Wontek papieski

[broneknotgeld]

• Papiyżowi
broneknotgeld 01.04.2005 19:14 + odpowiedz


Winszuja Ci tego co z Ponboczka woli
Co som chcesz terozki - tako tyż winszuja
Śmierć godno Czowieka - Duszy niy zaboli
Z Pyjtrym se dogodosz - to jo Ślonzok czuja

Dyć jak Ci Ponboczek powiy - Fedruj dali
Wiym że pyrol chycisz abo i hercowa
Niy powiy? -Świat tyż sie przeca niy łobali
Bo Ty nad niym z Nieba ciyngym bydziesz czuwać.

[broneknotgeld]

"Niy czyń drugymu co ci niymiłe" - broneknotgeld 02.04.2005 09:41
Zaś po swojymu se łodwożyłem
Z bolym papiyża te sztele łonczyć
Bo przeca godnie łon som chce kończyć.

[broneknotgeld]

broneknotgeld 02.04.2005 13:16

Po Wielkanocy

Toż jeszcze Krystus po ziymi chodzi
Bog-czowiek już zmartwychwstały
Sie krześcijanin ze tym pogodzi
Że wlezie w Niebo wnet cały

Latoś zabiere z Polski papiyża?
Tako we woli jest Boga?
Ujmie mu ciyngym ludzkego krziża?
Za to porzykać dyć moga.

[broneknotgeld]

broneknotgeld 02.04.2005 21:10

Papiyżowi

Kedy se Twoja Golgota skończy
Ponboczek Cie już zawoło
Możno i Polska w "światłość" sie włonczy
Toż pogodniejsze mom czoło

Duch Twoj durś przeca z nami łostanie
By ciyngym w utropie wspiyrać
Czy usłyszymy jego wołanie?
Czy nań bydymy spoziyrać?

[broneknotgeld]

broneknotgeld 02.04.2005 22:59

Już żeś z Łojcym Bogym
Łotwar Pyjter wrota
Dobrze mosz za progym
Bo wiodła Cie cnota

Pasoł żeś baranki
Tako jako umioł
Dnie noce poranki
Zdo sie - świat zrozumioł.

[broneknotgeld]

broneknotgeld 03.04.2005 11:15 + odpowiedz

Wiycie to - pomarł poeta
Toż rymym ślintać se godzi
Łostatni jo wierszokleta
Dyć dusza durś płaczka rodzi

I gańbić se tym niy byda
Ni tropić zaś nożyczkami
Chca - bestoż tukej z niom ida
Wybeczeć tymi rymami

Mie niy trza kiru żałoby
Chorongwi tysiyncy mszy
Bele to szkryfnońć tu szło by
Papiyż z Ponboczkym - Łon wiy

Coby se tropić - niy pedzioł
Spokojnie poszoł do Boga
Dyć wiyncy łod nos już wiedzioł
Za to dać gowa tyż moga

Rym niychej świyczkom jest życia
Ło kerym szkryfloł do końca
Choć niyporadnie go klyca
Zdo mi sie - ździybko w niym słońca.

[broneknotgeld]

broneknotgeld 03.04.2005 16:17

Boże Miłosierny
Skończoł żeś Mu mynka
Nojpiyrszy z nos wierny
Już we Twojich rynkach

Bestoż - Alleluja!
Rymym Cie pochwola
W żolu radość czuja
Niych jest wola Twoja.

[broneknotgeld]

Bioły Łojcze Tyś blaskym naszym już na zowdy
Jedynym co sie zdowo tom świata
opokom
SŁOWYM kere zoftym jest ty ludzki prowdy
Dziynki za to coś doł wszyskim nom borokom.

[broneknotgeld]

Jak żył tak łodloz - zowdy ze Bogym
Uwidzioł spokoj kery za progym

Nawet przi końcu wskozoł
nom droga
Czy jo maluczki tyż tako moga???

[broneknotgeld]

Wielki tym pszoniym co mioł dlo ludzi
Niych sie nom w serca na zowdy wkludzi
Błogosławiony zdo sie kożdymu
Zabraknie kunsztu zabraknie rymu
A możno palec na ty klawiyrze
Zdo sie - łotworzoł jakesik dźwiyrze
Bliży terozki do ludzki duszy?
Z Niym idź pod rynka - niych cie to wzruszy
Łon siył dołoży na życie twoje
Wspiyrać tyż bydzie zowdy kaj zło jest.

