Świynty Walynty

[broneknotgeld]

Świynty Walynty

Biskupym rzymskim we czecim wieku
Życie utracioł toz wiydz czowieku
Co za cysorza Klaudiusza Gota
Z krześcijanami tako "robota"

Kościoł świyntego mo mynczynnika
Nom zaś do Niego łopszonie rzykać
Bo go Angliki patronym majom
Tych co se richtig pierońsko pszajom

Choć zdo sie co łon w reszcie Europy
Chroni łod gowy ciynżki utropy
Z kerom niyrichtig jest czowiek przeca
No i padaczka tyż z Jego neca.

[broneknotgeld]

Skleji Walynty serduszka dwa
Dyć jak je potym łoderwać trza?

[broneknotgeld]

Co miyndzy nami?
Nic - dyć my sami!
Dlo sia jednościom jako bydymy?
Kedy se richtig tego dowiymy?
Czy nom i pszonio i życio styknie?
Nic miyndzy nami - tako jest piyknie
Że choć żeś blisko jak yno idzie
Zdo sie co jutro wiyncy cie bydzie.

[krzyzak55]

wyglundo mi to na ślunsko gwora przajeszmi--odwiedż relikwie św. WALENTEGO w
chełminskiej farze atrefi cie !!!!

[broneknotgeld]

Relikwiorz 1630

Kedy walynty do Chełmna "prziszoł"?
Ponoc niy wiedzom tu tego
Dyć tyn relikwiorz piyknie im wyszoł
I czczom tu ciyngym Istnego.

[krzyzak55]

gąrące pozdro z chelmna!!!zapraszam do blooga [e-mail] już cię polecam
na forum chełmno przyjaciół nigdy za wiele!!!!dzięki że istniejesz!!!

[broneknotgeld]

Dziynki za zaproszynie.
Jak byda mioł wiyncy fraszek chełmińskich, to i na Forum Chełmno se pokoża.
Terozki na to jeszcze za wczas.

[broneknotgeld]

Chełmno 14.02.2006

Dziyń Zakochanych tu po roz pionty
W kościele farnym mszom sie zaczyno
Potym zabawa - niy jakeś wonty
W tyn dziyń zoglondnij tu chocioż yno.