Forum Regionalne Śląskie Ruda Śląska - stolica fraszki
ZMIEŃ
    Dodaj do ulubionych

    Czym we gminie naszo godka?

    21.04.05, 21:29
    Czym we gminie naszo godka?
    -Duszom - ze czowieka środka!

    Pod takim mottym miesiyncznik gminny "Krajobrazy Zawadzkiego" już publikuje
    rymowanki z wontku "Słownik ślonski".
    No dyć chcom iść dali i proszom ło fraszki i rymowanki tyczonce sie gminy.
    Idzie je przesłać na adres:

    umig@zawadzkie.pl

    Ano, to Biuro Promocji Gminy, bo przeca tam dobrze wiedzom, że fraszka ślonsko
    promuje.
    Obserwuj wątek
      • broneknotgeld Re: Czym we gminie naszo godka? 21.04.05, 21:30
        Filipolis

        Graf Filip Colonna osadzie doł miano
        Bajali co "Pustki" wpiyrw dziedzina zwano
        Dyć wyglorzy "rajym" se stała ta sztela
        A możno tym "piekłym" - dymu z tego wiela.
        • broneknotgeld Re: Czym we gminie naszo godka? 21.04.05, 21:31
          Moczydoły

          Przi Mały Panwi bagna i stawy
          Niy radzioł bych ci wtedy zabawy
          Przeca tu wiela utopkow było
          Dyć z czasym wszysko se wykludziyło.
          • broneknotgeld Re: Czym we gminie naszo godka? 21.04.05, 21:32
            Dwie parafije

            Choć czi kościoły - dwie parafije
            Tako w Zawadzkym teroz se żyje.
            • broneknotgeld Re: Czym we gminie naszo godka? 21.04.05, 21:33
              "Ligoniow"

              Chciało być Zawadzkie ponoć "Ligoniowym"
              Czamu to niy klapło - czy kedyś se dowiym?
              • broneknotgeld Re: Czym we gminie naszo godka? 21.04.05, 21:36
                "Czelodka" w Rzędowicach

                Ano niy dziwota - tam czelodki szukej
                Czech Ślonzokow Roku przeca majom tukej
                We godce Zawadzkie bezto w świecie piyrsze
                Tu łod zowdy wiedzom - co ślonske nojwyrsze.
                • broneknotgeld Re: Czym we gminie naszo godka? 22.04.05, 19:52
                  Nowy rajca

                  Były sołtys ze Żyndowic terozki rajcuje
                  Choć pyndzyjonistom toż ciyngym "fedruje"
                  Mandatym bogatszo tu myńszość niymiecko
                  Ło tym we Zawadzkiem wiy już nawet dziecko.
                  • broneknotgeld Re: Czym we gminie naszo godka? 22.04.05, 19:54
                    "Ślonske Beranie"

                    Gorny Ślonzek poznoł Żyndowic godanie
                    Przeca tu i w szkole jest "Ślonske Beranie".
                    • broneknotgeld Re: Czym we gminie naszo godka? 22.04.05, 19:58
                      Na podzim 1725

                      Na podzim Jaś Stornia tukej prziwandrowoł
                      We lesie Colonny nad Panwiom se stowoł
                      Barć widzi na dymbie - tu zima przeczimie
                      Ze niym "duch piszczoły" prziszoł we te ziymie.
                      • broneknotgeld Re: Czym we gminie naszo godka? 22.04.05, 20:00
                        Piyrszy bartnik

                        Colonna Jasiowi zamiyszkać zezwoloł
                        Z szałasu tu drapko chałupa wyrosła
                        Graf miod jego richtig na dworze se chwoloł
                        A i bartnikowi familijo doszła.
                        • broneknotgeld Re: Czym we gminie naszo godka? 22.04.05, 20:03
                          "Duch piszczoły"

                          Robotny tu kożdy - przeca ło tym wiycie
                          Dyć łostatnio cosik ciynżko leci życie
                          Zawadzkie se czimie i jeszcze pokoże
                          Choć utropa mynczy - zrychtować coś może.
                          • broneknotgeld Re: Czym we gminie naszo godka? 22.04.05, 20:06
                            Filipowie z Filipolis (1790)

                            Mało Panew łodkryła tu ruda darniowo
                            Kuźnikow przignało - to mi sie niy zdowo
                            Bestoż se Filipy przi niyj łosiedlyli
                            Ze ajzom beztydziyń i w niydziela żyli.
                            • broneknotgeld Re: Czym we gminie naszo godka? 23.04.05, 11:59
                              Filipy

