ziymi. I
pedziou Bog : Sam wom dowom wszystko flanca co dowo ziorno na coukyj ziymi,
i couke drzewo, od kerego owoc mo nasiynie : dlo wos bydzie to jedzynie.

A dlo coukego zywego na polach i wszyskich ptokow we lufcie, coukego na
ziymi co je zywe, niych bydzie zielone futrym. I tak bouo. A Pon Bog
merknou, co couke co narichtowou, bouo dobre. Tak prziszou wieczor i rano ku
koncowi - dziyn szosty.

Obserwuj wątek
    • Gość: Szwager Re: Slonsko Biblia IP: *.dip.t-dialin.net 18.09.03, 10:03
      Tak to narichtowane bouy niebo i ziymia, a ku tymu couko mocka stworzyn. A kej
      Pon Bog byli fertich na szosty dziyn ze od Nich robotom , kero zrobiyli,
      odpoczynli se Ponboczek we siodmy dziyn, i zrobiyli tyn dziyn dniym swiyntym.
      Tako je geszichta poczontku po narichtowaniu nieba i ziymi. Kej Pon Bog
      narichtowali ziymia i niebo, niy bouo jeszcze zodnego krzoka polnego na ziymi
      ani zodno trowa polno jeszcze niy rosua - bo Ponboczek jeszcze niy pokropiou
      dyszczym na ziymia i niy bouo jeszcze zodnego czuowieka, kery by robiou kole
      ziymi i przikopow, coby couko ziymia dostowaua woda - tak tysz ulepiyli
      Ponboczek czuowieka ze prochu i ziymi, i dychnyli we niego zyciym, i bou
      czuowiek zywy. Kej Ponboczek zaflancowou ogrod w Edyn, na wschodzie, dali tam
      tysz czuowieka, kerego ulepiyli. Zrobiyli tysz Pon Bog , ize urosli z ziymi
      wszyske drzewa, fajne z wyglondu, kere i dobre owoce dowauy; a w samym srodku
      tego ogrodu drzewo zycia i drzewo poznanio tego co je dobre i co je zue. Ze
      Edynu puynoua rzeka, kero dowaua woda do tego ogrodka, i tam tysz sie
      rozuazioua i dowaua poczontek cztyrym inkszym rzekom.

      Piyrszo rzeka - Piszon; to je ta, kero okronzo couki couki kraj Chawila, kaj
      je zuoto. A zuoto tam je nojlepsze; tam tysz je zywica co fajnie wonio i
      kamiyn czerwony. Drugo rzeka - Gichon; ta okronzo couki kraj Kusz. Czecio
      rzeka - Chiddekel; ta puynie na wschod od Aszszuru. Czworto rzeka - to Perat.
      I wziynli Ponboczek tysz czuowieka, i dali go do orodu Edyn, coby tam robiou
      kole ogrodka i dbou o tyn ogrod. Przi tym rozkozali tak czuowiekowi: Z coukich
      drzewow sam we ogrodzie mozesz jesc i maszkycic, ale ze drzewa poznania tego
      co je dobre i co je zue, niy mosz pozwolynia jesc, bo jak z tego drzewa zjysz,
      to mosz zicher ze umrzesz. Potym Ponboczek pedzieli: - Niy ma dobre, co
      czuowiek je som; zrobiymy ci tysz hilfa. Kej Ponboczek ulepiyli ze gliny couke
      zwierzynta na ziymi i ptoki we lufcie, przikludziyli je ku czuowiekowi coby
      widziec jake on im do miano. Kozde ze stworzyn zywych dostauo miano od
      czuowieka. Tak czuowiek mianowou wszyske bydlontka, ptoki we lufcie i wszystke
      dzike zwierzynta. Ale zodno hilfa sie do czuowieka niy znodua. Wtedy tysz Pon
      Bog narichtowali, co prziszou ciynzki syn na czuowieka. Kej czuowiek usnou,
      wyciongli mu Ponboczek jedna ze ripow, a na tym placu zalepiyli wszysko
      ciauym. Potym Ponboczek ze tyj ripy, kero wyciongli czuowiekowi, ulepiyli
      kobiyta, i przikludziyli jom do czuowieka.

      A kej jom przikludziyli, to czuowiek pedziou: - Ono dopiyro je kosciom ze
      moich kosciow i ciauym ze ze mojego ciaua! Onyj bydzie niywiasta, bo ona ze
      chopa je wziynto. Bezto tysz chop idzie furt ze doma, od ojca i matki, i stowo
      sie tak ze zonom cuzamyn fest jednym ciauym. Chocioz chop i od niego zona byli
      nage, to niy bouo im jedne przi drugim ganba.
      • Gość: Szwager Re: Slonsko Biblia IP: *.dip.t-dialin.net 18.09.03, 10:04
        Grzych i sztrafa (III)

        A szlanga boua ze wszyskich zwierzyntow na ziymi, kere Pon Bog stworzyli,
        nojwiyncyj chytro. Ta szlanga pedziaua do kobiyty: Aby naprowdy Pon Bog
        godali: Niy mocie jesc ze wszyskich drzewow tego ogroda? A kobiyta odpedziaua
        szlandze: Mogymy jesc ze wszyskich drzewow ze tego ogroda! Ino ze drzewa kere
        je we pojszczodku, Ponboczek pedzieli: Niy mocie z niego jesc, a choby zescie
        ino ze niego apfyl tykli, to tysz zaroski krepniecie (umrzycie). Na to szlanga
        pedziaua kobiycie: Na zicher niy krepniecie! Ale Pon Bog wiedzom, co jak
        bajsniecie se apfyl ze tego drzewa, roztworzom wom sie slypia i bydziecie jak
        som Pon Bog znac dobre i zue. I merkua kobiyta ize apfyl ze tego drzewa bou
        dobry do jedzynio i maszkytny do oczow, i co ze tego drzewa idzie erbnonc
        cosik skiz rozumu. Utargaua ze niego jedyn apfyl, bajsua se roz i daua se tysz
        bajsnonc od niyj chopowi, kery bou kole niyj: I on se tysz bajsnou. A naroz
        roztwaruy im sie slypia i oba merkli ize som sagate; uplytli se bezto ze
        lisciow od figow obleczynie. Naroz usuyszeli - chop i od niego kobiyta - ize
        Pon Bog idom we ogrodzie , jak prawie zawiouo wiatrym. I skryli sie przed
        Ponboczkiym we ogrodzie miyndzy drzewoma. A Ponboczek zawouali na chopa i sie
        go spytali: Kaj zes je? A on odpedziou: Usuyszouch Ponboczka we ogrodzie,
        wystraszouch sie, bo zech je sagaty, i zech sie skrou. Pon Bog pedzieli: Fto
        ci pedziou izes je sagaty? A moznos jod ze drzewa, z keregoch ci zabroniou
        jesc? Chop odpedziou: Kobiyta, kero Oni mi dali za zona, daua mi sie bajsnonc
        apfyl ze tego drzewa, i zech se tysz bajsnou. Na to Ponboczek pedzieli do
        kobiyty: Czamus to zrobioua? Kobiyta odpedziaua: Szlanga mie nakusioua i zech
        zjadua.

        Na to Pon Bog pedzieli do szlangi: Izes to zrobioua, bydziesz przeklynto
        miyndzy coukimi zwierzyntoma dzikymi i tymi co we doma som czimane; bydziesz
        sie czougac na brzuchu i proch bydziesz jesc aze do ostatnich dniow twojego
        zycio. I niyprzijazn dowom miyndzy ciebie i kobiyta, miyndzy mode twoje i
        potomstwo od niyj: One ci rozczasko gowa, a ty mu piynta. Do kobiyty Ponboczek
        pedzieli: Bydziesz miec ciynzko przi nadzieji, bydzie cie bolec przi rodzyniu,
        do chopa bydziesz sie ze pragniynioma richtowac, on bydzie rzondziou ze tobom.
        Do chopa juzas Ponboczek pedzieli: Usuchous sztima kobiyty i zjodzes ze tego
        drzewa z keregoch ci niy kozou jesc - bestusz skuli ciebie przeklynto bydzie
        ziymia: Ciynszko bydziesz na jedzynie kole niyj robiou, aze do konca zycia.
        Sztachel a oset bydzie ci ona wydowac, a przeca bydziesz ze tego zou co ona ci
        do. Szwicowou bydziesz skisz roboty wele jedzynia, aze niy pondziesz nazod do
        ziymi, ze keryjs zes prziszou; bo ze prochu zes powstou i prochym sie juzas
        stoniesz. I chop dou kobiycie na miano Chawwa(Ewa), bo miaua byc matkom od
        wszyskich zyjoncych. Ponboczek narichtowali do chopa i od niego kobiyty
        oblyczynie ze felow i przioblykli ich. I pedzieli Pon Bog: Tak czuowiek stou
        sie choby My: zno dobre i zue; niych tero ino niy wyciongnie bez cufal rynki,
        coby utargac tysz apfyl ze drzewa zycia, coby go zjysc i zyc na wieki. Beztosz
        Ponboczek wyciepli go ze ogroda Edyn, coby robiou kole ziymi, ze keryj
        powstou. A jak juz Ponboczek ludzi wyciepli, to postawiyli przed Edynym
        Cherubow i klinga od miecza kero sie fest buysko, coby wachowac cesty do
        drzewa zycia.

