Barbórkowy konkurs poetycki

[broneknotgeld]

Z dniem 12.XI.2008 roku tygodnik "Wiadomości Rudzkie" ogłosił IV
edycję poetyckiego konkursu barbórkowego.
Niepublikowany dotąd na papierze wiersz o św. Barbarze, jej kulcie
lub tradycjach górniczych związanych z patronką tego zawodu i miasta
Ruda Śląska należy przesłać na adres tygodnika do 15 grudnia tego
roku.
"Wiadomości Rudzkie"
ul. Niedurnego 36
41-709 Ruda Śląska
Wiersz może być napisany po polsku lub śląsku.
Autor proszony jest o podanie swojego adresu, wieku i sposobu
kontaktowania się.
Za najlepszy wiersz przewidziana jest nagroda w postaci figurki św.
Barbary, wykonanej w węglu (ufundowanej przez ZZRG przy
KWK "Pokój").Przyznane zostaną też cztery wyróżnienia. Nagrodzone
wiersze "Wiadomości Rudzkie" opublikują na swoich łamach.
Uroczyste ogłoszenie wyników konkursu i wręczenie nagród nastąpi w
styczniu na terenie Rudy Śląskiej.

Bliższych informacji udziela redakcja tygodnika: nr
tel. 032 2486097

[Gość: gorol z ślonska]

Tarnowskie Góry
Re: Bronkanotgelda słownik ślonski
Autor: Gość: gorol ze Ślonska IP: *.neoplus.adsl.tpnet.pl 21.11.08, 17:57

Hej Bronku z Rudy,Ty mistrzu fraszki
Musisz z gorolem przysiąć do flaszki.
Cuzamen czyli razem do społu
cośćik na wzór krągłego stołu,
Bonku szkejfnoł żech pora
wortów ale nie dostoł żech odpowiedzi.
Możno św.Barbara mnie natchnie i
cośik napisza , znom takiego z Jowisza
a i gangsterów z sekcjom dyntom tyż :) .
Radza sprubój śniadania u Maryli .
Gorole to pierony ogniste,



Gorolsko godka i slonsko gwara
srobimy razem cudowno para.
Lepiej się razem , zebrać do kupy
By nom Wszystkim na Ślonsku
nie obrobili cwaniaki d..y
Gdzie dwóch się bije , trzeci korzysta
To prawda zyciowa ,oczywista.

[Gość: godrol z ślonska]

Bonku szkejfnoł żech pora
wortów ale nie dostoł żech odpowiedzi.
Możno św.Barbara mnie natchnie i
cośik napisza , znom takiego z Jowisza
a i gangsterów z sekcjom dyntom tyż :) .
Radza spróbuj śniadania u Maryli .
Gorole to pierony ogniste,
To miało być na poczontku ale skiz tej
elektroniki zgupłech i pomyloł se

.. jak to starziki godali , zób se gupi bydziesz fraj ...

[broneknotgeld]

Barborkowo
==============
Co z Niom jest grane?

W kalyndorzu Kościoła tyj Barbary niy ma
Mondrale pedzieli - "Niy niosła jom ziymia"
Ale Kościoł polski do dzisioj jom nosi
A ło jeji wsporcie kożdy Ślonzok prosi

U nos jest Barborka jako piyrwyj była
My wiymy że ze Niyj płynie na nos siyła
Kero w ciynżki doli zowdy dopomoże
W chodniku kopalni abo i na dworze.

[broneknotgeld]

Wspomożyciele

Sztyrnoście świyntych grupa liczyła
Łona na Ślonsku durś w gymbach była
Czynsto wołało sie ich pomocy
Jak te niyszczyńście zojrzało w łoczy

Błażej - tyn chroni strony głosowe
Ze bolym gordła we nim sie chowej
Pomogo czynsto naszym zymbiskom
I jak krew z rany pierońsko trysko

Jerzy - wiadomo - chroni wojoka
Łon go we bitwie niy spuszczo z łoka
Kedyś przed łostrym bronioł żelazym
Potym łod kuli - dyć wiela razy!

Akacjusz czimie ze zbiegym sztama
Pilnuje jego aże łod rana
Coby niy dropła go wredno władza
Rzykej do niego - jo ci poradza

Erazm nos wspiyro w wielki chorobie
Ło kery czasym nic niy wiy czowiek
Żołondek nyrki wontroba serce
Wszyskim sie tropi tyn świynty wielce

Wit paczy ciyngym na guchych niymych
Wiy łon co dzieje sie ze ichniymi
Padaczka miywosz czy słabe nerwy
Z Witym we życiu mosz wiyncyj werwy

Do kogo rzykać szły prziszłe matki?
Wiymy bo przeca do Małgorzatki
Łona przi cionży i przi porodzie
Bestoż jyj imie do dzisioj w modzie

Zaś świynty Krzisztof chroni wyndrowca
By nikt niy wodzioł go po manowcach
Pogoda zsyło ci jak nojlepszo
I przed powodziom z nim bydziesz spieprzoł