[broneknotgeld]

Wielki tym pszoniym co mioł dlo ludzi
Niych teroz łone se w nos łobudzi
Zdo sie - śmierć wtedy by zaś przegrała
A duch zawołoł - Żywym na chwała!

[broneknotgeld]

Niych sie nom w serca na zowdy wkludzi
Nawet w tych srogich pszonie łobudzi
Bo Miłosierdzio wielkego czeba
Tukej - na ziymi - niym siyngnie Nieba.

[broneknotgeld]

Błogosławiony zdo sie kożdymu
Co choć roz łoczy zwrocioł ku Niymu
W jedności z Bogym cołkym terozki
Dyć czy to powod do naszy troski?

[broneknotgeld]

Zabraknie kunsztu zabraknie rymu
Bych hołd prowdziwy mog łoddać jymu
Toż możno richtig wystyknie - cisza
Czy jo maluczki w niyj coś usłysza?

[broneknotgeld]

A możno palec na ty klawiyrze
Na darmo kliko malutke krziże
Możno to wszysko naskwol jest yno
Toż być niy może - wiydz ło tym ziymio.

[broneknotgeld]

Zdo sie - łotworzoł jakesik dźwiyrza
Kere zawarte wpiyrw richtig były
I ktosik pedzioł - Zaroz sie zbliża
-Dlo Cia mi jeszcze wystyknie siyły.

[broneknotgeld]

Bliży terozki do ludzki duszy?
Lekci z Niym w droga tako nom ruszyć
Toż drogowskazym jego jest życie
I śmierć tyż jakby - to dobrze wiycie.

[broneknotgeld]

Z niym idź pod rynka - niych cie to wzruszy
Ślintać niy gańba - inksi tak samo
Włażom głymboko do swoji duszy
Kaj słyszom - łojcze, no i tyż - mamo.

[broneknotgeld]

Bioły Marsz Wdziynczności - broneknotgeld 05.04.2005 22:02
Zdo sie - Polska wiedzie
Z żolu do radości
A Lolek na przedzie

[broneknotgeld]

Bioły Marsz Wdziynczności
We szwortek w Krakowie
Wspominki przi tymu
Smutne choć majowe
Bo piyrszy był przeca
Skiż troski ło życie
Zaroz po zamachu
Dobrze ło tym wiycie.

[broneknotgeld]

Zdo sie - Polska wiedzie
Durś Jan Paweł II
Ciyngym Łon na przedzie
Choć czas minoł dugi
Chocioż już Go niy ma
Ze nami żywymi
Dyć dycho Niym ziymia
Dzisioj ło tym wiymy.

[broneknotgeld]

Z żolu do radości
Droga niydaleko
Jednak bez miłości
Utropa durś czeko

W pszoniu se zatracić
Szczyńściym jest czowieka
Ducha ubogacić
Na tref zły niy czekać.

[broneknotgeld]

A Lolek na przedzie
-Wspominki młodości
Życie tam go wiedzie
Kaj ludzie tyż prości

W nich prowda - to zdo sie
Jest cołkego świata
Myśli take mo sie
Jak durś lecom lata.

[broneknotgeld]

Chnetko dynkmal stanie
Przi "Piekarski Pani"
Toż Twoje łoddanie
Położołeś se na Ni.

[broneknotgeld]

Chnetko dynkmal stanie
Wele bazyliki
W niym nasze wołanie
Ło Ponboczka bliki.

[broneknotgeld]

Przi "Piekarski Pani"
Ślonsk Cie dobrze słyszoł
Muchowiec pamiynto
Żeś do nos tu wyszoł

Nic że w tyn dziyń richtig
Pieronym fest loło
Kaj Tyś - przeca zowdy
Było tyż wesoło.

[broneknotgeld]

Toż Twoje łoddanie
Zdo sie inkszy miary
Coby to poskopić
Trza tyż w duszy wiary

[broneknotgeld]

Położołś se na Ni
Dusza czysto swoja
Łona dlo Cia Pani
-Niych bydzie tyż moja.

[broneknotgeld]

Wszyske drogi do Rzymu prowadzom 06.04.2005
W pont sie cołko Europa wybiyro
Czy bez Ciebie se jakoś poradzom?
Toż dowiymy se ło tym dopiyro.
-
forum.gazeta.pl/forum/71,1.html?f=28940

[broneknotgeld]

Wszyske drogi do Rzymu prowadzom
W pont sie cołko Europa wybiyro
Czy bez Ciebie se jakoś poradzom?
Toż czas nom to pokoże dopiyro.