        • Gość: Szwager Re: Slonsko Biblia IP: *.dip.t-dialin.net 18.09.03, 10:06
          Kain i Abel (IV)

          I prziszou Adam ran ku swojyj kobiycie Ewie. A ona poczynua i urodzioua Kaina.
          I pedziaua:

          Ponboczek dali mi mynzczyzny! Potym urodzioua jeszcze od niego brata, Abla.
          Abel uaziou i robiou kole owieczkow, a Kain robiou kole ziymi. Za jakis czos
          Kain dou ofiara Ponboczkowi ze tego co dowaua mu ziymia. Abel tysz dou ofiara
          piyrwocin od odniego owieczkow i ze od niyj fetu. Pon Bog wejrzeli na Abla i
          na od niego ofiara; na Kaina juzas i na od niego ofiara niy chcieli wejrzec.
          Jankor nerwow prziszou na Kaina, kery uaziou markotny. Ponboczek spytali sie
          Kaina: Czamus je markotny i`s sie snerwowou, i czamu tyn jankor? Przeca kebys
          robiou dobre, bou bys fro po gymbie: kej zas bydziesz niyfajnie robiou, grzych
          je kole twoich wrotow i wachuje na cia, a przeca ty mosz byc od niego
          mocniyjszy. A Kain pedziou do brata Abla: Podz idymy na feld! A kej byli na
          feldzie, Kain ciep sie na od niego brata Abla i go zabiou. Naroz spytali sie
          Pon Bog Kaina: Kaj je twoj brat, Abel? A on odpedziou: Niy wia! Przecach niyma
          odniego wachtyrz? Pon Bog pedzieli: Cos to narobiou? Tosz krew brata twojego
          wouo ku mie ze ziymi. Teroski bydz przeklynty na tyj ziymi(feldzie), kero sie
          rozwarua, coby ze twoich ryncow wzionc krew od twojego brata.

          Kej bydziesz kole ziymi robiou, niy bydzie ci ona rodzioua. Szmatlou sie
          bydziesz i szlajou na ziymi! Na to Kain pedziou Ponboczkowi: Za srogo je moja
          sztrafa, cobych jom szcimac poradziou. Dyc jak Oni mie terozki wyciepujom ze
          tyj ziymi i mom sie poniywiyrac i kryc przed Nimi, kozdy kery mie spotko,
          bydzie mie poradziou zabic. Ale Ponboczek mu odpedzieli: O, niy! Kery by ino
          zabiou Kaina, siedym razy by dostou sztrafa! Bezto tysz zrobiyli Ponboczek
          Kainowi taki mal, coby go niy zabiyli te co na niego trefiom. Potym poszou
          Kain weg od Ponboczka i miyszkou we kraju Nod, na wschod od Edynu. Juzas potym
          Kain prziszou ran ku swojyj kobiycie, a ona poczynua i urodzioua Chanoka
          (Henocha). Kain postawiou potym miasto i mianowou je jako odniego syna:
          Chanok. Chanok bou fatrym od Irada. Irad juzas fatrym od Mechujaela.,
          Mechujael miou Matuszaela,Matuszael juzas Lemka. Lemek wzion sie dwie kobiyty;
          jednyj bouo Ada, drugyj Cilla(Silla). Ada urodzioua Jabala; od niego som
          wszyske pasterze i te co miyszkajom pod celtoma. Od niego bratowi bouo Jubal;
          od niego som wszyske kere poradzom robic muzyka na citrze i flyjcie. Cilla -
          ona tysz urodzioua Tubal-Kaina; on bou kowolym; od niego som wszyske kere
          poradzom fajnie we zelozie i bronzie robic. Tubal-Kaim miou siostra Naama.
          Lamek pedziou do odniego kobiyt: Ada a Cilla, suchejcie ino,co godom! Dejcie
          pozor zony Lemka co powia: Zabioubych chopa, za to ze mie zrani, i zabioubych
          bajtla - za kalnioka. Jak Kain miou byc siedym razy pomszczony, to Lamek
          siedym i siedymdziesiont razy! Adam prziszou jeszcze roz ran ze od niego
          kobiytom i ona urodzioua mu syna, kerymu daua (miano) Set - potymu poczymu(tak
          godaua) - dali mi Ponboczek inkszego synka za Abla, kerego zabiou Kain. Tysz
          Setowi urodziou sie synek, kerymu dou (miano) Enosz. Na tyn czas zaczuo sie
          wzywanie imiynia Ponboczka.
          • Gość: Szwager Re: Slonsko Biblia IP: *.dip.t-dialin.net 18.09.03, 10:08
            Potomki od Seta

            To je lista potomkow od Adama. Kej Ponboczek zrobiyli czuowieka, to go
            zrobiyli podobnym do sia. Zrobiyli Ponboczek chopa i kobiyta, pobuogosuawiyli
            ich i dali im miano „ludzie”, kej ich stworzyli. Adam bou sto czidziysci lot
            stary to urodziou mu sie synek, podobny do niego choby z obrozka, i dou mu
            Set. Kej sie Set urodziou , to Adam zou jeszcze osiymset lot i miou jeszcze
            synkow a cery. Cuzamyn do kupy bou Adam dziewiyncset czidziysci lot stary kej
            zawar slypia. Set bou sto piync lot stary, to urodziou mu sie synek Enosz. Kej
            sie urodziou Enosz to Set zou jeszcze osiymset siedym lot i miou synkow a
            cery. I zawar slypia Set jak bou cuzamyn do kupy dziewiyncset dwanoscie lot
            stary. Kej Enosz bou juz dziewiyndziesiont, urodziou mu sie synek Kenan. I zou
            Enasz, po tym kej mu sie Kenan urodziou, osiymset piytnoscie lot i miou synkow
            a cery. Enasz zawar slypia , to bou cuzamyn do kupy dziewiyncset piync lot
            stary. Kej Kenan bou siedymdziesiont, to urodziou mu sie Mahalaleel. A po tym
            kej sie urodziou Mahalaleel zou Kenan osiymset cztyrdziysci lot i miou synkow
            a cery. A kej Kenan bou juz cuzamyn do kupy dziewiyncset dziesiync lot stary,
            to zawar slypia. Kej Mahalaleel bou szesdziesiont piync urodziou mu sie synek
            Jered. A po tym jak sie urodziou Jered zou Mahalaleel jeszcze osiymset
            czidziysci lot i miou synkow a cery. Kej Mahalaleel bou cuzamyn do kupy
            osiymset piync a dziewiyndziesiont lot stary, to zawar slypia. Kej Jered bou
            sto dwa a szescdziesiont lot stary, urodziou mu sie synek Henoch. A po tym kej
            sie urodziou Henoch, Jered zou osiymset lot i miou synkow a cery.

            Jered bou cuzamyn do kupy dziewiyncset dwa a szesdziesiont lot stary , kej
            zawar slypia. Kej Henoch bou szesdziesiont piync lot stary, urodziou mu sie
            synek Metuszelach. Henoch po tym kej mu sie urodziou Metuszelach zou
            fajnie „ze Ponboczkym” czista lot i miou synkow a cery. Cuzamyn do kupy zou
            Henoch czista piync a szesdziesiont lot. Zou tak Henoch fajnie „ze
            Ponboczkym” , a potym sie straciou, bo go Pon Bog wziynli do sia. Kej
            Metuszelach bou sto siedym a osiymdziesiont lot stary, urodziou mu sie Lemek.
            Po tym kej sie urodziou Lemek, zou Metuszelach siedymset dwa a osiymdziesiont
            lot, i miou synkow a cery. Metuszelach zawar slypia jak bou cuzamyn do kupy
            dziewiyncset dziewiync a szesdziesiont lot stary. Kej Lemek bou sto dwa a
            osiymdziesiont lot stary , urodziou mu sie synek. Dou mu miano Noe i pedziou:
            on niych nom bydzie pociechom we robocie kole ziymi, o kero sie staromy, kero
            Ponboczek przeklyli. Kej sie urodziou Noe, Lemek zou jeszcze piyncset piync a
            dziewiyndziesiont lot, i miou synkow a cery. Kej zawar slypia bou cuzamyn do
            kupy siedymset siedym a siedymdziesiont lot stary. A kej Noe bou piyncset lot
            stary, urodziyli mu sie Sem, Cham i Jafet.



            cz. VI

            Potop

            Bezco bou potop.

            A kej ludzi robiouo sie corozki to wiyncyj na ziymi, rodziouy im sie cery.
            Syny od Ponboczka merkli, co cery od czuowieka som fajne, wziynli bezto te,
            kere im sie przipodobauy, za kobiyty. Ny tyn czas Pon Bog pedzieli: Dusza
            naszo niyma mozno byc durch we czuowieku, skisz tego, co czuowiek je ze ciaua;
            niych tysz beztosz zyje ino sto dwadziyscia lot. We uonych czasach byli na
            ziymi olbrzimy; a potym tysz, kej syny od Ponboczka prziuaziyli ku cerom od
            czuowieka, te im rodziouy bajtli. One byli znone mocorze, kerych uonego czasu
            kozdy znou. I Pon Bog uwidzieli ize pieronym niyfajnie robiom ludzie na ziymi
            i co herce od nich sie ku zuymu richtujom. Markotno sie Ponu Bogu zrobiouo, co
            takich ludzi zrobiyli na ziymi. Na tyn czas Pon Bog pedzieli: Weg przidom, ze
            ziymi po keryj uazom, ludzie kerych my zrobiyli: ludzie, bydlontka, wszysko
            zywe co krichuje i ptoki we lufcie, i markotno bouo Ponboczkowi ize to wszysko
            narichtowali. Ino Noymu byli Ponboczek radzi.

            A to je geszichta od Noego.