                              Wyczytołch co łoni byli wynglorzami
                              W tym mało utropa - poskopicie sami
                              Jak ruda w tych stronach to i hamerniki
                              Na Filipow bestoż take moje biki.
                              • broneknotgeld Re: Czym we gminie naszo godka? 23.04.05, 22:37
                                Jaś Skornia

                                Jaś Skornia żył rokow dziewiyńdziesiont dwa
                                Zaś synkow mioł siedmiu wiycie ło tym - pra?
                                Za służba Colonna grunta mu darowoł
                                Już teroz niy yno barci łon wachowoł.
                                • broneknotgeld Re: Czym we gminie naszo godka? 23.04.05, 22:38
                                  Aleksander Skornia

                                  Ze siedmiu braci jedyn tu łostoł
                                  Po łojcu zdo sie wszysko łon dostoł.
                                  • broneknotgeld Re: Czym we gminie naszo godka? 23.04.05, 22:40
                                    Świerkle

                                    Piyrwyj wielke świyrki rosły w ty dziedzinie
                                    Niy wierzysz! To widać dyć po twoji minie.
      • broneknotgeld Re: Czym we gminie naszo godka? 23.04.05, 12:01
        Dycha "Exodusu" (1995-2005)

        "Exodusowi" klupła już dycha
        We kunszcie przeca niy ma nc z grzycha
        Zdo sie łon skuli ty łaski boski
        Sto lot radości - ni roku troski!
        • broneknotgeld Re: Czym we gminie naszo godka? 23.04.05, 12:04
          Sołtysowo

          Znocie wy Nocońka - żyndowicko baba?
          Toż princ ze niyj zdo sie a niy jakoś żaba
          Wiela łona znaczy we dziedzinie swoji
          Choć chop tu sie czasym ło galoty boji.
          • broneknotgeld Re: Czym we gminie naszo godka? 23.04.05, 12:07
            Róża

            Niy dość że sołtysym to z niyj jeszcze Róża
            Kurde - se terozki już naprowdy wkurza
            Za sztyngel niy chycisz - utropa z tym zdo sie
            Dyć niy skuli kolcow wiym że mo mie w nosie.
            • broneknotgeld Re: Czym we gminie naszo godka? 22.05.05, 15:18
              Festiwal "Gaude Mater Polonia"

              Ziymi Zawadzki taki festiwal
              Wincynt był z Kielczt toż co sie dziwać
              Latoś tyż świynto muzyki była
              Kere rycerzy nawet ściongnyło

              Jedni we zocy muzyka majom
              A inksi tako dziejom tym pszajom
              W jedno to łonczy te downe czasy
              I Kielczy ciyngym dokłodo krasy.
              • broneknotgeld Re: Czym we gminie naszo godka? 05.06.05, 20:36
                Czy trza zawadczanom Dni Miasta 2005?

                Ło Dni Miasta pytać trza sie?
                Jest ankieta ta na czasie?
                Jak jest miasto niych mo Dni
                Tela szkryfna jo - kto "niy"?
                • broneknotgeld Re: Czym we gminie naszo godka? 09.06.05, 16:40
                  "Otwórzcie drzwi Chrystusowi"

                  Dwie parafie jednako Jana Pawła czczom
                  Tabula z kerhofu już terozki znom.
                • broneknotgeld Re: Czym we gminie naszo godka? 09.06.05, 16:51
                  Zawadzki "rakfioł"

                  Rakfioł zawadzki - ciekawy stwor
                  Coby go chycić poczebny wor
                  Yno dej pozor - jak mosz rakfioła
                  Niy chciyj zarozki inkszych prziwołać
                  Bo niyjednymu wtedy łon zwioł
                  "Rak" kajś se tracioł - łostowoł "fioł".
                  • broneknotgeld Re: Czym we gminie naszo godka? 09.06.05, 17:13
                    "Nasze Zawadzkie" - zajta ciekawo
                    www.nasze.zawadzkie.com/
                    Toż niych z niom tukej tyz bydzie "klawo".
        • broneknotgeld Re: Czym we gminie naszo godka? 27.07.05, 19:18
          Zawadzkie - Czortków 12.VI.2005

          Zawadzkie z Czorkowym teroz we "uniji"
          Akt był podpisany bez jakiś mecyji
          Toż sie Ukrainiec brato ze Polokym
          Bardzi niychej kryńci se to z kożdym rokym.
      • broneknotgeld Re: Czym we gminie naszo godka? 26.07.05, 21:55
        "Krajobrazy Zawadzkiego"