[broneknotgeld]

Wszyske drogi do Rzymu prowadzom
Dyć Cie kożdy pożegnać chce godnie
Nawet w Sejmie sie ponoć niy wadzom
Możno kedyś tyż bydzie tam zgodnie.

[broneknotgeld]

W pont sie cołko Europa wybiyro
Choć już przeca jom niy błogosławisz
Smutno kożdy coś dzisioj spoziyro
Czy ze Nieba tyn świat nom naprawisz?

[broneknotgeld]

Czy bez Ciebie se jakoś poradzom?
Ze złym kere codziynne zno życie
Świyczka Bogu - dyć djobłu tyż kadzom
Niy łod dzisioj pewnikym to wiycie.

[broneknotgeld]

Toż dowiymy se ło tym dopiyro
Co wygrane? Bych woloł jo - dobro
Zło niyherske dyć ciyngym wyziyro
Zdo sie jadym co służy tym kobrom.

[broneknotgeld]

Testamynt łostawioł - 07.04.2005 07:54
Na droga nom ludziom
Co Ponboczka sławiom
I tym co sie budzom.

[broneknotgeld]

Testamynt łostawioł
Jeszczech go niy czytoł
Dyć życiym swym sprawioł
Że czowiek niy pyto

Stron w niym jest piytności
Bydzie drogowskazym?
A "Ducha niy troćcie"
Styknie i tym razym

[broneknotgeld]

Na droga nom ludziom
Łostało sumiynie
Kere Łon pobudzioł
-Nasze przeznoczynie

[broneknotgeld]

Co Ponboczka sławiom
Dzisioj som szczyńśliwi
Za Jego to sprawom
I nikt se niy dziwi

Bo żol radość rodzi
Toż niy trza durś boć
Płakać se nom godzi
I przez płaczki śmioć

W śmiychu promyk jego
www.joemonster.org/article.php?sid=4564
Blyśnie - widać klara
Tyż żegno Istnego
Co leży na marach

[broneknotgeld]

I tym co sie budzom
Dzwon głos czysty dowo
Inksze tony judzom
Ciszy - mi sie zdowo

Oby tak łostało
Tref droga niych prości
Szczyńścio ciyngym mało
Trza wiyncy miłości

W pamiyńci durś pszonie
Wojtyły naszego
Stond we raji stonie
-Trza iść drogom Jego

[broneknotgeld]

"A przecież nie cały umarłem,
to co we mnie niezniszczalne trwa!"

Jan Paweł II

[broneknotgeld]

"A przeca niy cołki umiyrom"
Waszego nic niy zabiyrom
Żech łod sia tyż wiela łostawioł
Śmierć - żol tym jakowyś Wom sprawioł
Dyć rodzi sie z tego nadzieja
Jo blikom z wysoka i śmieja.

[broneknotgeld]

"Co wieczne jest wy mie to trwo"
Bo było jest no i bydzie
Te pszonie co świat cołki zno.

[broneknotgeld]

Ty kery żeś tuloł do serca narody - 07.04.2005 21:34
Przigarnij tyż do sia ze Polski Ślonzoka
Toż tchnij w kraj tyn jakby teroz ducha zgody
By "wiynkszy" niy gnymbioł z "myńszości" boroka.

[broneknotgeld]

Ty kery żeś tuloł do serca narody
Wiedziołś jakim skarbym jest tolerancyjo
Toż w niyj głymbio życia a niy jakeś mody
Poskopić to ciynżko? -Możno stond mecyjo?

[broneknotgeld]

Przigarnij tyż do sia ze Polski Ślonzoka
Jako żeś już przeca niyroz piyrwyj czynioł
Teroz widzisz wszysko - wspiyrej w tym boroka
By ciyngym był sobom choć na lepsze miynioł.

[broneknotgeld]

Toż tchnij w kraj tyn jakby teroz ducha zgody
Z kerym se buduje zowdy to co piykne
Niych kożdy coś zrobi - czy stary czy mody
A szczyńścio na dugo nom przi tymu styknie.

[broneknotgeld]

By "wiynkszy" niy gnymbioł z "myńszości" boroka
Ło to przecaś czynsto na klynczkach tyż rzykoł
Toż miyj we opiece i tego Ślonzoka
By z nadziejom w prziszłość lepszo ciyngym blikoł.

[broneknotgeld]

Leć godko ślonsko - 07.04.2005 21:47
Leć nad brzimami
Ślonzoki - wiymy
My niy som sami.