            Noe zou richtich po uczciwymu, niy jak inksze we uonym czasie; zou fajnie ze
            Ponboczkym. A te czi synki byli od Noego: Sem, Cham i Jafet. Ziymia zrobioua
            sie fest zadno do Ponboczka oczow. Kej Ponboczek uwidzieli ize tako zadno je
            ziymia, i co wszyske ludzie tak niyfajnie zyjom, to pedzieli do Noego:
            Zrobiymy szlus ze tymi, co som zadne, co niy po naszymu zyjom. Ty ino idz i
            obsztaluj se arka ze drzewa gofer; narichtuj dryny przegrodki, a ze kozdyj
            zajty pomazej jom terom. A tak mosz ta arka narichtowac: czista okci mo byc
            ona dugo, piyndziesiont okci szyroko, i na czidziysci okci mo byc ona wielko.
            Obsztaluj tysz na niyj dach, na okec w wiyrch, coby dowou swiatuo, i dzwiyza
            na zajcie od tyj arki tysz majom byc. Czi piyntra niych mo ta arka; na dole,
            druge i czecie. My zasik zrobiymy tak co przindzie potop, coby weg bouo
            wszyske zywe pod niebym. Ze tobom bydymy czimac sztama(przimierze). Wlyz rajn
            do arki i wez twoich synkow, twoja kobiyta i kobiyty od twoich synkow. Wez
            tysz ze wszyskego co je zywe kozdo pora, samca i samica, coby potym dalyj bouo
            i zouo. Kozdo pora ze ptokow we lufcie, bydlontkow i coukego zywego co
            krichuje na ziymi, niych przidzie rajn do arki, coby bouy i zouy. A ty se
            zabier tysz za tela jodua - wszyskego co sie nadowo do jedzynio - coby bouo
            joduo do cia i futer do wszyskego zywego. Tak tysz Noe wszysko narichtowou i
            obsztalowou jak mu Pon Bog kozali.

            • Gość: Szwager Re: Slonsko Biblia IP: *.dip.t-dialin.net 18.09.03, 10:10
              Biblia (VII)

              Potym pedzieli Pon Bog do Noego: Wlyz rajn do arki mit ze coukom twojom
              familiom, bo przekonali my sie, co ino ty`es je do nos prawy ze coukego tego
              pokolynia. Ze wszyskego zywego, kere je czyste wez mit siedym samcow i
              samicow, a ze zywego, kere je niyczyste po jednyj porze: samca i samica, tysz
              i z ptokow - po siedym samcow i samicow coby tak potym bouy i zouy na coukyj
              ziymi od nich mode. Bo za siedym dni zrobiymy, co sleci na ziymia dyszcz, kery
              bydzie padou bez cztyrdziysci dni i cztyrdziysci nocow, coby sie straciouo
              wszysko co je na ziymi , a bez nos je stworzone. I Noe zrobiou wszysko jak mu
              Ponboczek kozali.

              Jak to bouo ze potopym

              A miou Noe szescset lot jak prziszou potop na ziymia. Noe wloz rajn do arki ze
              synami, ze kobiytom i kobiytami od synkow, coby sie skryc przed potopym. Ze
              coukego zywego, czystego i niyczystego, ze ptokow i ze coukego zywego co
              krichuje po ziymi, po porze, samca i samica, wlazuo do Arki , tak jako to
              Ponboczek przikozali. I kej przeszuo siedym dni, to wody potopu sleciauy na
              ziymia. Kej Noe bou szescset lot, we drugim miesioncu roku i siedymnostym dniu
              miesionca, na tyn gynau dziyn wylouy sie wszyske zrodua wielkego oceana;
              roztwaruy sie szlojzyod nieba. I gynau na tyn dziyn Noe i od niego synki: Sem,
              Cham i Jafet, od Noego kobiyta i czi kobiyty od odniego synkow, wszyske wlezli
              rajn do arki. Tysz couke zywe, bydlontka, zywe co krichuje, couke ptoki,
              wszysko prziszuo rajn. Kozde zywe we kerym bou dych od Ponboczka, kozde po
              porze wlazuo do arki. Kej juz ze wszyskego samiec i samica bouy dryny, we
              arce, jak Ponboczek Noymu przikozali, to na tyn czas Pon Bog zawarli za nimi
              dzwiyrza. A potop bou na ziymi cztyrdziysci dni i woda prziszua fest i wzionua
              arka mit. Bouo corozki to wiyncyj wody i boua ona tak choby nojwiynksze gory i
              jeszcze piytnoscie okci wiyncyj, co gorow niy bouo widac, a arka puynoua i
              puynoua. Straciouo sie wszysko zywe na ziymi: ptoki, bydlontka, wszysko co je
              dzike, wszysko co krichuje, i tysz czuowiek bou wek. Wszysko co dychauo, co by
              tysz ino niy bouo, wszysko sie straciouo, bouo ab. I tak Pon Bog wytraciyli
              couke wszysko co bouo roz na ziymi, od czuowieka do bydlontkow, tego co
              krichuje i ptokow. Blank wszysko sie straciouo. Ostou sie ino Noe a to co z
              nim bouo we arce. A wody bouo durch wiyncyj i wiyncyj bez couke sto
              piyndziesiont dni.

              • Gość: Szwager Re: Slonsko Biblia IP: *.dip.t-dialin.net 18.09.03, 10:11
                Biblia (VIII)

                Ale Ponboczek pamiyntali o Noym, o wszyskim zywym, tysz o kozdym bydlontku
                kere bouo mit we arce. Bezto zrobiyli Ponboczek wielki wiater na ziymi i woda
                zaczua sie tracic. Zamkli sie zrodua wielkego oceana i szlojzy ze nieba -
                dyszcz ustou. Woda taracioua sie bez couke sto piyndziesiont dni, poleku ale
                durch a durch. Kej prziszou siodmy miesionc i od niego siedymnosty dziyn, to
                arka sie ostaua stoc na wiyrchu Ararat. Woda sie durch jeszcze tracioua aze do
                dziesiontego miesionca. We piyrszy dziyn we dziesionty miesionc pokozauy sie
                wiyrchy od gorow. A potym za cztyrdziysci dni Noe roztwar okno od arki i dou
                wyfurgnonc krukowi; ale tyn co ino to zaro przifurgou nazod, i tak durch aze
                wyschuo na ziymi. Potym dou Noe wyfurgnonc gouymbiowi, coby sie przekonac eli
                woda je juz wek ze powierzchni ziymi. Niy bouo ale jeszcze dane znonsc tymu
                ptokowi suchego placu na ziymi i przifurgnou nazod do arki. Noe wyciong rynka,
                chyciou gouymbia i wzion go zas do arki. Poczekou zas siedym dni i zas dou
                wyfurgnonc gouymbiowi, a tyn przifurgnou zaro na wieczor nazod i miou w
                dziobku swiyzy listek ze drzewa oliwki. Tak tysz poznou Noe co woda sie
                stracioua. I czekou jeszcze Noe siedym dni i juzas dou wyfurgnonc gouymbiowi,
                a tyn juz tera niy przifurgnou nazod.

                Noe po potopie

                We roku szescset piyrszym, we piyrszy miesionc i na piyrszy dziyn zrobiouo sie
                juz sucho na ziymi, Noe syjmnou dach od arki i uwidziou, co na ziymi je juz
                prawie blank sucho. A jak we drugi miesionc i dwadziyscia siedym dni ziymia
                boua sucho, to Ponboczek pedzieli do Noego tak: Wylys ze twojom kobiytom,
                synkami i kobiytami od synkow ze arki. Wykludz tysz mit wszysko zywe; ptoki,
                bydlontka i wszysko co krichuje po ziymi; niych se idom na ziymia i niych
                majom mode. Tak tysz wyloz Noe ze synkami, kobiytom i kobiytami od synkow na
                ziymia. Wylazuo tysz ze arki wszyske zywe; wszysko co krichuje, wszyske ptoki
                i couko reszta. Noe narichtowou Ponboczkowi outarz i ze wszyskego zywego co je
                czyste, tysz czystych ptokow, spolou ofiara do Ponboczka. Kej Ponboczek to
                fajnie powoniali, pedzieli do sia: Niy bydymy juz wiyncyj przeklinac ziymi
                skisz ludzi, dyc majom sie od nich herce juz od modego ku zuymu. Tak tysz juz
                nigdy niy wytracymy wszyskego co je zywe, jako my to we potop zrobiyli. Niych
                bydom tak dugo jak dugo je ziymia: sionie, zbiyranie, mroz i hica, lato i
                zima, dziyn i noc.

                • Gość: Szwager Re: Slonsko Biblia IP: *.dip.t-dialin.net 18.09.03, 10:13
                  Biblia (IX)

                  Potym pobuogosuawiyli Ponboczek Noego i od niego synkow , i pedzieli im tak:

                  - Bydzcie puodne i niych wos bydzie wiyncyj na coukyj ziymi. A couke
                  zwierzynta na ziymi i ptoki we lufcie i ryby we wodzie niych sie wos lynkajom.
                  Wszysko co sie ruszo i je zywe, wszysko to je do wos do jedzynio tak choby
                  flance zielone, wszysko wom na to dowom. Ale miynso ze krwiom zycia zabronione
                  wom je jesc. Upomnymy sie o waszo krew skisz waszego zycio - upomnymy sie o
                  nia u kozdego zwierzyncia. Upomnymy sie tysz u czuowieka o zycie czuowieka i u
                  kozdego - o zycie brata. Kej kto przeleje krew od ludzi, bez ludzi mo byc
                  przelono krew od niego, bo czuowieka Pon Bog zrobiyli na od Ponboczka
                  podobiynstwo. Wy zas mocie byc puodne i mo wos byc wiyncyj na coukyj ziymi
                  kerom mocie rzondzic. Potym Ponboczek pedzieli do Noego i do odniego synkow
                  tak:

                  My robiymy tera ze wami przimierze i ze od wos dzieckoma, kere po wos bydom,
                  ze coukim zywym , kere je ze wami: ze ptokami, zwierzyntami domowymi i tymi co
                  po polach lotajom, kere som przi wos, ze wszyskimi, kere wylazuy ze arki , ze
                  wszyskimi zwierzyntoma na coukyj ziymi. Potym Ponboczek jeszcze pedzieli: A to
                  je znak przimierza, kere robiymy ze wami i ze wszyskim co je zywe kere je ze
                  wami, na wieczne czasy: Bogyn od nos domy na chmury, coby bou znakym
                  przimierza miyndzy Nami a wami. A kej rozciongnymy chmury nad ziymiom i jak
                  sie tyn bogyn pokoze na chmurach, to na tyn czas spomnymy se przimierze kere
                  My ze wami zrobiyli i ze wszyskim zywym, ze kozdym czuowiekym; i niybydzie juz
                  we zodyn czas potopu na stracynie zodnego co zyje. Kej tak bydzie tyn bogyn na
                  chmurach, kuknymy na niego, spomnymy se przimierze , przimierze na zawsze
                  miyndzy Nami a wszyskim co je zywe we kozdym ciele, kere je na ziymi. Synki od
                  Noego, kere wylezli ze arki, som Sem, Cham i Jafet. Cham bou fatrym od
                  Kanaana. Te czi byli synkoma od Noego i od nich tysz zaludnioua sie couko
                  ziymia. Noe bou rolnikym i on tysz piyrszy posadziou winnica. Jak potym napiou
                  sie wina naprou sie nim i lezou sagaty we celcie. Cham, fater od Kanaana,
                  uwidziou sagatego fatra i pedziou to dwom bratom, kere byli na placu. Sem i
                  Jafet wziynli mantel, wlezli zadkym i przikryli fatra; gymbow ale niy
                  odwrocali, coby niy paczec na sagatego fatra. Kej Noe sie obudziou i prziszou
                  do sia a dowiedziou sie jaki to je od niego nojmodszy synek, to pedziou: Niych
                  bydzie przeklynty Kanaan! Niych bydzie nojmynszym pachoukym od Sema! Niych Pon
                  Bog dajom i Jafetowi zatela placu i niych on miyszko we celtach od Sema, a
                  Kanaan niych bydzie od niego pachoukym. Noe zou po potopie czista
                  piyndziesiont lot. I zawar slypia Noe jak bou dziewiyncset piyndziesiont lot
                  stary.

                  • Gość: Szwager Re: Slonsko Biblia IP: *.dip.t-dialin.net 18.09.03, 10:15
                    Biblia (X)

                    A to som potomki synkow od Noego: Sema, Chama, Jafeta. Po potopie urodziyli im
                    sie take synki: Synki od Jafeta: Gomer, Magog, Madaj, Jawan, Tubal, Meszek i
                    Tiras. Synki od Gomera: Aszkanaz, Rifat i Togarma. Synki od Jawana: Elisza i
                    Tarszisz, Kittim i Dodanim. Od nich nich pochodzom te co miyszkajom kole
                    brzegow i na wyspach, podzielone wele odnich krajow i odnich godki, wele
                    plymion i wele narodow. Synki od Chama: Kusz. Misraim, Put i Kanaam. Synki od
                    Kusza: Seba, Chawila, Sabta, Rama i Sabteka. Synki od Ramy: Saba i Dedan.
                    Kuszowi urodziou sie juzas Nimrod, kery bou piyrszym mocarzym na ziymi. On
                    tysz to bou nojsuawniejszy mysliwiec. Tysz bezto te pedzynie: Odwazny choby
                    Nimrod , nojsuawniejszy na ziymi mysliwiec. On piyrszy rzondziou we Babel, we
                    Erek, we Akkad i we Kalne we ziymi Szinear. Z tyj ziymi poszou do Aszszur,
                    postawiou Niniwa, Rechobot-Ir, Kalach i wielke miasto Resan, kere bouo miyndzy
                    Niniwom i Kalach. Misraimowi urodziyli sie: Ludim, Anamim, Lehabim, Naftuchim,
                    Patrusim i Kasluchim, od kerych som Filistyny Kaftoryty. Kanaan zas miou
                    synkow: piyrwyjrodzonego Sydona i Cheta. A ku tymu byli: Jebusyty, Amoryty,
                    Girgaszyty, Chiwyty, Arkity, Sinity, Arwadyty, Cemaryty i Chamatyty. A potym
                    plymiynia kananyjske sie rozlazuy. Granica od Kananyjczykow boua od Sydonu,
                    bez Gerar aze do Gazy, a potym richtunk Sodoma , Gomora, Adma i Seboim - aze
                    do Leszy(Lesza). To som potomki od Chama wele odnich plymion, godek, ziymiow i
                    narodow. Tysz Semowi urodziyli sie bajtle - on je sztamfater od wszyskich
                    synkow od Hebrajczykow(Heber) i starszy brat od Jafeta. Synki od Sema: Elam,
                    Aszszur, Arpachszad, Lud i Aram. Synki od Arama: Us, Chul, Geter i Masz.
                    Arpachszad bou fatrym od Szelacha, a Szelach od Hebera. Heberowi urodziouo sie
                    dwoch synkow; jednymu bouo Peleg, bo za odniego czasow podzielyli sie ludzie
                    na ziymi; a drugymu, od niegio bratowi, bouo Joktan. Joktan to tyn kerymu sie
                    urodziyli take synki: Almodad, Szelef, Chasarmawet, Jerach, Hadoram, Uzal,
                    Dikla, Obal, Abimael, Saba(Szeba), Ofir, Chawil i Jobab. Te wszyske byli
                    synkoma od tego kerymu bouo Joktan. Ziymie na kerych miyszkali cionguy sie od
                    Meszy richtunk Sefar aze do wysokich ziymiow na wschodzie. Te to som synki od
                    Sema wele plymion, godek, ziymiow i narodow. Take som rodzaje plymiyniow od
                    Noego wele raji krewnych we narodach. . Od nich wziynli sie narody, kere
                    rozpojszczouy sie po potopie na coukyj ziymi.



                    Przipisy:
                    „Lesza” -> odmiana ->„aze do Leszy”
                    „Peleg” znaczy tela co „podziau”
                    „Heber” - inaczyj tysz „Eber” i stond sie wzionua nazwa Hebrajczyki
                    Saba (Szeba) - dwie formy szkryflane tego samego imiynia.

                    -------------------------------------------------------------------------------
                    -
                    • Gość: Szwager Re: Slonsko Biblia IP: *.dip.t-dialin.net 18.09.03, 10:17
                      Biblia XI

                      Porozciepywane narody

                      Couko ziymia godaua na tyn czas jedna godka, te same wyrazy. Kej ludzie
                      przikludziyli sie ze wschodu, natrefiyli na rowno ziymia we kraju Szinear i
                      tam sie ostoli. Pedzieli se potym:

                      Podzcie zrobiymy cegowki i je wypolymy we ogniu. A kej juz mieli cegowki za
                      kamiynie i tera za malta, pedzieli tysz: - Podzcie narychtujymy se miasto i
                      wieza, kero przidzie aze ku niebu. Bezto bydymy znone i niy bydymy sie
                      rozkludzac po coukyj ziymi. A Pon Bog zlyzli ze nieba coby obejzec te miasto i
                      wieza, kere ludzie narychtowali, i pedzieli: - Jedne som ludzie i wszyske ta
                      samo godka godajom. To je skisz tego co sam zaczli robic. Bezto nic niybydzie
                      potym do nich onmyjglich, coby ino niy mieli for. Zendymy skisz tego i
                      pomiyszomy im od nich godka, coby jedyn niy wiedziou co pado drugi. Tako to
                      Ponboczek zrobiyli ize porociepywauo ludzi po coukyj ziymi, ustoli tysz bezto
                      stowiac te miasto. Skisz tego mianowane je one Babel, bo Pon Bog pomiyszali
                      tam godka od coukyj ziymi i po coukyj ziymi porozciepywali Ponboczek tysz
                      ludzi.

                      Potomki od Sema

                      Te sam som potomki od Sema: Kej Sem bou sto lot stary, to urodziou mu sie
                      Arpachszad, we dwa lata po potopie. Kej sie urodziou Arpachszad to zou Sem
                      piyncset lot i miou jeszcze synkow i cery. Arpachszad bou czidziysci piync lot
                      stary kej mu sie urodziou synek Szelach. Kej sie urodziou Szelach to
                      Arpachszad zou jeszcze cztyrysta czi lata i miou jeszcze synkow i cery.
                      Szelach bou czidziysci lot stary kej urodziou mu sie Heber. Kej sie urodziou
                      Heber zou Szelach jeszcze cztyrysta czi lata i miou jeszcze synkow i cery. Kej
                      Heber bou czidziysci cztyry lot stary, to urodziou mu sie synek Peleg. Kej sie
                      urodziou Peleg zou Heber jeszcze cztyrysta czidziysci lot i miou jeszcze
                      synkow i cery. Peleg bou czidziysci lot stary kej mu sie urodziou Reu. Po tym
                      kej sie urodziou Reu zou Peleg dwiesta dziewiync lot i miou jeszcze synkow i
                      cery. Reu bou czidziysci dwa lata stary kej mu sie urodziou Serug.. Potym kej
                      sie urodziou Serug zou Reu jeszcze dwiesta siedym lot i miou jeszcze synkow i
                      cery. Serug bou czidziysci lot stary kej urodziou mu sie Nachor. Po tym kej
                      sie urodziou Nachor zou Serug jeszcze dwiesta lot i miou jeszcze synkow i
                      cery. Nachor bou dwadziyscia dziewiync lot stary kej sie urodziou Terach. Po
                      tym kej sie urodziou Terach zou Nachor jeszcze sto dziewiytnoscie lot i miou
                      jeszcze synkow i cery. Kej Terach bou siedymdziesiont lot stary urodziyli mu
                      sie synki: Abram, Nachor i Haran.

