broneknotgeld 27.04.05, 18:24 Cabo de Roca Cabo de Roca - Europy koniec Dali som fale i yno łone Dyć jak żeś jednak juz tukej jest Se Portugaliom naciesz tyż fest. Odpowiedz Link Obserwuj wątek Podgląd Opublikuj
broneknotgeld Re: Ło Portugalii 27.04.05, 18:25 Chcesz zachod słońca podziwiać piyknie Toż Portugalio do tego styknie. Odpowiedz Link
broneknotgeld Re: Ło Portugalii 27.04.05, 18:26 Fado Portugalczyk zowdy fado mo we zocy Dyć sie niyjednymu przi niyj pocom łoczy Jak jeszcze popijesz we knajpie pocztowy Nastroj ty muzyki som włazi do gowy. Odpowiedz Link
broneknotgeld Lizbona 27.04.05, 18:27 Lizbona Tam kaj Tag se kończy Lizbona zaczyno To mi cos przi Wiśle jakby przipomino. Odpowiedz Link
broneknotgeld Re: Lizbona 30.04.05, 21:50 Mało Portugalio Mało Portugalio kolonije miała Dyc downo minyła już ta jeji chwała Odpowiedz Link
broneknotgeld Re: Lizbona 30.04.05, 21:51 Miasto Odysa? Miasto Odysa - legynda prawi Toż se nikerym Lizbona jawi Rowno ty Romie łod Eneasza Wierzyć - niy wierzyć? -Utropa wasza. Lizbona Odyseusz se błonkoł dość dugo po morzach Toż ta historyjo szkryfnońć se łodwoża Bo tu przeca piyrwyj ktosik ło tym prawioł Co władca Itaki w tych stronach zabawioł Wele ujścio Tagu siedym gorek stoło Wandrusom na wodzie niy było wesoło Toż nikerzy tukej se już łosiedlyli Tako nom Lizbona zdo sie założyli. Siedym lizbońskich wzgorz Siedym wzgorz zrachować - jako by to było? Świyntych Wincentego Andrzeja i Rocha Jorga Katarzyny tyż se dołożyło Chagas i Santana - niy brakuje trocha. Odpowiedz Link
broneknotgeld Re: Lizbona 30.04.05, 21:59 Zamek św. Jorga Maury tukej go stowiali Choć tako niy mianowali Katoliki se zdobyli -Wiela ło tym dyć prawiyli. Brama Marcina Moniza Wszyscy znajom brama z popiersiym Moniza Śmierć w niyj przeca znoloz -wojowoł dlo "krziża". 1147 Maury łoblynżone w zamku se czimali Jeszcze na "wycieczki" groźne wybiyrali Roz łoni wrocali a Moniz przi wrotach Choć go posiekali mści se ich gupota Bo z zawarciym bramy ździybko se spoźniyli I już katoliki dran ze niymi byli. Odpowiedz Link
broneknotgeld Re: Lizbona 03.05.05, 08:42 Zamek św. Jorga We szesnostym wieku prziszło take miano Z Anglijom przimierze Portugalji dano Krol Manuel I - w to mogecie wierzyć Pedzioł -"Niych patronym bydzie świynty Jerzy". Zamkowe harmaty Harmatom na zamku idzie se dziwować Yno niy poszczyleć - dyć po co wojować? Wandrusom Wandrusom tyn zamek podobo sie zowdy Choć w świyntości Jorga ponoć mało prowdy. Odpowiedz Link
broneknotgeld Re: Lizbona 06.05.05, 08:19 "Se" Romański portal z dwiyma wieżami Gryfno katedra - wiycie to sami Wpiyrw muezzina było tu słychać Dyć Maury downo przestali dychać. W XIV wieku Tymu co romańske gotyku dodali Bo wtedy absyda tu dobudowali Terozki w katedrze dwa mustry już widać Wystykło na szczyńście - rym ło tym trza by dać. Katedra 1755 Tyn rok zdo sie jakby dlo Lizbony erom Na jego wspomniynie dreszcze dzisioj bierom Skiż trzyńsiynio ziymi kipniynto stolica Toż i ta katedra mo szczaskane lica Szczyńściym że jom z czasym tu łodbudowali Do downy świytności jednakoż niy dali. Odpowiedz Link
broneknotgeld Fatima 27.04.05, 18:28 Fatima 1917 Nojgorszy rok to był piyrszy wojny W Fatimie czas sie zaczimoł Choć region biydny dyć był spokojny Możno Ponboczek tu drzymoł Cosik we maju jednak sie stało Ze wiary zowdy jest siyła Światło dzieciokom se ukozało Bolesno Matka w niym była Przez piyńć miesiyncy - durś czinostego W to samo miejsce wrocała Znak taki łaski wielki łod Niego Tu Matka Bosko być chciała Ło Rodzicielko Wielko w Boleści Miyj już w opiece nos zowdy A tych co ciyrpiom chciyj łaskom pieścić Ze wiarom lżyj im - naprowdy. Odpowiedz Link
broneknotgeld Porto 27.04.05, 18:29 Porto Duero tukej kończy swoj bieg Dyć bardzi winym nyńci tyn brzeg. Odpowiedz Link
broneknotgeld Re: Porto 02.09.23, 14:29 www.facebook.com/groups/332939560673928/posts/1289715964996278/ Odpowiedz Link