[broneknotgeld]

Leć godko ślonsko
Do Watykanu
Kaj teroz zdo sie
Czas jakby stanoł

Pokłon dej słowym
Tam czowiekowi
Niychej duch Jego
Sie ło tym dowiy

Żeś Go chwolyła
Tyż na tym stolcu
I ło Niym prawisz
Jakby ło łojcu.

[broneknotgeld]

Leć nad brzimami
Wypatruj cudu
Bydom z iglami
Nowego ludu
Kery nom możno
W duszach powstanie
Ideja wożno
Dej to nom Panie

Dyć cudu tako
Zdo sie poczontek
Niych niyjednako
Leci tyn wontek
Niychej brzim w zimie
Zielony bydzie
Mroz tako szczimie
Wspiyrej w ty biydzie.

[broneknotgeld]

[broneknotgeld]

My niy som sami
Na naszy ziymi
Przodki ze nami
To przeca wiymy

Dusze dziwujom
Se nom ze Nieba
Łone tyż czujom
Czego nom czeba

Wspirać nos bydom
Przeca u Boga
Z pociechom przidom
Na ciynżko droga.

[broneknotgeld]

Łostatni dziyń ślintom - 08.04.2005 18:22
Płaczki lejom łoczy
Już koniec - pamiyntom
Tyś dołożoł mocy.

[broneknotgeld]

Łostatni dziyń ślintom
Kończy sie żałoba
Jakby ludzkom "piyntom"
Złożonom u groba

Ciebie to niy ruszy
Boś ze swojim Panym
Żywych jyno wzruszy
Nom zagoji rany

Dość ceremoniji
Blichtru tego świata
Toż żeś w harmoniji
Wzioł Cie do sia Tata

Z Niym Ci dobrze przeca
Cieszy Twoja chwała
Już we radość leca
Inksi tyż bezmała.

[broneknotgeld]

Płaczki lejom łoczy
Przi pogrzebie Twojym
Łostawiołś we nocy
Świat jakby sie boji

Że ciynży poleci
To wszysko bez Ciebie
My na ziymi dzieci
A Łojciec we Niebie

Niych czasym prziświyci
Znak do lepszy drogi
Żar we duszy wzniyci
Wlejzie w jeji progi

Po to my ślintomy
Skiż utropy żywych
Dyć nadzieja momy
-Wspiyrej niyszczyńśliwych.

[broneknotgeld]

Już koniec - pamiyntom
-Łostanie na zowdy
Siyła w tym co "piyntom"
Poskopiołch Twe prowdy

Wielko moc w ciyrpiyniu
Choć ciynżko je szczimać
Mom to na sumiyniu
-Dusza niy śmi drzymać.

[broneknotgeld]

Tyś dołożoł mocy
Wszyskim nom pospołu
Blask skrocioł czas nocy
Już my som u stołu

Kery zastawiony
Twojom rynkom przeca
Jodła dość tu momy
Z nojlepszego "neca".

[poezja.agnieszki]

Ojcze Święty

Otwierałeś ramiona
do całego świata.
I całowałeś każdą Ziemię,
znaczoną śladami różnych stóp,
czarnych, białych,bosych...

Otwierałeś granice
i ludzkie serca,
bo serce miałeś Wielkie,
choć tak mocno zranione...

Ty miłością leczyłeś.
I zawsze służyłeś...
"Nie lękajcie się"-
wołałeś głosem pełnym pokory-

Bóg jest dla wszystkich
miłosierdzia pełny...
Tylko mu zawierzcie...
I wciąż dawałeś świadectwo siebie...

Głaskałeś główki małe
i twarze zorane cierpieniem...
Tuliłeś starych i młodych.
Patrzyłeś zawsze Człowiekiem...

Pochylałeś się nad każdym,
nawet gdy krzyż Cię przygniatał.
Uczyłeś przekraczać "granice nadziei"
i wybaczać drugiemu...

Boże Miłosierny!...
Pochyl się nad Synem swoim,
co umiłował Ciebie i ludzi...
I obdarz Go swoją Miłością.

Taką, jaką On obdarzał...

Autor: Agnieszka Chrobot

forum.gazeta.pl/forum/71,1.html?f=26289

Testament miłości

[poezja.agnieszki]

Testament miłości

Pozostawiają różne testamenty.
Spadki swojej własności...
Ty Ojcze Święty też pozostawiłeś...
Ale testament miłości...

Niczego nigdy na własność nie chciałes...
O przebaczenie prosiłeś...
O miłość na świecie wołałeś
I pokój zasiewałeś...