        Numer ze czyrwca prawie przisłali
        Toż polecymy z tym wontkym dali.
        • broneknotgeld Re: Czym we gminie naszo godka? 26.07.05, 22:00
          +Werner Małek+ 13.06.2005

          Pomarł burgemajster - tako wielko szkoda
          Wiela we Zawadzkiem ło niym by trza godać
          Znali go tu piyrwyj jak był naczelnikym
          Tyż dugo wojtowoł w zocny Jamielnicy
          Krotko na zawadzki zesel zicnoł piyrszy
          Za drapko zawołoł do sia Tyn Nojwyrszy.
          • broneknotgeld Re: Czym we gminie naszo godka? 26.07.05, 22:04
            16.06.2005 Zawadzkie

            Mandat burgemajstra już cołkym wygasnoł
            Czi dni już minyły jak ze Bogym zasnoł
            Zawadzkie w żałobie dyć prawym jest życie
            Welunek chnet przidzie - ło tym wszyscy wiycie.
            • broneknotgeld Re: Czym we gminie naszo godka? 26.07.05, 22:07
              17.06.2005 Kielcza

              W Św. Bartłomieju we trule se leży
              Dźwiyrza Pyjter łotwar - kożdy tako wierzy
              W łostatnio Two droga wiedziesz tych co żyjom
              I tropiom se razym z Twojom familijom.
              • broneknotgeld Re: Czym we gminie naszo godka? 26.07.05, 22:11
                Dni Miasta 2005

                Uciecha być miała a prziszła utropa
                Zabrakło w Zawadzkiem nojpiyrszego chopa
                Śmierć koblami ciepła i przegrało życie
                Dyć niy zowdy tako - dobrze ło tym wiycie.
                • broneknotgeld Re: Czym we gminie naszo godka? 27.07.05, 19:15
                  07.VIII.2005 Zawadzkie

                  Ano - zaś welunek
                  Burgemajstra niy ma
                  Jeszcze tu frasunek
                  A już woło ziymia

                  We prawie jest życie
                  Z niym tyż tako władza
                  Przeca ło tym wiycie
                  -Tela jo poradza.
        • broneknotgeld Re: Czym we gminie naszo godka? 24.06.06, 15:41
          Zawadzko huta

          Sto siedymdziesiont rokow rachuje
          Przeca starości wcale niy czuje.
          • broneknotgeld Re: Czym we gminie naszo godka? 21.04.07, 23:01
            Se Zawadzkie mi wspomniało
            Dyć żech rymow szkryfnoł mało.
          • madohora Re: Czym we gminie naszo godka? 17.04.08, 14:23
            Jo w Zawadzkiym kiedyś była
            I do dziś mnie intryguję
            Wtedy delegacja wziyłach
            Teraz to se prywatnie tam porajzuje
            • broneknotgeld Re: Czym we gminie naszo godka? 18.04.08, 07:43
              Porajzujesz? Toż to piyknie
              Niychej wyny Ci tam styknie.
      • broneknotgeld Re: Czym we gminie naszo godka? 16.04.08, 12:03
        Zawadzkego wontek ruszom
        Bo ze ślonskom przeca duszom.
        • broneknotgeld Re: Czym we gminie naszo godka? 16.04.09, 08:29
          W gornoślonski gminie
          Godka niy zaginie.
          • broneknotgeld Re: Czym we gminie naszo godka? 13.04.10, 08:30
            Widać że z niom lepi
            To dusze nom krzepi.
            • broneknotgeld Re: Czym we gminie naszo godka? 11.04.11, 20:24
              Niych sie asi tyn co prawi
              Ślonsko godka Polsce jawi.
              • broneknotgeld Re: Czym we gminie naszo godka? 06.04.12, 20:15
                Jeszcze czas i na to przidzie
                Jeszcze z godkom dobrze bydzie.
                • broneknotgeld Re: Czym we gminie naszo godka? 03.04.13, 18:01
                  Ło tym wcale jo niy bajom
                  We Zawadzkim fest bajajom.

    Najnowsze z forum Ruda Śląska - stolica fraszki

    Nie masz jeszcze konta? Zarejestruj się

    Nakarm Pajacyka
    Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin
    Treści z serwisów internetowych Grupy Wyborcza.pl oraz serwisu tokfm.pl prezentujemy w ramach komercyjnej współpracy z ich wydawcami: Wyborcza sp. z o.o. oraz Grupą Radiową Agory sp. z o.o.
    Wybrane treści z serwisu Sport.pl są dostępne po wykupieniu płatnej subskrypcji