Barbórka - konkurs poetycki

[broneknotgeld]

No, sośnicko gruba ciyngym fedruje, chocioż terozki to możno yno połowa gruby.
Przeca już połonczyli jom ze "Makoszowami".
"Gliwic" niy byda za wiela wspominoł, bo zarozki aże żol.
No dyć ciyngym miyszko we Gliwicach wiela bergmonow i pyndzyjonistow po tym
fachu. Ło tradycyjo górniczo trza dbać.
Bestoż zaproszom do udziału we barborkowym konkursie poetyckim.
Wiyncy ło tym znojdziecie klikajonc na tyn link
forum.gazeta.pl/forum/72,2.html?f=34281&w=31701581
Wiersze mogom być po polsku abo i we godce.
Muszom sie jednak tyczyć samy świynty, jakiś miejsc kultu abo uroczystości
barborkowych.
Szczyńść Boże

[broneknotgeld]

"Barbarsko" historyjo

Dzioło sie to wszysko w czasach Dioklecjana
Kery gnymbioł srogo w Syrii krześcijana
Mynczynnikow wtedy była aż za wiela
Łobrodziyła niymi cołko rzymsko sztela

Dyć dlo rzymianina modo krześcijanka
Przeca kożdo była jako ta "barbarka"
Jak fater był Dioskur - tako dioskurcyjo
To musioł wyznować ichnio religijo

Terozki z tym problym majom teologi
Kaj wsadzić Barborka niy wiedzom niybogi
Tych dziywic mynczonych było aż za wiela
W kożdyj jest ta świynto - jo powiym tu tela

Inksi łomiom gowy a mie to zochwyco
Że we Niyj ukryte jest niyjedno lico
W dodatku wygrała w końcu ta ideja
A jo krześcijanin z radości sie śmieja.

[broneknotgeld]

"Barbarsko" historyjo

Dzioło sie to wszysko w czasach Dioklecjana
Kery gnymbioł srogo w Syrii krześcijana
Mynczynnikow wtedy była aż za wiela
Łobrodziyła niymi cołko rzymsko sztela

Dyć dlo rzymianina modo krześcijanka
Przeca kożdo była jako ta "barbarka"
Jak fater był Dioskur - tako dioskurcyjo
To musioł wyznować ichnio religijo

Terozki z tym problym majom teologi
Kaj wsadzić Barborka niy wiedzom niybogi
Tych dziywic mynczonych było aż za wiela
W kożdyj jest ta świynto - jo powiym tu tela

Inksi łomiom gowy a mie to zochwyco
Że we Niyj ukryte jest niyjedno lico
W dodatku wygrała w końcu ta ideja
A jo krześcijanin z radości sie śmieja.

[Gość: Bene]

Jakbys tak miol dosc lot i pamiynci,to sie przipomni,wiela bylo wypadkow
smiertelnych na grubie,nojczynsci prawie przed samom Barborkom.Jak myslisz,to
je opiekunka abo ta co zbiyro swoje ofiary?

[broneknotgeld]

Św. Barbara

Patronka z bergmonym na tym dole była
Przed wielgim niyszczyńściym czynsto go chroniyła
Czasym jak mu wongel blysnoł mocno w łoczy
Myśloł że jom we nim choć ździybko łoboczy

Doczekoł sie w końcu łon pyndzyji swoji
Dyć teroz ło żywot ciyngiym sie zaś boji
Jak downiyj se rzyko ło trocha tyj mocy
Dlo swojyj Barborki - bo jom mo we zocy.

[Gość: Pit]

Pozdrawiam Ciebie Bronku. Tak trzymaj.

[broneknotgeld]

A dziynki. Robia swoje i tela.
Tyż pozdrowiom.

[broneknotgeld]

Kult w średniowieczu

Łod śmierci z Bogym patronkom była
Choć pryndki ale ze wiarom
We wiekach średnich Jeji w tym siyła
Bo inkszom żyło sie miarom

Człowiek sie krotko tym swiatym cieszoł
Pryndko go ziymia chowała
A przeca jednak tyż mocno grzeszoł
Jak z Bogym pomarł to chwała

Barborka czciyli w Europie całyj
Ci co wiedzieli że kosa
Tnie rowno - wielki żeś jest czy mały
I niy zoglondo do trzosa

Bergmon co śmierci durś kukoł w łoczy
Rzduchoł kilofym jom czynsto
Mioł ta patronka mocno we zocy
I rzykoł do Niyj durś gynsto

Prziszła na Ślonzek tyż ze gwarkami
Ze Niymiec Czech i stron inkszych
Z średnoiwiecznymi kolonistami
Jyj kult tu nabroł siył wiynkszych.