Pokora Twoja wzrusza każdego,
kto chociaż trochę czuje...
Do chwil ostatnich wciąż zadziwiałeś...
Nawet do wieczności odchodziłeś skromnie

Sam naznaczony cierpieniem
Ukazywałeś sens jego
I znosiłes je do końca...
Dla Miłosierdzia Bożego.

Wielki Ojcze narodu całego!...
Ty dobroć w sobie miałes...
Pozostawiłeś, co najcenniejsze...
Samego siebie oddałeś...

A teraz stoisz wysoko w górze
I patrzysz na nas z miłością...
Błogosław nas, prosimy w pokorze
Klekamy przed Tobą z czułością...

Autor: Agnieszka Chrobot


forum.gazeta.pl/forum/71,1.html?f=26289

Nasz Ojcze najdroższy

[poezja.agnieszki]

Nasz Ojcze najdroższy

Chociaż Cię nie ma, to jesteś…
I żadne jutro Cię nie przekreśli.
Bo pozostałeś wśród nas…
I pozostaniesz na zawsze…

Ty świat uczłowieczyłeś…
Mądrością swoją wyprzedzałeś czasy…
To właśnie sobą udowodniłeś
Jak spojrzeć na cierpienia nasze…

Rzeczy nazywałeś po imieniu.
Nikogo nie odtrąciłeś…
Przygarniałeś zniedołężniałych
I byłeś taki zwyczajny…

Pozostawiłeś najcenniejszy spadek,
co nie ma żadnego miernika…
Byłeś zawsze blisko człowieka…
I nigdy nie zawiodłeś…

Ty śmierć własną oswoiłeś…
I drugiemu dawałeś nadzieję…
Cierpiałeś jak Chrystus na krzyżu…
Ból swój znosiłeś po ludzku

Obyśmy nigdy nie zaprzepaścili
Twojej cennej spuścizny…
Nie pozwolili stępić duszy…
I otwarci byli na Twoje myśli…

Autorka:
Agnieszka Chrobot; 2005.04.06


forum.gazeta.pl/forum/71,1.html?f=26289

[broneknotgeld]

Piykne Ci Agnieszko dziynki
Czimej filer blisko rynki.

[broneknotgeld]

Jo sie po swojymu
Ślonski rym tu sypia
Zowdy po pogrzebie
Przeca momy stypa

Trza dzwignońć kielichy
Z toastym godziwym
Niychej zmyje grzychy
Do czas urodziwy

Zezwolcie bych piyrszy
Rozloł tu czi ćwierci
W tyn wontek nojwyrszy
Co prawi ło śmierci

Dyć po to kostycha
By było tyż życie
Ciyngym ta otucha
Dobrze ło tym wiycie.

[broneknotgeld]

Spokoj Twoji Duszy
Karolu Wojtyło
Niych jom nic niy ruszy
Co złe to minyło.

[broneknotgeld]

www.marhan.pl/Aforyzm158pp.html

[broneknotgeld]

Dobro niych sie z dobrym zlywo - 09.04.2005 21:04
A Jan Paweł na to dziwo
Bydzie całość z sztyrech ćwierci
Coby wygroł Łon po śmierci.

[broneknotgeld]

Dobro niych sie z dobrym zlywo
Wtedy mniyj zaszkodzi zło
Dyć i dzisioj tako bywo
Djoboł ciyngym siyła mo

Durś łogonym kajś zamiato
Zowdy wielgi robi szum
Janie Pawle - co Ty na to?
Wspiyrej - rada se z niym dom

[broneknotgeld]

A Jan Paweł na to dziwo
Co terozki dzieje sie
Z Nieba bliko i nom kiwo
Zdo sie - wspiyrać tako chce

Toż my ło tym dobrze wiymy
Że mosz w zocy polski kraj
Za to tyż Ci dziynkujymy
Choć to wcale niy jest raj.

[broneknotgeld]

Bydzie całość z sztyrech ćwierci
Jak ze sztyrech świata stron
Pokożymy co se werci
Yno Ty niy godej - won

Łojcze Świynty rynka podej
Jak jo dowom ślonsko graba
Toż i dzisioj do mie godej
Że kto Ślonzok tyn niy żaba.

[broneknotgeld]

Coby wygroł łon po śmierci
Tyż na świecie łostołch jo
Se niy zlynkna jakiś perci
Dyć upor Ślonzoka zno.