A Pantaleon - teroz mi powiydz
Kto dbo ło cało w zogrodzie gowiydź?
Co dziynki niymu dobrze sie chowie
I mniyj utropy mosz z tym na gowie

Cyriak w pokusie cie przipilnuje
Choć czasym trocha to niy sztimuje
Niy potrza bydzie tyż egzorcysty
Jak mu zawierzysz durś bydziesz czysty

Idzi w łopiece mo wszyske matki
Kere umynczom jejich gagatki
Namowi czasym cie do spowiedzi
Jak wiy że ciynżki grzych w duszy siedzi

Eustachy fesztrom wielkim patronym
Posłuch mo w borze łon tam jest ponym
Nawet jak zbiyrosz grziby jagody
Świynty uchroni łod złyj przigody

Dionizy czimie sie twojyj gowy
Dobry na bole kożdy ci powiy
Dropia sie teroz we własno glaca
Wiym kto pomoże mi zaś na kaca

Ja - niy trza wiela mi przipominać
Dyć jo pamiyntom że Katarzyna
Mo w swyj łopiece te wszyske frelki
A łobowionzek przeca to wielki

Na koniec powiym - naszo Barbara
Stoji przi ciebie jak żeś na marach
Byś w wierze pomar pilnuje przeca
Łona łostatnio jest z tego neca.

[Gość: gorol]

Aleś mi zacis ta litanija
Boli mnie gowa i kark i szyja.
Musza se skupić , golnąć achtlika
By myślli chycić , na razie znikam

[broneknotgeld]

Jedyn achtlik zdo sie mało
Dwa - już mosz kwaretka cało!

Toż - na zdrowie!

[Gość: gorol]

Dobrze rzondzisz mój kamracie
Kolejka przyszła na Cię .
Od ciupaski do rzemyka
Gorzołeczka szybko znika .

Pyrsk ludkowie , to na zdrowie :).

[broneknotgeld]

Ech - Barborka w szwortek prawie
Czy ktoś widzioł jom na jawie?

[Gość: gorol]

Jawa to jest rzecz ulotna
Ale jak jej zaufosz
i szczerze poprosisz
uratuje Cię od Kotła

[broneknotgeld]

"Barbarsko" historyjo

Dzioło sie to wszysko w czasach Dioklecjana
Kery gnymbioł srogo w Syrii krześcijana
Mynczynnikow wtedy była aż za wiela
Łobrodziyła niymi cołko rzymsko sztela

Dyć dlo rzymianina modo krześcijanka
Przeca kożdo była jako ta "barbarka"
Jak fater był Dioskur - tako dioskurcyjo
To musioł wyznować ichnio religijo

Terozki z tym problym majom teologi
Kaj wsadzić Barborka niy wiedzom niybogi
Tych dziywic mynczonych było aż za wiela
W kożdyj jest ta świynto - jo powiym tu tela

Inksi łomiom gowy a mie to zochwyco
Że we Niyj ukryte jest niyjedno lico
W dodatku wygrała w końcu ta ideja
A jo krześcijanin z radości sie śmieja.

[Gość: gorol]

Zacno ta sw.Barbara w mionie
mojej siostry siedzi
Górniczej braci króluje
to pod tym linkam historia zacytuje
www.mbkp.info/swieci/barbara.html

[broneknotgeld]

Czy przi mnie staniesz?

Czy przi mnie staniesz jak bydzie trzeba?
Strach i ciyrpiynie z Tobom lżyj znosić
Czy moja dusza pódzie do Nieba?
Miyj we łopiece - chca ło to prosić

Godziwy koniec - Tyś mu patronkom
Pamiyntej - przeca byda umiyroł
Pióro we tincie terozki tonkom
Żech na Barborka darmo zaziyroł?

[Gość: gorol]

Dzisiej żech jechoł bez FYwoja Ruda Ślonsko
P św. Barbarze zech ponmyśłoł i mało modlitwa
do nie w to jeji świąto odmówił.
Dobry dzionek mi dała , jest szansa na zdrowie .
Jo nie potrzebuja wielkich rzeczów
małe jest pikne i za to jej Dziękuja :)
a to taki tykst co mi se po drodze trafiol
A i szykowmo dziołszka z cinszkom chorobom , pogodno
jak janioł , co do Gliwiców jechała na zabieg.
Pozielili my sie dobrom energjom i pozybnali
serdecznie choc my sie znali halb sztunde.
Małe to jest pikne.
A na to wszystko św. Barbara patrzała i dawał siła.
Poczytejcie o małych rzeczach , co to i w Ridzoe ślonskiej
i wsządzie na swioece można trefic ,,

TAKI TYCI MAŁY
/ muz. i sł. brat Tadeusz Ruciński /

Jak kogosi fces małego spotkać
Pieknie pytom jest stokrotka
Ale nisko musis schylić głowę
By stokrotki słyseć mowę
Ref.
Ino mały, taki tyci mały
Cłowiek świat pokochać moze cały
Przecie nawet Wielki Bóg
Staśnie małym stać się mógł