                      DZIEJE PATRIARCHOW

                      Te sam som potomki od Teracha: Terach bou fatrym od Abrama, Nachora i Harana,
                      a Haran bou fatrym od Lota. Haran zawar slypia jeszcze kej zou od niego fater
                      Terach, we ziymi kaj sie urodziou, we Ur Chaldejskim. Abram i Nachor wziynli
                      se kobiyty(zony); kobiycie od Abrama bouo Saraj, a kobiycie od Nachora juzas
                      Milka; boua ona cerom od Harana (fatra od Milki i Jiski). Saraj niyporadzioua
                      miec bajtli. Terach wzion odniego synka Abrama i ynkla Lota (synka od Harana),
                      wzion tysz niywiastka Saraj (kobiyta od odniego synka Abrama) i wykludziou ich
                      ze Ur Chaldejskego, coby ponsc do ziymi Kanaam. Ale kej prziszli do Charanu,
                      to sie tam ostoli. Terach zawar slypia we Charanie kej przezou dwiesta piync
                      lot.



                      niywiastka = synowo
                      Heber = Eber

                      -------------------------------------------------------------------------------
                      -
                      • Gość: Szwager Re: Slonsko Biblia IP: *.dip.t-dialin.net 18.09.03, 10:19
                        Biblia XII

                        Dzieje Abrahama
                        Powouanie

                        Pedzieli Pon Bog do Abrama: Idz furt ze twojyj domowizny do ziymi kero ci
                        pokozymy. Zrobiymy z ciebie srogi narod, bydymy ci pszoc i twoje miano
                        zrobiymyize je kozdy bydzie znou; stoniesz sie buogosuawiynstwym. Bydymy pszoc
                        tym, kere cie bydom buogosuawic, a tym kere ci bydom zle zyczyc tych
                        przelnymy. Bez ciebie bydom dostowac buogosuawiynstwo wszyske ludzie na coukyj
                        ziymi. Abram poszou na cesta, jako mu Ponboczek przikozali, a z nim poszou mit
                        Lot. Abram bou siedymdziesiont piync lot stary kej bou furt ze Charan. A wzion
                        mit do ziymi Kanaan tysz odniego kobiyta Saraj i tysz synka od brata – tymu
                        synkowi bouo Lot. Wzion tysz mit couke co mieli i tysz ludzi kerych im
                        przibouo we Charan. Kej prziszli do ziymi Kanaan Abram przeszou bez couko ta
                        ziymia aze do Elon More kole Sychem. A we tyj ziymi miyszkali na tyn czas
                        Kanaanejczyki. Ponboczek pokozali sie Abramowi i pedzieli: Twoim bajtlom
                        dowomy ta ziymia. Abram narichtowou tam, kaj mu sie Ponboczek pokozali,
                        outorz. Potym przekludziou sie wiyncyj ku gorom na wschod od Betel, tam miou
                        potym tysz oboz kaj bouo na zachod Betel a na wschod Aj. Tam tysz narichtowou
                        outorz do Pona Boga i wzywou imie Ponboczka.

                        Abraham we Egipcie

                        Potym Abram przekludziou oboz jeszcze dalyj furt aze ku Negeb. A kej tam na
                        tyj ziymi prziszou srogi guod, to Abram poszou do Egiptu, kaj jak mieli
                        przisc, to tako pedziou do odniego kobiyty Saraj: - Wiym co jezes piykno
                        kobiyta. Mozno byc ize kej cie Egipcjony uwidzom i dowiedzom izes je moja
                        kobiyta, to mie zabijom a ciebie ostowiom zyc. Bezto lepiyj padej cos je moja
                        siostra, coby i jo sie ostou zyc. I richtik, kej Abram prziszou do Egiptu,
                        zarozki Egipcjony padali co Saraj je fest piykno. A beamty od faraona, kere
                        uwidzieli Saraj, to chwolyli jom tysz faraonowi. Tak tysz zabrali Saraj na
                        dwor od faraona. Faraon dou mocka dobroci za to Abramowi. Abram dostou
                        owieczkow i cigow i yzlow, i tysz kamelow, a jeszcze niywolnikow i niywolnice.
                        Pon Bog zrobiyli ale ize prziszuy na faraona sztrafy, to z kuli Sraj, kobiyty
                        od Abrama. Faraon kozou beztosz posuac po Abrama i pedziou tak: Cos mi to
                        zrobiou? Poczamus niy pedziou ize ona je twoja kobiyta? Czamus godou: „to je
                        moja siostra”, tak izech se jom wzion za kobiyta? A terozki – to je twoja
                        kobiyta, wez se jom i idz furt! Rozkozou tysz faraon coby wykludzic Abrama ze
                        kobiytom, i wszyskim co miou mit, furt aze ku granicy.



                        Beamty – urzyndniki
                        Kobiyta – zona
                        Ai – inaczyj Haj(ziymia Haj)
                        Elon More – domb(ajcha) /abo terebint(terpyntynowiec)/ wrozby.
                        Bez ciebie – tukej przez ciebie(dziynki tobie)
                        • Gość: Szwager Re: Slonsko Biblia IP: *.dip.t-dialin.net 18.09.03, 10:20
                          Biblia (XIII)

                          Abraham i Lot
                          Ze Egiptu poszou Abram ze kobiytom, ze coukim co miou mit, i tysz ze Lotym,
                          furt do Negeb. A miou Abram tera mocka, bydlontkow, srebra i zuota. Szli bezto
                          poleku , i tak zaszli bez Negeb aze do Betel, tam kaj juz przedtym miou oboz
                          miyndzy Betel i Aj, tam kaj tysz piyrwyj narichtowou Ponboczkowi outorz i kaj
                          wzywou imie od Ponboczka. Lot, kery szou mit ze Abramym , miou tysz owieczki,
                          cigi, wouy i celty. Ale ta ziymia boua za mauo coby im dwom stykua., bo aze za
                          tela mieli bydlontkow; bezto musieli sie rozynsc. A roz kej sie powadziyli te
                          co pasli bydlontka od Abrama ze tymi kere pasli te od Lota – na tyn czas we
                          tyj ziymi miyszkali Kanaanejczyki i Peryzzyty – to pedziou Abram do Lota: Niy
                          bydymy sie wadzic my i tysz te co nasze bydlontka pasom, dyc przeca som my
                          krewne. Dyc couko ta ziymia je do cia otwarto. Idz kajs indziyj niz jo! Kej ty
                          pondziesz na lewo zajta, to jo ponda na prawo, a kej ty pondziesz we prawo
                          zajta jo ponda we lewo. Na tyn czas Lot obejzou sie ku przodkowi i merknou ize
                          couko ziymia tam kaj je Jordanu, i aze ku Soar, je choby ogrod ze wodom, choby
                          ogrod od Ponboczka , choby ziymia egipsko (jak jeszcze Pon Bog niy pokarou
                          Sodomy i Gomory). Tak wybrou se Lot ta couko ziymia kole Jordanu i poszou
                          richtunk wschod. Tako sie oba musieli rozynsc. Abram ostou sie we ziymi
                          Kanaan, Lot juzas we okolicy Jordanu, a celty odniego stawiou aze ku Sodomie.
                          Ale ludzie kere miyszkali we Sodomie byli zue, i fest grzeszyli do Ponboczka.
                          Kej Lot poszou furt od Abrama, to Pon Pog pedzieli tak: Kukmal Abram przed sia
                          i obejrz ze tego placu kaj zes stanou richtunk pounoc i richtunk poudnie,
                          richtunk wschod i tam kaj je morze(richtunk zachod); couko ta ziymia kero
                          widzisz dowomy ci i odciebie bajtlom coby jom sztyjc mieli. A bajtli od twoich
                          bajtli zrobiymy tela wiela je ziorkow ziymi; keby kery poradziou porachowac
                          ziorka ziymi, to poradziou by tak ich porachowac. Wston i przelyz couko ta
                          ziymia tak jak je dugo i szyroko; dowomy jom ciebie. Abram poskuodou odniego
                          celty i prziszou tam kaj je Hebron, do ajchow Mamre. Tam sie ostou i postowiou
                          outorz do Pona Boga.



                          Soar – inaczyj tysz Coar abo Zoar
                          Do ajchow – do dymbow.
                          Kukmal – ze niymieckego guck mal (obejrz se)

                          -------------------------------------------------------------------------------
                          -
                          • Gość: Szwager Re: Slonsko Biblia IP: *.dip.t-dialin.net 18.09.03, 10:24
                            Biblia XIV