Tragedia 11.IX

[luna-a]

Od tragedii cztery lata minęły...
Czy sumieniem Świata wstrząsnęły?!

[broneknotgeld]

W pamiyńci łostanom
forum.gazeta.pl/forum/72,2.html?f=261&w=15676047&v=2&s=0
Dyć już niy powstanom.

[broneknotgeld]

Janie Pawle toż patronuj - 10.04.2005 20:49
Wszyskim sztyrym ćwiartkom
Jednym yno dopomogej
By leciały wartko
W drugich natchnij tych co mogom
Włonczyć se w to wszysko
Przeca Tyś jest naszom drogom
Kaj Ponboczek miyszko.

[broneknotgeld]

Janie Pawle toż patronuj
Nom terozki z Nieba
Choć my se łostali w domu
Łopieki Twyj czeba

Na czas kery niy za leki
Wszyscy ło tym wiymy
Durś fest lejom "polske ścieki"
Z Tobom to szczimiymy

Ciyngymś naszom "łoczyszczalniom"
Bez niyj se strujymy
Cudym klaru z wodom kalnom
-Cie poczebujymy.

[broneknotgeld]

By leciały wartko
Nom szczyńśliwe lata
Tyś codziynnom kartkom
Kaj szkryfnymy - PAPA.

[broneknotgeld]

Włonczyć se w to wszysko
Co w sercach ruszone
Skiż Ciebie tam miyszko
Niy - to niy jest koniec


We śmierci poczontek
Zdo sie lepszy blysko
-Wcale niy wyjontek
Nadzieja żech zyskoł.

[broneknotgeld]

Przeca Tyś jest naszom drogom
Kerom już pódymy
Być zmynczone gyry mogom
Dyć tela szczimiymy.

[broneknotgeld]

Kaj Ponboczek miyszko
Znojdymy tyż Ciebie
Już żeś chwała zyskoł
Co blyszczy we Niebie.

[broneknotgeld]

"Ducha nie traćcie" - w sercach radość miyjcie - 11.04.2005 16:53
-Pamiyńci papiyża tako zadość czyńcie .

[broneknotgeld]

"Ducha nie traćcie" - w sercach radość miyjcie
Ło tym przeca prawioł cołki pontyfikat
Jako łon terozki i wy piyknie żyjcie
Bele niy zechciało se wom zaś pobrykać.

[broneknotgeld]

Pamiyńci papiyża tako zadość czyńcie
Jak idzie nojlepi - toż naszo w tym droga
I niyherske serca czynsto w lepsze miyńcie
Niychej wspiyro Łojciec - przeca szkryfnońć moga.

[broneknotgeld]

Niy szukej lepszego - 11.04.2005 20:36
Patrona na życie
Z papiyża naszego
Nojzocniejszy - wiycie.

[broneknotgeld]

Niy szukej lepszego
Już miyndzy żywymi
Brakło nom Istnego
Wszyscy ło tym wiymy.

[broneknotgeld]

Patrona na życie
W papiyżu durś momy
Tako lepsze "bycie"
Z Niym rada se domy.

[broneknotgeld]

Z papiyża naszego
Łostało nom wiela
Skarb zdo sie ze tego
-Czy poskopi sztela?

[broneknotgeld]

Nojzocniejszy - wiycie
Był to czowiek przecie
Dyć skończoł już życie
Richtig nos to gniecie.

[broneknotgeld]

W gorki wodzie my kompane
Choć znaki świyntości dane
Trza sie nom poleku cieszyć
Drapko idzie yno zgrzeszyć.

[broneknotgeld]

W gorki wodzie my kompane
To tyż polsko cecha zdo sie
Bydzie co łod Boga dane
Drapko "ćimpla w gorści mo sie"

Dyć Ponboczek "niyrychliwy"
Ło tym przeca wszyscy wiymy
Styknie to że że "sprawiedliwy"
Z wiarom w sercach wyczimiymy.

[broneknotgeld]

Choć znaki świyntości dane
Choć nojlepszym był ze ludzi
Piykne bydzie tyż czekanie
W czasie w kerym świat se budzi.

[broneknotgeld]

Trza sie nom poleku cieszyć
Tym co łon łostawioł tukej
Drapko coś na rymby przeszyć
Bestoż tyż rozumu szukej.

[broneknotgeld]

Drapko idzie yno zgrzyszyć
Przeca wiymy "co po djoble"
Choć moj post tu może śmiyszyć
Świyntym musi być łon nogle?

[broneknotgeld]

Liczba ciekawo - czinośćie - 13.04.2005 22:44
Ło miłosierdzie dyć proście.