A jak głębię fces uwidzieć wielką
Pieknie pytom jest źródełko
Przed źródełkiem tym uklęknąć trzeba
By uwidzieć w nim pół nieba
Ref.
Ino mały, taki tyci mały
Cłowiek świat pokochać moze cały
Przecie nawet Wielki Bóg
Staśnie małym stać się mógł

Jak byś fcioł usłyseć jak tam zdrówko
To ozpatrzuj się za mrówką
A z uwagą w lesie stawioj nogi
Choć roz mrówce ty zyńdź z drogi
Ref.
Ino mały, taki tyci mały
Cłowiek świat pokochać moze cały
Przecie nawet Wielki Bóg
Staśnie małym stać się mógł

A jak cłowiek fce być straśnie wielki
Musi zmaleć do muszelki
I nie marzyć by być wielkoludem
Ba nojmniejsym Bozym cudem
Ref.
Ino mały, taki tyci mały
Cłowiek świat pokochać moze cały
Przecie nawet Wielki Bóg
Staśnie małym stać się mógł

[broneknotgeld]

Św. Barbara

Patronka z bergmonym na tym dole była
Przed wielgim niyszczyńściym czynsto go chroniyła
Czasym jak mu wongel blysnoł mocno w łoczy
Myśloł że jom we nim choć ździybko łoboczy

Doczekoł sie w końcu łon pyndzyji swoji
Dyć teroz ło żywot ciyngiym sie zaś boji
Jak downiyj se rzyko ło trocha tyj mocy
Dlo swojyj Barborki - bo jom mo we zocy.

[Gość: gorol]

Św.Barbaro duchu pomocy
bardzo Cię prosa
z całej mej mocy
Pomuz zachować mi moje ocy.

[broneknotgeld]

Nojstarsze miejsca kultu

Klasztor we Edessie już we wieku czwortym
Mioł w Niyj swo patronka i wiela był worty
Krześcijańske Kopty we starym Kairze
Kościoła łotwarli na łościyrz swe dzwiyrze
Łod siodmego wieku im patronowała
Na wyspie w islamie z nimi tukej trwała

Dyć sławno fest była Barbara we Rzymie
Tu na starym fresku znojdli Jeji imie
I w łoczy wejrzeli tyj fajnistyj frelce
Krziż mo ksionżka z pawiym i myśli coś wielce
Możno nawet ło tym że czas pryndko leci
I chnetko sie Syria Jyj pieczy poleci.

[broneknotgeld]

Ech, te "Wiadomości...".
Kuknoł zech prawie do dzisiejszego numeru, a tam ło
konkursie "cisza".
Hmm, to był łostatni drik coby tom drogom trefić do ludzi kierzy
jeszcze chcieliby we tym konkursie wystompić - toż szkoda.
No dyć jo i tak "robia swoje".
Farorz rudzki parafiji św. Barbary zgodzioł se na to, coby tam
prawie łodbyło sie uroczyste wrynczynie nagrod.
Tela że po kolyndach, kere sie tam kończom 18 stycznia.
Hehe - 19 stycznia, to prawie jo zafajruja skiż "roczka"
nojwiynkszego ślonskego forum we portalu "nasza-klasa.pl"
Ech, te "Wiadomości...".
Kuknoł zech prawie do dzisiejszego numeru, a tam ło
konkursie "cisza".
Hmm, to był łostatni drik coby tom drogom trefić do ludzi kierzy
jeszcze chcieliby we tym konkursie wystompić - toż szkoda.
No dyć jo i tak "robia swoje".
Farorz rudzki parafiji św. Barbary zgodzioł se na to, coby tam
prawie łodbyło sie uroczyste wrynczynie nagrod.
Tela że po kolyndach, kere sie tam kończom 18 stycznia.
Hehe - 19 stycznia, to prawie jo zafajruja skiż "roczka"
nojwiynkszego ślonskego forum we portalu "nasza-klasa.pl"
nasza-klasa.pl/forum/17/977
Toż jakiś nojbliższy, nastympny termin bydzie nojbardzi
prowdopodobny.

Toż jakiś nojbliższy, nastympny termin bydzie nojbardzi
prowdopodobny.

[broneknotgeld]

Pierombol, toch namiyszoł we tym poście - wyboczcie.

Zrobia to terozki bez takich felerow

--

Ech, te "Wiadomości...".
Kuknoł zech prawie do dzisiejszego numeru, a tam ło
konkursie "cisza".
Hmm, to był łostatni drik coby tom drogom trefić do ludzi kierzy
jeszcze chcieliby we tym konkursie wystompić - toż szkoda.
No dyć jo i tak "robia swoje".
Farorz rudzki parafiji św. Barbary zgodzioł se na to, coby tam
prawie łodbyło sie uroczyste wrynczynie nagrod.
Tela że po kolyndach, kere sie tam kończom 18 stycznia.
Hehe - 19 stycznia, to prawie jo zafajruja skiż "roczka"
nojwiynkszego ślonskego forum we portalu "nasza-klasa.pl"
nasza-klasa.pl/forum/17/977
Toż jakiś nojbliższy, nastympny termin bydzie nojbardzi
prowdopodobny.