                            Abraham(Abram) a Melchizedek

                            Uonskego czasu wojowali Amrafel, krol we Szinear, Ariok, krol we Ellasar,
                            Kedorlaomer, krol we Elan, i Tidal, krol od Goim. A wojowali ze takimi juzas
                            krolami; Bera, krol we Sodomie, Birsza, krol we Gomorze, Szinab, krol we Adma,
                            Szemeeber, krol we Seboim, i tysz ze krolym od miasta Bela, kere sie potym
                            Soar mianowauo. Te ostatnie krole czimali cuzamyn sztama, kero obgodali we
                            dolinie Siddim, tam kaj dzisio je Morze Suone. Bez dwanoscie lot byli one
                            lynnikoma od Kedorlaomera, a kej psziszou czinosty rok to sie zbuntowali. Tak
                            tysz potym na cztyrnosty rok psziciong Kedorlaomer cuzamyn ze inkszymi
                            krolami. Pobiyli Rafitow we Aszterod-Karnaim , Zuzytow we Ham, Emitow tam kaj
                            je Szawe-Kiriataim, i Charytow we odnich gorach, kere sie ciongnom ode Seir az
                            do El, kere je juz na randzie od pustyni Paran. Potym poszli curik do En-
                            Miszpat, kerymu je tysz Kadesz, i podbiyli couko ziymia kaj miyszkali
                            Amalekity, i tysz Amerytow , kere miyszkali we Chasason-Tamar. Tak tysz krole
                            ze Sodomy, Gomory, Admy, Seboim i Bela, poszli i narichtowali sie we dolinie
                            Siddim do bitwy ze Kedorlaomerym, krolym we Elan, Tidalym, krolym we Goim,
                            Amrafelym, krolym we Szinear, i Ariokym, krolym we Ellasar – cztyry krole na
                            piync kroli. A we dolinie Siddim bouo pouno dziurow, z kerych wyciongali tera.
                            Krole ze Sodomy i Gomory skryli sie w tych dziurach, a reszta uciykua do
                            gorow. Te co wygrali wziynli couki majontek ze Sodomy i Gomory, i couke
                            jedzynie, i poszli furt. Wziynli tysz Lota, synka od brata od Abrama, cuzamyn
                            ze coukim co miou, – bo on miyszkou prawie we Sodomie. Jedyn kery uciyk
                            opedziou to Abramowi Hebrajczykowi, kery miyszkou kole dymbow od
                            jednegoAmoryty , kerymu bouo Mamre, a kery bou bratym od Eszkola i Anera, kere
                            czimali sztama ze Abramym. Kej Abram usuyszou ize porwali odniego krewnego,
                            wzion mit czista osiymnoscie wojokow i goniou za tamtymi aze do Dan. Podzielou
                            tych wojokow na oddziauy i we nocy napod ze niymi na wrogow i ich pobiou. A
                            potym goniou ich aze ku Chobie, kero je na zachod od Damaszku. Tak to couke co
                            miou psziszuo do niego nazod, i tysz psziszou ku niymu Lot ze wszyskim co
                            miou, kobiytoma i tymi kere kole niego robiyli. A kej Abram szou nazod, potym
                            jak wygrou ze Kedorlaomerym i kroloma, kere ze nim byli, to wyloz sie z nim
                            trefic, we dolinie Krolewskyj(Szawe) , krol ze Sodomy. A Melchizedek, kery bou
                            krolym we Szalem, przinios chlyb i wino; a ize bou on kapuanym od Boga
                            Nojwiynkszego, pobuogosuawiou Abramowi tak: Niych bydzie bez Boga
                            Nojwiynkszego, tego kery narichtowou niebo i ziymia, buogosuawiony Abram!
                            Niych bydzie Bog Nojwiynkszy buogosuawiony, kery ciebie do rynkow wydou twoich
                            wrogow! Abram dou mu dziesionto czynsc ze wszyskego. Krol ze Sodomy pedziou do
                            Abrama: Oddej mi ino ludzi, a wez se mie! Ale Abram odpedziou krolowi ze
                            Sodomy: Przisiyngom na Ponboczka Nojwiynkszego, Tego kery narichtowou niebo i
                            ziymia, ize ani zodnyj nici, ani zodnego rymionka ze zandalow, ani blank nic
                            inkszego, od ciebie niy zabiera, cobys potym niy padou: To jo zbogaciou
                            Abrama. Niychca tysz nic jak ino to coch musiou wydac na joduo do moich ludzi,
                            i to co sie nolezy ze zdobytych rzeczow tym kere pomogli mi wygrac – Anerowi,
                            Eszkolowi i Mamre; te niych dostonom to co sie im nolezy.



                            pociongli – poszli
                            rymionek – rzymyk, rzemyk
                            tera – asphalt(naturalny), smoua
                            psziciong – przibou, prziszou
                            bez - przez




                            • Gość: Szwager Re: Slonsko Biblia IP: *.dip.t-dialin.net 18.09.03, 10:26
                              Biblia XV

                              Sztama od Ponboczka i Abrama

                              Po tym coukim pokozali sie roz Ponboczek Abramowi i pedzieli:
                              Niy mosz sie co boc, bo My som wele ciebie; dostoniesz srogo nagroda.

                              A Abram pedziou: O Ponboczku moj, na co mi ona, kej psziszou’ch ran ku
                              smiertce, i niymom ani synka; a tyn kery wszysko po mie erbnie to je Eliezer
                              ze Damaszku. I dalyj padou: Bezto, co niydaliscie mi synka, to tyn, kery sie u
                              mie w doma rodziou i kole mie robiou, wszycko po mie erbnie. Ale Pon Bog
                              pedzieli juzas tak do Abrama: To niy on erbnie po ciebie ino tyn, kery bydzie
                              twoim bajtlym. I kozali potym Ponboczek wylys Abramowi raus ze celta na plac.
                              I pedzieli zas mu tak: Kukmal na niebo i porachuj gwiozdy, eli to szafniesz ;
                              potym dopedzieli: Tela bydziesz miou bajtli. Abram uwierzou Ponboczkowi, a Oni
                              se to merkli. Potym juzas pedzieli do niego: My som Pon Bog, kery ciebie
                              wykludziou ze Ur chadyjskego, coby ci dac sam ta ziymia. A Abram na to
                              odpedziou: O moj Ponboczku jako to mom byc zicher, ize to moja ziymia? Na to
                              Pon Bog skozali: Wybier do mie czi lata staro cielica, czi lata staro ciga i
                              czi lata starego barana, a ku tymu turkowka i gouombka. Abram to wybrou i
                              pokrou wszysko na dwie rowne pouy i legnou je fajnie jedne naprzeciwko
                              drugich; ptokow niy poprzekrojou. Kej rojberptoki slatywauy sie ku tymu to je
                              goniou wek.

                              A kej „klara” paczoua sie stracic, Abram usnou fest: prziszou na niego strach
                              choby przi srogyj ciymnosci. I na tyn czas to Pon Bog pedzieli do Abrama:
                              Merknij se to, ize twoje potomki bydom zyc we ziymi, kero niybydzie odnich
                              ziymiom, i bez cztyrysta lot bydom tam zyc i robic kole inkszych jak
                              niywolniki; aze yntlich przidzie sztrafa na tyn narod, u kerego bydom za
                              niywolikow, i potym pudom furt i weznom mit aze za tela dobroci. Ty juzas
                              pondziesz tam, kaj som twoje fatry i bydziesz miuo rua kej na stare lata cie
                              pochowajom.

                              Twoje potomki przidom tu nazod dopiyro we czwortym pokolyniu, kej sie
                              przebiere juz miarka pieronstw od Amorytow. A kej klara sie stracioua i bouo
                              fest ciymno, pokozou sie choby dym ze pieca i fojer, choby fakla, kero sie
                              poli i przesunouo sie to miyndzy tymi pouami od zywego, kere pokrou Abram.
                              Gynau na tyn czas Ponboczek zrobiyli sztama ze Abramym i pedzieli: Potomkom
                              odciebie dowomy ta ziymia, od Rzeki Egipskyj aze do wielkyj rzeki Eufrat, ku
                              tymu Kenitow, Kenizytow, Kedmonitow, Chetytow, Peryzytow, Rafaitow, Amorytow,
                              Kananejczykow((Kannanitow), Girgaszytow i Jebusytow.



                              cielica – jauowka, jauowica, cieliczka, niyruszano krowa.
                              turkowka - turtyltauba, synagorlica
                              gouombka – gouymbica
                              klara – suonce
                              poua – pou, pouowa
                              Rzeka Egipsko – Potok Egipski – Wadi el-Arisz


                              • Gość: Szwager Re: Slonsko Biblia IP: *.dip.t-dialin.net 18.09.03, 10:28
                                Urodzynie Ismaela

                                (Biblia, cz. XVI)

                                Saraj, kobiyta od Abrama, niy urodzioua mu jakos zodnego bajtla. Ale miaua ona
                                niywolnica egipsko, keryj bouo Hagar. Pedziaua bezto Saraj do Abrama: Skisz
                                tego, co Ponboczek niydowajom mi bajtli , idz ku mojyj niywolnicy; mozno
                                odniyj sie bajtla doczekom. Abram posuchou na nia. Saraj, kobiyta od Abrama,
                                wzionua tak tysz ta niywolnica egipsko, keryj bouo Hagar, i daua jom byc
                                kobiytom od Abrama. A bouo to juz dzisiync lot po tym jak Abram sie ostou we
                                ziymi Kanaan. Abram prziszou ku Hagar a ona boua potym przi nadzieji. A kej
                                merkua ize je przi nadzieji, to przestaua dowac acht na swoja pani. We tyn
                                czas Saraj padaua do Abrama: Skuli ciebie doznowom zniywagi ; jo sama dauach
                                ci moja niywolnica za kobiyta, ale ona, kej merkua, ize ostaua sie przi
                                nadzieji, przestoua dowac na mie acht. Niych Ponboczek obrachujom mie i
                                ciebie. A Abram pedziou do Saraj: Przeca twoja niywolnica je we twojyj mocy:
                                zrob z niom tak jak uwazosz za richtig. Saraj zaczua tak napasztowac Hagar,
                                ize ta uciykua od niyj furt. Yngel od Ponboczka znod Hagar we pustyni kole
                                zrodua, na cescie ku Szur i spytou sie jom: Hagar, tys je niywolnica od Saraj,
                                jako zes sam trefioua i kaj idziesz? A ona odpedziaua: Uciykua’ch od mojyj
                                pani Saraj. Na to Yngel od Ponboczka padou jyj tak: Idz nazod do twojyj pani i
                                rob wszysko co ci koze. I Yngel od Ponboczka padou jyj jeszcze: Zrobiymy tak,
                                ize twoich bajtli i odnich bajtlow bydzie tela, co zodyn ich niy bydzie
                                poradziou porachowac. I dalyj padou do niyj: Je zes przi nadzieji i urodzi ci
                                sie synek, kerymu dosz miano Ismael, bo Pon Bog widzieli twoja biyda. A bydzie
                                to chop dziki jak onager: bydzie wojowou ze wszyskimi i wszyske ze nim: on
                                bydzie utrapiyniym do kozdego odniego brata. Ponboczkowi, kery to wszysko jyj
                                dali znac, padaua Hagar „El-Roï ”(„Ponboczek paczom na mie”) – bo padaua: Dyc
                                sam widziauach Tego co na mie paczy, a przecach je zywo. Bezto ta studnia tam
                                nazywo sie „Studnia Lahai-Roï “. – Je to ta studnia, kero je miyndzy Kadesz i
                                Bered. Hagar urodzioua Abramowi synka i Abram dou mu Ismael. Abram bou
                                osiymdziesiont szesc lot stary, kej mu Hagar urodzioua Ismaela.