[broneknotgeld]

Liczba ciekawo - czinoście
Fatima do gowy wroźcie
Dyć i papiyża tyż rany
Cudym z nich łodratowany.

[broneknotgeld]

Ło miłosierdzie dyć proście
A dane zdo sie wom bydzie
Wiara we sercu pokożcie
Z niom szczyńście do ludzi przidzie.

[broneknotgeld]

Pomniki po śmierci - 14.04.2005 19:33
Bydymy rychtować
Czy richtig se werci
Znak dlo sia tym dować?

[broneknotgeld]

Pomniki po śmierci
-muster to łaciński
Przed śmierciom - toż zdo sie
bardzi bizantyński

Papiyż som to wiedzioł
-krziwioł se za życia
Jak ktoś wyrychlony
chcioł pokłonow bicia.

[broneknotgeld]

Bydymy rychtować
terozki dynkmale
Dyć jo se niy tropia
tym wcale a wcale

Kożdy geld swoj przeca
jak chce wydać może
Bele do cudzego
niy siyngać z tym - Boże.

[broneknotgeld]

Czy richtig se werci
w pamiyńć wciepać grosz?
Tyż po Jego śmierci
cosik na to dosz?

Yno z tym do kapsy
niy siyngejmy inkszych
Wtedy wszysko "na psy"
I grzych jakby wiynkszy.

[broneknotgeld]

Znak dlo sia tym dować?
Europie i Bogu?
Czy Ślonzok chce stować?
-Już przeca u progu

Bestoż mi tabula
durś po gowie łazi
Ponboczka niy fulać
Papiyża niy razić

Dyć szkryfnońć we godce
Na czowieka chwała
Co Niebu se zbliżoł
Choć ziymia wołała

Wykuć to po ślonsku
Tako wielbić Pana
Na tabuli konsku
-se myśla łod rana.

[broneknotgeld]

Zdowo sie dynkmal wom jakimś dziwym? - 15.04.2005 07:56
Przeca łon służyć mo nom - durś żywym
Po niym mo widać - my uwielbiomy
Choć na sumiyniu niyjedno momy.

[broneknotgeld]

Zdowo sie dynkmal wom jakimś dziwym?
Przeca łon służyć mo nom - durś żywym
Po niym mo widać - my uwielbiomy
Choć na sumiyniu niyjedno momy

Zdo sie łon jakby teroz przesłaniym
W prziszłość - choć możno fest łocygani
-Co tyn Jan Paweł był naszom drogom
Czy w to uwierzom? -Myślymy - mogom

Dyć prowda przeca durś bywo inkszo
Niy "znak pokoju" wybiyro wiynkszość
Niy wszyskim za tym sie richtig ckni
Ło tym my wiymy i Bog tyż wiy.

[broneknotgeld]

Przeca łon służyć mo nom - durś żywym
Skiż tego ktosik pewno szczyńśliwy
Że choć we skiżu abo kamiyniu
Ukryje drzizga co na sumiyniu.

[broneknotgeld]

Po niym mo widać - my uwielbiomy
Choć ćmok tyż czynsto we sercach momy
Nic to - niych blyszczy jasno dlo inkszych
Możno przi tymu jo byda wiynkszy.

[broneknotgeld]

Choć na sumiyniu niyjedno momy
Przeca na dynkmal grosz jakiś domy
Nojwiyncy wtedy jak łon społeczny
W tym władzy naszy kerunek "wieczny".

[broneknotgeld]

Zdowo sie dynkmal wom jakimś dziwym? - 15.04.2005 07:56
Przeca łon służyć mo nom - durś żywym
Po niym mo widać - my uwielbiomy
Choć na sumiyniu niyjedno momy.

forum.gazeta.pl/forum/71,1.html?f=28940

[broneknotgeld]

Zdowo sie dynkmal wom jakimś dziwym?
Przeca łon służyć mo nom - durś żywym
Po niym mo widać - my uwielbiomy
Choć na sumiyniu niyjedno momy

Zdo sie łon jakby teroz przesłaniym
W prziszłość - choć możno fest łocygani
-Co tyn Jan Paweł był naszom drogom
Czy w to uwierzom? -Myślymy - mogom

Dyć prowda przeca durś bywo inkszo
Niy "znak pokoju" wybiyro wiynkszość
Niy wszyskim za tym sie richtig ckni
Ło tym my wiymy i Bog tyż wiy.

