dr.carlos
30.12.04, 19:44
FAMILOK BLUES
( ślonski blues )
E7 A7
Kaj som te stare familoki,
E7 H7
Kaj łone som ?
E7 A7
Kaj wejrzeć same nowe bloki,
E7 H7 E7 H7
Stare kaś pieron wzion.
Ref. Gis7 A7
Już niy mom ochoty czerwonom farbom
C7 H7
maznońć starych łokiyn.
Kaj som te drzewa co dziad mój sadził,
Kaj łone som ?
Jeszcze niy były tak blank stare
A już je ktoś ścion.
Już niy mom ochoty czerwonom farbom
maznońć starych łokiyn.
Kaj som te matki co jak trza było
Bajtlom strzaskały żić ?
Kaj som te dziołchy co tak warzyły,
Że chciało się żyć.
Już niy mom ochoty czerwonom farbom
maznońć starych łokiyn.
Kaj som te chopy co niy godali
Ino robili jak trza ?
Kaj som te baby co chopów słuchały ?
Co byś niy chycił to niy tak.
Już niy mom ochoty czerwonom farbom
maznońć starych łokiyn.
Kaj som te ludzie co Pon Bócka słuchały
I w życiu mioły fart ?
Te ptoki niybieskie i gołymbie biołe …
Jaki to porwoł je czort ?
Już niy mom ochoty czerwonom farbom
maznońć starych łokiyn.
04.06.1987 Sylwester Szweda J