                                Lahai-Roï – studnia Widzoncego, kery na mie paczy.
                                Onager – tukej dziki yzel

                                • Gość: Szwager Re: Slonsko Biblia IP: *.dip.t-dialin.net 18.09.03, 10:29
                                  Obrzezanie

                                  (Biblia, cz. XVII)

                                  Kej Abram bou dziewiyndziesiont dziewiync lot stary, pokozali mu sie Ponboczek
                                  i padali mu tak: My som Ponym Bogym kery wszysko poradzi. Rob zawsze tak jak
                                  My chcymy i byc przi tym akuratny. Momy for zrobic ze tobom sztama i i dac ci
                                  aze za tela bajtli i odnich bajtlow. Na to Abram legnou gymbom ku ziymi, a
                                  Ponboczek padali mu dalyj tak : To je Naszo sztama ze tobom: bydziesz fatrym
                                  od mocki narodow. Twoje miano niy bydzie juz Abram ino Abraham, bo zes je tyn
                                  od kerego mocka narodow bydzie, i tysz krole od ciebie przidom. Sztama, kero
                                  robiymy ze tobom i twoimim bajtlami bydzie sztyjc wazno, coby My byli Ponym
                                  Bogym do cia i do tych kery przidom po ciebie. Domy bezto ciebie i odciebie
                                  bajtlom ziymia, na keryj prawie miyszkosz, couko ziymia Kanaan je sztyjc od
                                  ciebie, od twoich bajtli, i od odnich bajtlow, a my bydymy odnich Ponym Bogym.
                                  Potym juzas padali Ponboczek do Abrahama: Ty mosz dowac obacht na sztama ze
                                  Nami, ty i tysz twoje bajtle i odnich bajtle. To je przimierze(sztama) Nasze,
                                  na kere mocie dowac acht, godo one tysz ize mocie wszyskich synkow obrzezac -
                                  to bydzie znakym Naszyj sztamy. Kozdy synek w kozdym pokolyniu u wos, kery
                                  bydzie osiym dni mody; tak tysz tyn kozdy rodzony w doma jak i tyn kupiony za
                                  piyniondze od cudzych ludzi mo byc obrzezany. Obrzezany mo byc kozdy, kery sie
                                  u ciebie w doma rodziou i kozdy keregos kupiou. A te przimierze(sztama)
                                  miyndzy nami , kere widac na wyszyj „skorze”, bydzie sztyjc.Tyn chop kery sie
                                  niydo obrzezac , tyn przidzie furt od wos, bo zuomou sztama ze Nami. Padali
                                  jeszcze Ponboczek Abrahamowi: Niy godej juz tysz do twojyj kobiyty Saraj,
                                  niych jyj bydzie Sara. I bydymy jyj buogosuawic i domy ci tysz odniyj syna; A
                                  bydymy jyj buogosuawic, ize narody z niyj przidom i krole. Na to Abraham juzas
                                  legnou gymbom ku ziymi i gymba mu sie uradowaua, bo se pomyslu: Je to myjglich
                                  coby sto lot stary chop miou jeszcze bajtli? Abo je to myjglich coby
                                  dziewiyndziesiont lot staro Sara jeszcze bajtli miaua? Pedziou bezto do
                                  Ponboczka: Coby aby Ismael zou podle Wos. A Ponboczek mu na to odpedzieli: A
                                  dyc twoja kobiyta, bydziesz widziou, do ci bajtla kerymu dosz miano Izaak. Z
                                  nim tysz zrobiymy sztama, kero sztyjc bydzie do niego, do odniego bajtli i do
                                  bajtli od odniego bajtlow. A kej sie rozuazi o Ismaela, to bydzie jak chcesz:
                                  Pobuogosuawiymy mu, coby miou bajtli, i domy mu ich aze za tela; niych bydzie
                                  fatrym, kery do dwanoscie princow - narod wielki z niego przidzie. Sztama
                                  Naszo zas zrobia ze Izaakym , kerego urodzi ci Sara we rok na tyn czas. Tak to
                                  Ponboczek skonczyli i poszli furt. Abraham juzas wzion odniego synka Ismaela,
                                  wszyskich kere sie rodziyli u niego w doma i wszyskich kerych kupiou za
                                  piyniondze – wszyskich chopow kere u niego byli, i we tyn som dziyn i obrzezou
                                  ich tak jak mu Ponboczek przikozali. Abraham bou dziewiyndziesiont dziewiync
                                  lot stary jak go tysz obrzezali. We tyn som dziyn byli obrzezane Abraham i
                                  odniego synek Ismael, ale tysz wszyske chopy u niego w doma – tysz te kerych
                                  kupiou .

                                  Przidom po ciebie = przidom po tobie
                                  Abraham – sam wyraz Abraham niymo ino znaczynia miana, ale godo nom tysz ab-
                                  hamon – fater od mocki ludzi.

                                  • Gość: Szwager Re: Slonsko Biblia IP: *.dip.t-dialin.net 28.09.03, 23:42
                                    Biblia, czynsc XVIII

                                    Czi goscie u Abrahama

                                    Potym pokozali mu sie Ponboczek pod ajchami Mamre, prawie jak Abraham siedziou
                                    przi drzwiyrzach ode celta, bo boua blank srogo hica. Abraham dzwignou slypia
                                    i uwidziou jak czi chopy stonyli kole niego. Kej ich ino uwidziou zaro poszou
                                    ich prziwitac. Ukuoniou im sie aze do ziymi i padou tak: O Ponboczku ,
                                    ezi’scie mi rade som, to niy omijejcie dyc tego, kery Wom je oddany. Prziniesa
                                    trocha wody, cobyscie se nogi umyli i siedniecie we ciyniu pod drzewym. Jo
                                    juzas prziniesa kawouek chleba , cobyscie siouy mieli na dalszo cesta. Bo
                                    poczamu mielbyscie ominonc tego kery Wom je oddany. A Oni mu padali: Rob jakes
                                    padou. Tak tysz Abraham poszou pryndko do celta od Sary i pedziou jyj: narob
                                    gibko i ukulej ze nojfajniejszyj monki fladynbrotow . Som juzas poleciou do
                                    oborki i wybrou nojwiyncyj tustego cielika i kozou go gibko przirychtowac.
                                    Potym wzion biouo kyjza, mlyko i przirychtowanego cielika, postowiou przed
                                    niymi, a kej oni jedli, stanou kole nich pod drzewym. Kej se juz pojedli,
                                    spytali sie go: Kaj je twoja kobiyta, Sara? A on odpedziou: Je prawie dryny we
                                    celcie. Na to jedyn padou: Za rok przida sam juzas ; we tyn czas twoja kobiyta
                                    Sara bydzie miec synka. A Sara suchaua co godali, bo stoua we drzwiyrzach od
                                    celta, kere bouy zaroski za Abrahamym. Abraham i Sara byli stare i mieli „kupa
                                    lot na krzizu“; a Sara niy boua juz tako jako mode kobiyty. Bezto smioua sie
                                    sama do sia i pomyslaua se:

                                    Teroski kej’ch juz przekwitnoua i moj chop je stary, miaua bych wiedziec co to
                                    je miouosc?

                                    Ale Ponboczek pedzieli do Abrahama: Poczamu Sara sie lacho i pojakymu se
                                    mysli: eli richtik byda mogua na starosc miec bajtla? Je cos co by bouo do
                                    Pona Boga onmyjglich?