[broneknotgeld]

Przeca łon służyć mo nom - durś żywym
Skiż tego ktosik pewno szczyńśliwy
Że choć we skiżu abo kamiyniu
Ukryje drzizga co na sumiyniu.

[broneknotgeld]

Po niym mo widać - my uwielbiomy
Choć ćmok tyż czynsto we sercach momy
Nic to - niych blyszczy jasno dlo inkszych
Możno przi tymu jo byda wiynkszy.

[broneknotgeld]

Choć na sumiyniu niyjedno momy
Przeca na dynkmal grosz jakiś domy
Nojwiyncy wtedy jak łon społeczny
W tym władzy naszy kerunek "wieczny".

[broneknotgeld]

Pomnik papiyża we Katowicach - 16.04.2005 22:21
Jednym ideja ta krasi lica
A inksi yno gowom kiwajom
-Możno za wiela piniyndzy majom?

forum.gazeta.pl/forum/71,1.html?f=28940

[broneknotgeld]

Pomnik papiyża we Katowicach
Piyrwyj już stować dyć chcieli
Niy sztimowało jednak za życia
Ło tym tu dobrze wiedzieli.

[broneknotgeld]

Jednym ideja ta krasi lica
By dynkmal drapko postawić
Inksi zaś dropiom swoja palica
Czy werci se tako "bawić"?

[broneknotgeld]

A inksi yno gowom kiwajom
-Styknie Ponboczek we duszy
W niyj Jana Pawła tyż przeca majom
W życie lżyj tako im ruszyć.

[broneknotgeld]

-Możno za wiela piniyndzy majom?
Chcom łaska w Niebie kupować?
Piyknie jak własny geld w to wkłodajom
Cudzy? -Łoj trza go szanować.

[broneknotgeld]

"Wolność" ze Janym Pawłym "przegrała"? - 17.04.2005 15:48
Koszt tego bydzie "błogosławiony"?
Cieszom se rajce teroz bezmała
Prezydynt "wyży" tyż postawiony.

[broneknotgeld]

"Wolność ze Janym Pawłym "przegrała"?
Za to noleży sie rajcom chwała?
Coś mie terozki po gowie szkrobie
-Czy papiyż już se przewroco w grobie?

[broneknotgeld]

Koszt tego bydzie "błogosławiony"?
Zdo sie nom papiyż niym ucieszony?
Dyć rudzki władzy już take "piynty"
Tyż dubeltowe - jak "zrobiom" świyntym.

[broneknotgeld]

Cieszom se rajce teroz bezmała
Tako tu świyntość papiyża widać
Czy Ruda cołko tyż tego chciała?
Świadectwo na to tu mogli by dać.

[broneknotgeld]

Prezydynt "wyży" tyż postawiony
Magistrat przeca przi placu stoji
Czy to duch świynty keruje łonym?
Czy końca drogi swoji sie boji?

[broneknotgeld]

"Con clave" znaczy przeca "pod kluczym" - 18.04.2005 18:50
Niychej Duch Świynty przi kardynałach
Pokory taki welunek uczy
Zdo sie Kościołu to tyż na chwała.

[broneknotgeld]

"Con clave" znaczy przeca "pod kluczym"
Do skutku majom tam durś welować
Dadzom se rada - historio uczy
Choć czynsto "głosy" we piec trza dować.

[broneknotgeld]

Niychej Duch Świynty przi kardynałach
Wybrać papiyża zezwoli tego
Co choć niy bydzie twardy jak skała
Powiydzie wszyskich w strona lepszego.

[broneknotgeld]

Pokory taki welunek uczy
Możno nikery przi tymu buczy
Dyć kogo łod sia by niy wybrali
Przidzie mu ciongnońć to wszysko dali.

[broneknotgeld]

Zdo sie Kościołu to tyż na chwała
Duch Jana Pawła II z nami
W Dom św. Marty se wloz bezmała
By być durś miyndzy kardynałami.

[broneknotgeld]

No toż nowego momy papiyża - 19.04.2005 18:21
Drapko - mi zdo sie- chycioł se krziża.

[broneknotgeld]

No toż nowego momy papiyża
"Habemus papam" - Kościoła dźwiyrza
Zdo sie przi tymu juzaś łotwarte
Duch Świynty znak doł - wiela to warte.

[broneknotgeld]

Drapko - mi zdo sie - chycioł se krziża
Kwery po Janie Pawle trza czimać
By wiernych tako do Nieba zbliżać
A czas ciekawy - niy idzie drzymać.