                                    We tyn som czas na drugi rok, przidymy sam nazod, a Sara bydzie miec synka.
                                    Ale Sara niy padaua prowdy: Jo sie wcale niy lachaua – rzekua tera couko we
                                    strachu. Na to Ponboczek padali: Niyprowda. Smiouas sie! Potym te czi goscie
                                    poszli furt ku Sodomie. Abraham juzas poszou mit, coby ich odkludzic, a
                                    Ponboczek godali se: Momy to skryc przed Abrahamym co momy for zrobic? Przeca
                                    Abraham mo byc fatrym fest srogego naroda ludzi, bez(tukej czyt. przez) kerego
                                    wszyske inksze ludzie na ziymi bydom buogosuawione. Dyc znodli My(se) go, coby
                                    nakozywou bajtlom, i te odnich bajtlom juzas dalyj, jako to majom dowac obacht
                                    na cescie, kero My-Ponboczek przikozali ku tymu co je sprawiedliwe i co je
                                    recht, tak coby dostou odnos Abraham couke to co mo odnos obiecane. Potym Pon
                                    Bog padali: Narzykanie skuli Sodomy i Gomory je choby larmo, bo grzychy
                                    tamtych ludzi som fest sroge. Bezto pondymy i obejzymy, eli to je richtik tak
                                    jako te narzykanie. I poszli ku Sodomie, a Abraham dalyj stou wele Ponboczka.
                                    Potym prziszou blizyj i padou do Ponboczka: Majom Pon Bog richtik for stracic
                                    tych, kere som sprawiedliwe cuzamyn do kupy ze tymi, kere som bezbozne? A
                                    kejby tak bouo piyndziesiont sprawiedliwych tam dryny; to tysz wytraciyli by
                                    (Ponboczek) wszyskich, a niy mieli by odpuszczynio skuli tych piyndziesiont,
                                    do coukego miasta? To je niymozne coby Oni tak zrobiyli, ize sprawiedliwe
                                    umrzom ze bezboznikami za kara. To je onmyjglich, coby Poboczek pozwolyli,
                                    coby tyn som los trefiou tych, kere som bezbozne i tych, kere som
                                    sprawiedliwe. Niy moge to byc przeca, coby Tyn kery je richter do coukego
                                    swiata niy bou sprawiedliwy? Na to Pon Bog padali: Kej znondymy we Sodomie
                                    piyndziesiont sprawiedliwych, skuli nich odpuszczymy wszyskim dryny. I juzas
                                    godou Abraham: Uzwolom mi, Ponboczku, ize jeszcze roz se pozwola odezwac do
                                    Nich, chocioz je zech ino pou i hasie. Keby tam kaj je tych piyndziesion
                                    sprawiedliwych, brakuo ino piync , to ukorzom skuli nich couke miasto?
                                    Ponboczek odpedzieli: Niy ukorzymy jak znondymy dryna aby cztyrdziysci piync
                                    sprawiedliwych. Abraham juzas godou tak: A keby znoduo by sie ich tam
                                    cztyrdzysci ? Ponboczek odpedzieli: Skuli tych cztyrdziysci, tysz im
                                    odpuszczymy. Na to Abraham pedziou: Niych sie Pon Bog niy gniywajom, kej
                                    rzekna: a keby sie tam ich czidziysci znoduo? A na to Ponboczek padali: Niy
                                    zrobiymy nic, jak znondymy tam aby czidziysci sprawiedliwych. Abraham godou
                                    juzas dalyj: Uzwolom Ponie Boze, ize se pozwola spytac: keby bouo ino
                                    dwadziyscie soprawiedliwych? Pon Bog odpedzieli: niy zrobiymy nic skuli tych
                                    dwadziyscia ino. A Abraham dalyj: Uzwolom jeszcze roz Ponie Boze i sie niy
                                    bydom gniywac, kej sie juzas spytom: keby znoduo sie tam ich ino dziesiync?
                                    Ponboczek odpedzieli: Niy zrobiymy im nic skuli tych dziesiync ino. Na tyn
                                    czas Pon Bog skonczou rozprawiac ze Abrahamym i poszou, a Abraham poszou do
                                    sia.

                                    ajchy – dymby
                                    czi – 3
                                    fladynbrod – podpuomyk
                                    dryny we celcie – w srodku we namiocie
                                    richter – syndzia
                                    pou – pyl (l ze kreskom)

      • Gość: Szwager Re: Slonsko Biblia IP: *.dip.t-dialin.net 18.09.03, 12:44
        Ja, ale on to ino tak nazwou. Richtik Biblia to to niyma co on szkryfnou -
        nazwou bych to "Cosik ze i o Bibli". M.Szoutysk piyknie szkryflo po
        naszymu,ale niy daza go osobiscie za fest szacunkym - on ublizo Slonzokom,
        kere niy som propolske. A szkoda, bo poradzi fajnie szkryflac.


        Mom sam probka tego co prawie tuplikuja. mozno bydzie miou, kery lust(ochota)
        szkryfnonc to tak jak u niego w doma sie godauo???

        "Zbulynie Sodomy i Gomory (BibliaXIX)

        "Do Sodomy prziszli na wieczor dwa yngle; a gynau Lot siedziou we wrotach od
        Sodomy. Kej ich uwidziou, wyloz ku nim i sie ukuoniou aze do ziymi. Potym
        padou: Panoczki moje, podzcie rajn do dom od tego, kery je wom oddany!
        Wyspikocie sie, umyjecie nogi, a rano kej stoniecie pondziecie dalyj na cesta.
        Ale one mu padali: Niy! Bydymy spikac na placu. On ich durch prosiou, aze na
        koniec wlyzli rajn do odniego do dom. Zaro zrobiou im tysz wieczerzo, upiyk
        przasnego chlyba. Tak tysz se pojedli. Przodki ale se legli to, chopy se
        Sodomy, mode i stare, ze kozdy zajty we Sodomie, stonyli we kole doma, wouali
        na Lota i padali mu: Kaj tukej som te ludzie, kere dzisiej na wieczor do cia
        prziszli , wykludz ich no, coby my se mogli ze niymi powyrobiac! Lot wyloz
        przed wrota, i zawar drzwiyrza. Potym pedziou tak: Kamraty! Prosza wos, niy
        robcie nic zadnego. Dyc mom dwie cery, kere jeszcze niy bouy ze chopym.
        Wykludza wom je, a wy wyrobiejcie z niymi co chcecie, ino odstoncie dyc od
        tych, kere som u mie we gosciach. Ale one ryczeli: Pacz sie stracic! I godali:
        Som sam sie przikludziou, a bydzie snami rzondziou! Ze tobom mogymy zaroski
        gorzy jak z niymi powyrobiac! I ciepli sie ku niymu a ku zawartym drzwiyrzom.
        Na tyn czas te dwa goscie wyciongli rynce i wtargali Lota rajn do dom, a
        drzwiyrza zawarli. Juzas tych chopow, od nojsrozszego do nojmiynszego, kere
        byli na placu kole drzwiyrzow, zrobiyli ize byli slepe.Bezto podarymnie
        sznupali za drzwiyrzoma."
    • Gość: Szwager poza tematym IP: *.dip.t-dialin.net 24.09.03, 14:06
      Język śląski
      Z Wikipedii, wolnej encyklopedii.

      Język śląski - termin, pod którym niektórzy określają dialekt śląski.

      Z naukowego punktu widzenia termin język śląski nie istnieje, lub jest wymarłą
      formą języka dawnych mieszkańców Małopolski, Śląska Cieszyńskiego, Górnego
      Śląska i północnych Moraw, lub też jest (w zupełnie innej formie) dopiero w
      fazie tworzenia (podobnie jak powstał nowożytny język hebrajski w Izraelu).
      Jest określeniem faworyzowanym przez część językoznawców, historyków oraz
      działaczy regionalnych i posiada silnie upolitycznione konotacje.

      Większość językoznawców uważa domniemany język śląski za dialekt języka
      polskiego posiadający co najmniej dwie odmiany różniące się zarówno
      słownictwem, jak i fonetyką. Obecnie trwają prace nad utworzeniem śląskiego
      języka lierackiego, ustandaryzowaniem zasad tego języka oraz wypracowaniem
      jego formy pisanej, której podstawy istnieją obecnie w postaci różnorodnych,
      często bardzo odmiennych propozycji kodyfikacyjnych (do tej pory gwara śląska
      pisana była w języku polskim). Do problematyki sklasyfikowania języka
      śląskiego należą w tej chwili m.in. takie zgadnienia, jak wybór cech
      charakterystycznych zespołu gwar ślaskich, które zostaną uznane za kanon tego
      języka, oraz który z języków - polski czy czeski będzie mieć większy wpływ na
      język śląski od strony strukturalnej.

      Utworzenie jednorodnego języka śląskiego, wraz z jego odmianą literacką jest
      istotnym zagadnieniem dla osób określających swoją tożsamość jako narodowość
      śląską, oraz dążących do autonomii regionu, który zamieszkują i uznania go
      jako regionu w rozumieniu dyrektyw Unii Europejskiej.

      • Gość: Szwager Re: poza tematym IP: *.dip.t-dialin.net 24.09.03, 15:25
        "Udobruchoj się ze swoim prociwnikiem artko, pokielaś ś nim w dródze" - tak
        brzmi znany fragment Ewangelii wg św. Mateusza w tłumaczeniu na gwarę górali
        skalnopodhalańskich. Przekład ukazał się staraniem zakopiańskich pallotynów.

        Książka jest studyjną pracą Marii Matejowej Torbiarz, na podstawie Biblii
        Tysiąclecia. Nie jest to więc w sensie ścisłym przekład z oryginału - czyli z
        greki ani z łacińskiej Wulgaty. Autorka przełożyła tekst Ewangelii z języka
        polskiego na gwarę.

        - Nie znać Ewangelije, to tak, jakby nie znać Pana Jezusa. Jak to dobrze, że
        górole bedom mogli jom cytać w mowie swoik ojców - napisał w słowie
        wprowadzającym ks. Władysław Zązel, kapelan Zarządu Głównego Związku
        Podhalan. - Słychno było jus nieroz na Podholu piyrse cytanie niedzielne w
        gwarze na góralskik urocystościak, ale Ewangelije jesce nik nimioł śmiałości.
        Kwała Panu Bogu, ze teroz i Ewangelijo dockała się przekładu.

        Zdaniem kustosza sanktuarium na Krzeptówkach, ks. Mirosława Drozdka, ewangelie
        po góralsku pomogą w wychowaniu w wierze najmłodszych pokoleń i umocnią wiarę
        całych rodzin dając im "łatwiejszy dostęp do słowa Bożego ubranego w szatę
        góralskiej mowy". Pozwolą też poznać młodym religijne słownictwo gwarowe.

        Dobrą ilustracją góralskiego przekładu są słowa z Ewangelii wg św.
        Mateusza: "Jak przyniesies swój podarunek do ółtorza i hań se przybocys, ze
        twój brat mo do cie uraze, ostow tyn podarunek, przed ółtorzem i idź pojednać
        się piyrwyj ze swoim bratem! Pote się wróć i okfiaruj swój padarunek!
        Udobruchoj się ze swoim prociwnikiem artko, pokielaś ś nim w dródze, coby cie
        ón nie podoł do sondu, a syndzia nie oddoł hajdukowi, i coby cie nie dali do
        hereśtu" (Mt 5, 23-33).

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka